Гликлада® CP

• русский
• қазақша

• Скачать инструкцию медикамента

Саудалық атауы

Гликлада СР

Халықаралық патенттелмеген атауы

Гликлазид

Дәрілік түрі

Босап шығуы өзгертілген таблеткалар 60 мг

Құрамы

Бір таблетканың құрамында

белсенді зат – 60 мг гликлазид,

қосымша зат: гипромеллоза 100 mPa.s/тип 2208, лактоза моногидраты, сусыз коллоидты кремнийдің қостотығы, магний стеараты.

Сипаттамасы

Сопақша пішінді, екі жақ беті дөңес, ақ немесе ақ дерлік түсті таблеткалар.

Фармакотерапиялық тобы

Қантты төмендету үшін пероральді түрде қолданылатын препараттар. Сульфонилмочевина туындылары. Гликлазид.

АТХ коды A10BB09

Фармакологиялық қасиеттері

Фармакокинетикасы

Сіңуі

Препаратты ішке қабылдағаннан кейін гликлазид толық сіңеді. Тамақтану сіңу жылдамдығына және дәрежесіне әсер етпейді.

Плазмалық концентрациялары препратты қабылдағаннан кейін алғашқы 6 сағат ішінде тез жоғарылап, ең жоғарғы шегіне жетеді, бұл 6 сағаттан 12 сағатқа дейін сақталады.

Жекелей құбылмалылығы төмен.

Таралуы

Қан плазмасы ақуыздарымен байланысуы – 95%. Босап шығуы модификацияланған Гликлада СР таблеткасының тәуліктік дозасын қабылдау 24 сағат бойы гликлазидтің плазмадағы тиімді концентрациясын қамтамасыз етеді.

Метаболизмі және шығарылуы

Гликлазид негізінен бауырда метаболизденеді. Негізінен бүйректер арқылы несеппен бірге фармакологиялық тұрғыдан белсенді емес метаболиттер түрінде, 1%-дан азы өзгермеген күйінде шығарылады.

Жартылай шығарылу кезеңі 12 сағаттан 20 сағатқа дейінді құрайды.

Дозаға байланыстылық/дозаға байланыссыздық

120 мг-ға дейін қабылданған доза мен AUC («концентрация-уақыт» қисығы астындағы аудан) арасындағы өзара байланыс дозаға байланысты болып табылады.

Егде жастағы емделушілерде фармакокинтикасында клиникалық тұрғыдан маңызды елеулі айырмашылықтар байқалған жоқ.

Фармакодинамикасы

Гликлада® СР – сульфонилмочевина туындылары тобына жататын пероральді гипогликемиялық препарат, ол осыған ұқсас препараттардан эндоциклдік байланысы бар, құрамында N болатын гетероциклдік сақинасымен ерекшеленеді.

Гликлада® СР қандағы глюкоза концентрациясын төмендетіп, инсулин секрециясын Лангерганс аралшаларының β-жасушаларымен стимуляциялайды. Постпрандиальді инсулин мен С-пептид деңгейінің жоғарылауы 2 жыл емделгеннен кейін де сақталады. Метаболизмдік қасиеттерімен қатар, гликлазид гемоваскулярлық әсер береді.

Инсулин секрециясына ықпалы

Қант диабетінің 2 типінде Гликлада® СР глюкозаның түсуіне жауап ретінде инсулин секрециясының ерте ең жоғарғы шегін қалпына келтіреді және инсулин секрециясының екінші фазасын күшейтеді. Инсулин секрециясының едәуір жоғарылауы ас немесе глюкоза қабылдаумен жүзеге асатын стимуляцияға жауап ретінде байқалады.

Гемоваскулярлық әсерлері

Гликлада® СР ұсақ қантамырлардың тромбозы қаупін екі механизммен төмендетеді, олар қант диабетінде асқынулардың пайда болуына себеп болуы мүмкін:

- тромбоциттердің агрегациясы мен адгезиясын ішінара тежейді және тромбоциттердің (бета-тромбоглобулин, тромбоксан В2) белсенділену факторларының концентрациясын төмендетеді

- қантамырлық эндотелийдің фибринолитикалық белсенділігіне әсер етеді және плазминогеннің тіндік белсенділендіргішінің белсенділігін арттырады.

Қолданылуы

- инсулинге тәуелді емес 2 типті қант диабетінде (қандағы глюкоза деңгейін талапқа сай бақылау үшін бұған дейін тағайындалған диетотерапия, дене жүктемесі және дене салмағын төмендету шаралары тиімсіз болғанда)

Қолдану тәсілі және дозалары

Ересектерге

Препарат ішке қолданылады.

Тәуліктік дозасы тәулігіне 30 мг-нан 120 мг-ға дейін өзгеріп отыруы мүмкін, препаратты таңертеңгі тамақтану кезінде бір рет қабылдау керек.

Таблеткаларды бүтіндей жұту керек.

Егер емделуші препараттың қажетті дозасын қабылдауды ұмытып кетсе, онда келесі күні дозаны екі еселеуге болмайды.

Қант мөлшерін төмендететін басқа да дәрілер сияқты Гликлада® СР препаратының дозасы әрбір науқасқа оның жекелей метаболиттік қажеттілігіне байланысты таңдап алынуы тиіс.

Бастапқы дозасы

Батапқы ұсынылатын доза – тәулігіне 30 мг (1 таблетка Гликлада®, ұзақ әсерлі таблеткалар, 30 мг).

Қандағы глюкозаны бақылаған жағдайда, препаратты осы дозада демеуші ем үшін пайдалануға болады.

Қандағы глюкоза талапқа сай бақыланбағанда, препарат дозасын күніне 60, 90 немесе 120 мг-ға дейін біртіндеп арттыруға болады. Әрбір дозаны арттыру арасындағы аралық, қандағы глюкоза концентрациясы екі апта емдеуден кейін төмендемейтін емделушілерден басқасында, кем дегенде 1 айды құрауы тиіс. Мұндай жағдайларда препарат дозасын емдеудің екінші аптасының соңында арттыруға болады.

Ұсынылатын ең жоғары тәуліктік доза – 120 мг (босап шығу ұзаққа созылатын Гликлада® СР 2 таблеткасы).

Босап шығуы ұзаққа созылатын Гликлада® СР препаратының бір таблеткасы ұзақ әсерлі 30 мг Гликладаның® екі таблеткасына баламалы.

80 мг гликлазид таблеткаларымен (тез босап шығатын) емдеуден ұзақ әсерлі 30 мг Гликлада® таблеткаларымен емдеуге ауысу.

80 мг гликлазидтің бір таблеткасы ұзақ әсерлі 30 мг Гликладаның® бір таблеткасымен бірдей.

Таблетканың бір түрінен басқасына ауысу қандағы глюкоза концентрациясын мұқият бақылай отырып жүргізілуі тиіс.

Диабетке қарсы басқа препараттардан босап шығуы модификацияланған Гликлада® СР таблеткаларымен емдеуге ауысу.

Гликлада® СР таблеткаларын диабетке қарсы басқа препараттармен бірге қолдануға болады. Гликлада® СР таблеткасын қабылдауға ауысқанда басқа препараттың дозасын және жартылай шығарылу кезеңін ескерген жөн және емделуші дәрігердің бақылауында болуы тиіс.

Ауыспалы кезең әдетте қажет емес. Гликлазидтің бастапқы тәуліктік дозасы 30 мг (1 таблетка Гликлада®, ұзақ әсерлі 30 мг таблеткалар) құрауы тиіс және ол жоғарыда сипатталғандай, нақты емделушідегі гликемия деңгейіне байланысты өзгеруі мүмкін.

Қантты төмендететін дәрілерден, жартылай шығарылу кезеңі үлкен сульфонилмочевина туындыларынан ауысқанда, екі препарат әсерінің потенциялану салдары ретінде гипогликемиялық жағдайды болдырмау үшін, ем жүргізілмейтін бірнеше күн қажет болуы мүмкін. Гликлада® таблеткаларымен емдеуге ауысқанда емді бастаған кездегі принципті сақтау, яғни тәулігіне 30 мг дозадан бастау, содан кейін оны емделушінің метаболизмдік көрсеткіштеріне байланысты біртіндеп арттыру керек.

Диабетке қарсы басқа дәрілермен біріктіріп емдеу

Гликлазидті бигуанидтармен, α-глюкозидаза тежегіштерімен немесе инсулинмен біріктіріп қолдануға болады. Инсулинмен бір мезгілде емдеу мұқият медициналық бақылау жағдайында басталуы тиіс.

Егде жастағы (65 жастан асқан) емделушілер

Препарат дозасын түзету қажет емес.

Бүйрек қызметінің жеңіл немесе орташа бұзылулары бар емделушілер

Мұндай емделушілерде препарат бүйрек қызметі сақталғанда ұсынылатын әдеттегі дозаларда, емделушіні мұқият бақылауға ала отырып, қолданылуы мүмкін.

Гипогликемия қаупі бар емделушілер

Келесі емделушілерде гипогликемия қаупі жоғарылаған:

- тамақтануы жеткіліксіз

- ауыр немесе орны толтырылмаған эндокриндік аурулары бар

(гипофизарлық және адренокортикотроптық жеткіліксіздік)

- кортикостероидтармен ұзақ немесе жоғары дозаларда емдеуді тоқтату,

- қантамырлық ауыр сырқаттар (жүректің ауыр ишемиялық ауруы, ұйқы артерияларының зақымдануы, жүйелік қантамырлық аурулар)

Мұндай жағдайларда препараттың барынша ең төмен бастапқы дозасын – тәулігіне 30 мг қолдану керек (1 таблетка Гликлада®, ұзақ әсерлі 30 мг таблеткалар).

Жағымсыз әсерлері

Гипогликемия

Сульфонилмочевина тобының басқа да препараттары сияқты, гликлазидпен емдеу, тамақтану жүйесіз болған жағдайда немесе, әсіресе тамақтануды өткізіп алғанда гипогликемияны туындатуы мүмкін. Гипогликемияның ықтимал симптомдары: бас ауыру, күшті ашығу сезімі, жүректің айнуы, құсу, қатты қажығыштық, ұйқының бұзылуы, тітіркенгіштік, қозу, зейінді жұмылдырудың нашарлауы, реакцияның баяулауы, депрессия, сананың шатасуы, көрудің және сөйлеудің нашарлауы, афазия, тремор, парездер, сезінудің бұзылуы, бас айналу, әлсіздік, өзін бақылаудан айырылу, сандырақтау, құрысулар, тыныстың нашарлауы, брадикардия, ұйқышылдық және сананың жоғалуының, кома пайда болып, өліммен аяқталуға ұласуы.

Бұдан басқа, андренергиялық реакциялар пайда болуы мүмкін: терлеу, "жабысқақ" тері, мазасыздық, тахикардия, артериялық гипертензия, жүректің лүпілдеуі, стенокардия және жүрек аритмиясы.

Әдеттегідей, симптомдар көмірсуларды (қант) қабылдағаннан кейін жоғалады. Алайда, қант алмастырғыштарды қабылдау тиімді емес. Сульфонилмочевинаның басқа туындыларын қабылдау аясында бастапқы ойдағыдай емделуден кейін де оның қайталанғаны байқалды.

Ауыр немесе ұзаққа созылған гипогликемияда шұғыл медициналық жәрдем, мүмкін ауруханаға жатқызу, тіпті көмірсуларды қабылдаудың әсері бар болса да, керек.

Жиі емес (>1/1,000 – <1/100)

- асқазан-ішек аурулары, іштің ауыруын, жүректің айнуын, құсуды, диспепсияны, диареяны және іш қатуларды қоса есептегенде; осы әсерлер пайда болған кезде, препаратты таңертеңгі тамақтану кезінде қабылдау осы симптомдарды болдырмауға немесе оларды барынша азайтуға мүмкіндік береді

Сирек (>1/10,000 – <1/1,000)

- бөртпе, қышыну, есекжем, қызару, макуло-папулярлы бөртпе, буллёздік реакциялар (Стивенс-Джонсон синдромы және уытты эпидермальді некролиз)

- гематологиялық бұзылулар (анемия, лейкопения, тромбоцитопения,

гранулоцитопения), эритроцитопения, агранулоцитоз, панцитопения

- бауыр ферменттері (АСТ, АЛТ, сілтілік фосфатаза) деңгейлерінің жоғарылауы,

сирек жағдайларда – гепатит

- холестатикалық сарғаю

- қандағы глюкоза деңгейінің, әсіресе емді бастаған кезде, өзгеруінен көрудің транзиторлы бұзылуы

Осы класқа тән жағымсыз әсерлер

- эритроцитопения, агранулоцитоз, гемолитикалық анемия, панцитопения, аллергиялық васкулит, гипонатриемия жағдайлары, бауыр ферменттері белсенділігінің жоғарылауы, бауыр қызметінің бұзылуы (мысалы, холестаз және сарғаю пайда болатын) және гепатит – сульфонилмочевина препараттарын тоқтатқаннан кейін азайды, бірақ жекелеген жағдайларда бауыр қызметінің өмірге қауіп төндіретін жеткліксіздігіне әкеп соқты.

Қолдануға болмайтын жағдайлар

- гликлазидке немесе препараттың кез келген компонентіне, басқа да сульфонилмочевина туындыларына немесе сульфониламидтік препараттарға жоғары сезімталдылық

- инсулинге тәуелді қант диабеті (1 тип)

- диабеттік кетоацидоз, диабеттік прекома және диабеттік кома

- бауыр және/немесе бүйрек қызметтерінің ауыр бұзылыстары (мұндай жағдайларда инсулинді қолдану керек)

- миконазолмен емдеу (жүйелік қолдануға арналған дәрілік түрлері және

ауыз қуысының шырышты қабықтарына арналған гель)

- жүктілік және лактация кезеңі

- балалар және 18 жасқа дейінгі жасөспірімдер

Дәрілермен өзара әрекеттесуі

Гипогликемия қаупін күшейтетін препараттар:

Миконазол (жүйелік қолдануға арналған түрлері және ауыз қуысының шырышты қабықтарына арналған гель) қантты төмендету әсерін күшейтеді, соның нәтижесінде гипогликемия симптомдары тіпті кома пайда болуы мүмкін, сондықтан бірге қолдануға болмайды.

Фенилбутазон (жүйелік қолданғанда) сульфонилмочевина туындыларының қантты төмендету әсерін күшейтеді (плазма ақуыздарымен байланысуынан оларды ығыстырады және/немесе олардың шығарылуын баяулатады). Қабынуға қарсы басқа препараттармен қолданған дұрыс немесе емделушілерге гликемия мөлшерін жиі бақылап отыру керектігін айту керек. Мүмкіндігінше, қабынуға қарсы препараттармен емдеуге дейін және кейін гликлазид дозасын реттеу қажет.

Алкоголь гипогликемиялық реакцияларды күшейтеді (компенсаторлы қорғаныс механизмдерін тежей отырып), бұл гипогликемиялық команың пайда болуына әкелуі мүмкін. Алкогольді немесе құрамында спирт бар препараттарды қолданудан аулақ болған жөн.

Қосымша сақтықты талап ететін біріктірілімдер

Мына препараттарды бір мезгілде қолданғанда, гликлазидтің қантты төмендету әсері күшейеді, кейбір жағдайларда гипогликемия пайда болады:

- диабетке қарсы басқа препараттар (инсулин, акарбоза, бигуанпидтер)

- бета-блокаторлар

- флуконазол

- ангиотензин-өзгертуші ферменттің тежегіштері (капторприл, эналаприл)

- гистаминдік Н2-рецепторлардың блокаторлары

- МАО тежегіштері

- сульфонамидтер

- қабынуға қарсы стероидтық емес дәрілер.

Қандағы глюкоза мөлшерін жоғарылатуы мүмкін препараттар:

Даназолдың диабетогендік әсері бар. Егер бұл препаратты қолданбау мүмкін болмаса, онда емделушіге қандағы және несептегі глюкоза мөлшерін жиі бақылап отыру керектігін алдын ала ескерту қажет. Диабетке қарсы препараттың дозасын даназолмен ем кезінде және емнен кейін де өзгерту керек болуы мүмкін.

Хлорпромазин (нейролептик) тәулігіне 100 мг-нан астам дозада қандағы глюкоза мөлшерін арттырады (инсулиннің секрециясын азайтады). Емделушіге гликемия деңгейін үнемі бақылап отыруы керектігін алдын ала ескерткен жөн. Диабетке қарсы дәрінің дозасын нейролептикпен ем кезінде және емнен кейін де өзгерту керек болуы мүмкін.

Глюкокортикоидтар (жүйелік және жергілікті қолдануда, соның ішінде буын ішіне, теріге және трансректальді) және тетракозактид қандағы глюкоза мөлшерін кетоздың пайда болу мүмкіндігін туындата отырып жоғарылатады (көмірсулардың жағымдылығын азайтады). Емделушіге гликемия деңгейін, әсіресе ем басында, жүйелі түрде бақылап отыруы керектігін алдын ала ескерткен жөн. Диабетке қарсы препараттың дозасын глюкокортикоидтармен ем кезінде және емнен кейін де өзгерту қажет болуы мүмкін.

Ритодрин, сальбутамол, тербуталин (көктамыр ішіне қолданғанда) қандағы глюкоза мөлшерін бета-2-адреномиметикалық белсенділігіне қарай жоғарылатады. Гликемия деңгейін жүйелі түрде бақылап отыру керек. Қажет болған жағдайда емделушіні инсулинмен емдеуге ауыстырған жөн.

Ескеруді қажет ететін біріктірілімдер

Антикоагулянттар (мысалы, варфарин), сульфонилмочевина туындылары бір мезгілде қабылдағанда ұюға қарсы әсерді потенциялауы мүмкін. Мұндайда антикоагулянт дозасын өзгерту қажет болуы мүмкін.

Айрықша нұсқаулар

Гипогликемия

Препаратты жүйелі түрде тамақтанатын емделушілерге (ертеңгілік тамақтануды қоса есептегенде) тағайындаған жөн. Көмірсуларды жүйелі қолданып отыру маңызды, өйткені тағамды кеш қабылдағанда, оны жеткіліксіз мөлшерде қабылдағанда немесе оның құрамында көмірсулар аз болған жағдайда гипогликемияның пайда болу қаупі ұлғаяды. Гипогликемияның пайда болу қаупі төмен калориялы диетаны сақтағанда, ұзақ уақыт және қарқынды дене жүктемесінен кейін, алкогольді қолданғанда немесе басқа да гипогликемиялық дәрілерді бірге қолданғанда жоғары болады.

Сульфонилмочевина туындыларын қабылдағаннан кейін гипогликемия пайда болуы мүмкін. Кейбір жағдайларда ол ауыр және ұзақ болуы мүмкін, бұл емделушіні ауруханаға жатқызуды және оған бірнеше күн бойы глюкозаны көктамыр ішіне енгізуді қажет етеді.

Гипогликемияның пайда болуына жол бермеу үшін емделушілер препаратты және дозалау режимін мұқият таңдауы, сондай-ақ емделушіге ұсынылып отырған ем жөнінде толық ақпарат беру қажет.

Гипогликемияның пайда болу қаупін арттыратын факторлар:

– дәрігердің тағайындауларын орындаудан бас тарту немесе қабілетсіз болуы (әсіресе егде жаста)

– жеткіліксіз және жүйесіз тамақтану, ас қабылдауды өткізіп алу, ашығу және рационды өзгерту

– дене жүктемесі мен қабылданатын көмірсулар мөлшерінің арасындағы теңгерімнің бұзылуы

– бүйрек қызметінің жеткіліксіздігі

– бауыр қызметінің ауыр жеткіліксіздігі

– артық дозалану

– кейбір эндокриндік бұзылулар: қалқанша без аурулары, гипофизарлы және бүйрекүсті безі қызметінің жеткіліксіздігі

– кейбір дәрілік заттарды бір мезгілде қабылдау

Бүйрек және бауыр қызметінің жеткіліксіздігі

Бауыр қызметінің және ауыр бүйрек қызметінің жеткіліксіздігі бар емделушілерде гликлазидтің фармакокинетикалық және/немесе фармакодинамикалық қасиеттері өзгеруі мүмкін. Осы науқастарда пайда болған гипогликемия барынша ұзаққа созылуы мүмкін, мұндай жағдайларда тиісті ем жүргізу қажет.

Емделушіге арналған ақпарат

Емделушіге және оның отбасы мүшелеріне гипогликемияның қауіп факторларын, симптомдарын, емін түсіндіру және гипогликемияны туындауына мүмкіндік беретін жағдайлардан хабардар ету қажет. Сонымен қатар емделушіге тамақтану жайлы кеңестерді сақтаудың, дене жүктемесін реттеудің және қандағы глюкоза деңгейін жүйелі түрде бақылап отырудың қажеттілігін де түсіндіру керек.

Қандағы глюкоза деңгейін бақылаудың жеткіліксіздігі

Гипогликемиялық ем қабылдап жүрген емделушілердің қанындағы глюкоза деңгейін қызбада, жарақатта, жұқпаларда немесе хирургиялық араласымдарда байқау қиындау. Осындай жағдайларда емделушіні инсулинге көшіру қажет болуы мүмкін.

Көптеген емделушілерде пероральді гипогликемиялық препараттың тиімділігі ұзаққа созылған емнен кейін төмендеуі мүмкін. Бұл қант диабеті ауырлығының үдеуінен және емге реакцияның азаюынан болуы мүмкін. Бұл феномен препараттың дәріге салдарлық төзімділігі деп аталады, мұның алғашқы төзімділіктен айырмашылығы бар (препарат емнің басынан-ақ тиімсіз болғанда). Емнің салдарлық төзімділігіне қатысты шешім қабылдар алдында емделушінің диетаны сақтағанына және дозаның талапқа сай қабылданғанына көз жеткізу қажет.

Зертханалық параметрлер

Глюкозаны бақылаудың сапасына баға беру үшін гликозилирленген гемоглобиннің деңгейін (немесе ашқарында плазмадағы глюкоза мөлшерін) бақылау керек. Сонымен қатар қандағы глюкоза мөлшерін өзіндік бақылап отырған да дұрыс.

Гликлада® СР құрамында лактоза бар. Іштен туа біткен галактоза жақпаушылығы, галактоземиясы, Лапп лактаза тапшылығы немесе глюкоза-галактоза мальабсорбциясы синдромы бар науқастар бұл препаратты қабылдамағаны жөн.

Дәрілік заттың көлік құралын немесе қауіпті механизмдерді басқару қабілетіне ықпал ету ерекшеліктері

Әсіресе емнің бас кезінде автомобильді жүргізгенде немесе басқа да механизмдермен жұмыс жасағанда сақ болған жөн.

Артық дозалануы

Симптомдары: ауырлық дәрежесі орташадан ауырға дейінгі гипогликемия.

Ауыр дәрежесі комамен, құрысулармен және басқа неврологиялық бұзылыстармен қатарласа жүреді.

Емі: гипогликемияның орташа симптомдарын көмірсулар қабылдаумен, дозаны таңдаумен және/немесе диетаны өзгертумен түзетеді. Емделушінің жағдайын қатаң бақылауды денсаулық үшін қауіп біржола жойылғанша жалғастыру қажет.

Ауыр жағдайларда жедел медициналық жәрдем көрсету және дереу ауруханаға жатқызу керек. Егер гипогликемиялық комаға күдіктенсе немесе ол анықталса, онда емделушіге 50 мл 20-30% глюкоза ерітіндісін көктамыр ішіне сорғалатып енгізу қажет. Содан соң глюкозаның 10% ерітіндісін, гликемия деңгейін 1 г/л дәрежеде ұстап тұратындай жылдамдықпен көктамыр ішіне тамшылатып енгізу керек. Кем дегенде кейінгі 48 сағат бойы жан-жақты мониторинг жүргізу керек. Әрі қарай науқастың жағдайына байланысты науқастың өмірлік көрсеткіштерін бақылау қажеттілігі жөніндегі мәселені шешкен жөн. Диализ тиімсіз.

Шығарылу түрі және қаптамасы

Поливинилхлоридті/поливинилдихлоридті үлбірден және алюминий фольгадан жасалған пішінді ұяшықты қаптамаға 15 таблеткадан салынған.

Пішінді ұяшықты 2, 4, 6, 8 немесе 12 қаптама медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Түпнұсқалық қаптамасында, 30С-ден аспайтын температурада, ылғалдан қорғалған жерде сақтау керек.

Балалардың қолы жетпейтін жерде сақтау керек!

Сақтау мерзімі

2 жыл.

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші

КРКА, д.д. Ново место, Словения

Шмарьешка цеста 6, 8501 Ново место, Словения

Тіркеу куәлігі иесінің атауы және елі

КРКА, д.д. Ново место, Словения

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы

«КРКА Казахстан» ЖШС, ҚР, 050059, Алматы қ-сы, Әл-Фараби д-лы 19, корпус 1б, 2-ші қабат, 207 кеңсе

тел. 8 (727) 311-08-09

факс 8 (727) 311-08-12

е-mail: info.kz@krka.biz