Циннаризин Софарма (Cinnarizine)

• русский
• қазақша

• Скачать инструкцию медикамента

Саудалық атауы

ЦИННАРИЗИН СОФАРМА

Халықаралық патенттелмеген атауы

Циннаризин

Дәрілік түрі

25 мг таблетка

Құрамы

Бір таблетканың құрамында

белсенді заты: 25 мг циннаризин,

қосымша заттар: лактоза моногидраты; бидай крахмалы; повидон К 25; магний стеараты; сусыз коллоидты кремнийдің қостотығы; микрокристалды целлюлоза (101 типі).

Сипаттамасы

Дөңгелек, екі беті дөңес, ақтан ақ дерлік түске дейінгі таблеткалар.

Фармакотерапиялық тобы

Бас айналуын басуға арналған дәрілер. Циннаризин.

АТХ коды N07СА02

Фармакологиялық қасиеттері

Фармакокинетикасы

Сіңуі: Ішу арқылы енгізгеннен кейін циннаризин бір сағат шегінде сіңеді, бірақ препараттың биологиялық жетімділігі асқазандағы тұз қышқылының мөлшеріне байланысты.

Таралуы: Плазмадағы протеиндермен 80%-ға, эритроциттермен 13%-ға байланысады. Тіндерде таралуы қарқындырақ, қабылдағаннан кейін 4 сағатқа дейін бауыр мен өкпеде, миокардта және мида толық биоөзгеріске ұшырайды.

Метаболизмі: Негізінен N-деалькилдену жолымен қарқынды метаболизденеді.

Шығарылуы: Жартылай тіршілігінің шығарылу кезеңі 3-6 сағатты құрайды. Циннаризин толығымен бауырда, глюкурондалу жолымен метаболизденеді. Метаболиттері несеппен (⅓-іне жуық) және нәжіспен (⅔) бөлініп шығады.

Фармакодинамикасы

Циннаризин, бірқатар вазоконстрикторлық субстанциялар мен кальций иондарының вольтажға тәуелді баяу кальций өзектерін бөгеу арқылы жасушаларға инфлюксін тежей отырып, мидағы және шеткергі қанайналымды жақсартады. Мидың қантамырлық тегіс бұлшықетті жасушаларына қатысты жоғары аффинитетке ие. Эритроциттердің деформабильділігін азайтады және қанның реологиялық қасиеттерін жақсартады, жасушалардың гипоксияға төзімділігін арттырады. Нистагм және вестибулярлық бұзылулардың басқа да құбылыстарын бәсеңдетеді, лабиринт қозғыштығын азайтады. Белгілі антигистаминдік әсер береді.

Қолданылуы

- шығу тегі қантамырлық лабиринттік және вестибулярлық бұзылуларды симптоматикалық емдеуде

- Меньер ауруында

- кинетоздердің алдын алу мен емдеуде

Қолдану тәсілі мен дозалары

Ішке, сұйықтықтың көп мөлшерімен, дұрысы тамақтан кейін.

Дозасы

Вестибулярлық симптомдар

Ересектер мен 12 жастан асқан жасөспірімдер

Күндізгі доза 75 мг (3 таблетка), 1 таблеткадан күніне 3 рет.

Кинетоздардың алдын алу үшін:

Ересектерге: жол жүрерден жарты сағат бұрын 1 таблетка (25 мг), әр 6 сағат сайын қайталап қабылдаумен.

Препараттың ең жоғарғы дозасы тәулігіне 225 мг (9 таблеткадан) аспауы тиіс. Бас айналған кезде дозасын біртіндеп арттыру керек.

Емдеу курсының ұзақтығын дәрігер анықтайды.

Жағымсыз әсерлері

Жағымсыз әсерлері жиілігі бойынша және жүйе-ағза класы бойынша жіктелген. MedDRA бойынша жиіліктері төмендегідей жіктеледі: өте жиі (>1/10), жиі (>1/100 - <1/10), жиі емес (>1/1 000 - <1/100), сирек (>1/10 000 - < 1/1 000), өте сирек (<1/10 000), жиілігі белгісіз (қолдан бар мәліметтердің негізінде баға беруге болмайды

Жүйке жүйесі тарапынан бұзылулар

Жиі – ұйқышылдық

Жиі емес – гиперсомния, летаргия

Жиілігі белгісіз - дискинезиялар, экстрапирамидтік бұзылыстар, паркинсонизм, тремор

- кәрілік шақтағы науқастарда Циннаризинді ұзақ уақыт қолданғанда экстрапирамидтік симптомдар, депрессия болуы мүмкін. Мұндай жағдайларда емдеу курсын тоқтату керек.

Асқазан-ішек жолы тарапынан бұзылулар

Жиі – жүрек айнуы

Жиі емес – асқазандағы жайсыздық, құсу, іштің ауыруы, диспепсия, ауыздың құрғауы

Тері мен тері асты тіндері тарапынан бұзылулар

Аса жоғары сезімталдық реакциялары дамуы мүмкін

Жиі емес - гипергидроз (қатты терлеу), лихеноидтық кератоз

Жиілігі белгісіз – қызыл жалпақ теміреткі, жеделге жуық тері қызыл жегісі (лихен планус және лупус тәрізді тері симптомдары)

Қаңқа-бұлшықет және дәнекер тіндер тарапынан бұзылулар

Жиілігі белгісіз – бұлшықет сіресуі

Жалпы бұзылыстар мен енгізген жердегі бұзылулар

Жиі емес – шаршау

Зертханалық және аспаптық зерттеулер нәтижелеріне әсер етуі

Жиі – салмақтың артуы

Қолдануға болмайтын жағдайлар

- белсенді немесе қосымша заттарының кез-келгеніне жоғары сезімталдық

- эритематоздық қызыл жегі

- жүктілік және лактация кезеңі

- 12 жасқа дейінгі балаларға

Дәрілермен өзара әрекеттесуі

- Циннаризинді алкогольмен, ОЖЖ депрессанттарымен немесе үшциклды антидепрессанттармен бір мезгілде қолдану олардың әсерлерінің әлеуеттенуін төмендетеді.

- Өзінің антигистаминдік әсерлерінің арқасында циннаризин тері сынамалары кезінде аса жоғары сезімталдыққа жалған теріс нәтижелерді тудыруы мүмкін. Бұл циннаризинмен емдеуді тестілер жүргізілгенге дейін кемінде 4 күн бұрын тоқтату қажеттілігіне түрткі болады.

Айрықша нұсқаулар

Циннаризин (антигистаминдер сияқты) „асқазан жайсыздығын” туғызуы мүмкін. Таблеткаларды тамақтан кейін қабылдау асқазанның шырышты қабығының тітіркенуін төмендетеді.

Паркинсон ауруынан зардап шегетін емделушілерге, циннаризинді, тек оның артықшылықтары жағдайдың нашарлау мүмкіндігі қаупінен асатын болса ғана тағайындау керек.

65 жастан асқан емделушілерге, балаларға, сыртартқысында немесе клиникалық симптоматикасында экстрапирамидтік бұзылулар бар болса, мұқият бекіту қажет.

Гипотонияға бейім тұлғаларда емдеу барысында артериялық қысым мәнін бақылауға алу қажет.

Дәрілік препараттың бір таблеткасының құрамында 63,12 мг лактоза моногидраты бар. Сирек тұқым қуалайтын мәселелері, галактозаны көтере алмаушылық, Лапп лактаза тапшылығы немесе глюкоза-галактоза мальабсорбциясы бар емделушілерге дәріні қолданбаған дұрыс.

Дәрілік препараттың құрамында қосымша зат ретінде бидай крахмалы бар. Бидай крахмалының құрамында глютен болуы мүмкін, бірақ ол тек азғантай мөлшерде болады және сондықтан, целиакиясы бар адамдар үшін қауіпсіз болып саналады.

Дәрілік заттың көлік құралдарын және қауіпті механизмдерді басқару қабілетіне әсер ету ерекшеліктері

Препараттың жағымсыз әсерлерін (ұйқышылдық) ескере отырып, көлік немесе басқа қауіптілігі зор механизмдерді басқаруда сақ болу керек.

Артық дозалануы

Симптомдары: құсу, ұйқышылдық, гипотония, тремор, кома.

Емі: Артық дозаланған жағдайларда жылдам шығару шаралары (асқазанды шаю, белсенділендірілген көмір) қабылданады. Симптоматикалық дәрілер қолданылады.

Арнайы у қайтарғысы жоқ.

Шығарылу түрі мен қаптамасы

Қатты, қызыл-сары түсті, мөлдір ПВХ үлбірден / алюминий фольгадан жасалған пішінді ұяшықты қаптамада 50 таблеткадан.

1 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге, бір жағы пигментпен жабылған картоннан жасалған пәшкеге салады.

Сақтау шарттары

Түпнұсқалық қаптамасында, құрғақ және жарықтан қорғалған жерде, 25 оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

„СОФАРМА” АҚ

Илиенское тас жолы к-сі 16

1220 София, Болгария

Тіркеу куәлігі иесінің атауы мен елі

„СОФАРМА” АҚ

Илиенское тас жолы к-сі 16

1220 София, Болгария

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы:

Алматы қ. «Софарма» АҚ сауда өкілдігі, Қазақстан, 050036, «Мамыр 4» ықшамауданы, 190 үй

Телефон нөмірі: 7 (727) 380 01 03, 380 01 37, 380 01 42 (ішкі 108)

Факс нөмірі: 7 (727) 381 63 86

Электронды поштасы: info@sopharma.kz