Троксерутин Софарма

• русский
• қазақша

• Скачать инструкцию медикамента

Саудалық атауы

Троксерутин Софарма

Халықаралық патенттелмеген атауы

Троксерутин

Дәрілік түрі

2%, 40 г гель

Құрамы

40 г гельдің құрамында

белсенді зат: 0,8 г троксерутин бар

қосымша заттар: карбомер 980, динатрий эдетаты, бензалконий хлориді, натрий гидроксиді, тазартылған су.

Сипаттамасы

Сарғыш-жасыл түсті, иіссіз гель.

Фармакотерапиялық тобы

Қылтамырлардың өткізгіштігін төмендететін препараттар. Биофлавоноидтар. Троксерутин.

АТХ коды: C05CA04

Фармакологиялық қасиеттері

Фармакокинетикасы

Гельді зақымданған аймаққа жаққан кезде, белсенді заты эпидермис арқылы жылдам өтіп, 30 минуттар соң дермада, ал 2-5 сағаттан соң – теріасты шелмайында анықталады.

Бауырда 2 метаболит түзе отырып метаболизденеді. Тәулік ішінде бүйрекпен және өтпен шығарылады (өзгеріссіз күйде11%).

Препараттың гельді негізі, зақымданған тіндерде дәрілік компонентінің жоғары концентрациясын түзе отырып, белсенді затының жеткілікті босап шығуы мен оның тері арқылы өтуін қамтамасыз ететіндей болып таңдалған.

Фармакодинамикасы

Троксерутин флавоноид (рутин туындысы) түрінде келеді. Р-витаминдік белсенділігі бар; көктамырды сергітетін, венопротекторлық, ісінуге қарсы, қабынуға қарсы, ұюға қарсы және антиоксиданттық әсер береді. Қылтамырлардың өткізгіштігі мен үзілгіштігін азайтады, олардың тонусын жоғарылатады. Тамыр қабырғасының тығыздығын арттырады, плазманың сұйық бөлігінің экссудациясы мен қан жасушалары диапедезін азайтады.

Тромбоциттердің тамыр беткейіне жабысуын шектей отырып, тамыр қабырғасының қабынуын төмендетеді.

Көктамырдың созылмалы жеткіліксіздігі бар емделушілерге аурудың бастапқы және кейінгі сатыларында да қолдану ұсынылады.

Қолданылуы

- көктамырдың созылмалы жеткіліксіздігі

- көктамырлардың варикозды кеңеюі

- беткейлік тромбофлебит, перифлебит және флеботромбозда

- тромбоздан кейінгі синдромда

- жарақаттан кейінгі ісіну, гематомалар.

Қолдану тәсілі мен дозалары

Гель сыртқа қолданылады.

Гельді таңертең және кешке зақымданған аймаққа төменнен жоғары қарай жеңіл уқалау қимылдарының көмегімен, оны теріге толық сіңгенге дейін жағады. Қажет болса гельді окклюзиялық таңғыштың астына жағуға болады.

Препаратпен емдеудің жетістігі көп дәрежеде оның ұзақ уақыт бойы жүйелі қолданылуына байланысты.

Егер қандай-да бір себептермен, препаратты пайдалану өткізіліп алса, емделуші, екі сеанстың кемінде 10-12 аралығын сақтай отырып, кез -келген уақытта жағуына болады.

Емдеу ұзақтығы – ісінулер мен басқа симптомдар толық жойылғанға дейін, дәрігердің қадағалауымен 4 - 6 апта.

Ауырырақ жағдайларда әсерін күшейту үшін, капсулалардағы троксерутинді қолданып біріктіріп емдеу ұсынылады.

Егер ауру ағымының симптомдары нашарлай берсе немесе препаратты 6-7 күн бойы күнделікті қолданғаннан кейін басылмаса, емделуші дәрігерге қаралуы керек.

Жағымсыз әсерлері

Сирек

- қызару, қышыну, бөртпе, дерматит

- бас ауыруы

Қолдануға болмайтын жағдайлар

- препарат компоненттеріне жоғары сезімталдық

- тері жабындары бүтіндігінің бұзылуы

- 15 жасқа дейінгі балалар

- жүктіліктің I триместрі, лактация кезеңі

Сақтықпен бүйрек жеткіліксіздігінде (ұзақ уақыт пайдалану).

Дәрілермен өзара әрекеттесуі

Клиникалық тұрғыдан елеулі дәрілік және басқа да өзара әрекеттесулері байқалмаған.

Айрықша нұсқаулар

Шырышты қабықтар мен ашық жараларға жағуға болмайды!

Жүктілік

II және III триместрде тек, егер ана үшін күтілетін пайдасы ұрық үшін ықтимал қауіптен басым түсетін жағдайда ғана қолдануға болады.

Дәрілік заттардың көлік құралдарын немесе қауіпті механизмдерді басқару қабілетіне әсер ету ерекшеліктері

Дәрілік препарат айрықша назар аудару мен жылдам реакцияларды қажет ететін қауіптілігі зор қызмет түрлерін орындауға әсер етпейді.

Артық дозалануы

Препаратты жергілікті қолданғанда артық дозалануы жөніндегі мәліметтер жоқ. Байқаусызда көп мөлшерде ішке қабылданған жағдайда, ауыз қуысы мен асқазанды жуып-шаю керек. Қажет болса, симптоматикалық ем тағайындайды.

Шығарылу түрі мен қаптамасы

40 г гельден жарғақшасы бар, ішкі жағы лакпен қапталған, полипропиленнен жасалған пластмасса қалпақшалары бар алюминий сықпаларға салады.

1 сықпаны медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалып, бір жағынан пигментпен қапталған пәшкеге салады.

Сақтау шарттары

Жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Сықпаны ашқаннан кейін сақтау мерзімі 1 ай

Препаратты жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

СОФАРМА АҚ

Илиенский шоссе к-сі 16

1220 София, Болгария

Тіркеу куәлігі иесінің атауы мен елі

СОФАРМА АҚ, Болгария

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

Алматы қаласындағы «Софарма» АҚ сауда өкілдігі, Қазақстан, 050036, «Мамыр 4» ықш. ауд., 190 үй.

Телефон нөмірі: 7 (727) 380 01 03

Факс нөмірі: 7 (727) 381 63 86

Электронды поштасы: info@sopharma.kz

4