Норматин
Инструкция
-
русский
-
қазақша
Саудалық атауы
Норматин
Халықаралық патенттелмеген атауы
Тимолол
Дәрілік түрі
0,5 % 5 мл көз тамшы дәрісі
Құрамы
1 мл препараттың құрамында
белсенді зат – 5 мг тимолол (тимолол малеаты түрінде 6,83),
қосымша заттар: натрий дигидрофосфаты моногидраты, сусыз динатрий фосфаты, бензалконий хлориді, натрий гидроксиді, инъекцияға арналған су.
Сипаттамасы
Өзіне тән әлсіз иісі бар түссіз немесе сәл сарғыштау мөлдір сұйықтық.
Фармакотерапиялық тобы
Көз ауруларын емдеуге арналған препараттар. Глаукомаға қарсы препараттар және миотиктер. Бета – адреноблокаторлар. Тимолол
АТХ код S01ЕD01
Фармакологиялық қасиеттері
Фармакокинетикасы
Тимолол малеатын жергілікті қолданған кезде мөлдір қабық арқылы жылдам өтеді. Конъюнктива қантамырлары, мұрын шырышы және көз жасы ағу жолдары арқылы жүйелі ағымға сіңірілу арқылы елеулі мөлшерде түседі. Тимолол метаболиттерінің шығарылуы көбінесе бүйрек арқылы жүзеге асады.
Фармакодинамикасы
Тимолол бета-1 және бета-2 адренорецепторларының селективті емес блокаторы болып табылады. Жергілікті қолданған кезде препарат қалыпты және жоғарылаған көзішілік қысымды төмендетеді. Көзішілік қысымының төмендеуі препаратты бір рет тамызғаннан кейін 30 минуттан соң басталады. Ең жоғары тиімділігі 1-2 сағаттан соң байқалады, ал әсер ету ұзақтығы 24 сағатты құрайды.
Тимололдың гипотензиялық әсер ету механизмі нақты анықталмаған. Зерттеулерде ең алдымен бұл әсер сулы ылғалдың түзілуін азайтумен байланысты екенін көрсетеді. Алайда, кейбір жағдайларда көзішілік сұйықтықтың қайтуының аздап жақсарғаны байқалған. Миотиктерден айырмашылығы, тимолол іс-жүзінде аккомодацияға және қарашық өлшеміне ықпал етпестен көзішілік қысымды төмендетеді.
Қолданылуы
- көзішілік қысымның жоғарылауы (көз гипертензиясында)
- ашықбұрышты глаукомада
- афакиялық глаукомада
- жабықбұрышты глаукома кезінде көзішілік қысымды төмендету үшін қосымша дәрі ретінде (миотиктермен біріктірілімде)
- туа біткен глаукомада (басқа да емдік шаралардың жеткіліксіздігінде).
Қолдану тәсілі және дозалары
Препараттың алғашқы дозасы 0,5% препарат ерітіндісінің 1 тамшысын күніне 2 рет.
Тимололды алғашқы қолданғаннан кейін көзішілік қысымның тұрақтануы бірнеше аптаның ішінде жүретін болса, ем тиімділігін бағалау 4 аптадан соң жүргізіледі.
Бұрын басқа бета-адреноблокатормен жергілікті ем қабылдаған науқасты тимололмен емдеуге көшіруді соңғысының тиісті тәуліктік дозасын зақымдалған көзге 0,5% препаратты 1 тамшыдан күніне 2 рет қабылдаған соң, келесі күні жүргізген жөн.
Бета-адреноблокаторлар тобына жатпайтын жергілікті антиглаукомалық заттардың бірімен монотерапияда алғашқы тәулік ішінде емдеуді тимололды зақымдалған көзге 0,5% ерітіндіні 1 тамшыдан күніне 2 рет тағайындаумен толықтыру керек. Келесі күні бұрын пайдаланылған антиглаукомалық препаратты тоқтатып, тимололмен емдеуді жалғастыру керек.
Көзішілік қысым тұрақтанғаннан кейін – 1 тамшыдан тәулігіне 1 рет.
Жағымсыз әсерлері
- конъюнктивиттің, блефариттің, кератиттің дамуы, мөлдір қабық сезімталдығының төмендеуі
- көз конъюнктивасының тітіркенуі және гиперемиясы, жас ағу, жарықтан қорқу, эпителийдің ісінуі және мөлдір қыбықтың гиперемиясы, диплопия
Сирек
- брадикардия, брадиаритмия, артериялық қысымның төмендеуі, коллапс, атриовентрикулярлық блокада
- потенцияның төмендеуі
- ентігу, бронх түйілуі, өкпе жеткіліксіздігі, мұрынның бітуі,
- бас ауыру, бас айналу, жалпы әлсіздік, депрессия, ұйқышылдық, елестеулер, сананың шатасуы, астения, шым-шытырық түстер, мазасыздық
- есекжем, экзема, шаштың түсуі
- құрғақ көз синдромы, көрудің нашарлауы, птоз
- іркілісті жүрек жеткіліксіздігі, аритмия
Қолдануға болмайтын жағдайлар
- препарат компоненттерінің кез-келгеніне аса жоғары сезімталдық
- бронхтық демікпе (оның ішінде сыртартқысында)
- өкпенің созылмалы обструктивтік ауруы
- кардиогендік шок, жедел және созылмалы жүрек жеткіліксіздігі, II – III дәрежелі атриовентрикулярлық блокада, синоатриальді блокада, синустық брадикардия (соғуы минутына 45-50 аз), синус түйінінің әлсіздігі синдромы
- мөлдір қабықтың дистрофиялық аурулары
- мұрын шырышты қабығының ауыр аллергиялық қабынуы
- жүктілік және емшек емізу кезеңі
- 18 жасқа дейінгі балалар
Дәрілермен өзара әрекеттесуі
Жүйелі бета – адреноблокаторлармен бір мезгілде қолдану, әрбір препараттың фармакологиялық белсенділігінің өзара күшеюіне әкелуі мүмкін.
Құрамында адреналин бар көз тамшы дәрісін бір мезгілде тағайындау көз қарашығының кеңеюін туғызуы мүмкін.
Норматин миореласанттардың әсерін күшейтеді, сондықтан жалпы наркозбен хирургиялық араласулар жүргізгенге дейін 48 сағат бұрын препаратты тоқтату керек.
Препаратты кальций өзектері блокаторларымен, симпатолитктермен және бета- адреноблокаторлармен біріктіріп қабылдау артериялық гипотензияның және брадикардияның күшеюіне әкеледі.
Норматинді пероральді және көктамырішілік кальций антагонистерімен біріктіріп қолдану атриовентрикулярлық өткізгіштігінің бұзылуына, гипотензияға және сол жақ қарыншалық жеткіліксіздікке әкелуі мүмкін.
Айрықша нұсқаулар
Норматинді ұзақ уақыт қолданған кезде тахифилаксия (тиімділігінің әлсіреуі) дамуы мүмкін.
Көзішілік қысымды өлшеу және мөлдір қабықты тексеру үшін дәрігерге ұдайы тексеріліп тұру керек.
Норматин көз тамшы дәрісінің құрамында консервант ретінде бензалконий хлориді бар, сондықтан жанаспалы линза таққан кезде оларды пайдалану ұсынылмайды.
Препаратты қолданар алдында жанаспалы линзаны шешіп, тамызғаннан кейін 15 минут өткен соң ғана оны қайта кию керек.
Науқасты Норматин препаратымен емдеуге ауыстыру кезінде ертерек қолданылған миотиктерден болған тиімділіктен кейін рефракцияны түзету қажет болуы мүмкін. Жалпы анестезияны қолданумен операциялық араласулар қажет болып тұрған жағдайда препаратты қолдануды 48 сағат бұрын тоқтату керек.
Сақтықпен АV - блокада, артериялық гипотензия, атрофикалық ринит, өкпе жеткіліксіздігі, ауыр цереброваскулярлық жеткіліксіздік, қант диабеті, гипогликемия, тиреотоксикоз, миастения, шеткергі қан айналымының бұзылуы, феохромоцитома кезінде.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Норматин көз тамшы дәрісін автокөлік жүргізген кезде, күрделі механизмдермен жұмыс істеген кезде сақтықпен қолдану керек, өйткені препаратты тамызғаннан кейін сол сәтте уақытша көру жітілігі төмендеуі мүмкін.
Артық дозалануы
Симптомдары: бас айналу, бас ауыру, брадикардия, гипотензия, бронх түйілуі, жедел жүрек жеткіліксіздігі
Емі: көзді сумен немесе физ. ерітіндімен шаю, симптоматикалық ем.
Шығарылу түрі және қаптамасы
5 мл препараттан тамшылатқыш-тығыны және сақтандырғыш сақинасымен жабдықталған бұрандалы қорғаныш қақпағы бар пластик құтыда.
1 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынады.
Сақтау шарттары
250С-ден аспайтын температурада сақтау керек.
Құтыны ашқаннан кейін қолдану мерзімі 1 ай.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
Е.И.П.И.Ко., Мысыр
Тенс ов Рамадан Сити,
Бірінші Өндірістік Аймақ В1, а/ж 149 Тенс
(«E.I.P.I.CO.» Egypt, Tenth of Ramadan City, First Industrial Area B1, P.O. box: 149 Tenth)
«Уорлд Медицин Офтальмикс» үшін өндірілген, Ұлыбритания
Сауда маркасының және тіркеу куәлігінің иесі
«Уорлд Медицин Офтальмикс» компаниясы болып табылады, Ұлыбритания
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы
ҚР, Алматы, Түркісіб ауданы, Сүйінбай д-лы, 222б
Тел/факс: 8 (7272) 529090
www.worldmedicine.kz