Санфлокс®

Санфлокс

Ципрофлоксацин

Инфузияға арналған ерітінді 200 мг/100 мл

100 мл препарат құрамында

белсенді зат – ципрофлоксацин гидрохлоридінің моногидраты

(200.00 мг ципрофлоксацинге шаққанда),

Қосымша заттар: натрий лактаты 60%, натрий хлориді,

1 М хлорсутек қышқылы, иньекцияға арналған су.

Ашық-сары түсті, жасылдау реңді мөлдір ерітінді.

Жүйелі пайдалануға арналған бактерияға қарсы препараттар. Микробқа қарсы препараттар – хинолон туындылары. Фторхинолондар. Ципрофлоксацин.

АТХ коды JO1MA02

Фармакокинетикасы

200-400 мг дозада вена ішіне енгізгеннен кейінгі қан плазмасындағы ең жоғарғы концентрациясы Сmax тиісінше 2,1 және 4,6 мкг/мл құрайды. Ципрофлоксациннің қан плазмасы ақуыздарымен байланысуы 20-30 %. Таралу көлемі 2-3 л/кг құрайды.

Органдар мен тіндерге оңай өтеді, гематоэнцефалдық бөгет, плацента арқылы өтеді, емшек сүтімен бөлінеді. Қақырықтағы, сілекейдегі, сүйектердегі, перитониальді сұйықтықтағы, өттегі, қуық асты безі сөліндегі және кіші жамбас ағзаларындағы ципрофлоксацин концентрациялары қан сарысуындағы тиісті деңгейден біршама асып кетуі мүмкін.

Бауырда биотрансформацияланады. Биотрансформацияға 15-30 % ұшырайды. Қанда ципрофлоксациннің төрт метаболиті аздаған концентрацияларда анықталуы мүмкін: диэтилципрофлоксацин (Ml), сульфоципрофлоксацин (М2), оксоципрофлоксацин (МЗ), формилципрофлоксацин (М4), олардың үшеуі (М1-МЗ) налидикс қышқылының бактерияға қарсы белсенділігімен салыстырмалы бактерияға қарсы in vitro белсенділік танытады. Аздаған көлемде болатын М4 метаболитінің in vitro бактерияға қарсы белсенділігі көбінесе норфлоксациннің беленділігіне сай келеді.

Жартылай шығарылу кезеңі Т1/2 5-6 сағатты құрайды, бүйрек функциясы бұзылғанда 12 сағатқа дейін ұлғаюы мүмкін. Қабылданған дозаның шамамен 50-70 % негізінен бүйрекпен өзгермеген күйде 24 сағат ішінде бөлініп шығады, шамамен 15 % - метаболиттер түрінде, қалған бөлігі асқазан-ішек жолы арқылы бөлініп шығады. Бүйректік клиренсі - 3-5 мл/мин/кг; жалпы клиренсі 8 - 10 мл/мин/кг құрайды. СБЖ кезінде (креатинин клиренсі (КК) 20 мл/мин жоғары) препараттың бүйрек арқылы шығарылатын пайызы төмендейді, бірақ препарат метаболизмінің компенсаторлық ұлғаюы және асқазан-ішек жолы арқылы шығарылуы салдарынан организмде кумуляция болмайды.

Фармакодинамикасы

Санфлокс фторхинолондар тобының әсері кең ауқымды синтетикалық бактерияға қарсы препарат болып табылады.

Ципрофлоксациннің бактерицидтік әсері бактериялық ДНҚ репликациясы, транскрипциясы, репарациясы және рекомбинациясы үшін қажетті II типті бактериялық топоизомеразалардың (топоизомераза II (ДНК-гираза) және топоизомераза IV) тежелуі арқылы жүзеге асады.

In vitro зерттеуде ципрофлоксациннің микроорганизмдердің келесі сезімтал штаммдарына қатысты белсенділігі көрсетілген:

Аэробты грамоң микроорганизмдер: Bacillus anthracis, Staphylococcus aureus (метициллинге сезімтал), Staphylococcus saprophyticus, Streptococcus spp.

Аэробты грамтеріс микроорганизмдер: Aeromonas spp., Moraxella catarrhalis, Brucella spp., Neisseria meningitidis, Citrobacter koseri, Pasteurella spp., Francisella tularensi, Salmonella spp., Haemophilus ducreyi, Shigella spp., Haemophilius influenzae, Vibrio spp., Legionella spp., Yersinia pestis.

Анаэробты микроорганизмдер: Mobiluncus spp.

Басқа микрооганизмдер: Chlamydia trachomatis, Chlamydia pneumoniae, Mycoplasma hominis, Mycoplasma pneumoniae.

Келесі микроорганизмдер үшін ципрофлоксацинге сезімталдық дәрежесінің ауытқымалығы көрсетілген: Acinetobacter baumann, Burkholderia cepacia, Campylobacter spp., Citrobacter freundii, Enterococcus faecalis, Enterobacter aerogenes, Enterobacter cloacae, Escherichia coli, Klebsiella pneumoniae, Klebsiella oxytoca, Morganella morganii, Neisseria gonorrhoeae, Proteus mirabilis, Proteus vulgaris, Providencia spp., Pseudomonas aeruginosa, Pseudomonas fluorescens, Serratia marcescens, Streptococcus pneumoniae, Peptostreptococcus spp., Propionibacterium acnes.

Ципрофлоксацинге табиғи төзімділікті мыналар иеленеді деп есептеледі: Staphylococcus aureus (метициллинге төзімді), Stenotrophomonas maltophilia, Actinomyces spp., Enteroccus faecium, Listeria monocytogenes, Mycoplasma genitalium, Ureaplasma urealitycum, анаэробты микроорганизмдер (Mobiluncus spp., Peptostreptococus spp., Propionibacterium acnes қоспағанда).

Санфлокс налидикс қышқылына (невиграмон, неграм) төзімді микроорганизмдерге қарсы тиімді; аминогликозидтерге, пенициллиндерге, сульфаниламидтерге, тетрациклиндерге және цефалоспориндерге төзімді организмдер туындатқан инфекцияларды емдеу үшін қолдануға болады.

Резистенттілік аса баяу дамиды, өйткені, бір жағынан, ципрофлоксациннің әсерінен кейін іс жүзінде персистирлейтін микроорганизмдер қалмайды, екінші жағынан – бактериялық жасушаларда оның белсенділігін жоятын ферменттер жоқ.

Ципрофлоксацинге сезімтал микроорганизмдер туындатқан асқынбаған және асқынған инфекциялар:

• грамтеріс микроорганизмдер туындатқан тыныс алу жолдарының инфекциялары, оның ішінде пневмония, жедел және созылмалы (өршу сатысында) бронхит, муковисцидоз кезіндегі бронх-өкпе инфекциялық асқынулары

• ортаңғы құлақ (ортаңғы отит), мұрынның қосымша қойнауларының (синусит) инфекциялары

• бүйрек және/немесе несеп шығару жолдарының инфекциялары

• асқазан-ішек жолының инфекциялары, оның ішінде Salmonella spp., Shigella spp., Campylobacter spp, және басқалар туындатқан инфекциялары

• өт қалтасының және өт шығару жолдарының инфекциялары

• перитонит

• жыныс органдарының инфекциялары, оған қоса аднексит, соз, простатит;

• сүйек және буын инфекциялары

• тері мен жұмсақ тіндер инфекциялары

• сепсис

• инфекциялар немесе иммунитеті төмендеген пациенттердегі (мысалы, иммунодепрессант қабылдайтын немесе нейтропениясы бар пациенттерде) инфекциялардың профилактикасы

• сібір ойықжарасының профилактикасы және оның жеңіл формаларын емдеу (Bacillus anthracis жұқпа жұқтыру).

Дозасы көрсетілімдермен, инфекцияның ауырлығымен және локализациясымен, организмнің ципрофлоксацинге бейімдігімен, пациенттің бүйрек функциясымен, балалар мен жасөспірімдерде дене салмағымен анықталады.

Емнің ұзақтығы аурудың ауырлығына, клиникалық және бактериологиялық бақылауға байланысты.

Емді вена ішіне бастағаннан кейін дәрігер пероральді емге ол мүмкін болған сәтте ауыстыру туралы мәселені шешуі тиіс.

Ауыр жағдайларда немесе егер пациент таблетка қабылдай алмайтын жағдайда болса (мысалы, пациент энтеральді қоректеніп жатса) емді пероральді енгізу жолына ауысу мүмкін болмағанша ципрофлоксацинді вена ішіне енгізуден бастау ұсынылады.

Кейбір бактериялар (мысалы, көк іріңді таяқша, Acinetobacter немесе Staphylococci) туындатқан инфекциялар үшін ципрофлоксациннің жоғарырақ дозалары және қосымша басқа бактерияға қарсы дәрілерді енгізу талап етілуі мүмкін.

Кейбір инфекцияларды (мысалы, жамбас органдарының қабыну аурулары, интраабдоминальді инфекциялар, нейтропениясы және сүйек және буын инфекциялары бар науқастардағы инфекциялар) емдеу үшін патогенді флораға сезімтал басқа бактерияға қарсы дәрілерді бір уақытта тағайындау талап етілуі мүмкін.

Ересектер

Егде жас мөлшері

Егде жастағы пациенттерде дозаны инфекцияның ауырлығына және креатинин клиренсіне байланысты таңдайды.

Бүйрек және бауыр жеткіліксіздігі кезінде

Бүйрек функциясы бұзылған пациенттер үшін ұсынылған бастапқы және демеуші дозалар:

Бауыр функциясы бұзылған пациенттерде дозаны түзету керек емес.

Бүйрек және/немесе функциясы бұзылған балаларда дозалау мәселесі зерттелмеген.

Қолдану тәсілі

Санфлокс ұзақтығы кемінде 30 мин (200 мг) және 60 мин (400 мг) вена ішіне инфузия түрінде енгізіледі. Инфузиялық ерітіндіні ірі венаға енгізу керек, бұл инфузия орнындағы асқынулардың алдын алуға мүмкіндік береді.

Санфлокс ерітіндісін оқшаулап немесе басқа үйлесімді инфузиялық ерітінділермен бірге енгізуге болады.

Санфлокс инфузиялық ерітіндісі физиологиялық ерітіндімен, Рингер ерітіндісімен, лактатты Рингер ерітіндісімен, 5% және 10% глюкоза ерітіндісімен, 10% фруктоза ерітіндісімен, сондай-ақ 0.225% натрий хлориді немесе 0.45% натрий хлориді бар 5% глюкоза ерітіндісімен үйлесімді.

Санфлоксты үйлесімді инфузиялық ерітінділермен араластырғаннан кейін алынған ерітіндіні микробиологиялық себептерге, сондай-ақ препараттың жарық әсеріне сезімталдығына байланысты барынша тез пайдалану керек.

Санфлокс инфузияға арналған ерітіндісін рН 7 артық ерітінділермен араластыруға болмайды. Үйлесімсіздіктің көрінетін белгілері шөгіндінің түсуі, ерітінді түсінің бұлыңғырлануы немесе өзгеруі болып табылады. Егер басқа инфузиялық ерітінділермен үйлесімдігі расталмаса Санфлокс ерітіндісін жеке енгізу керек.

Препарат дозалары инфекцияның орналасуына және типіне, организмнің жай-күйіне, пациенттің жасына, дене салмағына және бүйрек функциясына байланысты жекелей таңдалады.

Жиі: ≥ 1/100 <1/10 дейін

- жүрек айнуы, диарея

- бөртпе, енгізу орнындағы реакция

Жиі емес: ≥ 1/1000 <1/100 дейін

- зеңдік суперинфекциялар

- эозинофилия

- тәбеттің төмендеуі

- психомоторлық аса жоғары белсенділік/ажитация

- бас ауыруы, бас айналуы, ұйқының бұзылуы, дәмнің бұзылуы

- құсу, іш ауыруы, диспепсия, метеоризм

- «бауыр» трансаминазалар белсенділігінің жоғарылауы, билирубин деңгейінің жоғарылауы

- қышыну, есекжем

- сүйек-бұлшықет ауыруы (мысалы: қол-аяқтың, арқаның, құрсақ қуысының ауыруы), артралгия

- бүйрек функциясынң бұзылуы

- астения, қызба

- қандағы фосфатаза деңгейінің жоғарылауы

Сирек: ≥ 1/10000 <1/1000 дейін

- жалған жарғақшалы колит (өте сирек жағдайларда ықтимал өліммен аяқталу)

- лейкопения, анемия, нейтропения, лейкоцитоз, тромбоцитопения,

тромбоцитемия

- аллергиялық реакциялар, аллергиялық ісіну/ангионевроздық ісіну

- гипер/гипогликемия

- сананың шатасуы және бағдардан адасу, үрей, депрессия, қорқынышты түс, елестеулер

- парестезия, дизестезия, гипестезия, тремор, құрысу, вертиго

- көрудің бұзылуы (мыс.: диплопия)

- құлақтың шулауы, естімей қалу

- тахикардия

- вазодилатация, артериялық қысымның төмендеуі, естен тану

- тыныс алудың бұзылуы (бронх түйілуін қоса)

- бауыр функциясының бұзылуы, сарғаю, гепатит (инфекциялық емес)

- фотосенсибилизация

- миалгия, артрит, бұлшықет тонусының жоғарылауы, бұлшықет құрысуы

- бүйрек жеткіліксіздігі, гематурия, кристаллурия, тубулоинтерстициальді нефрит

- ісінулер, тершеңдік (гипергидроз)

- амилазаның жоғарылауы

Өте сирек: <1/10000

- гемолиздік анемия, агранулоцитоз, панцитопения (өмірге қауіп төндіретін), сүйек кемігінің бәсеңдеуі (өмірге қауіп төндіретін)

- анафилаксиялық реакциялар, анафилаксиялық шок (өмірге қауіп төндіретін), сарысу ауруы

- психоздық реакциялар, суицидтік ойларды қоса

- бас сақинасы, қозғалыс үйлесімінің бұзылуы, иіс сезінудің бұзылуы,

бассүйекішілік гипертензия

- түсті қабылдаудың бұзылуы

- васкулит

- панкреатит

- бауыр тіндерінің некрозы (өте сирек жағдайларда өмірге қауіп төндіретін бауыр жеткіліксіздігіне дейін өршиді)

- петехия, кіші формалы мультиформалы эритема, түйінді эритема,

Стивенс-Джонсон синдромы (қатерлі экссудативті эритема), оның ішінде өмірге аса қауіп төндіретін Лайелл синдромы (уытты эпидермальді некролиз), оның ішінде өмірге аса қауіп төндіретін

- QT аралығының ұзаруы, қарыншалық аритмия (оның ішінде «пирует» типті, көбінесе QT аралығының ұзаруының дамуына бейімділігі бар пациенттерде)

- К дәруменінің антагонистерін қабылдаған пациенттерде жоғары ХҚҚ (халықаралық қалыпты қатынас)

Қодлануға болмайтын жағдайлар

• ципрофлоксацинге немесе фторхинолондар тобының басқа препараттарына жоғары сезімталдық

• тизанидинмен бір уақытта қабылдау

• жүктілік және лактация кезеңі

• балалар мен 18 жасқа дейінгі жасөспірімдер

Басқа өнімдердің ципрофлоксацинге ықпалы:

Ципрофлоксацинді, басқа да фторхинолондар сияқты QT аралығын ұзартуға қабілетті препараттар (мысалы, IA және III класты аритмияға қарсы препараттар, үшциклды антидепрессанттар, макролидтер, нейролептиктер) қабылдайтын пациенттерде сақтықпен пайдалану керек.

Пробенецид ципрофлоксациннің бүйрек сөлінісіне кедергі жасайды. Пробенецид пен ципрофлоксацинді бірге енгізу қандағы ципрофлоксацин концентрациясын жоғарылатады.

Ципрофлоксациннің басқа дәрілік заттарға әсері:

Тизанидин мен құрамында тизанидин препараттарды бір уақытта қолдану қан сарысуындағы тизанидин концентрациясының ұлғаюын; ең жоғарғы концентрацияның Cmax 7 есе (4-тен 21 есеге дейін) және AUC көрсеткішінің 10 есе (6-дан 24 есеге дейін) ұлғаюын туындатады, бұл артериялық қысымның айқын төмендеу қаупін және ұйқышылдықты арттырады.

Метотрексат пен ципрофлоксацинді бір уақытта қолдану метотрексаттың бүйрек-өзекшелік тасымалын баяулатуы мүмкін, бұл соңғысының қан плазмасындағы концентрациясының жоғарылауымен қатар жүруі мүмкін. Осыған байланысты метотрексаттың жағымсыз әсерлерінің даму ықтималдығының ұлғаюы мүмкін. Метотрексат және ципрофлоксацинмен бір уақытта ем алатын пациенттерге мұқият қадағалау орнатылуы тиіс. 

Бір уақытта пайдалану ұсынылмайды.

Ципрофлоксацин мен теофиллинді бір уақытта қолдану қан плазмасындағы теофиллин концентрациясының жоғарылауына және осының салдарынан теофиллиннің жартылай шығарылу кезеңінің ұлғаюына және теофиллинмен байланысты уытты әсердің даму қаупінің өсуіне әкелуі мүмкін.

Гепатоциттердің, ципрофлоксациннің микросомаларында тотығу үдерісінің белсенділігінің төмендеуі салдарынан ксантиндердің (мысалы, кофеин) концентрациясын жоғарылатады және жартылай шығарылу кезеңін ұзартады.

Ципрофлоксацин мен фенитоинды бір уақытта қолдану қан плазмасындағы фенитоин мөлшерінің өзгеруін (жоғарылауы немесе төмендеу) туындатады. Фенитоинның құрысуға қарсы әсерінің әлсіреуі салдарынан қос препаратты қабылдайтын пациенттерде бақылау жүргізу ұсынылады.

Ципрофлоксацин мен циклоспоринді бір уақытта қабылдау соңғысының нефроуытты әсерін күшейтеді, бұл қан плазмасындағы креатинин деңгейінің жоғарылауына әкеледі. Осыған байланысты аптасына кемінде 2 рет жиілікпен қандағы креатинин концентрациясын бақылау қажет.

Ципрофлоксацинді К витаминінің антагонисімен бір уақытта қабылдау оның антикоагулянттық әсерін ұлғайтуы мүмкін. Қауіп инфекция түріне, пациенттің жасына және жалпы жай-күйіне байланысты өзгеруі мүмкін, бұл ХҚҚ (халықаралық қалыпты қатынас) бағалауын қиындатады. ХҚҚ ципрофлоксацинді К витаминінің антагонисімен (мысалы, варфарин, аценокумаролем, фенпрокумон және флуидион) бірге енгізу уақытында және одан кейін жиі бақылау керек.

Клиникалық зерттеулер жүргізу барысында дулоксетин мен CYP450 1А2 изоферментінің күшті тежегіштерін (флувоксамин сияқты) бір уақытта қолдану дулоксетиннің AUC және Сmах ұлғаюына әкелуі мүмкін екенін көрсетті. Ципрофлоксацинмен ықтимал өзара әрекеттесулер туралы клиникалық деректердің жоқтығына қарамастан ципрофлоксацин мен дулоксетинді бір уақытта қолданғанда осындай әрекеттесулердің ықтималдығын болжауға болады. 

Ропинирол мен ципрофлоксацинді, CYP450 1А2 изоферментінің орташа тежегішін бір уақытта қолдану ропиниролдың Сmах және AUC тиісінше 60 және 84 % ұлғаюына әкеледі. Ципрофлоксацинмен бірге қолдану уақытында және біріктірілген ем аяқталғаннан кейін қысқа уақыт ішінде ропиниролдың жағымсыз әсерлерін бақылау керек. 

Дені сау еріктілерге жасалған зерттеуде құрамында лидокаин бар препараттар мен ципрофлоксацинді - CYP450 1А2 изоферментінің орташа тежегішін бір уақытта қолдану лидокаин клиренсінің оны вена ішіне енгізгенде 22 % төмендеуіне әкелетіні анықталған. Лидокаиннің жақсы жағымдылығына қарамастан бір уақытта қолданғанда ципрофлоксацинмен әрекеттесу байқалуы және осының салдарынан жағымсыз әсерлердің күшеюі мүмкін.

Клозапин мен құрамында ципрофлоксацин бар препараттарды 7 күн бойы 250 мг дозада бір уақытта қолданғанда клозапин мен N-десметилклозапиннің сарысулық концентрациялары тиісінше 29 % және 31% ұлғаюы байқалды. Пациенттің жай-күйін бақылау және қажет болса оны ципрофлоксацинмен бірге қолдану уақытында және біріктірілген ем аяқталғаннан кейін қысқа уақыт ішінде клозапиннің дозалау режимін түзету керек.

Дені сау еріктілерде ципрофлоксацинді 500 мг дозада және силденафилді 50 мг дозада бір уақытта қолданғанда силденафилдің Сmах және AUC 2 есе ұлғаюы анықталды. Осыған байланысты аталған біріктірілімді пайда/қауіп арақатынасын бағалаудан кейін ғана қолдануға болады.

Ципрофлоксацин монотерапия ретінде ауыр инфекцияларды және грамоң немесе анаэробты патогендер туындатқан инфекцияларды емдеу үшін жарамсыз. Мұндай жағдайларда ципрофлоксацин басқа тиісті бактерияға қарсы дәрілермен енгізілуі тиіс.

Ципрофлоксацин тиімділігінің жеткіліксіздігіне байланысты стрептококкты инфекцияларды емдеу үшін ұсынылмайды.

Аса жоғары сезімталдық және аллергиялық реакциялар, оған қоса анафилаксиялық шок және анафилактоидтық реакциялар бір рет қабылдаудан кейін туындауы мүмкін және өмірге қауіп төндіруі мүмкін. Мұндай реакция туындағанда ципрофлоксацинді тоқтату және талапқа сай ем бастау керек.

Сіңірлердің ауыруы немесе тендовагиниттің бірінші белгілері пайда болғанда емді тоқтату, сіңірдің иммобилизациясын жүргізу және ортопедтен кеңес алу керек.

Ципрофлоксацинмен емдеу кезеңінде тікелей күн сәулесімен жанасудан аулақ болу керек.

Эпилепсиясы, анамнезінде құрысуы, тамыр аурулары және мидың органикалық зақымданулары бар науқастарға ципрофлоксацинді ОЖЖ тарапынан болатын жағымсыз реакциялардың даму қаупіне байланысты өмірлік маңызды көрсеткіштер бойынша ғана тағайындау керек.

Психикалық реакциялар тіпті фторхинолондарды бірінші қолданғаннан кейін туындауы мүмкін. Сирек жағдайларда депрессия немесе психоздық реакциялар суицидтік ойларға және суицидтік, оның ішінде аяқталған әрекеттерге дейін өршуі мүмкін. Егер пациентте осы реакциялардың бірі дамыса препарат қабылдауды дереу тоқтату және бұл туралы дәігерге хабарлау керек.

Ципрофлоксацинді қоса, фторхинолондар қабылдайтын пациенттерде сенсорлық немесе сенсомоторлық полинейропатия, гипестезия, дизестезия немесе әлсіздік жағдайлары байқалды. Ауыру, шымылдату, шаншу, жансыздану, әлсіздік сияқты симптомдар туындағанда препарат қолдануды жалғастырудан бұрын дәрігерге хабарлау керек.

QT аралығының ұзаруы бойынша төмендегі белгілі қауіп факторлары бар пациенттерге Санфлокс қоса, фторхинолон препараттарын тағайындағанда сақтық жасау керек:

- ұзарған QT аралығы синдромы

- түзетілмеген электролиттік дисбаланс (мысалы, гипокалиемия, гипомагниемия)

- жүрек патологиясы (мысалы, миокард инфаркты, брадикардия, жүрек жеткіліксіздігі)

- QT аралғын ұзартатын препараттармен (мысалы, IA және III класты аритмияға қарсы препараты, үшциклды антидепрессанттар, макролидтер, психозға қарсы дәрілер) бір уақытта қолдану.

Қант диабетімен ауыратындарға ципрофлоксацинді тағайындағанда сақтық таныту қажет.

Санфлокспен емдеу уақытында немесе одан кейін ауыр және ұзақ мерзімді диарея туындағанда препаратты дереу тоқтатуды және тиісті ем тағайындауды талап ететін жалған жарғақшалы колит диагнозын алып тастау керек. Колоноскопиялық және/немесе гистологиялық тұрғыдан расталған жалған жарғақшалы колитте ванкомицин мен метронидазолды пероральді тағайындау көрсетілген. Бұл клиникалық жағдайда ішек перистальтикасын бәсеңдететін препараттар қарсы көрсетілген.

Препаратпен емдеу кезеңінде кристаллурия туындауының алдын алу мақсатында дұрыс диурезді қамтамасыз ету үшін жеткілікті сұйықтық көлемін тұтыну қажет.

Бүйрек функциясы бұзылған науқастарда қан плазмасындағы ципрофлоксацин концентрациясын бақылау қажет.

Бауыр функциясы бұзылған пациенттерде қан плазмасындағы ципрофлоксацин концентрациясын бақылау қажет. Фторхинолондарды қолданғанда гепатиттер мен өмірге қауіп төндіретін бауыр жеткіліксіздігінің жағдайлары тіркелген. Пациенттерге анорексия, сарғаюшылық, несептің қараюы, тері қышынуы сияқты симптомдар пайда болғанда Санфлокс қабылдауды тоқтату туралы хабарлау керек.

Ципрофлоксацинді глюкoза-6-фосфатдeгидpoгeназа жеткіліксіздігі бар науқастарда қолданғанда гемолиз дамуы мүмкін, сондықтан ципрофлоксацинмен емдеуді аса сақтықпен жүргізу керек.

Ципрофлоксацин CYP1A2 тежейді және осы ферментпен (мысалы, теофиллин, клозапин, оланзапин, тизанидин, дулоксетин) метаболизденетін және Санфлокс ерітіндісімен бір уақытта тағайындалатын заттардың концентрациясының ұлғаюын туындатуы мүмкін.

Ципрофлоксацин мен тизанидинді бірге енгізуге болмайды. Осылайша, бұл заттарды ципрофлоксацинмен бір уақытта қабылдайтын пациенттер артық дозаланудың клиникалық белгілерін мұқият қадағалау, сондай-ақ қан сарысуындағы концентрациясын (мысалы, теофиллиннің) анықтау керек.

Ципрофлоксацинді метотрексатпен бір уақытта қолдану ұсынылмайды.

Ципрофлоксацин ципрофлоксацин қабылдайтын пациенттерден алынған үлгілердегі туберкулез микобактерияларына бактериологиялық зерттеулердің жалған теріс нәтижелерін беруі мүмкін.

Ципрофлоксацинді вена ішіне енгізгенде инъекция орнында жергілікті тері реакциялары байқалған, көбінесе бұл реакциялар инфузия уақыты 30 минуттан аз жалғасқанда болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Санфлокс қабылдау пациенттердің автокөлікті басқару қабілетін бұзуы мүмкін екеніне байланысты оны қолдану кезеңінде зейін қоюды және психомоторлық реакциялардың жылдамдығынталап ететін жұмысты орындаудан бас тарта тұру керек.

Симптомдары: бас айналуы, тремор, бас ауыруы, шаршау, құрысулар, елестеулер, сананың шатасуы, іштегі жайсыздық, бүйрек және бауыр жеткіліксіздігі, қайтымды бүйрек уыттылығы, сондай-ақ кристаллурия және гематурия.

Емі: спецификалық антидоты жоқ. Науқастың жай-күйін мұқият бақылау, жеткілікті сұйықтықпен қамтамасыз ету және басқа да шұғыл көмек шараларын жүргізу қажет. Бүйрек функциясын, оның ішінде несеп рН (қажет болғанда кристаллурияның алын алу үшін қышқылдату керек) бақылау ұсынылады. Бұл пациенттердің сусыздануынан сақ болу керек. Кальций немесе құрамында антацидтер бар магний теориялық тұрғыдан артық дозалану кезінде ципрофлоксациннің сіңірілуін төмендетуі мүмкін.

Гемодиализдің немесе перитонеальді диализдің көмегімен препараттың аздаған ғана мөлшері (10 % кем) шығарылуы мүмкін.

Артық дозалану жағдайында QT аралығының ұзаруы мүмкіндігінен ЭКГ мониторингімен симптоматикалық ем қажет.

Шығарылу түрі және қаптамасы

100 мл препараттан полиэтилен бөтелкеде.

Әрбір препараты бар бөтелкеге қағаздан жасалған заттаңба желімдейді.

Әрбір бөтелкені медициналық қолдану жөнінде мемлекеттік және орыс тілдеріндегі нұсқаулықпен бірге тұтынушылар ыдысына арналған картон қорапшаға салады.

Препараты бар қорапша тұтынушылар ыдысына немесе гофрланған картонға арналған картон қорапқа салынады.

Препараты бар қаптамаларды (қорапшаға салмай) медициналық қолдану жөнінде мемлекеттік және орыс тілдеріндегі бекітілген нұсқаулықпен бірге сол картонның қалқасымен тұтынушылар ыдысына немесе гофрланған картонға арналған картон қорапқа салуға жол беріледі.

Жарықтан қорғалған жерде, 25оС-ден аспайтын температурада сақтау керек.

Мұздатып қатыруға болмайды!

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды

Рецепт арқылы

«Химфарм» АҚ, Шымкент қ., Қазақстан Республикасы

Тіркеу куәлігінің иесінің атауы және елі

«Химфарм» АҚ, Шымкент қ., Қазақстан Республикасы

Қазақстан Республикасы аумағында тұтынушылардан дәрілік заттың сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«Химфарм» АҚ, Қазақстан Республикасы, Шымкент қ., Рашидов көш., 81,

Телефон нөмірі +7 7252 (561342) Факс нөмірі +7 7252 (561342)

Электронды поштасы infomed@santo.kz