Римантадин (0.05 г, Биосинтез ОАО) (Rimantadine)

Римантадин

Римантадин

Дәрілік түрі, дозасы

Таблеткалар, 50 мг

Жүйелі қолдануға арналған вирусқа қарсы препараттар. Тікелей әсер ететін вирусқа қарсы препараттар. Циклдік аминдер. Римантадин.

АТХ коды J05AC02

Препарат ересектер мен 7 жастан асқан балаларда қолдануға көрсетілген.

• А тұмауының профилактикасы және ерте емдеуде

Қолдануды бастағанға дейін қажетті мәліметтер тізбесі

• римантадинге және препараттың қосымша компоненттеріне жоғары сезімталдық

• бауырдың жедел аурулары

• бүйректің жедел және созылмалы аурулары

• тиреотоксикоз

• жүктілік және лактация кезеңі

• 7 жасқа дейінгі балалар

• лактаза жеткіліксіздігі, лактоза жақпаушылығы, глюкоза-галактоза мальабсорбциясы

Қолдану кезіндегі қажетті сақтық шаралары

Сақтықпен

• артериялық гипертензия

• ми қантамырлары атеросклерозы

• бауыр жеткіліксіздігі

• эпилепсия

• асқазан-ішек жолы аурулары

Басқа дәрілік препараттармен өзара әрекеттесуі

Римантадин эпилепсияға қарсы препараттардың тиімділігін төмендетеді.

Парацетамол және аскорбин қышқылы қан плазмасындағы римантадиннің ең жоғарғы концентрациясын 11%-ға төмендетеді.

Циметидин римантадиннің клиренсін 18%-ға төмендетеді.

Адсорбенттер, тұтқыр және бүркемелегіш дәрілер римантадиннің сіңуін азайтады.

Несепті сілтілендіретін дәрілер (ацетазоламид, натрий гидрокарбонаты және т.б.) оның бүйрекпен бөлінуі азаюы салдарынан римантадиннің тиімділігін күшейтеді.

Арнайы ескертулер

Римантадинді қолданған кезде созылмалы қатар жүретін аурулардың өршуі мүмкін. Артериялық гипертензиясы бар егде жастағы пациенттерде геморрагиялық инсульттің даму қаупі артады.

Анамнезде эпилепсияға және құрысуға қарсы ем жүргізу көрсетілген кезде римантадинді қабылдау аясында эпилепсиялық ұстаманың даму қаупі артады. Мұндай жағдайларда римантадин құрысуға қарсы еммен бір мезгілде тәулігіне 100 мг дозада қолданады.

Тұмау эпидемиясы кезінде ауру туындау қаупі жоғарылағанда және жабық ұжымдарда инфекцияның таралуы кезінде, ауру адаммен қарым-қатынас жасағанда препаратты профилактикалық қабылдау тиімді.

Вирус препараттарына төзімділік пайда болуы мүмкін.

Препараттың құрамына сахароза (ақ қант) және лактоза моногидраты (сүт қанты) кіреді, бұл қант диабеті бар пациенттерге ескеру керек. Бір таблеткада 0,0383 г сахароза (ақ қант) және лактоза моногидраты (сүт қанты) бар, бұл 0,004 НБ сәйкес келеді; препараттың ең жоғары тәуліктік дозасында 0,231 г сахароза (ақ қант) және лактоза моногидраты (сүт қанты) бар, бұл 0,023 НБ сәйкес келеді.

Педиатрияда қолдану

Препарат 7 жасқа дейінгі балаларда қолдануға болмайды.

Жүктілік және лактация кезеңі

Жүктілік және лактация кезеңінде препаратты қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Қолдану кезеңінде көлікті басқарудан және жоғары зейінділік пен психомоторлық реакциялар жылдамдығын талап ететін қауіптілігі зор қызмет түрлерімен айналысудан тартына тұру қажет.

Қолдану бойынша ұсынымдар

Дозалау режимі

Тұмауды емдеуді ауру симптомдары пайда болғаннан кейін 24 - 48 сағат ішінде бастаған жөн.

Ересектерге бірінші күні 100 мг-ден (50 мг-ден 2 таблетка) күніне 3 рет; екінші және үшінші күндері 100 мг-ден күніне 2 рет; төртінші және бесінші күндері 100 мг-ден күніне бір рет.

Аурудың бірінші күні препаратты 300 мг дозада (50 мг-ден 6 таблетка) бір рет қолдануға болады.

Емдеу курсы 5 күн.

Ересектерге тұмау профилактикасы үшін 30 күнге дейін күніне бір рет 50 мг тағайындайды.

Балалар

7-ден 10 жасқа дейінгі балаларға 50 мг-ден күніне 2 рет; 11-ден 14 жасқа дейін - 50 мг-ден күніне 3 рет тағайындайды. 14 жастан асқандар – ересектерге арналған дозалар. 5 күн бойы қабылдайды.

Тұмаудың профилактикасы үшін 7 жастан асқан балаларға 15 күн бойы күніне бір рет 50 мг тағайындайды.

Енгізу әдісі және жолы

Ішке, тамақтанудан кейін, сумен ішеді.

Қабылдау уақыты көрсетілген қолдану жиілігі

Тұмауды емдеу

Ересектерге бірінші күні күніне 3 рет; екінші және үшінші күндері – күніне 2 рет; төртінші және бесінші күндері – күніне бір рет тағайындалады. Аурудың бірінші күні препараттың күндізгі дозасын (6 таблетка) бір рет бір мезетте қабылдауға болады.

7-10 жас аралығындағы балаларға күніне 2 рет; 11-14 жас аралығындағы балаларға – күніне 3 рет тағайындалады. 14 жастан асқан – ересектерде қолдану жиілігіне сәйкес келеді.

Тұмаудың профилактикасы

Тұмаудың профилактикасы үшін ересектер мен балаларға күніне бір рет қолданылады.

Емдеу ұзақтығы

Тұмауды емдеу

Емдеу курсы 5 күн.

Тұмаудың профилактикасы

Ересектерге препаратты 30 күнге дейін тағайындайды.

7 жастан асқан балаларға препаратты 15 күн бойы қолданады.

Артық дозалану жағдайында қабылдау қажет шаралар

Симптомдары: қозу, елестеулер, аритмия.

Емі: асқазанды шаю, симптоматикалық ем; өмірлік маңызды функцияларды демеуге арналған іс-шаралар. Римантадин гемодиализ кезінде ішінара шығарылады.

Дәрілік препараттың бір немесе бірнеше дозасын өткізу кезінде қажетті шаралар

Қатысты емес.

Тоқтату симптомдары қатерінің болуын көрсету

Қатысты емес.

Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар

Препаратты дәрігердің тағайындауы бойынша қолданады.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы тиіс шаралар

• ауыздың құрғауы, жүрек айнуы, құсу, тәбеттің болмауы, эпигастрий маңының ауыруы, метеоризм

• бас ауыруы, бас айналуы, ұйқысыздық, зейін зейін қоюдың бұзылуы бұзылуы, ұйқышылдық, үрейлену, қатты қозғыштық, шаршау

• гипербилирубинемия

• аллергиялық реакциялар (тері бөртпесі, қышыну, есекжем)

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

Сыртқы түрінің, иісінің, дәмінің сипаттамасы

Жалпақ цилиндр пішінді, ойығы бар ақ түсті таблеткалар.

Шығарылу түрі және қаптамасы

20 таблеткадан полимерлі банкаға салынады.

Әрбір банка медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.

5 жыл

Жарамдылық мерзімі өткеннен кейін қолдануға болмайды.

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

«Биосинтез» ЖАҚ, Ресей

440033, Пенза қ., Дружба к-сі, 4, тел./факс: (8412) 57-72-49,

e-mail: certificate@biosintez.com

Тіркеу куәлігінің ұстаушысы

«Биосинтез» ЖАҚ, Ресей

440033, Пенза қ., Дружба к-сі, 4, тел./факс: (8412) 57-72-49,

e-mail: certificate@biosintez.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Сан Фармасьютикал Индастриез Лимитед компаниясы» Қазақстан Республикасындағы өкілдігі

050008, Қазақстан Республикасы, Алматы қ., Манас к-сі, 32 «А», «SAT» Бизнес орталығы, 6 қабат, 602 кеңсе, тел. +7 (701) 991-19-56, 8-800-080-52-02,

e-mail: Pharmacovigilance.kz@sunpharma.com