Левоком

• русский
• қазақша

• Скачать инструкцию медикамента

Саудалық атауы

Левоком

Халықаралық патенттелмеген атауы

Жоқ

Дәрілік түрі

250 мг/25 мг таблеткалар

Құрамы

Бір таблетканың құрамында

белсенді заттар: 100 % затқа шаққанда 250,0 мг леводопа, 100 % сусыз затқа шаққанда 25,0 мг карбидопа,

қосымша заттар: жүгері крахмалы, прежелатинделген крахмал, микрокристалды целлюлоза, магний стеараты, «Индиго» бояғыш заты (E 132).

Сипаттамасы

Теңбілдері бар көгілдір түсті, дөңгелек, кертігі бар таблеткалар.

Фармакотерапиялық тобы

Паркинсонға қарсы препараттар. Допаминергиялық дәрілер.

АТЖ коды N04В А02

Фармакологиялық қасиеттері

Фармакокинетикасы

Препараттың құрамына кіретін белсенді компоненттер оларға тән өзгерулерге ұшырайды. Леводопа ас қорыту жолынан, көбінесе жіңішке ішектен жақсы сіңеді. Ағзалар мен тіндер арасында таралады. Леводопа күрделі метаболизмдік өзгерістерге ұшырайды, солардың ішінде негізгісі – декарбоксилденіп, оның дофамин, норадреналин және адреналин түзуі болып табылады, олар бүйректер арқылы шығарылады. Леводопаның 80%-ға жуығы несеппен бірге, негізінен, дигидроксифенилсірке және гомованилин қышқылы түрінде бөлініп шығады. 1%-дан азы өзгермеген күйінде бөлініп шығады. Леводопаның плазмадан жартылай шығарылу кезеңі – 1 сағатқа жуық, карбидопаның қатысуымен жартылай шығарылу кезеңі 2 сағатқа дейін ұзарады.

Карбидопа (альфа-метилдофагидразин), ішке қабылданғаннан кейін ас қорыту өзегінен тез, бірақ толық емес, сіңеді. Организмге таралады, ГЭБ арқылы өтпейді. Шамамен 50%-ы өзгермеген күйінде және метаболиттер түрінде бүйректер арқылы шығарылады.

Фармакодинамикасы

Левоком – паркинсонға қарсы біріктірілген препарат, оның құрамына леводопа – дофаминнің метаболизмдік ізашары кіреді, оның соңғысынан айырмашылығы гематоэнцефалдық бөгет (ГЭБ) арқылы, және карбидопа – ароматты амин қышқылдары декарбоксилазасының тежегіші арқылы өтеді.

Леводопаның декарбоксилденуі салдарынан ми тіндерінде дофамин қайта түзіліп, оның тапшылығының орны толтырылады және осылайша паркинсонизм симптомдары әлсірейді. Леводопа аурудың көптеген симптомдарының білінуін, әсіресе сіреспелікті және брадикинезияны азайтады. Паркинсон ауруы мен синдромына байланысты дірілді, дисфагияны, сиалореяны, ортостатикалық тұрақсыздықты азайтады.

Алайда ішке қабылданған леводопаның едәуір бөлігі мидан тыс жерде дофаминді қайта түзеді және ГЭБ арқылы өтпейді.

ГЭБ арқылы өтпейтін карбидопа леводопаның экстрацеребральді декарбоксилденуіне кедергі жасап, осылайша, миға түсетін және онда дофаминге айналатын леводопа мөлшерін арттырады.

Біріктірілген препараттың леводопамен салыстырғандағы артықшылығы – емдік әсері және науқастың оған сезімталдығы; емдік әсерге жету үшін леводопаның аз дозалары қолданылатындықтан жағымсыз әсерлерінің аз білінуі.

Препарат қан плазмасында леводопаның емдік тұрғыдағы тиімді әсерімен ұзақ уақыт бойы қамтамасыз етеді. Карбидопа пиридоксин гидрохлоридінің (В6 витаминінің) әсеріне кедергі жасайды, ол леводопаның шеткергі метаболизмін жылдамдатады.

Қолданылуы

- Паркинсон ауыруында және синдромында

Қолдану тәсілі және дозалары

Ересектерде ішке қолданылады. Препараттың тиімді тәуліктік дозасын әрбір емделуші үшін мұқият таңдау керек. Препаратпен емделе бастаған науқастар үшін бастапқы доза тамақтанудан кейін, тәулігіне 1-2 рет қабылданатын 1/2 таблетканы құрайды. Қажет болған кезде, күн сайын 1/2  таблеткадан біртіндеп қоса отырып немесе тиімді емдік әсер алынғанша күнара, дозаны арттырады.

Ұсынылатын ең жоғары тәуліктік доза

Тәулігіне 8 таблетка Левоком (200 мг карбидопа және 2 г леводопа). Бұл емделушінің дене салмағы 70 кг болғанда шамамен 3 мг/кг карбидопа және 30 мг/кг леводопа.

Жағымсыз әсерлері

- ангионевротикалық ісіну, тері бөртпесі

- қатерлі меланома

- агранулоцитоз, лейкопения, гемолитикалық және гемолитикалық емес анемия, тромбоцитопения

- анорексия, дене салмағының жоғарылауы немесе төмендеуі

- қозу, үрейлену, бруксизм, сананың шатасуы, ақыл кемдігі, өзіне-өзі қол жұмсауға бейімділік дамитын немесе дамымайтын депрессия, бағыттан адасу, түс көру бұзылыстары, эйфория, елестеулер, ұйқысыздық, либидоның жоғарылауы, патологиялық құмар ойын, психотикалық ұстамалар, сандырақтауды және параноидты ой, желігу, летаргия, қорқыныш тудыратын бұзылулар,

- жасырын Горнер синдромының белсенділенуі, атаксия, брадикинетикалық ұстамалар ( “мәңгіру” құбылыстары), хорея, құрысулар, ойлау жітілігінің нашарлауы, бас айналу, дискинезиялар, дистония, экстрапирамидальді және қимыл-қозғалыс бұзылулары, сананың жоғалуы, жығылу, жүріс-тұрыстың бұзылуы, бас ауыру, қол дірілінің күшеюі, есеңгіреу, көз алмасы кризі (көру аймағының тарылуы), парестезия, қозу жағдайы, ұйқышылдық, өте сирек күндізгі ұйқышылдықты және кенеттен ұйықтау ұстамаларын қосқанда, талу, тризм

- қабақтың түйілуі, көз алдының тұмандануы, қарашықтың ұлғаюы, диплопия

- аритмиялар, жүрек қағуының күшеюі, артериялық гипертензия, ортостатикалық құбылыстар, артериялық гипотензия ұстамаларын қоса есептегенде

- беттің қызаруы, ұстамаға ұқсас ыстықтау сезімі, флебит

- тыныс алудың дұрыс емес түрі, ентігу, сырылдау

- ащы дәм, ауызда ашы дәм сезімі, тілде күйдіру сезімі, ауыз ішінің құрғауы, сілекейдің қараюы, он екі елі ішек ойық жарасының дамуы, диарея, іш қату, диспепсия, дисфагия, ықылық, метеоризм, асқазан-ішектік қан кету, іштің ауыруы, жүректің айнуы, гиперсаливация, құсу.

- шаштың түсуі, қатты тершеңдік, тердің қараюы, Шейнлейн-Генох ауруы, қышыну

- несеп шығарудың кідіруі, энурез, несептің қараюы, гематурия, приапизм

Қолдануға болмайтын жағдайлар

- белсенді затқа немесе қосымша заттардың кез келгеніне сезімталдық жоғары болғанда

- моноаминооксидазаның іріктелмеген (МАО) тежегіштерімен бір мезгілде қабылдауға

- жабық бұрышты глаукомада

- меланомада немесе ол сыртартқыда болғанда

- этиологиясы белгісіз тері ауруларында

- жүктілікте, лактация кезеңінде

- балаларға және 18 жасқа дейінгі жасөспірімдерге

Дәрілік заттармен өзара әрекеттесуі

Кейбір гипотензиялық дәрілерді қабылдап жүрген емделушілерде Левоком ортостатикалық гипотензия симптомдарын тудыруы мүмкін, ол препаратпен емделудің бас кезінде гипотензиялық дәрілердің дозасын түзетуді қажет етеді.

Левокомды үшциклдік антидепрессанттармен бір мезгілде қолданған кезде, артериялық гипертензияны және дискинезияны қоса есептегенде, жағымсыз реакциялар болуы мүмкін.

Препаратты МАО тежегіштерімен бір мезгілде қабылдамаған жөн. Бұл препараттарды Левокомды тағайындаудан екі апта бұрын тоқтату қажет.

Фенотиазиндер мен бутирофенондар Левокомның емдік әсерін төмендетуі мүмкін.

Папаверин және фенитоин Левокомның паркинсонға қарсы әсерін жоюы мүмкін.

Метоклопрамид леводопаның қан плазмасындағы концентрациясын арттырады.

Левокомды паркинсонға қарсы, құрамында леводопа жоқ, басқа да дәрілермен бірге қолдануға болады.

Темір препараттары

Карбидопаның және/немесе леводопаның биожетімділігі темір сульфатымен немесе темір глюконатымен бір мезгілде қолданған кезде төмендейді.

Басқа да дәрілік заттар

Леводопаны бета-адреностимуляторлармен, дитилинмен, ингаляциялық анастезиияға арналған дәрілермен бір мезгілде қолданған кезде жүрек ырғағы бұзылуының даму қаупін арттыруы мүмкін.

Допаминнің D2 рецепторларының антагонистері (мысалы, фенотиазиндер, бутирофенондар және рисперидон), сондай-ақ леводопаның емдік әсерін азайтуы мүмкін. Паркинсон ауруында фенитоинді және папаверинді қабылдау нәтижесінде леводопаның оң емдік әсерінің бөгелгені жөнінде мәлімдемелер бар. Осы дәрілерді Левоком препаратымен бір мезгілде қабылдап жүрген емделушілерді, емдік әсерінің төмендеуін дер кезінде анықтау үшін, мұқият бақылау қажет етіледі.

Левокомды литий препараттарымен бір мезгілде қабылдаған кезде дискинезияның және елестеулердің даму қаупі артады, метилдопамен бірге – жағымсыз әсерлер күшейеді, тубокураринмен бірге – артериялық гипотензияның пайда болу қаупі артады, селегилинмен бірге – ауыр ортостатикалық гипотензия туындауы мүмкін.

Ақуызы жоғары болатын диетадағы кейбір емделушілерде леводопаның сіңуі бұзылуы мүмкін, өйткені леводопа кейбір амин қышқылдарымен бәсекелеседі.

Карбидопа пиридоксин гидрохлоридінің (В6 витаминінің) әсер етуіне кедергі жасауы мүмкін, ол шеткергі тіндерде леводопаның допаминге метаболизденуін жылдамдатады.

Айрықша нұсқаулар

Левоком дәрілік препараттардан болған экстрапирамидтік реакцияларды жою үшін қолданылмайды.

Препарат паркинсонизмге шалдыққан, құрамында пиридоксин гидрохлориді (В6 витамині) бар витаминді препараттарды қабылдап жүрген емделушілерге қолданылады.

Препаратты қабылдап жүрген барлық науқастар психикалық өзгерулерді, депрессиялық синдромды анықтау үшін мұқият бақылауда болуы тиіс. Психозы бар (соның ішінде сыртартқысында) емделушілер емделу кезінде дәрігердің ерекше бақылауында болуы қажет.

Препаратты жүрек-қантамыр аурулары, өкпенің ауыр аурулары, бронх демікпесі, қантты диабеті, психикалық бұзылулары, құрысу синдромы, ашық бұрышты глаукомасы, асқазанның және/немесе он екі елі ішектің ойық жара аурулары сыртартқысында бар емделушілерге (ас қорыту жолдарының жоғарғы бөлімдерінен қан кетудің пайда болуы мүмкін болғандықтан), бүйрек, бауыр және эндокриндік жүйе ағзаларының ауруларында абайлап тағайындаған жөн. Жуық арада миокард инфарктін бастан кешкен емделушілерге де, синусты жыпылықтаушы немесе қарыншалық аритмиясы бар болған жағдайда абайлап тағайындайды. Мұндай емделушілердің, әсіресе алғашқы дозаны белгілеген кезде, жүрек-қантамыр жүйесінің жағдайын бақылап отыру қажет.

Препаратты қолданған кезде хореоатетоидты түрдегі гиперкинез пайда болған науқастар бақылауда болуы тиіс. Левоком кейбір жағдайларда гиперкинездерді қайта тудыруы мүмкін, бұл мида дофаминнің көбеюі салдарынан болуы мүмкін және препарат дозасын азайтуды қажет етеді. Егер психотроптық препараттарды тағайындауды қажет етсе, онда мұндай жағдайда Левокомның паркинсонға қарсы әсерінің бәсеңдеуі мүмкін екендігін ескерген жөн. Созылмалы ашық бұрышты глаукомасы бар науқастар препаратты жүйелік офтальмологиялық бақылау жағдайында қолдануына болады.

Егер наркозбен операция жасау қажет болса, оның қарсаңында Левокомды тоқтатады. Препаратты қабылдауды операциядан кейін, емделуші препаратты қалай ішу арқылы қабылдай бастайды, солай қайта жаңғыртады.

Препаратты тоқтатқан жағдайда дозаны біртіндеп азайтады, мұндайда емделушінің жағдайын мұқият бақылап отырған жөн.

Препаратты қолдану кезеңінде бауырдың, бүйректің, жүрек-қантамыр жүйесінің және қан түзу жүйесінің қызмет жағдайларын жүйелі түрде бақылап отыру қажет. Леводопа препараттары карбидопамен бірге несепте кетонды денелерге жалғаноң реакция беруі мүмкін. Жалғаноң нәтижелер глюкозурияны анықтаудың глюкозооксидаздық әдісін қолданған кезде алынуы мүмкін.

Ақуызы жоғары емдәмдегі емделушілерде препараттың сіңуінің азайғаны білінді.

Дәрілік заттың көлік құралдарын немесе қауіпті механизмдерді басқару қабілетіне әсер ету ерекшеліктері

Левокоммен емдеген кезде байқалатын кейбір жағымсыз әсерлер (бас айналу, ұйқышылдық, дискинезиялар), автокөлікті басқару және зейінді толық жұмылдыруды қажет ететін механизмдермен жұмыс жасау қабілетіне ықпалын тигізеді.

Артық дозаланғанда

Симптомдары: ерте белгілері – бұлшықеттердің жыбырлап тартылуы, блефароспазм; артериялық гипертензия, жүректің жиырылу жиілігінің артуы, тәбеттің нашарлауы. Сананың шатасуы, үрейлі қозу, ұйқысыздық, мазасыздық.

Емдеу: жасанды түрде құстыру, асқазанды шұғыл шаю керек.

Симптоматикалық ем: инфузияны абайлап тағайындайды, тыныс алу жолдарының өткізгіштігіне көңіл бөлінеді; аритмия пайда болған кезде ЭКГ-ні бақылай отырып, тиісті ем қолданады. Артық дозалану құбылыстарын емдеу үшін диализдің маңыздылығы зерттелген жоқ. Пиридоксинді қолдану тиімді емес.

Шығарылу түрі және қаптамасы

10 таблетка поливинилхлоридті үлбірден және алюминий фольгадан жасалған пішінді ұяшықты қаптамаға салынған.

Пішінді 10 қаптама медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Түпнұсқа қаптамасында, 25 С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Дәріханадан босатылу шарттары

Рецепт арқылы

Өндіруші

“Фарма Старт” ЖШҚ

Украина, Киев қ-сы, И. Лепсе бул., 8

Тіркеу куәлігі иесінің атауы және елі

«Фарма Старт» ЖШҚ, Украина

Тұтынушылардан өнім сапасы жөнінде шағымдарды Қазақстан Республикасы аумағында қабылдайтын ұйымның мекенжайы:

“Фарма Старт” ЖШҚ, Украина, 03124. Киев қ-сы, И. Лепсе бул., 8

Тел/факс: 404-58-36, 404-85-05

Е-mail: Zimina.Elena@phs.ua