Тромбопол Neo №120

Тромбопол Neo

Ацетилсалицил қышқылы

Ішекте еритін қабықпен қапталған таблеткалар, 75 мг

1 таблетканың құрамында

белсенді заттар – 75 мг ацетилсалицил қышқылы

қосымша заттар: ұнтақ тәрізді целлюлоза, жүгері крахмалы, натрий крахмалы гликоляты;

қабығы: триэтилцитрат, гипромеллоза, Acryl-Eze White: метакрил қышқылының С кополимері, тальк, титанның қостотығы (E 171), натрий лаурилсульфаты, кремнийдің коллоидты қостотығы, натрий гидрокарбонаты.

Жүрек пішінді, екі беті дөңес, ақ түсті үлбірлі қабықпен қапталған таблеткалар.

Фармакокинетикасы

Ішекте еритін қабықпен қапталған таблеткалардағы ацетилсалицил қышқылының (ACҚ) сіңірілуі әдеттегі дәрілік түрлерінің сіңірілуінен өзгеше болады. Сіңірілуі препаратты қабылдаудан кейін 3-6 сағаттан соң басталады, бұл қабығының препараттың асқазанда ыдырауын тиімді бөгейтінін көрсетеді. Плазмадағы ең жоғары концентрациясына қабылдаудан кейін шамамен 6 сағаттан соң жетеді және 75 мг таблеткалар үшін, орта есеппен, 6,72 мкг/мл құрайды. Асқазан-ішек жолында тамақтың болуы препараттың сіңірілуін баяулатады, бірақ АСҚ биологиялық жетімділігін азайтпайды.

АСҚ асқазан-ішек жолынан 80-100% сіңіріледі. АСҚ организм тіндері мен сұйықтықтарының көпшілігіне жылдам және елеулі дәрежеде таралады. Салыстырмалы таралу көлемі 0,15-0,2 л/кг жуық құрайды және  препараттың қан сарысуындағы концентрациясы артқан сайын жоғарылай түседі. Егер концентрациясы 120 мкг/мл құраса, препараттың 33% жуығы қан ақуыздарымен байланысады. Ақуыздармен байланысу дәрежесі альбумин концентрациясына тәуелді; дені сау адамдарда ол оның концентрациясы төмендеген сайын азая түседі. Бүйрек жеткіліксіздігі кезінде, жүктілік кезінде және жаңа туған балаларда гипоальбуминемияның және препараттың АСҚ-ын эндогендік факторлар арқылы ақуызбен байланыстан ығыстыруы салдарынан, плазма ақуыздарымен байланысуы төмендейді.

АСҚ сіңірілуі кезінде ішінара метаболизденеді. Бұл үдеріс эстеразаның әсерінен, негізінен бауырда, сондай-ақ, эритроциттер мен синовиальді сұйықтықта жүреді. Салицилаттар негізінен глицинмен, салицил қышқылына дейін және глюкурон қышқылымен фенол-салицил және фенол-ацил глюкуронидіне дейін конъюгацияланады; тек аздаған бөлігі ғана гентизин қышқылына, 2,3-дигидроксибензой қышқылына және 2,3,5- тригидроксибензой қышқылына дейін гидроксилденеді. Әйелдерде гидроксилдену үдерісі баяуырақ жүреді (қан сарысуындағы эстеразаның белсенділігі төмен).

Элиминация сатысында АСҚ плазмадан жартылай шығарылу кезеңі шамамен 2-3 сағат құрайды. Басқа салицилаттарға қарағанда, гидролизденбеген АСҚ қайталап қолданудан кейін қан сарысуында жинақталмайды. Ішу арқылы қабылданған АСҚ дозасының тек 1% жуығы несеппен гидролизденбеген күйде шығарылады, қалған бөлігі салицилаттар және олардың метаболиттері түрінде шығарылады. Бүйрек функциясы қалыпты пациенттерде препараттың бір реттік дозасынан 80-100% 24-72 сағат ішінде несеппен шығарылады.

Фармакодинамикасы

Ацетилсалицил қышқылы арахидон қышқылындағы простагландиндер синтезін катализдейтін фермент - циклооксигеназаның қайтымсыз тежегіші болып табылады. Бұл механизмі қабынуға қарсы, ыстықты түсіретін және ауыруды басатын әсеріне жауап береді.

75  мг дозадағы АСҚ ең маңызды әсері тромбоциттер агрегациясын күшейтетін және тамырларды тарылтатын зат тромбоксан А2 синтезін тежеу болып табылады. Циклооксигеназаның тромбоциттерді тежеуі олардың агрегацияға қабілеттілігінің төмендеуіне алып келеді.

Тромбоциттер агрегациясы негізгі үдеріс болып табылады, жүректің ишемия ауруының дамуы үдерісіндегі коронарлық тамырлардың біртіндеп тарылуы соған тәуелді. Тамырдың өзгерген склерозды бөлігінде агрегацияланған тромбоциттердің шөгуі жүрек бұлшықеттерінің перфузиясын біртіндеп нашарлататын миокард инфарктісіне дейінгі тромбтар түзілуіне алып келеді.

Көптеген бақыланатын зерттеулердің нәтижелері, тамырлар қабырғаларының циклооксигеназасына қатысты циклооксигеназаның тромбоциттерді оңтайлы тежеуін АСҚ төмен дозаларын қолданғанда, яғни, тәулігіне 40 мг-ден 150 мг дейін қолданғанда алынуы мүмкін екенін көрсетеді. Қабықпен қапталған таблеткалар түріндегі АСҚ белсенді затының асқазанда босап шығуын болдырмайтын аздаған дозалары, порталды айналымда циклооксигеназаның тромбоциттерді тежеуі үшін жеткілікті концентрацияларын түзеді деп шамаланады, ал шеткері айналымда төмен дозалары простациклин синтезінің тым күшті тежелуінен және жағымсыз әсерлерден сақтайды. Осылайша, АСҚ төмен дозалары жоғары дозаларына қарағанда тиімдірек әсер етуі, сонымен қатар, жағымсыз әсерлерді аз туғызуы мүмкін.

• жедел миокард инфарктісінде

• миокард инфарктісінің екінші реттік профилактикасы үшін

• жүректің ишемия ауруы (стенокардиясы) бар пациенттерде жүрек-қантамыр ауруларының профилактикасы үшін

• тұрақсыз стенокардияда (жедел фазасынан басқа)

• аорта-коронарлық шунттаудан (АКШ) кейінгі трансплантат окклюзиясының профилактикасы үшін

• коронарлық ангиопластика үшін (жедел фазасынан басқа)

• миішілік қан құйылуларды қоспағанда, транзиторлық ишемиялық шабуылдың (ТИШ) және мидың  ишемиялық инфарктілерінің (МИИ) екінші реттік профилактикасы үшін

Ацетилсалицил қышқылымен емдеуді бастау және қолданылатын дозалары туралы шешімді дәрігер қабылдауы тиіс.

Ішке қабылдауға арналған.

Таблеткалар ішекте еритін қабықпен қапталған және асқазанда ыдырайды, соның нәтижесінде АСҚ асқазанның шырышты қабығын тітіркендіру әсері азаяды.

Таблеткаларды тамақтан кейін, қабылдау керек, оларды жеткілікті мөлшердегі сұйықтықпен (½ стақан сумен) ішіп, тұтастай жұту керек.

Жедел миокард инфарктісі

Ұсынылатын жүктемелік дозасы 150-450 мг құрайды. Жүктемелік дозасы симптомдары пайда болғаннан кейін барынша тезірек қолданылады.

Ескертпе: жедел миокард инфарктісі кезінде немесе жедел миокард инфарктісіне күдіктенгенде, егер қабықсыз таблеткалар түріндегі ацетилсалицил қышқылы болмаған жағдайда, ішекте еритін қабықпен қапталған таблеткаларды қолдануға болады.

Ондай жағдайда, жылдам сіңірілуін қамтамасыз ету үшін, ішекте еритін қабықпен қапталған таблеткаларды аса мұқият шайнау керек.

Миокард инфарктісінің екінші реттік профилактикасы

Ұсынылатын дозасы тәулігіне бір рет 75-150 мг құрайды.

Жүректің ишемия ауруы (стенокардиясы) бар пациенттердегі жүрек-қантамыр ауруларының профилактикасы

Ұсынылатын дозасы тәулігіне бір рет 75-150 мг құрайды.

Тұрақты емес стенокардия (жедел фазасын қоспағанда)

Ұсынылатын дозасы тәулігіне бір рет 75-150 мг құрайды.

Аортокоронарлық шунттаудан (АКШ) кейінгі трансплантат окклюзиясының профилактикасы

Ұсынылатын дозасы тәулігіне бір рет 75-150 мг құрайды.

Коронарлық ангиопластика (жедел фазасын қоспағанда)

Ұсынылатын дозасы тәулігіне бір рет 75-150 мг құрайды.

Интрацеребральді қан құйылуларды қоспағанда, транзиторлық ишемиялық шабуылдың (ТИШ) және мидың  ишемиялық инфарктілерінің (МИИ) екінші реттік профилактикасы

Ұсынылатын дозасы тәулігіне бір рет 75-300 мг құрайды.

Егде жастағы пациенттерде қолданылуы

Ацетилсалицил қышқылын жағымсыз әсерінің дамуына бейімірек, егде жастағы пациенттерде сақтықпен пайдалану керек. Бүйректің немесе бауырдың ауыр жеткіліксіздігі болмаған жағдайда, препарат ересктердегідей дозаларында қолданылады. Пациенттердің аталған санатында емдеудің қауіпсіздігін жүйелі түрде бақылап отыру ұсынылады.

Педиатрияда қолданылуы

Ацетилсалицил қышқылын пайдасы күтілетін қауіптен асып түсетін жағдайлардан басқасында, балалар мен 16 жасқа толмаған жасөспірімдерге тағайындамаған дұрыс («Айрықша нұсқаулар» бөлімін қараңыз).

Жиі (≥1/100 - ˂1/10 дейін)

- диспепсия симптомдары (қыжыл, жүрек айну, құсу), іш ауыруы

Сирек (≥1/10 000 - ˂1/1 000 дейін)

• ауыр қан кетулер: асқазан-ішек жолынан қан кету, мидан қан кету (әсіресе, бақыланбайтын гипертензиясы бар пациенттерде және (немесе) гемостаздық препараттарды бір мезгілде қолданғанда), бұлар бірен-саран жағдайларда өмірге қауіп төндіруі мүмкін.

Қан кету қан кетудің нәтижесіндегі жедел немесе созылмалы анемияға және (немесе) темір тапшылығына байланысты (мысалы, жасырын ұсақ қан кетулер нәтижесіндегі) әлсіздік, бозару, гипоперфузия сияқты сәйкесінше зертханалық және клиникалық көріністерімен жүретін анемияға алып келуі мүмкін

• асқазан мен ішектің қабынуы, асқазанның және (немесе) он екі елі ішектің аса сирек жағдайда қан кету мен тесілуге алып келетін, сәйкесінше, клиникалық симптомдарымен және зертханалық талдаулардың нәтижелерімен сипатталатын ойық жара ауруы

• бауыр функциясының өтпелі бұзылулары аминотрансферазалар белсенділігінің жоғарылауымен

Өте сирек (˂1/10 000)

• анафилаксиялық шокты қоса, ауыр аллергиялық реакциялар

• гипогликемия

• бүйрек функциясының бұзылулары

Жиілігі белгісіз (қолжетімді мәліметтер негізінде жиілігін анықтау мүмкін емес)

• қан кету қаупінің жоғарылауы, қан кету ұзақтығының артуы

• операция жасалу кезеңіндегі қан кету, гематомалар, мұрыннан қан кету, несеп-жыныс жолдарынан қан кету, қызыл иектің қанауы

• демікпені, тері реакцияларын, бөртпені, есекжемді, ісінуді, қышынуды қоса аллергиялық реакциялар, жүрек және тыныс алу жүйесі жұмысының бұзылулары

• әдетте артық дозалану симптомдары болып табылатын бас айналу және құлақтағы шуыл

Қолайсыз жағымсыз реакциялар жағдайлары туралы хабарлау

Дәрілік препараттың айналымға шығарылуынан кейінгі күмәнді жағымсыз әсерлерінің жағдайлары туралы хабарлап отыру қажет. Бұл дәрілік препараттың пайда/қауіп арақатынасына мониторинг жүргізуге мүмкіндік береді. Медицина қызметкері күмәнді жағымсыз реакциялардың барлық жағдайлары туралы хабарлап отыруы тиіс.

• ацетилсалицил қышқылына, басқа салицилаттарға немесе препараттың қандай да бір қосымша затына жоғары сезімталдық

• геморрагиялық диатез

• асқазанның және (немесе) он екі елі ішектің өршу сатысындағы ойық жара ауруы

• бүйректің ауыр жеткіліксіздігі

• бауырдың ауыр жеткіліксіздігі

• жүректің ауыр жеткіліксіздігі

• анамнездегі салицилаттарды немесе әсері ұқсас басқа заттарды, атап айтқанда, қабынуға қарсы стероидты емес препараттарды (ҚҚСП) қолданудан туындаған аспириндік демікпе деп аталатын ұстамалар

• аптасына 15 мг немесе одан көп дозаларда қабылданатын метотрексатпен бір мезгілде

• жүктіліктің III триместріндегі тәулігіне 100 мг асатын дозалары

• подагра

• глюкоза-6-фосфатдегидрогеназа жеткіліксіздігі

• бауыр мен мидың зақымдануын туғызатын сирек кездесетін ауру - Рейе синдромының даму қаупіне байланысты, балалар мен 16 жасқа дейінгі жасөспірімдерге

Дәрілермен өзара әрекеттесулері

Аздаған дозаларда қабылданған ацетилсалицил қышқылының (ACҚ) өзара әрекеттесулерінің туындау жиілігі нақты анықталмаған. Қазіргі кезге дейін сипатталған өзара әрекеттесу жағдайларының көпшілігі АСҚ жалпыға ортақ, яғни, тәулігіне 1 г-ден 3 г дейінгі дозаларда қолданылуына қатысты.

АСҚ-мен бір мезгілде қолдануға болмайтын препараттар:

• аптасына 15 мг немесе одан көп дозалардағы метотрексат

Метотрексаттың сүйек кемігіне уытты әсерінің күшеюі (қабынуға қарсы препараттармен, соның ішінде АСҚ-мен бір мезгілде қолданғанда метотрексаттың бүйректік клиренсінің төмендеуі және салицилаттардың метотрексатты қан сарысуы ақуыздарымен байланыстан ығыстыруы).

Аса сақтық танытуды қажет ететін өзара әрекеттесулер:

• аптасына 15 мг аз дозалардағы метотрексат

Метотрексаттың сүйек кемігіне уытты әсерінің артуы (қабынуға қарсы препараттермен, соның ішінде АСҚ бір мезгілде қолданғанда метотрексаттың бүйректік клиренсінің төмендеуі және салицилаттардың метотрексатты қан сарысуы ақуыздарымен байланыстан ығыстырып шығаруы.

• ибупрофен

Екі препаратты бір мезгілде қолданған жағдайда, ибупрофен аздаған АСҚ дозаларының тромбоциттер агрегациясына әсерін әлсіретуі мүмкін. Алайда, аталған мәліметтердің шектеулілігін және ex vivo алынған мәліметтердің экстраполяциясымен байланысты күдіктерді ескере отырып,  клиникалық жағдайлардан ибупрофеннің жүйелі түрде қолданылуына қатысты біржақты тұжырымға келу мүмкін емес, ал ибупрофеннің анда-санда қолданған жағдайда, өзара әрекеттесуінің клиникалық салдарларының болу ықтималдығы аз.

• антикоагулянттар, мысалы, кумарин туындылары, гепарин

Антикоагулянттармен бір мезгілде АСҚ қолдану антикоагулянттардың қан сарысуы ақуыздарымен байланыстан ығыстырылуының және АСҚ антиагреганттық қасиеттері салдарынан, антикоагулянттық әсерінің күшеюін және қан кетулер ұзақтығының арту қаупінің жоғарылауын туғызуы мүмкін.

• серотонинді кері қармаудың селективті тежегіштері

Серотонинді кері қармаудың селективті тежегіштерімен бір мезгілде АСҚ қолдану, синергиялық әсеріне байланысты, асқазан-ішек жолының жоғарғы бөліктерінен қан кету қаупін арттырады.

- басқа ҚҚСП, соның ішінде, жоғары дозалардағы салицилаттар (тәулігіне 3 г және одан көп)

Бір мезгілде ҚҚСП мен АСҚ қолданғанда, асқазанның және (немесе) он екі елі ішектің шырышты қабығының зақымданулары мен асқазан-ішектен қан кетулердің, сондай-ақ, аталған дәрілік препараттардың синергиялық әсері салдарынан бүйрек зақымдануларының туындау қаупі жоғарылайды.

• несеп қышқылының несеппен шығарылуын арттыратын препараттар, мысалы, бензбромарон, пробенецид

Несеп қышқылының шығарылуын арттыратын препараттармен бір мезгілде АСҚ қолдану подаграға қарсы препараттар әсерінің әлсіреуін туғызуы мүмкін (несеп қышқылының бүйрек өзекшелері арқылы шығарылуы үдерісіндегі бәсекелестік).

• дигоксин

Дигоксинмен бір мезгілде АСҚ қолдану, дигоксиннің бүйрекпен шығарылуының азаюынан туындайтын, қан сарысуында дигоксин концентрациясының артуына алып келеді.

• диабетке қарсы препараттар, мысалы, инсулин, сульфонилмочевина туындылары

Гипогликемиялайтын қасиеттерінің, сондай-ақ, сульфонилмочевина туындыларының қан сарысуы ақуыздарымен байланыстан ығыстырылуы салдарынан, АСҚ диабетке қарсы препараттардың әсерін күшейтеді.

• тромболитикалық препараттар немесе тромбоциттер агрегациясын тежейтін басқа препараттар

Тромболитикалық препараттар немесе тромбоциттер агрегациясын тежейтін басқа препараттар, мысалы, АСҚ-мен бір мезгілде қолданылған тиклопидин қан кетулердің ұзару қаупін арттыруы мүмкін.

• несеп айдайтын препараттар

Бір мезгілде несеп айдайтын препараттар мен тәулігіне 3 г және одан көп дозаларда АСҚ қолдану, бүйректе простагландиндер синтезінің төмендеуінен туындаған шумақтық сүзілістің азаюы нәтижесінде организмде натрий мен судың іркілуі салдарынан несеп айдайтын әсерін әлсіретеді. АСҚ фуросемидтің отоуытты әсерін күшейтуі мүмкін.

• Аддисон ауруы кезінде орын басу емі ретінде қолданылатын жүйелі глюкокортикостероидтар, гидрокортизонды қоспағанда

Жүйелі глюкокортикостероидтармен емдеу кезінде АСҚ-мен бір мезгілде қолданғанда, асқазанның және (немесе) он екі елі ішектің ойық жара ауруының, асқазан-ішек жолынан қан кетудің, сондай-ақ, қан сарысуында салицилаттар концентрациясы төмендеуінің туындау қаупі артады, глюкокортикостероидтарды қолдану аяқталған соң салицилаттардың артық дозалану қаупі жоғарылайды.

• ангиотензин өзгертуші фермент (АӨФ) тежегіштері

Бір мезгілде тәулігіне 3 г және одан көп дозаларда АСҚ қолданғанда, қан тамырларына тамырды кеңітетін әсер беретін простагландиндер синтезі тежелісінен туындаған шумақтық сүзілістің азаюы нәтижесінде гипотензиялық әсерінің төмендеуін туғызады.

• вальпрой қышқылы

АСҚ вальпрой қышқылын қан сарысуы ақуыздарымен байланыстан ығыстыру арқылы, оның уыттылығын арттырады. Екі препараттың да синергиялық әсері салдарынан, вальпрой қышқылы АСҚ антиагреганттық әсерін күшейтеді.

• циклоспорин, такролимус

Циклоспоринмен немесе такролимуспен бір мезгілде ҚҚСП қолдану аталған заттардың бүйректік уыттылығының артуына алып келуі мүмкін. Бүйрек функциясын бақылау ұсынылады.

• aцетазоламид

АСҚ ацетазоламид концентрациясын, және сонымен қатар уыттылығын да едәуір арттыруы мүмкін.

• алкоголь

Алкоголь асқазан-ішек жолы тарапынан жағымсыз реакциялардың, яғни шырышты қабықтың ойық жараларының немесе қан кетулердің туындау қаупін арттыруы мүмкін.

Ацетилсалицил қышқылын сақтықпен қолдану керек:

• жүктіліктің I және II триместрінде

• бала емізу кезеңінде

• ҚҚСП және ревматизмге қарсы препараттарға немесе аллергия туғызатын басқа заттарға жоғары сезімталдық жағдайында

• антикоагулянттарды бір мезгілде қолданғанда

• ацетилсалицил қышқылының антиагреганттық әсеріне әсер етуі мүмкін ибупрофенді бір мезгілде қолданғанда,

• бауыр немесе бүйрек функциясының бұзылулары бар пациенттерде

• анамнезінде ойық жара ауруы немесе асқазан-ішек жолынан қан кетулері бар пациенттерде

ҚҚСП немесе аллергия туғызатын басқа заттарға сезімталдығы жоғары пациенттерде, қауіп пен пайда арақатынасын бағалаудан кейін ғана АСҚ қолдануға болады.

АСҚ бронхтардың түйілуін және демікпе ұстамасын немесе басқа аллергиялық реакцияларды туғызуы мүмкін. Қауіп факторларына бронх демікпесі, тыныс алу жүйесінің созылмалы аурулары, мұрынның шырышты қабығының полиптерімен жүретін маусымдық ринит жатады. Бұл ескерту басқа заттарға аллергиялық реакциялар (мысалы, терідегі реакциялар, қышыну, есекжем) байқалған пациенттерге де қатысты.

Қан кетулерге (гемофилия, К дәруменінің тапшылығы) бейім, антикоагулянттарды (мысалы, кумарин туындыларын немесе аздаған дозалардағы гепаринмен емдеуді қоспағанда, гепаринді) қабылдап жүрген пациенттерде АСҚ қолданылуын, қауіп пен пайда арақатынасын ескере отырып, талқылау керек.

Препаратты анамнезінде асқазанның және (немесе) он екі елі ішектің ойық жарасы бар пациенттерде қолдануды талқылау керек және ойық жара дамуы мүмкін болғандықтан, асқазан-ішек жолынан қан кету де туындауы мүмкін.

АСҚ тіпті төмен дозаларда да несеп қышқылының шығарылуын кідіртеді. Несеп қышқылының шығарылуы төмендеген пациенттерде препарат подагра ұстамасына түрткі болуы мүмкін.

Антиагреганттық әсері салдарынан АСҚ хирургиялық операциялар (шағын операцияларды, мысалы, тіс жұлдыруды қоса) кезінде немесе олардан кейін қан кетудің ұзаруын туғызуы мүмкін. Жоспарлы хирургиялық, әсіресе, офтальмологиялық және  отологиялық операция алдында препаратты 5 күн бойы қабылдамау керек.

Жүктілік және лактация

Простагландиндер синтезінің тежелуі жүктілік ағымына және (немесе) эмбрион немесе шарананың дамуына теріс әсерін тигізуі мүмкін.

Эпидемиологиялық зерттеулердің мәліметтері, жүктіліктің бастапқы мерзімдерінде простагландиндер синтезінің тежегіштерін қолдану түсік тастау, жүректің туа біткен ақаулары мен даму ақауларының қаупін арттыратынын көрсетіп отыр. Туа біткен жүрек-қантамыр ақауларының жалпы қаупі 1%-дан азынан шамамен 1,5% дейін жоғарылайды. Дозасы мен емдеу кезеңінің ұзақтығы артқан сайын қауіп арта түседі.

Аса қажет жағдайларда болмаса, АСҚ жүктіліктің I және II триместріндегі әйелдерде қолданылмауы тиіс. Жүктілікті жоспарлап жүрген немесе жүктіліктің I және II триместріндегі әйелдер АСҚ қолданған жағдайда, ең төмен дозаларын аса қысқа уақыт ішінде қолдану керек.

Простагландиндер синтезінің барлық тежегіштерін жүктіліктің III триместрінде қолдану келесі қауіптерді төндіруі мүмкін:

• тыныс алу және жүрек-қантамыр жүйесіне уытты әсер етуі (соның ішінде, артерия түтігінің мерзімінен бұрын жабылуы және өкпе гипертензиясы);

• бүйрек функциясының бұзылулары, ол бүйрек жеткіліксіздігіне және қағанақ суының аздығына алып келуі мүмкін.

Простагландиндер синтезінің барлық тежегіштерін жүктіліктің соңғы мерзімдерінде қолдану ана мен жаңа туған нәрестеге келесі қауіптерді төндіруі мүмкін:

• ұзақ уақыт қан кету, сондай-ақ, антиагреганттық әсері, олар тіпті аздаған дозаларда қолданғанда да пайда болуы мүмкін;

• жатырдың жиырылу қызметінің тежелуі, ол босанудың кідіруіне немесе ұзаққа созылуына алып келеді.

Тәулігіне 100  мг және одан көп АСҚ дозасын жүктіліктің III триместрінде қолдануға болмайды.

АСҚ аздаған мөлшерлерде емшек сүтімен бөлініп шығады. Балада Рейе синдромының даму қаупіне байланысты, бала емізу кезінде АСҚ қолданбаған дұрыс. Егер бала емізетін әйел көп АСҚ дозаларын қабылдап жүрсе, бұл балада тромбоциттер функциясының бұзылуын туғызуы мүмкін.

Препарат көлік құралдарын басқару және механизмдермен жұмыс жасау қабілетіне әсер етпейді.

Симптомдары: құлақтағы шуыл, гипервентиляция, қызба, жүрек айну, құсу, көрудің бұзылуы, бас ауыру және бас айналу, сананың шатасу жағдайы, қышқыл-сілті және электролит теңгерімдерінің бұзылулары, гипогликемия, тері бөртпесі.

Жедел артық дозалану жағдайында байқауға болады: делирий, діріл, тыныстың тарылуы (тұншығу сезімі), шамадан тыс тершеңдік, қозу, кома.

Емі: асқазанның ішіндегісін шығару арқылы препараттың сіңірілуін азайту (егер таблеткаларды қабылдау сәтінен бастап бір сағаттан аспаса, құстыру немесе асқазанды шаю керек), препараттың шығарылуын жеделдету, пациенттің дене температурасын нормаға келтіру мен тыныс алу жүйесінің мониторингін қоса, су-электролит теңгерімін қадағалау керек.

Шығарылу түрі және қаптамасы

30 таблеткадан ПВХ/ПВДХ үлбірінен және алюминий фольгадан жасалған пішінді ұяшықты қаптамаға салады.

Пішінді ұяшықты 1, 2, 3 немесе 4 қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Құрғақ жерде, 25 °С-ден аспайтын температурада сақтау керек. Түпнұсқа қаптамада сақтау керек.

Балалардың қолы жетпейтін жерде сақтау керек.

2 жыл

Жарамдылық мерзімі өткеннен кейін қолдануға болмайды.

Рецептісіз

«ПОЛЬФАРМА» АҚ фармацевтикалық зауыты

Өндірістік бөлім, Нова Демба

Шиповский к-сі 1, 39-460, Нова Демба, Польша

Тіркеу куәлігінің ұстаушысы

«Химфарм» АҚ, Шымкент қ., Қазақстан

Қазақстан Республикасы аумағында тұтынушылардан дәрілік заттардың сапасына қатысты шағымдар (ұсыныстар) қабылдайтын ұйымның атауы, мекенжайы және байланыс деректері (телефон, факс, электронды пошта)

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электронды пошта complaints@santo.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі +7 7252 (610150)

Электронды пошта phv@santo.kz; infomed@santo.kz