Ингавирин® (90 мг)

• русский
• қазақша

• Скачать инструкцию медикамента

Саудалық атауы

Ингавирин®

Халықаралық патенттелмеген атауы

Жоқ

Дәрілік түрі

Капсулалар 90 мг

Құрамы

Бір капсуланың құрамында

белсенді зат – 100% затқа шаққанда имидазолилэтанамид пентандин қышқылы (витаглутам) – 90,0 мг,

қосымша заттар: лактоза моногидраты, картоп крахмалы, коллоидты кремнийдің қостотығы (аэросил), магний стеараты,

капсула қабығының құрамы: титанның қостотығы Е171, хинолинді сары бояғыш Е104, азорубин бояғыш Е122, қан қызыл бояғыш (понсо 4R) Е124, желатин,

логотипке арналған сиялар құрамы: шеллак, пропиленгликоль Е1520, титанның қостотығы Е171.

Сипаттамасы

Қызыл түсті №2 капсулалар. Капсуланың қақпақшасында сақина және сақина ішінде И әрпі түріндегі ақ түсті логотип жазылған. Капсула ішіндегісі – ақ немесе ақ дерлік түсті түйіршіктер немесе ұнтақ: жеңіл басқан кезде оңай үгілетін конгломераттар түзілуіне жол беріледі.

Фармакотерапиялық тобы

Вирусқа қарсы басқа да препараттар.

АТX коды J05AX

Фармакологиялық қасиеттері

Фармакокинетикасы

Сіңуі мен таралуы.

Ұсынылатын дозаларында қол жетімді әдістемелермен препаратты қан плазмасында анықтау мүмкін емес.

Радиоактивті белгіні пайдаланған іс-тәжірибеде анықталғаны: препарат асқазан-ішек жолынан қанға тез түседі. Ішкі ағзаларға біркелкі таралады.

Қанда, қан плазмасында және ағзалардың көбінде ең жоғары концентрацияларына препаратты енгізгеннен кейін 30 минуттан соң жетеді. Бүйрек, бауыр және өкпенің AUC шамасы (фармакокинетикалық қисық астындағы «концентрация – уақыт» ауданы) қан AUC-нан болар-болмас асады (43,77 мкг.сағат/г). Көкбауыр, бүйрекүсті безі, лимфа түйіндері мен тимус үшін AUC шамалары қан AUC-нан төмен. Қандағы MRT (препаратты ұстап тұратын орташа уақыт) – 37,2 сағат.

Препаратты тәулігіне бір рет курстық қабылдау кезінде ішкі ағзалар мен тіндерде оның жинақталуы жүреді. Сондай-ақ, препараттың әр енгізілуінен кейін фармакокинетикалық қисықтарының сапалық сипаттамалары ұқсас болды: препарат концентрациясының қабылдағаннан соң әрбір 0,5-1 сағат сайынғы әрбір енгізуден кейін тез жоғарылауы және 24 сағатқа жақындағанда баяу төмендеуі.

Метаболизмі.

Препарат организмде метаболизденбейді және өзгеріссіз күйде шығарылады.

Шығарылуы.

Негізгі шығарылу үдерісі 24 сағат ішінде жүреді. Осы кезеңде қабылданған дозасының 80% шығарылады: 0-ден 5 сағатқа дейінгі уақыт аралығында 34,8% және 5-тен 24 сағатқа дейінгі уақыт аралығында 45,2% шығарылады. Олардың 77% ішек арқылы және 23% бүйрек арқылы шығарылады.

Фармакодинамикасы

Вирусқа қарсы препарат.

Клиникаға дейінгі және клиникалық зерттеулерде Ингавирин® препаратының A типті (A(H1N1), соның ішінде «шошқа» A(H1N1)pdm09, A(H3N2), A(H5N1)) және В типті тұмау вирустарына, аденовирусқа, парагрипп вирусына, респираторлық-синцитиальді вирусқа; клиникаға дейінгі зерттеулерде: коронавирусқа, метапневмовирусқа, энтеровирустарға, оның ішінде Коксаки вирусы және риновирусқа қатысты тиімділігі көрсетілген.

Ингавирин® препараты вирустардың жылдам сыртқа шығарылуына, ауру созылуын қысқартуға, асқынулар даму қаупінің азаюына ықпал етеді.

Әсер ету механизмі вирустық ақуыздармен бәсеңдетілетін туа біткен иммунитет факторларын көтермелеу есебінен инфекцияланған жасушалар деңгейінде жүзеге асырылады. Іс-тәжірибелік зерттеулерде, атап айтқанда IFNAR бірінші типті интерферон рецепторы экспрессиясын Ингавирин® препаратының эпителиальді және иммунокомпетентті жасушалардың беткейінде арттыратыны көрсетілген. Интерферондық рецепторлар тығыздығының ұлғаюы эндогендік интерферон сигналдарына жасушалар сезімталдығының жоғарылауына әкеледі. Вирусқа қарсы гендер индукциясы үшін жасушалар ядросына сигнал беретін ақуыз-трансмиттер STAT1 активациясымен (фосфорланумен) қатар жүреді. Инфекция жағдайында препарат әртүрлі вирустар рибонуклеопротеидтарының жасушаішілік тасымалдануын тежейтін МхА вирусқа қарсы әсер етуші ақуыз өндірілуін, вирустық репликация үдерісін баяулата отырып, көтермелейтіні көрсетілген.

Ингавирин® препараты қандағы интерферон құрамын физиологиялық нормаға дейін арттырады, қан лейкоциттерінің төмендеген α-интерферон-өндіруші қабілетін қалыпқа келтіреді және көтермелейді, лейкоциттердің γ-интерферон өндіруші қабілетін көтермелейді.

Цитоуытты лимфоциттердің генерациясын тудырады және вирустар жұқтырған жасушаларға қатысты жоғары киллерлік белсенділікке ие NK-T жасушалардың құрамын арттырады.

Қабынуға қарсы әсері басты қабыну цитокиндерінің (ісік некрозы факторы (TNF-α), интерлейкиндердің (IL-1β және IL-6)) өнімділігін бәсеңдетуіне, миелопероксидаза белсенділігін төмендетуіне негізделген.

Іс-тәжірибелік зерттеулерде Ингавирин® препаратын антибиотиктермен бірге пайдалану, оның ішінде пенициллинге төзімді стафилококк штамдары туындатқан бактериялық сепсис моделінде емнің тиімділігін жоғарылатынын көрсеткен.

Жүргізілген іс-тәжірибелік токсикологиялық зерттеулер препараттың уыттылық деңгейінің төмендігін және қауіпсіздік бейінінің жоғарылығын дәлелдейді.

Жедел уыттылық параметрлері бойынша Ингавирин® препараты «Уыттылығы аз заттар» - 4 уыттылық класына жатады (жедел уыттылық бойынша іс-тәжірибеде LD50 анықтаған кезде препараттың өлімге әкелетін дозасын анықтау мүмкін болмаған).

Препараттың мутагендік, иммуноуыттылық, аллергия тудырушы және канцерогендік қасиеттері жоқ, жергілікті тітіркендіргіш әсер бермейді. Ингавирин® ұрпақ өрбіту функциясына әсер етпейді, эмбриоуыттылық және тератогендік әсер бермейді.

.

Қолданылуы

- А және В тұмауы мен басқа жедел респираторлық вирустық инфекцияларды (аденовирустық инфекция, парагрипп, респираторлы-синцитиальді инфекция) емдеуде және профилактикасында

Қолдану тәсілі және дозалары

Ішке, тамақтануға байланыссыз.

Тұмау және жедел респираторлық вирустық инфекцияны емдеу үшін 90 мг-ден күніне 1 рет тағайындайды.

Емдеу ұзақтығы 5-7 күн (жағдайдың ауырлығына байланысты). Препаратты қабылдауды аурудың бірінші симптомдары пайда болғанда, ең дұрысы ауру басталғаннан 2 тәуліктен кешіктірмей бастаған дұрыс.

Науқастармен қатынаста болғаннан кейін тұмау және жедел респираторлық вирустық инфекцияның профилактикасы үшін 90 мг-ден күніне 1 рет, 7 күн бойы тағайындайды.

Жағымсыз әсерлері

Сирек

- аллергиялық реакциялар

Қолдануға болмайтын жағдайлар

- препараттың белсенді затына немесе кез келген басқа да компонентіне жоғары сезімталдық

- лактаза тапшылығы, лактоза жақпаушылығы, глюкоза-галактоза мальабсорбциясы

- жүктілік

- лактация кезеңі

- 18 жасқа дейінгі балалар мен жасөспірімдер

Дәрілермен өзара әрекеттесуі

Ингавириннің® басқа да дәрілік препараттармен өзара әрекеттесу жағдайлары анықталмаған.

Айрықша нұсқаулар

Басқа вирусқа қарсы препараттармен бір мезгілде қабылдау ұсынылмайды.

Жүктілік және лактация кезеңі

Препараттың жүктілік кезінде қабылдануы зерттелмеген.

Препараттың лактация кезінде қабылдануы зерттелмеген, сондықтан препаратты лактация кезеңінде қолдану қажет болса, емшек емізуді тоқтату керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат тыныштандыратын әсер бермейді, психомоторлық реакция жылдамдығына әсер етпейді және әртүрлі мамандық иелерінде, соның ішінде жоғары зейін шоғырландыру мен қимыл-қозғалыс үйлесімін талап ететін тұлғаларда пайдаланылады.

Артық дозалануы

Препараттың артық дозаланған жағдайлары сипатталмаған.

Шығарылу түрі және қаптамасы

90 мг капсулалар.

7 капсуладан поливинилхлоридті үлбір мен баспалы лакталған алюминий фольгадан жасалған пішінді ұяшықты қаптамада.

Бір пішінді ұяшықты қаптама мемлекеттік және орыс тіліндегі медициналық қолдану жөніндегі нұсқаулықпен бірге картон қорапшаға салынады.

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Сақтау шарттары

Жарықтан қорғалған жерде, 25 °С-ден аспайтын температурада.

Балалардың қолы жетпейтін жерде сақтау керек.

Дәріханалардан босатылу шарттары

Рецептісіз

Өндіруші

«Валента Фармацевтика» ашық акционерлік қоғамы, Ресей

141101, Щелково қ., Мәскеу обл., Фабричная к-сі, 2

Тіркеу куәлігінің иесі

«Валента Фармацевтика» ашық акционерлік қоғамы, Ресей

141101, Щелково қ., Мәскеу обл., Фабричная к-сі, 2

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Валента Азия» ЖШС Қазақстан Республикасы, 050009, Алматы қ., Абай д-лы, Радостовец көш. бұрышы, 151/115, «Алатау» бизнес орталығы, № 1102 кеңсе

Телефон/факс 8 (727) 334-15-51

Электрондық пошта: asia@valentapharm.com