Эспа-липон (600 мг/24 мл)

• русский
• қазақша

• Скачать инструкцию медикамента

Саудалық атауы

Эспа-Липон

Халықаралық патенттелмеген атауы

Жоқ

Дәрілік түрі

Инфузия үшін ерітінді дайындауға арналған 600 мг/24 мл концентрат

Құрамы

24 мл және 1 мл препараттың құрамында

белсенді зат: тиокт қышқылы 24 мл-600.0 мг және 1 мл-25.0 мг

қосымша заттар: этилендиамин, инъекцияға арналған су.

Сипаттамасы

Ақшыл сарыдан жасыл-сары түске дейінгі мөлдір сұйықтық.

Фармакотерапиялық тобы

Асқазан-ішек жолдары аурулары мен зат алмасудың бұзылуын емдеуге арналған басқа да препараттар. Асқазан-ішек жолдары аурулары мен зат алмасудың бұзылуын емдеуге арналған әр түрлі басқа да препараттар. Тиокт қышқылы.

АТХ коды А16АХ01

Фармакологиялық қасиеттері

Фармакокинетикасы Сіңуі. Көктамыр ішіне енгізгенде қан плазмасындағы ең жоғары концентрациясына жету уақыты – 10-11 минут, ең жоғары концентрациясы – 25-38 мкг/мл, «концентрация-уақыт» қисық астындағы ауданы шамамен 5 мкг сағат/мл құрайды. Биожетімділігі – 100%.

Метаболизмі: тиокт қышқылы бауыр арқылы «алғаш өту» әсеріне ұшырайды.

Таралуы: таралу көлемі – шамамен 450 мл/кг.

Шығарылуы: тиокт қышқылы және оның метаболиттері бүйрек арқылы шығарылады (80-90%). Жартылай шығарылу кезеңі – 20-50 минут. Жалпы плазмалық клиренсі – 10-15 минут.

Фармакодинамикасы Эспа-липон – эндогенді антиоксидант (бос радикалдарды байланыстырады), организмде альфа-кетоқышқылдар тотығып декарбоксилденгенде түзіледі. Митохондриальді мультиферментті кешеннің коферменті ретінде пирожүзім қышқылы және альфа-кетоқышқылдарының тотығып декарбоксилденуіне қатысады. Қандағы глюкоза концентрациясының төмендеуіне және бауырдағы гликогеннің артуына, сондай–ақ инсулинге деген төзімділікті жеңуге ықпал етеді. Биохимиялық әсерінің сипатына қарай В тобының витаминдеріне жақын. Липидті және көмірсу алмасуын реттеуге қатысады, холестерин алмасуын көтермелейді, бауырдың қызметін жақсартып, оған деген эндогенді және экзогенді токсиндердің зақымдаушы әсерін төмендетеді. Нейрондар трофикасын жақсартады.

Қолданылуы

- шеткергі диабеттік полинейропатияның кешенді емі құрамында

Қолдану тәсілі және дозалары

Емдеудің басында препаратты парентеральді қолданады. Әрі қарай демеуші ем жүргізгенде препаратты ішке қабылдауға көшеді.

Инфузия үшін ерітінді дайындауға арналған концентрат:

Препаратты алдын ала натрий хлоридінің 200-250 мл изотониялық ерітіндісінде сұйылтқаннан кейін инфузия түрінде көктамыр ішіне енгізеді.

Ауыр түрдегі диабеттік полинейропатиялар кезінде натрий хлоридінің изотониялық ерітіндісіндегі 24 мл (ол тәулігіне 600 мг тиокт қышқылына сәйкес) препаратты тәулігіне 1 рет көктамыр ішіне тамшылатып енгізеді. Инфузияның ұзақтығы – 30 минут. Инфузиялық емдеудің ұзақтығы – 5-28 күн.

Инфузия үшін дайындалған ерітінділерді жарықтан қорғалған жерде сақтау қажет және дайындалғаннан кейін 6 сағат ішінде пайдалану керек. Инфузия жүргізген кезде құтыны қара қағазбен орап қою керек.

Әрі қарай тәулігіне 400-600 мг дозада таблетка түріндегі демеуші емге көшкен жөн. Таблеткалармен емдеудің ең аз мерзімі – 3 ай.

Кейбір жағдайларда препаратты ұзақ уақыт қабылдауға тура келеді, оның ұзақтығын емдеуші дәрігер анықтайды.

Жағымсыз әсерлері

Сирек

• терінің бөртуі, есекжем, қышыну

• жүйелі аллергиялық реакциялар (анафилактикалық шок)

• Өте сирек

• құрысулар, диплопия

• жүрек айну, құсу, дәмді сезінудің өзгеруі

• нүктелік қан құйылу, қан кетуге бейімділік

• тромбоциттер функциясының бұзылуы

Болуы мүмкін

• қант деңгейінің төмендеуі (глюкоза қорытылуының жақсаруына байланысты) бас айналумен, көрудің әр түрлі бұзылуларымен, тер бөлінудің жоғарылауымен қатар жүруі мүмкін

• бас ауыруы (спонтанды өтетін), бас сүйекішілік қысымның артуы, тыныс алудың тарылуы (көктамыр ішіне жылдам енгізуден кейін)

Қолдануға болмайтын жағдайлар

- препаратқа жоғары сезімталдық

- жүктілік және лактация кезеңі

- балалар және 18 жасқа дейінгі жасөспірімдер

Дәрілермен өзара әрекеттесуі

Эспа-Липонды инсулинмен және ішу арқылы қабылданатын диабетке қарсы дәрілермен бір мезгілде қабылдағанда соңғыларының гипогликемиялық әсері күшейеді.

Тиокт қышқылы қант молекулаларымен бірге (мысалы, левулоза ерітіндісі) қиын еритін кешенді қосылыстар түзеді.

Инфузияға арналған ерітінді глюкоза ерітіндісімен, Рингер ерітіндісімен, сондай-ақ SH-тобымен немесе дисульфидті көпірлермен өзара әрекеттесе алатын ерітінділермен үйлесімсіз.

Тиокт қышқылы (инфузияға арналған ерітінді түрінде) цисплатин әсерінің төмендеуіне әкеп соқтырады.

Темір, магний, кальций-құрамды сүт өнімдерін бір мезгілде қабылдау (препаратты енгізгеннен кейін 6-8 сағаттан ерте қабылдауға болмайды) ұсынылмайды.

Айрықша нұсқаулар

Қант диабеті бар науқастарға, әсіресе емдеудің басына Эспа-Липонмен емдеу жүргізгенде, қандағы глюкоза концентрациясын (дәрігердің ұсынымына сәйкес) жиі бақылау керек. Жекелеген жағдайларда гипогликемиялық дәрілердің дозасын төмендету қажет болуы мүмкін.

Емдеу кезінде алкогольді қабылдаудан мүлдем бас тарту керек, өйткені бұл кезде тиокт қышқылының емдік әсері әлсірейді.

Инфузияға арналған ерітінді дәл сол емдеудің бастапқы сатысында 2-4 апта бойы көктамыр ішіне енгізіледі.

Көктамыр ішіне енгізу үшін 600 мг Эспа-липон ампуласының ішіндегісін 250 мл 0,9% натрий хлориді ерітіндісімен сұйылтады, қысқа мерзімдік инфузия түрінде, ең аз дегенде 30 минут ішінде.

Әсер етуші заттың жарыққа жоғары сезімталдығына байланысты, инфузияға арналған ерітінді тікелей енгізер алдында дайындалуы тиіс, ампулаларды тек тікелей пайдаланардың алдында ғана қаптамадан шығарған жөн, инфузия жүргізу кезінде құтыны қара қағазбен орау керек. Натрий хлоридінің изотониялық ерітіндісімен сұйылтылып қолдануға дайындалған ерітіндінің жарамдылық мерзімі жарықтан қорғалған жерде сақтағанда ең көп дегенде 6 сағ құрайды.

Жүктілік және лактация

Эспа-Липон препаратын қолдану тәжірибесінің жеткіліксіздігіне байланысты жүкті әйелдерге тағайындалмайды.

Бала емізу кезеңінде қолдануға болмайды, өйткені препараттың ана сүтімен шығуы мүмкіндігі жайлы деректер жоқ.

Көлік құралын немесе қауіптілігі зор механизмдерді басқару қабілетіне әсер етуі

Жағымсыз әсерлерін (құрысулар, диплопия, бас айналу) ескере отырып, көлік құралын басқаруда немесе қозғалатын механизмдермен жұмыста сақ болу қажет.

Артық дозалануы

Симптомдары: бас ауыру, жүрек айну, құсу.

Артық дозалануы ОЖЖ тарапынан өзгерістер (психомоторлық қозу және жайылған құрысулар), лактатацидоз, гипогликемия, ДТҰ синдромының дамуы болатын айқын уыттанудың клиникалық көріністерін туындатуы мүмкін .

Емі: симптоматикалық емдеу, қажет болғанда – құрысуға қарсы ем, өмірлік маңызды ағзалар қызметін демеу шараларын жүргізу. Арнайы у қайтарғысы жоқ.

Шығарылу түрі және қаптамасы

24 мл-ден қоңыр түсті гидролитикалық 1 класты шыныдан жасалған ампуларда.

5 ампуладан тұғырға салынған және медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

Жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Хамельн Фармасьютикалc ГмбХ, Лангес Фельд 13, 31789 Хамельн, Германия

Тіркеу куәлігінің иесі

Эспарма ГмбХ, Зеепарк 7, 39116 Магдебург, Германия

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

“Фарма Гарант ГмбХ” компаниясының өкілдігі

Жібек Жолы 64, 305 кеңсе Алматы, Қазақстан, 050002

тел./факс: (727) 2 73 62 78, электронды пошта: pharmagarant.kaz@mail.ru