Сиалис® (5 мг)

• русский
• қазақша

• Скачать инструкцию медикамента

Саудалық атауы

Сиалис®

Халықаралық патенттелмеген атауы

Тадалафил

Дәрілік түрі

Үлбірлі қабықпен қапталған 5 мг таблеткалар

Құрамы

Бір таблетканың құрамында

белсенді зат – 5 мг тадалафил,

қосымша заттар: 109.655 мг лактоза моногидраты, 17.500 мг лактоза моногидраты (құрғақ спрей), 2.800 мг гидроксипропилцеллюлоза (өте ұсақ), 6.300 мг натрий кроскармеллозасы, 1.225 гидроксипропилцеллюлоза, 0.490 мг натрий лаурилсульфаты, 26.250 мг микрокристалды целлюлоза (түйіршіктер 102), 4.900 мг натрий кроскармеллозасы, 0.880 мг магний стеараты.қабықтың құрамы: сары Микс бояғышы (Y-30-12863-A) (лактоза моногидраты, гидроксипропилметилцеллюлоза 2910, титанның қостотығы (Е171), триацетин, 8.750 мг темірдің (III) сары тотығы (Е172),

жылтыры: тальк - іздік.

Сипаттамасы

Бір жақ бетінде «С 5» таңбасы бар, сары түсті қабықпен қапталған, екі беті дөңес, бадамша тәрізді пішінді таблеткалар.

Фармакотерапиялық тобы

Урологиялық ауруларды емдеуге арналған препараттар. Спазмолитиктерді қоса урологиялық ауруларды емдеуге арналған басқа да препараттар. Эрекцияның бұзылуын емдеуге арналған препараттар. Тадалафил.

АТХ коды G04BE08

Фармакологиялық қасиеттері

Фармакокинетикасы

Сіңуі

Ішке қабылдағаннан кейін тадалафил жылдам сіңеді. Плазмадағы орташа ең жоғарғы концентрациясына (Сmax) ішке қабылдағаннан кейін орта есеппен 2 сағаттан соң жетеді. Тадалафилдің сіңу жылдамдығы мен дәрежесі ас қабылдауға байланысты емес, сондықтан препаратты тамақтануға қарамай-ақ қабылдай беруге болады. Қабылдау уақытының (таңертең немесе кешке) сіңу жылдамдығы мен дәрежесіне клиникалық маңызды әсері болған жоқ.

Таралуы

Орташа таралу көлемі шамамен 63 л құрайды, бұл тадалафилдің организм тіндеріне таралатындығын көрсетеді. Емдік концентрацияларда тадалафилдің 94%-ы плазмадағы ақуыздармен байланысады. Бүйрек функциясы бұзылғанда ақуыздармен байланысуы өзгермейді. Дені сау адамдарда енгізілген дозаның 0,0005%-дан азы шәуһеттен табылған.

Метаболизмі

Тадалафил, негізінен, Р450 цитохромының CYP3А4 изоферментінің қатысуымен метаболизденеді. Айналымдағы негізгі метаболит метилкатехолглюкуронид болып табылады, оның тадалафилге қарағанда ФДЭ5-ке қатысты белсенділігі кемінде 13 000 есе аз. Демек, осы метаболиттің концентрациясы клиникалық тұрғыдан маңызды емес.

Шығарылуы

Тадалафилді ішке қабылдағанда дені сау адамдарда орташа клиренсі сағатына 2,5 л құрайды, ал орташа жартылай шығарылу кезеңі - 17,5 сағат. Тадалафил көбіне белсенді емес метаболиттер түрінде, негізінен, нәжіспен бірге (дозаның 61%-ға жуығы) және аз дәрежеде несеппен бірге (дозаның 36%-ға жуығы) шығарылады.

Тадалафилдің фармакокинетикасы дені сау адамдарда уақыт пен дозаға қатысты тәуелді. 2,5-тен 20 мг-ге дейінгі доза ауқымында «концентрация-уақыт» (AUC) қисығы астындағы аудан дозаға пропорционалды артады. Плазмадағы тепе-теңдік концентрацияларына препаратты тәулігіне бір рет қабылдағанда 5 күн ішінде жетеді.

Тадалафил фармакокинетикасы эрекция функциясы бұзылған пациенттерде эрекция функциясы бұзылмаған адамдардағы препарат фармакокинетикасына ұқсас.

Тұрғын халықтың ерекше топтары

Егде жастағы пациенттер

Егде жастағы (65 жастағы және одан үлкен) дені сау адамдарда препаратты ішке қабылдағанда тадалафилдің клиренсі төмендеу болғаны анықталды, бұл 19 жастан 45 жасқа дейінгі дені сау адамдардағымен салыстырғанда, «концентрация-уақыт» қисығы астындағы ауданның (AUC) 25%-ға артуына әкеледі. Бұл айырмашылық клиникалық тұрғыдан маңызды емес және дозаны түзетуді қажет етпейді.

Бүйрек жеткіліксіздігі бар пациенттер

Клиникалық зерттеулерде жеңіл (креатинин клиренсі 51-ден 80 мл/мин дейін) немесе орташа (креатинин клиренсі 31-ден 50 мл/мин дейін) бүйрек жеткіліксіздігі бар, сондай-ақ диализдегі бүйрек жеткіліксіздігінің терминальді сатысындағы пациенттерде 5-тен 20 мг дейінгі дозада тадалафилді тағайындағанда іс жүзінде «концентрация-уақыт» (AUC) қисығы астындағы аудан екі еселенді. Гемодиализдегі пациенттерде, дені сау адамдарға қарағанда, Cmax 41%-ға жоғары болды. Гемодиализ тадалафилдің элиминациясына аздап ықпалын тигізеді.

Бауыр жеткіліксіздігі бар пациенттер

Жеңіл және орташа бауыр жеткіліксіздігі бар адамдарда тадалафилдің фармакокинетикасы дені сау адамдардағы осындаймен салыстырарлық. Бауырдың ауыр жеткіліксіздігі (Чайлд-Пью жіктемесі бойынша С класы) бар пациенттерде препараты қолдану қауіпсіздігі туралы шектеулі клиникалық деректер бар. Бауыр жеткіліксіздігі бар пациенттерде тадалафилді тәулігіне бір рет қолдану жөніндегі деректер жоқ. Тәулігіне бір рет қабылдау режимінде препаратты тағайындаған жағдайда емдеуші дәрігер пациент үшін пайда мен қауіп арақатынасын мұқият жекелей бағалаудан бастауы тиіс.

Қант диабеті бар пациенттер

Қант диабеті бар пациенттерде тадалафилді қолдану аясында «концентрация-уақыт» қисығы астындағы аудан (AUC) дені сау адамдардағыдан шамамен 19%-ға аз болды. Бұл айырмашылық дозаны түзетуді қажет етпейді.

Фармакодинамикасы

Сиалис® эрекцияны және дұрыс жыныстық қатынас мүмкіндігін жақсартады. Препарат 36 сағат ішінде әсер етеді. Әсері жыныстық қозу болғанда препаратты қабылдағаннан кейін 16 минуттан соң білінеді.

Сиалис® циклдық гуанозин монофосфатының (цГМФ) 5 типті арнайы фосфодиэстеразасының (ФДЭ5) тиімді, қайтымды селективті тежегіші болып табылады. Сексуалдық қозу азот тотығының жергілікті босап шығуын туғызған кезде Сиалис® препаратының ФДЭ5-ті тежеуі жыныстық мүшенің кавернозды денесіндегі цГМФ деңгейлерінің жоғарылауына әкеледі. Мұның нәтижесі артериялардың тегіс бұлшықеттерінің босаңсуы және жыныс мүшесінің тініне қанның ағып келуі болып табылады, бұл эрекцияны туындатады. Сиалис® сексуалдық стимуляциялау жоқ болса, әсер етпейді.

Жыныс мүшесінің үңгірлі денесінде цГМФ концентрациясының артуына әкелетін ФДЭ-5 тадалафилмен тежелуі қуықасты безінің тегіс бұлшықетінде, қуықта және оларды қанмен қамтамасыз етіп тұратын тамырларда да байқалады. Орын алған жағдай осы ағзаларда тегіс бұлшықет тамырларының босаңсуы нәтижесінде қан перфузиясының ұлғаюына әкеледі және соның салдарынан төменгі несеп жолдарындағы қуықасты безінің қатерсіз гиперплазиясы (ҚБҚГ) симптомдарының айқындығы төмендеуіне әкеледі. Көрсетілген тамыр әсерлері қуықтың афферентті жүйкелері белсенділігінің тежелуімен және қуықасты безі мен қуықтың тегіс бұлшықет босаңсуымен қатар жүруі мүмкін.

Іn vitro зерттеулер, Сиалис® препаратының ФДЭ5 селективті тежегіші болып табылатындығын көрсетті. ФДЭ5 кавернозды дененің тегіс бұлшықеттерінен, ішкі ағзалардың тегіс бұлшықеттерінен, қаңқа бұлшықеттерінен, тромбоциттерден, бүйректен, өкпеден және мишықтан табылған фермент болып табылады. Сиалис® препаратының ФДЭ5-ке әсері, басқа фосфодиэстеразаларға қарағанда, белсендірек болады. Сиалис® жүректе, мида, қантамырларда, бауырда, лейкоциттерде, қаңқа бұлшықеттерінде және басқа да ағзаларда орналасқан ФДЭ1, ФДЭ2, ФДЭ4 және ФДЭ7 қатысты алғанда, ФДЭ5-ке қатысты 10000 есе күшті болып табылады. Сиалис®, жүректе және қантамырлардан табылатын фермент – ФДЭ3-ке қарағанда, ФДЭ5-ті 10 000 есе белсендірек бөгейді. Бұл селективтіліктің, ФДЭ3-пен салыстырғанда, ФДЭ5-ке қатысты мәні маңызды, өйткені ФДЭ3 жүрек бұлшықетінің жиырылуына қатысатын фермент болып табылады. Бұдан басқа, Сиалис® көз торқабығында болатын және фотоберіліске жауапты ФДЭ6-ға қарағанда ФДЭ5-ке қатысты шамамен 700 есе белсендірек. Сиалис® сондай-ақ ФДЭ5-ке қатысты оның ФДЭ8, ФДЭ9 және ФДЭ10-ға әсерімен салыстырғанда 9 000 есе қуаттырақ әсер етеді, және ФДЭ11-мен салыстырғанда ФДЭ5-ке қатысты 14 есе қуатты әсер көрсетеді. Тіндерге таралуы және ФДЭ8 - ФДЭ11 тежеуінің физиологиялық әсері қазіргі уақытқа дейін анықталған жоқ.

Сиалис® дені сау адамдарда жатқан (ең жоғары орташа төмендеуі тиісінше 1.6/0.8 мм сын.бағ. құрайды) және түрегеліп тұрған кезде (ең жоғары орташа төмендеуі тиісінше 0.2/4.6 мм сын. бағ. құрайды), плацебомен салыстырғанда, систолалық және диастолалық қысымның нақты өзгеруін туындатпайды. Сиалис® жүректің жиырылу жиілігінің де нақты өзгеруін туындатпайды.

Сиалис® түстерді (көгілдір/жасыл) айыра білу өзгерістерін туындатпайды, бұл оның ФДЭ5 салыстырғанда ФДЭ6-ға тектестігінің төмендігімен түсіндіріледі. Бұдан басқа, Сиалис® препаратының көздің көру жітілігіне, электроретинограммаға, көзішілік қысымға және қарашықтың өлшеміне ықпалы байқалмайды.

10 мг (6 айлық бір зерттеу) және 20 мг (бір 6 айлық және бір 9 айлық зерттеу) Сиалис® препаратын күн сайын қабылдаудың сперматогенезге потенциалды ықпалына баға беру мақсатында еркек жынысты пациенттерге үш зерттеу жүргізілді. Зерттеулердің бірде-біреуінде сперматозоидтардың морфологиясына және олардың қозғалғыштығына қолайсыз әсері байқалмады. Зерттеулердің екеуінде сперматозоидтардың концентрациясының плацебомен салыстырғанда төмендегені анықталды. 9 айлық зерттеуде сперматозоидтар концентрацияларының төмендеуі эякуляцияның жоғарырақ жиілігімен байланысты болды. 6 айлық зерттеу барысында эякуляция жиілігі бағаланған жоқ. Бұдан бөлек, 10 мг немесе 20 мг Сиалис® препаратын қабылдаған кезде плацебомен салыстырғанда, жыныс гормондарының, тестостеронның, лютеиндеуші гормонның және фолликуланы стимуляциялайтын гормонның орташа концентрацияларына қолайсыз әсері байқалған жоқ.

Қолданылуы

• эректильді дисфункцияда

• қуықасты безінің қатерсіз гиперплазиясының белгілері мен симптомдарында

• қуықасты безінің қатерсіз гиперплазиясы бар пациенттердегі эректильді дисфункцияда.

Тадалафилдің әсері көріну үшін сексуалдық стимуляция қажет.

Сиалис® әйел жынысты адамдарда қолдануға арналмаған.

Қолдану тәсілі және дозалары

Ішке қабылдауға арналған.

Эректильді дисфункция (ЭД)

Болжамды сексуалдық белсенділік алдындағы әдеттегі ұсынылатын доза тамақ ішуге байланыссыз 10 мг құрайды.

Егер 10 мг қабылдау қажетті реакция тудырмаса, доза 20 мг тадалафилге дейін ұлғайтылуы мүмкін. Ең жоғары доза жиілігі –тәулігіне 1 рет.

Сиалис® 10 және 20 мг болжамды сексуалдық белсенділік алдында қолдану үшін арналған және күнделікті қолдануға ұсынылмайды. Препаратты болжамды сексуалдық белсенділік алдында ең азы 30 минут бұрын қабылдау керек.

Сексуалдық белсенділігі жиі (аптасына 2 реттен көп) пациенттер үшін Сиалис® препаратын қабылдаудың ұсынылатын жиілігі ас қабылдауға байланыссыз күнделікті бір уақытта тәулігіне 1 рет 5 мг құрайды.

Препарат қабылдауға жауаптың оңтайлы уақытын анықтау үшін пациенттер препаратты қабылдағаннан кейін 36 сағат ішіндегі кез келген уақытта жыныстық қатынасқа талпыныс жасауына болады.

Препаратты күнделікті қабылдаудың ұзақтығының дұрыстығына ұдайы бағалау жүргізу керек.

Қуықасты безінің қатерсіз гиперплазиясы (ҚБҚГ)

Сиалис® препаратының ұсынылған дозасы тәулігіне 1 рет 5 мг құрайды. Препаратты сексуалдық белсенділік уақытына қарамастан, шамамен бір уақытта қабылдау керек. Емдеу ұзақтығын дәрігер жекелей анықтайды.

Эректильді дисфункциямен қатар жүретін қуықасты безінің қатерсіз гиперплазиясы бар пациенттерде ұсынылатын доза шамамен бір уақытта тәулігіне 1 рет 5 мг құрайды.

Қуықасты безінің қатерсіз гиперплазиясы бар пациенттер 5 мг дозада Сиалис® препаратын көтере алмаған жағдайда емнің баламалы нұсқаларын қарастыру қажет.

Эректильді дисфункция және Қуықасты безінің қатерсіз гиперплазиясы (ЭД/ҚБҚГ)

Сиалис® препаратын қабылдаудың ұсынылған жиілігі шамамен бір уақытта тәулігіне 1 рет 5 мг құрайды.

Тұрғын халықтың ерекше топтары

Егде жастағы (65 жас және одан үлкен) пациенттерде, жеңіл және орташа дәрежедегі бүйрек жеткіліксіздігі бар пациенттерде, қант диабеті бар пациенттерде дозаны түзету талап етілмейді.

Бауыр жеткіліксіздігі бар пациенттерде эректильді дисфункцияны емдеу үшін қажет болуына қарай болжамды сексуалдық белсенділік алдындағы тамақ ішуге байланыссыз Сиалис® препаратының ұсынылатын дозасы 10 мг құрайды. Бауыр функциясының күрделі бұзылуы бар пациенттерде (Чайлд-Пью шкаласы бойынша С класы) Сиалис® қолданудың қауіпсіздігі бойынша шектеулі клиникалық деректер бар. Бұл препаратты тағайындаған жағдайда емдеуші дәрігер пайда және қаупінің арақатынасын мұқият жеке бағалауды негізге алуы тиіс. Бауыр жеткіліксіздігі бар науқастарда 10 мг дозадан асатын тадалафил қабылдау туралы деректер жоқ. Препаратты аталған топқа тағайындаған жағдайда емдеуші дәрігер пациент үшін пайда мен қауіптің арақатынасын жекелей мұқият бағалаудан бастау қажет.

Эректильді дисфункция немесе қуықасты безінің қатерсіз гиперплазиясын емдеу үшін Сиалис® препаратын тәулігіне 1 рет қабылдау режимі бауыр жеткіліксіздігі бар пациенттерде зерттелмеген. Эректильді дисфункция немесе қуықасты безінің қатерсіз гиперплазиясын емдеу үшін Сиалис® препаратын 5 мг дозада тәулігіне 1 рет қабылдау режимі бүйректің ауыр жеткіліксіздігі бар пациенттерге ұсынылмаған.

18 жасқа дейінгі балалар мен жасөспірімдер

Сиалис® 18 жасқа дейінгі балалар мен жасөспірімдерде эректильді дисфункцияны емдеу үшін қолданылмайды.

Жағымсыз әсерлері

Жекелеген жағдайларға қарағанда жиірек кездескен жағымсыз реакциялар келесі градацияға сәйкес берілген: өте жиі (≥ 10 %); жиі (≥ 1 %, 10 %); кейде (≥ 0,1 %,  1 %); сирек (≥ 0,01 %,  0,1 %); өте сирек ( 0,01 %), жиілігі белгісіз (қолда бар деректер бойынша реакциялардың пайда болу жиілігіне баға беру мүмкін емес).

Жиі

• бас ауыру

• мұрынның бітелуі

• диспепсия, гастроэзофагеальді рефлюкс

• арқаның ауыруы, миалгия, аяқ-қолдардың ауыруы

• қан кернеуі/қан құйылуы

Кейде

• аса жоғары сезімталдық реакциялары

• бас айналу

• анық көрмеу, көз алмасындағы ауыру сезімі

• құлақтағы шуыл

• тахикардия, жүрек қағуының жиілеуі, гипотензия2, гипертензия

• ентігу, мұрыннан қан кету

• іштің ауыруы

• бөртпе, гипергидроз (қатты тершеңдік)

• гематурия, жыныс мүшесінен қан кету, гемоспермия

• кеуденің ауыруы1

Сирек

• ангионевроздық ісіну

• инсульт (соның ішінде геморрагиялық типті МҚЖБ), естен тану, транзиторлы ишемиялық шабуылдар (ТИШ)1, бас сақинасы3, ұстамалар/құрысулар, транзиторлы амнезия

• көру ауқымының бұзылуы, қабақтың ісінуі, конъюнктива гиперемиясы

• артериялық емес алдыңғы ишемиялық оптикалық нейропатия3 (АЕАИОН), торқабық қантамырларының окклюзиясы3

• кенеттен естімей қалу2

• миокард инфарктісі, тұрақсыз стенокардия3, қарыншалық аритмия3

• есекжем, Стивенс-Джонсон синдромы3, эксфолиативті дерматит3

• ұзаққа созылған эрекция, приапизм3

• беттің ісінуі3, жүректен кенеттен болатын өлім1,3

1 Бұрын жүрек-қантамырлық қауіп факторлары бар пациенттерде байқалды.

2 Көп жағдайларда гипотензиялық дәрілерді қабылдаған жүрген пациенттерде байқалды.

3 Клиникалық плацебо-бақыланатын зерттеулерде байқалмаған, және постмаркетингтік зерттеулер барысында тіркелген жағымсыз реакциялар

Сиалис® препаратын тәулігіне 1 рет қабылдаған пациенттерде, плацебомен салыстырғанда ЭКГ-ге тіркелген өзгерістердің, бірінші кезекте синустық брадикардияның біршама жоғарылау жиілігі байқалды. ЭКГ-дегі ауытқулардың көпшілігі жағымсыз реакциялармен байланысты болмады.

Клиникалық сынақтар барысында эректильді дисфункцияны немесе қуықасты безінің қатерсіз гиперплазиясын емдеу үшін Сиалис® қабылдаған 65 жастан асқан пациенттердің реакциялары туралы деректер шектеулі. Клиникалық зерттеулерде қуықасты безінің қатерсіз гиперплазиясын емдеу үшін тәулігіне 1 рет 5 мг препараты қабылдаған кезде бас айналуы және диарея 75 жастан асқан пациенттерде үлкен жиілікпен байқалды.

Қолдануға болмайтын жағдайлар

• тадалафилге немесе препараттың құрамына кіретін кез келген затқа жоғары сезімталдық

• құрамында кез келген органикалық нитраттары бар препараттарды қабылдау

• жүрек-қантамыр жүйесінің аурулары бар пациенттерде сексуалдық белсенділікке қарсы көрсетілімдердің болуы: миокард инфарктісінің соңғы 90 күн ішінде болуы, тұрақсыз стенокардия, жыныстық қатынас кезінде стенокардия ұстамасының пайда болуы, соңғы 6 ай ішінде пайда болған жүрек жеткіліксіздігінің Нью-Йорк кардиологиялық ассоциациясының (NYHA) жіктемесі бойынша II-IV класы, бақылауға келмейтін аритмия, артериялық гипотензия (АҚ 90/50 мм сын. бағ.-нан төмен), бақылауға келмейтін артериялық гипертензия, соңғы 6 ай ішінде болған ишемиялық инсульт

• артериялық емес алдыңғы ишемиялық оптикалық нейропатия (АЕАИОН) салдарынан бір көздің көрмей қалуы (ФДЭ5 тежегіштерін қабылдаумен байланыссыз)

• доксазозинды, риоцигуат сияқты гуанилатциклаза стимуляторларын, сондай-ақ эректильді дисфункцияны емдеуге арналған дәрілік заттарды бір мезгілде қабылдау

• бүйректің созылмалы жеткіліксіздігі бар (КК минутына 30 мл-ден аз) пациенттерге жиі (аптасына 2 реттен көп) қолдану

• тұқым қуалайтын галактоза көтере алмаушылығы, Lapp-лактаза тапшылығы және глюкоза-галактоза мальабсорбциясы

• ауыр дәрежедегі бүйрек жеткіліксіздігі

• 18 жасқа дейінгі балалар мен жасөспірімдер

Дәрілермен өзара әрекеттесуі

Сиалис® препаратына басқа препараттардың әсері

Сиалис® негізінен CYP3А4 ферменті қатысуымен метаболизденеді. CYP3A4 іріктеп тежегіші кетоконазолды күніне 200 мг дозада қабылдау Сиалис® препаратымен монотерапиядағы осындай көрсеткіштермен салыстырғанда препараттың әсерін (AUC) (10 мг) 2 есе және Cmax 15%-ға арттырады. Күніне 400 мг дозада кетоконазол қабылдау Сиалис® препаратының (AUC) (20 мг) әсерін 4 есе және Cmax - 22%-ға ұлғайтады. Ритонавир, күніне екі рет 200 мг, протеаза тежегіші, CYP3A4, CYP2C9, CYP2C19 және CYP2D6 тежегіші болып табылатын, Сиалис® препаратының (20 мг) әсерін Cmax өзгертпестен, 2 есе ұлғайтады. Арнайы өзара әрекеттесулерінің зерттелмегеніне қарамастан, протеазаның, мысалы саквинавир сияқты басқа тежегіштері, сондай-ақ CYP3А4 тежегіштері, мысалы эритромицин, кларитромицин, интраконазол және грейпфрут шырыны Сиалис® препаратымен бірге сақтықпен қолданылуы тиіс, өйткені препараттың плазмадағы концентрациясының артуы болжанады.

Сиалис® пен тасымалдаушы ақуыздардың (мысалы, р-гликопротеиннің), тасымалдаушыларды тежеу арқылы, дәрілік өзара әрекеттесуінің потенциалды мүмкіндігі бар.

Селективті CYP3А4 индукторы, рифампин (рифампицин, тәулігіне 600 мг), Сиалис® препаратымен монотерапияда AUC және Сmax шамаларына қатысты Сиалис® препаратының бір реттік дозасының (AUC) (10 мг) әсерін 88%-ға және Сmax - 46%-ға төмендетеді. Препарат әсерінің осылай төмендеуі Сиалис® препаратының тиімділігін азайтуы мүмкін; тиімділігінің төмендеу шамасы белгісіз. Рифампинмен бірге тағайындаған жағдайда препаратты тәулігіне 1 рет қабылдағанда Сиалис® тиімділігінің төмендеуін күтуге болады. CYP3А4-тің фенобарбитал, фенитоин және карбамазепин сияқты басқа да индукторларын бір мезгілде қолдану да Сиалис® препаратының плазмадағы концентрациясын төмендетуге алып келуі мүмкін.

Антацидтерді (магний гидроксиді/алюминий гидроксиді) және Сиалис® препаратын бір мезгілде қабылдау, Сиалис® препаратының фармакологиялық қисығы астындағы ауданды (AUC) өзгертпей-ақ, препараттың сіңу жылдамдығын төмендетеді.

Низатидинді гистаминді Н2-рецепторлы блокаторын қабылдау нәтижесінде асқазан рН-ның артуы Сиалис® препаратының фармакокинетикасына ықпалын тигізген жоқ.

Сиалис® препаратын ФДЭ5 басқа тежегіштерімен біріктірілімде немесе эректильді дисфункцияны емдеудің баламалы әдістерімен қолданудың қауіпсіздігі және тиімділігі зерттелген жоқ, сондықтан осындай біріктірілімдерді қолдану ұсынылмайды.

Сиалис® препаратының басқа препараттарға әсері

Сиалис® препаратының нитраттардың гипотензиялық әсерін күшейтетіні белгілі. Органикалық нитраттардың кез келген түрлерін қабылдайтын пациенттерге Сиалис® препаратын тағайындауға болмайды. Нитраттарды тағайындау клиникалық тұрғыдан негізді болғанда өмірге қауіп төндіретін жағдайлар туындаған жағдайда Сиалис® препаратының соңғы дозаларын қабылдағаннан кейінгі 48 сағаттық аралықты сақтау қажет. Мұндай жағдайларда нитраттарды гемодинамикалық мониторингке сай қатаң түрде медициналық бақылаумен ғана қолданған жөн.

Сиалис® метаболизмі P450 цитохромы изоферментінің қатысуымен жүретін дәрілердің клиренсіне клиникалық тұрғыдан маңызды әсерін тигізбейді. Зерттеулер Сиалис® препаратының CYP3А4, CYP1А2, CYP2D6, CYP2E1, CYP2С9 және CYP2C19 қоса, P450 цитохромы изоформаларын тежемейтінін және индукцияламайтынын нақтылады.

Сиалис® S-варфариннің немесе R-варфариннің фармакокинетикасына клиникалық тұрғыдан маңызды ықпалын тигізбейді. Сиалис® протромбин уақытына қатысты варфариннің әсеріне ықпал етпейді.

Сиалис® ацетилсалицил қышқылы әсерінен туындаған қан кету ұзақтығын арттырмайды.

Сиалис® препаратының жүйелік қантамырларды кеңейтетін қасиеттері бар және артериялық қысымды төмендетуге бағытталған гипертензияға қарсы препараттардың әсерін күшейтуі мүмкін. Гипертензияға қарсы бірнеше дәрілерді қабылдаған, артериялық қысымы нашар бақыланған пациенттерде артериялық қысымның біршама айқын төмендегені байқалды. Пациенттердің басым көпшілігінде бұл төмендеулер гипотензиялық симптомдар дамуымен қатар болған жоқ. Гипертензияға қарсы препараттармен ем қабылдап жүрген және Сиалис® қабылдап жүрген пациенттерге тиісті клиникалық нұсқаулар берілуі тиіс. Гипертензияға қарсы дәрілік препараттар қабылдап жүрген пациенттер артериялық қысымның болжамды төмендеу қаупі туралы ескертілуі тиіс.

Сиалис® препаратын доксазозиннің альфа1-адреноблокаторын (тәулігіне 4-8 мг) қабылдаған дені сау адамдарға қолданғанда, доксазозиннін гипотензиялық әсерінің едәуір күшейгені байқалды. Бұл әсер кем дегенде он екі сағатқа созылады және естен тануды қоса, әртүрлі симптомдармен болуы мүмкін. Сиалис® пен доксазозинді бір мезгілде қолдануға болмайды.

Клиникалық екі зерттеу нәтижесі бойынша, селективті альфа1-адреноблокаторлар тамсулозин мен альфузосин қабылдаған, дені сау адамдарға Сиалис® препаратын қолданғанда артериялық қысымның маңызды түрде төмендегені байқалған жоқ. Сиалис® препаратын, кез келген альфа-адреноблокаторларды қабылдайтын, әсіресе егде жастағы пациенттерге тағайындағанда сақ болған жөн. Емдеуді барынша ең аз дозалардан бастаған және біртіндеп түзеткен жөн.

Клиникалық зерттеулерде тадалафилдің гипертензияға қарсы дәрілік заттардың гипотензивтік әсерін күшейту қабілеті зерттелді. Кальций өзекшелерінің блокаторларын (амлодипин), ангиотензин-өзгертуші фермент (АӨФ) тежегіштерін (эналаприл), бета-адренергиялық рецепторлар блокаторларын (метопролол), тиазидті диуретиктерді (бендрофлуазид) және ангиотензин II рецепторларының блокаторларын (жекелеген немесе тиазидтермен, кальций өзекшелерінің блокаторларымен, бета-блокаторлармен және/немесе альфа-блокаторлармен біріктірілімде қолданылатын әртүрлі типтері және дозалары) қоса, гипертензияға қарсы дәрілік заттардың негізгі кластары зерттелді. Тадалафилдің (20 мг дозада қолданылған ангиотензин II рецепторларының блокаторларымен және амлодипинмен өзара әрекеттесуінің зерттеулерін қоспағанда, 10 мг) бұл кластардың кез келген дәрілік затымен клиникалық елеулі өзара әрекеттесуі болмаған.

Клиникалық фармакологиялық зерттеулерде гипертензияға қарсы препараттардың бірнеше (4-ке дейін) класымен үйлесімде қабылданатын тадалафилдің (20 мг) өзара әрекеттесулері зерттелген. Бірнеше гипотензиялық дәрілер қабылдайтын пациенттерде амбулаторияда өлшенетін артериялық қысым өзгерісі қысымды реттеу бойынша шараларға сәйкес болды. Артериялық қысымы дәрі-дәрмектік мұқият реттеуде болған пациенттерде оның төмендеуі ең аз және зерттеуге қатысушы дені сау осындайлардағыға ұқсас болды. Артериялық қысымы реттелмеген пациенттерде бұл төмендеу бақыланғандардың көпшілігінде гипотензиялық симптоматика пайда болуына әкелмесе де, оның төмендеуі басым болды. Пациенттер гипертензияға қарсы дәрілік заттармен бірге тағайындалғанда қабылданған тадалафил 20 мг әдетте ең төмен болып табылатын (жоғарыны қараңыз, альфа-блокаторларын қоспағанда) және шамамен клиникалық елеулі білінулерге соқтырмайтын артериялық қысым төмендеуін туындатуы мүмкін. Клиникалық сынақтардың үшінші фазасының талдауы гипертензияға қарсы дәрілік заттармен қатар немесе жеке дара қабылдаумен бірге тадалафил қабылдаған пациенттерде жағымсыз әсерлерінің туындауында ешбір айырмашылық көрсетпеген. Дегенмен гипертензияға қарсы дәрілік заттар қабылдайтын пациенттерге артериялық қысымның болжамды төмендеуі туралы ескерту керек.

Сиалис® (10 мг немесе 20 мг) алкогольдің концентрациясына ықпалын тигізген жоқ, сол сияқты алкоголь де Сиалис® препаратының концентрациясына ықпал етпеді. Сиалис® препаратын қолдану алкогольді 0.7 г/кг дозада қабылдаудан туындаған артериялық қысымның орташа шамасын статистикалық елеулі төмендетпеген, бірақ кейбір пациенттерде постуральді бас айналу және ортостатикалық гипотензия байқалды. Сиалис® препаратын алкогольдің өте төмен (0.6 г/кг) дозаларымен біріктіріп қабылдағанда, артериялық гипотензия байқалған жоқ, ал бас айналу тек алкогольді ғана қабылдаған кездегідей жиілікте пайда болды. Сиалис® препаратын (10 мг) қабылдау алкогольдің когнитивтік функцияларға әсерін күшейткен жоқ.

Қуықасты безінің аденомасын симптоматикалық емдеу кезінде Сиалис® препаратының 5 мг және 5 мг финастеридті плацебомен қабылдағанда және 5 мг финастеридті бір уақытта қолдану салыстырылған клиникалық зерттеулерде жаңа жағымсыз реакциялар тіркелген жоқ. Клиникаға дейінгі зерттеулер ФДЭ-5 тежегіштерін және риоцигуатты үйлестіре қолданғанда артериялық қысым жүйесін қосымша төмендететін әсерін көрсетті. Клиникалық зерттеулер барысында риоцигуат ФДЭ-5 тежегіштерінің гипотензиялық әсерінің күшеюін көрсеткен. Пациенттердің зерттелетін топтарынан бұндай препараттарды үйлестіргенде клиникалық жағымды әсерінің ешбір айғағы алынбаған. Риоцигуатты тадалафилды қоса, ФДЭ-5 тежегіштерімен үйлесімде қолдану қарсы көрсетілімде.

Тадалафил және риоцигуат сияқты гуанилатциклаза стимуляторларының үйлесімі ұсынылмайды, өйткені бұл симптоматикалық гипотензияға әкелуі мүмкін.

Дегенмен, Сиалис® пен 5-альфа-редуктаза тежегіштерінің дәрілік өзара әрекеттесу әсерлерінің ресми зерттеулері жүргізілмегендіктен, оларды бірге тағайындағанда сақ болу керек.

Сиалис® теофиллиннің (CYP1A2 субстраты), фосфодиэстеразаның селективті емес тежегішінің фармакокинетикасына және фармакодинамикасына, жүректің жиырылу жиілігінің аздаған артуынан (минутына 3.5 соғу) басқасында, клиникалық тұрғыдан маңызды әсер бермеді. Осы құбылыстың аздаған сипатына қарамастан, Сиалис® пен теофиллинді бір мезгілде тағайындағанда ЖЖЖ жиілеуінің мүмкін екендігін ескерген жөн.

Сиалис® препаратын қолданған кезде этинилэстрадиолдың биожетімділігінің артқаны білінді. Клиникалық салдары нақты анықталмаса да, тербуталинді пероральді түрде тағайындағанда осындай әсердің пайда болатындығын күтуге болады. Тадалафил (10 мг және 20 мг) ацетилсалицил қышқылынан туындайтын қан кету ұзақтығын арттырмайды.

Сиалис® препаратының диабетке қарсы дәрілік препараттармен өзара әрекеттесуін зерттеу жөнінде клиникалық зерттеулер жүргізілген жоқ.

Айрықша нұсқаулар

Сиалис® препараты әйелдерге қолдануға арналмаған!

Дәрі-дәрмектік емді бастар алдында ауру тарихын зерттеу және эректильді дисфункцияны немесе қуықасты безінің қатерсіз гиперплазиясын диагностикалау үшін және осы жағдайдың туындауының потенциалды себептерін анықтау үшін пациентке физикалық тексеру жүргізу қажет.

Сексуалдық белсенділіктің жүрек-қантамыр аурулары бар пациенттер үшін әлеуетті қаупі бар. Эректильді дисфункцияны емдеудің алдында дәрігерлер сексуалдық белсенділікпен байланысты жүрек-қантамыр патологиясы дамуының белгілі дәрежедегі қаупі болуымен байланысты пациенттің жүрек-қантамыр жүйесі жағдайын есепке алулары қажет. Эректильді дисфункцияны емдеуді, оның ішінде Сиалис® препаратын пайдалану арқылы емдеуді сексуалдық белсенділік ұсынылмаған жүректің осындай аурулары бар еркектерге жүргізуге болмайды.

Басқа да ФДЭ5 тежегіштері сияқты, Сиалис® препаратының қантамырларды кеңейтетін қасиеттері бар, бұл қан қысымының транзиторлы түрде төмендеуіне әкелуі мүмкін, осылайша нитраттардың гипотензиялық әсерін күшейтеді.

Қуықасты безінің қатерсіз гиперплазиясын емдеу үшін Сиалис® препаратын тағайындар алдында пациентті жүрек-қантамыр патологиясы болуына және қуықасты безінің карциномасы жоқтығына көз жеткізу мақсатында мұқият тексеріп алу керек.

Эректильді дисфункцияны бағалауға тиісті медициналық тексеруден кейін тиісті емдеу әдістері мен әлеуетті себептерді анықтау кіруі тиіс. Сиалис® препаратын жүйкені сақтайтын радикальді простатэктомияны бастан кешірген немесе жамбас қуысының ағзаларына операция жасалған пациенттерге қолданудың тиімділігі анықталған жоқ.

Миокард инфарктісі, жүректен кенеттен болатын өлім, тұрақсыз стенокардия, қарыншалық аритмия, инсульт, транзиторлы ишемиялық шабуылдар, кеуденің ауыруы, жүрек соғысының жиілеуі және тахикардия постмаркетингтік және/немесе клиникалық зерттеулер аясында бұрын жүрек-қантамыр аурулары дамуының қауіп факторлары бар пациенттердің көбінде байқалды. Алайда бұл құбылыстың осы қауіпті факторлармен, препаратын қабылдаумен, жыныстық қозумен немесе осы немесе басқа факторлармен бірігуіне тікелей байланысты ма, әлде жоқ па, нақты анықтау мүмкін емес.

Гипертензияға қарсы дәрілік препараттарды бір уақытта қабылдайтын пациенттерде Сиалис® препаратын қолдану артериялық қысымның төмендеуіне әкелуі мүмкін. Тадалафилді күнделікті қабылдауды тағайындаған жағдайда емдеуші дәрігер гипертензияға қарсы препараттар дозасын түзету мүмкіндігін бағалау мақсатында клиникалық жағдайды қарастыруы тиіс.

Сиалис® препаратын альфа1-адреноблокаторды қабылдап жүрген пациенттерге тағайындағанда сақтық таныту қажет, өйткені аталған препараттарды бір мезгілде қолдану кейбір пациенттерді симптоматикалық гипотензия дамуына соқтыруы мүмкін. Доксазозинды және Сиалис® препаратын бір мезгілде қабылдауға болмайды. Екі клиникалық зерттеу нәтижесі бойынша Сиалис® препаратын селективті альфа1A-адреноблокатор тамсулозин қабылдаған дені сау адамдар қолданған кезде артериялық қысымның елеулі төмендеуі байқалған жоқ.

Сиалис® препаратын және ФДЭ5 басқа тежегіштерін қолданғанда көрудің бұзылуы және артериялық емес алдыңғы ишемиялық оптикалық нейропатияның (АЕАИОН) пайда болу жағдайлары байқалды. АЕАИОН толық көрмей қалуды қоса, көрудің нашарлауына себепші болып табылады. АЕАИОН пайда болуы мен ФДЭ5 тежегіштерін қабылдау немесе басқа факторлар арасында тікелей байланыс бар-жоқтығын анықтау қазіргі таңда мүмкін болмай отыр. Пациент көздері кенеттен көрмей қалғанда Сиалис® препаратын қабылдауды тоқтатуы және дереу дәрігерге қаралуы керектігін білуі тиіс. Дәрігерлер сондай-ақ АЕАИОН бастан кешкен адамдарда қайта пайда болу қаупі жоғары болатындығынан хабардар етуі тиіс.

Тадалафил пайдалануға байланысты құлақтағы шуылмен бірге жүретін естудің кенеттен нашарлауы немесе естімей қалу туралы хабарланды. Бұл жағдайда дереу дәрігерге қаралу керек.

Препарат әсерінің ұлғаюын (AUC), клиникалық тәжірибе шектеулі және диализ арқылы клиренске әсер ету мүмкін еместігін назарға ала отырып, Сиалис® препаратын тәулігіне 1 рет қабылдау ауыр бүйрек жеткіліксіздігі бар пациенттерге ұсынылмайды.

Бауырдың ауыр жеткіліксіздігі бар (Чайлд-Пью жіктемесі бойынша С класы) бар пациенттерде Сиалис® препаратын бір рет қабылдаудың қауіпсіздігі бойынша клиникалық деректер шектеулі. Бауыр жеткіліксіздігі бар пациенттерге эректильді дисфункция және қуықасты безінің қатерсіз гиперплазиясын емдеу үшін Сиалис® препаратын тәулігіне 1 рет қолдану зерттелмеген. Сиалис® препаратын тағайындаған жағдайда емдеуші дәрігер пациент үшін пайда мен қауіптің арақатынасын жекелей мұқият бағалаудан бастау қажет.

Приапизмнің пайда болғаны жөнінде хабарламалар бар. Пациенттер 4 сағатқа және одан астамға созылған эрекция пайда болған жағдайда дереу медициналық жәрдем алу қажеттелігі жөнінде хабардар болуы тиіс. Приапизмді дер кезінде емдемеу жыныс мүшесі тіндерінің зақымдануына әкеледі, соның нәтижесінде потенция ұзақ уақытқа жоғалуы мүмкін. Сиалис® препаратын приапизмге бейім пациенттерге (мысалы, орақ-жасушалы анемияда, көптеген миеломада немесе лейкемияда) немесе жыныс мүшесінің анатомиялық кемістігі (мысалы, бұрышты майысу, кавернозды фиброз немесе Пейрони ауруы) бар пациенттерге сақтықпен қолданған жөн.

Сиалис® препаратын CYP3A4 күшті тежегіштерін (ритонавир, саквинавир, кетоконазол, итраконазол және эритромицин) қабылдап жүрген пациенттерге тағайындағанда, осы дәрілік препараттармен біріктіріп емдегенде Сиалис® препаратының (AUC) әсерінің артатындығы білінетіндіктен, сақ болған жөн.

Сиалис® препаратын ФДЭ5 басқа тежегіштерімен және эректильді дисфункцияны емдеудің басқа әдістерімен біріктірудің қауіпсіздігі және тиімділігі зерттелген жоқ. Пациенттер осындай біріктірілімде Сиалис® препаратын қабылдауға болмайтынынан хабардар болуы тиіс.

Сиалис® препаратының өзінің құрамында лактоза бар. Галактоза көтере алмаушылығы, Lapp-лактаза тапшылығы немесе глюкоза-галактоза мальабсорбциясы сияқты сирек тұқым қуалаған проблемалары бар пациенттер Сиалис® препаратын қабылдамауы тиіс.

Сиалис® препаратын қабылдап жүрген 65 жастан асқан пациенттерде клиникалық сынақтарда эректильді дисфункцияны немесе қуықасты безінің қатерсіз гиперплазиясын емдеу үшін препаратты қолдану бойынша деректер шектеулі.

Жүктілік Тадалафилді жүкті әйелдерде қолдану бойынша шектеулі деректер бар. Сақтық шаралары ретінде дұрысы Сиалис® препаратын жүктілік кезінде қабылдаудан аулақ болу керек.

Лактация Сиалис® препаратын бала емізу кезеңінде пайдалануға болмайды. ФертильділігіКейбір еркектерде сперматозоидтардың концентрациясы төмендегені анықталды. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Сиалис® көлік құралын немесе қауіптілігі зор механизмдерді басқару қабілетіне елеусіз әсер етеді. Сиалис® препаратын қабылдау аясында бас айналудың пайда болу жиілігі плацебо аясындағымен бірдей болатындығына қарамастан, емдеу кезеңінде автокөлікті басқарғанда және жоғары зейін шоғырландыруды және психомоторлы реакциялардың шапшаңдығын қажет ететін басқа қауіптілігі зор қызмет түрлерімен айналысқанда сақ болу қажет.

Артық дозалануы

Симптомдары: Дені сау адамдарға Сиалис® препаратын 500 мг-ге дейінгі дозада бір рет және пациенттерге тәулігіне 100 мг-ге дейін көп рет тағайындағанда, жағымсыз әсерлері препаратты өте төмен дозаларды пайдаланған кездегідей болды.

Емі: Артық дозаланған жағдайда стандартты симптоматикалық ем жүргізу қажет. Гемодиализ Сиалис® препаратының шығарылуына елеусіз әсер етеді.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамаға 14 таблеткадан салынған. 1 немесе 2 пішінді қаптамадан медициналық қолдануы жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

25о С-ден аспайтын бөлме температурасында сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханадан босатылу шарттары

Рецепт арқылы

Өндіруші ұйымның атауы мен елі

Лилли дель Карибе Инк., Пуэрто Рико

Қаптаушы ұйымның атауы мен елі

Лилли С.А., Испания

Тіркеу куәлігі иесінің атауы мен елі

Элай Лилли Восток С.А., Швейцария

Орталық Азия және Моңғолия елдері аумағында тұтынушылардан өнім (тауар) сапасы жөнінде шағымдарды қабылдайтын ұйымның мекенжайы

«Элай Лилли Восток С.А.» компаниясының өкілдігі

Қазақстан Республикасы, 050059, Алматы қ., Иванилов к-сі 21.

тел: 8 (727) 2 447 447

факс: 8 (727) 2 442 851

Lilly_Safety_CARAGA@lilly.com