Дазолик

• русский
• қазақша

• Скачать инструкцию медикамента

Саудалық атауы

Дазолик

Халықаралық патенттелмеген атауы

Орнидазол

Дәрілік түрі

Үлбірлі қабықпен қапталған 500 мг таблеткалар

Құрамы

Бір таблетканың құрамында

белсенді зат – 500 мг орнидазол,

қосымша заттар: крахмал, микрокристалды целлюлоза, натрий лаурилсульфаты, повидон К 90, тазартылған тальк, магний стеараты, коллоидты сусыз кремнийдің қостотығы, натрий крахмалының гликолляты (А типі),

қабығы: негізгі бутилметакрилаттың сополимері, титанның қостотығы (Е171), полиэтиленгликоль 6000, изопропил спирті, ацетон, тазартылған су.

Сипаттамасы

Дөңгелек пішінді, екі беті дөңес, бір жағында сызығы бар, үлбірлі қабықпен қапталған, ақ түсті таблеткалар.

Фармакотерапиялық тобы

Басқа да бактерияға қарсы препараттар. Имидазол туындылары. Орнидазол.

АТХ коды J01XD03

Фармакологиялық қасиеттері

Фармакокинетикасы

Ішке қабылдағаннан кейін Дазолик препаратының әсер етуші заты орнидазол асқазан-ішек жолында толығымен дерлік сіңеді.

Ішу арқылы 1,5 мг дозасын қабылдағаннан кейін қан плазмасындағы 30 мкг/мл-ге тең ең жоғары концентрациясына қабылдағаннан кейін 3 сағат ішінде жетеді және 24 және 48 сағат аралығында сәйкесінше 9 мкг/мл және 2,5 мкг/мл дейін төмендейді. Ішу арқылы 750 мг дозаны қабылдағаннан кейін қан плазмасындағы 11 мкг/мл-ге тең ең жоғары концентрациясына қабылдағаннан кейін 2-3 сағат аралығында жетті. Ішу арқылы 500 мг дозаны қабылдағаннан кейін қан плазмасындағы 7,8 мкг/мл-ге және 7 мкг/мл-ге тең ең жоғары концентрациясына сәйкесінше 1,2 және 4 сағат аралықтарында жетті.

Орнидазолдың плазма ақуыздарымен байланысуы 15%-ға жуық және одан төмен. Орнидазол жұлын сұйықтығына, организмнің басқа сұйықтарына және тіндеріне жақсы енеді. Қынап сұйықтығындағы орнидазол концентациясы бір реттік дозасын ішке қабылдағаннан соң 24 сағаттан кейін байқалады және қан плазмасындағы концентрациясындағыдай болып келеді Таралу көлемі шамамен 0.9л/кг жуық.

Орнидазол, негізінен, бауырда метаболизмге гидролиз және оксидация жолдары арқылы ұшырайды. Орнидазолдың 5 метаболиті анықталған, олардың екеуінде антибактериялық белсенділік бар, бірақ Trichomonas vaginalis - ге және анаэробты бактерияларға, өзгермеген орнидазолға қарағанда, белсенділігі төмен.

Орнидазолдың көп бөлігі метаболиттер түрінде несепке бөлінеді, сонымен қатар дозасының 4% -ға жуығы өзгермеген күйде шығарылады. Орнидазолдың қан плазмасынан клиренсі 45 тен 50 мл/мин дейінді құрайды. Асқазан-ішек жолы арқылы ішке қабылданған дозаның 22%-ға дейінгісі шығарылады. Кейде орнидазол мен оның метаболиттерінің билиарлы экскрециясы байқалады. Орнидазолдың жартылай шығарылу кезеңі 11-ден 14 сағатқа дейін. Орнидазолдың және оның негізгі М1, М2 метаболиттерінің жартылай шығарылу кезеңі бауыр қызметі бұзылған науқастарда ұзарады.

Фармакодинамикасы

Дазолик бактерияға қарсы және протозойға қарсы әсерге ие.

Дазолик препаратының белсенді заты - орнидазол микробтық жасушаның дезоксирибонуклеин қышқылымен (ДНҚ) өзара әрекеттесе отырып спиральдық құрылымның бұзылуын, тізбегінің ажырауын туындатады, нуклеин қышқылдарының синтезін басады және микробтық жасушалардың және қарапайымдар жасушаларының өлімін туындатады.

Дазолик Trichomonas vaginalis, Gardenella vaginalis, Giardia lamblia және Entamoeba histolytica туындатқан протозойлық жұқпаларды емдеу кезінде, сондай-ақ анаэробтық жұқпалардың кейбір қоздырғыштарына қатысты - Peptostrepococcus, Peptococcus, Bacteroides, Clostridium және Fusobacterium (ең төменгі тежегіш концентрация < 4 мкг/мл) тиімді.

Қолданылуы

- ішек амебиазында және бауыр амебиазында

- лямблиозда

- несеп-жыныс жолдарының трихомониазында

- бактериялық вагинитте

- сезімтал микроорганизмдер туындатқан анаэробтық жұқпаларда

Қолдану тәсілі және дозалары

Амебиаз

Ересектерге – күніне екі рет 500 мг, 5күн бойы ішу арқылы

6 жастан асқан балаларға – кг дене салмағына 10-25 мг-ден екі қабылдауға бөліп 5 күн бойы.

Амебалық дизентерия

Ересектерге – 3 күн бойы бір рет 1.5 г.

6 жастан асқан балаларға – кг дене салмағына 40 мг бір рет, 3 күн бойы.

Лямблиоз

Ересектерге – 1 -2 күн бойы бір рет 1.5 г.

6 жастан асқан балаларға – 2 күн бойы кг дене салмағына 40 мг.

Трихомониаз

Бір рет 1.5 г, ішу арқылы немесе күніне екі рет 500 мг-ден 5 күн бойы.

Жыныстық серіктестер де осындай емді қабылдаулары тиіс.

Бактериялық вагинит

Бір қабылдағанда үш таблеткадан немесе Дазоликтің 1 таблеткасын 5 – 7 күн бойы бір рет.

Жағымсыз әсерлері

- жүрек айнуы, құсу, диспепсия, эпигастрий тұсының ауыруы, ауыздың құрғауы, тәбеттің жоғалуы, дәм сезудің бұрмалануы

- аллергиялық реакциялар (тері бөртпесі, қышыну)

Сирек

- полиурия (ангиотензин ІІ рецепторларын ішінара бөгеуі мүмкін болғандықтан)

- ұйқышылдық, бас ауыруы, бас айналуы, шаршағыштық, уақытша естен тану, ОЖЖ (атаксия, дизартрия, тремор, құрысулар) және шеткергі жүйкелердің (күйдіру сезімі, аяқ-қолдардың ұюы, парестезиялар) зақымданулары

- лейкопоэз бәсеңдеуі, лейкопения

- «бауыр» ферменттері белсенділігінің өзгеруі

Қолдануға болмайтын жағдайлар

- орнидазолға және имидазолдың басқа да туындыларына аса жоғары сезімталдық

- орталық жүйке жүйесі (ОЖЖ) қызметінің бұзылулары: эпилепсия немесе шеткергі нейропатия

- бауыр аурулары

- гемодиализ

- алкоголь қабылдау

- жүктілік және лактация кезеңі

- 6 жасқа дейінгі балаларға

Дәрілермен өзара әрекеттесуі

Нитроимидазолдың басқа туындыларына қарағанда Дазолик альдегиддегидрогеназаны тежемейді, сондықтан дисульфирам сияқты жағымсыз әсерлерді туындатпайды. Алайда Дазолик кумариндік қатардағы ішілетін антикоагулянттардың әсерін көтермелейді, бұл дозасын тиісінше түзетуді талап етеді. Орнидазол векоруний бромидінің миорелаксациялаушы әсерін ұзартады. Орнидазолдың 5-фторурацил клиренсін арттыратыны хабарланған.

Препараттың концентрациясы микросомалық ферменттердің (фенобарбитал, рифампицин) индукторларымен бір мезгілде қолданғанда төмендейді және бауырдың микросомалық жүйелерінің тежегіштерімен, атап айтқанда, Н2-рецепторлардың бөгегіштерімен (циметидинмен) бір мезгілде қолданғанда артады.

Айрықша нұсқаулар

Орнидазолды атаксиясы бар, басы айналатын және психикасы бұзылған науқастарға сақтықпен тағайындау талап етіледі, өйткені препараттың орталық және шеткергі жүйке жүйесінің бұзылуы бар науқастардың психикалық жай-күйін нашарлатқаны жайлы хабарланған. Дазоликті бауыр қызметінің жеткіліксіздігі бар науқастарға (дозасын азайту қажет), қан түзілуінің бұзылулары бар науқастарға (лейкопенияның, нейтропенияның даму қаупі жоғары) сақтықпен тағайындау керек.

Трихомониаз кезінде жыныстық жұптардың бір мезгілде емделуі ұсынылады.

Дәрілік заттың көлік құралдарын немесе қауіпті механизмдерді басқару қабілетіне әсер ету ерекшеліктері

Дәрілік препараттың жағымсыз әсерлерін ескере отырып, көлік құралдарын немесе қауіпті механизмдерді басқарған кезде сақ болу керек.

Артық дозалануы

Симптомдары: жағымсыз әсерлерінің күшеюі.

Емі: белгілеріне қарай, арнайы у қайтарғысы белгісіз, құрысулар кезінде диазепам тағайындалады.

Шығарылу түрі және қаптамасы

Алюминий фольгадан жасалған пішінді ұяшықсыз қаптамада 10 таблеткадан. 1 және 5 пішінді ұяшықсыз қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

Құрғақ, жарықтан қорғалған жерде, 25С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші ұйымның атауы және елі

Sun Pharmaceutical Industries Ltd, Үндістан

Заңды мекенжайы:

Acme Plaza, Andheri-Kurla Road,

Andheri (E), Mumbai 400 059, Үндістан

Өндірістің орналасқан мекенжайы:

Survey #214, Govt. Ind. Estate, Phase II,

Silvassa-396230, U.T of D&NH, Үндістан

Тіркеу куәлігі иесінің атауы мен елі

Sun Pharmaceutical Industries Ltd, Үндістан

Қаптаушы ұйымның атауы мен елі

Sun Pharmaceutical Industries Ltd, Үндістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

050004, Алматы қ., Төлебаев к-сі, 38, 5 қабат

Тел. (727) 250-92-35, факс (727) 250-33-64

sunreports@intelsoft.kz, sunalmaty@intelsoft.kz