Феррум Лек® (100 мг)

• русский
• қазақша

• Скачать инструкцию медикамента

Саудалық атауы

Феррум Лек®

Халықаралық патенттелмеген атауы

Жоқ

Дәрілік түрі

Шайнайтын таблеткалар 100 мл

Құрамы

Бір шайнайтын таблетканың құрамында

белсенді зат – темір 100.00 мг (400.00 мг темір (III) гидроксиді полимальтоза кешеніне шаққанда),

қосымша заттар: макрогол 6000, аспартам, шоколад эссенциясы, тальк, декстраттар

Сипаттамасы

Дөңгелек пішінді, жайпақ беткейлі, ойығы, ашық-қоңыр түсті теңбілдері бар таблеткалар.

Фармакотерапиялық тобы

Гемопоэз стимуляторлары. Темір препараттары. Пероральді қабылдауға арналған темір (үшвалентті) препараттары. Темір полиизомальтозаты

АТХ коды В03АВ05

Фармакологиялық қасиеттері

Фармакокинетикасы

Темір Феррум Лек® шайнайтын таблеткалар препаратының құрамында темір (ІІІ) гидроксиді мен полимальтоза кешені түрінде болады, оның бөлшектері полимер көмірсудың (полимальтозаның) молекулаларына кіреді. Мұндай түрінде темір асқазан-ішек жолына зиянды әсер етпейді және аспен өзара әрекеттеспейді. Бұл ретте темірдің биожетімділігі де жоғарылайды. Темірдің эритроциттердегі гемоглобин деңгейі бойынша анықталатын сіңуі енгізілген дозаға кері пропорционалды болады (неғұрлым доза жоғары болса, соғұрлым сіңу деңгейі төмен). Темір гидроксиді (ІІІ) және полимальтоза кешенінің құрылымы организмде болатын табиғи темір қорын жинағыш протеин - ферритиннің құрылымына ұқсас болады. Осы ұқсастықтың арқасында бұл кешеннің темірі (ІІІ) белсенді сіңірілу үдерісінің көмегімен сіңеді. Сіңудің ең жоғары деңгейі он екі елі ішекте және аш ішекте байқалады. Сіңген темір негізінен ферритинмен кешенде бауырда қор болып жиналады, содан соң сүйек кемігінде оның гемоглобин құрамына енуі жүзеге асады. Сіңбеген темір нәжіспен шығарылады. Организмнен асқазан-ішек жолы эпителийінің қабыршақтанатын жасушаларымен бірге, сондай-ақ термен, өтпен және несеппен шығарылатын темірдің мөлшері тәулігіне шамамен 1 мг құрайды. Әйелдерде темірдің етеккір қанымен жоғалтуын ескерген жөн.

Фармакодинамикасы

Феррум Лек® препаратындағы темір (ІІІ) гироксидінің көпядролық молекулалары олармен ковалентті емес байланысқан полимальтоза молекулаларымен молекулалық салмағы 50 кД жуық әлсіз кешен түзе отырып қоршалған, ол өзінің өлшемінің арқасында еківалентті темірмен (ІІ) салыстырғанда ішек шырышты қабығы жарғақшалары арқылы қарапайым диффузия механизмінің көмегімен 40 есе әлсіз өтеді. Кешен физиологиялық жағдайда тұрақты болып табылады, одан темір иондары босап шықпайды. Феррум Лек® препаратында темір (ІІІ) гидроксиді және полимальтоза кешенінің еківалентті темір тұздарына тән прооксидантты қасиеттері жоқ. Қышқылдандыру факторларына өте төмен және төмен тығыздықты липопротеиндердің сезімталдығы осыған байланысты төмендейді.

Препараттың құрамына кіретін темір ферритинмен кешен түрінде бауырда жинақталады, содан соң гемоглобин құрамына қосылады, сонысымен организмде темір тапшылығын жылдам толықтырады және гемоглобин деңгейін қалпына келтіреді. Препаратпен емдеу кезінде темір тапшылығының клиникалық (әлсіздік, шаршағыштық, бас айналуы, тахикардия, тері жабындарының ауыруы мен құрғауы) және зертханалық симптомдары біртіндеп төмендей бастайды.

Қолданылуы

• латентті темір тапшылықты анемияны емдеуде

• темір тапшылықты анемияны емдеуде (клиникалық көріністермен)

• жүктілік кезеңінде болатын темір тапшылығында

Қолдану тәсілі және дозалары

Емдеу дозасы мен ұзақтығы темір тапшылығы дәрежесіне байланысты болады.

Феррум Лек® шайнайтын таблеткаларын тамақтану кезінде немесе тамақтан кейін бірден қабылдау ұсынылады. Шайнайтын таблеткаларды шайнап немесе тұтастай жұтуға болады. Күнделікті дозаны бірнеше қабылдауға бөлуге немесе 1 рет қабылдауға болады.

Клиникалық көріністері бар темір тапшылықты анемия

12 жастан асқан балалар, ересектер, бала емізетін аналар

Тәулігіне 1-3 Феррум Лек® шайнайтын таблеткалары. Емдеу ұзақтығы гемоглобин деңгейі қалыпқа түскенге дейін жалғасып, 3-5 айды құрайды. Осыдан кейін препаратты организмдегі темір қорын толықтыру үшін тағы да бірнеше апта бойы тағайындайды.

Латентті темір тапшылықты анемия

Тәулігіне 1 шайнайтын таблетка. Емдеу 1-2 ай бойы жалғасады.

Жүкті әйелдер

Клиникалық көріністері бар темір тапшылықты анемия

Гемоглобин мөлшері қалыпқа жеткенше күніне 2-3 шайнайтын таблетка. Бұдан кейін күніне Феррум Лек® 1 шайнайтын таблеткасымен темір қорын толықтыру үшін кем дегенде босанғанға дейін емдеу жалғастырылуы тиіс.

Латентті темір тапшылықты анемия және темір тапшылықты анемияның алдын алу

Тәулігіне 1 Феррум Лек® шайнайтын таблеткасы.

Кесте: Темір тапшылығының алдын алу мен емдеуге арналған Феррум Лек® тәуліктік дозалары

Жағымсыз әсерлері

Емделушілерде Феррум Лек® көтерімділігі, әдетте жақсы. Жағымсыз әсерлері көбінде жеңіл және өтпелі болған.

Өте сирек

- абдоминальді ауыру, іш қату, диарея, жүрек айну, асқазанның ауыруы, диспепсия, құсу

• есекжем, бөртпе, экзантема, қышыну

Қолдануға болмайтын жағдайлар

• препарат компоненттерінің қандай да біріне жекелей жоғары сезімталдық

• темірмен артық жүктемесі бар (мысалы, гемохроматоз, гемосидерозы бар) емделушілерге

• тұқым қуалайтын фруктозаны көтере алмаушылық немесе глюкоза-галактоза мальабсорбциясы

• темір утилизациясының бұзылуы (қорғасынмен уыттанудан туындаған анемия, сидероахрестикалық анемия, талассемия)

• темір тапшылығымен байланысты емес анемия (гемолитикалық анемия)

Дәрілермен өзара әрекеттесуі

Қазірге дейін өзара әрекеттесуі байқалмаған. Темір кешенмен байланысты болғандықтан тамақ компоненттерімен (фитинмен, оксалаттармен, танинмен және т.б.) және бір мезгілде қабылданатын дәрілермен (тетрациклиндер, антацидтер) иондық өзара әрекеттесудің жүру ықтималдығы аз. Жасырын қанды анықтауға арналған тест (Hb үшін таңдамалы) бұзылмайды, демек темірмен емдеуді тоқтатудың қажеті жоқ.

Айрықша нұсқаулар

Препарат тіс эмалінің боялуын туындатпайды. Феррум Лек® препаратының ішуге арналған дәрілік түрлері мен темірдің басқа да препараттары нәжісті күңгірт түске бояуы мүмкін. Мұның клиникалық мәнділігі жоқ.

12 жасқа дейінгі балаларға препаратты төменгі дозада тағайындау қажеттілігіне байланысты шәрбат түрінде қолданған дұрыс.

Жұқпалы немесе қатерлі аурулар туындатқан анемия жағдайында темір ретикуло-эндотелиальді жүйеде жинақталады, онда жасақталып, негізгі ауру жазылғаннан кейін ғана жойылады. Препаратты қант диабеті бар емделушілерге тағайындағанда бір таблетканың құрамында 0,04 нан бірлігі бар екендігін ескерген жөн. Феррум Лек® таблеткаларының құрамында 1 таблеткаға 1,5 мг баламалы мөлшерінде фенилаланин көзі саналатын (фенилаланин ізашары) аспартам бар, бұл фенилкетонуриямен емделушілерге жағымсыз әсер етудің себебі болуы мүмкін. Сирек тұқым қуалайтын фруктозаны көтере алмаушылық, глюкоза-галактоза мальабсорбциясы немесе сахароза-изомальтаза жеткіліксіздігі проблемалары бар емделушілерге осы дәрі қолданылмауы тиіс.

Жүктілік және лактация кезеңі

Феррум Лек® шайнайтын таблеткалар препаратын жүктілік және лактация кезеңінде тек дәрігермен кеңесуден кейін ғана қолдану керек.

Препаратты қолданудың «пайда/қауіп» арақатынасын бағалау ұсынылады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Анықталмаған

Шығарылу түрі және қаптамасы

10 таблеткадан алюминий фольгадан жасалған пішінді ұяшықсыз қаптамаға салынған.

3 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

10 таблеткадан алюминий фольгадан жасалған пішінді ұяшықты қаптамаға салынған.

3 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші/Қаптаушы

Лек Фармасьютикалс д.д, Словения

Verovskova, 57, 1526 Ljubljana, Slovenia

Тіркеу куәлігінің иесі

Лек Фармасьютикалс д.д, Словения

Verovskova, 57, 1526 Ljubljana, Slovenia

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Сандоз Фармасьютикалс д.д.» АҚ Қазақстан Республикасындағы өкілдігі

Алматы қ., Луганский к-сі 96,

Телефон нөмірі - 258 10 48, факс: +7 727 258 10 47

e-mail: kzsdz.drugsafety@sandoz.com