Валдис

Валдис

Софосбувир

Дәрілік түрі, дозасы

Үлбірлі қабықпен қапталған 400 мг таблеткалар

Жүйелі қолдануға арналған инфекцияға қарсы препараттар. Жүйелі қолдануға арналған вирусқа қарсы препараттар. Тікелей әсер ететін вирусқа қарсы препараттар. С гепатитін емдеуге арналған вирусқа қарсы препараттар. Софосбувир.

АТХ коды J05AР08

Валдис басқа дәрілік заттармен бірге ересектерде созылмалы С гепатитін (ССГ) емдеуге қолданылады.

Белсенділік үлесі генотипі С гепатиті вирусын (СГВ) емдеу үшін.

Қолдануды бастағанға дейін қажетті мәліметтер тізбесі

• софосбувирге немесе препараттың кез келген басқа компонентіне жоғары сезімталдық

• емделу кезеңінде контрацепцияны сақтамау

• жүктілік және лактация кезеңі

• 18 жасқа дейінгі балалар мен жасөспірімдер (пациенттердің осы тобындағы тиімділігі мен қауіпсіздігі анықталған жоқ)

• бүйректің ауырлығы ауыр дәрежедегі жеткіліксіздігі (КК<30 мл/мин) немесе бүйрек жеткіліксіздігінің терминальді сатысы, гемодиализ жүргізу қажет болғанда (софосбувирдің негізгі метаболиті концентрациясының жоғары (20 есеге дейін) болуына байланысты, пациенттердің осы санатында қауіпсіздігі анықталған жоқ)

• С және В гепатиті вирустарын қатар жұқтыру (софосбувирді пациенттердің осы санатында қолдану жөнінде, сондай-ақ вирустарға қарсы тікелей әсер ететін препараттармен емдеуден кейін СВГ реактивациясы жөніндегі мәлімдемелермен байланысты жеткілікті деректер жоқ)

• декомпенсацияланған бауыр циррозы (пациенттердің осы санатында тиімділігі және қауіпсіздігі анықталған жоқ)

• Р-гликопротеиннің күшті индукторларын (рифампицин, рифабутин, шілтер жапырақты шайқурай (Hypericum perforatum), карбамазепин, фенитоин, фенобарбитал, окскарбазепин) қабылдап жүрген пациенттерде

• тұқым қуалайтын фруктоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы.

Қолдану кезінде қажетті сақтық шаралары

• амиодаронмен қатар ем қабылдау аясында софосбувир мен даклатасвирдің біріктірілімін қабылдап жүрген пациенттерде (пациенттерге брадикардия симптомдары және жүрек блокадасы жөнінде, осындай симптомдар пайда болған жағдайда шұғыл медициналық жәрдем алуға дереу кірісу жөнінде алдын ала ескертілуі тиіс)

• бұрын вирустарға қарсы ем қабылдаған, 1, 4, 5, 6 генотиптері бар пациенттерде, әсіресе интерферонмен емдеуге жауабы төмен деңгейі анықталған бір немесе бірнеше факторлар болғанда (айқын фиброз/бауыр циррозы, бастапқы жоғары вирустық жүктеме, қара нәсіл СС генотипі IL28B емес болуы)

• С гепатитін емдеу үшін вирустарға қарсы басқа да препараттар (мысалы, телапревир немесе боцепривир) бір мезгілде қабылдап жүрген пациенттерде.

Басқа дәрілік препараттармен өзара әрекеттесуі

Софосбувир Р-гликопротеиннің және сүт безі обыры резистенттілігінің ақуызын (BCRP) тасымалдайтын субстрат болып табылады, ал сол кезде оның (GS-331007) белсенді емес метаболиті мұндай емес. Дәрілік препараттар, Р-гликопротеиннің күшті индукторлары (мысалы, рифампицин, шілтер жапырақты шайқурай, карбамазепин және фенитоин) ішекте софосбувирдің плазмалық концентрациясын төмендетіп, Валдис препаратының емдік әсерінің төмендеуіне әкелуі мүмкін, сондықтан оларды Валдис препаратымен бір мезгілде қолданбаған жөн.

Валдис препаратын Р-гликопротеиндерді және/немесе BCRP тежейтін дәрілік препараттармен бірге қолдану (GS-33I007) белсенді емес метаболиттің концентрациясын арттырмай, плазмадағы софосбувирдің концентрациясын арттыруы мүмкін. Осылайша, Валдис препаратын Р-гликопротеин және/немесе BCRP тежегіштерімен бір мезгілде қолдануға болады.

Софосбувир және (GS-331007) белсенді емес метаболиті Р-гликопротеиннің және BCRP тежегіштері болып табылмайды, сондықтан осы тасымалдаушылардың субстраттары болып табылатын дәрілік препараттардың экспозициясы жоғарылайды деп болжам жасалмайды.

Софосбувирдің жасушаішілік метоболизмінің белсенділенуі аффинділігі төмен және белсенділігі жоғары гидролаза арқылы, сондай-ақ нуклеотидтік фосфорлану жолымен жүреді, оған басқа дәрілік препараттарды бірге қолдану іс жүзінде ықпалын тигізбейді.

Басқа да өзара әрекеттесулер

4-кесте: Валдис препаратының біріктіріліп қолданылуы мүмкін дәрілік заттармен дәрілік өзара әрекеттесулері

Арнайы ескертулер

Валдис препаратын монотерапия түрінде қолдану ұсынылмайды, ол созылмалы С гепатитін емдеуге арналған басқа препараттармен біріктіріп тағайындалуы тиіс. Валдис препаратымен біріктіріп тағайындалған басқа дәрілік препараттарды қабылдауды тоқтатқан кезде Валдис препаратын қабылдауды да тоқтатқан жөн.

Валдис препаратын қолдануды бастар алдында бірге тағайындалатын дәрілік препараттардың медициналық қолдану жөніндегі нұсқаулығын мұқият оқып шығу керек.

Ауыр брадикардия және жүрек блокадасы

Даклатасвирді, симепревирді, ледипасвирді және амиодаронмен қатар жүретін немесе онсыз, жүректің жиырылу жиілігін төмендететін басқа препараттарды қоса, басқа ТӘВҚП-мен софосбувирді бірге қолданған кезде ауыр брадикардия және жүрек блокадасы жағдайлары байқалды.Әсер ету механизмі түбегейлі зерттелмеген. Мұндай жағдайлар өмірге зор қауіп төндіреді, сондықтан амиодаронды Валдис препаратымен немесе басқа ТӘВҚП-мен жақпаушылықта немесе аритмияға қарсы баламалы емге қарсы көрсетілімдер болғанда ғана бірге қолдануға болады. Сондай-ақ бета-блокаторларды қабылдайтын пациенттер, немесе қатарлас жүрек аурулары және/немесе бауырдың үдемелі аурулары бар адамдар амиодаронмен бірге емдеген кезде симптоматикалық брадикардияның жоғары қаупіне ұшырауы мүмкін.

Амиодаронды қатарлас қолдану қажет болатын жағдайларда, Валдис препаратын және басқа ТӘВҚП қолдану кезінде пациенттерді мұқият қадағалау ұсынылады. Брадиаритмияның даму қаупі жоғары пациенттерді тиісті клиникалық жағдайларда 48 сағат бойы үздіксіз бақылаған жөн.

Амиодаронның жартылай шығарылу кезеңі ұзақ болуына байланысты, амиодарон қабылдауды соңғы бірнеше айда тоқтатып, Валдис препаратын басқа ТӘВҚП-мен біріктіріп қолдануды бастағандарды тиісті бақылауға алу қажет.

Амиодаронмен бірге софосбувир және Валдис немесе басқа ТӘВҚП препараттарының біріктірілімін қабылдайтын барлық пациенттерге брадикардия және жүрек блокадасы симптомдары туралы және осындай симптомдар білінген жағдайда шұғыл медициналық жәрдемге жүгіну қажеттілігі жөнінде ескертілуі тиіс.

1, 4, 5 және 6 генотипті СГВ-инфекциялары бар пациенттерді емдеу тәжірибесі

Валдис препараты зерттеудің 3 фазасында 1, 4, 5 және 6 генотипті СГВ-инфекциялары бар пациенттерді емдеуде зерттелген жоқ. Осылайша, тұрғындардың осы тобында оңтайлы емдеу ұзақтығы анықталмаған.

Осы пациенттерді емдеу туралы мәселені қарастыру, бәлкім, софосбувирмен, альфа пегинтерферонмен және рибавиринмен емдеу ұзақтығын 12 аптаға дейін және 24 аптаға дейін ұзарту керектігін; әсіресе интерферон негізіндегі емге төменірек реакция көрсеткіштерімен тарихи байланысты бір немесе бірнеше факторлары (айқын фиброз/цирроз, бастапқы жоғары вирустық концентрациялар, қара нәсілді, CC емес IL28B генотипі) бар қосалқы топтар үшін қажет болуы мүмкін.

5 немесе 6 генотипті СГВ-инфекциялары бар науқастарды емдеу

Деректер шектеулі.

1. 4. 5 және 6 генотипті СГВ бар пациенттерді интерферонсыз емдеу

Емдеудің оңтайлы режимі және ұзақтығы анықталмаған. Ондай ем интерферонмен емдеу жақпайтын немесе ол жарамайтын әрі шұғыл емдеуді қажет ететін пациенттерде ғана пайдаланылуы тиіс.

СГВ қарсы тікелей әсер ететін басқа вирусқа қарсы препараттармен бірге қолдану

Егер күтілетін пайдасы қауіптерінен асатын болса ғана, Валдисті басқа ТӘВҚП-мен бірге қолдану керек.

Валдис препаратын телапревирмен немесе боцепревирмен бірге қолдану туралы деректер жоқ, сондықтан бірге қолдану ұсынылмайды.

P-gp орташа индукторларымен қолдану

Ішектегі P-gp орташа индукторлары болып табылатын дәрілік заттар (мысалы, окскарбазепин және модафинил) қан плазмасында софосбувир концентрациясын төмендетуі мүмкін, бұл препараттың емдік әсерінің төмендеуіне әкеледі. Бір мезгілде қолдану ұсынылмайды.

Бүйрек жеткіліксіздігі

Валдис препаратының бүйректің ауыр жеткіліксіздігі бар (есептелген шумақтық сүзілу жылдамдығы [eGFR] <30 мл/мин 1.73 м2) немесе бүйрек жеткіліксіздігінің терминальді сатысындағы, гемодиализ жүргізуді қажет ететін пациенттер үшін қауіпсіздігі зерттелген жоқ. Бұдан басқа, тиісті дозалары белгіленбеген.

СГВ/ВГВ (В гепатиті вирусы) ко-инфекциясы

Тікелей әсер ететін вирусқа қарсы препараттармен емдеу кезінде немесе емдеуден кейін ВГВ реактивация жағдайлары туралы хабарланды, олардың кейбіреулері өлімге әкеп соқтырды. Емдеуді бастар алдында барлық пациенттерде ВГВ скрининг жүргізу қажет. СГВ/ВГВ ко-инфекциясы бар пациенттер ВГВ реактивация қаупіне ұшырайды, сондықтан ағымдағы клиникалық ұсынымдарға сәйкес бақылау жүргізу қажет.

Бала тууға қабілетті жастағы әйелдер/ерлер мен әйелдердегі контрацепция

Емдеу курсынан өту кезеңінде, Валдис препаратын рибавиринмен немесе пэгинтерферон альфа/рибавиринмен біріктіріп қолданғанда бала тууға қабілетті жастағы әйелдерде және ерлерде контрацепцияның тиімді дәрілерін қолдану қажет.

Жүктілік және лактация кезеңі

Жүктілік кезінде препаратты қолдану ұсынылмайды.

Софосбувир және оның метаболиттерінің ана сүті арқылы бөлінуі белгісіз. Жаңа туған балалар үшін қауіптің туындауын жоққа шығаруға болмайды. Осылайша, Валдис препаратын бала емізу кезеңінде қолдану ұсынылмайды.

Фертильділік

Фертильділікке әсері туралы деректер жоқ.

Балалар

Балаларға және 18 жасқа дейінгі жасөспірімдерге қолдану ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Валдис көлік құралдарын басқару және қауіптілігі зор механизмдермен жұмыс істеу қабілетіне елеусіз ықпалын тигізеді. Альфа пегинтерферонмен және рибавиринмен біріктірілген софосбувирмен емдеу кезінде әлсіздіктің және зейін бұзылуларының туындауының, бас ауыруның және анық көрмеудің сирек жағдайлары бар.

Қолдану жөніндегі нұсқаулар

Дозалау режимі

Тамақтану кезінде немесе тамақтанғаннан кейін тәулігіне бір рет Валдис 400 мг 1 таблеткасын ішке қабылдау керек. Таблетканы сумен ішіп, тұтастай жұту қажет. Таблетканы шайнауға немесе сындыруға болмайды, ащы дәмі бар.

Валдис препараты басқа дәрілік препараттармен біріктіріп қолданылуы тиіс.

Препаратпен монотерапия ұсынылмайды. Валдис препаратымен бірге қолдануға ұсынылатын дәрілік препараттар және біріктірілген емнің ұзақтығы 1-берілген.

1-кесте. Валдис препаратымен бірге қолдану үшін ұсынылатын дәрілік препараттар, және біріктірілген емнің ұзақтығы

*Адам иммун тапшылығы вирусы (АИТВ) инфекциясын қатарлас жұқтырған пациенттерді қоса.

a.   Бұрын ем қабылдаған, 1 генотипті созылмалы С гепатиті бар пациенттер үшін  Валдис препаратымен, рибавиринмен және альфа пэгинтерферонмен біріктірілген ем жөнінде деректер жоқ

b.  Емдеуді 12 аптадан көбірекке және 24 аптаға дейін ықтимал ұзартуды ескерген жөн; әсіресе интерферонмен емдеуге жауаптың өте төмен деңгейімен байланысты бір немесе көбірек факторлар бар пациенттердің қосымша топтары үшін (мысалы, айқын фиброз/ бауыр циррозы, бастапқы жоғары вирустық жүктеме, қара нәсіл, СС емес IL28Б генотип болуы, бұдан бұрын альфа пэгинтерферонмен және рибавиринмен емдеуге жауап нөл болуы).

c.   Төменде «Пациенттердің арнайы топтары» бөлімін, «Бауыр трансплантациясын күтіп жүрген пациенттер» қосымша тармақты қараңыз.

Валдис препаратымен біріктіріп қолданған кездегі рибавириннің дозасын пациенттің дене салмағынан (<75 кг = 1000 мг және >75 кг = 1200 мг) шығарып есептейді, және тамақтану кезінде ішке екі рет қабылдайды.

Дозаны түзету

Валдис препаратының дозасын төмендету ұсынылмайды.

Егер софосбувир альфа пэгинтерферонмен біріктіріп қолданылса, және пациентте альфа интерферонмен потенциалды байланысты күрделі жағымсыз реакция дамыса, онда соңғысының дозасын азайтқан немесе оны қабылдауды тоқтатқан жөн.

Егер пациентте рибавиринмен потенциалды түрде байланысты күрделі жағымсыз реакция дамыса, онда рибавириннің дозасын азайтқан немесе, егер мүмкін болса, жағымсыз реакция жоғалғанша немесе оның ауырлығы азайғанша, оны қолдануды тоқтатқан жөн. 2-кестеде рибавириннің дозасын өзгерту және, гемоглобиннің концентрациясын және жүрек-қантамыр жүйесінің жағдайын ескеріп, оны тоқтату жөнінде нұсқаулар берілген.

2-кесте: Софосбувирмен бірге қолданғанда рибавириннің дозасын өзгерту жөніндегі нұсқаулар.

Рибавирин қабылдауды тоқтатқаннан кейін зертханалық көрсеткіштердің қалыптан ауытқулары немесе клиникалық симптомдардың даму салдарынан, рибавиринмен емдеуді тәулігіне 600 мг дозада қайта жаңғыртуды байқап көруге, ал әрі қарай дозаны тәулігіне 800 мг-ге дейін арттыруға болады. Алайда рибавириннің дозасын бастапқы дозаға дейін (тәулігіне 1000 мг - 1200 мг) арттыру ұсынылмайды.

Препарат қабылдауды тоқтату

Егер Валдис препаратымен біріктіріп тағайындалған басқа дәрілік препараттарды қолдану тоқтатылса, онда Валдис препаратымен емдеуді де тоқтатқан жөн.

Пациенттердің арнайы топтары

Егде жастағы пациенттер

Егде жастағы пациенттерде тағайындалған дозаны өзгерту қажет емес.

Бүйрек жеткіліксіздігі бар пациенттер

Бүйректің ауырлығы жеңіл және орташа дәрежедегі жеткіліксіздігі бар пациенттерде Валдис препаратының дозасын түзету қажет емес. Бүйректің ауыр жеткіліксіздігі бар (есептелген шумақтық сүзілу жылдамдығы [eGFR] <30 мл/мин 1.73 м2) немесе созылмалы бүйрек жеткіліксіздігінің терминальді сатысындағы (ТСБЖ), гемодиализді қажет ететін науқастарда Валдис препаратының қауіпсіздігіне және тиісті дозаларына баға берілген жоқ.

Бауыр жеткіліксіздігі

Бауыр функциясының ауырлығы жеңіл, орташа немесе ауыр дәрежедегі (Чайлд-Туркот-Пью шкаласы бойынша А, В немесе С класы) жеткіліксіздігі бар пациенттерде Валдис препаратының тағайындалған дозасын түзету қажет емес.

Компенсацияланған және декомпенсацияланған бауыр циррозы бар пациенттер

Декомпенсацияланған бауыр циррозы бар пациенттерде Валдис препаратының қауіпсіздігі және тиімділігі анықталған жоқ.

Бауыр трансплантациясын күтіп жүрген пациенттер

Бауыр трансплантациясын күтіп жүрген пациенттерде препаратты қолдану ұзақтығын анықтағанда нақты пациент үшін пайда-қаупі арақатынасына берілген бағаны басшылыққа алу қажет.

Бауыр реципиенттері

Бауыр реципиенттері үшін Валдис препаратын рибавиринмен бірге 24 апта бойы қабылдау ұсынылады. 400 мг дозадағы рибавиринді тамақ ішкен кезде екі бөлінген дозада ішу арқылы қабылдауды бастаған жөн. Препараттың жағымдылығы жеткілікті болса, дозаны күніне 1000-1200 мг (1000 мг салмағы <75 кг пациенттер үшін және 1200 мг салмағы ≥75 кг пациенттер үшін) ең жоғарғысына дейін титрлеуге болады. Препараттың жағымдылығы бастапқы дозада жеткіліксіз болса, оны гемоглобин деңгейіне қарай клиникалық көрсетілімдер бойынша азайту қажет.

Артық дозаланған жағдайда қабылдануға тиісті шаралар

Валдис препараты үшін спецификалық антидоты жоқ. Артық дозаланған жағдайда уыттылық белгілерін дер кезінде анықтау үшін пациентті бақылауға алу қажет. Валдис артық дозаланғанда емдеу жалпы демеуші шараларды, соның ішінде организмнің өмірлік маңызды функциясы көрсеткіштеріне және пациенттің клиникалық жағдайына мониторинг жүргізуді қамтиды. Гемодиализ (клиренс 53%) қаннан негізгі (GS-331007) белсенді емес метаболитті тиімді түрде шығаруы мүмкін.

ДП стандартты қолдану кезінде көрініс беретін жағымсыз реакциялар сипаттамасы, және ондай жағдайларда қолданылатын шаралар (қажет болған жағдайда)

Софосбувир мен рибавиринді, немесе софосбувир, рибавирин және альфа пэгинтерферонды қабылдаған пациенттерде өте жиі жағымсыз реакциялар қажығыштық, бас ауыру, жүректің айнуы және ұйқысыздық болды.

Софосбувирді рибавиринмен біріктіріп қолданғанда анықталған жағымсыз реакциялар

Өте жиі:

- гемоглобин концентрациясының төмендеуі

- ұйқысыздық

- бас ауыруы

- жүрек айну

- қанда билирубин концентрациясының жоғарылауы

- қажығыштық, ашушаңдық

Жиі:

- назофарингит

- анемия

- депрессия

- зейін нашарлауы

- ентігу, дене жүктемесі кезінде ентігу, жөтел

- іште жайсыздық, іш қату, диспепсия

- алопеция, терінің құрғауы, қышыну

- артралгия, арқаның ауыруы, бұлшықет түйілуі, миалгия

- гипертермия, астения

Софосбувирді альфа пегинтерферонмен/рибавиринмен біріктіріп қолданғанда анықталған жағымсыз реакциялар

Өте жиі:

- анемия, нейтропения, лимфоциттер санының төмендеуі, тромбоциттер санының төмендеуі

- тәбеттің төмендеуі

- ұйқысыздық

- бас айналу, бас ауыру

- ентігу, жөтел

- диарея, жүректің айнуы, құсу

- қанда билирубин концентрациясының жоғарылауы

- бөртпе, қышыну

- артралгия, миалгия

- қалтырау, шаршау, тұмауға ұқсас жағдай, ашушаңдық, ауыру, қызба

Жиі:

- дене салмағының төмендеуі

- депрессия, мазасыздық, қозу

- бас сақинасы, жадының нашарлауы, зейін нашарлауы

- көздің анық көрмеуі

- дене жүктемесін кезінде ентігу

- іш қату, ауыздың кеберсуі, гастроэзофагеальді рефлюкс

- алопеция, терінің құрғауы

- арқаның ауыруы, бұлшықет түйілуі

- кеуденің ауыруы, астения

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік құралдар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат - 400 мг софосбувир,

қосымша заттар: микрокристалды целлюлоза (Авицел рН102), лактоза моногидраты, повидон (ПВП-К), магний стеараты, натрий крахмалы гликоляты (Приможел), 2-пропанол.

үлбірлі қабық: метоцил Е-5, 2-пропанол, тальк, ПЭГ-6000 (макрогол-6000), титанның қостотығы (Е171), магний стеараты.

Сыртқы түрінің сипаттамасы

Сопақша пішінді, екі жағы дөңес, ақ түсті үлбірлі қабықпен қапталған, бір жағында нақыштап жазылған «SHROOQ» жазуы бар таблеткалар.

Шығарылу түрі және қаптамасы

ПВХ банкіде 28 таблеткадан.

Бір банкіден медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

2 жыл

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәлімет

«ШРУК ФАРМАСЬЮТЕКАЛС (Пвт.) Лтд.», 21 км, Фероз пур к-сі, Лахор-Пәкістан

Тел.: 35274026-8

Факс: 35274029

эл.мекенжайы:info@shrooqpharma.com

«ИС Групп Фарма» ЖШС, Өтеген Батыр к-сі 15, Алматы қ., Қазақстан.

Тел.: 8 (727) 2979812

Факс: 8 (727) 2641834

эл. мекенжайы: is.reports@bk.ru

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ИС Групп Фарма» ЖШС, Өтеген Батыр к-сі 15, Алматы қ., Қазақстан.

Тел: 8(727) 2979812, 8 (727) 2641834

Ұялы тел.: +7 701 082 5357, +7 775 556 4125

эл. мекенжайы: phv.isgroup.kz@bk.ru