Уголь активированный (200 мг)

Белсендірілген көмір

Жоқ

Дәрілік түрі, дозалануы

200 мг капсулалар

Ас қорыту жолы және зат алмасу. Диареяға қарсы, қабынуға қарсы ішек/микробқа қарсы препараттар. Ішек адсорбенттері. Көмір препараттары. Белсендірілген көмір.

АТХ коды А07ВА01

• шығу тегі әртүрлі экзогендік және эндогендік интоксикацияларда уытсыздандыратын дәрі ретінде қолданылады

• тағамдық токсикоинфекцияларды, сальмонеллезді, дизентерияны кешенді емдеуге

• дәрілік препараттармен (психотроптық, ұйықтатқыш, есірткілік дәрілермен және басқалармен), алкалоидтармен, ауыр металл тұздарымен және басқа да улармен уланғанда

• диспепсиямен, метеоризммен қатарласа жүретін асқазан-ішек жолының ауруларында

• тағамдық және дәрілік аллергияларда

• гипербилирубинемияларда (вирус гепатиті және басқа да сарғаюлар) және гиперазотемияда (бүйрек жеткіліксіздігі)

• ультрадыбыстық және рентгенологиялық зерттеулер алдында ішекте газдың түзілуін азайту үшін

Қолдануды бастағанға дейін қажетті мәліметтер тізбесі

• белсендірілген көмірге немесе препараттың басқа компонентіне жоғары сезімталдық

• асқазан-ішек бітелісі және ішек бітелісіне күдіктену

• іштің қатты ауыруы, спецификалық емес ойық жаралы колит, асқазан-ішек жолы ағзаларынан (АІЖ) қан кету

• 6 жасқа дейінгі балаларға

Қолдану кезіндегі қажетті сақтық шаралары

Препарат қабылдаған кезде нәжістің түсін қарайтады.

Белсендірілген көмірді ұзақ қолданғанда гиповитаминоздың дамуы, АІЖ қоректік заттар (майлар, ақуыздар), гормондар сіңуінің төмендеуі мүмкін.

Үш күн емдегеннен кейін диарея сақталған жағдайда, аурудың себептерін айқындау үшін қосымша клиникалық және биохимиялық зерттеулер жүргізілуі тиіс.

Белсендірілген көмірдібасқадәрілік заттарды қабылдауға дейін немесе одан кейін кем дегенде 1-2 сағат аралықпен қабылдау керек.

Басқа дәрілік препараттармен өзара әрекеттесуі

Белсендірілген көмірөзінің бетінде сіңуіне байланысты, онымен бір мезгілде ішке қабылданатын барлық дәрілік препараттардың тиімділігін төмендетеді. Препарат жартылай шығарылу кезеңі ұзаққа созылатын препараттардың (карбамазепин, фенобарбитал және дифенилсульфон) шығарылу жылдамдығын арттырады. Белсендірілген көмірді пероральді қабылдау дигоксиннің клиренсін 5 есе арттырады.

Белсендірілген көмірді қабылдау артериялық қысымды жоғарылатуға арналған ішілетін дәрілік заттардың және ревматизмге қарсы препараттардың тиімділігін төмендетеді.

Белсендірілген көмірді және ішілетін контрацептивтерді бір мезгілде қабылдау соңғылардың тиімділігін төмендетуі мүмкін. Мұндай жағдайларда контрацепцияның қосымша әдістерін қолдану қажет.

Арнайы ескертулер

Жүктілік және лактация кезеңі

Белсендірілген көмірді жүктілік және лактация кезеңінде қолдануға қарсы көрсетілім жоқ.

Дәрілік заттың көлік құралын немесе қауіптілігі зор механизмдерді басқару қаблетіне әсер ету ерекшеліктері

Әсер етпейді

Қолдану жөніндегі нұсқаулар

Дозалау режимі

Тамақтануға немесе дәрілік заттарға дейін немесе одан кейін 1-2 сағат аралықпен тәулігіне 3-4 рет 3-6 капсуладан.

Жедел улану кезінде өздігінен жұта бастағаннан кейін 2-3 тәулікте күніне 10 капсулаға дейін қабылдау ұсынылады.

Ең жоғары бір реттік дозасы - 8 капсула, ең жоғары тәуліктік дозасы – 24 капсула.

Балаларға препаратты 6 жастан бастап орташа алғанда дене салмағының әр кг шаққанда 0,05 г есебінен дене салмағына байланысты тәулігіне 3 рет, ең жоғары бір реттік доза – дене салмағының әр кг шаққанда 0,2 г дейін тағайындалады.

Жедел улануларда емдеудің ұзақтығы 3-5 күнді құрайды. Созылмалы уыттануларда 10-нан 14 күнге дейін.

Метеоризм кезінде препаратты ішке 3-6 капсуладан тәулігіне 3-4 рет тағайындайды. Емдеу курсы 3-7 күн.

Қолдану тәсілі

Ішке тағайындалады. Капсулаларды сумен қабылдау керек.

Артық дозалану жағдайында қабылдануы қажеті шаралар

Симптомдары:жүрек айну, құсу және іш қату.

Емі: препаратты тоқтату, іш жүргізетін дәрілер тағайындау.

Дәрілік препаратты қолдану тәсілін түсіндіру үшін медициналық қызметкерден кеңес алу бойынша ұсынымдар

Дәрілік препаратты қолдану әдісін түсіндіру үшін кеңес алуға медициналық қызметкерге жүгіну ұсынылды.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

• диспепсия

• АІЖ-дан майлар, ақуыздар, дәрумендер, гормондар сіңуін төмендету

• іш қату

• диарея

• нәжістің қара түске боялуы

• гемоперфузияда белсендірілген көмір арқылы эмболия дамуы мүмкін

• геморрагия, гипогликемия, гипокальциемия, гипотермия, гипотензия

• ауыз қуысы шырышты қабығының кандидозы

• жалған жарғақшалы колит

• бауыр функциясының бұзылуы

• дисбактериоз

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Препараттың құрамы

Бір капсуланың құрамында

белсенді зат - 200 мг белсендірілген көмір,

қосымша заттар (капсула қабығы): темірдің қара тотығы (Е 172), титанның қостотығы (Е 171), желатин.

Сыртқы түрінің, иісінің, дәмінің сипаттамасы

Өлшемі 1, корпусы мен қақпақшасы қара түсті қатты желатинді капсулалар.

Капсуланың ішіндегісі - қара немесе күңгірт сұр түсті ұнтақ

Шығарылу түрі және қаптамасы

10 капсуладан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада.

Бір немесе екі пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Тұтынушымен келісу бойынша пішінді ұяшықты қаптаманы медициналық қолдану жөніндегі мемлекеттік және орыс тіліндегі нұсқаулықтың сәйкес санымен бірге қорапшаға салмастан, топтық ыдысқа қаптауға жол беріледі.

3 жыл

Жарамдылық мерзімі өткеннен кейін қолдануға болмайды.

Құрғақ,жарықтан қорғалған жерде,25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәлімет

«ТК Фарм Ақтөбе» ЖШС, ҚР, Ақтөбе обл., Ақтөбе қ-сы, Астана ауд., Шестихатка а., Шестихатка т.а., ғимарат № 467, тел.: 8 (7132) 21 72 15.

Электронды поштасы: dir-tkpharm@mail.ru

Тіркеу куәлігінің ұстаушысы

«ТК Фарм Ақтөбе» ЖШС, ҚР, Ақтөбе обл., Ақтөбе қ-сы, Астана ауд., Шестихатка а., Шестихатка т.а., ғимарат № 467, тел.: 8 (7132) 21 72 15.

Электронды поштасы: dir-tkpharm@mail.ru

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ТК Фарм Ақтөбе» ЖШС, ҚР, Ақтөбе обл., Ақтөбе қ-сы, Астана ауд., Шестихатка а., Шестихатка т.а., ғимарат № 467, тел.: 8 (7132) 21 72 15.

Электронды поштасы: dir-tkpharm@mail.ru