Апсафаж

Апсафаж

Метформин

Босап шығуы ұзаққа созылатын таблеткалар, 750 мг

Бір таблетканың құрамында:

белсенді зат - 750 мг метформин гидрохлориді,

қосымша заттар: гипромеллоза (К 100М), натрий кармеллозасы (Cellbind 30) (3000 cps), метакрил қышқылының дисперсиялы кополимері (Drug L30D), макрогол (PEG-6000), повидон К90, магний стеараты, тазартылған су.

Ақтан ақ дерлік түске дейінгі, капсула тәрізді пішінді, екі беті дөңес, екі жағынан тегіс таблеткалар.

Қант диабетін емдеуге арналған дәрілер. Ішу арқылы қабылдауға арналған қант төмендететін препараттар. Бигуанидтер. Метформин.

АТХ коды A10BA02

Фармакокинетикасы

Сіңуі

Әсер етуі ұзаққа созылатын таблетка түріндегі дозасын пероральді қабылдағаннан кейін әдеттегі босап шығатын метформин таблеткаларымен салыстырғанда метформиннің сіңуі баяу болады. Ең жоғары концентрациясына жету уақыты (TCmax) 7 сағатты құрайды. Сонымен бірге жылдам босап шығатын таблеткалар үшін TCmax 2,5 сағатты құрайды.

Апсафаж 750 мг препаратын бір рет пероральді 1500 мг қабылдағаннан кейін плазмадағы 1193 нг/мл ең жоғары орташа концентрациясына (4 сағаттан 12 сағатқа дейінгі диапазонда) 5 сағат уақыт медианасында жеткен.

Биоэквивалентті препарат келесі қасиеттерін көрсетеді:

Тұрақты жай-күйде, дереу босап шығатын дәрілік түрдегі сияқты Cmax және AUC енгізілетін дозаға пропорционалды ұлғаяды. Баяу босап шығатын метформин гидрохлоридінің 2000 мг таблеткасын бір рет ішу арқылы қабылданғаннан кейін AUC күніне екі рет баяу босап шығатын метформин гидрохлоридінің 1000 мг таблеткасын қабылдағаннан кейін бақыланатын AUC ұқсас болды.

Баяу босап шығатын метформин гидрохлоридінің Cmax және AUC жеке ауытқушылығы таблетка түріндегі дереу босап шығатын метформин гидрохлоридін қабылдағанда бақыланатын жеке ауытқушылықпен салыстырарлық.

Баяу босап шығатын таблетканы тамақтан кейін қабылдағанда, AUC - 77%-ға ұлғаяды (Cmax - 26%-ға ұлғаяды, ал Tmax шамамен 1 сағатқа елеусіз артық болады). Тамақ ішу баяу босап шығатын дәрілік түріндегі метформин гидрохлоридінің орташа сіңуіне әсері жоққа тән.

Ашқарында әсер етуі ұзаққа созылатын таблеткаларды қабылдағанда AUC 30%-ға азаяды (Cmax және Tmax өзгермейді). Босап шығуы ұзаққа созылатын метформин таблеткаларының сіңуі тамақ ішуге байланысты өзгермейді.

Баяу босап шығатын метформин гидрохлоридінің таблетка түрін 2000 мг дозаға дейін көп рет қабылдағаннан кейін жинақталуы болмайды.

Таралуы

Метформиннің қан плазмасы ақуыздарымен байланысу дәрежесі елеусіз. Метформин эритроциттерде таралады. Қандағы ең жоғарғы деңгейі плазмадағысына қарағанда төменірек және шамамен сондай уақытта жетеді. Орташа таралу көлемі (Vd) 63–276 л құрайды.

Метаболизмі

Метформин өзгеріссіз күйде несеппен шығарылады. Метформиннің адамдағы қандай да бір метаболиттері идентификацияланбаған. Шығарылуы

Метформиннің бүйректік клиренсі 400 мл/минуттан астамды құрайды, бұл метформиннің шумақтық сүзілу және өзекшелік сөлініс арқылы шығарылатынын көрсетеді. Ішке қабылдағаннан кейінгі жартылай шығарылу кезеңі 6,5 сағатқа жуықты құрайды.

Бүйрек функциясының бұзылуы кезінде бүйректік клиренсі креатинин клиренсіне пропорциональді төмендейді, және осылайша, жартылай шығарылу кезеңі артады, бұл қан плазмасындағы метформин деңгейінің артуына әкеледі.

Фармакодинамикасы

Метформин – гипергликемияға қарсы әсері бар бигуанид, қан плазмасындағы глюкозаның базалық та, постпрандиальді да деңгейлерін төмендетеді. Ол инсулин секрециясын стимуляцияламайды және осыған байланысты гипогликемия туғызбайды.

Метформиннің 3 түрлі әсер ету механизмі бар:

Метформин гликогенсинтазаға әсер ете отырып, жасушаішілік гликоген синтезін стимуляциялайды. Сондай-ақ ол глюкозаның жарғақшалық тасымалдаушыларының (GLUT) барлық типтерінің қабілетін жақсартады.

Клиникалық зерттеулерде метформин қабылдау дене салмағына әсер етпеген немесе оны біршама төмендетті.

Өзінің гликемияға әсеріне қарамастан, метформин липидтік метаболизмге оң әсер етеді. Емдік дозалар қолданылатын бақыланатын клиникалық зерттеулер кезінде метформиннің жалпы холестериннің, тығыздығы төмен липопротеиндер мен триглицеридтердің құрамын төмендететіні анықталды.

- тек қана диетотерапия мен дене жаттығулары гликемияның жеткілікті бақылануын қамтамасыз ете алмайтын кезде, әсіресе артық дене салмағы бар пациенттерде, 2-ші типті қант диабетін емдеуде.

Апсафаж монотерапия түрінде, немесе диабетке қарсы басқа пероральді дәрілермен немесе инсулинмен біріктірілімде қолданылуы мүмкін.

Бүйрек функциясы қалыпты (ШСЖ ≥ 90 мл/мин)ересек пациенттер

Монотерапия және диабетке қарсы басқа ішу арқылы қабылданатын дәрілермен үйлесімде.

Апсафаж 750 мг метформин таблеткаларын (ұзақ немесе дереу босап шығатын) қабылдаған пациенттерге арналған. Апсафаж 750 мг дозасы метформин таблеткаларының (ұзақ немесе дереу босап шығатын) ең жоғары 1500 мг дейінгі тәуліктік дозасына баламалы болуы тиіс, кешкі аспен бірге қолдану керек.

Ем басталғаннан кейін 10-15 күннен соң қандағы глюкозаны өлшеу көмегімен Апсафаж 750 мг дозасының жеткіліктілігін тексеру керек.

Метформин гидрохлоридін күніне 2000 мг астам дозада алатын пациенттер үшін Апсафаж 750 мг препаратына ауысу ұсынылмайды.

Метформин гидрохлоридін қабылдауды алғаш бастаған пациенттер үшін Апсафаж препаратының әдеттегі бастапқы дозасын 500 мг күніне бір рет құрайды және оны кешке тамақ ішумен бірге қабылдайды. 10-15 күннен соң дозаны қандағы глюкоза деңгейін өлшеу негізінде түзету керек. Дозаны баяу арттыру асқазан-ішек жолдарының жағымдылығын жақсартуы мүмкін.

Егер гликемиялық бақылауға Апсафаж препаратының күніне бір рет 2000 мг ең жоғары дозасын қабылдаумен қол жеткізу мүмкін болмаса, онда күніне екі рет қабылдау режимін қарастыру керек, бұл арада екі доза да таңғы және кешкі тамақ уақытында қабылданады. Егер гликемиялық бақылауға сонда да қол жеткізу мүмкін болмаса, пациенттерді күніне 3000 мг ең жоғары тәуліктік дозасымен метформин гидрохлоридінің стандартты таблеткаларына ауыстыруға болады.

Диабетке қарсы басқа ішу арқылы қабылданатын дәрілерден ауысқан жағдайда доза титрлеуді жоғарыда көрсетілгендей Апсафаж 750 мг және 1000 мг препаратына ауысар алдында Апсафаж 500 мг дозасынан бастау керек.

Инсулинмен үйлесімде:

Метформин гидрохлориді мен инсулинді қандағы глюкоза деңгейінің талапқа сай дұрыстау бақылауына қол жеткізу үшін біріктірілген ем ретінде қолдануға болады. Апсафаж препаратының әдеттегі бастапқы дозасы күніне бір рет 500 мг құрайды және оны кешкі аспен бірге қабылдау керек, сонда инсулин дозасын қандағы глюкоза деңгейін өлшеу негізінде түзетеді. Титрлеуден кейін Апсафаж 1000 мг препаратына ауысуды қарастыру керек.

Егде жастағылар:

Егде жастағы адамдарда бүйрек функциясының потенциалды төмендеуіне байланысты, метформин гидрохлоридінің дозасын бүйрек функциясын ескерумен түзету керек. Бүйрек функциясын ұдайы бағалау қажет.

Бүйрек функциясы бұзылуы бар пациенттер:

Метформинмен ем бастар алдында және одан әрі қарай жыл сайын шумақтық сүзіліс жылдамдығын (ШСЖ) анықтау керек. Бүйрек жеткіліксіздігі үдеуінің қаупі жоғары пациенттерде және егде жастағыларда бүйрек функциясын әр 3-6 айда бағалау керек.

Балалар:

Тиісті деректер болмауына байланысты Апсафаж балаларда қолдануға болмайды.

Постмаркетингтік және бақыланатын клиникалық зерттеулердің деректерін жинағанда Апсафаж алған пациенттерде бақыланған жағымсыз құбылыстар табиғаты және ауырлығы тұрғысынан босап шығуы дереу емес Апсафаж алған пациенттерде бақыланған құбылыстармен ұқсас болды.

Емдеудің басындағы кезде анағұрлым жиі кездесетін жағымсыз реакциялар жүрек айнуы, құсу, диарея, іштің ауыруы және тәбеттің болмауы болып табылады, олар көп жағдайда өздігінен басылады

Апсафаж препаратын қабылдағанда мынадай жағымсыз реакциялар туындауы мүмкін. Жиілігі келесі түрде анықталады: өте жиі: >1/10; жиі >1/100, <1/10; жиі емес >1/1 000, <1/100; сирек >1/10 000, <1/1 000; өте сирек <1/10 000.

Әр жиілік тобында жағымсыз реакциялар күрделілігінің төмендеу тәртібі бойынша берілген.

Зат алмасу және қоректену бұзылыстары

Өте сирек

• сүт қышқылды ацидоз

• метформинді ұзақ қабылдаған кезде оның сарысудағы деңгейі төмендеуімен В12 дәруменінің сіңуі төмендеуі мүмкін

Егер пациентте мегабласты анемия бар болса, сондай этиологияны қарастыру ұсынылады.

Жүйке жүйесінің бұзылыстары

Жиі

• дәм сезудің бұзылуы

Асқазан-ішек бұзылыстары

Өте жиі

• асқазан-ішек бұзылыстары, мыналар сияқты

• жүрек айнуы

• құсу

• диарея

• іштің ауыруы және

• тәбеттің болмауы

Аталған жағымсыз әсерлер емнің басында көбірек жиілікпен туындайды, және көп жағдайларда өздігінен жойылады. Сондай-ақ дозаны баяу арттыру жолымен асқазан-ішек жолының көтерімділігін жоғарылатуға болады.

Гепатобилиарлық жүйе бұзылыстары

Жеке мәлімдеулер

• бауыр функциясы зерттеулерінің аномальді нәтижелері

• гепатит

Бұл метформин қабылдауды тоқтатқаннан кейін шешілді.

Тері және тері асты тіндері тарапынан бұзылыстар

Өте сирек

• мыналар сияқты тері реакциялары

• эритема

• қышыну

• есекжем

• метформинге немесе кез келген қосымша заттарға аса жоғары сезімталдық.

• метаболизмдік ацидоздың кез келген түрі (лактатацидоз, диабеттік кетоацидоз);

• диабеттік прекома;

• бүйректің ауыр жеткіліксіздігі (ШСЖ < 30 мл/мин);

бүйректің ауыр жеткіліксіздігі немесе бүйрек функциясының бұзылуы (креатинин клиренсі < 60 мл/мин).

• төмендегі сияқты, бүйрек функциясының потенциалды өзгерісі бар жедел аурулар:

сусыздану, ауыр инфекция, шок

• тіндер гипоксиясына әкелетін жедел немесе созылмалы аурулар: жүрек немесе тыныс алу жеткіліксіздігі, жақында өткерген миокард инфаркті, шок

• бауыр жеткіліксіздігі, жедел алкогольдік уыттану, алкоголизм

Ұсынылмайтын біріктірілімдері

Алкоголь

Жедел алкогольдік уыттану сүт қышқылды ацидоздың жоғары қаупімен жедел алкогольдік уыттану жағдайында астасқан, әсіресе төмендегі жағдайларда:

• ашыққан немесе жеткіліксіз тамақтану

• бауыр жеткіліксіздігі жағдайында

Құрамында йод бар контрастылы заттар:

• Метформин қолдануды құрамында йод бар контрастылы дәрілерді қолданумен жүргізілетін зерттеулерге дейін немесе оның кезінде тоқтату керек және зерттеуден кейін 48 сағат өткеннен кейін ғана және тек бүйрек функциясы қайталап талданғаннан кейін және соңынан нашарламайтыны анықталғаннан кейін ғана жаңғырту керек.

Оларды қолданғанда сақтықты талап ететін біріктірілімдер

ЦОГ-2 тежегіштері, ангиотензин II рецепторларының блокаторлары, диуретиктер, әсіресе ілмектікті қоса, ҚҚСД сияқты кейбір дәрілік заттар олардың бүйрек функциясына потенциалды теріс әсері салдарынан лактатацидоз туындауының қаупін арттыруы мүмкін.

Гипергликемиялық белсенділігі бар дәрілік препараттар

Мысалы, глюкокортикоидтар (жүйелі және жергілікті енгізілетін) және симпатомиметиктер. Қандағы глюкоза деңгейіне, әсіресе емнің басында, жиірек мониторинг талап етілуі мүмкін. Қажет болғанда, басқа препаратпен емдегенде немесе оны қабылдауды тоқтатқанда метформин дозасын түзету керек.

Органикалық катион тасымалдағыштары (ОКТ)

Метформин ОКТ1 және ОКТ2 субстраттардың екеуі үшін де субстрат болып табылады.

Метформинмен бірге қолдану:

- ОКТ1 (верапамил) тежегіштерімен –метформин тиімділігі төмендеуі мүмкін;

- ОКТ 1 индукторлары (рифампицин) – АІЖ сіңірілуі және метформин тиімділігі артуы мүмкін;

- ОКТ 2 тежегіштері (циметидин, долутегравир, ранолазин, триметоприм, вандетамиб, изавуконазол) метформиннің бүйрек элиминациясын төмендетуі мүмкін және соның салдарынан плазмадағы метформиннің жоғарылауына әкелуі мүмкін;

- ОКТ1 және ОКТ2 тежегіштері (кризотиниб, олапариб) метформиннің тиімділігіне және шығарылуына әсер етуі мүмкін.

Метформинді, әсіресе бүйрек жеткіліксіздігі бар пациенттерде, плазмадағы метформиннің концентрациясы жоғарылауы мүмкіндігіне байланысты басқа дәрілік заттармен бірге қолданғанда сақ болу керек.

Лактатацидоз

Лактатацидоз – өте сирек, бірақ күрделі метаболизмдік асқыну, ол көбіне бүйрек функциясының жедел нашарлауы аясында, жүрек-өкпе ауруларында немесе сепсис кезінде туындайды. Метформиннің жинақталуы бүйрек жеткіліксіздігінің жедел үдеуі аясында туындайды, бұл лактатацидоз қаупін жоғарылатады.

Дегидратация жағдайында (ауыр диарея, құсу, қызба, сұйықтықты қабылдаудың азаюы), метформин қабылдауды уақытша тоқтату керек және емдеуші дәрігермен байланысу керек. Метформин қабылдайтын пациенттерге бүйрек функциясына әсер ететін гипертензияға қарсы, диуретиктер, ҚҚСД сияқты препараттарды тағайындағанда сақ болу керек. Лактатацидоз дамуының басқа да қауіпті факторлары: алкогольді шамадан тыс қолдану, бауыр жеткіліксіздігі, нашар бақыланатын қант диабеті, кетоз, ұзақ уақыт ашығу, гипоксияға байланысты кез келген жай-күй, лактатацидоз дамуына ықпал ететін дәрілік заттармен бірге тағайындау.

Пациенттер және/немесе пациенттерді күтетін тұлғалар лактатацидоз туындау қаупі туралы хабардар болуы тиіс. Лактатацидоз ацидоздық ентігу, іш ауыруы, бұлшықеттердің құрысулары, астения және кома алдындағы гипотермиямен сипатталады. Күдік болған симптомдар анықталған жағдайда пациент метформин қабылдауды тоқтатуы тиіс және медициналық көмекке жүгінуі тиіс. Диагностикалық тексерулерде қанда PH (< 7.35) төмендегені, қандағы лактат деңгейі (> 5 ммоль/л) және аниондар деңгейі жоғарылауы, сондай-ақ лактат/пируват арақатынасы артқаны анықталды.

Бүйрек функциясы

Бүйрек функциясы

Апсафаж препаратымен емдеуді бастар алдында және емделу кезінде жүйелі түрде ШСЖ көрсеткіші анықталуы тиіс. Метформин ШСЖ <30 мл/мин пациенттерде қарсы көрсетілімде және бүйрек функциясы бұзылуына байланысты жай-күйлер туындағанда уақытша тоқтатылуы тиіс.

Жүрек функциясы

Жүрек жеткіліксіздігі бар пациенттер гипоксия қаупіне және бүйрек жеткіліксіздігіне бейімділігі басым. Тұрақты созылмалы жүрек жеткіліксіздігі бар пациенттерге метформинді бүйрек және жүрек функциясына ұдайы мониторинг жүргізумен ғана қолдануға болады.

Жедел және тұрақсыз жүрек жеткіліксіздігі бар пациенттерге Апсафаж қарсы көрсетілімде.

Негізі йод болатын контрастылы заттарды енгізу

Негізі йод болатын контрастылы заттарды рентгенологиялық зерттеулерде

тамырішілік енгізу бүйрек жеткіліксіздігіне әкелуі мүмкін. Ол метформиннің жинақталуына және сүт қышқылды ацидоз қаупіне әкелуі мүмкін. Құрамында йод болатын контрастылы дәрілерді қолданумен зерттеулер жүргізуге дейін немесе жүргізу кезінде метформин қолдануды тоқтату керек және зерттеуден кейін 48 сағат өткен соң ғана және тек бүйрек функциясы қайталап талданған соң және кейінгі нашарлауы анықталмағанда ғана жаңғырту керек.

Хирургия

Метформин қабылдауды жалпы жұлындық немесе перидуральді анестезиямен жоспарлы операция жүргізу алдында 48 сағат бұрын тоқтатқан жөн. Емді операциядан кейін немесе қалыпты бүйрек функциясы анықталған жағдайда пероральді тамақтануды қайта бастағанда 48 сағат өтпей жаңғыртуға болмайды.

Барлық пациенттер күні бойы пайдаланылған көмірсулар жүйелі таралатындай диетаны сақтауды жалғастырулары тиіс. Дене салмағы артық пациенттерге калориясы төмен диета сақтауды жалғастыру керек.

Диабетке мониторинг жүргізу үшін әдеттегі зертханалық зерттеулер жүйелі жүргізілуі керек.

Инсулинмен немесе басқа да ішу арқылы қабылданатын диабетке қарсы дәрілермен үйлесімде (мысалы, сульфонилмочевина туындыларымен немесе меглитинидтермен) қабылдағанда сақ болу ұсынылса да, бір метформин ешқашан гипогликемия туындатпайды.

Таблетка қабықтары нәжісте табылуы мүмкін. Пациенттерге бұның қалыпты жағдай екенін ескерту керек.

Жүктілік және лактация

Жүктілік кезіндегі бақыланбайтын диабет (жүктіліктегі немесе тұрақты диабет) туа біткен ақаулардың жоғары қаупімен және перинатальді өліммен астасады.

Жүкті әйелдерде метформин қолдану бойынша шектеулі деректер туа біткен ақаулар дамуының жоғары қаупі туралы айғақтамайды. Жануарлардағы зерттеулер жүктілікке, эмбрион немесе шарана дамуына , босануға немесе постнатальді дамуға жағымсыз әсері туралы айғақтамайды.

Пациент - әйел жүктілікті жоспарлағанда және жүктілік кезінде диабет емін метформинмен жүргізбеу ұсынылады, шаранада ақау қаупін төмендету үшін қандағы глюкоза деңгейін мүмкін болғанша қалыптыға жақын күйде ұстап тұруға инсулин қолдану керек.

Метформин адамның емшек сүтіне бөлінеді. Емшек еметін жаңа туған нәрестелерде/сәбилерде ешбір жағымсыз құбылыс анықталмады. Алайда шектеулі деректер болуына байланысты метформинмен емдеу кезінде бала емізу ұсынылмайды. Бала емізуді тоқтату туралы шешім бала емізудің пайдасын бағалауды және адамға қолайсыз әсерінің потенциалды қаупін ескерумен қабылдануы тиіс.

Бала туу функциясы

Метформин егеуқұйрықтардың ұрғашысы мен еркегінің тұқым өрбіту функциясына оны күніне 600 мг/кг дозаға дейін енгізгенде әсер етпеген, бұл адам үшін дене беткейінің ауданына салыстыра негіздегенде ең жоғары ұсынылатын дозадан шамамен үш есе артық.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Метфоминмен монотерапия жасау гипокалиемия туындатпайды және сондықтан автомобиль және механизмдерді басқару қабілетіне әсер етпейді. Алайда пациенттерге метформин диабетке қарсы басқа дәрілік заттармен (мысалы, сульфонилмочевина туындылары, инсулин немесе меглитинидтер) біріктірілімде қолданғанда гипокалиемия қаупіне қатысты сақтық жасау керек.

Симптомдары: метформин гидрохлоридін 85 г дейінгі дозада қабылдағанда бұндай жағдайларда лактатацидоз дамыса да, гипокалиемия байқалмады. Метформин гидрохлоридімен елеулі артық дозалану немесе қатарлас қауіп факторлардың болуы лактатацидоз дамуына алып келуі мүмкін.

Емі: Лактатацидоз шұғыл жағдай болып табылады және оны стационарда емдеу керек. Лактат пен метформинді шығарудың анағұрлым тиімді тәсілі гемодиализ болып табылады.

Шығарылу түрі және қаптамасы

10 таблеткадан поливинилхлоридті үлбір мен алюминий фольгадан жасалған пішінді ұяшықты қаптамада, 3 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Құрғақ, жарықтан қорғалған жерде, 250 С-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды.

Рецепт арқылы

Өндіруші ұйымның атауы және елі

«Inventia Healthcare Pvt. Ltd.», Үндістан

Қаптаушы ұйымның атауы және елі

«Inventia Healthcare Pvt. Ltd..», Үндістан

Тіркеу куәлігі иесінің атауы және елі

«APC Healthcare Limited» өкілдігі, Қазақстан Республикасы

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері

«APC Healthcare Limited» өкілдігі

050040, Алматы қ., Попов к-сі 19, 301 кеңсе

Тел: (8727) 260-84-33, факс: (8727) 386-82-25

E-mail: rahulsingh@apchealthcare.com

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

«APC Healthcare Limited» өкілдігі

050040, Алматы қ., Попов к-сі 19, 301 кеңсе

Тел: (8727) 260-84-33, факс: (8727) 386-82-25

E-mail: rahulsingh@apchealthcare.com