Дезрадин

• русский
• қазақша

• Скачать инструкцию медикамента

Саудалық атауы

Дезрадин

Халықаралық патенттелмеген атауы

Дезлоратадин

Дәрілік түрі

Үлбірлі қабықпен қапталған 5 мг таблеткалар

Құрамы

Бір таблетканың құрамында

белсенді зат – дезлоратадин 5 мг,

қосымша заттар: микрокристалды целлюлоза, гидроксипропилметилцеллюлоза, хлор сутегі қышқылы, натрий гидроксиді, кептірілген жүгері крахмалы, лактоза моногидраты, тальк

үлбір қабығы: Opadry II Blue (лактоза моногидраты, гипромеллоза, титанның қостотығы (Е171), макрогол 400, индигокармин (Е132), Opadry Clear (гипромеллоза, макрогол 400)

Сипаттамасы

Дөңгелек пішінді, көгілдір түсті үлбір қабықпен қапталған, шеті қиғаш таблеткалар.

Фармакотерапиялық тобы

Жүйелік әсер ететін антигистаминдік препараттар. Басқа да жүйелік әсер ететін антигистаминдік препараттар. Дезлоратадин

АТХ коды R06AX27

Фармакологиялық қасиеттері

Фармакокинетикасы

Дезлоратадин қабылдағаннан кейін 30 минуттан соң қан плазмасында анықталады. Дезлоратадин плазмадағы ең жоғары концентрациясына орташа алғанда 3 сағаттан кейін жетеді, жартылай шығарылу кезеңі орташа алғанда 27 сағатты құрайды. Дезлоратадиннің жинақталу дәрежесі оның жартылай шығарылу кезеңіне (27 сағатқа жуық) және қолдану жиілігіне (тәулігіне бір рет) сай келеді. Дезлоратадиннің биожетімділігі 5 мг-дан 20 мг дейінгі диапазондағы дозада пропорционалды.

Дезлоратадин метаболизмінің негізгі жолы – глюкуронидпен қосылыстағы 3-ОН-дезлоратадин түзілумен 3 қалыпта гидроксилдену. Гематоэнцефалдық бөгет арқылы өтпейді. Дезлоратадин плазма ақуыздарымен орташа (83% – 87%) байланысады. Дезлоратадинді 5 мг-дан 20 мг дейінгі дозада 14 күн бойы тәулігіне бір рет қолданғанда препараттың клиникалық елеулі жинақталу белгілері анықталмады.

Тамақ немесе грейпфрут шырынын ішу дезлоратадин таралуына әсер етпейді.

Дезлоратадин ағзадан глюкуронидты қосылыстар түрінде шығарылады. Дозаның аздаған бөлігі нәжіспен және несеппен өзгермеген түрде шығарылады.

Фармакодинамикасы

Дезрадин шеткергі гистаминді Н1-рецепторлардың селективті блокаторы болып табылады.

Дезрадин лоратадиннің негізгі белсенді метаболиті болып табылады. Дезлоратадин мен лоратадин уыттылығында сапалық немесе сандық айырмашылық анықталмаған. Дезрадин ішу арқылы қабылдаудан кейін шеткергі Н1-гистаминдік рецепторларды іріктеп бөгейді. Дезрадиннің антигистаминдік белсенділігінен басқа аллергияға және қабынуға қарсы әсері бар. Дезрадиннің аллергиялық қабынулар дамуына негіз болатын әртүрлі реакцияларды, атап айтқанда мыналарды:

- қабынуға қарсы цитокиндер бөлінуін

• қабынуға қарсы хемокиндер бөлінуін

• полиморфты ядролық нейтрофильдермен белсенділендірілген супероксидті анион өнімін

• эозинофилдердің адгезиясын және хемотаксисін

• адгезивті молекулалар экспрессиясын

• гистаминнің, простагландиннің және лейкотриеннің тәуелді бөлінуін

- жедел аллергиялық бронх түйілуін бәсеңсітетіні анықталған.

Дезрадин гематоэнцефалдық бөгет арқылы өтпейді, тыныштандыратын әсер бермейді, ұйқышылдық туындатпайды, психомоторлық функцияға әсер етпейді.

Қолданылуы

- поллинозда, аллергиялық ринитте (түшкіру, мұрыннан бөлінділер болу, қышыну, ісіну және мұрын бітелуі, сондай-ақ көздің қышынуы, көзден жас ағу және қызаруы, таңдай аумағы қышынуы және жөтелде)

- есекжемде (тері қышынуы, бөртпе симптомдарын жоюда)

Қолдану тәсілі және дозалары

Ересектер

Күніне бір рет бір таблеткадан (5 мг), дұрысы тамақ ішуге байланыссыз тәуліктің үнемі белгілі бір уақытында қабылдау керек. Таблеткаларды шайнамай тұтас жұтып, сумен ішу керек.

Препаратты қабылдау ұзақтығы ауру динамикасын ескере отырып, дәрігермен анықталады.

Жағымсыз әсерлері

- елестеулер

- бас айналуы, ұйқышылдық, ұйқысыздық, психомоторлық өте жоғары белсенділік, құрысулар, жоғары қажығыштық

- тахикардия, жүрек қағуы

- іштің ауыруы, жүрек айнуы, құсу, диспепсия, диарея, ауыз құрғауы

- бауыр ферменттері деңгейінің жоғарылауы, билирубин деңгейінің жоғарылауы, гепатит

- бұлшықеттердің ауыруы

- аллергиялық реакциялар (анафилаксия, Квинке ісінуі, ентігу, қышыну, бөртпе және есекжем сияқты)

Қолдануға болмайтын жағдайлар

- белсенді заттарға, белсенді заттардың кез келгеніне немесе лоратадинге жоғары сезімталдық

- жүктілік және лактация кезеңі

- 18 жасқа дейінгі балалар

- тұқым қуалайтын фруктозаның жақпаушылығы, Lapp-лактаза ферменті тапшылығы, глюкоза-галактоза мальабсорбциясы

Дәрілермен өзара әрекеттесуі

Дезлоратадин метаболизміне жауап беретін фермент анықталмаған және тиісінше басқа дәрілік заттармен кейбір өзара әрекеттесулерді толық жоққа шығару мүмкін емес. Дезлоратадиннің CYP3A4 немесе CYP2D6 бәсеңсітпейтіні дәлелденген және Р-гликопротеидтің субстраты да, тежегіші де емес.

Дезрадинді эритромицинмен немесе кетоконазолмен бір уақытта қолданғанда ешбір клиникалық елеулі өзара әрекеттесулері байқалмаған.

Дезрадинді алкогольмен бір уақытта қолданғанда алкогольдің әсері күшеюі немесе алкогольден туындаған бұзылулар немесе ұйқышылдық жиілеуі күшеюі байқалмаған.

Айрықша нұсқаулар

Ауыр бүйрек жеткіліксіздігі жағдайында, Дезрадинді сақтықпен қолдану керек.

Дезрадин құрамында лактоза бар. Сирек тұқым қуалайтын галактоза жақпаушылығы, Лапп лактаза тапшылығы немесе глюкоза-галактоза мальабсорбциясы синдромы бар емделушілерге бұл препаратты қабылдауға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автокөлікті басқару немесе механизмдермен жұмыс жасау қабілетіне әсер етуі мүмкін ұйқышылдық дамуына байланысты сақ болу керек.

Артық дозалануы

Симптомдары: жағымсыз әсерлердің пайда болуы.

Емі: алғашқы 2 сағатта – асқазанды шаю, адсорбенттер қабылдау, қажет болғанда – симптоматикалық және демеуші ем. Дезрадин гемодиализ жолымен жойылмайды, оның перитонеальді диализде шығарылу мүмкіндігі анықталмаған.

Шығарылу түрі және қаптамасы

7 немесе 10 таблеткадан полиамид/алюминий/ поливинилхлорид үлбірінен (OPA/AL/PVC) және алюминий фольгадан жасалған пішінді ұяшықты қаптамаға салынған.

1 (7 таблеткадан немесе 10 таблеткадан) немесе 2, 3, 5 немесе 9 (10 таблеткадан) пішінді ұяшықты қаптамадан қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Түпнұсқалық қаптамасында 300С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

КРКА, д.д. Ново место, Словения

Шмарьешка 6, 8501 Ново место, Словения

Тіркеу куәлігінің иесі

КРКА, д.д., Ново Место, Словения

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«КРКА Қазақстан» ЖШС, ҚР, 050059, Алматы қ., Әл-Фараби даңғылы, 19,

1 б корпусы, 2-ші қабат

тел.: +7 (727) 311 08 09

факс: +7 (727) 311 08 12

info.kz@krka.biz