Эпирамат-Тева (50 мг)

• русский
• қазақша

• Скачать инструкцию медикамента

Саудалық атауы

Эпирамат-Тева

Халықаралық патенттелмеген атауы

Топирамат

Дәрілік түрі

Үлбірлі қабықпен қапталған 25 мг, 50 мг, 100 мг және 200 мг таблеткалар

Құрамы

Бір таблетканың құрамында

белсенді заттар: 25 мг, 50 мг, 100 мг немесе 200 мг топирамат бар қосымша заттар: лактоза моногидраты, желатинделген крахмал, ішінара желатинделген крахмал, микрокристалды целлюлоза, натрий крахмалы гликолаты, магний стеараты, тазартылған су

қабықтың құрамы: гипромеллоза, полисорбат, тальк, титанның қостотығы (E 171), темірдің сары тотығы (Е 172), темірдің қызыл тотығы (Е 172), тазартылған су.

Сипаттамасы

Дөңгелек, екі беті дөңес, таблетканың бір жағында «ТО» және екінші жағында «25» деген өрнегі бар, ақ түсті үлбірлі қабықпен қапталған таблеткалар.

Дөңгелек, екі беті дөңес, таблетканың бір жағында «ТО» және екінші жағында «50» деген өрнегі бар, ашық-сары түсті үлбірлі қабықпен қапталған таблеткалар.

Дөңгелек, екі беті дөңес, таблетканың бір жағында «ТО» және екінші жағында «100» деген өрнегі бар, сары түсті үлбірлі қабықпен қапталған таблеткалар.

Дөңгелек, екі беті дөңес, таблетканың бір жағында «ТО» және екінші жағында «200» деген өрнегі бар, қызыл сары-сары түсті үлбірлі қабықпен қапталған таблеткалар.

Фармакотерапиялық тобы

Эпилепсияға қарсы басқа да препараттар. Топирамат.

АТХ коды NО3АХ11

Фармакологиялық қасиеттері

Фармакокинетикасы

Топирамат жылдам және жақсы сіңеді. Ас ішу оның 80%-ға жуық құрайтын биожетімділігіне клиникалық елеулі әсер көрсетпейді. Қан плазмасы ақуыздарымен байланысуы – 13-17 %. Ең жоғары плазмалық концентрациясына 400 мг дозасын ішу арқылы қабылдағаннан кейін екі сағаттан соң жетеді.

Орташа таралу көлемі – 0,55-0,8 л/кг – 1200 мг дейінгі бір реттік дозасы үшін.

Аталған көрсеткіш жыныс ерекшелігіне тәуелді: әйелдерде бұл мәндер ерлерде байқалатын шамасының 50%-ын құрайды.

Метаболизмі глюкурондану, гидроксилдену және гидролиз үдерісі арқылы бауырда жүзеге асады, соның нәтижесінде 6 фармакологиялық белсенді емес метаболиті түзіледі. Бір рет ішу арқылы қабылдағаннан кейін фармакокинетикасы дозаға байланысты сипатта болады, қан плазмасындағы клиренсі минутына 20-30 мл құрап, тұрақты күйде қалады. 100-400 мг дозалану шегінде AUC дозаға пропорционал ұлғаяды. Жартылай шығарылу уақыты 21 сағат құрайды (тәулігіне екі рет 50 мг және 100 мг дозада көп рет қабылдағаннан кейін).

Топираматтың плазмалық және бүйректік клиренсі бүйрек қызметі әлсіреген (креатинин CL <60 мл/мин) емделушілерде төмендеген, сондай-ақ бүйрек жеткіліксіздігінің терминалдық сатысындағы емделушілерде плазмалық клиренсі төмендеген.

Балалардағы топирамат фармакокинетикасы, қосымша ем алатын ересектердегідей, дозаға тәуелденбейтін клиренске және дозаға пропорционал ұлғаятын тепе-тең плазмалық концентрацияларға байланысты. Балаларда клиренсі жоғарырақ және жартылай шығарылу кезеңі қысқалау.

Сондықтан, бірдей мг/кг дозаға тән плазмадағы топирамат концентрациялары, ересектермен салыстырғанда, балаларда төменірек.

Гемодиализ жүргізілген кезде препарат қан плазмасынан шығарылады.

Фармакодинамикасы

Эпирамат-Тева сульфамат класына - орын басқан моносахаридтерге жатады. Ол тұрақты деполяризация күйіндегі нейрондарға тән әсер ету қуатының пайда болу жиілігін төмендетеді. Бұл Na+ өзектеріне қатысты топираматтың бөгегіш әсерінің жүйке жасушасы жағдайына тәуелді екенін көрсетеді. Гамма-амин май қышқылының (ГАМҚ) ГАМҚ-рецепторларының кейбір түрлеріне (ГАМҚ α-рецепторларын қоса) қатысты белсенділігінің жоғарылауына ықпал етеді, сондай-ақ ГАМҚ α-рецепторлардың өздерінің жұмысын реттейді. NMDA-рецепторларға әсер ететін метил-D-аспартатқа қатысты белсенді емес. Барлық аталған әсерлер 1-10 мкмоль дозалануы тұсындағы тым аз белсенділігімен 1-ден 200 мкмоль дейінгі қандағы белсенді зат концентрациясы кезінде дозаға тәуелді болады. Кейбір карбоангидраза ферменттерінің белсенділігін бәсеңдетуші әсер көрсетеді, бірақ бұл әсер ацетазоламидтегіден гөрі әлсіздеу көрініс береді.

Қолданылуы

Эпилепсия

Монотерапия дәрісі ретінде: эпилепсиясы бар ересектерде және 6 жастан асқан балаларда (соның ішінде алғаш диагностикаланған эпилепсиясы бар емделушілерде).

Кешенді ем құрамында: парциальді немесе жайылған тоника-клоникалық ұстамалары бар ересектерде және 6 жастан асқан балаларда, сондай-ақ Леннокс-Гасто синдромы аясындағы ұстамаларды емдеу үшін.

Бас сақинасы

Ересектердегі бас сақинасы ұстамаларының алдын алу. Эпирамат-Теваны бас сақинасының жедел ұстамаларын емдеу үшін қолдану зерттелмеген.

Қолдану тәсілі және дозалары

Эпилепсия монотерапиясы

Ересектер және 16 жастан үлкен балалар

Титрлеуді 1 апта бойы түнге қарай 25 мг-ден бастау қажет. Сосын дозалауды 1 немесе 2 апта бойы екі бірдей дозаларда енгізілетін тәулігіне 25 немесе 50 мг арттыру қажет. Дозалануы және титрлену дәрежесі клиникалық нәтижесіне байланысты. Эпилепсиясы алғаш анықталған ересектерде Эпирамат-Тева монотерапиясына ұсынылатын бастапқы қорытынды дозасы тәулігіне 100 мг құрайды, ал ұсынылатын ең жоғары тәуліктік дозасы 400 мг құрайды. Осы дозалау ұсынымдары, негізгі бүйрек ауруы болмаған кезде, егде жастағыларды қоса, ересектердің бәріне қолданылады.

6-16 жастағы балалар

6 жастағы және одан үлкен балаларды емдеу алғашқы апта ішінде түнге қарай 0,5-1 мг/кг-ден басталуы тиіс. Сосын дозалауды 1 немесе 2 апта бойы екі бірдей дозаларда енгізілетін тәулігіне 0,5 немесе 1 мг/кг арттыру қажет. Дозалануы және дозаны титрлеу дәрежесі клиникалық нәтижесіне байланысты. Эпилепсиясы алғаш анықталған 6 жастағы және одан үлкен балаларда топирамат монотерапиясына ұсынылатын бастапқы дозасы тәулігіне 3-6 мг/кг мг құрайды. Егер парциальді эпилепсиялық ұстамалар диагнозы алғаш анықталған болса, препаратты тәулігіне 500 мг дозада қабылдауға болады.

Емдеу ұзақтығы аурудың түріне, ауырлығына қарай белгіленеді және емдеуші дәрігермен түзетіледі.

Эпилепсияны емдеу (парциальді немесе жайылған тоника-клоникалық ұстамалармен, сондай-ақ Леннокс-Гасто синдромы аясындағы ұстамаларды емдеу үшін)

Ересектер және 16 жастан үлкен балалар

Емдеуді алғашқы апта бойына әр кеште 25-50 мг дозадан бастау керек. Сосын дозаны аптасына бір реттік немесе аптасына екі реттік аралықпен тәулігіне екі қабылданатын 25-50 мг дейін арттыруға болады. Кейбір емделушілерде қажетті әсерге күніне бір рет осы дозасын қабылдаумен жетуге болады.

Әдеттегі тәуліктік дозасы екі қабылдауға бөлінген 200-400 мг құрайды.

Дозалау бойынша осы нұсқаулар, оларда бүйрек аурулары болмаған жағдайда, егде жастағы адамдарды қоса, ересек емделушілердің бәріне қатысты.

Бас сақинасы

Ересектер және 18 жастан асқан балалар

Бас сақинасының алдын алу үшін ұсынылатын топираматтың жалпы тәуліктік дозасы тәулігіне екі қабылданатын 100 мг құрайды. Дозаны титрлеуді алғашқы апта ішінде әр кеш сайын 25 мг-ден бастау керек. Сосын дозаны 1 апталық аралықпен тәулігіне 25 мг арттырады. Егер емделуші дозаны арттырудың осындай режимін көтере алмаса, онда дозаны арттырулар арасындағы аралықтарды ұзартуға немесе дозаны баяулап арттыруға болады. Дозаны таңдау кезінде клиникалық әсерін жетекшілікке алу қажет. Кейбір емделушілерде топираматтың 50 мг тәуліктік дозасы кезінде оң нәтижеге жетуге болады. Клиникалық зерттеулерде емделушілер топираматтың әртүрлі тәуліктік дозаларын алды, бірақ тәулігіне 200 мг-ден көп емес. Бұған қарамастан, теңдей дозалар қабылдау кейбір емделушілерде жайлы әсер беруі мүмкін, басқа емделушілерге жағымсыз әсерлерінің жоғары жиілігіне орай, дозаны абайлап арттыру керек.

Емдеу курсын емдеуші дәрігер белгілейді.

Жағымсыз әсерлері

Өте жиі (1/10)

- атаксия, парестезиялар, сөйлеудің бұзылуы, афазия

- дене салмағының төмендеуі, анорексия

- бас айналу, бас ауыру, қажу, ұйқышылдық, жүйкенің қозуы, балаларда – селқостық, зейіннің нашарлауы

- жүрек айну, диарея

- сананың шатасуы, психомоторлық баяулау, депрессия, үрейлену

Жиі (1/100 - <1/10)

- анемия, лейкопения, эозинофилия, мұрыннан қан кету, тромбоцитопениялық пурпура

- зейін шоғырландырудың бұзылуы, есте сақтаудың нашарлауы, тремор, қозғалыс үйлесімінің және жүріс-тұрыстың бұзылуы, нистагм, дәм сезудің нашарлауы, диплопия, көрудің нашарлауы

- селсоқтық, психикалық кемістік, астения, эйфория, эмоциялық құбылу, қозу, когнитивті бұзылыстар, озбыр реакциялар, психоз немесе психоздық симптоматика, ұйқысыздық, либидо төмендеуі, балаларда – мінез-құлықтың өзгеруі, оқып-үйрене алмау

- анорексия, іштің ауыруы, іш қату, құсу, ауыздың кеберсуі, диспепсиялық құбылыстар

- несептің ұстамауы, несеп-тас ауруы, нефролитиаз, несеп шығаруға жиі қысылу, бүйрек шаншуы, бүйректердің ауыруы

- алопеция

- метаболикалық ацидоз

- миалгия, бұлшықеттер түйілуі, бұлшықеттердің құрысуы, кеуде қуысы аумағындағы бұлшықеттердің ауыруы, жиі емес артралгия

- аллергиялық реакциялар

- етеккір оралымының бұзылулары

Жиі емес (1/1000 - <1/100)

- дене температурасының көтерілуі

- метаболикалық ацидоз, гипокалиемия

- диспноэ

- фолликулит, қышыну

- бүйірдің ауыруы, қажу, әлсіздік, бұлшықеттердің сіресуі

- лейкопения, лимфаденопатия, тромбоцитопения, балаларда – эозинофилия

- елестеулер, тұлғалық бұзылыстар, суицидтік идеялар немесе әрекеттер, дәм сезімталдығынан айрылу, акинезия, иіс сезуден айрылу, афазия, ашытуды сезіну, мишық синдромы, ұйқының циркадты ырғағының бұзылуы, епсіздік, постуральді бас айналу, сілекейдің көп бөлінуі, сезімталдық бұзылысы, дисграфия, дискинезия, дисфазия, тұла бойдың шымырлауы, гиперестезия, гипогевзия, гипокинезия, гипосмия, шеткергі нейропатия, паросмия, естен тану алдындағы ахуалдар, қайталап сөйлей беру, сезім түйсігінің бұзылуы, мелшию, естен танулар, көтермелеуге реакциялар болмауы, балалардағы психомоторлық аса жоғары белсенділік - аноргазмия, сексуалдық қызметтің бұзылуы, апатия, айқай-сүрең, жыныстық қозудың бұзылуы, дисфемия, қатты алаңдай беру, таңертеңгілік ерте ояну, көтеріңкі және шалқымалы көңіл-күй, есту және көру арқылы елестетулер, гипоманиакальді жай-күйлер, либидоның азаюы, маниялар, үрейлі хал, параноидтық жай-күйлер, ойлау персеверациясы, оқу дағдысының бұзылуы, мазасыздық, ұйқының бұзылуы, суицидтік идеялар немесе әрекеттер, жылауықтық

- брадикардия, жүректің жиі соғуы, қан кернеулер, ортостатикалық гипотензия, вибрациялық ауыру, Рейно синдромы

- беттің ісінуі, аллергиялық реакциялар, гиперхлоремиялық ацидоз, гипокалиемия, тәбеттің артуы, метаболикалық ацидоз, полидипсия, аяқ-қолдың тоңазуы

- аккомодацияның бұзылуы, амблиопия, блефароспазм, өтпелі соқырлық, біржақты соқырлық, көз жасының көп ағуы, мидриаз, түнгі соқырлық, фотопсия, пресбиопия, жыпылықтағыш скотома, скотома, көру өткірлігінің төмендеуі

- саңыраулық, нейросенсорлы кереңдік, біржақты саңыраулық, құлақтың жайсыздануы, естудің нашарлауы

- қырылдау, денеге жүк түскенде ентігу, мұрынның бітелуі, мұрын маңындағы қойнаулардан асқын секреция, балаларда – ринорея

- терлей алмау, аллергиялық дерматит, терінің қызаруы, тері пигментациясының бұзылуы, бөртулер, беттің ісінуі, теріден жағымсыз иіс шығу, есекжем

- панкреатит

- қанда бикарбонаттар мөлшерінің азаюы, несептен кристалдар табылуы, қандағы лейкоциттер мөлшерінің азаюы

Сирек (1/10000 - <1/1000)

- жедел миопия, салдарлы жабық бұрышты глаукома (көздердің ауыруымен немесе ауыруынсыз көру өткірлігінің жедел төмендеуі, әдетте, емдеу курсы басталғаннан кейін 1 ай бойы)

- бауыр ферменттерінің жоғарылауы, гепатит, бауыр жеткіліксіздігі

- қан сарысуында бикарбонаттар деңгейінің төмендеуі

- бүйректік өзекшелік ацидоз

- нейтропения

- олигогидроз, кейде қызба мен ысыну белгілерімен қатар жүретін (негізінен, балаларда)

Өте сирек (<1/10000), жиілігі белгісіз (қолда бар деректер бойынша анықтау мүмкін емес)

- өтпелі соқырлық

- полиморфты эритема, сулы бөртпелер, Стивенс-Джонсон синдромы, уытты эпидермалық некролиз (әсіресе, тері және шырышты қабықтар тарапынан жағымсыз реакциялар тудыратын басқа препараттармен бірге қолданған кезде)

Қолдануға болмайтын жағдайлар

- препарат компоненттеріне жоғары сезімталдық

- 6 жасқа дейінгі балаларға (оны осы жас тобында қолданудың жеткілікті клиникалық тәжірибесінің болмауына орай)

- жүктілік және лактация кезеңі

- бауыр және бүйрек жеткіліксіздігі, нефроуролитаз, гиперкальциурия

 

Дәрілермен өзара әрекеттесуі

Эпирамат-Теваның басқа да эпилепсияға қарсы препараттар (ЭҚП) концентрациясына әсері

Эпирамат-Тева препаратын басқа ЭҚП-мен (фенитоин, карбамазепин, вальпрой қышқылы, фенобарбитал, примидон) бір мезгілде қабылдау, Эпирамат-Тева препаратын фенитоинге қосу қан плазмасындағы фенитоин концентрациясын арттыратын жекелеген науқастарды қоспағанда, қан плазмасында олардың тұрақты концентрацияларының мәніне ықпалын тигізбейді. Бұл Р450 цитохромы (CYP2Cmeph изоферменті) жүйесі ферментінің спецификалық полиморфты изоформасының бәсеңдеуіне байланысты болады. Сондықтан фенитоин қабылдайтын және клиникалық уыттану белгілері немесе симптомдары дамитын әрбір науқаста қан плазмасындағы фенитоин концентрациясын қадағалау қажет.

Фенитоин мен карбамазепин қан плазмасындағы Эпирамат-Тева препаратының концентрациясын төмендетеді. Эпирамат-Тева препаратымен емдеу аясында фенитоин немесе карбамазепинді қосу немесе тоқтату соңғысының дозасын өзгертуді талап етеді. Дозаны, қажетті клиникалық әсерге жетуді нысаналай отырып, таңдау керек. Вальпрой қышқылын қосу немесе тоқтату қан плазмасындағы Эпирамат-Тева препараты концентрациясының клиникалық мәнді өзгерістерін туғызбайды, сондықтан да, препарат дозасын өзгертуді талап етпейді.

Осы өзара әрекеттесулердің нәтижелері келесі кестеде:

↔ - әсердің болмауы

** - бірлі-жарым науқастарда концентрацияның көтерілуі

↓ - плазмада концентрацияның төмендеуі

ЗЖ - зерттелген жоқ

ЭҚП – эпилепсияға қарсы препарат

Басқа дәрілік өзара әрекеттесулер

Дигоксин: бір реттік дозасы пайдаланылған зерттеуде плазмадағы дигоксин концентрациясының қисық астындағы ауданы Эпирамат-Тева препаратын бір мезгілде қабылдау кезінде 12% азайды. Осы бақылаудың клиникалық мәні түсініксіз. Эпирамат-Тева препаратын дигоксин қабылдайтын науқастарға тағайындағанда немесе тоқтатқанда сарысудағы дигоксин концентрациясына дағдылы түрде мониторинг жасауға ерекше көңіл бөлу қажет.

ОЖЖ-ін бәсеңдететін дәрілер: Эпирамат-Теваны алкогольмен немесе ОЖЖ қызметін бәсеңдететін басқа препараттармен қабылдамауға кеңес беріледі.

Ішуге арналған контрацептивтер: құрамында норэтиндрон (1 мг) және этинилэстрадиол (35 мкг) біріктірілген препарат пайдаланылған ішуге арналған контрацептивтермен дәрілік өзара әрекеттесулер зерттелгенде Эпирамат-Тева күніне 50-800 мг дозаларда норэтиндрон тиімділігіне және күніне 50-200 мг дозаларда этинилэстрадиол тиімділігіне елеулі әсерін көрсетпейді. Эпирамат-Тева препаратының күніне 200-800 мг дозалары тұсында этинилэстрадиол тиімділігінің дозаға тәуелдене едәуір төмендеуі байқалды. Сипатталған өзгерістердің клиникалық мәні түсініксіз. Эпирамат-Тева препаратымен үйлестірілген ішуге арналған контрацептивтер қабылдайтын науқастарда контрацептивтер тиімділігінің төмендеуі және құйылған қан кетулердің күшею қатері ескерілуі тиіс. Құрамында эстроген бар контрацептивтер қабылдайтын науқастарға етеккірлер сипаты мен мерзімдеріндегі кез келген өзгерістер жөнінде хабарлау қажет. Контрацептивтер тиімділігі тіпті құйылған қан кетулер болмаса да төмендеуі мүмкін.

Литий: дені сау еріктілерде Эпирамат-Тева препаратын тәулігіне 200 мг дозада бір мезгілде қабылдаған кезде литий AUC 18% төмендеуі байқалды. Маниакальді-депрессиялық психозға шалдыққан науқастарда Эпирамат-Тева препаратын тәулігіне 200 мг дейінгі дозаларда қолдану литий фармакокинетикаcына әсер етпеген, дегенмен едәуір жоғары дозаларында (тәулігіне 600 мг дейін) литий AUC 26% ұлғайған. Эпирамат-Тева және литий препаратын бір мезгілде қолданған кезде қан плазмасындағы соңғысының концентрациясын бақылау керек.

Гидрохлоротиазид: дені сау еріктілерге гидрохлоротиазид (25 мг) пен Эпирамат-Тева препаратын (96 мг) бірге тағайындағанда топираматтың ең жоғары концентрациясының 27% және топираматтың концентрация/уақыт қисығы астындағы ауданының 29% ұлғаюы жүреді. Осы зерттеулердің клиникалық мәні анықталмаған. Эпирамат-Тева қабылдайтын емделушілерге гидрохлоротиазид тағайындау Эпирамат-Тева препаратының дозасын түзетуді талап етеді. Гидрохлоротиазидтің фармакокинетикалық параметрлері Эпирамат-Тева препаратымен қатарлас емдеу кезінде елеулі өзгеріске ұшырамаған.

Метформин: дені сау еріктілерде Эпирамат-Тева препараты мен метформинді бір мезгілде қабылдағанда метформиннің ең жоғары концентрациясының және концентрация қисығы астындағы ауданының, тиісінше, 18% және 25% ұлғаюы жүреді, ал метформин клиренсі топираматпен бір мезгілде тағайындағанда 20% төмендеген. Эпирамат-Тева қан плазмасындағы метформиннің ең жоғары концентрациясына жету уақытына ешбір әсер етпеген. Топирамат клиренсі метформинмен бірге тағайындалған кезде төмендейді. Клиренс өзгерістерінің анықталу дәрежесі зерттелмеген. Метформиннің топирамат фармакокинетикасына әсерінің клиникалық мәні түсініксіз. Метформин алатын емделушілерде Эпирамат-Тева препараты қосылған немесе тоқтатылған жағдайда диабетпен науқас емделушілердің жай-күйін мұқият зерттеуге ерекше көңіл бөлу керек.

Пиоглитазон: дені сау еріктілерге пиоглитазон мен топирамат препараты бөлек және бірге тағайындалғанда, препараттың ең жоғары концентрациясының өзгерісінсіз, пиоглитазон концентрациясының қисығы астындағы ауданының 15% азаюы анықталды. Осы өзгерістер статистикалық тұрғыда мәнді болған жоқ. Сондай-ақ, пиоглитазонның белсенді гидроксиметаболитінің ең жоғары концентрациясының және концентрация қисығы астындағы ауданының, тиісінше, 13% және 16% төмендеуі анықталды, ал белсенді кетометаболитінің ең жоғары концентрациясының да, концентрация қисығы астындағы ауданының да 60% төмендеуі анықталған. Осы деректердің клиникалық мәні түсіндірілмеген. Емделушілерге Эпирамат-Тева препараты мен пиоглитазон бірге тағайындалғанда диабетпен науқас емделушілердің жай-күйін мұқият зерттеуге ерекше көңіл бөлу керек.

Басқа да препараттар: Эпирамат-Тева препаратын нефролитиазға бейімдейтін препараттармен бір мезгілде пайдалану бүйректе тастардың түзілу қаупін жоғарылатады. Эпирамат-Тева препаратымен емделу кезінде нефротилиазға бейімдейтін препараттар пайдаланудан аулақ болу керек, өйткені олар нефролитиазға ықпал ететін физиологиялық өзгерістер туғызуы мүмкін.

Рисперидон: Дені сау еріктілерге және маниакальді-депрессиялық психозбен науқастарға Эпирамат-Тева препаратын бір рет және көп рет енгізумен жүргізілген дәрілік өзара әрекеттесуіне зерттеулер бірдей нәтижелер берді. Топираматты тәулігіне 250 немесе 400 мг дозаларда бір мезгілде қабылдағанда тәулігіне 1-6 мг дозаларда қабылданатын рисперидон AUC, тиісінше, 16% және 33% төмендейді. Бұл орайда 9-гидроксирисперидон фармакокинетикасы өзгермеген, ал белсенді заттардың қосынды фармакокинетикасы (рисперидон және 9-гидроксирисперидон) мардымсыз өзгерген. Рисперидон/9-гидроксирисперидон және топираматтың жүйелі әсер ету деңгейінің өзгеруі клиникалық мәнді болмаған, әрі осы өзара әрекеттесудің клиникалық маңызды болуы екіталай.

Глибенкламид: 2 типті қант диабетімен науқастарда өз алдына оқшау немесе Эпирамат-Тева препаратымен (тәулігіне 150 мг) бір мезгілде қолданылатын тепе-тең жағдайдағы глибенкламид (тәулігіне 5 мг) фармакокинетикасын зерттеу мақсатында дәрілік өзара әрекеттесуіне зерттеу жүргізілді. Эпирамат-Тева препаратын қолданғанда глибенкламид AUC 25% төмендеген. Белсенді метаболиттері – 4-транс-гидрокси-глибенкламид пен 3-цис-гидрокси-глибенкламидтің жүйелі әсер ету деңгейі де төмендеді (тиісінше 13% және 15%). Глибенкламид тепе-тең жағдайдағы топирамат фармакокинетикасына әсер етпеген. Cmax өзгерісі болмаған кезде статистикалық тұрғыда пиоглитазон AUC 15% төмендеуі күмән тyдырады. Глибенкламид алатын науқастарға (немесе топирамат алатын науқастарға глибенкламид тағайындалғанда) Эпирамат-Тева препараты тағайындалғанда қант диабеті ағымын бағалау үшін науқастың ахуалын мұқият бақылау керек.

Вальпрой қышқылы

Әр препаратты өз алдына бөлек жақсы көтере алатын науқастарда Эпирамат-Тева препараты мен вальпрой қышқылын біріктіріп қолдану энцефалопатиясы бар немесе онсыз гипераммониемиямен қатар жүреді. Көпшілік жағдайларда симптомдар мен белгілер препараттардың біреуін тоқтатқаннан кейін басылады. Бұл жайсыз құбылыс фармакокинетикалық өзара әрекеттесуден туындамаған. Басқа препараттармен біріктіріліп немесе оқшау қолданылған Эпирамат-Тева препараты мен гипераммониемия арасындағы байланыс анықталмаған.

Науқастарда Эпирамат-Тева препараты мен вальпрой қышқылын біріктіріп қолдану гипераммонемиясы бар немесе онсыз гипотермиямен қатар жүреді (дене температурасын 35 °C-ден төмен алдын ала болжаусыз азайту). Бұл жағымсыз әсер Эпирамат-Тева препараты мен вальпроаттың біріккен емін алатын емделушілерде Эпирамат-Тева препаратымен емдеу басталған соң немесе препараттың күнделікті дозасын арттырғаннан кейін болуы мүмкін.

Дәрілік өзара әрекеттесулерін қосымша зерттеулер: Эпирамат-Тева препараты мен басқа дәрілік препараттар арасындағы дәрілік өзара әрекеттесудің болуы мүмкін нұсқаларын бағалау үшін бірқатар клиникалық зерттеулер жүргізілді.

Осы өзара әрекеттесулердің нәтижелері келесі кестеде жиынтықталған:

а - монотерапия кезіндегі AUC және қан плазмасындағы ең жоғары концентрациясы мәнінен % көріністелген

↔ - AUC және қан плазмасындағы ең жоғары концентрациясында өзгерістер болмауы (бастапқы деректерінің ≤ 15%)

b - бір флунаризинді көп рет қабылдау кезінде AUC 14% ұлғаюы байқалды, бұл тепе-тең жағдайға жету үдерісінде препараттың жиналуымен байланысты болуы мүмкін.

Айрықша нұсқаулар

Эпирамат-Тева да қамтылатын эпилепсияға қарсы препараттарды ұстамалар жиілігінің арту мүмкіндігін жоққа тән азайту үшін біртіндеп тоқтату керек. Клиникалық сынақтарда эпилепсияны емдеу кезінде ересектерге арналған дозалар апталық аралықтармен 50-100 мг және бас сақинасының алдын алу үшін 100 мг Эпирамат-Тева препаратын алатын ересектерде 25-50 мг азайтылды. Балалардағы клиникалық зерттеулерде Эпирамат-Теваны 2-8 апта ішінде біртіндеп тоқтатты. Егер медициналық көрсетілімдер бойынша Эпирамат-Тева препаратын жылдам тоқтату қажет болса, емделушінің ахуалына тиісінше бақылап отыру ұсынылады.

Бүйрек қызметінің бұзылуы

Бүйрек арқылы шығарылу жылдамдығы бүйрек қызметіне тәуелді және жасқа байланысты емес. Бүйрек қызметі орташа және айқын бұзылған науқастарда плазмадағы тұрақты концентрацияларына жету үшін, бүйрек қызметі қалыпты науқастардағы 4-8 күннен ерекшелігі, 10-нан 15 күнге дейін керек болады.

Кез келген ауру кезіндегідей, дозаны таңдау сызбасы клиникалық тиімділігіне бағытталуы (яғни, ұстамалардың бақылану дәрежесі, жағымсыз әсерлер болмауы) және бүйрек қызметі бұзылған науқастарда плазмадағы тұрақты концентрациясын анықтау үшін әр дозаға ұзақтау уақыт керек болатыны ескерілуі тиіс. Эпирамат-Тева препаратымен емдегенде ішілетін сұйықтық көлемін талапқа сай көбейту маңызды, ол нефролитиаздың, сондай-ақ дене жүктемесінің және көтерілген температуралардың әсер етуінен болатын жағымсыз әсерлердің даму қаупін төмендетуге қабілетті.

Көңіл-күй бұзылыстары/депрессия

Эпирамат-Тева препаратымен емдегенде көңіл-күй бұзылыстары мен депрессияның пайда болу жиілігінің жоғарылауы байқалады.

Суицидтік әрекеттер

Эпирамат-Тева препараты қамтылатын эпилепсияға қарсы препараттар қолданылған кезде осы препараттарды көрсетілімдердің кез келгені бойынша қабылдайтын емделушілерде суицидтік ойлар мен суицидтік мінез-құлықтың пайда болу қаупі артады. Осы қауіп механизмі белгісіз.

Сондықтан суицидке бағытталған белгілерді анықтау мақсатында емделушілердің ахуалын бақылап, тиісінше ем тағайындау қажет. Емделушілерге (және қажет болған кезде емделушілерді күтіп-бағушы тұлғаларға) суицидке бағытталған немесе суицидтік мінез-құлық белгілері пайда болған жағдайда медициналық жәрдемге бірден жүгінуге кеңес беру қажет.

Нефролитиаз

Кейбір, әсіресе, нефролитиазға бейімділігі бар науқастарда бүйректе тас түзілу және сонымен байланысты бүйрек шаншуы сияқты белгілердің пайда болу қаупі жоғарылауы мүмкін. Осы қауіпті азайту үшін ішілетін сұйықтық көлемін талапқа сай арттыру қажет.

Нефролитиаз дамуының қауіп факторлары - сыртартқыдағы нефролитиаз (соның ішінде, отбасылық), гиперкальциурия, нефролитиаз дамуына ықпал ететін препараттармен қатарлас емдеу.

Бауыр қызметінің бұзылуы

Бауыр қызметі бұзылған емделушілерде Эпирамат-Тева препаратын, осы препарат клиренсі төмендеуінің мүмкін екеніне орай, абайлап қолдану керек.

Миопия және салдарлы жабық бұрышты глаукома

Эпирамат-Тева препаратын қолданған кезде салдарлы жабық бұрышты глаукома қатарласқан жедел миопия болатын синдром сипатталған. Симптомдарына көру өткірлігінің жедел төмендеуі және/немесе көздің ауыруы жатады. Офтальмологиялық тексеру кезінде миопия, көздің алдыңғы камерасының тегістелуі, көз алмасы гиперемиясы (қызару), көзішілік қысымның көтерілуі табылуы мүмкін. Мидриаз байқалуы ықтимал. Бұл синдром салдарлы жабық бұрышты глаукоманы дамытатын көз бұршағы мен нұрлы қабықтың алға жылжып кетуіне әкелетін сұйықтық сөлінісімен қатар жүреді. Симптомдары, әдетте, Эпирамат-Тева препаратын қолдана бастағаннан кейін 1 айдан соң білінеді. 40 жасқа дейінгі науқастарда сирек байқалатын алғашқы ашық бұрышты глаукомадан ерекшелігі, салдарлы жабық бұрышты глаукома Эпирамат-Тева препаратын қолданған кезде ересектерде де, балаларда да байқалады. Жабық бұрышты глаукомамен байланысты миопияны қамтитын синдром пайда болған кездегі емдеуде, мұны емдеуші дәрігер мүмкін деп тапқан бойда, Эпирамат-Тева препаратын қабылдауды тоқтатуға және көзішілік қысымды түсіруге бағытталған тиісті шараларды қамтиды. Әдетте, бұл шаралар көзішілік қысымның қалыпқа түсуіне алып келеді.

Шығу тегі кез келген көзішілік қысымның көтерілуі талапқа сай емдеу болмаса, көрмей қалуға дейін апаратын күрделі асқынуларға алып келеді.

Метаболикалық ацидоз

Эпирамат-Тева препаратын қолданған кезде аниондар тапшылығымен байланыссыз гиперхлоремиялық, метаболикалық ацидоз (мысалы, топирамат қабылдау, респираторлық алкалоз болмаған кезде қандағы гидрокарбонаттар концентрациясының орташа 4 ммоль/л төмендеуіне алып келеді) пайда болуы мүмкін. Қан сарысуындағы бикарбонаттар концентрациясының осылай төмендеуі топираматтың бүйрек карбоангидразасын тежеу әсерінің салдары болып саналады. Бикарбонаттар концентрациясының төмендеуі, осы әсер Эпирамат-Тева препаратымен емдеудің кез келген кезеңінде көрініс берсе де, көпшілік жағдайларда препарат қабылдай бастағанда болады. Концентрацияның төмендеу деңгейі, әдетте, әлсіз немесе орташа (ересек емделушілерде күніне 100 мг-ден жоғары дозада пайдалану кезінде орташа мәні 4 ммоль/л құрайды және педиатриялық тәжірибеде пайдаланылғанда кг дене салмағына күніне 6 мг-ге жуық). Сирек жағдайларда емделушілерде бикарбонаттар концентрациясының төмендеуі 10 ммоль/л деңгейден төмен. Кейбір аурулар немесе ацидоздың дамуына бейімдейтін емдеу тәсілдері (мысалы, бауыр аурулары, ауыр респираторлық аурулар, эпилепсиялық статус, диарея, хирургиялық араласулар, кетогенді емдәм, кейбір дәрілік препараттарды қабылдау) топираматтың бикарбонатты төмендету әсерін күшейтетін қосымша факторлар болуы мүмкін.

Балаларда созылмалы метаболикалық ацидоз бой өсуінің баяулауына алып келеді. Топираматтың өсуге әсері және сүйек жүйесімен байланысты болжамды асқынулары балалар мен ересектерде жүйелі түрде зерттелмеген.

Жоғарыда мазмұндалғандарға орай, Эпирамат-Тева препаратымен емдеу кезінде сарысудағы бикарбонаттар концентрациясын анықтау қамтылатын қажетті зерттеулер жүргізу ұсынылады. Метаболикалық ацидоз және оның персистирленуі туындағанда Эпирамат-Тева препаратының дозасын азайту немесе қабылдауды тоқтату ұсынылады.

Күшейтілген тамақтану

Егер емделуші Эпирамат-Тева препаратымен емделу кезінде салмақ жоғалтса, күшейтілген тамақтанудың мақсатқа сай болу мәселесі қаралу қажет.

Зертханалық көрсеткіштер

Қан сарысуындағы калий концентрациясының 3,5 ммоль/л-ден төмен азаюы ретінде анықталатын гипокалиемия топирамат алатын 0,4% науқаста байқалды.

Гемодиализ

Қан плазмасынан препарат гемодиализ кезінде шығарылатындықтан, гемодиализ жүргізілген күндері тәуліктік дозаның шамамен жартысына тең дозада қосымша препарат тағайындау керек. Қосымша доза гемодиализ емшарасын өткізудің басында және соңында бірнеше қабылдауларда тағайындалады. Қосымша дозасы гемодиализге арналған құрылғылар сипаттамасына байланысты.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

Емделу кезінде автокөлік басқарудан және жоғары зейін шоғырландыруды және психомоторлық реакциялар жеделдігін талап ететін жұмыстардан бас тартуға кеңес беріледі.

Артық дозалануы

Симптомдары: құрысулар, комаға дейін апаратын сананың бұзылуы, артериялық қысымның төмендеуі, ауыр метаболикалық ацидоз, жағымсыз әсерлер айқындылығының күшеюі.

Емі: асқазанды шаю, белсенділендірілген көмір тағайындау, белгісіне қарай емдеу.

Шығарылу түрі және қаптамасы

10 таблеткадан үш қабатты үлбірден (OPA/Al/PVC) және алюминий фольгадан жасалған пішінді ұяшықты қаптамаға салады. 6 пішінді ұяшықты қаптамадан қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салады.

Сақтау шарттары

25С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Плива Хрватска д.о.о.»,

Прилаз баруна Филипповича 25, 10000 Загреб, Хорватия Республикасы

Тіркеу куәлігінің иесі

ТЕВА Фармацевтикалық кәсіпорындары Лтд, Израиль

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы: «ратиофарм Қазақстан» ЖШС

050000 Қазақстан Республикасы

Алматы қ., Әл-Фараби д-лы 13,

Нұрлы тау бизнес орталығы 1Б, 603 кеңсе

Телефон, факс: (727) 311-09-15

E-mail: Teva@teva.co.il