КРЕАМЕД 10000

КРЕАМЕД 10000

Жоқ

Босап шығуы кейінге қалдырылған капсулалар

Бір капсуланың құрамында

белсенді зат - панкреатин 0,15 г

(протеолитикалық белсенділігі 37500 ӘБ кем емес

липолитикалық белсенділігі 10000 ӘБ кем емес

амилолитикалық белсенділігі 33400 ӘБ кем емес)

қосымша заттар: макрогол 4000, гипромеллоза фталат, диметикон, цетил спирті, триэтилцитрат;

қабықтың құрамы: желатин, натрий лаурилсульфаты, темірдің қызыл тотығы (Е 172), титанның қостотығы (Е 171)

Мөлдір, өлшемі ‘2’, қызғылт түсті қатты желатинді капсулалар.

Ас қорыту жолы және зат алмасу. Ас қорыту жолына әсер ететін препараттар, ферменттерді қоса. Ферменттік препараттар. Мультиферменттер.

АТХ коды А09АА02

Фармакокинетикасы

Панкреатиндік энзимдер әсер етуі үшін олардың сіңірілуі қажет етілмейді, өйткені толық емдік әсері асқазан-ішек жолының саңылауында жүреді. Энзимдер одан әрі асқазан-ішек жолымен жылжуы шамасына қарай протеолитикалық қорытылуға ұшырайды.

Панкреатиндік ферменттер дәрілік түрден жіңішке ішектің сілтілі ортасында босатылады, өйткені асқазан сөлінің әсерінен ішекте еритін қабықпен қорғалған.

Ең жоғары ферменттік белсенділігі пероральді қабылдағаннан кейін 30-45 минуттан соң байқалады.

Фармакодинамикасы

КРЕАМЕД 10000 - құрамында шошқа тектес панкреатин бар биологиялық текті қайта өндірілген дәрілік препарат. Ұйқы безінің сыртқа секреторлық функциясы жеткіліксіздігінің орнын толықтырады, протеолитикалық, амилолитикалық және липотикалық әсері бар.

Панкреатин құрамына кіретін ферменттер (липаза, альфа-амилаза, трипсин, химотрипсин) ақуыздардың амин қышқылдарына, майлардың глицеринге және майлы қышқылдарға дейін, крахмалдың декстриндер мен моносахаридтерге дейін ыдырауына ықпал етеді, бұл олардың жіңішке ішекте толығырақ сіңуіне ықпал етеді. Препарат ұйқы безінің, асқазанның және жіңішке ішектің, сондай-ақ өттің өз ферменттері бөлінуін көтермелейді. Асқазан-ішек жолының функционалдық жағдайын жақсартады, ас қорыту үдерістерін қалыпқа келтіреді.

Ұйқы безінің экзокриндік (ферменттік) жеткіліксіздігінің орнын басу емі.

Препаратты шайнамай, тамақтану кезінде немесе одан кейін ішке қабылдайды.

Ересектер: 1-2 капсуладан тәулігіне 3-4 рет.

Препаратты қабылдау ұзақтығы аурудың ағымына байланысты және оны дәрігер анықтайды.

Асқазан-ішек жолы тарапынан бұзылулар:

Өте жиі (≥ 1/10): іш аймағының ауыруы.

Жиі (≥1/100, <1/10): жүрек айнуы, құсу, іштің қатуы, іштің кебуі, диарея

(бұл реакциялар дамуының панкреатиннің әсерімен себеп-салдарлық

байланысы анықталмаған, өйткені көрсетілген құбылыстар ұйқы безінің

сыртқы секреторлы жеткіліксіздігінің симптомдарына жатады)

Жиілігі белгісіз: муковисцидозы бар, препараттың жоғары дозасын алған пациенттердегі мықын, соқыр және жуан ішектің стриктурасы (фиброзды колонопатия).

Тері және тері асты тіндері тарапынан бұзылулар:

Жиі емес (≥1/1000, <1/100): бөртпе.

Жиілігі белгісіз: қышу, есекжем.

Иммундық жүйе тарапынан бұзылулар:

Жиілігі белгісіз: аса жоғары сезімталдық (анафилаксиялық реакциялар).

- препарат компоненттеріне жоғары сезімталдық

- жедел панкреатит немесе асқыну сатысындағы созылмалы панкреатит (бірақ эпизодтық өршуі ұйқы безінің функциясының бұзылыстары болғанда диетаны ұлғайтқан кездегі өшу фазасында болуы мүмкін).

- 18 жасқа дейінгі балалар

Панкреатинді темір препараттарымен бір мезгілде қолданғанда соңғылардың сіңуі төмендеуі мүмкін.

Құрамында кальций карбонаты және/немесе магний гидроксиді бар антацидті дәрілерді бір мезгілде қолдану панкреатин тиімділігінің төмендеуіне әкелуі мүмкін.

Муковисцидоз кезінде стриктуралардың (фиброзды колонопатияның) даму қаупінің жоғарылауы салдарынан панкреатинді жоғары дозада қолдану ұсынылмайды.

Доза тұтынатын тағамның сапасы мен мөлшерін ескере отырып, майларды сіңіруге қажетті ферменттер санына барабар болуы тиіс. Ұзақ қолданғанда бір мезгілде темір препараттарын тағайындайды.

Педиатрияда қолдану

Бұл дәрілік түрді 18 жасқа дейінгі балаларға қабылдау үшін ұсынылмайды.

Жүктілік және лактация

Жүктілік және лактация кезеңінде панкреатинді қолдану қауіпсіздігі жеткіліксіз зерттелген. Ана үшін күтілетін пайдасы шарана мен балаға төнетін ықтимал қаупінен асып түсетін жағдайда қолданылуы мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралын немесе қауіптілігі зор механизмдерді басқару қабілетіне әсер етпейді

Симптомдары: гиперурикозурия, гиперурикемия, іштің қатуы.

Емі: препаратты тоқтату, талапқа сай регидратацияны қамтамасыз ету, симптоматикалық ем.

Шығарылу түрі және қаптамасы

25 капсуладан полиэтилен қақпағы бар тығыздығы жоғары полипропилен құтыға салынады, құрамында кептіргіш - силикагелі бар полипропилен капсулалар бар.

1 құтыдан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

25 оС-ден аспайтын температурада.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды.

Рецепт арқылы

Protech Biopharma Pvt. Ltd., Үндістан

Тіркеу куәлігінің ұстаушысы

Protech Biopharma Pvt. Ltd., Үндістан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын

ұйымның атауы, мекенжайы және байланыс деректері (телефон, факс, электронды пошта):

«Деново Импекс» ЖШС,

Қазақстан Республикасы, Алматы қ. 050062, Өтеген батыр к-сі, 13

тел.: 727 2437415

факс: 727 2437416

e-mail: denovo.kz@rambler.ru

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Деново Импекс» ЖШС,

Қазақстан Республикасы, Алматы қ. 050062, Өтеген батыр к-сі, 13

Тел.: (727) 243 7415, е-mail: denovokz@rambler.ru

+7 705 507 4498