БиКНУ®

БиКНУ®

Инфузия үшін ерітінді дайындауға арналған лиофилизат (100 мг) еріткішпен жиынтықта (этанол 3 мл)

1 құты препараттың құрамында

белсенді зат: 100 мг кармустин

1 құты еріткіштің құрамында

белсенді зат: 3,0 мл этанол

Ақшыл-сары түсті ұсақ жеңіл үлпектер немесе лиофилизацияланған масса

Еріткіш: мөлдір түссіз, ұшпалы сұйықтық.

Қалпына келтірілген ерітінді: көзге көрінетін механикалық қоспалардан бос мөлдір түссіз немесе ашық-сары ерітінді.

Ісікке қарсы препараттар. Нитрозомочевина туындылары. Кармустин.

АТХ коды L01AD01

Венаішілік инфузиясынан кейін шамамен 1 сағат ішінде, кармустиннің плазмадағы концентрациялары екі фазада төмендей бастайды.

Вена ішіне енгізілген кармустин мөлшерінің жылдам төмендегені байқалады – 15 минуттан соң өзгеріссіз күйдегі препарат анықталмайды.

Альфа-жартылай шығарылу кезеңі 1-4 минутты құрайды, ал бета-жартылай шығарылу кезеңі – 18-69 минутты құрайды.

Кармустиннің антинеопластикалық және уытты қасиеттеріне оның метаболиттері түрткі болады деп шамаланады.

Кармустиннің 60-70 %-ы организмнен 96 сағат ішінде несеппен метаболиттері түрінде шығарылады. Бүйрек функциясы шектеулі болған жағдайда, препараттың дозасын шумақтық сүзіліс жылдамдығына байланысты төмендету қажет.

Шамамаен 10 %-ы тыныс алғанда CO2-мен бірге шығарылады, және 20-30 % құрайтын қалған мөлшері туралы мәліметтер жоқ.

Липидтердегі ерігіштігінің жоғарылығы және физиологиялық рН мәндері кезінде салыстырмалы түрде иондалуының жеткіліксіздігі салдарынан, кармустин гематоэнцефалдық бөгет арқылы айтарлықтай тиімді өтеді.

Фармакодинамикасы

БиКНУ (кармустин) ісікке қарсы препарат, нитрозомочевина туындысы болып табылады. Кармустин ДНҚ мен РНҚ алкилдеуге, ақуыздардағы аминқышқылдарды карбамоилдеудің есебінен негізгі ферменттік үдерістердің бірқатарын бәсеңдетуге қабілетті деп шамаланады. Басқа алкилдегіш препараттарға қатысты айқаспалы төзімділігі жоқ. Басқа нитрозомочевина препараттарымен жағдайдағы сияқты, ол ақуыздардағы аминқышқылдарды карбамоилдеудің есебінен, негізгі ферменттік үдерістің бірнешеуін де тежеуі мүмкін.

Пациенттердің ерекше популяциялары:

Балаларда қолданылуы:

Препараттың балалардағы қауіпсіздігі мен тиімділігі анықталмаған. Балалық және жасөспірімдік (1-16 жас) кезеңде БиКНУ препаратын қабылдаған пациенттердегі ұзақ мерзімді зерттеу барысында – өкпе фиброзының баяу – емдеуден кейін 17 жылға дейінгі аралықта басталғаны турады хабарланған. Сондықтан, өкпе үшін уыттылық қаупінің аса жоғарылығы салдарынан, БиКНУ препаратымен емдеудің қауіптері мен пайдасын мұқият ескеру қажет.

Егде жастағы адамдарда қолданылуы:

65 жас шамасындағы және одан үлкен пациенттерде жастау пациенттермен салыстырғанда, емге білінген реакциясында айырмашылықтардың бар-жоқтығын анықтау үшін, оларда БиКНУ препаратының қолданылуын клиникалық зерттеулердің мәліметтері жоқ. Басқа дерекөздерден алынған клиникалық тәжірибеге сәйкес, егде жастағы пациенттер мен жастау пациенттер арасында емге білінген реакциясында өзгешеліктер анықталған жоқ. Жалпы алғанда, егде жастағы пациенттер үшін дозасын сақтықпен, әдетте, дозалары ауқымының төменгі мәнінен бастай отырып таңдау қажет, өйткені пациенттердің бұл тобында бауыр, бүйрек немесе жүрек функцияларының төмендеу жиілігінің жоғарырақ екендігі, сонымен қатар бір мезгілде басқа аурулары болуы мүмкін немесе бір мезгілде дәрі-дәрмектік емнің басқа түрлерін қолданып жүруі мүмкін екендігі байқалады.

Белгілі болғанындай, БиКНУ мен оның метаболиттері организмнен, негізінен, бүйрек арқылы шығарылады, және бұл препаратқа уытты реакциялардың пайда болуы қаупі бүйрек функциясының бұзылулары бар пациенттерде жоғарырақ болуы мүмкін. Егде жастағы пациенттерде бүйрек функциясы төмендеуінің болуы ықтималдығы жоғарырақ болғандықтан, дозасын сақ болып таңдау қажет, сондай-ақ, бүйрек функциясына мониторинг жүргізу керек.

БиКНУ келесі жағдайларда монотерапия түрінде немесе қолдануға рұқсат етілген басқа химиотерапиялық препараттармен біріктіріліп тағайындалған емнің құрамындағы паллиативті ем үшін ұсынылған:

• Ми ісіктерінде – глиобластомада, ми діңінің глиомасында, медуллобластомада, астроцитомада, эпендимома және мидың метастазданған ісіктерінде.

• Көптүрлі миеломада – преднизонмен біріктіріп.

• Ходжкин ауруында – қайталанулары бар, бастапқы ем жүргізіліп жатқан, немесе бастапқа емге реакция болмаған пациенттерде қолдануға рұқсат етілген басқа препараттармен біріктіріп, екінші реттік ем түрінде.

• Ходжкиндік емес лимфомаларда – қайталанулары бар, бастапқы ем жүргізіліп жатқан, немесе бастапқа емге реакция болмаған пациенттерде қолдануға рұқсат етілген басқа препараттармен біріктіріп, екінші реттік ем түрінде.

БиКНУ препаратын обырды емдеуге арналған химиотерапиялық дәрілерді қолдануда тәжірибесі бар білікті дәрігер-мамандар тағайындауы тиіс.

Ұсынылатын дозасы:

БиКНУ препаратының бұрын ем жүргізілмеген пациенттерде монотерапия түрінде қолданылғанда ұсынылатын дозасы 6 аптада бір рет, вена ішіне 150 - 200 мг/м2 құрайды.

Бұл дозасын бір реттік дозасы түрінде беруге немесе тәуліктік енгізулерге бөлуге болады – мысалы, 2 күнде бір рет 75 - 100 мг/м2.

Бастапқы дозасынан кейін енгізілетін дозаларын, пациенттің алдыңғы дозаға гематологиялық реакциясына сәйкес түзету қажет. Келесі дозалау режимін дозасын түзетудегі нұсқаулық ретінде пайдалану көзделіп отыр.

Кармустиннің құюға арналған қайталанатын курстары, қан ағымының көрсеткіштері қолайлы деңгейлеріне (тромбоциттер – 100 000/мм3 жоғары, лейкоциттер – 4 000/мм3 жоғары) қайта келгенге дейін қолдануға болмайды, бұл әдетте, 6 аптадан соң орын алады. Шеткері қанның жағындысында нейтрофилдердің саны жеткілікті болуы тиіс. Қан талдауларының көрсеткіштеріне апта сайын мониторинг жүргізу қажет, және гематологияллық уыттылығының баяулауы және жинақталу әсерінің болуы мүмкіндігі салдарынан, курсты 6 аптадан кейіннен ерте қайталауға болмайды.

Қолдану тәсілі

Уытты болуы ықтимал басқа заттармен жағдайдағы сияқты, БиКНУ препаратымен жұмыс жасаған кезде және БиКНУ ерітіндісін дайындағанда сақтық таныту қажет.

БиКНУ венаішілік баяу инфузия түрінде қолданылады. Препаратты венаішілік жылдам инъекция түрінде қолдануға тыйым салынады!

БиКНУ препаратын сұйылтқаннан кейін 1-2 сағат ішінде енгізілетін венаішілік инфузия түрінде қолданады. Аталған енгізу кезеңін қысқартуға болмайды, өйткені бұл енгізген жерде ауыруы мен ашыту сезімінің пайда болуына алып келуі мүмкін, сондай-ақ, терінің қызаруына (гиперемияға) немесе конъюнктиваның қанталануына (субконъюнктивалық қан құйылуға) әкеп соқтыруы мүмкін.

Егер БиКНУ лиофилизаты немесе дайындалған ерітінді теріге немесе шырышты қабыққа тиіп кетсе, тері мен шырышты қабықты бірден сабындап сумен әбден жуып тастау қажет.

АІЖ ағзалары тарапынан: анорексия, стоматит, жүрек айнуы, құсу, диарея, бауыр функциясының бұзылуы, гипербилирубинемия

Жүйке жүйесі тарапынан: атаксия, астения, бас ауыруы, бас айналуы

Сезім мүшелері тарапынан: көрудің бұзылуы, нейроретинит, конъюнктиваның ісінуі

Жүрек-қантамыр жүйесі мен қан (қан түзілуі, гемостаз) тарапынан: миелодепрессия (лейкопения, тромбоцитопения), анемия, жедел лейкоз, флебит, қан кетулер және қан құйылулар, соның ішінде асқазан-ішектік түрлері

Тыныс алу жүйесі тарапынан: жөтел; өкпе тінінің инфильтрациясы, пневмонит және пневмосклероз (емдеуден кейін 9 күннен 43 айға дейінгі аралықта дамиды)

Несеп-жыныс жүйесі тарапынан: несеп шығарудың ауырсынумен жүруі және қиындауы, гематурия, бүйрек функциясының бұзылуы, ісінулер, бүйрек жеткіліксіздігі, аменорея, азооспермия.

Тері жабындары тарапынан: бөртпе, қышыну, алопеция, теріге тиген кездегі ашыту сезімі және гиперпигментация.

Басқа да: жұтынудың бұзылуы, қимыл-қозғалыстардың қиынға соғуы, ауыру синдромы (арқаның, бүйірдің ауыруы), қан тебулер және бет терісінің қызаруы, инфекциялардың дамуы, гипертермия; трансаминазалар, сілтілік фосфатаза, мочевина азоты деңгейінің жоғарылауы; инъекция орнындағы ауыру, қызару, ашыту сезімі, вена бойындағы тері түсінің өзгеруі.

Басқа жағымсыз әсерлері

Кеуденің ауыруы, аллергиялық реакциялар. Бірен-саран жағдайларда, ерлерде сүт бездері көлемінің ұлғайғаны (гинекомастия) байқалған.

Кармустин сияқты нитрозомочевина қосылыстары обырға әкеп соқтыруы мүмкін. Нитрозомочевина препараттарымен ұзақ уақыт бойы емдеуден кейін жедел лейкоз және сүйек кемігінің дисплазиясы байқалған.

Препаратты енгіген жердегі жағымсыз әсерлер

Енгізген жерде ашыту сезімі, әйтсе де айқын тромбоз сирек байқалады. Қанталаулардан кейін (венадағы инфузиялық ерітіндінің айналасындағы тіндерге ағып кетуі) жергілікті уыттылығы байқалған. БиКНУ инфильтрациясы ісінуге, ауырсынуға, эритемаға, терінің қабынуына, ашыту сезіміне және тері некрозына алып келуі мүмкін.

- кармустинге немесе нитрозомочевинаға, немесе препарат құрамына кіретін басқа компоненттерге жоғары сезімталдық

- жүктілік және лактация кезеңі

- балаларға (қауіпсіздігі мен тиімділігі жеткілікті зерттелмеген)

Миелосупрессияны туғызатын басқа препараттармен – мысалы, винкристинмен, метотрексатпен, циклофосфамидпен, прокарбазинмен, хлорметинмен (азотты ипритпен) фторурацилмен, винбластинмен, актиномицинмен (дактиномицинмен), блеомицинмен, доксорубицинмен (адриамицинмен) біріктіріп қолданғанда – қан тромбоциттері немесе лейкоциттері санының шектелу ықтималдығы (тромбоцитопения немесе лейкопения) бар.

Кармустинді циметидинмен біріктіріп қолданғанда миелоуыттылығы (мысалы, лейкопения және нейтропения) көбірек байқалған.

Басқа алкилдеуші препараттармен, мысалы хлорметинмен және циклофосфамидпен (цитостатиктік препараттар) айқаспалы резистенттілік пайда болуы мүмкін.

Обырды емдеуге арналған басқа препараттармен жағдайдағы сияқты, БиКНУ препаратын қолданғанда, пациенттер үшін кез келген қауіптердің пайда болуы мен зиян келтірілу мүмкіндігін мұқият бағалау қажет.

Емдеу үдерісінде шеткері қан көрінісін, бауыр, бүйрек функциясын бақылау және өкпеге рентгенологиялық зерттеу жүргізу қажет. Кармустиннің ерекшелігі қан түзілуін бәсеңдету әсерінің кешеуілдеп көрініс беретіндігі болып табылатындықтан, шеткері қан көрінісін бақылауды қолдану аяқталғаннан кейін 6 апта бойы, апта сайын жүргізу керек. БиКНУ препаратының сүйек кемігі үшін уыттылығы жинақталумен жүреді; сондықтан, алдыңғы дозасын енгізгеннен кейін қан көрінісі жағдайының негізінде дозасын түзету мүмкіндігін қарастыру қажет.

Бүйрек немесе бауыр функциясы шектелген жағдайда, сақтық таныту қажет. емдеуді бастар алдында бауыр мен бүйрек функциясын тексеру қажет, содан соң оларды жүйелі түрде қадағалап отыру керек.

БиКНУ препаратын енгізген кезде, препаратты енгізген жерде реакциялар пайда болуы мүмкін. Қанталаулардың пайда болуы мүмкіндігін ескере отырып, препаратты енгізген кездегі инфильтрациялану мүмкіндігін анықтау үшін, препаратты енгізген орынды мұқият қадағалау ұсынылады.

Өкпе үшін уыттылығы

Инфильтраттардың пайда болуымен және/немесе фиброз дамуымен сипатталатын өкпелік уыттылығы, әдетте, препаратпен емдеуден кейінгі алғашқы 3 жыл ішінде пациенттердің 30%-ында дерлік байқалады. Кармустиннің өкпе үшін уыттылығы дозасына тәуелді. Препаратты 1200-1500 мг/мкл дозаларда (жинақтық дозасы) қабылдаған пациенттерде қауіп, азғантай дозаларын қабылдап жүрген пациенттерге қарағанда жоғары. Емдеуді бастар алдында өкпеге функционалдық зерттеу жүргізіледі, ол емдеу үдерісінде мезгіл-мезгіл қайталанып отырады. Қауіп тобын өкпенің қарқынды тіршілік сыйымдылығының (ӨҚТС) бастапқы көрсеткіштері мен өкпесінің СО диффузиясына қабілеттілігі нормадан 70% аз пациенттер құрайды.

Өкпе үшін уыттылық (соның ішінде, өлімге соқтыратын) қаупі тыныс жолдарының аурулары, шылым шегу кезінде, сондай-ақ, ұзақ уақыт бойы емдегенде және сәулемен емдеу жүргізілген жағдайда арта түседі. Препаратпен бала кезінде немесе жасөспірімдік кезеңде 770-тен 1800 мг/м2 дейінгі жинақтық дозаларында ми ісіктерін сәулелік еммен бірге емдеуден кейінгі 17 жыл ішінде кешеуілдеп дамыған өкпе фиброзы жағдайлары сипатталған. Өкпе фиброзының бұл түрі баяу үдейтін сипатты иеленуі және өлімге соқтыруы мүмкін.

Кармустин уыттылығының негізгі көрінісі миелосупрессия болып табылады, сондықтан, қан көрінісін препаратты енгізгеннен кейін кемінде 6 апта бойы, апта сайын анықтап отыру керек. Сүйек кемігінің бәсеңдеуі дозаға тәуелді болып табылады. Лейкопения әдетте, препаратты енгізгеннен кейін 5-6 аптадан соң байқалады және 1-2 апта бойы сақталады. Тромбоцитопения препаратты енгізгеннен кейін шамамен 4 аптадан соң дамиды және 1-2 апта бойы сақталады; ол әдетте, лейкопенияға қарағанда ауырырақ сипатта болады. Лейкопения мен тромбоцитопения кезінде препараттың дозасын төмендету қажет болуы мүмкін. Препарат жинақталған миелосупрессияны туғызуы мүмкін, ол қанның формалық элементтерінің төменірек концентрацияларымен немесе препараттың дозаларын қайталап енгізгеннен кейінгі миелосупрессияның аса ұзақтығымен білінеді.

Жүрек айнуы мен құсу препаратты енгізгеннен кейін, әдетте, 2 сағаттан соң дамиды және 4-6 сағатқа созылады. Ауырлығы да дозасына тәуелді; құсуға қарсы препараттармен жүргізілетін премедикация жүрек айнуы мен құсуды болдырмауға немесе олардың пайда болуын едәуір азайтуға мүмкіндік береді.

Емдеуді бастар алдындағы айрықша нұсқаулар

Пациенттерді гранулоцитопения (қызба), сондай-ақ, тромбоцитопения (петехия және басқа қан кетулер) симптомдары туралы хабардар ету қажет.

Пациенттерге, емдеу кезінде оларда асқазан-ішек жолы тарапынан, құсу мен жүрек айнуы түрінде білінетін шағымдардың болуы мүмкіндігін айту қажет.

Сонымен қатар, пациенттерге өкпеге зиян келуі мүмкіндігі (өкпе үшін уыттылығы) мен аллергиялық реакциялар, сондай-ақ, олардың симптомдары туралы; және егер, ондай симптомдар пайда болса, онда дәрігермен кеңесу қажеттілігін айту қажет.

БиКНУ препараты артерияішілік каротидішілік жолмен де енгізілген; қолданудың бұл тәсілі зерттеу үшін пайдаланылған және офтальмологиялық уыттылығымен астасқан.

Көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралын немесе қауіптілігі зор механизмдерді басқару қабілетіне әсерін зерттеу жүргізілген жоқ.

Қалдықтарды жою және жұмыс жасаудың басқа түрлері кезіндегі айрықша сақтық шаралары

Обырға қарсы препараттармен тиісінше жұмыс істеу және оларды жою емшарларын сақтау қажет. Осы тақырыпқа арналған бірнеше нұсқаулық жарияланды. Нұсқаулықтарда ұсынылатын осы емшаралардың барлығының бірдей қажеттілігіне немесе орындылығына қатысты ортақ келісім жоқ.

Теріге әсер ету қаупін азайту үшін, ішінде кармустин бар құтылармен жұмыс істеген кезде үнемі өткізбейтін қолғаптарды кию қажет. Бұлай жұмыс жасау клиника жағдайларында, дәріханаларда, қоймаларда жұмыс жасауға, сондай-ақ, препаратты қаптамасынан шығарып алу мен тексеруді, бір бөлменің ішінде тасымалдауды, сондай-ақ, препараттың дозаларын дайындау мен қолдануды қоса, үй жағдайында медициналық көмек көрсетуге қатысты барлық операцияларды қамтиды.

Емі: БиКНУ препаратының артық дозалануымен байланысты улануды емдеуге арналған антидот жоқ.

Шығарылу түрі және қаптамасы

Ішінде препараты бар 1 құты мен ішінде еріткіші бар 1 құты медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапқа салынған.

Жарықтан қорғалған жерде, 2 оС-ден 8 оС-ге дейінгі температурада сақтау керек.

Балалардың қолы жетпейтін жерде сақтау керек!

Сақтау кезіндегі айрықша сақтық шаралары

Ішінде құрғақ препараты бар ашылмаған құтыны тоңазытқышта (2°-8°C/36°-46°F температурада) сақтау қажет, және оны жарықтың әсерінен қорғау қажет. Ішінде сұйылтқышы бар құтыларды тоңазытқышта (2°-8°C/36°-46°F температурада) сақтау қажет. Инфузияға арналған кармустиннің ашылмаған құтыларын сақтаудың ұсынылатын шарттары өнімнің 3 жыл бойына тұрақтылығын қамтамасыз етеді. Кармустинді ұсынылған әдіспен сұйылтқаннан кейін, ол тоңазытқышта (2°-8°C/36°-46°F температурада) сақталған жағдайда 24 сағат бойы тұрақты күйінде қалады. Ішінде сұйылтылған препараты бар құтыларды қолданар алдында, ішінде кристалдардың түзілген-түзілмегендігін қарап шығу қажет. Егер кристалдар көрінсе, онда құтыны бөлме температурасында шайқай отырып препаратты қыздырып, қайтадан еріту қажет.

Ішінде көрсетілген әдіспен сұйылтылған, және ары қарай 5 % декстроза ерітіндісімен 0,2 мг/мл концентрацияға дейін сұйылтылатын препараты бар құтыларды, бөлме температурасында сақтау, жарықтың әсерінен қорғау, және оларды 8 сағат ішінде пайдалану қажет.

Кармустиннің балқу температурасы төмен (30,5°-32,0°C немесе 86,9°-89,6°F). Препаратқа ондай немесе одан жоғары температуралардың әсер етуі препараттың сұйылуына және құтылардың ішінде майлы үлбірдің пайда болуына алып келеді. Бұл препаратың ыдырауының белгісі болып табылады, және мұндай препараты бар құтыларды лақтырып тастау қажет. Егер препаратты тоңазытқыштан алған кезде оның талапқа сай сақталғандығына қатысты қандай-да бір сұрақтар немесе күдіктер туындаса, бірден жеке картон қорабындағы әрбір құтыны қарап тексеріп шығыңыз. Құтыларды жарық сәулемен тексеріңіз. Кармустиннің ішінде өте ұсақ құрғақ үлпектер/кесектер немесе құрғақ қатты масса болуы мүмкін. Егер ондай компоненттердің бары анықталса, онда кармустин қолдануға жарамды, және оны тез арада тоңазытқышқа салу керек.

3 жыл

Қалпына келтірілген ерітінді 24 сағат бойы тұрақты.

Қаптамасында көрсетілген жарамдылық мерзімі өткеннен кейін препаратты пайдалануға болмайды.

Дәріханадан босатылу шарттары

Рецепт арқылы

Тіркеу куәлігінің ұстаушысы:

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері:

Қазақстандағы «Emcure Pharmaceuticals Ltd.» ЖШК өкілдігі

050000, Алматы қ., Егізбаев к-сі, 54Б, 08 кеңсе.

Тел./факс: +7 727 394 04 72, e-mail: ls20061@yandex.ru

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:

"Козлов Игорь Игоревич" ЖК

Алматы қ., Әлімжанов к-сі 84, 40 кеңсе

Тел.: +7 777 211 72 97, e-mail: regicom@mail.ru