Стамик

• русский
• қазақша

• Скачать инструкцию медикамента

Саудалық атауы

Стамик

Халықаралық патенттелмеген атауы

Пантопразол

Дәрілік түрі

Ішекте еритін қабықпен қапталған таблеткалар, 40 мг

Құрамы

Бір таблетканың құрамында

белсенді зат - 45.10 мг натрий пантопразолы сесквигидраты, 40.00 мг пантопразолға баламалы,

қосымша заттар: натрий кроскармеллозасы, кросповидон, маннитол DC (Е421), сусыз натрий карбонаты, кальций стеараты, коллоидты кремнийдің қостотығы,

қабықтың құрамы: гипромеллоза ацетаты сукцинаты, натрий лаурилсульфаты, тальк, триэтилцитрат, гидроксипропилметилцеллюлоза, sepiperseTM K 3024: этанол, 2-пропанол, су, гидроксипропилметилцеллюлоза, темірдің сары тотығы (E172)

Сипаттамасы

Сопақша пішінді, екі беті дөңес, тегіс, ақшыл-сары түсті ішекте еритін қабықпен қапталған таблеткалар.

Фармакотерапиялық тобы

Қышқылдықтың бұзылуымен байланысты ауруларды емдеуге арналған препараттар. Ойық жараға қарсы препараттар және гастроэзофагальді рефлюксті емдеуге арналған препараттар. Протонды сорғы тежегіштері. Пантопразол

АТХ коды A02BC02

Фармакологиялық қасиеттері

Фармакокинетикасы

Сіңуі: Пантопразол жылдам сіңеді, қан плазмасындағы ең жоғары концентрациясына тіпті бір реттік 40 мг пероральді дозасынан кейін де жетеді. Қан сарысуындағы 2 – 3 мкг/мл жуық ең жоғары концентрациясына орташа шамамен 2 - 2,5 сағаттан кейін жетеді және осы мәндері бірнеше рет енгізгеннен кейін де тұрақты болып қалады.

Таралуы: Таралу көлемі 0,15 л/кг жуықты, ал клиренсі 0,1 л/сағ/кг жуықты құрайды.

Шығарылуы: Жартылай шығарылуының ақырғы кезеңі 1 сағатқа жуықты құрайды. Науқастардың организмінен шығарылуының іркілуінің бірнеше жағдайлары болды. Пантопразолдың париетальді жасушалардың протонды сорғысымен спецификалық байланысуына байланысты жартылай шығарылу кезеңі емдік әсерінің ұзақтығымен өзара байланыспайды (тұз қышқылы сөлінісінің бәсеңдеуі).

Биотрансформациясы: Пантопразолдың қансарысуы ақуыздарымен байланысуы 98% жуықты құрайды. Пантопразол толығымен дерлік бауырда метаболизденеді. Пантопразол метаболиттері үшін экскрециясының негізгі жолы (80% жуық) – бүйрек арқылы, қалған бөлігі нәжіспен шығарылады. Қансарысуында, сондай-ақ несепте анықталатын негізгі метаболиті десметилпантопразол болып табылады, ол сульфатпен конъюгацияланады. Негізгі метаболитінің жартылай шығарылу кезеңі (1,5 сағатқа жуық) пантопразолға қарағанда көп жоғары емес.

Биожетімділігі: Пантопразол ішке қабылдағаннан кейін толығымен сіңеді. Абсолютті биожетімділігі 77% жуықты құрайды. Аспен бірге қабылдау AUC, қансарысуындағы ең жоғары концентрациясына және әрине, биожетімділігіне әсер етпейді. Аспен бірге қабылдағанда тек латентті кезеңінің ауытқымалығы артады.

Дозаға байланыстылығы: Бір реттік дозасын қабылдағанда да немесе бірнеше реттік дозасын қабылдағанда да фармакокинетикасында айырмашылық жоқ. 10-нан 80 мг дейінгі дозалар диапазонында пероральді, сондай-ақ көктамыр ішіне енгізгенде де пантопразолдың плазмалық кинетикасы дозаға байланыстылықпен сипатталады.

Науқастардағы/науқастардың арнайы тобындағы сипаттамасы

Бүйрек функциясының бұзылуымен науқастарда (оның ішінде гемодиализдегі науқастар) пантопразолды қабылдағанда дозасын төмендету талап етілмейді. Дені сау адамдардағыдай пантопразолдың жартылай шығарылу кезеңі қысқа. Пантопразолдың тек өте аз мөлшері диализденеді. Негізгі метаболиті орташа іркілген жартылай шығарылу кезеңін иеленуіне (2-3 сағат) қарамастан, шығарылуы әдеттегідей жылдам жүреді, сондықтан жинақталуы байқалмайды.

Бауыр циррозымен науқастарда (Чайлд бойынша А және В кластары) жартылай шығарылуы кезеңінің мәні 3 – 6 сағатқа дейін жоғарылауына, ал AUC мәні 3 – 5 есе жоғарылауына қарамастан, дені сау адамдармен салыстырғанда қансарысуындағы ең жоғары концентрациясы, барлығы 1,3 есе, аз ғана жоғарылады.

Дені сау жас еріктілермен салыстырғанда егде жастағы еріктілердегі AUC және Cmax аздап жоғарылауының да клиникалық мәні бар.

Балалар

5 – 16 жастағы балаларға, 20 немесе 40 мг пантопразолдың бір реттік пероральді дозасын енгізгеннен кейін, AUC және Cmax ересектердегі мәндерге сәйкес диапазонда болды.

Фармакодинамикасы

Пантопразол париетальді жасушалардың протонды сорғысына әсер ету жолымен асқазанда тұз қышқылының сөлінісін тежейтін, орын басқан бензимидазол болып табылады.

Пантопразол париетальді жасушалардың қышқыл ортасында өзінің белсенді түріне ауысады, ол H+, K+-ATФаза ферментін тежейді және тұз қышқылының асқазандағы синтезінің ақырғы кезеңін бөгейді.

Тежелуі дозаға байланысты болады және қышқылдың базальді және сондай-ақ стимуляцияланған сөлінісіне әсер етеді. Көптеген науқастарда симптомдарының жоғалуына 2 аптаның ішінде қол жетеді. Протонды сорғының басқа тежегіштері және Н2-рецепторлардың тежегіштері секілді, пантопразолмен емдеу, асқазан қышқылдығының төмендеуіне және осылайша, қышқылдықтың төмендеуіне пропорциональді гастриннің жоғарылауына әкеледі. Гастриннің жоғарылауы қайтымды болып табылады. Пантопразол басқа заттармен (ацетилхолин, гистамин, гастрин) стимуляциялауға байланыссыз тұз қышқылының секрециясына әсер етуі мүмкін.

Қолданылуы

- асқазан мен он екі елі ішектің ойық жара ауруында

- рефлюкс-эзофагитте

- Золлингер-Эллисон синдромы немесе патологиялық гиперсекрециямен сипатталатын басқа да жағдайларда

- ойық жара ауруымен емделушілердегі Helicobacter pylori эрадикациясында (сәйкес бактерияларға қарсы еммен біріктірілімде)

Қолдану тәсілі және дозалары

Таблеткаларды таңғы асқа дейін 1 сағат бұрын қабылдайды. Препаратты тәулігіне 2 рет тағайындағанда, екінші таблетканы кешкі асты қабылдағанға дейін 1 сағат бұрын қабылдау керек. Таблеткаларды бүтіндей жұтып, сұйықтықпен қабылдау керек (ұсақтауға немесе ерітуге болмайды).

Асқазанның және он екі елі ішектің ойық жара ауруын емдеуде препаратты тәулігіне 40 мг дозада тағайындайды. Кейбір жағдайларда, оның ішінде емнің тиімсіздігінде,тәулігіне 80 мг-ден тағайындауға болады. Он екі елі ішектің ойық жаралы ауруының асқынуында емдеу курсы 2 – 4 аптаны және асқазанның ойық жара ауруының асқынуында 4 – 8 аптаны құрайды.

Рефлюкс-эзофагитте препаратты тәулігіне 40 мг дозада тағайындайды. Жекелеген жағдайларда атап айтсақ, басқа препараттармен емнің тиімсіздігі анықталған жағдайда дозасы жоғарылатуы мүмкін (күніне 2 таблеткаға дейін). Емдеу ұзақтығы 4 аптаны құрайды. Егер әсері байқалмаса, қосымша 4 апталық емдеу курсы ұсынылады.

Helicobacter pylori эрадикациясы үшін бактерияларға қарсы еммен біріктірілімде Стамикті 40 мг-ден тәулігіне 2 рет 7 күн ішінде тағайындайды.

Helicobacter pylori бары анықталған, асқазан мен он екі елі ішектің ойық жара ауруымен емделушілерді біріктіріп емдеу оң клиникалық нәтижелерге қол жеткізуге және микроорганизмдер эрадикациясына қол жеткізуге мүмкіндік береді. H. pylori эрадикациясы мақсатымен микроорганизмдердің сезімталдығына байланысты төмендегідей емдік біріктірілімдер қолданылуы мүмкін:

а) Стамик 40 мг тәулігіне 2 рет + амоксициллин 1000 мг тәулігіне 2 рет + кларитромицин 500 мг тәулігіне 2 рет;

б) Стамик 40 мг тәулігіне 2 рет + метронидазол 500 мг тәулігіне 2 рет + кларитромицин 500 мг тәулігіне 2 рет;

в) Стамик 40 мг тәулігіне 2 рет + амоксициллин 1000 мг тәулігіне 2 рет + метронидазол 500 мг тәулігіне 2 рет.

Біріктірілген ем 7 күн ішінде жүргізіледі және тағы 2 күнге созылуы мүмкін (жалпы ұзақтығы – 2 аптаға дейін). Ойық жараның жазылуын қамтамасыз ету үшін, асқазан мен он екі елі ішектің ойық жарасында препаратты дозалауға қатысты ұсыныстарды қарастырғаннан кейін ары қарай емдеу көрсетілімде. Егер біріктірілген ем көрсетілімде болмаса, мысалы H. Pylori теріс нәтижемен емделушілерде, Стамик препаратымен монотерапия үшін келесі дозалар ұсынылады: асқазан мен он екі елі ішектің ойық жарасын емдеу үшін: 1 таблетка 40 мг Стамикті тәулігіне 1 рет. Кейбір жағдайларда дозасы екі еселенуі мүмкін (тәулігіне 2 таблетка 40 мг Стамик), әсіресе басқа препараттарды қолданудан әсер болмаған жағдайда.

Золлингер-Эллисон синдромында немесе басқа патологиялық гиперсекрециямен сипатталатын жағдайларда бастапқы доза тәулігіне 80 мг құрады. Қажет болғанда кейіннен дозасын асқазан сөлінісінің көрсеткіштеріне байланысты жоғарылатып немесе төмендетіп титрлеуге болады. Тәулігіне 80 мг асатын дозаларын екі қабылдауға бөлу керек. Дозаны тек асқазан сөлінісін талапқа сай бақылау кезінде ғана уақытша 160 мг аса жоғарылатуға болады. Емдеу курсы шектелмеген және клиникалық қажеттілігіне байланысты.

Емделушілердің айрықша тобы

Бауыр жеткіліксіздігі

Бауыр жеткіліксіздігінің ауыр түрімен емделушілерде пантопразолдың 20 мг тәуліктік дозасын жоғарылатуға болмайды. Препаратты орташадан ауыр түріне дейін бауыр дисфукциясымен емделушілерде H. рylori эрадикациясы үшін біріктірілген емде қолдануға болмайды, өйткені қазіргі кезде препаратты осындай емделушілерде біріктірілген емде қолданудың тиімділігі мен қауіпсіздігі туралы деректер жоқ.

Бүйрек жеткіліксіздігі

Бүйрек функциясының бұзылуымен емделушілерде дозасын түзету талап етілмейді. Стамик препаратын бүйрек функциясының бұзылуымен емделушілерде H. рylori эрадикациясы үшін біріктірілген емде қолдануға болмайды, өйткені қазіргі кезде препаратты осындай емделушілерде біріктірілген емдеуде қолданудың тиімділігі мен қауіпсіздігі туралы деректер жоқ.

Егде жастағы емделушілер

Егде жастағы емделушілерде дозасын түзету талап етілмейді.

Жағымсыз әсерлері

Жағымсыз реакциялар жиілігін анықтау: өте жиі (≥1/10); жиі (≥1/00 <1/10 дейін); жиі емес (≥1/1000< 1/100 дейін); сирек (≥1/10 000 <1/1000 дейін); өте сирек (< 1/10 000); белгісіз (бар деректер бойынша бағалау мүмкін емес).

Жиі емес: бас ауыруы, бас айналуы, ауыздың құрғауы, жүрек айнуы, құсу, іштің кебуі, абдоминальді ауыру мен жайсыздық, диарея, іш қату; тері бөртпесі, қышыну, экзантема; астения, шаршағыштық және дімкәстік; бауыр ферменттері белсенділігінің жоғарылауы (трансаминазалар, ГГТ); ұйқының бұзылуы, омыртқа, сан және білезік сүйектерінің сынуы.

Сирек: агранулоцитоз; препараттың белсенді және қосымша компоненттеріне (анафилактикалық реакциялар және анафилактикалық шокты қоса) жоғары сезімталдық; гиперлипидемия, триглицеридтер, холестерин деңгейінің жоғарылауы; билирубин құрамының жоғарылауы; дене салмағының өзгеруі, дәм сезудің бұзылуы; депрессия (және барлық қатар жүретін нашарлаулар); көрудің бұзылуы/көрудің бұлыңғырлануы; есекжем, ангионевротикалық ісіну; артралгия, миалгия; гинекомастия; дене температурасының жоғарылауы, шеткергі ісінулер.

Өте сирек: тромбоцитопения, лейкопения, панцитопения; бағдарсыздық (және барлық қатар жүретін нашарлаулар).

Белгісіз: гипонатриемия, гипомагниемия; елестеулер, сананың шатасуы (әсіресе осы жағдайларға бейім науқастарда, сондай-ақ, егер олар емді бастағанға дейін болған болса, осы симптомдардың нашарлауы); гепатоцеллюлярлы зақымдану, сарғаю, гепатоцеллюлярлық жеткіліксіздік; Стивенс-Джонсон синдромы, Лайелл синдромы, экссудативті көпформалы эритема, жарыққа сезімталдық; интерстициальді нефрит.

Қолдануға болмайтын жағдайлар

- пантопразолға немесе қосымша заттарының кез келгеніне жоғары сезімталдық

- пантопразолды орташа және ауыр бауыр немесе бүйрек дисфукциясымен науқастарда H. рylori эрадикациясы үшін біріктірілген емде қолдануға болмайды, өйткені қазіргі кезде препаратты осындай науқастарда біріктірілген емде қолданудың тиімділігі мен қауіпсіздігі туралы деректер жоқ.

- атазанавирмен бір мезгілде қолдану

- 18 жасқа дейінгі балалар мен жасөспірімдер

Дәрілермен өзара әрекеттесуі

40 мг стамик биожетімділігі рН байланысты (мысалы, азолдар тобынан кетоконазол, итраконазол, позаконазол секілді кейбір зеңдерге қарсы дәрілер және эрлотиниб секілді, басқа препараттар) дәрілік заттардың сіңуін азайтуы мүмкін.

300 мг атазанавирді/ 100 мг ритонавирді омепразолмен (40 мг тәулігіне бір рет), немесе 400 мг атазанавирді лансопразолмен (60 мг бір рет) бір мезгілде енгізу, дені сау еріктілерде атазанавирдің биожетімділігінің айтарлықтай төмендеуіне әкелетінін көрсетеді. Атазанавирдің сіңуі рН байланысты. Сондықтан пантопразолды қоса, протонды сорғы тежегіштерін атазанавирмен бір мезгілде енгізуге болмайды.

Пантопразол Р450 цитохромы ферментінің жүйесі арқылы бауырда метаболизденеді. Пантопразолдың сол ферментті жүйені қолданумен метаболизденетін басқа препараттармен немесе қосылыстармен өзара әрекеттесуі жоққа шығарылмайды. Әйтсе де, клиникалық мәні бар өзара әрекеттесулер осындай препараттар мен қосылыстармен қатар арнайы тестілерде, атап айтсақ карбамазепинмен, кофеинмен, диазепаммен, диклофенакпен, дигоксинмен, этанолмен, глибенкламидпен, метопрололмен, напроксенмен, нифедипинмен, фенитоинмен, пироксикаммен, теофиллинмен және оральді контрацептивтермен байқалды.

Метотрексат (мысалы, 300 мг) пен протонды сорғы тежегіштерінің жоғары дозаларын бір мезгілде қолдану кейбір емделушілерде метотрексаттың деңгейінің жоғарылауына әкелетіні туралы хабарланды. Сондықтан, метотрексаттың жоғары дозаларын қолдану жағдайында, мысалы, обырда және псориазда, пантопразолдан уақытша бас тарту ұсынылады.

Фенпрокумонды немесе варфаринді бір мезгілде тағайындағанда клиникалық фармакокинетикалық зерттеулерде өзара әрекеттесудің болмауына қарамастан, постмаркетингтік кезеңде қатар емдеген жағдайда ХҚҚ-да өзгерудің кейбір жекелеген жағдайлары тіркелді. Осылайша, кумарин антикоагулянттарын қабылдайтын науқастарда, пантопразолды қабылдауды бастағаннан, аяқтағаннан кейін немесе тұрақсыз қабылдау кезінде протромбиндік уақытты /ХҚҚ бақылау ұсынылады.

Сондай-ақ, бір мезгілде енгізілетін антацидтармен өзара әрекеттесуі байқалған жоқ.

Адамда кинетикалық өзара әрекеттесуін зерттеулер пантопразолды енгізуді сәйкес антибиотиктермен (кларитромицин, метронидазол, амоксициллин) бір мезгілде енгізумен жүргізілді. Ешқандай клиникалық мәнді өзара әрекеттесуі байқалған жоқ.

Айрықша нұсқаулар

Бауыр жеткіліксіздігі

Бауыр функциясының ауыр жеткіліксіздігімен емделушілерде пантопразолмен емдеу кезінде әсіресе, ұзақ уақыт қолданғанда, бауыр ферменттері деңгейін үнемі бақылау ұсынылады. Бауыр ферменттері деңгейі жоғарылаған жағдайда емді тоқтату керек.

Біріктірілген ем

H. рylori эрадикациясын біріктіріп емдегенде, сәйкес дәрілік заттардың қысқа сипаттамасын ескеру керек.

Үрей туғызатын симптомдар болғанда

Кез келген үрей туғызатын симптомдар (мысалы, айтарлықтай, әдейі емес салмақты жоғалту, қайталанған құсу ұстамалары, дисфагия, қан құсу, анемия немесе мелена) болғанда, сондай-ақ асқазан ойық жарасы болғанда немесе барына күдік туындағанда, қатерлі ісіктің бар жоғын анықтау керек, өйткені пантопразолды қолдану симптомдарын жеңілдетуі және диагноз қоюды кідіртуі мүмкін. Емді бастар алдында қатерлі түзілім мүмкіндігін жоққа шығару керек.

Атазанавирмен бір мезгілде емдеу

Атазанавирді протонды сорғы тежегіштерімен бір мезгілде қолдануға болмайды.

B12 витаминінің сіңуіне әсері

Пантопразол, тұз қышқылының өндірілуін бөгейтін барлық басқа препараттар секілді, гипо- және ахлоргидрия салдарынан В12 витаминінің (цианокобаламин) сіңуін төмендетуі мүмкін. Бұны дене салмағы төмен немесе В12 витаминінің сіңуінің төмендеуінің жоғары қаупімен емделушілерде ұзақ уақыт емдегенде, егер сәйкес клиникалық симптомдары байқалғанда ескеру керек.

Ұзақ уақыт емдеу

Ұзақ уақыт емдегенде, әсіресе 1 жылдан астам уақыт емдегенде, емделушілер үнемі бақылауда болуы керек.

Бактериялармен туындаған асқазан-ішектік жұқпалар

Пантопразол, протонды помпаның басқа да тежегіштері секілді әдетте асқазан-ішектің жоғарғы бөлігінде болатын бактериялардың мөлшерін арттырады. Стамикпен емдеу Salmonella және Campilobacter секілді бактериялармен туындаған асқазан-ішектік жұқпалардың қаупінің жоғарылауына әкелуі мүмкін.

Гипомагниемия

Пантопразол секілді, протонды сорғы тежегіштерімен (ПСТ) кем дегенде үш ай, көбіне жыл бойына ем қабылдайтын емделушілерде гипомагниемияның ауыр түрінің даму жағдайы байқалды. Гипомагниемияның, шаршағыштық, тетания, сандырақтау, құрысулар, бас айналуы және қарыншалық аритмия секілді біліністері пайда болуы мүмкін, бірақ айқын симптомдарсыз және байқаусыз өтуі де мүмкін. Емделушілердің көбінде гипомагниемия магнийдің тапшылығын толтырғаннан және ПСТ емді тоқтатқаннан кейін тоқтайды.

Ұзақ ем қабылдау керек емделушілерде немесе ПСТ дигоксинмен немесе гипомагниемияны туындатуы мүмкін басқа препараттармен (мысалы, диуретиктер) қабылдайтын емделушілерге, магнийдің деңгейін ПСТ емді бастар алдында және емдеу кезінде әлсін әлсін өлшеу керек.

Жамбас, білезік және омыртқа сүйектерінің сынуы

Протонды сорғы тежегіштерін, әсіресе жоғары дозаларда және ұзақ уақыт қабылдау (> 1 жыл) негізінен егде жаста немесе басқа да жалпы қабылданған қауіп факторлары болғанда жамбас, білезік және омыртқа сүйектерінің сыну қаупін аздап жоғарылатуы мүмкін. Бақылау зерттеулері көрсеткендей, протонды сорғы тежегіштері сынулардың жалпы қаупін 10-40%-ға жоғарылатуы мүмкін.

Осы жоғарылаудың бір бөлігі басқа қауіп факторларымен байланысты болуы мүмкін. Остеопороздың даму қаупімен емделушілер қолданыстағы клиникалық ұсынымдармен сәйкес көмек алуы және D витамині мен кальцийді жеткілікті мөлшерде қабылдауы керек.

Жүктілік (B категориясындағы жүктілік)

Пантопразолды жүкті әйелдерде қолдану туралы талапқа сай деректер жоқ. Жануарларға жүргізілген деректер репродуктивті уыттылықты көрсетеді. Адам үшін әлеуетті қаупі белгісіз. Пантопразолды егер қатты қажеттілік болмаса, жүктілік кезінде қолдануға болмайды.

Лактация кезеңі

Пантопразолдың адамның емшек сүтіне өтуі белгісіз. Жануарларға жүргізілген деректер пантопразолдың емшек сүтіне өтетінін көрсетті. Емшекпен қоректендіруді жалғастыру/ тоқтату немесе пантопразолмен емдеуді жалғастыру/ тоқтату туралы шешімді емшекпен қоректендірудің бала үшін пайдасы мен 40 мг Стамикпен емдеудің ана үшін пайдасын ескеріп қабылдау керек.

Дәрілік заттың көлік құралдарын немесе әлеуетті қауіпті механизмдерді басқару қабілетіне әсер ету ерекшеліктері

Препараттың жағымсыз әсерлерін ескеріп емделушілер зейінді жоғары жұмылдыру мен психомоторлық реакциялар жылдамдығын талап ететін көлік құралдарын жүргізу және басқа қызметтерді атқарғанда сақтық шараларын сақтау керек.

Артық дозалануы

Адамдағы артық дозалану симптомдары белгісіз.

2 минут ішінде көктамыр ішіне енгізілген 240 мг дейінгі дозасы жақсы көтерілімді болды. Пантопразол ақуызбен байланысатын болғандықтан, оны диализдеу қиын. Уыттанудың клиникалық белгілерімен артық дозаланған жағдайда әдеттегі детоксикациялық емшаралар қолданылады.

Шығарылу түрі мен қаптамасы

Ішекте еритін қабықпен қапталған таблеткалар, 40 мг.

14 немесе 28 таблеткадан бұралатын қақпағымен, алғашқы ашылуы бақыланатын, ылғал жұтқышы бар мөлдір емес полиэтилен құтыға салынған.

1 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынған.

Сақтау шарттары

Тығыз жабылған түпнұсқалық қаптамада, 25оС-ден аспайтын температурада сақтау керек.

Балалардан қорғау керек.

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші/қаптаушы

Merkez Laboratory Pharmaceutical and Trade Co.,

Сырры Челик Булвары Айча Сокак № 6, Ташделен - Чекмекой Стамбул, Түркия

Тіркеу куәлігінің иесі

Helba Pharmaceuticals INC.Co.,

Yenibosna Merkez Mah.29 Ekim Street, Istanbul Vizyon Park A1 Plaza No:17/1 Bahcelievler - Стамбул/Түркия

Қазақстан Республикасының аумағында өнімнің (тауардың) сапасы жөнінде тұтынушылардан шағымдар қабылдайтын ұйымның мекенжайы:

«Astra Logistic Ltd» (Астра Логистик Лтд) ЖШҚ Қазақстан Республикасындағы, Орталық Азия және Кавказдағы өкілдігі.

059000, Алматы қ-сы, Игишев к-сі, 75. Тел: +7(727) 3867597, 3867606, 3867599. Факс: +7(727) 3867619. E-mail: info@alltd.kz. www.pharmaceuticals-forwarder.com. www.alltd.kz.