Аллервэй Экспресс

Аллервэй® Экспресс

Левоцетиризин

Дәрілік түрі, дозасы

Ауыз қуысында ұсақталатын таблеткалар, 5 мг

Респираторлық жүйе. Жүйелі әсер ететін антигистаминді препараттар. Пиперазин туындылары. Левоцетиризин.

АТХ коды R06AE09

- аллергиялық ринитті (персистирлейтін аллергиялық ринитті қоса) және есекжемді симптоматикалық емдеу

Қолданудың басталуына дейін қажетті мәліметтер тізбесі

- пиперазин туындыларына немесе препарат компоненттерінің кез келгеніне жоғары сезімталдық

- созылмалы бүйрек жеткіліксіздігінің ауыр түрі (КК 10 мл/мин кем)

- фенилкетонуриясы бар пациенттер

- 6 жасқа дейінгі балалар

- жүктілік және лактация кезеңі

Қолдану кезіндегі қажетті сақтандыру шаралары

Созылмалы бүйрек жеткіліксіздігі бар пациенттер және бүйректің орташа және ауыр жеткіліксіздігі бар егде жастағы пациенттер:

Дозалау режимін түзету қажет етіледі.

Несеп іркілуіне бейім факторлары бар пациенттер (мысалы, жұлын хордасының зақымдануы, қуық асты безінің гиперплазиясы) ерекше сақтықпен қабылдау керек, өйткені левоцетиризин несеп іркілуінің даму қаупін арттыруы мүмкін.

Құрысуға бейім немесе эпилепсиямен зардап шегетін адамдар препаратты өте мұқият қабылдауы керек, өйткені левоцетиризин құрысудың даму қаупін арттырады.

Басқа дәрілік препараттармен өзара әрекеттесуі

Левоцетиризинмен өзара әрекеттесуін зерттеу деректері (оның ішінде CYP3A4 индукторларымен зерттеулер) жоқ; цетиризиннің рацематпен қосылыстарын зерттеу қандай да бір клиникалық маңызы бар қолайсыз әсерлерді (антипиринмен, псевдоэфедринмен, циметидинмен, кетоконазолмен, эритромицинмен, азитромицинмен, глипизидпен және диазепаммен) көрсетпеген.

Цетиризин клиренсінің аздаған төмендеуі (16%) теофиллиннің бірнеше дозасымен (күніне бір рет 400 мг) зерттеуде байқалды, ал теофиллиннің қалпы цетиризинді бір мезгілде қолданғанда өзгермейді.

Ритонавир (күніне екі рет 600 мг) және цетиризинді (тәулігіне 10 мг) бір мезгілде қолданғанда, цетиризиннің әсер ету дәрежесі шамамен 40%-ға ұлғайған, ал ритонавирдің қалпы сәл өзгертілген (-11%), бұл бұдан әрі цетиризиннің сіңуімен қатар жүрген.

Левоцетиризиннің сіңірілу дәрежесі тамақ ішумен азаймайды, бірақ сіңу жылдамдығы төмендейді.

Сезімтал пациенттерде цетиризинді немесе левоцетиризинді және алкогольді немесе ОЖЖ басқа да депрессанттарды бір мезгілде қолдану орталық жүйке жүйесіне әсер етуі мүмкін, бірақ цетиризиннің рацематы алкогольдің әсерін күшейтпейді.

Арнайы сақтандырулар

Жүктілік

Препаратты жүкті әйелдерге қолдануға болмайды.

Лактация кезеңі

Левоцетиризин дигидрохлориді емшек сүтіне шығарылады. Сондықтан левоцетиризиннің емшек сүтімен бөліну ықтималдығы да бар. Емшекпен қоректенетін балаларда левоцетиризинге жағымсыз реакциялар пайда болуы мүмкін. Сондықтан, бала емізу кезеңінде әйелдерге левоцетиризин тағайындағанда сақ болу керек.

Фертильділігі

Деректер жоқ

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ұсынылатын 5 мг дозаны тағайындаған кезде автомобиль жүргізу және механизмдермен жұмыс істеу қабілетін объективті бағалауда қандай да бір жағымсыз құбылыстар сенімді түрде анықталған жоқ. Дегенмен, жоғары зейін қою мен психомоторлық реакциялар жылдамдығын қажет ететін қауіптілігі зор қызмет түрлерімен айналысудан бас тарта тұрған дұрыс болады.

Қолдану жөніндегі нұсқаулар

Дозалау режимі

6 жастан 12 жасқа дейінгі балалар

Ұсынылған күндізгі доза 5 мг құрайды (ауыз қуысында ұсақталатын 1 таблетка).

12 жастан асқан жасөспірімдер мен ересектер

Ұсынылған күндізгі доза 5 мг құрайды (ауыз қуысында ұсақталатын 1 таблетка).

Егде жастағы пациенттер

Дозаны түзету бүйректің орташа және ауыр жеткіліксіздігі бар егде жастағы пациенттерге ұсынылады.

Бүйрек жеткіліксіздігі бар ересек пациенттер

Дозалау аралықтары бүйрек функциясына байланысты жеке-дара болуы тиіс. Келесі кестеге қараңыз және дозаны төменде көрсетілгендей түзетіңіз. Бұл дозалау кестесін пайдалану үшін пациенттің креатинин клиренсін (КК) мл/мин бойынша бағалау талап етіледі. КК (мл/мин) келесі формуламен анықталған сарысу креатинині бойынша (мг/дл) бағалауға болады:

КК = [140 - жасы (жас)] х салмағы (кг) (х 0.85 әйелдер үшін)

72 х сарысу креатинині (мг/дл)

Бүйрек функцияясы бұзылған пациенттер үшін дозалауды түзету:

Бүйрек жеткіліксіздігі бар балалар

Доза пациенттің бүйрек клиренсін және оның дене салмағын ескере отырып, жеке негізде түзетілуі тиіс.

Бауыр жеткіліксіздігі бар пациенттер

Тек бауыр жеткіліксіздігі бар пациенттерге дозаны түзету қажет емес. Бауыр және бүйрек жеткіліксіздігі бар пациенттерге дозаны реттеп отыру ұсынылады.

Пайдалану ұзақтығы

Мерзімді аллергиялық ринит (симптомдар <4 күн/апта немесе 4 аптадан кем) ауру мен оның тарихына байланысты қарастырылуы тиіс, симптомдар жоғалғаннан кейін ғана қабылдауды тоқтатуға болады және симптомдар пайда болған кезде қайтадан жаңғыртылуы мүмкін. Тұрақты аллергиялық ринит жағдайында (симптомдар > 4 күн/апта және 4 аптадан артық) пациентке үздіксіз терапия аллергендермен байланыс кезінде ұсынылуы мүмкін. Үлбірлі қабықты таблеткалар түріндегі 5 мг левоцетиризинді 6 айлық емдеу кезеңі бойы қолданудың клиникалық тәжірибесі бар. Созылмалы есекжем мен созылмалы аллергиялық ринитке рацематты бір жылға дейін пайдаланудың клиникалық тәжірибесі бар.

Қолдану тәсілі

Аллервэй Экспресс ауыз қуысында ұсақталатын таблеткаларын шайнауға немесе тілге салып соруға болады. Препаратты сумен немесе сусыз (тамақтануға байланыссыз) қабылдануы мүмкін.

Артық дозалану жағдайында қабылдау қажет болатын шаралар

Симптомдары: ұйқышылдық түріндегі уыттану белгілері, балаларда -

мазасыздық және қатты ашушаңдық.

Емі: артық дозалану симптомдары пайда болған кезде (әсіресе балаларда) препарат қабылдауды тоқтату керек, асқазанды шаю, белсендірілген көмірді қабылдау, симптоматикалық ем қажет. Арнайы антидоты жоқ. Гемодиализ тиімсіз.

Дәрілік препаратты қабылдамас бұрын дәрігер немесе фармацевт кеңесіне жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жиі

- бас айналуы, бас ауыруы

- шаршау, ұйқышылдық

- жүрек айнуы, ауыздың құрғауы, іштің ауыруы

- фарингит, ринит

Жиі емес

- мазасыздық, парестезия

- астения, әлсіздік

- диарея

- қышыну, бөртпелер

Сирек

- агрессия, қозу, сананың шатасуы, депрессия, елестеулер, ұйқысыздық, құрысулар, қимыл-қозғалыстың бұзылуы

- тахикардия

- ісіну

- бауыр функциясының бұзылуы (трансаминаза, сілтілік фосфатаза, ƴ-глютамилтрансфераза және билирубин деңгейінің жоғарылауы,)

- есекжем

- салмақтың артуы

Өте сирек

- тромбоцитопения

- анафилаксиялық шок, тик, дәм қабылдауының бұзылуы, синкопе, тремор, дистония, дискинезия, аккомодацияның бұзылуы, көрудің бұлдырауы, көз алмасының қозғалысы, ангионевроздық ісіну, тұрақты дәрілік эритема

- дизурия, түнгілік несепті ұстай алмау

6 -12 жастағы балаларда:

бас ауыруы, ұйқышылдық

12 жастан асқан жасөспірімдер мен ересектерде:

бас ауыруы, ұйқышылдық, ауыздың құрғауы, шаршау

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

белсенді зат - левоцетиризин дигидрохлориді 5 мг,

қосымша заттар: бетадекс, маннитол, коллоидты кремнийдің қостотығы, жүгері крахмалы, сусыз лимон қышқылы, микрокристалды целлюлоза (Avicel pH 102), кросповидон, аспартам, магний стеараты

Дөңгелек пішінді, ақтан ақ дерлік түске дейінгі, ойығы бар, биіктігі 3.3 мм  0.3 мм және диаметрі 9.0 мм  0.3 мм таблеткалар.

Шығарылу түрі және қаптамасы

10 таблеткадан алюминий фольгадан жасалған пішінді ұяшықты қаптамаға қапталады.

1, 2 немесе 3 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл

Жарамдылық мерзімі өткеннен кейін пайдалануға болмайды.

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Athena Drug Delivery Solutions Private Limited

A-1 to A-5, MIDC, Сhemical Zone, Ambernath (W), Thane- 421501

Maharashtra State, Үндістан

Тіркеу куәлігінің ұстаушысы:

Dr.Reddy’s Laboratories Limited,

8-2-337, Road No.3, Banjara Hills, Hyderabad-500034, Telangana, Үндістан

Тел: 87017633805, факс: 8(727)3941294

mail: Maira.Zhagiparova@drreddys.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Д-р Редди’с Лабораторис Лимитед» компаниясының Қазақстан Республикасындағы өкілдігі, 050057 Алматы қ., 22 линия к-сі, 45,

Абоненттік жәшік 7, тел: 8(727)3941688, факс: 8(727)3941294,

электронды пошта: Maira.Zhagiparova@drreddys.com