Кордиамин-Дарница
Инструкция
-
русский
-
қазақша
Саудалық атауы
Кордиамин-Дарница
Халықаралық патенттелмеген атауы
Никетамид
Дәрілік түрі
Инъекцияға арналған 25% 2 мл ерітінді
Құрамы
1 мл ерітіндінің құрамында
белсенді зат - 250 мг никетамид
қосымша зат – инъекцияға арналған су
Сипаттамасы
Өзіндік ерекше иісі бар мөлдір, түссіз немесе аздап сарғыш түсті ерітінді.
Фармакотерапиялық тобы
Тыныс алу мүшелерін емдеуге арналған басқа да препараттар. Тыныс алу орталығы стимуляторлары. Никетамид.
АТХ коды R07A B02
Фармакологиялық қасиеттері
Фармакокинетикасы
Кордиамин-Дарница енгізудің барлық тәсілдері кезінде қанға жақсы сіңіріледі, салыстырмалы түрде жылдам ыдырайды, әсері ұзақ емес (15-60 минут). Организмде никотинамидті, никотин қышқылы моноэтиламидін, никетамид-N-тотығын түзе отырып, бауырда метаболизденеді. Белсенді емес метаболиттер түрінде несеппен жылдам шығарылады.
Фармакодинамикасы
Әсер етуі аралас типті аналептик. Әсер ету механизмі екі компоненттен тұрады: орталық және шеткергі. Біріншісі, сопақша мидың тамыр қозғалтқыш орталығына тікелей әсер етуімен байланысты және оның қозуына және жүйелік артериялық қысымның жанама түрде көтерілуіне әкеледі (әсіресе, осы орталықтың алғашқы бәсеңдеуі кезінде). Шеткергі компонент каротидтік синус хеморецепторларының қозуымен байланысты және тыныс алу қозғалысы жиілігі мен тереңдігінің артуына әкеледі. Препаратты көктамыр ішіне енгізгенде тыныс алу ырғағы жылдамдайды, тыныс алу жиілігі мен тереңдігі артады, артериялық қысым шамалы және қысқа мерзімге көтеріледі. Препарат жүрекке тікелей көтермелеу әсерін бермейді және тікелей көтермелеуші тамыр тарылту әсерін байқатпайды.
Қолданылуы
- коллапста және асфиксияда (оның ішінде жаңа туған нәрестелер асфиксиясы)
- хирургиялық операциялар кезінде және операциядан кейінгі кезеңдегі шок жағдайында
- қан айналымының жедел және созылмалы бұзылуында
- қантамырлары тонусының төмендеуінде
- инфекциялық аурулар кезінде және сауығу кезеңінде тыныс алудың бәсеңдеуінде
- ұйықтататын және ауыруды басатын дәрілермен уланғанда (кешенді ем құрамында)
Қолдану тәсілі және дозалары
Бір реттік және тәуліктік дозаны, енгізу жиілігін пациенттің жасы мен көрсетілімдерге байланысты дәрігер жекелей белгілейді. Препаратты тері астына, бұлшықет ішіне және көктамыр ішіне енгізеді. Ересектер және 14 жастан асқан балаларға 1 – 2 мл-ден тәулігіне 1-3 рет тағайындайды.
Көктамыр ішіне енгізу үшін препараттың бір реттік дозасын 10 мл 0,9 % натрий хлориді ерітіндісінде сұйылтады; 1–3 минут ішінде енгізеді.
Ересектерге тері астына арналған жоғары дозалар: бір реттік – 2 мл, тәуліктік – 6 мл.
Ересектерге улану кезінде тері астына және көктамыр ішіне жоғары бір реттік доза – 5 мл.
Балаларға жасына байланысты тері астына мынадай бір реттік дозалар тағайындайды:
1 жасқа дейін – 0,1 мл;
1–4 жас – 0,15–0,25 мл;
5–6 жас – 0,3 мл;
7–9 жас – 0,5 мл;
10–14 жас – 0,75 мл.
Тәулігіне 1–3 рет енгізеді.
Жағымсыз әсерлері
- мазасыздық, қатты ашушаңдық, үрейлену
- жүрек айну, құсу
- аритмиялар, артериялық гипертензия, тахикардия
- ауыз айналасының бұлшықетінен басталатын бұлшықеттердің тартылуы, тремор, бұлшықет сіресуі
- беттің қызаруы, ісінуі, терінің қышынуы, терінің қабыршықтануы
- гипертермия, қатты тершеңдік
- аллергиялық реакциялар: аса жоғары сезімталдық реакциялары, есекжем, ангионевроздық ісіну, жайылған папулездік бөртулер
- енгізілген жердегі реакциялар: енгізілген жердегі инфильтрация және аурушаңдық
Қолдануға болмайтын жағдайлар
- кордиаминге немесе препарат компоненттерінің кез келгеніне аса жоғары сезімталдық
- құрысуға, эпилепсияға, эпилепсиялық ұстамаларға бейімділік (сыртартқыда)
- порфирия
- балалардағы гипертермия
- жүктілік және бала емізу кезеңі
Дәрілермен өзара әрекеттесуі
Кордиамин-Дарница аналептикалық әсері ПАСҚ, салюзидтің, фенотиазин туындыларының (аминазин және т.б.) әсер етуімен азаяды. Аминазин және резерпин Кордиамин-Дарница құрысу әсерін күшейтуі мүмкін. Препараттың прессорлық әсері МАО тежегіштерінің әсер етуімен жоғарылайды. Кордиамин-Дарница фтивазидті көтере алмаушылықтың дамуына ықпал етеді. Психостимуляторлардың, антидепрессанттардың әсерлерін күшейтеді. Есірткілік аналгетиктердің, ұйықтататын, психозға қарсы дәрілердің, анксиолитиктердің, құрысуға қарсы дәрілердің әсерлерін күшейтеді.
Терең наркоз кезінде Кордиамин-Дарница әсер етпейді.
Препарат қышқылдармен және сілтілермен белсенділігін жояды. Басқа дәрілік заттармен араластыруға болмайды. Тек қана ұсынылған еріткішті пайдалану керек.
Айрықша нұсқаулар
Препаратты стационар жағдайында тек дәрігердің бақылауымен қолданады. Көктамыр ішіне енгізгенде қысқа мерзімді әсер етеді. Кордиамин-Дарница теріастылық және бұлшықетішілік инъекциясы ауыртатын болғандықтан, инъекция орнында ауыруды бәсеңдету үшін (жағдайға байланысты) алдын ала новокаин (ересектерге – 1 мл 0,5% ерітінді) енгізеді.
Балалар
Препарат педиатриялық тәжірибеде жасына байланысты дозаларда қолданылады. Гипертермия кезінде қолдануға болмайды.
Жүктілік және лактация кезеңі
Препаратты жүктілік және емшекпен қоректендіру кезеңінде қолдануға болмайды.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Емделу кезеңінде автокөлікті басқарудан және назар шоғырландыру мен және психомоторлық реакциялардың жоғары жылдамдығын қажет етумен байланысты қауіптілігі зор қызмет түрлерін орындаудан аулақ болу керек.
Артық дозалануы
Симптомдары: үлкен дозаларда препарат жайылған тонико-клоникалық құрысуларды, сана және тыныс алу бұзылуларының дамуын, құрысу кезінде апноэ туындатуы мүмкін, өлімге әкеп соғуы жоққа шығарылмайды.
Емі: құрысуға қарсы дәрілерді, қажет болғанда – басқарылатын тыныс алуды қолдану. Қарқынды диурез.
Шығарылу түрі және қаптамасы
2 мл-ден шыны ампулаларда.
Ампулаға өздігінен жапсырылатын жабыны бар қағаздан жасалған заттаңба жапсыруға немесе шыны бұйымдарға арналған терең баспа бояумен жағуға болады.
10 ампуладан медициналық қолдану жөніндегі мемлекеттік және орыс тілдеріндегі нұсқаулықпен және ампулаларды ашуға арналған пышақпен гофрлауға арналған қағаздан жасалған гофрланған астары бар картон қорапқа салынады.
Түрлі түсті сындыру сақинасы немесе түрлі түсті сындыру нүктесі бар ампулаларды қаптаған кезде ампула ашуға арналған пышақ салынбайды. Қорапты заттаңбалық қағаздан немесе офсеттік қағаздан жасалған бандероль-заттаңба желімденеді.
Қораптарды медициналық қолдану жөніндегі мемлекеттік және орыс тілдеріндегі нұсқаулықтың сәйкес санымен топтық қаптамада бірге қаптауға болады.
5 ампуладан ампула ашуға арналған пышақпен бірге пішінді ұяшықты қаптамаға салынады.
Екі пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.
Түрлі түсті сындыру сақинасы немесе түрлі түсті сындыру нүктесі бар ампулаларды қаптаған кезде ампула ашуға арналған пышақ салынбайды.
Сақтау шарттары
Түпнұсқалық қаптамада, 25 С-ден аспайтын температурада сақтау керек. Мұздатып қатыруға болмайды.
Балалардың қолы жетпейтін жерде сақтау керек!
Сақтау мерзімі
5 жыл
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецепт арқылы
Өндіруші
«Фармацевтикалық фирма «Дарница» ЖАҚ,
Украина, 02093, Киев қ., Борисполь к-сі, 13.
Тіркеу куәлігі иесінің атауы мен елі
«Фармацевтикалық фирма «Дарница» ЖАҚ, Украина
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
телефон/факс: (+ 380 44) 207 73 27
e-mail: vigilance@darnitsa.kiev.ua
http://www.darnitsa.ua