Калетра

• русский
• қазақша

• Скачать инструкцию медикамента

Саудалық атауы

Калетра®

Халықаралық патенттелмеген атауы

Жоқ

Дәрілік түрі

Ішуге арналған ерітінді

Құрамы

1 мл ерітіндінің құрамында

белсенді заттар: 80 мг лопинавир

20 мг ритонавир,

қосымша заттар: полиоксил 40, гидрогенделген майсана майы; тазартылған су, натрий хлориді, натрий цитраты, натрий сахарині, калий ацесульфамы, сусыз лимон қышқылы, сусыз этанол, пропиленгликоль, левоментол, повидон, глицерин, фруктоза мөлшері жоғары жүгері шәрбаты, Магнасвит 110 хош иістендіргіші, бұрыш жалбызының майы, ваниль хош иістендіргіші, кондитерлік мақта хош иістендіргіші.

Сипаттамасы

Ашық-сарыдан алтын түске дейінгі бөгде бөлшектері жоқ мөлдір ерітінді.

Фармакотерапиялық тобы

Вирустарға қарсы жүйелік қолдануға арналған препараттар. Вирустарға қарсы тікелей әсер ететін препараттар. HIV-протеиназа тежегіштері.

АТХ коды J05AE

Фармакологиялық қасиеттері

Фармакокинетикасы

Дені сау ересек еріктілерде және АИТВ жұқтырған тұлғаларда фармакокинетикалық параметрлерінің елеулі айырмашылықтары анықталмаған. Лопинавир CYP3A әсерімен іс жүзінде толық ыдырайды. Ритонавир лопинавирдің метаболизмдік ыдырауын тежейді, осылайша қан плазмасындағы лопинавир концентрациясының ұлғаюына жол ашады. Лопинавирдің орташа концентрациясы, ритонавир концентрациясымен салыстырғанда, тепе-тең жағдайда 15-20 есе жоғары. Қан плазмасында ритонавир концентрациясы ритонавирдің 600 мг дозада тәулігіне екі рет енгізілуінен кейін байқалатын концентрациясынан 7% аз құрайды. EC50 лопинавирдің вирусқа қарсы тиімді концентрациясы ритонавир концентрациясынан шамамен 10 есе төмен. Препараттың вирусқа қарсы белсенділігі лопинавирдің қатысуымен шартталады.

Сіңуі: қан плазмасында лопинавирдің ең жоғары концентрациясы (Сmax) енгізілгеннен кейін шамамен 4 сағаттан соң 9,6  4,4 мкг/мл құрайды. Таңертеңгі дозаны енгізер алдында тепе-тең жағдайдағы орташа ең аз концентрациясы 5,5  4,0 мкг/мл құрайды. Лопинавирге тән AUC (концентрация-уақыт қисығы астындағы аудан) шамасы енгізілгеннен кейін 12 сағаттан соң 82,8  44,5 мкг/сағ./мл құрайды. Тамақтанудан соң (500 ккал, 25% май) Калетра препаратын капсула немесе ерітінді түрінде қолданғаннан кейін лопинавир концентрациясы ерекшеленбеген. Препаратты ашқарынға енгізгенде Калетра препаратын ерітінді түрінде қолдану кезіндегі лопинавирге тән орташа AUC және Сmax шамалары, Калетра препараты капсулаларын енгізуден соң алынған шамалармен салыстырғанда, 22% аз болды.

Ішу арқылы қабылдағандағы тамақтың сіңуге әсері

Ерітінді түріндегі лопинавир/ритонавир биожетімділігі май мөлшері орташа тамақ ішкенде өзгермейді. Биожетімділігін арттыру және фармакокинетикалық параметрлерінің ауытқуын әбден азайту үшін Калетра препаратын тамақпен бірге қабылдау ұсынылады.

Таралуы: тепе-тең жағдайда шамамен 98-99% лопинавир плазма ақуыздарымен байланысады.

Метаболизмдік ыдырауы: лопинавир көбіне тотығу жолымен метаболизденеді, Р450 цитохромы жүйесінің, атап айтқанда, CYP3A изоферментінің әсерімен бауырда қарқынды ыдырайды. Ритонавир CYP3A белсенділігін қуатты тежегіші болып табылады, сол арқылы лопинавир ыдырауын тежейді және оның қан плазмасындағы концентрациясының жорғарылауын шарттайды.

Шығарылуы: лопинавирдің жартылай шығарылу кезеңі препаратты енгізулер арасындағы 12 сағаттық үзіліс бойына 5-6 сағат құрайды, ал лопинавир клиренсі 6-7 л/сағатқа тең.

Тәулігіне бір рет қолдану

Тамақпен тәулігіне 1 рет 800/200 мг лопинавир/ритонавирді көп реттік қолдану қолданғаннан кейін 6 сағаттан соң лопинавирдің 11,8  3,7 г/мл Сmax мәніне әкеледі. Таңертеңгі дозаға дейінгі лопинавирдің орташа тепе-тең концентрациялары 3,2  2,1 г/мл және препарат қабылдаулар арасында ең төменгі концентрациялары 1,7  1,6 г/мл құрайды.

Орташа AUC мәні 24 сағат ішінде 154,1  61,4 гсағ./мл құрайды.

Балалардағы фармакокинетикасы

Лопинавир/ритонавирдің ішуге арналған 300 мг/75 мг/м2 дозаларында тұрақты орташа AUC, Сmax пен Сmin деңгейлері невирапинсіз 230 мг/57.5 мг/м2 дозалардағы ішуге арналған ерітіндідегі лопинавир/ритонавирден кейін, тиісінше, 72,6  31,1 гсағ./мл, 8,2  2,9 г/мл және 3,4  2,1 г/мл әрі невирапинмен біріктірілген 300 мг/75 мг/м2 дозалардағы ішуге арналған ерітіндідегі лопинавир/ритонавирден кейін, тиісінше, 85,8  36,9 гсағ./мл, 10,0  3,3 г/мл және 3,6  3,5 г/мл құрайды.

Егде жастағы пациенттер

Жас ерекшелігіне немесе тұқым қуалауға байланысты ерекшеліктері табылмаған.

Бүйрек жеткіліксіздігі

Лопинавирдің бүйректік клиренсі мардымсыз, бүйрек жеткіліксіздігі бар науқастарда жалпы клиренс кемуі күтілмейді.

Бауыр жеткіліксіздігі

Бауырдың жеңілден орташа дәрежеге дейін бұзылуы бар пациенттерде лопинавирдің жалпы концентрацияларының шамамен 30% клиникалық мәні жоқ шектеулі артуы байқалады.

Фармакодинамикасы

Лопинавир – АИТВ-1 және АИТВ-2 протеазаларының тежегіші – жетілмеген инфекциялы емес вирустың өнуіне әкеліп, gag-pol-полипротеин ыдырауын болдырмайды.

Ритонавир – ішу арқылы қолданылатын АИТВ-1 және АИТВ-2 аспартилпротеазаларының пептидомиметикалық тежегіші. АИТВ протеазасының тежелуі осы ферментті ізашар gag pol полипротеинін өңдеу қабілетінен айырады, бұл жұқпа жұқтырудың жаңа циклдерін бастамалауға қабілетсіз морфологиялық тұрғыда жетілмеген АИТВ бөлшектерінің түзілуіне әкеледі. Ритонавирдің АИТВ протеазасына селективті тектестігі бар және адам аспартил-протеазаларына қарсы тежеу белсенділігі төмен.

Қолданылуы

Калетра препараты АИТВ-1 жұқтырған ересектерде, жасөспірімдер мен 2 жастан асқан балаларда адамның иммун тапшылық вирусын (АИТВ-1) басқа да антиретровирустық препараттармен біріктіріп емдеуге көрсетілген.

Калетра препаратын бұрын протеаза тежегіштерімен емделу тәжірибесі бар АИТВ-1 жұқтырған пациенттерді емдеу үшін таңдау пациенттердің жеке төзімділік тестісіне және ауру тарихына негізделуі тиіс.

Қолдану тәсілі және дозалары

Калетра препаратын АИТВ-инфекциясын емдеу тәжірибесі бар дәрігерлер тағайындауы тиіс.

Позология

Ересектер мен жасөспірімдерде қолдану. Калетра препаратының ұсынылатын дозасы күніне екі рет тамақтану кезінде ішуге арналған 5 мл ерітіндіні (400/100 мг) құрайды.

Педиатрияда қолданылуы (2 жастан бастап және одан асқан балалар).

Калетра препаратының күніне екі рет ас ішумен бірге ұсынылатын дозасы 230/57,5 мг/м² құрайды. Ең жоғары дозасы - күніне екі рет 400/100 мг/м2. Калетра препараты балаларда күніне бір рет режимінде қолданылмауы тиіс.

Кейбір балаларда невирапин мен эфавиренз қатарлас қабылданғанда 230/57,5 мг/м² доза жеткіліксіз болуы мүмкін. Осы пациенттер үшін дозаны 300/75 мг/м² дейін арттыру мүмкіндігін қарастыру керек. Егер Калетра препаратын қабылдау невирапин немесе эфавиренз қабылдаумен үйлеспесе, егер дұрысы дене салмағына қарай дозалау болса, онда дене салмағы 15-40 кг тең болатын немесе одан асатын пациенттер үшін доза күніне екі рет 10/2,5 мг/кг құрайды.

Препарат калибрленген дозалағыш құрылғыны пайдаланумен қолданылуы тиіс. Ішу арқылы қолданылатын ерітінді балаларда дене беткейі ауданына қарай дәл дозалау қажет болатын жағдайларда ұсынылады. Алайда, дене салмағы 40 кг-ден аз немесе дене беткейінің ауданы 0,5-тен 1,4 м2 дейін және таблетка жұтуға қабілетті балаларда қатты дәрілік түрлер пайдалану қажет болатын жағдайларда 100 мг/25 мг таблетка қолдануға болады. Ересектерге арналған дозасын (күніне екі рет 400/100 мг) дене салмағы 40 кг және одан көп немесе дене беткейінің ауданы 1,4 м2 аса балаларда пайдалануға болады.Таблеткаланған түрлері ішу арқылы қолданылуы тиіс, оларды бүтіндей жұту қажет, шайнауға, сындыруға және ұсақтауға болмайды (тиісті дәрілік түрлердің медициналық қолдануы жөніндегі нұсқаулықты қараңыз).

Келесі кестеде дене салмағына және дене беткейінің ауданына (ДБА) қарай Калетра препаратын, ішке қабылдауға арналған ерітіндісін дозалау бойынша ұсыныстар бар.

* Дене салмағына қарай қолданылуы шектеулі деректерге негізделген

* Дене беткейінің ауданы (ДБА) мына формула бойынша есептеледі:

ДБА(м2) = √ (Бойы (см) х Салмағы (кг) / 3600)

2 жасқа дейінгі балалар. Калетра препаратын 2 жасқа дейінгі балаларда қолдану тиімділігі мен қауіпсіздігі анықталмаған. Қазіргі уақытта қолда бар деректер «Фармакокинетика» бөлімінде сипатталған, алайда қолданылуы жөнінде нұсқаулар беруге болмайды. Барлық дәрілік заттардың, соның ішінде балаларға енгізілетін, ішуге арналған Калетра препаратының ерітіндісінің құрамындағы этанол мен пропиленгликольдің жалпы мөлшері осы қосымша заттармен уыттануға жол бермеу үшін назарға алынуы тиіс («Айрықша нұсқаулар» бөлімін қараңыз).

Қолдануға болмайтын жағдайлар

Бүйрек функциясы бұзылған пациенттер. Лопинавир мен ритонавирдің бүйректік клиренсінің төмен екенін ескеріп, бүйрек функциясының жеткіліксіздігі бар пациенттерде плазмадағы концентрациясының жоғарылауы жорамалданбайды. Қан ақуыздарымен байланысу дәрежесінің жоғары екеніне орай, гемодиализ және перитонеальді диализ кезінде препараттың шығарылу ықтималдығы аз.

Қолдану әдісі. Калетра ішу арқылы қолданылады және үнемі ас ішумен бірге қабылдануы тиіс («Фармакокинетикасы» бөлімін қараңыз).

Жағымсыз әсерлері

а) Жалпы қауіпсіздік бейіні

Лопинавир/ритонавир қауіпсіздігі ІІ-ІV фазадағы клиникалық зерттеулерде 2600 пациентте зерттелді, олардың 700-ден астамы кері транскриптазаның нуклеозидті тежегіштерімен (КТНТ) бірге күніне бір рет 800/200 мг (6 капсула немесе 4 таблетка) дозаны алды, кейбір зерттеулерде Калетра эфавиренз немесе невирапинмен біріктіріп пайдаланылды.

Лопинавир/ритонавирмен емдеуге байланысты ең жиі жағымсыз реакция диарея, жүрек айнуы, құсу, гипертриглицеридемия және гиперхолестеринемия болды. Диарея, жүректің айнуы мен құсу емнің басында орын алуы мүмкін, сонымен қатар, гипертриглицеридемия және гиперхолестеринемия сияқты кеш те басталуы мүмкін. Қолайсыз құбылыстарды емдеу II-IV фазадағы зерттеуде 7% пациентте зерттеуді мерзімінен бұрын тоқтатуға әкелді.

Панкреатит жағдайларының лопинавир/ритонавир алған, соның ішінде гипертриглицеридемия көрініс берген пациенттерде тіркелгенін атап өту маңызды. Бұдан басқа, лопинавир/ритонавирмен емделу кезінде ауырлығы жеңілден орташа дәрежеге дейінгі PR аралығы ұзарған сирек жағдайлар хабарланды.

б) Жағымсыз реакциялар тізімі.

Ересектердегі клиникалық зерттеулер барысында білінген жағымсыз реакциялар.

Хабарланған жағымсыз реакциялардың ауырлығы себеп-салдарлы байланысының болу мүмкіндігімен немесе ықтималдығымен орташадан ауыр дәрежеге дейін болды. Төменде келтірілген жағымсыз реакциялар ағзалар мен жүйелер бойынша және пайда болу жиілігіне қарай орналасқан: өте жиі (10 %-дан жоғары), жиі (1-10 %), жиі емес (0,1-1 %), сирек (0,01-0,1 %).

Өте жиі

- жоғарғы тыныс алу жолдарының инфекциялары

- диарея, жүрек айнуы

Жиі

- төменгі тыныс алу жолдарының инфекциялары, тері инфекциялары, целлюлитті, фолликулитті және фурункулдарды қоса

- анемия, лейкопения, нейтропения, лимфоаденопатия

- есекжем мен ангионевроздық ісінуді қоса аса жоғары сезімталдық

- үрейлену

- қант диабетін қоса, қанда глюкоза құрамының бұзылуы, гипертриглицеридемия, гиперхолестеринемия, салмақтың төмендеуі, тәбеттің төмендеуі

- бас ауыруы (бас сақинасын қоса), невропатия (шеткері невропатияны қоса), бас айналу, ұйқысыздық

- гипертензия

- панкреатит, құсу, гастроэзофагеальді рефлюксті ауру, гастроэнтерит және колит, іштің ауыруы (жоғарғы және төменгі бөлігінде), іштің кебуі, диспепсия, геморрой, метеоризм

- гепатит, АСТ, АЛТ және ГГТ (гамма-глютамилтранспептидаза) жоғарылауын қоса

- макулопапулезді бөртпені қоса бөртпе, дерматит/бөртпе, экзема мен себореялық дерматитті қоса, түнгі тер бөліністері, қышыну

- миалгия, артралгияны және арқаның ауыруын қоса, қаңқа-бұлшықет ауыруы, бұлшықет әлсіздігі мен құрысуды қоса бұлшықет бұзылулары

- эректильді дисфункция, етеккір оралымының бұзылуы – аменорея, меноррагия

- қажу, астенияны қоса

Жиі емес

- иммундық қайта белсенділену синдромы

- гипогонадизм

- әдеттен тыс түстер көру, либидоның төмендеуі

- цереброваскулярлы бұзылулар, құрысулар, дисгевзия, агевзия, тремор

- көру мүшелері тарапынан бұзылулар

- құлақтағы шуыл, бас айналу

- атеросклероз және олардан болған миокард инфарктісі, атриовентрикулярлы бөгеліс, үшжармалы қақпақша жеткіліксіздігі

- терең көктамырлар тромбозы

- гастроинтестинальді қан кетулер, гастроинтестинальді ойық жараны қоса, дуоденит, гастрит және ректальді қан кетулер, стоматит және оральді ойық жара, нәжістің тоқтамауы, іш қатуы, ауыз ішінің құрғауы

- бауырдың майлы дистрофиясы, гепатомегалия, холангит, гипербилирубинемия

- рабдомиолиз, остеонекроз

- креатинин клиренсінің төмендеуі, нефрит, гематурия

- алопеция, капиллярит, васкулит

Сирек

• салмақтың артуы, тәбеттің артуы

Жиілігі анықталмаған

- сарғаю

- Стивенс-Джонсон синдромы, мультиформалы эритема

в) Жағымсыз реакциялар сипаттамасы

Кушинг синдромы жөнінде лопинавир/ритонавирді флутиказонмен бір мезгілде интраназальді немесе ингаляция арқылы қабылдайтын пациенттерде хабарланды, бұл Р450 3А арқылы метаболизденетін басқа да кортикостероидтармен, мысалы, будесонидпен де болуы мүмкін.

Протеаза тежегіштерін, әсіресе, кері транскриптаза нуклеозидтерінің тежегіштерімен үйлестіріп қолдану кезінде креатинфосфокиназаның (КФК) көтерілуі, миалгия, миозит, әрі сирек рабдомиолиз жөнінде хабарланды.

Біріктірілген антиретровирустық ем гипертриглицеридемия, гиперхолестеринемия, инсулинге төзімділік, гипергликемия және гиперлактатемия сияқты метаболизмдік бұзылулармен байланысты болды.

Ауыр иммун тапшылығы бар АИТВ жұқтырған пациенттерде біріктірілген антиретровирустық ем басталар сәтте симптомсыз немесе опортунистік инфекцияларға қабыну реакциялары пайда болуы мүмкін. Сонымен бірге аутоиммундық бұзылулар туралы (мысалы, Грейвс ауруы) хабарланды.

Остеонекроз жағдайлары жөнінде, әсіресе, үдемелі АИТВ сатысындағы жалпыға мәлім қауіп факторлары бар пациенттерде немесе біріктірілген антиретровирустық емді ұзақ мерзімді қолдану кезінде хабарланды.

Балаларда клиникалық зерттеулерде белгіленген жағымсыз реакциялар.

2 жастан бастап және одан жоғары жастағы балаларда жағымсыз реакциялар бейіні мен препараттың жағымдылығы ересек пациенттердегідей болды.

Қолдануға болмайтын жағдайлар

-лопинавирге немесе ритонавирге немесе препараттың қандай да бір белсенді емес компонентіне жоғары сезімталдық

- клиренсі едәуір шамада CYP3A-ға тәуелденетін және қан плазмасындағы концентрациясының жоғарылауы күрделі және/немесе өмірге қауіпті реакциялардың туындауына әкелетін препараттармен бір мезгілде қолдану: альфузозин, фузидий қышқылы, астемизол, терфенадин, блонансерин, ішу арқылы қабылданатын мидазолам, триазолам, цизаприд, ловастатин, симвастатин, сальметерол, пимозид, кветиапин амиодарон, қастауыш алкалоидтары (эрготамин, дигидроэрготамин, эргоновин мен метилэргоновин) және аванафил, өкпенің артериялық гипертензиясын емдеуге арналған силденафил және варденафил

- құрамында шілтерленген шайқурай бар (Hypericum perforatum) өсімдік тектес препараттармен бір мезгілде қолдану

- ауыр сипатты бауыр жеткіліксіздігі

- қосымша затпен (пропиленгликоль) бірге уыттылық қаупі болуы салдарынан 2 жасқа дейінгі балалар, жүкті әйелдер мен дисульфирам немесе метронидазол қабылдаған пациенттер

Сақтықпен: жеңіл және орташа бауыр функциясының жеткіліксіздігі немесе бүйрек функциясының жеткіліксіздігі бар пациенттерге

Дәрілермен өзара әрекеттесуі

Қолдануға болмайтын жағдайлар

Калетра өзіндік метаболизмін in vivo индукциялайды және Р450 цитохромы ферменттік жүйесінің (CYP2C9 және CYP2C19 қоса) көмегімен, сондай-ақ глюкурондану арқылы метаболизденетін кейбір дәрілік препараттардың биотрансформациясын арттырады. Бұл құбылыс плазмадағы концентрациясының төмендеуіне және бір мезгілде тағайындалған дәрілік заттардың тиімділігінің потенциалды азаюына әкелуі мүмкін.

Өзара әрекеттесулердің атап айтқанда болжамды ауқымында және күрделі жағымсыз құбылыстарға байланысты қолдануға қарсы көрсетілімдегі дәрілік препараттар «Қолдануға болмайтын жағдайлар» бөлімінде берілген.

Жеке-дара антиретровирусты және антиретровирусты емес дәрілік препараттармен белгілі және болжамды өзара әрекеттесулері төмендегі кестеде келтірілген.

Өзара әрекеттесу кестесі

Калетра препараты және бірге тағайындалатын дәрілік препараттармен өзара әрекеттесулері төмендегі кестеде келтірілген (ұлғаюы “↑” белгіленген, төмендеуі “↓” белгіленген, өзгеріссіз “↔” белгіленген, тәулігіне бір рет қолдану “1 рет/тәулік” белгіленген, тәулігіне 2 рет “2 рет/тәулік” белгіленген және тәулігіне үш рет "3 рет/тәулік" деп белгіленген).

Егер басқаша көрсетілмесе, төменде келтірілген зерттеулер лопинавир/ритонавирдің (мысалы, 400/100 мг тәулігіне 2 рет) ұсынылған дозалануын қолданумен жүргізілген.

Айрықша нұсқаулар

Қатарлас аурулары бар пациенттер

Бауыр аурулары.

Калетра препаратының қауіпсіздігі мен тиімділігі бауыр функциясының қатарлас ауыр бұзылулары бар науқастарда анықталған жоқ. Калетра препаратын бауырдың ауыр жеткіліксіздігі бар пациенттерге қолдануға болмайды («Қолдануға болмайтын жағдайлар» бөлімін қараңыз). Созылмалы В немесе С гепатиті бар пациенттерді антиретровирустық препараттарды біріктіріп емдеген кезде бауыр тарапынан ауыр және өмірге қауіптілігі зор жағымсыз реакциялардың даму қаупі жоғары. В немесе С гепатитін қатарлас вирусқа қарсы емдеген жағдайда осы дәрілік заттарды қолдану жөніндегі нұсқаулыққа жүгіну қажет.

Созылмалы гепатитті қоса, бауырдың бұрын бұзылуы болған пациенттерде вирусқа қарсы үйлестірілген ем кезінде бауыр сынамаларының функциялық бұзылуының жоғары жиілігі бақыланды, бұл қабылданған стандартты тәжірибеге сәйкес бақылануы тиіс.

Бауыр ауруының нашарлау симптомдары пайда болғанда емді тоқтату немесе үзілісі туралы мәселені қарастыру керек.

АИТВ-1 моно жұқтырған пациенттерде және қатынастан кейін профилактика жүргізілген адамдарда басқа да антиретровирустық препараттармен үйлесімде лопинавирмен/ ритонавирмен емді бастағаннан кейін 7 күннен кейін билирубин деңгейінің жоғарылауымен немесе онсыз трансаминазалар деңгейінің жоғарылағаны туралы хабарламалар алынған. Кейбір жағдайларда бауыр дисфункциясы ауыр сипат алған.

Тиісті зертханалық зерттеулер лопинавир/ритонавирмен емді бастағанға дейін жүргізілуі тиіс, емдеу барысында мұқият мониторинг жүргізу керек.

Бүйрек аурулары.

Лопинавир мен ритонавирдің бүйректік клиренсі елеусіз, бүйрек функциясының жеткіліксіздігі бар пациенттерде қан плазмасындағы концентрациясының артуы күтілмейді. Лопинавир мен ритонавирдің жоғары ақуыз байланыстырушы қабілеті болғандықтан, олардың концентрациясының гемодиализ немесе перитонеальді диализ көмегімен елеулі төмендеу ықтималдығы аз.

Гемофилия

Протеаза тежегіштерімен емделген А және В гемофилиясы бар пациенттерде өздігінен болатын тері гематомалары және гемартроздарын қоса, жоғары қанағыштық туралы хабарламалар болған. Кейбір пациенттерге қосымша VIII фактор тағайындаған. Көрсетілген жағдайлардың көпшілігінде егер ол тоқтатылған болса, протеаза тежегіштерімен емдеу жалғастырылған немесе қайта жаңғыртылған. Әсер ету механизмі түсіндірілмесе де себеп-салдарлы байланыс анықталды. Сондықтан гемофилиясы бар пациенттерге жоғары қанағыштық мүмкіндігі туралы хабарлануы тиіс.

Панкреатит

Гипертриглицеридемия дамыған пациенттерді қоса, Калетраны қабылдаған пациенттерде панкреатит жағдайлары туралы хабарламалар болған. Көп жағдайларда пациенттерде анамнезінде панкреатит болғаны және/немесе панкреатитке байланысты басқа препараттармен бір мезгілде ем анықталды. Триглицеридтер деңгейінің айқын жоғарылауы панкреатиттің даму қаупінің факторы болып табылады. Үдемелі АИТВ-инфекциясы бар адамдарда триглицеридтер концентрациясының арту қаупі мен панкреатиттің дамуы жоғарылауы мүмкін. Жүрек айнуы, құсу, іштің ауыруы сияқты симптомдар дамыған немесе сарысулық липазалар немесе амилазалар деңгейінің жоғарылауы сияқты зертханалық тестілер бойынша ауытқулар болған жағдайда панкреатит даму мүмкіндігін қарастыру керек. Бұндай симптомдар пайда болған пациенттерді тексеру керек, ал егер панкреатит диагнозы анықталса, Калетра препаратымен емдеу тоқтатылуы керек («Жағымсыз әсерлері» бөлімін қараңыз).

Иммундық қайта белсенділену синдромы

Иммун тапшылығы ауыр АИТВ жұқтырған пациенттерде біріктірілген антиретровирустық емнен өту барысында (БАРЕ) шартты-патогенді микроорганизмдерге қабыну реакциясы туындауы мүмкін. Әдетте, мұндай реакциялар біріктірілген антиретровирустық ем басталғаннан кейін алғашқы апталар/айлар ішінде бақыланған. Мұның мысалдары цитомегаловирусты ретинит, жайылған және/немесе ошақтық микобактериялық инфекциялар, сондай-ақ пневмоцистік пневмония бола алады. Қабынудың бүкіл симптомдарын бағалап, ал қажет болғанда – тиісінше ем тағайындау қажет.

Иммундық қайта белсенуі жағдайындағы аутоиммундық ауруларға (Грейвс ауруы сияқты) қатысты хабарламалар да алынған. Дегенмен олардың көрініс беру уақыты әртүрлі және олар лопинавир/ритонавирмен емдеу басталғаннан кейін көп айлар өткен соң пайда болуы мүмкін.

Остеонекроз

Остеонекроз этиологиясы көп факторлы болса да (кортикостероидтар қабылдауды, алкогольді шамадан тыс пайдалануды, ауыр иммуносупрессияны, дене салмағының жоғары индексін қоса), оның жағдайлары үдемелі АИТВ-инфекциясы және/немесе ұзақ мерзімді біріктірілген вирусқа қарсы емдегі (CART) пациенттерде бақыланды. Егер науқас буындарының ауыруын, қозғалған кезде қиналыс сезінсе, дәрігерге қаралу ұсынылады.

PR аралығының ұзаруы

Лопинавир/ритонавир кейбір дені сау ересек сынақтағыларда PR аралығының орташа асимптоматикалық ұзаруын туғызған|. Анамнезінде жүрек аурулары, өткізгіштіктің бұзылуы болған науқастарда және PR | аралығын ұзартатын препараттар (мысалы, верапамил| немесе атазанавир|) алған пациенттерде лопинавир/ ритонавирді бір мезгілде қолдану кезіндегі 2-ші, 3-ші дәрежелі атриовентрикулярлы блокада туралы сирек хабарламалар бар. Калетра препаратын мұндай пациенттерге абайлап тағайындаған жөн.

Дене салмағы және метаболизм параметрлері

Вирусқа қарсы ем кезінде дене салмағының артуы және қандағы липидтер деңгейі жоғарылауы дамуы мүмкін. Бұндай өзгерістер ішінара ауру барысын және өмір салтын бақылауға байланысты болуы мүмкін. Липидтерге қатысты кейбір жағдайларда емге байланысты дәлелдер бар, сонымен бірге дене салмағы артуы үшін қандай да бір нақты емге байланысты бұндай дәлелдер жоқ. Липидтер деңгейін бақылауға қатысты АИТВ емдеу бойынша қолданыстағы нұсқаулыққа қарау керек. Липидтік бұзылуларды клиникалық практикаға сәйкес емдеу керек.

Дәрілермен өзара әрекеттесулері

Қолдануға болмайтын жағдайлар

ЭКГ жиірек бақылау және трансаминазаларға бақылау ұсынылады («Дәрілермен өзара әрекеттесуі» бөлімін қараңыз және бедаквилин қолдану бойынша нұсқаулықты қараңыз).

Калетра препаратын, әсіресе бүйрек немесе бауыр жеткіліксіздігі бар пациенттерде колхицинмен бір мезгілге тағайындауға болмайды («Дәрілермен өзара әрекеттесуі» бөлімін қараңыз).

Калетра препаратын төмендегілермен үйлестіру:

• өкпе артериялық гипертензиясын емдеу үшін көрсетілген, тадалафилмен ұсынылмайды («Дәрілермен өзара әрекеттесуі» бөлімін қараңыз);

• фузидий қышқылымен сүйек-буын инфекцияларында ұсынылмайды («Дәрілермен өзара әрекеттесуі» бөлімін қараңыз);

• салметеролмен ұсынылмайды («Дәрілермен өзара әрекеттесуі» бөлімін қараңыз);

• ривароксабанмен ұсынылмайды («Дәрілермен өзара әрекеттесуі» бөлімін қараңыз).

Калетра препаратын аторвастатинмен үйлестіру ұсынылмайды. Егер аторвастатинді пайдалану аса қажет болса, қауіпсіздігіне мұқият бақылау жағдайында аторвастатиннің ең аз болжамды дозасын қолдану керек. Калетра препаратын розувастатинмен бір мезгілде пайдаланғанда сақ болу керек және доза азайту мүмкіндігін ескеру керек. Егер ГМГ-CoA-редуктаза тежегіштерімен ем көрсетілсе, онда правастатин және флувастатин ұсынылады («Дәрілермен өзара әрекеттесуі» бөлімін қараңыз).

PDE5фосфодиэстераза тежегіштері

Калетра препаратын қолданатын пациенттерде эректильді дисфункцияны емдеу үшін силденафил немесе тадалафилді сақтықпен қолдану керек. Бұл дәрілік заттарды Калетра препаратымен бірге қолданудың олардың қан плазмасындағы концентрациясын едәуір арттыруы және артериялық гипотензия, естен тану, көрудің бұзылуы, әсері ұзартылған эрекция сияқты жағымсыз реакциялар туындатуы күтіледі («Дәрілермен өзара әрекеттесуі» бөлімін қараңыз). Аванафилді немесе варденафилді лопинавирмен/ритонавирмен бір мезгілде қолдану қарсы көрсетілімде («Дәрілермен өзара әрекеттесуі» бөлімін қараңыз). Өкпе артериялық гипертензиясы бар пациенттерде силденафилді және Калетра препаратын бір мезгілде қолдану қарсы көрсетілімде. Лопинавир/ритонавирді варденафилмен бір мезгілде қолдануға болмайды («Қолдануға болмайтын жағдайлар» бөлімін қараңыз).

Калетра препаратын және QT аралығын ұзартуға қабілетті ретінде белгілі препараттарды: хлорфенирамин, хиницин, эритромицин, кларитромицин сияқты дәрілік заттарды тағайындағанда аса сақтық танытқан жөн.

Калетра препараты бірге қабылдағанда олардың концентрациясын арттыруы және олардың жүрекке жағымсыз әсерін күшейтуі мүмкін.

Клиникаға дейінгі зерттеулерде Калетра препаратын қолданғанда жүрек тарапынан жағымсыз құбылыстар болғаны туралы хабарланды; сондықтан қазіргі уақытта жүрекке әсерін Калетра препаратымен күшейту мүмкіндігін толық жоққа шығаруға болмайды («Жағымсыз әсерлері» бөлімін қараңыз).

Калетра препаратын рифампицинмен үйлесімде тағайындау ұсынылмайды. Рифампицин Калетра препаратымен үйлесімде лопинавир концентрациясының елеулі төмендеуін туындатады, бұл өз кезегінде оның емдік әсерін елеулі азайтуы мүмкін. Лопинавир/ ритонавирдің адекватты экспозициясына Калетра препаратының жоғарырақ дозаларын пайдаланумен қол жеткізуге болады, бірақ бұл бауырға және асқазан-ішек жолдарына уытты әсерінің жоғарырақ қаупімен байланысты.

Осылайша егер ол аса қажет болмайтын болса, бұлай үйлестіріп қолданудан аулақ болу керек («Дәрілермен өзара әрекеттесуі» бөлімін қараңыз).

Калетра препаратын және флутиказонды немесе басқа да CYP3A әсерімен метаболизденетін (будесонид сияқты) глюкокортикоидтарды, Кушинг синдромын және бүйрек үсті бездерінің функциясы бәсеңдетілуін қоса, егер емнің потенциалды пайдасы жүйелі кортикостероидтардың әсері қаупінен астам болмаса бір мезгілде қолдану ұсынылмайды («Дәрілермен өзара әрекеттесуі» бөлімін қараңыз).

Басқа да жайттар

Калетра препаратын ішу арқылы қабылдауға арналған ерітіндіні қабылдайтын, әсіресе, бүйрек функциясы бұзылған немесе пропиленгликоль метаболизінің қабілеті төмендеген пациенттер (мысалы, азиялық тектес тұлғалар) пропиленгликольдің уытты әсерінен болатын жағымсыз реакциялардың (мысалы, құрысулар, мелшиіп қалу, тахикардия, гиперосмолярлық, лактатацидоз, нефроуыттылық, гемолиз) даму мүмкіндігіне байланысты қатаң қадағалануы тиіс («Қолдануға болмайтын жағдайлар» бөлімін қараңыз).

Калетра АИТВ-инфекциясынан немесе ЖИТС-тен айықтырмайды. Вирустарды вирусқа қарсы препараттармен тиімді бәсеңдетудің жыныс жолдары арқылы берілетін қауіпті елеулі төмендететіні көрсетілсе де, қалдық қауіп толық жоққа шығарылмайды. Жыныс жолдары арқылы инфекция берілуіне қарсы сақтық шараларын ұлттық нұсқауларға сәйкес қолдану керек. Калетра препаратын қабылдайтын адамдар АИТВ-пен астасқан аурулар мен ЖИТС даму қаупіне ұшырауға да бейім.

Пропиленгликольден басқа, Калетра құрамында бауыр аурулары, алкоголизм, эпилепсия, ми жарақаттанулары мен аурулары бар адамдар үшін, сондай-ақ жүкті әйелдер мен балалар үшін аса қауіпті этанол (42 көлемі %) бар. Ол өзге дәрілік заттар әсерін өзгертуі немесе күшейтуі мүмкін. Калетрада тиісінше қолданылғанда бір дозада 0,8 г дейін болатын фруктоза бар, ол туа біткен фруктоза көтере алмаушылығы бар адамдарға сай келмейді. Калетрада бір дозада 0,3 г дейін болатын глицерин бар, ол артық дозаланғанда ғана бас ауыруы мен асқазан-ішек бұзылыстарын туғыза алады. Сонымен қатар, Калетра препаратының ерітіндісінде полиоксол 40 гидрогенделген майсана майы мен калий бар, сондықтан препараттың үлкен дозаларын тұтынғанда асқазан-ішек бұзылыстары болуы мүмкін. Калий мөлшері төмен диета ұстанатын пациенттерге препаратта калий бар екенін ескерту керек.

Ішу арқылы қабылдауға арналған Калетра препараты ерітіндісінің ерекше уыттылық қаупі дәрілік зат құрамында этанол мен пропиленгликоль болуымен байланысты.

Медицина қызметкерлері ішу арқылы қолданылатын Калетра ерітіндісінің

концентрациясы жоғары және құрамында 42,4 көлемдік % этанол және 15,3% (көлемге шаққандағы салмағы) пропиленгликоль бар екенін білуі тиіс. Әр 1 мл ерітіндіде 356,3 мг спирт пен 152,7 мг пропиленгликоль бар. Дәрілік қателіктер мен артық дозалану тұрғысынан болатын қатерді жоққа тән азайту үшін Калетра препараты дозасын есептеуге, рецепт беруге, дозалау бойынша нұсқаулар мен ақпараттың таралуына ерекше көңіл бөлінуі тиіс. Бұл кішкентай балалар үшін ерекше маңызды.

Сәбиге тағайындалған дәрілердің бәріндегі этанол мен пропиленгликоль мөлшері осы қосымша заттармен уыттануды болдырмау үшін назарға алынуы тиіс. Балаларда ішу арқылы қабылдауға арналған Калетра ерітіндісімен байланысты уыттылықты, соның ішінде: сүт қышқылды ацидозбен немесе онсыз гиперосмолярлық, бүйректік уыттану, орталық жүйке жүйесінің бәсеңдеуі (соның ішінде мелшию, кома және апноэ), құрысулар, гипотония, жүрек ырғағының бұзылуы және ЭКГ өзгерістері, гемолизді ұқыпты қадағалау қажет.

Қолдануға болмайтын жағдайлар

Балаларда қолданылуы 6 айдан 18 жасқа дейінгі жастағы балаларда АИТВ жұқтырған балалар қатыстырылған клиникалық зерттеулерде жағымсыз әсерлерінің бейіні ересектердегі осындаймен ұқсас болды.Калетра препараты күніне бір рет режимінде балаларда қолданылмауы тиіс.

Жүктілік және лактация кезеңі

Әдетте, жүкті әйелдердегі АИТВ–инфекциясын емдеу үшін әрі, соған сәйкес, жаңа туған нәрестеге тікелей АИТВ берілу қатерін төмендету үшін антиретровирустық препараттар пайдалану туралы шешім қабылдағанда шаранаға төнетін қауіпсіздігін сипаттау үшін жануарларға жүргізілген зерттеулер деректеріне, сондай-ақ жүкті әйелдердегі клиникалық тәжірибеге сүйену керек.

Лопинавир/ ритонавир әсері бірінші триместр уақытындағы 1000-нан астам әйелді қоса, жүктілік кезінде 3000-нан астам әйелде зерттелді.

1989 жылдың қаңтарында негізін қалаған Жүкті әйелдердің Антиретровирустық Тізілімінің постмаркетингтік бақылауларында жүктіліктің алғашқы триместрінде лопинавир/ритонавир қабылдаған 600-ден астам әйелдер арасында туа біткен ақаулар қаупінің жоғарылауы хабарланбаған. Жүктіліктің кез келген триместрінде лопинавир қолдану кезінде туа біткен ақаулардың таралуын жалпы қауымдағы туа біткен ақаулардың таралуымен салыстыруға болады. Жалпы этиологияны көрсететін туа біткен ақаулар байқалмаған. Жоғарыда аталған деректер негізінде адамдағы мальформативті қауіп ықтималдығы аз. Клиникалық көрсетілімдерде лопинавир жүктілік кезінде пайдаланылуы мүмкін.

Лактаця кезеңі

Тышқандарға жүргізілген зерттеулер лопинавирдің сүтпен бөлінетіндігін көрсетті. Бұл дәрілік заттың әйел сүтімен бөлінетіндігі белгісіз. Жалпы қағида ретінде АИТВ берілуін болдырмас үшін АИТВ жұқтырған аналардың ешбір жағдайда баласына емшек емізбеуі ұсынылады.

Фертильділігі

Бұл зерттеулер жануарлардың фертильдігіне әсерін көрсеткен жоқ. Лопинавир/ритонавирдің адамдағы фертильдікке әсері туралы деректер жоқ.

Көлік құралын немесе қауіптілігі зор механизмдерді басқару қабілетіне дәрілік заттың ықпал ету ерекшеліктері

Препараттың көлік құралдарын және механизмдерді басқару қабілетіне әсер етуі бойынша зерттеулер жүргізілмеген. Пациенттерді Калетра препаратын қабылдау кезінде жүрек айнуы бақыланған туралы хабардар ету керек («Жағымсыз әсерлері» бөлімін қараңыз).

Калетра препаратының ішке қабылдауға арналған ерітіндісі құрамында шамамен 42 көл.% спирт бар.

Артық дозалануы

Симптомдары: сілекейдің ағуы, құсу, диарея, атаксия, кахексия, дегидратация, тремор.

Емі: тіршілік үшін маңызды функцияларды және науқастың клиникалық жай-күйін бақылау аясында жалпы емдеу. Лопинавир/ритонавир үшін арнайы антидоты жоқ. Мүмкіндігінше, құстыру немесе асқазанды шаю арқылы сіңбеген препарат қалдықтарын асқазаннан шығарған жөн. Препарат қалдықтарын оңай шығару үшін белсендірілген көмір пайдалануға болады. Лопинавир/ритонавир плазма ақуыздарымен белсенді байланысатындықтан, диализ жүргізу препараттың организмнен көбірек шығарылуына әкелмейді.

Шығарылу түрі және қаптамасы

60 мл препараттан балалардың құтыны ашып алуын кедергілейтін тетігі болатын бұралатын полипропилен қалпақшасы бар янтарь түсті полиэтилентерефталды пластик құтыда.

5 құтыдан 0.1 мл бағалау бөлігі бар 5 дозаторымен (5 мл) медициналық қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салады.

Сақтау шарттары

2ºС-ден 8ºС-ге дейінгі температурада сақтау керек. Ерітіндіні ашқаннан кейін тоңазытқыштан тыс жерде 42 күн бойы 25ºС-ден аспайтын температурада сақтауға болады, одан соң қалдығы жойылады. Тоңазытқыштан тыс жерде сақтау басталған күнді қаптамасында көрсету ұсынылады. Жылу әсерінен қорғау керек!

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Аесика Квинборо Лтд, Ұлыбритания

Тіркеу куәлігінің иесі

Эббви Биофармасьютикалс ГмбХ, Швейцария /

AbbVie Biopharmaceuticals GmbH, Switzerland.

Мекенжайы: Neuhofstrasse 23, 6341 Baar, Switzerland.

Қазақстан Республикасы аумағында тұтынушылардан өнім (тауар) сапасы жөніндегі шағымдарды қабылдайтын ұйымның мекенжайы

AbbVie Biopharmaceuticals GmbH компаниясының Қазақстан Республикасындағы өкілдігі: Алматы қ., 050044, Сатпаев к-сі 30A/1, «Тенгиз Тауэрс» ЖК, 97 кеңсе, тел. +7 727 222 14 18, факс. +7 727 398 94 88, эл.поштасы: kz_ppd_pv@abbvie.com

Қазақстан Республикасы аумағында дәрілік заттың қауіпсіздігіне тіркеуден кейінгі бақылауға жауапты ұйымның мекенжайы:

AbbVie Biopharmaceuticals GmbH компаниясының Қазақстан Республикасындағы өкілдігі: Алматы қ., 050044, Сатпаев к-сі 30A/1, «Тенгиз Тауэрс» ЖК, 97 кеңсе, тел.: +7 727 222 14 18, факс: +7 727 398 94 88, эл. поштасы: kz_ppd_pv@abbvie.com