Фуразолидон (50 мг, Борисовский завод медицинских препаратов) (Furazolidone)

• русский
• қазақша

• Скачать инструкцию медикамента

Саудалық атауы

Фуразолидон

Халықаралық патенттелмеген атауы

Фуразолидон

Дәрілік түрі

50 мг таблеткалар

Құрамы

Бір таблетканың құрамында

белсенді зат – 50 мг фуразолидон,

қосымша заттар: лактоза моногидраты, коллоидты сусыз кремнийдің қостотығы, кальций стеараты, картоп крахмалы.

Сипаттамасы

Сарыдан жасылдау-сары түске дейін, жайпақцилиндр пішінді, ойығы бар таблеткалар

Фармакотерапиялық тобы

Ішектік микробтарға қарсы және қабынуға қарсы препараттар

Басқа да ішектік микробтарға қарсы препараттар

АТХ коды А07АХ

Фармакологиялық қасиеттері Фармакокинетикасы

Ішке қабылдау кезінде асқазан-ішек жолында жақсы сіңеді. 100 мг дозада қабылдағаннан кейін қан плазмасындағы фуразолидонның ең жоғары концентрациясы 0,25-0,43 мкг/мл құрайды және 1,85-3,0 сағаттан соң жетеді.

Плацента, гематоэнцефалдық бөгет арқылы жеңіл өтеді. Терапиялық концентрацияларда несепте және нәжісте анықталады.

Амин туындыларының түзілуімен бауырда биологиялық өзгеріске ұшырайды. Организмнен өзгермеген дәрінің үлесі 65% құрап, несеппен сондай-ақ нәжіспен шығарылады.

Фармакодинамикасы

Кең ауқымды әсер ететін синтетикалық микробтарға қарсы дәрі. Бактериостатикалық және бактерицидті әсер етеді.

Әсер ету механизмі флавопротеиннің (аэробты организмдерде) және ферредоксинредуктазаның (анаэробты организмдерде және паразитарлық қарапайымдыларда) әсер етуімен фуразолидонның рибосомалық протеиндерді зақымдайтын, ақуыздың синтезін, ДНҚ, РНҚ бұзатын белсенді интермедиантқа микроорганизмдердің жасушаларында қалпына келтірілуіне байланысты.

Грамоң аэробты бактерияларға: Staphylococcus spp., Streptococcus spp.; грамтеріс аэробты бактерияларға: Escherichia coli, Enterobacter spp., Helicobacter pylori, Klebsiella spp., Salmonella spp., Shigella spp., Proteus spp. Enterococcus spp. қатысты белсенді, Candida тектес зеңдерге қатысты белсенді. Қарапайым Trichomonas vaginalis, Giardia lamblia қатысты белсенді. Дизентерия, іш сүзегі және паратиф (Salmonella spp., Shigella spp.) қоздырғыштары препаратқа неғұрлым сезімтал. Pseudomonas aeruginosa, Acinetobacter spp. іріңді және анаэробты жұқпалардың қоздырғыштарына нашар әсер етеді. Препаратқа микробтық төзімділік баяу дамиды.

Қолданылуы

• дизентерияда

• паратифтерде

• тағамдық токсикоинфекциялар және жедел бактериялық диареяларда

• фурозолидонға сезімтал микроорганизмдермен туындаған басқа ауруларды емдеу үшін.

Қолдану тәсілі және дозалары

Тамақтан кейін ішке қабылдайды. Дизентерия, паратиф, паратифозды сипаттағы тағамдық токсикоинфекциялар кезінде ересектерге 5 - 10 күн бойы тәулігіне 4 рет 100 - 150 мг-нан (2 - 3 таблеткадан) тағайындайды. Препарат 6 жастан асқан балаларға күніне 4 рет 25-50 мг-нан (1\2 - 1 таблеткадан) тағайындалуы мүмкін.

Емдеу ұзақтығы инфекцияның сипаты мен ауырлығына байланысты. Фуразолидонды 10 күннен артық қолдану ұсынылмайды.

Фуразолидонмен диареяны емдеу кезінде терапиялық әсер терапияның 2-5 күні ішінде дамиды. Кейде пациенттерге неғұрлым ұзақ емдеу мерзімі талап етілуі мүмкін. Егер қанағаттанарлық клиникалық жауап 7 күн ішінде алынбаса, бұл қоздырғыш фуразолидонның әсеріне рефрактерлі екенін білдіреді және препаратты қабылдауды тоқтату керек. Басқа бактерияларға қарсы дәрілермен немесе висмут тұздарымен қосымша емдеуге болады («Дәрілермен өзара әрекеттесуі» бөлімін қара). Егер фуразолидон ұсынылғаннан артық дозаларда немесе 5 күннен ұзақ тағайындалса, дәрігер моноаминдер оксидазасы тежегіштерінің жинақталуына байланысты гипертониялық криздің даму қаупін бағалауы керек. Пациент гипертониялық криздің дамуына түрткі болатын дәрілік заттар мен тағамдық өнімдер туралы хабардар болуы тиіс.

Лямблиоз кезінде ересектерге күніне 4 рет 100 мг-нан (2 таблеткадан); балаларға тәулігіне 10 мг/кг есебінен тағайындайды. Тәуліктік дозаны 3-4 рет беру керек.

Ересектер үшін ішке қабылдауға жоғары дозалар: бір реттік – 200 мг, тәуліктік – 800 мг.

Жағымсыз әсерлері

• жүрек айнуы, құсу, анорексия

• бас айналуы, полиневриттер

• гиперемия, қышыма, бөртпе, ангионевроздық ісіну

Қолдануға болмайтын жағдайлар

• бүйрек функциясының айқын бұзылуы, бүйрек жеткіліксіздігі, олигурия

• глюкоза-6-фосфатдегидрогеназа жеткіліксіздігі

• жедел порфирия

• 6 жасқа дейінгі балалар

• жүктілік және лактация кезеңі

• фуразолидонға жоғары сезімталдық

• тұқым қуалаған фруктозаны көтере алмаушылық, Lapp-лактаза ферментінің тапшылығы, глюкоза-галактоза мальабсорбциясы.

Дәрілермен өзара әрекеттесуі

Несепті сiлтiлендіретiн дәрілер (натрий гидрокарбонаты, трисамин) фуразолидонның әсерін (оның несеппен шығарылуын жеделдету есебiнен) төмендетедi, ал несепті қышқылдататын дәрілер (амин қышқылдарының ерiтiндiлері, аскорбин қышқылы, метионин, қалий оротаты) оны жоғарылатады.

Аминогликозидтер және тетрациклиндер фуразолидонның микробтарға қарсы әсерiн күшейтедi.

Хлорамфениколмен және ристомицинмен бiрлесе қолдану кезінде бұл дәрiлiк заттардың гематоуытты әсерiн (қан түзілуін әлсірету қабiлеттiлiгін) күшейтедi.

Этанол метаболизмінің өнiмдерiне организмді сенсибилизациялап, дисульфирамға ұқсас әсерге ие болады. Фуразолидонмен емдеу уақытында алкогольдік сусындарды қолдануға болмайды.

Фуразолидон МАО-ны тежейді, оны қолдану кезінде құрамында тирамин бар ферменттелген азық-түлiк өнiмдерiн (қызыл шарап, ысталған ет және ет өнiмдері, устрицалар, iрiмшiктiң жұмсақ сұрыптары, шоколад, соялық ақуызбен өнiмдерді) рационнан шығару керек. Қышқыл жемiс шырындары, тіпті уытты әсердің даму мүмкiндiгіне дейiн фуразолидонның әсерін күшейтедi.

МАО тежегіштерінің тобындағы антидепрессанттармен (ниаламид, транилципрамин, моклобемид), үш циклдi антидепрессанттармен (имипрамин, амитриптилин), симпатомиметиктермен (эфедрин, кокаин) бiрлесе қолдану кезінде гипертониялық криздің даму қаупі туындайды.

В тобының витаминдері фуразолидонның жүйкеге уытты жағымсыз әсерiн әлсiретедi.

Айрықша нұсқаулар

Электролиттiк бұзылулармен, бүйрек функциясының бұзылуымен, В тобы витаминдерінің тапшылығымен адамдарға тағайындауда сақ болу керек, өйткенi препараттың нейроуытты әсерi күшеюi мүмкiн.

Жүктілік және лактация.

Жүктілік уақытында фуразолидонды қолдануға болмайды. Лактация кезеңінде оны қолдану қажет болса, барлық емдеу кезеңінде баланы емшектен шығару керек.

Педиатрияда қолдану.

6 жасқа дейінгі балаларға қолдануға болмайды.

Автокөлікті және механизмдерді басқару қабілетіне әсер ету.

Терапиялық дозаларда фуразолидон автокөлік құралын немесе қауіпті механизмдерді басқару қабілетіне жағымсыз әсер етпейді.

Артық дозалануы

Симптомдары: нейроуытты реакциялар, полиневрит, жедел уытты гепатит, қан түзу жүйесі тарапынан бұзылулар.

Емі: препаратты тоқтату, препараттың несеппен экскрециясын ұлғайту үшін сұйықтықтың көп мөлшерін қабылдау, гемодиализ, симптоматикалық терапия (антигистаминдік дәрілер, В тобының витаминдері).

Арнайы у қайтарғысы жоқ.

Шығарылу түрі және қаптамасы

Қағаз және картон негізінде біріктірілген материалдан жасалған пішінді ұяшықсыз қаптамаға 10 таблеткадан салынған.

Пішінді ұяшықсыз қаптамалар (қорапшаға салынбай) медициналық қолдану жөніндегі мемлекеттік және орыс тілдеріндегі нұсқаулықтардың сәйкес санымен бірге картоннан жасалған қорапқа салынған.

Поливинилхлоридті үлбірден және баспалы лакталған алюминий фольгадан немесе алюминий фольга негізіндегі иілгіш қаптамадан немесе фольга негізіндегі біріктірілген материалдан жасалған пішінді ұяшықты қаптамаға 10 таблеткадан салынған.

2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынған.

Сақтау шарттары

Құрғақ, жарықтан қорғалған жерде, 25° С-ден аспайтын температурада сақтау керек. Балалардың қолы жетпейтін жерде сақтау керек!

Жарамдылық мерзімі

3 жыл.

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ., Чапаев к-сі, 64,

тел/факс 8-(10375177)734043.

Тіркеу куәлігі иесі

«Борисов медициналық препараттар зауыты» ашық акционерлік қоғамы, Беларусь Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның мекенжайы

Қазақстан Республикасы, 050004, Алматы қ., Абылай хан даңғылы, 30, «МедФармИнтерСервис» ЖШС, тел. 87013066011, 87714140258.