Дротаверин (раствор для инъекций, 20 мг/мл)

• русский
• қазақша

• Скачать инструкцию медикамента

Саудалық атауы

Дротаверин

Халықаралық патенттелмеген атауы

Дротаверин

Дәрілік түрі

Инъекцияға арналған 20 мг/мл ерітінді

Құрамы

Бір ампуланың ішінде:

белсенді зат – дротаверин гидрохлориді – 40 мг;

қосымша заттар – натрий метабисульфиті, натрий ацетаты тригидраты, сірке қышқылы, этил спирті, инъекцияға арналған су.

Сипаттамасы

Сарыдан сарғыш-жасыл түске дейінгі мөлдір сұйықтық.

Фармакотерапиялық тобы

АІЖ функциональдік бұзылыстарын емдеуге арналған препараттар.

Папаверин және оның туындылары. Дротаверин.

АТХ коды А03АD02.

Фармакологиялық қасиеттері

Фармакокинетикасы

Дротаверин пероральді қабылдаудан кейінгі сияқты, парентеральді енгізуден кейін де жылдам және толықтай сіңеді. Жоғары дәрежеде (95-98 %) қан плазмасы ақуыздарымен, әсіресе альбуминмен, гамма- және бета-глобулинмен байланысады. Бауырда метаболизденеді. Жартылай шығарылуы кезеңі 2,4 сағ құрайды.

Негізінен бүйрек арқылы (метаболиттер түрінде), аз дәрежеде – өтпен шығарылады. Гематоэнцефалдық бөгет (ГЭБ) арқылы өтпейді.

Фармакодинамикасы

Дротаверин изохинолин туындысы болып табылады, ол фосфодиэстераза IV (ФДЭ IV) ферментін басу жолымен тегіс бұлшықетке спазмолитикалық әсерін білдіреді. Фосфодиэстераза IV ферментін тежеу цАМФ концентрациясының жоғарылауына алып келеді, ол миозин (MLCK) киназасының жеңіл тізбегін белсенсіздендіреді, бұл өз кезегінде тегіс бұлшықеттің босаңсуына алып келеді. Химиялық құрылымы және фармакологиялық қасиеттері жағынан папаверинге жақын, бірақ оған қарағанда әсер етуі күштілеу және ұзағырақ болып келеді.

Ішкі ағзалардың тегіс бұлшықеттер тонусын және қимыл - қозғалыс белсенділігін төмендетеді, қантамырларды кеңейтеді.

Миокард пен тамырлардың тегіс бұлшықет жасушаларында, цАМФ гидролизі негізінен ФДЭ III изоэнзимінің қатысуымен жүреді, бұл дротавериннің жүрек қантамыр жүйесіне айқын емдік әсері мен күрделі жүрек қантамырлық жағымсыз құбылыстардың дамуы болмаған кезде спазмолитик ретінде жоғары таңдамалы әсер етуін көрсетеді.

Дротавериннің артықшылығы, папаверинді парентеральді енгізуден кейін байқалатын тыныс алу жүйесіне стимуляциялаушы әсер иеленбеуі болып табылады.

Қолданылуы

- билиарлы жолдың ауруларымен байланысты, тегіс бұлшықет түйілулерінде: холецистолитиаз, холангиолитиаз, холецистит, перихолецистит, холангит, папиллит;

- несеп шығару жолдарының тегіс бұлшықет түйілулерінде: нефролитиаз, уретролитиаз, пиелит, цистит, қуық тенезмі;

- гинекологиялық ауруларда: дисменорея.

Қосымша ем ретінде (емделуші таблетканы қабылдай алмағанда):

- асқазан‑ішек жолының тегіс бұлшықет түйілулерінде: асқазан және он екі елі ішектің ойық жара ауруы, гастрит, кардиялық бөлімнің және қақпаның түйілуі, энтерит, колит.

Қолдану тәсілдері және дозасы

Ересектер үшін дротаверин гидрохлоридінің орташа тәуліктік дозасы бұлшықет ішіне 40-240 мг (тәулігіне 1 - 3 енгізуге бөлінген) құрайды. Жедел шаншуларда (бүйрек - тас немесе өт -тас ауруында) - 40 - 80 мг (2 - 4 мл препарат) баяу көктамыр ішіне.

Жағымсыз әсерлері

Сирек

- бас ауыру, бас айналу, ұйқысыздық

- жүрек айну, қатты іш қату

- жүрек қағуының жиілеуі, артериялық қысымның төмендеуі

- аллергиялық реакциялар (ангионевроздық ісіну, есекжем, бөртпе, қышыну).

- инъекция енгізу орнындағы реакциялар

Өте сирек

- анафилактикалық шок.

Қолдануға болмайтын жағдайлар

- белсенді затқа немесе препараттың кез келген қосымша заттарына жоғары сезімталдық

- натрий бисульфитіне жоғары сезімталдық

- бүйрек немесе бауырдың ауыр жеткіліксіздігі

- жүректің ауыр жеткіліксіздігі

- глаукома

- 18 жасқа дейінгі балаларға және жасөспірімдерге

Дәрілермен өзара әрекеттесуі

Дротаверин леводопаның паркинсонизмге қарсы әсерін әлсіретуі мүмкін.

Дротаверин папавериннің, бендазолдың және басқа да спазмолитиктердің (оның ішінде М-холиноблокаторлардың) әсерін күшейтеді.

Дротаверинмен үшциклді антидепрессанттарды, хинидинді және прокаинамидті бір мезгілде қолданғанда гипотензивті әсері күшейеді.

Дротаверин морфиннің спазмогендік белсенділігін азайтады.

Фенобарбитал дротавериннің спазмолитикалық әсерінің айқындығын жоғарылатады.

Айрықша нұсқаулар

Гипотензия кезінде дәрілік заттарды қолдану жоғары сақтықты қажет етеді.

Дротаверинді көктамыр ішіне енгізгенде – коллапс даму қаупіне байланысты – науқас жатуы тиіс!

Натрий пиросульфитіне жоғары сезімталдық жағдайында дәрілік затты парентеральді қолданудан аулақ болу керек. Дәрілік зат құрамында натрий пиросульфиті бар, ол сезімтал адамдарда, әсіресе демікпесі немесе сыртартқысында аллергиялық аурулары бар адамдарда анафилактикалық симптомдарды және бронх түйілуін қоса алғанда, аллергиялық типті реакцияларды туындатуы мүмкін.

Жүктілік және лактация кезеңі

Дротаверинді жүктілік кезеңінде парентеральді қолдану тератогенді және эмбриоуытты әсерлерге әкелмейді. Алайда, жүктілік кезінде дәрілік затты тағайындағанда сақтық қажет.

Дротаверинді босану кезінде қолдануға болмайды.

Қажетті клиникалық мәліметтердің жоқтығына байланысты лактация кезеңінде тағайындау ұсынылмайды.

Автокөлікті жүргізу және механизмдерді басқару қабілетіне ықпалы

Дәрілік затты парентеральді енгізуден, әсіресе көктамырішіне енгізуден соң, науқастардың көлік құралын жүргізуді және физикалық және психикалық реакция жылдамдығын қажет ететін, қауіптілігі зор қимыл әрекетпен айналысуды парентеральді енгізуден кейін 1 сағ бойы тоқтата тұрғаны жөн.

Артық дозалануы

Симптомдары: жоғары дозаларында жүрекшелік - қарыншалық өткізгіштікті бұзады, жүрек бұлшықетінің қозуын төмендетеді, жүректің тоқтап қалуын және тыныс алу орталығының салдануын туындатуы мүмкін. Емі: симптоматикалық.

Шығарылу түрі және қаптамасы

2 мл-ден шыны ампулаларда.

Поливинилхлоридті үлбірден жасалған қосымшаларда 10 ампуладан. 1 қосымшадан ампуланы ашуға арналған пышақпен немесе скарификатормен және медициналық қолдану жөніндегі мемлекеттік және орыс тілдеріндегі нұсқаулықпен бірге хром-эрзац картоннан жасалған қорапшаға салынған.

10 ампуладан ампуланы ашуға арналған пышақпен немесе скарификатормен және медициналық қолдану жөніндегі мемлекеттік және орыс тілдеріндегі нұсқаулықпен бірге ампуланы бекітуге арналған картонды қосымшасы бар картоннан жасалған қорапшаға салынған.

Пәшкелер топтық қаптамаға қапталады.

Сындыру сақинасы бар немесе кертігі немесе сындыру нүктесі бар ампуланы пайдаланған жағдайда, ампуланы ашуға арналған пышақты немесе скарификаторды салу қарастырылмайды.

Сақтау шарттары

Жарықтан қорғалған жерде, 15 °С-ден 25 °С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Борисов медициналық препараттар зауыты» ашық акционерлік қоғамы, Беларусь Республикасы, Минск облысы, Борисов қ., Чапаев к-сі, 64, тел/факс 8-(10375177)734043.

Тіркеу куәлігінің иесі

«Борисов медициналық препараттар зауыты» ашық акционерлік қоғамы, Беларусь Республикасы

Қазақстан Республикасы аумағында тұтынушылардан өнім (тауар) сапасы жөніндегі шағымдарды қабылдайтын ұйымның мекенжайы

«Борисов медициналық препараттар зауыты» ашық акционерлік қоғамы, Беларусь Республикасы, Минск облысы, Борисов қ., Чапаев к-сі, 64, тел/факс 8-(10375177)734043, электронды поштасы market@borimed.com