Винпоцетин форте Канон

• русский
• қазақша

• Скачать инструкцию медикамента

Саудалық атауы

Винпоцетин форте Канон

Халықаралық патенттелмеген атауы

Винпоцетин

Дәрілік түрі

10 мг таблеткалар

Құрамы

Бір таблетканың құрамында

белсенді зат– 10 г винпоцетин

қосымша заттар: кальций гидрофосфат дигидраты, лактоза моногидраты, повидон, кросповидон, магний стеараты.

Сипаттамасы

Жалпақ цилиндр пішінді, ойығы бар, ақ немесе сарғыш реңді ақ түсті таблеткалар

Фармакотерапиялық тобы

Психостимуляторлар және ноотроптар. Басқа психостимуляторлар және ноотроптар. Винпоцетин.

АТХ коды N06BX18

Фармакологиялық қасиеттері

Фармакокинетикасы

Ішке қабылдағанда асқазан-ішек жолдарында тез және толығымен сіңеді (негізінен аш ішектің проксимальді бөлімдерінде). Биожетімділігі аш қарынға қабылдағанда 7%-ға жуық, тамақтан соң – шамамен 60%. Ең жоғарғы концентрациясына қан плазмасында 1 сағаттан, тіндерде 2-4 сағаттан соң жетеді. Ішек қабырғасы арқылы өткенде метаболизмге ұшырамайды. Дозаны қайталап енгізгенде кинетикасы дозаға байланысты.

Қан плазмасының ақуыздарымен байланысуы - 66%. Гистогематикалық бөгеттер арқылы оңай өтеді (оның ішінде гематоэнцефалиялық бөгет арқылы). Плаценталық бөгет арқылы, емшек сүтіне өтеді (1 сағат ішінде 0,25%). Клиренсі – 66,7 л/сағ. бауырдың плазмалық көлемінен артып кетеді (50 л/сағ.), бұл бауырдан тыс метаболизмді білдіреді. Метаболизм бауырда жүреді. Басты метаболит кейбір фармакологиялық белсенділікке ие аповинкамин қышқылы болып табылады. Басқа белсенді емес метаболиттер – гидрокси-винпоцетин, гидрокси-аповинкамин қышқылы, гидрокси-винпоцетин-глицинат.

Жартылай шығарылу кезеңі Т1/2 – 3,54 – 6,12 сағат.

Бүйрекпен және ішекпен 3:2 қатынаста шығарылады. Винпоцетиннің бірнеше пайызы өзгермеген күйде несеппен шығарылады, қалған бөлігі – метаболиттер түрінде.

Фармакодинамикасы

Ми тінінің глюкоза мен оттегіні тұтынуын ұлғайта отырып, ми метаболизмін жақсартады. Нейрондардың гипоксияға тұрақтылығын арттырады, гематоэнцефалдық бөгет арқылы миға глюкозаның тасымалдануын күшейтеді; глюкозаның ыдырау үдерісін энергетикалық барынша үнемді аэробты жолға ауыстырады; Са2+-тәуелді фосфодиэстеразаны селективті бөгейді; мидың аденозинмонофосфат (АМФ), циклдік гуанозинмонофосфат (цГМФ) және аденозинтрифосфат (АТФ) деңгейлерін арттырады. Мидың норадреналин мен серотонин алмасуын күшейтеді; антиоксиданттық әсер береді. Тромбоциттер агрегациясын және қанның жоғары тұтқырлығын төмендетеді; эритроциттердің созылғыштығын арттырады және эритроциттермен аденозиннің жойылуын бөгейді; эритроциттермен оттегі берілуінің артуына ықпал етеді. Церебральді қан ағымын арттырады; жүйелі қан айналымы көрсеткіштерінің айтарлықтай өзгеруінсіз ми тамырларының резистенттілігін төмендетеді. «Ұрлану» әсерін көрсетпейді және бәрінен бұрын мидың ишемияланған бөліктерінде қанмен қамтылуды күшейтеді.

Қолданылуы

Кешенді емдеу құрамында (неврология):

ми қан айналымы жетіспеушілігінің әртүрлі формаларында симптоматикалық дәрі ретінде (ишемиялық инсульт, геморрагиялық инсульттың қалпына келтіру сатысы, өткерген инсульттың салдары; транзиторлық ишемиялық шабуыл; қантамырлық деменция; вертебробазилярлы жетіспеушілік; ми тамырларының атеросклерозы; шығу тегі гипертониялық және жарақаттан кейінгі ми қан айналымының созылмалы жеткіліксіздігі).

Офтальмология: көздің торқабығының және тамырлы қабығының созылмалы тамыр ауруларында (оның ішінде орталық артерияның немесе көздің торлы қабығы көктамырының окклюзиясы).

Есту қабілетінің перцептивті типті төмендеуі, Меньер ауруы, құлақтағы идиопатиялық шуыл.

Қолдану тәсілі мен дозалары

Ішке, ас қабылдағаннан кейін. Стандартты тәуліктік доза – 10 мг-нан күніне 2-3 рет. Ең жоғары тәуліктік доза - 30 мг.

Емдеу курсы - 1-3 ай.

Жылына 2-3 рет қайталау курстары болуы мүмкін. Препаратты тоқтатар алдында біртіндеп дозаны төмендету керек.

Бүйрек және/немесе бауыр ауруларында дозаны төмендетудің қажеті жоқ.

Жағымсыз әсерлері

Сирек ≥1/10000, <1/1000

- ST сегментінің депрессиясы және QT аралығының ұзаруы, тахикардия, экстрасистолия (кенеттен пайда болуына байланысты аталған бұзылулардың препаратты қабылдаумен байланысы күмәнді), ишемия/ миокард инфарктісі, кернеу стенокардиясы

Өте сирек < 1/10000

- жүрекше фибрилляциясы, аритмиялар

- анемия, эритроциттер агглютинациясы, протромбиндік уақыттың қысқаруы

- эйфория, діріл, құрысулар, депрессия

- гипотермия

- кеуде қуысындағы жайсыздық

- конъюнктива гиперемиясы

- дисфагия, стоматит

- дерматит

- дене салмағының артуы

Жиі емес ≥1/1000, <1/100

- АҚ аздап ауытқуы (көбінесе төмендеу жағына), флебит

- ұйқының бұзылуы (ұйқысыздық, ұйқышылдық), бас айналу, бас ауыру, әлсіздік, қозу, гемипарез

- ауыздың құрғауы, жүрек айнуы, қыжыл, іш қату, диарея, іштің ауыруы, тәбеттің төмендеуі

- қатты тершеңдік, тері жабындарының гиперемиясы, астения

- аллергиялық реакциялар (тері бөртпесі, есекжем)

- лейкопения, тромбоцитопения, эозинофилдер санының төмендеуі/артуы

- қант диабеті

- гиперакузия, гипоакузия, құлақтағы шуыл

- тромбофлебит

Қолдануға болмайтын жағдайлар

• препарат компоненттеріне аса жоғары сезімталдық

• жүрек ырғағының айқын бұзылуы

• жүрек жетіспеушілігінің белгілері бар жүректің ишемиялық ауруы

• геморрагиялық инсульттің жедел сатысы

• лактаза тапшылығы, лактозаны көтере алмаушылық, глюкоза-галактоза мальабсорбциясы

• жүктілік және лактация кезеңі

• 18 жасқа дейінгі балалар мен жасөспірімдерге

Дәрілермен өзара әрекеттесуі

Винпоцетинді глибенкламидпен, дигоксинмен, аценокумаролмен, гидрохлортиазидпен, имипраминмен, құрамында пиндолол, хлоранолол, клопамид бар препараттармен бір уақытта қолданғанда өзара әрекеттесуі байқалған жоқ.

Метилдопамен бір уақытта қолданғанда гипотензивті әсері күшеюі мүмкін (артериялық қысымды бақылау керек).

Гепаринотерапия аясында геморрагиялық асқынулар қаупін арттырады.

Өзара әрекеттесулердің болуын растайтын деректердің болмауына қарамастан, орталық, аритмияға қарсы және антикогулянтты әсер ететін препараттармен бір уақытта қолданғанда сақ болу ұсынылады.

Айрықша нұсқаулар

QT аралығының бастапқы ұзаруы жағдайында, сондай-ақ QT аралығын ұзартатын дәрілік препараттармен бір уақытта қолданғанда винпоцетинмен емделу кезеңінде ауық-ауық электрокардиографиялық бақылау керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың жағымсыз әсерлерін ескере отырып, автокөлік немесе қауіптілігі зор механизмдерді басқарғанда сақ болу керек.

Артық дозалануы

Симптомдары: жағымсыз әсерлердің күшеюі.

Емі: асқазанды шаю, белсенділендірілген көмір қабылдау және симптоматикалық ем.

Шығарылу түрі және қаптамасы

10 немесе 30 таблеткадан поливинилхлоридті үлбірден және лакталған баспалы алюминий фольгадан жасалған пішінді ұяшықты қаптамада.

10 таблеткадан 3 пішінді ұяшықты қаптаманы немесе 30 таблеткадан 1 пішінді ұяшықты қаптаманы медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салады.

Сақтау шарттары

Құрғақ, жарықтан қорғалған жерде 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Канонфарма продакшн» ЖАҚ, Ресей Федерациясы,

141100, Мәскеу облысы, Щелково қаласы, Заречная к-сі, 105 үй

Тел.: +7 (495) 797-99-54, факс: +7 (495) 797-96-63

Е-mail: www.canonpharma.ru

Тіркеу куәлігінің иесі

«Канонфарма продакшн» ЖАҚ, Ресей Федерациясы

Қазақстан Республикасы аумағында тұтынушылардан өнім сапасы жөніндегі шағымдарды қабылдайтын ұйымның мекенжайы:

«Нестеренко Н.А.» ЖК, Қазақстан Республикасы, 050000, Алматы қ., Фурманов к-сі, 128 үй, 16 кеңсе, тел.: +7 727 2796659, e-mail: ip_n_nesterenko@list.ru