Лизиноприл (5 мг, Борисовский завод медицинских препаратов ОАО) (Lisinopril)

• русский
• қазақша

• Скачать инструкцию медикамента

Саудалық атауы

Лизиноприл

Халықаралық патенттелмеген атауы

Лизиноприл

Дәрілік түрі

5 мг және 10 мг таблеткалар

Құрамы

Бір таблетканың құрамында:

белсенді зат: лизиноприл (лизиноприл дигидраты түрінде)- 5 мг және 10 мг;

қосымша заттар: картоп крахмалы, микрокристалды целлюлоза, стеарин қышқылы, повидон, лактоза моногидраты.

Сипаттамасы

Жайпақ цилиндр пішінді, сызығы мен ойығы бар ақ түсті таблеткалар. 5 мг дозадағы таблеткалардың «5» таңбасы бар.

Фармакотерапиялық тобы

Ренин-ангиотензин жүйесіне әсер ететін препараттар. Ангиотензин-конвертирлейтін фермент (АКФ) тежегіштері. Лизиноприл

ATX коды: С09АА03.

Фармакологиялық қасиеттері

Фармакокинетикасы

Сіңуі

Ас қабылдау лизиноприлдің сіңуіне әсер етпейді. Лизиноприлді ішу арқылы қабылдағанда қансарысуындағы концентрациясының шыңына шамамен 7 сағаттан кейін жетеді. Лизинопридың сіңуінің орташа жылдамдығы 5-80 мг дозасын қабылдағанда шамамен 25 % құрайды. Пациенттер арасындағы көрсеткіштерінің ауытқымалығы 6-дан 60 % -ға дейінді құрайды. Лизиноприлдің абсолютті биожетімділігі жүрек жеткіліксіздігінің NYHA II-IV класымен пациенттерде шамамен 16 %-ға дейін төмендейді.

Таралуы

АӨФ байланысуынан басқа, лизиноприл қан сарысуының басқа ақуыздарымен байланыспайды. Лизиноприл аздаған дәрежеде гематоэнцефалдық бөгет арқылы өтеді.

Шығарылуы

Лизиноприл метаболизмге ұшырамайды және өзгермеген түрінде тек бүйректер арқылы шығарылады. Дозасын жоғарылатқаннан кейін жартылай ыдырауының тиімді кезеңі 12,6 сағат құрайды. Лизиноприлдің клиренсі шамамен 50 мл/минут құрайды. Бос белсенді затының айтарлықтай мөлшері шығарылғаннан кейін АӨФ байланысқан фракциясының баяу шығарылуы жүреді.

Айрықша клиникалық жағдайлардағы фармакокинетикасы

Бауыр функциясының бұзылуы

Бауыр циррозымен зардап шегетін пациенттерде лизиноприлдің сіңуі бауыр функциясының бұзылуына байланысты шамамен 30 %-ға

( несеппен шығарылғанда анықталғандай) баяулайды. Басқа жағынан оның шығарылуы азаяды және лизиноприлдің тиімділігінің 50 %-ға артуына әкеледі.

Бүйрек функциясының бұзылуы

Бүйрек функциясының бұзылуы бүйректер арқылы шығарылатын лизиноприлдің шығарылуын азайтады. Аталған азаю гломерулярлық фильтрация деңгейі 30 мл/минуттан кемді құраған жағдайда ғана клиникалық мәнге ие болады. Егер креатинин клиренсі 30-80 мл/мин құраса, қисық астындағы орташа аудан тек 13 %-ға артады. Егер креатинин клиренсі 5-тен 30 мл/мин дейінді құраса, оған қарамастан, қисық астындағы орташа аудан қалыптағымен салыстырғанда 4,5 есе азаяды. Лизиноприл диализдің көмегімен шығарылуы мүмкін.

Жүрек жеткіліксіздігі

Жүрек жеткіліксіздігі болған жағдайда дені сау пациенттермен салыстырғанда лизиноприлдің әсері артады (AUC шамамен 25 %-ға артады). Басқа жағынан лизиноприлдің абсолютті биожетімділігі жүрек жеткіліксіздігімен пациенттерде шамамен 16 %-ға дейін артады.

Фармакодинамикаcы

Лизиноприл ангиотензин-өзгертуші фермент тежегіші (АӨФт) болып табылады. АӨФ бәсеңдеуі ангиотензин II түзілуінің (қантамырларын тарылтатын әсерге ие) азаюына және альдостерон секрециясының төмендеуіне әкеледі. Лизиноприл сондай-ақ қуатты вазодепрессорлық пептид брадикининнің ыдырауын бөгейді. Нәтижесінде ол артериялық қысым, жалпы шеткері қантамырлық кедергі, жүрекке алдыңғы және соңғы жүктемені азайтады, минуттық көлем, жүректің лықсуы және миокардтың жүктемеге толеранттылығын жоғарылатады және ишемияланған миокардтың қанмен қамтамасыз етілуін жақсартады.

Жедел миокард инфарктісімен пациенттерде Лизиноприл нитраттармен бірге сол жақ қарынша дисфункциясы немесе жүрек жеткіліксіздігі түзілуін азайтады.

Қолданылуы

- артериялық гипертензия (монотерапия ретінде немесе басқа да гипертензияға қарсы дәрілермен біріктірілімде), оның ішінде вазоренальді артериялық гипертензияда

- іркілген жүрек жеткіліксіздігінде (жүрек гликозидтері және/немесе диуретиктерді қабылдайтын пациенттерді біріктірілген емде);

- сол жақ қарынша дисфункциясы және жүрек жеткіліксіздігінің профилактикасы, өміршеңдік коэффициентін жоғарылату мақсатында тұрақты гемодинамикамен жедел миокард инфарктісінде алғашқы 24- сағат ішінде демеп тұру үшін

- диабеттік нефропатияда (альбуминурияны төмендету үшін 1 типті қант диабетімен және қалыптағыдай артериялық қысыммен пациенттерде, сондай-ақ артериялық гипертензиямен 2 типті қант диабетімен науқастарда)

Қолдану тәсілі және дозалары

Лизиноприлді пероральді тәулігіне 1 рет шамамен әрдайым бір мезгілде қабылдау ұсынылады. Ас қабылдау лизиноприл таблеткаларының сіңуіне әсер етпейді. Дозаны пациенттің реакциясына және артериялық қысымға қарай жекелей анықтау керек.

Артериялық гипертензия

Лизиноприлді монотерапия ретінде де және басқа да гипертензияға қарсы препараттармен біріктірілімде қолдануға болады.

Бастапқы дозасы. Артериялық гипертензиямен науқастар үшін ұсынылатын бастапқы доза 10 мг құрайды.

Өте белсенді ренин-ангиотензин-альдостеронды жүйемен пациенттер (атап айтсақ реноваскулярлы гипертензиямен, организмнен тұздың шығарылуының күшеюімен және/немесе жасуша аралық сұйықтықтың төмендеген көлемімен, жүрек жеткіліксіздігімен немесе ауыр артериялық гипертензиямен) бастапқы дозаны қабылдағаннан кейін артериялық қысымның айтарлықтай төмендеуін сезінуі мүмкін. Осындай пациенттер үшін ұсынылған доза 2,5-5 мг құрайды, емнің басы дәрігердің тікелей бақылауымен жүруі керек. Бүйрек жеткіліксіздігінде де бастапқы дозаны азайту ұсынылады (төмендегі кестені қара).

Демеуші доза. Әдеттегі ұсынылатын демеуші доза тәулігіне бір рет 20 мг құрайды. Егер осы дозаны тағайындау 2-4 апта ішінде жеткілікті емдік әсер бермесе оны жоғарылатуға болады. Ең жоғары тәуліктік доза 80 мг құрайды.

6-16 жастағы балаларда артериялық гипертензияны емдеу

Ұсынылатын бастапқы доза дене салмағы 20-дан <50 кг дейін пациенттерде күніне бір рет 2,5 мг және дене салмағы ≥50 кг пациенттер үшін 5 мг құрайды.

Дозасы дене салмағы 20-дан <50 кг дейін балалар үшін ең жоғары тәуліктік доза 20 мг дейін және дене салмағы ≥50 кг пациенттер үшін ең жоғары тәуліктік доза 40 мг дейін жекелей таңдалуы тиіс.

Балаларда 0,61 мг/кг жоғары дозаны (40 мг аса) қолдану жөнінде деректер жоқ. Бүйрек функциясы төмендеген балаларда төменірек бастапқы дозаны тағайындау және препарат қабылдау арасындағы аралықты ұзарту талап етіледі.

Диуретик препараттарды қабылдайтын пациенттер

Симптоматикалық гипотензия Лизиноприлмен емдеуді бастағаннан кейін пайда болуы мүмкін. Бұл Лизиноприлмен емделуде диуретиктерді қабылдайтын пациенттерде мүмкін. Осындай пациенттерге

организмнен тұздың шығарылуының күшеюі және/немесе жасуша аралық сұйықтықтың төмендеуі мүмкіндігіне байланысты дәрілік заттарды сақтықпен қабылдау ұсынылады. Егер осындай мүмкіндік болса, Лизиноприлмен емдеуді бастағанға дейін 2-3 күн бұрын диуретиктермен емделуді тоқтату керек.

Диуретиктермен емделуді тоқтата алмайтын, артериялық гипертензиямен науқастар үшін, емді 5 мг дозадан бастау керек. Бүйрек функциясын және қан сарысуында калий деңгейін бақылау керек. Лизиноприлдің келесі дозаларын артериялық қысымның реакциясына сәйкес таңдау керек. Қажет болған жағдайда диуретиктермен емдеуді жаңғыртуға болады.

Бүйрек жеткіліксіздігімен науқастар үшін дозалануы төмендегі кестеде көрсетілгендей, КК негізделуі керек.

 

Кесте. Бүйрек жеткіліксіздігімен науқастар үшін дозаны іріктеу.

 

* - дозасын және/немесе қабылдау жиілігін артериялық қысымының реакциясының көрсеткішіне қарай есептеу керек.

Дозаны біртіндеп артериялық қысым қалпына келгенше немесе ең жоғары тәулігіне 40 мг дозаға жеткенше біртіндеп жоғарылатуға болады.

Созылмалы жүрек жеткіліксіздігі

Симптоматикалық жүрек жеткіліксіздігімен пациенттерге Лизиноприлді диуретиктерге, оймақгүл препараттарына немесе бета-адреноблокаторларға қосымша ем ретінде қабылдау керек. Лизиноприлмен емді тәулігіне 1 рет 2,5 мг дозадан бастауға болады, препараттың артериялық қысымға алғашқы әсерін анықтау үшін, препаратты қабылдауды дәрігердің бақылауымен жүргізу керек.

Лизиноприлдің дозалануын жоғарылату керек:

• дозаны 10 мг асырмай жоғарылатады;

• дозаны жоғарылату аралығы 2 аптадан кем еместі құрауы керек;

• пациент көтере алатын жоғары дозада, ең көп дегенде тәулігіне 1 рет 35 мг дейін.

Дозаны таңдау әрбір жеке пациенттің клиникалық реакциясына негізделуі керек.

Лизиноприлмен емді бастағанға дейін, симптоматикалық гипотензияның жоғары қаупі бар пациенттер, мысалы, гипонатриемиямен немесе онсыз организмнен тұздың жоғары шығарылуымен пациенттер, гиповолемиямен немесе диуретиктермен қарқынды ем алған пациенттер бұл мүмкін болса, жағдайын жақсартуы керек. Бүйрек функциясын және қан сарысуындағы калий деңгейін бақылау керек.

Жедел миокард инфарктісі.

Жағдайларға байланысты пациент тромболитиктермен, аспиринмен және

β-адренорецепторлардың блокаторларымен ем секілді стандартты ұсынылған емді қабылдауы керек. Осымен бірге нитроглицеринді қабылдауға болады (оның ішінде трансдермальді).

Бастапқы доза (өткерген инфаркттен кейін алғашқы 3 күн).

Лизиноприлмен емдеуді бірінші симптомдары пайда болғаннан кейін алғашқы 24 сағатта бастауға болады. Емді систолалық АҚ көрсеткіші 100 мм с. б. кемді құраса бастауға болмайды. Лизиноприлдің бастапқы дозасы пероральді 5 мг құрайды, содан кейін 24 сағаттан соң 5 мг, 48 сағаттан соң 10 мг және 10 мг күнделікті қабылдау керек.

120 мм с. б., аспайтын систолалық қысыммен пациенттерге инфаркттен кейін емнің алдында немесе ем кезінде алғашқы 3 күн емді төмен дозадан - 2,5 мг бастау керек.

Бүйрек жеткіліксіздігінде (креатинин клиренсі < 80 мл/мин) Лизиноприлдің бастапқы дозасын пациенттің креатинин клиренсінің көрсеткіштерімен сәйкес таңдау керек (кестені қара).

Демеуші доза. Ұсынылған демеуші доза тәулігіне 1 рет 10 мг құрайды. Артериялық гипотензия пайда болған жағдайда (систолалық қысым 100 мм с.б. төмен), тәуліктік демеуші доза 5 мг аспауы керек, қажет болған жағдайда аталған дозаны 2,5 мг дейін төмендетуге болады. Егер Лизиноприлді қабылдағаннан кейін ұзартылған артериялық гипотензия (систолалық қысым 1 сағаттан астам уақыт ішінде 90 мм с.б. төмен болып қалады), байқалса Лизиноприлмен емді тоқтату керек. 6 апта ішінде емдеу ұсынылады, содан кейін пациенттің жағдайына қайтадан бағалау жүргізу керек. Жүрек жеткіліксіздігі симптомдарымен пациенттерге емді ары қарай жалғастыру керек.

Егде жастағы пациенттер.

Клиникалық зерттеулерде жасына байланысты дәрілік заттың тиімділігіне немесе қауіпсіздігіне қатысты өзгерістер анықталған жоқ.

Әйтсе де белгілі бір жасқа жету бүйрек функциясының төмендеуімен астасатын болғандықтан, лизиноприлдің бастапқы дозасын кестеде берілген нұсқауларға сай таңдау керек.

Осыдан кейін дозаны реакциясы және артериялық қысымға сәйкес таңдау керек.

Жағымсыз әсерлері

АӨФ-нің басқа тежегіштері секілді Лизиноприлді қабылдаған кезде келесі жиілікпен бірқатар жағымсыз әсер дамуы мүмкін: өте жиі (1/10), жиі (1/100<1/10), жиі емес (1/1000<1/100), сирек (1/10000 <1/1000), өте сирек (<1/10000), белгісіз (бар деректер негізінде бағалануы мүмкін емес).

Жиі

- бас айналуы, бас ауыруы

- ортостаздық әсері, гипотензияны қоса, жиі емес –миокард инфарктісі немесе цереброваскулярлық бұзылыстар, жоғары қауіппен пациенттерде екіншілік гипотензия дамуы мүмкін, жүректің қағуы, тахикардия, Рейно синдромы

- жөтел

- диарея, құсу

- бүйрек дисфункциясы

Сирек

- сананың шатасуы, иіс сезу бұзылыстары

- гемоглобиннің төмендеуі, гематокриттің төмендеуі

- сананың шатасуы, иіс сезу бұзылыстары

- ауыздың құрғауы

- есекжем, алопеция, псориаз

- уремия, бүйрек жеткіліксіздігі

- гинекомастия

- сарысулық билирубиннің жоғарылауы, гипонатриемия

Өте сирек

- сүйек кемігінің бәсеңдеуі, анемия, тромбоцитопения, лейкопения, нейтропения, агранулоцитоз, гемолиздік анемия, лимфоаденопатия, аутоиммундық аурулар

- гипогликемия

- бронх түйілуі, синусит, аллергиялық альвеолит/эозинофильді пневмония

- панкреатит, ішек ангиодемасы, гепатоцеллюлярлық немесе холестаздық гепатит, сарғаю және бауыр жеткіліксіздігі

- тершеңдік, күлбіреуік, эпидермистің уытты некролизі, Стивенс-Джонсон синдромы, мультиформалы эритема, терінің жалған лимфомасы. Симптомдар кешені туралы хабарлар бар, бір немесе бірнеше келесі симптомдарды қоса: қызба, васкулит, миалгия, артралгия/артрит, антинуклеарлы антиденелер, жоғары ЭШЖ, эозинофилия және лейкоцитоз, тері бөртпесі, тері фотосезімталдығы және басқа да тері біліністері

- олигурия/анурия

Жиі емес

- көңіл күйдің ауытқуы, парестезиялар, бас айналуы, дәм сезу сезімдерінің бұзылуы, ұйқының бұзылуы

- ринит

- жүрек айнуы, іштің ауыруы, диспепсия

- қызару, қышыну, жоғары сезімталдық/ангионевроздық ісіну (бет, ерін, тіл, жұтқыншақ және/немесе көмейдің ангионевроздық ісінуі)

- импотенция

- шаршау, астения

- қандағы мочевинаның жоғарылауы, сарысулық креатининнің жоғарылауы, бауыр ферменттері белсенділігінің жоғарылауы, гиперкалиемия

Жиілігі белгісіз

• депрессия симптомдары, естен тану

сирек - уремия, бүйрек жеткіліксіздігі, өте сирек - олигурия/анурия

- антидиурездік гормонның адекватсыз секрециясы

Қолдануға болмайтын жағдайлар

- лизиноприлге жоғары сезімталдық

- ангионевроздық ісіну (терінің, тері асты шелмайының және/немесе шырышты қабаттардың есекжеммен немесе онсыз оқшауланған ісінуі) анамнезінде, оның ішінде АӨФ тежегіштерін қолданғанда

- қант диабетімен немесе орташа/ауыр бүйрек жеткіліксіздігімен (ШСЖ< 60 мл/мин/1,73 м2) пациенттерде ангиотензин өзгертуші фермент немесе АТII рецепторларының блокаторларын алискиренмен бір мезгілде қолдануға болмайды

- тұқым қуалаған Квинке ісінуі

- 6 жасқа дейінгі балалар

- жүктілік және лактация кезеңі

Дәрілермен өзара әрекеттесуі

Диуретиктер. Препаратты диуретиктермен бір мезгілде қолданғанда АҚ кенеттен төмендеуі мүмкін, басқа гипотензивті дәрілермен - аддитивті әсері байқалады (біріктірілген емде сақ болу керек).

Калий препараттары, калий жинақтаушы диуретиктер. Калий жинақтаушы диуретиктермен (спиронолактон, триамтерен, амилорид), калий препараттарымен, құрамында калий бар тұз алмастырғыштармен және тағамға ББҚ бір мезгілде қолданғанда гиперкалиемия дамуы мүмкін, әсіресе бүйрек функциясының бұзылуымен пациенттерде. Осындай біріктірілімдерді қолданғанда қандағы калий құрамын және бүйрек функциясын үнемі бақылау ұсынылады.

Литий. Литийдің сарысулық концентрациясының және оның уыттылығының қайтымды жоғарылауы литийді АӨФ тежегіштерімен бір мезгілде қолданған кезде тіркелген. Тиазидті диуретиктерді АӨФ тежегіштерімен бір мезгілде қолданғанда қосымша литийдің уыттылығы қаупі жоғарылауы мүмкін. Лизиноприлді литиймен бір мезгілде қолдануға болмайды, бірақ егер осындай біріктірілім қажет болса, қан сарысуында литийдің құрамын мұқият мониторингілеу керек.

Қабынуға қарсы стероидты емес дәрілік заттар (ҚҚСД), тәулігіне 3 г дозада ацетилсалицил қышқылын қоса

АӨФ тежегіштерін қабынуға қарсы стероидты емес препараттармен бір мезгілде қолданғанда (мысалы, ацетилсалицил қышқылы дозалаудың қабынуға қарсы режимінде ЦОГ-2 тежегіштерімен және іріктелмеген ҚҚСД), гипертензияға қарсы әсері төмендеуі мүмкін

АӨФ және ҚҚСП тежегіштерін бір мезгілде қолдану жедел бүйрек жеткіліксіздігі мүмкіндігін қоса, бүйрек функциясы нашарлауының жоғары қаупіне, сондай-ақ қан сарысуында калий концентрациясының жоғарылауына әкелуі мүмкін, әсіресе бүйрек функциясының бұзылуымен пациенттерде.

Аталған әсерлер әдетте қайтымды. АӨФ тежегіштері және ҚҚСД біріктірілімін әсіресе егде жастағы пациенттерде сақтықпен тағайындау керек. Пациенттер талапқа сай су балансын ұстануы керек; емдеу курсын жүргізгеннен кейін бүйрек функциясын тексеру керек.

Алтын препараттары. Нитратқа ұқсайтын реакциялар (вазодилатация симптомдары, оның ішінде өте ауыр болуы мүмкін қан кернеуі, жүрек айнуы, бас айналуы және гипотензия) АӨФ тежегіштері мен алтын препараттарын инъекция түрінде бір мезгілде тағайындағанда жиі дамуы мүмкін.

Басқа да гипертензияға қарсы препараттар. Осы препараттарды бір мезгілде қолдану Лизиноприлдің гипотензивті әсерін жоғарылатуы мүмкін.

Нитроглицеринмен және басқа нитраттармен немесе басқа вазодилататорлармен бір мезгілде қолдану қан қысымын тағы да төмендетуі мүмкін.

Үшциклді антидепрессанттар/нейролептиктер/анестетиктер Кейбір анестетиктерді, үшциклдік антидепрессанттарды және нейролептиктерді АӨФ тежегіштерімен бір мезгілде қолдану артериялық қысымның ары қарай төмендеуіне әкелуі мүмкін.

Симпатомиметиктер. Симпатомиметиктер АӨФ тежегіштерінің гипертензияға қарсы әсерін төмендетуі мүмкін.

Диабетке қарсы препараттар. Эпидемиологиялық зерттеулер көрсеткендей, АӨФ тежегіштері мен диабетке қарсы препараттарды (инсулинді, пероральді гипогликемиялық дәрілерді) бір мезгілде қолдану, соңғыларының гипогликемиялық әсерін гипогликемия даму қаупімен күшейтуі мүмкін. Бұл әсердің бүйрек жеткіліксіздігімен пациенттерде біріктірілген емнің алғашқы аптасы ішінде мүмкіндігі жоғары.

Ацетилсалицил қышқылы, тромболитиктер, бета-блокаторлар, нитраттар. Лизиноприл ацетилсалицил қышқылымен (антиагрегантты әсерді қамтамасыз ететін дозаларда), тромболитиктермен, бета-блокаторлармен және/немесе нитраттармен бір мезгілде қолданылуы мүмкін.

Ренин-ангиотензин-альдостеронды жүйенің қос блокадасы (РААС).

АӨФт, БРА II немесе алискиренді қолданумен РААС қос блокадасын деректер негізінде барлық пациенттерге, әсіресе диабеттік нефропатиямен пациенттерге ұсынуға болмайды.

Қант диабетімен немесе орташа/ауыр бүйрек жеткіліксіздігімен пациенттерде (ШСЖ< 60 мл/мин 1,73 м2) алискиренді АӨФт немесе БРА II бір мезгілде қолдануға болмайды.

АӨФт және БРА II бір мезгілде қолдану қарсы көрсетілімдегі жекелеген жағдайларда, маманның мұқият бақылауы және бүйрек функциясын, су-электролиттік теңгерімін, артериялық қысымды міндетті түрде мониторингілеу керек.

Айрықша нұсқаулар

Симптомдық артериялық гипотензия даму мүмкіндігі ілмектік диуретиктердің жоғары дозаларын қабылдайтын, гипонатриемиямен немесе бүйрек функциясының бұзылуымен жүрек жеткіліксіздігінің ауыр дәрежесімен пациенттерде жоғары. Симптомдық гипотензияның жоғары қаупімен пациенттерде емнің басын және дозаны түзетуді мұқият бақылау керек. Аталған шаралар жүректің ишемиялық ауруымен немесе ми қан айналымының бұзылуымен пациенттерге қатысты, оларда артериялық қысымның шамадан тыс төмендеуі миокард инфарктісіне немесе инсультке әкелуі мүмкін.

Әсіресе алғашқы дозадан кейін гипотензия, жүрек жеткіліксіздігінің ауыр түрімен науқастарда дамуы мүмкін, оны Лизиноприлді тағайындағанда ескеру керек. Гипотензия пайда болған жағдайда пациентті шалқасынан жатқызу, қажет болғанда 0,9 % натрий хлоридінің ерітіндісін құюды жүргізу керек. Қысқа мерзімдік гипотензивтік реакция, қанның тиімді көлемін қалпына келтіргеннен кейін және қысқа мерзімдік гипотензивті реакция жоғалғаннан кейін енгізуге болатын ары қарайғы доза үшін қарсы көрсетілім болып табылмайды.

Жедел миокард инфарктісіндегі артериялық гипотензия. Жедел миокард инфарктісінде егер алдын ала вазодилататорларды қолдану арқылы ара қарайғы елеулі гемодинамикалық бұзылыстар қаупі болса Лизиноприлмен емді бастауға болмайды.

Бұл систолалық артериялық қысымы 100 мм с. б. немесе төмен немесе кардиогенді шокпен пациенттерге қатысты. Егер систолалық қысым 120 мм с. б. аспаса миокард инфарктісінен кейін алғашқы 3 күн ішінде препарат дозасын азайту керек.

Егер систолалық артериялық қысым көрсеткіші 100 мм с.б. тең немесе кем болса, таңдап алған дозаны 5 мг дейін немесе уақытша 2,5 мг дейін төмендету керек.

Егер Лизиноприлді қабылдағаннан кейін ұзаққа созылған артериялық гипотензия байқалса (систолалық қысым 1 сағаттан астам уақыт 90 мм с.б. қалады), Лизиноприлмен емді тоқтату керек.

Аортальді және митральді клапан стенозы/гипертрофиялық кардиомиопатия. Басқа да АӨФ тежегіштерін қабылдағандағыдай, Лизиноприлді митральді клапан стенозымен немесе аортальді стеноз немесе гипертрофиялық кардиомиопатия секілді сол жақ қарыншадан лықсудың қиындауымен пациенттерде сақтықпен қабылдау керек.

Бүйрек функциясының бұзылуы. Бүйрек жеткіліксіздігі жағдайында (креатинин клиренсі < 80 мл/мин), Лизиноприлдің бастапқы дозасын пациенттің креатинин клиренсінің көрсеткішіне сәйкес (кестені қара), ал содан кейін - науқастың емге реакциясына байланысты түзету керек. Осы пациенттерде қансарысуындағы калий деңгейін және креатинин клиренсін күнделікті бақылау керек.

Жүрек жеткіліксіздігімен пациенттерде гипотензия АӨФ тежегіштерімен емді бастағаннан кейін бүйрек функциясының ары қарай нашарлауына әкелуі мүмкін. Осындай жағдайларда әдетте қайтымды жедел бүйрек жеткіліксіздігінің дамуы туралы хабарланды.

Бүйрек артерияларының екі жақты стенозы немесе жалғыз бүйрек артериясының стенозымен АӨФ тежегіштерін қабылдаған кейбір науқастарда, әдетте емді тоқтатқаннан кейін қалпына келетін, мочевина мен қансарысуы креатинині деңгейі жоғарылаған. Бүйрек жеткіліксіздігімен пациенттерде деңгейі жиі жоғарылаған.

Реноваскулярлық гипертензия болған жағдайда ауыр артериялық гипотензия және бүйрек жеткіліксіздігі даму қаупі жоғарылайды. Осындай науқастарды емдеуді дәрігердің бақылауымен, төмен дозамен және оны мұқият таңдаумен бастау керек. Диуретикпен емдеуде жоғарыда аталғандардың барлығына ықпал ететіндіктен, оларды қабылдауды тоқтату және Лизиноприлмен емдеудің бірінші аптасында бүйрек функциясын бақылау керек.

Бүйрек қантамырларының айқын ауруынсыз артериялық гипертензиямен кейбір науқастарда Лизиноприлді қабылдау әсіресе диуретиктер аясында қандағы мочевина және қансарысуындағы креатинин деңгейінің жоғарылауын туындатады. Бұл өзгерістер әдетте мардымсыз және қайтымды болады. Жиі анамнезінде бүйрек жеткіліксіздігімен пациенттерде. Осындай жағдайда препарат дозасын төмендету және/немесе диуретикті және/немесе Лизиноприлді қабылдауды тоқтату қажет болуы мүмкін.

Қан сарысуындағы креатининнің жоғары деңгейі > 177 мкмоль/л және/немесе протеинурия > тәулігіне 500 мг болатын бүйрек дисфункциясы белгілерімен пациенттерде жедел миокард инфарктін Лизиноприлмен емдеуге болмайды. Егер бүйрек жеткіліксіздігі Лизиноприлмен емдеуде дамыса (қан сарысуындағы креатинин концентрациясы > 265 мкмоль/л немесе емге дейінгі көрсеткіштен 2 есе жоғары), онда дәрігер Лизиноприлді қабылдауды тоқтату мүмкіндігін қарастыруы мүмкін.

Жоғары сезімталдық/ангионевроздық ісіну. Өте сирек жағдайда АӨФ тежегіштерімен ем алатын пациенттерде бет, аяқ-қол, ерін, тіл, дауыс саңылауы және /немесе көмейдің ангионевроздық ісінуі туралы хабарланды. Емделу кезінде ангионевроздық ісіну кез келген мезгілде пайда болуы мүмкін. Осындай жағдайларда препаратты қабылдауды дереу тоқтату, сәйкес ем бастау және симптомдары толық жоғалуын қамтамасыз ету үшін бақылау керек. Егер ісіну тыныс алудың қиындауына әкелмейтін тіл аймағында болған жағдайда, пациент ұзақ уақыт бақылауды талап етуі мүмкін, өйткені антигистаминдік дәрілермен және ГКС-мен ем жеткіліксіз болуы мүмкін.

Гемодиализ өтудегі пациенттердегі анафилактикалық реакциялар. Жоғары ағынды жарғақшаларды (мысалы, AN 69) қолданумен гемодиализ өтудегі және бір мезгілде АӨФ тежегіштерімен емделудегі пациенттерде анафилактикалық реакциялар туралы хабарланған. Осы пациенттерге диализ жарғақшаларын басқа типті жарғақшаларға ауыстыру немесе басқа класты гипертензияға қарсы препарат қолдануды ұсыну керек.

Десенсибилизация АӨФ тежегіштерін қабылдайтын пациенттерде десенсибилизациялайтын ем кезінде (мысалы, жарғақ қанаттылардың уына) тұрақты анафилактоидты реакциялар дамиды.

Осындай пациенттерде бұл реакциялардан АӨФ тежегіштерін қабылдаудан уақытша бас тарту арқылы сақтануға болады, медициналық препаратты байқаусызда қайта қабылдағанда реакция қайталанады.

Бауыр жеткіліксіздігі. Өте сирек АӨФ тежегіштері холестаздық сарғаюдан басталып және некрозға (кейде) өлімге дейін тез өршитін синдроммен астасқан. Осы синдромның механизмі анықталған жоқ. Лизиноприлді қабылдау кезінде сарғаю дамыған немесе бауыр ферменттерінің айтарлықтай жоғарылауы байқалған пациенттерге препаратты қабылдауды тоқтату және сәйкес медициналық көмек көрсету керек.

Нейтропения/агранулоцитоз. АӨФ тежегіштерін қабылдайтын пациенттерде нейтропения/агранулоцитоз, тромбоцитопения және анемия жағдайлары туралы хабарланған. Бүйрек функциясы қалыпты пациенттерде басқа асқындыратын факторлар болмаған жағдайда нейтропения сирек кездеседі. АӨФ тежегіштерін қабылдауды тоқтатқаннан кейін нейтропения және агранулоцитоз қайтымды сипат иеленген.

Қантамырлары коллагенозымен сондай-ақ иммунодепрессивті ем қабылданғанда, аллопуринолмен немесе прокаинамидпен емделуде немесе әсіресе бүйрек функциясы бұзылуы аясында осы асқындыратын факторлардың бірігуінде пациенттерге Лизиноприлді аса сақтықпен қабылдау керек. Осындай пациенттерге препаратты қолданғанда қандағы лейкоциттер санына үнемі бақылау жүргізу және пациентті инфекцияның кез келген белгісі туралы хабарлау керектігі туралы ескерту керек.

Жөтел. АӨФ тежегіштерін қабылдағаннан кейін жөтел пайда болуы мүмкін. Әдетте жөтел өнімсіз сипатта және емді қабылдауды тоқтатқаннан кейін қайтады. АӨФ, тежегіштерімен туындаған жөтелді жөтелдің дифференциальді диагностикасында бір мүмкін нұсқасы ретінде қарастыру керек.

Хирургиялық араласым анестезия

Жалпы хирургиялық араласым немесе гипотензияны туындататын дәрілермен анестезия өткерген пациенттерде рениннің компенсаторлық сөлінінісінен кейін Лизиноприл ангиотензин II түзілуін бөгеуі мүмкін. Егер осы механизмге байланысты артериялық гипотензия байқалса, АҚК деңгейін түзету керек.

Гиперкалиемия. Лизиноприлді қоса АӨФ тежегіштерімен ем өтудегі пациенттердің қан сарысуында калий деңгейінің жоғарылауы туралы бірнеше жағдайлар хабарланған. Гиперкалиемия дамуының жоғары қаупімен пациенттер арасында бүйрек жеткіліксіздігімен, қант диабетімен немесе бір мезгілде калий қоспаларын қабылдайтын, калий жинақтаушы диуретиктер немесе құрамында калий бар тұз алмастырғыштарды немесе қан сарысуында калий деңгейін жоғарылататын (мысалы, гепарин) басқа препараттар қабылдайтын пациенттер бар.

Егер осы препараттарды бір мезгілде қолдану мақсатқа сай болып саналмаса, қан сарысуында калий деңгейін үнемі бақылау ұсынылады.

Қант диабетімен науқастар, пациенттер. Пероральді диабетке қарсы препараттар немесе инсулин қабылдайтын қант диабетімен науқастарда АӨФ тежегіштерімен емдеудің алғашқы айында мұқият гликемиялық бақылау жасау керек.

Төмен тығыздықтағы липопротеиндердің (ТТЛП) аферезі кезінде пайда болатын анафилактоидты реакциялар.

Декстран сульфатымен ТТЛП аферезі кезінде АӨФ тежегіштері өмірге қауіп төндіруі мүмкін анафилаксиялық реакцияларға әкелуі мүмкін болғандықтан әрбір қолданар алдында АӨФ тежегіштерін уақытша тоқтату керек.

Нәсіл ерекшеліктері.

АӨФ тежегіштері еуропалық нәсілді науқастармен салыстырғанда қара нәсілді пациенттерде айқын ангионевроздық ісінуді туындатуы мүмкін.

Сондай-ақ науқастардың осы тобында лизиноприлдің гипотензиялық әсері айқындығы рениннің төмен фракциялары көп болуының салдарынан азырақ болады.

Литий. Литий мен лизиноприлдің біріктірілімі ұсынылмайды.

Ренин-ангиотензин-альдостеронды жүйенің қос блокадасы (РААС). РААС қос блокадасы монотерапиямен салыстырғанда гипотония, гиперкалиемия және бүйрек функциясының бұзылуының дамуының (включая острую почечную недостаточность) жоғары қаупімен астасады. АӨФт, БРА II, немесе алискиренді қолданумен РААС қос блокадасы барлық пациенттерге, әсіресе диабеттік нефропатиямен пациенттерге ұсынуға болмайды.

АӨФт және БРА II бір мезгілде қолдану көрсетілімдегі жекелеген жағдайларда, маманның мұқият бақылауы және бүйрек функциясы, су-электролиттік теңгерімді, артериялық қысымды міндетті түрде мониторингілеу керек.

Бұл кандесартан немесе валсартанды АӨФ тежегіштеріне қосымша ем ретінде жүрек жеткіліксіздігімен пациенттерге тағайындауға қатысты.

РААС қос блокадасын жүргізу маманның мұқият бақылауымен және бүйрек функциясын, су-электролиттік теңгерімді, артериялық қысымды міндетті түрде мониторингілеумен жүргізілуі керек, созылмалы жүрек жеткіліксіздігі симптомдарының персистирленуі байқалатын, созылмалы жүрек жеткіліксіздігімен пациенттерде басқа адекватты ем жүргізілуіне қарамастан альдостерон антагонистерін (спиронолактонды) көтере алмаушылықта байқалуы мүмкін.

Егде жастағы пациенттерде қолдану.

Лизиноприлдің сол бір дозасынан лизиноприлдің жоғары плазмалық концентрациясы түзілуі мүмкін, құрамында лизиноприл бар дәрілердің егде және жас пациенттер арасында гипертензияға қарсы әсері анықталмаған, сондықтан аталған жағдайда дозаны таңдауда айрықша сақтық талап етіледі.

65 жастан асқан пациенттер үшін лизиноприлдің тәулігіне 2,5 мг бастапқы дозасы, сондай-ақ АҚ және бүйрек функциясын мониторингілеу ұсынылады.

Балаларда қолданылуы.

6 жасқа толмаған балаларда қолдануға болмайды.

Жүктілік және лактация кезеңі

Лизиноприлді жүктілік және лактация кезеңінде (емшекпен қоректендіру) қолдануға болмайды.

Дәрілік затты жүктіліктің II және III триместрінде қолдану амниотикалық сұйықтықтың мөлшерінің азаюына, анурия, артериялық гипотензия және ұрықтың бас сүйегінің қалыптасуының бұзылуына әкелуі мүмкін.

Көлік құралдарын басқару және механизмдермен жұмыс жасау қабілетіне ықпал ету ерекшеліктері

Емделу кезінде зейінді жұмылдыру мен психомоторлық реакциялардың жоғары жылдамдығын талап ететін көлікті басқару және қауіптілігі зор қызмет түрлерін атқарудан бас тарту керек, өйткені әсіресе емнің басында бас айналуы мүмкін.

Артық дозалануы

Симптомдары: артериялық гипотензия, циркуляторлық шок, брадикардия, су-электролиттік бұзылыстар, бүйрек жеткіліксіздігі, гипервентиляция, тахикардия, жүрек қағуының күшеюі, бас айналуы, мазасыздық және жөтел.

Емі: тұзды ерітінділерді вена ішіне енгізу. Пациентте артериялық гипотензия пайда болған жағдайда көлденеңінен жатқызу керек. Егер мүмкіндік болса, ангиотензин II және I немесе катехоламиндерді енгізуді қолдануға болады.

Егер препаратты жақын арада қолданса, Лизиноприлді организмнен шығаруға қатысты шаралар қолдану (мысалы, құсуды шақыру, асқазанды шаю, абсорбенттер мен натрий сульфатын қолдану) керек.

Емге тұрақты брадикардияда кардиостимуляторларды қолдану көрсетілімде. Өмірлік маңызы бар ағзалардың көрсеткіштерін электролиттер концентрациясын және қансарысуындағы креатининді жиі тексеру керек.

Лизиноприл организмнен гемодиализдің көмегімен шығарылуы мүмкін, бұл кезде өткізгіштігі жоғары полиакрилнитрилнатрий-2метилосульфонат (мысалы AN 69) жарғақшаларын қолдануға болмайды.

Шығарылу түрі және қаптамасы

10 таблеткадан поливинилхлоридті үлбір немесе баспалы лакталған алюминий фольгадан немесе алюминий фольга негізіндегі иілгіш қаптамадан немесе фольга негізіндегі біріктірілген материалдан және пластифицирленбеген ПВХ үлбірден жасалған пішінді ұяшықты қаптамаға салынған.

3 пішінді ұяшықты қаптамадан медициналық қолдану жөнінде мемлекеттік және орыс тілдеріндегі нұсқаулықпен бірге хром-эрзац немесе целлюлоза картоннан жасалған қорапшаға салынған.

Сақтау шарттары

Құрғақ, жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек.

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ-сы, Чапаев к-сі, 64,

тел/факс +375 (177) 734043

Тіркеу куәлігінің иесі

«Борисов медициналық препараттар зауыты» ашық акционерлік қоғамы, Беларусь Республикасы

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық поштасы)

Қазақстан Республикасы, 050004, Алматы қ-сы, Абылай хан даңғылы, 30, «МедФармИнтерСервис» ЖШС, тел. 87013066011, 8771414

1