Алтадрин

• русский
• қазақша

• Скачать инструкцию медикамента

Саудалық атауы

Алтадрин

Халықаралық патенттелмеген атауы

Жоқ

Дәрілік түрі

Көз тамшы дәрісі, (1 мг + 0.33 мг)/мл ерітінді, 5 мл

Құрамы

1 мл ерітіндінің құрамында белсенді заттар – 1.00 мг дифенилгидрамин гидрохлориді, 0.33 мг нафазолин нитраты,

қосымша заттар: бор қышқылы, динатрий эдетаты, бензалконий хлоридінің ерітіндісі, 10% натрий гидроксидінің ерітіндісі, тазартылған су.

Сипаттамасы

Түссіз мөлдір сұйықтық

Фармакотерапиялық тобы

Деконгестанттар және аллергияға қарсы препараттар. Деконгестанттар ретінде пайдаланылатын симпатомиметиктер.

Нафазолин басқа да препараттармен біріктірілімде.

ATХ коды S01GA51

Фармакологиялық қасиеттері

Фармакокинетикасы

Нафазолиннің толық жергілікті әсері қолданған сәттен 5 мин кейін-ақ байқалады. Әсері 6-8 сағат жалғасады.

Нафазолин жүйелік әсерін туындата отырып, шырышты қабықтардан сіңуі мүмкін, дегенмен препаратты конъюнктивальді қапқа енгізгеннен кейін ересектерде мұндай әсерінің ықтималдығы аз. Жүйелік реакциялар ең бастысы, егде жастағы емделушілерде және кішкентай жастағы балаларда болады. Дифенгидраминнің жүйелік әсерлерінің пайда болу мүмкіндігі өте аз.

Фармакодинамикасы

Алтадрин біріктірілген препарат болып табылады, антигистаминдік (дифенгидрамин) және вазоконстрикторлық (нафазолин) әсері бар.

Дифенгидрамин гистаминді H1-рецепторларының антагонисі болып табылады. Гистаминді H1-рецепторларының бәсекелі блокадасы жолымен ол әсіресе, қан тамырлары өткіштігінің артуы және кеңеюі сияқты гистаминнің босап шығуына байланысты аллергиялық симптомдарды азайтады.

Нафазолин қан тамырлары α-адренорецепторларын көтермелейді, сондықтан оны жергілікті қолдану кеңейген қан тамырларын тарылтуға және қабыну симптомдарының азаюына әкеледі.

Қолданылуы

• маусымдық немесе жыл бойына созылатын аллергиялық конъюнктивиттің өршуінде

• жанаспалы линза қолданудан, күннің әсерінен, темекі түтінінен, жүзу бассейнінде суға тигізуден және т.б. туындаған конъюнктиваның тітіркенуі кезінде

Қолдану тәсілі және дозалары

Жергілікті, конъюнктивальді қапқа. Құтының ішіндегісі ластануы мүмкін болғандықтан, тамшылатқыштың ұштығын тигізбеу керек,

Ересектер мен 8 жастан асқан балаларға: 1-2 тамшыдан конъюнктивальді қапқа, қажет болғанда әр 6-8 сағат сайын.

Дәрілік препаратты 3-5 күннен ұзақ қолдануға болмайды.

Жағымсыз әсерлері

Жиі

• күйдіру, қышыну, көздің ауыруы, көрудің бұзылысы, гиперемия, конъюнктиваның тітіркенуі

Сирек

• ұйқышылдық, жүректің қағуы, гипертензия, бас ауыруы және бас айналуы, жүрек айнуы, көз ішілік қысымның жоғарылауы.

Жүйелік реакциялардың пайда болуы немесе жергілікті тітіркенудің сақталып қалуы препаратты тоқтатуға көрсетілім болып табылады.

Ұзақ қолдану эпителийдің, оның гипоксиясымен байланысты (болжамды нашарлататын) болатын жергілікті өзгерістеріне әкелуі мүмкін.

Қолдануға болмайтын жағдайлар

• препарат компонентінің қандай да біріне (оның ішінде симпатомиметикалық аминдерге) жоғары сезімталдық

• МАО тежегіштерімен бір мезгілде қабылдау, сондай-ақ оларды тоқтатқаннан кейін 14 күн бойы

• жабық бұрышты глаукома

• 8 жасқа дейінгі балалар

• «құрғақ көз» синдромы

• гипертиреоз

• жүктілік және лактация кезеңі

Дәрілермен өзара әрекеттесуі

Үшциклді антидепрессанттарды қабылдаумен бір мезгілде құрамында нафазолин бар препаратты қолдану нафазолиннің тамыр тарылтатын әсерін үдетуі мүмкін. Нафазолинді МАО тежегіштерімен бір мезгілде қолдану гипертониялық криздің дамуына әкелуі мүмкін.

Айрықша нұсқаулар

Препарат тек жерілікті қолдануға арналған: конъюнктивальді қапқа тамызу керек.

Препаратта бензалконий хлоридінің барын ескере отырып, тамызар алдында жұмсақ жанаспалы линзаны көзден шығарып алу керек және оны тамызғаннан кейін 15 минут өтпей, ерте салуға болмайды. Бензалконий хлориді көзді тітіркендіруі және жанаспалы линзалардың түсін өзгертуі мүмкін.

Сақтықпен.

Конъюнктивиттің ұзаққа созылуы жағдайында тамшыларды қолданбаған жөн, оларды созылмалы аурулар өршуі кезінде қысқа уақыт ішінде қолдануға болады. Конъюнктивальді қапқа енгізгеннен кейін препарат компоненттерінің жүйелі әсер ету мүмкіндігі өте аз, алайда оны гипертензиясы, аритмиясы, симпатомиметикалық аминдерге жоғары сезімталдығы бар емделушілерге қолданғанда, гипертиреозда, сондай-ақ қуық асты бездері гиперплазиясы кезінде және егде жаста сақтықпен қолданған жөн. Бұл емделушілерге, нафазолиннің сіңуін көрсететін қандай да бір жүйелік реакциялар пайда болған жағдайда препаратты қолданудың тоқтатылуы қажет екендігін ескерту қажет.

Емделушіге тітіркену симптомдары немесе көз ауыруының 72 сағаттан астам сақталуы препаратты тоқтатуға көрсетілім болып табылатынын ескерткен жөн.

Ісінудің салдарлы күшеюіне және гиперсекрецияға әкелетін синдромның даму қаупін, сондай-ақ эпителийдің ауыр өзгерістерінің даму мүмкіндіктерін ескере отырып, препаратты 5 күннен артық немесе енгізу аралығы 3 сағаттан кем етіп қолдануға болмайды.

Жүктілік және лактация кезеңі

Жүктілік кезінде, дәрігердің пікірінше, егер анасы үшін пайдасы ұрыққа төнетін қауіптен асып түсетін жағдайда ғана препараттың қолданылуы мүмкін.

Препараттың белсенді компоненттерінің емшек сүтімен бөлінетін-бөлінбейтіндігі белгісіз. Лактация кезеңінде препаратты қолдану қажет болғанда, емшекпен қоректендіруді тоқтату жөніндегі мәселені дәрігермен келісіп шешіп алған жөн.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Көрудің мүмкін болатын бұзылыстарын ескере отырып, көлік құралдарын басқаратын және механизмдермен қызмет көрсететін адамдарға препаратты сақтықпен қолдану керек.

Артық дозалануы

Симптомдары: препаратты жасы кіші балаларға ұзақ немесе тым жиі енгізу орталық жүйке жүйесінің тежелуіне, гипотермияға, көз қарашығының ұзақ уақыт кеңеюіне, артериялық қысымның жоғарылауына, тахикардияға, комаға әкелуі мүмкін.

Емі: симптоматикалық

Шығарылу түрі және қаптамасы

Алғашқы ашылуы бақыланатын қақпақпен тұмшаланып жабылған полиэтилен тамшылатқыш-құтыға 5 мл препараттан салынған.

2 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

250С-ден аспайтын температурада, жарықтан қорғалған жерде сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Құтыны ашқаннан кейінгі қолдану кезеңі – 4 апта.

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Польфа Варшава фармацевтикалық зауыты АҚ, Польша

Карольков к-сі 22/24, 01-207 Варшава, Польша

Тіркеу куәлігінің иесі

Польфа Варшава фармацевтикалық зауыты АҚ, Польша

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

«Adalan» ЖШС

Тимирязев к-сі 42, 23 пав., 202 кеңсе, 050057, Алматы қ.

Тел.: +7 (727) 269 54 59; электронды поштасы: reg@adalan.kz