Никотиновая кислота -Дарница (Nicotinic acid)

• русский
• қазақша

• Скачать инструкцию медикамента

Саудалық атауы

Никотин қышқылы -Дарница

Халықаралық патенттелмеген атауы

Никотин қышқылы

Дәрілік түрі

Инъекцияға арналған ерітінді 1 % 1 мл

Құрамы

1 мл ерітіндінің құрамында

белсенді заттар - 10 мг никотин қышқылы

қосымша заттар: натрий гидрокарбонаты, инъекцияға арналған су.

Сипаттамасы

Мөлдір түссіз сұйықтық

Фармакотерапиялық тобы

Шеткергі вазодилататорлар. Никотин қышқылы және оның туындылары.

Никотин қышқылы.

АТХ коды C04A C01

Фармакологиялық қасиеттері

Фармакокинетикасы

Никотин қышқылы парентеральді қолдануда енгізген жерден жылдам сіңеді.

Барлық ағзалар мен тіндерге біркелкі таралады. Белсенділігі негізінен метилдену жолымен және аз шамада конъюгациялану жолымен жойылады. Биотрансформация өнімі несеппен экскрецияланады. Егер организмге оның жоғары мөлшері түсетін болса, никотин қышқылы несепте белсенді түрде пайда болуы мүмкін.

Фармакодинамикасы

Никотин қышқылы (РР витамині) дербес немесе амид түрінде тотығу-тотықсыздану реакцияларында сутегінің, сондай-ақ фосфаттар тасымалын жүзеге асыратын кодегидраза I (дифосфопиридиннуклеотид – НАД) және кодегидраза II (трифосфопиридиннуклеотид – НАДФ) ферменттерінің простетикалық тобы болып табылады.

Зат алмасуына, тіндік тыныс алуға, синтез үдерісіне қатыса отырып, никотин қышқылы қандағы липопротеидтердің және триглицеридтердің құрамын қалыпқа келтіреді.

Артериола алды және артериола (оның ішінде мида) деңгейінде тамырды кеңейтетін әсері бар, сонысымен микроциркуляцияны жақсартады.

Әлсіз антикоагулянтты әсер етеді (қанның фибринолитикалық белсенділігін арттырады), бауыр мен бүйректің уытсыздандыру функциясы күшеюіне байланысты уытсыздандырғыш қасиетке ие.

РР витаминінің тапшылығын жояды, пеллаграға қарсы спецификалық дәрі болып табылады.

Қолданылуы

- пеллаграда (PP витаминінің авитаминозы)

Кешенді ем құрамында

- ми қан айналымының ишемиялық бұзылуында

- аяқ-қол тамырларының түйілуінде (облитерациялайтын эндартериит, Рейно ауруы)

- бүйрек тамырларының түйілуінде

- ұзақ уақыт жазылмайтын жараларда, ойық жараларда

- қант диабетінің асқынуында (диабеттік полинейропатияда, микроангиопатияда

- гипоацидті гастритте, энтероколитте, колитте

- бауыр ауруларында (жедел және созылмалы гепатитте)

- бет жүйкесі невритінде

- әртүрлі генезді уыттануда: кәсіби, алкогольдік, дәрі-дәрмектік (анилин туындыларымен, барбитураттармен, туберкулезге қарсы дәрілермен, сульфаниламидтармен)

Қолдану тәсілі және дозалары

Ересектерге және балаларға 15 жастан бастап көктамыр ішіне (баяу), бұлшықет ішіне және тері астына (бұлшықет ішіне және тері астына инъекция ауыртумен жүреді) тағайындайды.

Көктамыр ішіне сорғалатып енгізу үшін препараттың бір реттік дозасын

0,9 % натрий хлоридінің 10 мл ерітіндісінде сұйылтады, 5 минуттан кем емес уақытта енгізеді (2 мг никотин қышқылын 1 минутта енгізуден тез емес).

Көктамыр ішіне тамшылатып енгізу үшін препараттың бір реттік дозасын 0,9 % натрий хлоридінің 100-200 мл ерітіндісінде сұйылтады, енгізу жылдамдығы – минутына 30-40 тамшы.

Пеллагра. Көктамыр ішіне немесе бұлшықет ішіне 10 мг (1 мл) тәулігіне 1-2 рет тағайындайды. Емдеу курсы – 10-15 күн.

Ми қан айналымының ишемиялық бұзылуы. Көктамыр ішіне (баяу) 10 мг (1 мл) енгізеді.

Басқа да қолданылуы. Тері астына немесе бұлшықет ішіне 10 мг-ден (1 мл) 10-15 күн бойына күніне 1 рет тағайындайды. Инфузиялық ерітіндіге қосылуы мүмкін: 100-200 мл инфузиялық ерітіндіге 10 мг (1 мл) никотин қышқылы.

Көктамыр ішіне енгізгендегі жоғары дозалары: бір рет – 100 мг (10 мл), тәуліктік – 300 мг (30 мл).

Жағымсыз әсерлері

- басқа қан тебу сезімі, ол ентігу, тахикардия, жүрек қағуы, қатты терлеу, қалтырау, ісіну, шаншу және күйдіру сезімдерімен қатар жүруі мүмкін; көктамыр ішіне жылдам енгізгенде – артериялық қысымның елеулі төмендеуі, ортостатикалық гипотензия, коллапс

- бас айналуы, парестезиялар, бас ауыруы

- бет терісінің және дененің жоғарғы жартысының шаншу және күйдіру сезімімен гиперемиясы, тері және көздің шырышты қабығының құрғауы, сирек көз торқабығының ісінуі, ишемиялық жүрек ауруы бар пациенттерде өте сирек - акантоз. Бұл симптомдар тұрақсыз және препаратты тоқтатқаннан кейін жоғалады

- өте жоғары сезімталдық реакциялары, оның ішінде тыныс алу ағзалары тарапынан, есекжем, бөртпе

- аурушаңдық, теріастылық және бұлшықетішілік инъекция орнының ісінуі.

Үлкен дозаларда ұзақ уақыт қолдануда

- гиперурикемия

- глюкозаға толеранттылықтың төмендеуі

- бауыр функциясының бұзылуы, бауырдың майлы дистрофиясы, сарғаю

- аспартатаминотрансфераза, лактатдегидрогеназа, сілтілік фосфатаза, несеп қышқылы деңгейінің жоғарылауы

- гипофосфатемия

- тромбоциттер мөлшерінің төмендеуі

- протромбин уақытының ұзаруы

- гиперпигментация, гиперкератоз

- құрысулар

- диарея, жүрек айну, құсу, анорексия

- асқазан ойық жарасының өршуі

- амблиопия

- ұйқысыздық

- миалгия

- артериялық қысымның төмендеуі

- ринит

- көрудің бұлыңғырлануы

- қабақтың ісінуі

- миопатия

- эксфолиативті дерматит

Қолдануға болмайтын жағдайлар

- препарат компоненттеріне жоғары сезімталдық

- асқазанның және он екі елі ішектің ойық жарасы (өршу сатысында)

- артериялық гипертензия (ауыр түрі), атеросклероз (көктамыр ішіне енгізу үшін)

- подагра, гиперурикемия

- ауыр бауыр жеткіліксіздігі, оның ішінде бауыр циррозы

- қалпына келмейтін қант диабеті

- сыртартқыдағы шеткергі тамыр кедергісінің кенеттен төмендеуі болуы

- жуырда болған миокард инфарктісі.

- жүктілік, лактация кезеңі

- 15 жасқа дейінгі балалар

Дәрілермен өзара әрекеттесуі

Пероральді ұрықтануға қарсы дәрілер және изониазид триптофанның никотин қышқылына айналуын төмендетеді және, осылайша никотин қышқылына қажеттілікті жоғарылатуы мүмкін.

Никотин қышқылы неомициннің, барбитураттардың, туберкулезге қарсы дәрілердің, сульфаниламидтердің тиімділігін және уыттылығын төмендетеді.

Антибиотиктер никотин қышқылынан туындаған тері қызаруын күшейтуі мүмкін.

Ацетилсалицил қышқылы никотин қышқылы әсерінен туындайтын тері қызаруының әсерін төмендетеді.

Ципрофибратты никотин қышқылымен үйлестіру ұсынылмайды.

Ловастатин, правастатинді жағымсыз реакциялар даму қаупін арттыратындықтан никотин қышқылымен үйлестіру ұсынылмайды. Никотин қышқылын ловастатинмен қолданғандағы рабдомиолиз жағдайлары туралы хабарлар бар.

Гипотензиялық дәрілермен (гипотензиялық әсері күшеюі мүмкін), антикоагулянттармен, ацетилсалицил қышқылымен (геморрагиялар даму қаупінен) біріктіргенде сақтық жасау керек.

Препарат фибринолитикалық дәрілердің, спазмолитиктердің және жүрек гликозидтерінің әсерін, алкогольдің бауырға уыттылық әсерін күшейтеді.

Тиамин хлориді (тиамин бұзылуы жүреді), пиридоксин гидрохлориді, цианокобаламин, эуфиллин, салицилаттар, тетрациклиндер, симпатомиметиктер, гидрокортизон. ерітінділерімен араластыруға болмайды.

Айрықша нұсқаулар

Ұзақ уақыт қолдану бауырдың майлы дистрофиясына алып келуі мүмкіндігінен, соңғысының профилактикасы үшін науқастардың диетаға метионинге бай азық-түлік қосады немесе метионин, липой қышқылын тағайындайды. Емдеу үдерісінде бауыр функциясын бақылау керек. Препаратқа жоғары сезімталдық пайда болғанда (тамыр кеңейтетін дәрі ретінде қолданатын жағдайларды қоспағанда) никотинамидке алмастыруға болады.

Препаратты гиперацидті гастритте, асқазанның және он екі елі ішектің ойық жара ауруында (асқыну сатысынан тыс), геморрагияда, глаукомада, бүйрек жеткіліксіздігінде, орташа дәрежедегі артериялық гипотензияда, алкогольді шамадан тыс тұтынғанда, тұрақсыз стенокардияда (нитраттар, кальций өзектері антагонистерін β-блокаторларын қабылдайтын пациенттерге) сақтықпен қолданады.

Препаратты қант диабетімен науқас пациенттерде қолдану инсулинге қажеттіліктің ұлғаюына алып келуі мүмкін. Қант диабеті бар науқастарда дислипидемияны түзету үшін қолдану тиімсіз.

Глюкозаға толеранттылық төмендеуі мүмкіндігіне байланысты, сондай-ақ ұзақ емдеу нәтижесінде қан сарысуында несеп қышқылы деңгейінің жоғарылауы мүмкіндігінен глюкоза деңгейіне мониторинг ұдайы жүргізілуі керек.

Жүктілік, лактация кезеңі

Препаратты жүктілік кезеңінде қолдануға болмайды. Препаратты қолдану қажет болғанда бала емізуді тоқтату керек.

Балалар

Препаратты балаларға 15 бастап тағайындайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Препараттың реакция жылдамдығына әсеріне қатысты зерттеу жүргізілмеген, алайда препаратпен емдеу кезінде бас айналуы және ұйқышылдық байқалатын болса, күрделі механизмдермен жұмыс істеуден тартына тұрған жөн.

Артық дозалануы

Симптомдары. Жүрек-қан тамырлары жүйесі тарапынан жағымсыз әсерлерінің күшеюі – артериялық гипотензия, бас ауыруы, естен тануы, бас айналуы, қан тебу сезімі болуы мүмкін.

Емі. Препаратты тоқтату, уытсыздандыру емі, симптоматикалық ем. Арнайы у қайтарғысы жоқ.

Шығарылу түрі және қаптамасы

1 мл препараттан шыны ампулада.

Ампулаға өздігінен желімденетін жабыны бар заттаңба жапсырылады немесе шыны бұйымдарына арналған терең баспа бояуымен жазады. Пішінді ұяшықты қаптамаға (кассетаға) ампуланы ашуға арналған пышақпен бірге 5 ампуладан салынады.

Түрлі түсті сындыру сақинасы немесе түрлі түсті сындыру нүктесі бар ампуланы қаптағанда ампуланы ашуға арналған пышақ салынбайды.

5 ампуладан екі пішінді ұяшықты қаптама медициналық қолдану жөніндегі мемлекеттік және орыс тіліндегі нұсқаулықпен бірге қорапшаға салынады.

10 ампуладан медициналық қолдану жөніндегі мемлекеттік және орыс тіліндегі нұсқаулықпен және ампуланы ашуға арналған пышақпен бірге гофрланған астары бар қорапқа салады.

Түрлі түсті сындыру сақинасы немесе түрлі түсті сындыру нүктесі бар ампуланы қаптағанда ампуланы ашуға арналған пышақ салынбайды.

Сақтау шарттары

Түпнұсқалық қаптамасында, 250С-ден аспайтын температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Фармацевтикалық фирма «Дарница» ЖАҚ.

Украина, 02093, Киев қ., Борисполь к-сі, 13.

Тіркеу куәлігінің иесі

«Фармацевтикалық фирма «Дарница» ЖАҚ.

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:

050043, Алматы қ., Науаи к-сі 68, 49 пәтер

телефон: (+ 727) 2424328

е-mail: vigilance@darnitsa.kiev.ua

Дәрілік заттың тіркеуден кейінгі қауіпсіздігін қадағалауға жауапты ұйымның атауы:

050043, Алматы қ., Науаи к-сі 68, 49 пәтер

телефон: (+ 727) 2424328

е-mail: vigilance@darnitsa.kiev.ua