Викс Актив ХониМед

• русский
• қазақша

• Скачать инструкцию медикамента

Саудалық атауы

Викс Актив ХониМед

Халықаралық патенттелмеген атауы

Гвайфенезин

Дәрілік түрі

Шәрбат, 200 мг/15 мл

Құрамы

15 мл шәрбаттың (1 өлшеуіш қалпақша) құрамында

белсенді зат - 200 мг гвайфенезин,

қосымша заттар: сахароза, натрий сахарині, пропиленгликоль, этанол 96%, натрий цитраты, сусыз лимон қышқылы, натрий кармеллозасы,

полиэтиленоксид, бал-зімбір хош иістендіргіші, Verveine хош иістендіргіші, левоментол, макрогол стеараты, натрий бензоаты, тазартылған су.

Сипаттамасы

Құрамында көрінетін бөлшектері жоқ, балдың, зімбір мен ментолдың хош иісі мен дәмі бар, сарыдан сары-қоңыр түске дейінгі тұтқыр сұйықтық

Фармакотерапиялық тобы

Суық тию мен жөтелді жоюға арналған препараттар. Қақырық түсіретін препараттар. Гвайфенезин

АТХ коды R05СА03

Фармакологиялық қасиеттері

Фармакокинетикасы

Гвайфенезин гваякол мен глицерин эфирі болып табылады және қақырық түсіретін әсерге ие. Гвайфенезин ішке қабылдағаннан кейін асқазан-ішек жолынан жылдам сіңіріледі. Қан плазмасында ең жоғары концентрациясына қабылдағаннан кейін 15 минут ішінде жетеді, жартылай ыдырау кезеңі бір сағатты құрайды. Метаболизмі негізінен О- десметил-гвайфенезин және гидрокси- гвайфенезин метаболиттеріне гвайфенезиннің гидролизі мен тотығуы жолымен жүреді, олар несеппен бөлінеді.

Бүйрек функциясының бұзылуы бар емделушілерде баяу шығарылады.

Фармакодинамикасы

Ішке қабылдағанда гвайфенезин асқазан шырышты қабығының рецепторларын көтермелейді, олар өз кезегінде тыныс алу жолдары сұйықтығының рефлекторлық секрециясына түрткі болады, сонысымен бронхты бөліністер көлемі мен тұтқырлығын төмендетеді, бұл шырыштың шығуын жеңілдетеді және тыныс алу жолдары шырышты қабығының тітіркенуін төмендетеді, бұл жөтелдің жиілігін едәуір төмендетеді және тамақтың тітіркенуін азайтады.

Қолданылуы

- суық тию аурулары, тұмау, ЖРВЖ, жедел бронхит кезінде жөтелді жеңілдету және шырыш пен қақырық түзілуін азайту үшін, тамақтың тітіркенуін азайтуда

Қолдану тәсілі және дозалары

Ішке. Қолданар алдында шайқау керек.

Ересектерге: 15 мл шәрбаттан (1 өлшеуіш қалпақша) әрбір 4 сағат сайын қабылдау керек. Ең жоғары тәуліктік доза 1200 мг гвайфенезинді (90 мл препарат) құрайды.

Ұйықтар алдында қабылдау ұсынылмайды.

3- 5 күн өткеннен кейін айтарлықтай жақсару байқалмаса және жөтел қайтпаса, дәрігерге қаралу керек.

Жағымсыз әсерлері

Сирек (>1/10000 ˂1/1000):

- асқазан-ішек бұзылыстары (жүрек айну, құсу, іш қату)

Өте сирек (>1/10000):

- аса жоғары сезімталдық реакциялары (беттің, еріннің, көмейдің ісінуі, жұтудың қиындауы)

- қатты қышыну, бөртпе, тері ісінуі, есекжем

- сананың шатасуы, бас айналу, бас ауыру, ұйқышылдық, кома

- брадикардия

- бронх түйілуі

- ентігу

- гранулоцитопения

- анафилактикалық шок

Қолдануға болмайтын жағдайлар

- гвайфенезин, левоментол немесе препараттың кез келген басқа компонентіне жоғары сезімталдық

- тұқым қуалайтын фруктозаны көтере алмаушылық бұзылулары, глюкоза-галактоза мальабсорбциясы немесе сахароза-изомальтоза жеткіліксіздігі бар емделушілер

- бүйрек функциясының бұзылуы

- бауыр аурулары

- алкоголизм, эпилепсия

- ауыр асқазан-ішек жолы аурулары (сыртартқыдағы ойық жара ауруы, асқазаннан қан кету)

- миастения

- бронх демікпесі, созылмалы бронхит, эмфизема, темекі шегумен байланысты жөтел

- жүктілік және лактация кезеңі

- 18 жасқа дейінгі балалар мен жасөспірімдер

Сақтықпен – қант диабетінде.

Дәрілермен өзара әрекеттесуі

Тыныштандыратын дәрілер мен миорелаксанттардың әсерін күшейтеді. Кодеинмен және құрамында кодеин бар препараттармен бір мезгілде қолдану ұсынылмайды, өйткені олар сұйылған қақырықтың шығуын қиындатады. Препарат бронхолитиктермен, микробтарға қарсы дәрілермен, жүрек гликозидтерімен бірге қолданылуы мүмкін.

Айрықша нұсқаулар

Викс Актив ХониМед құрамына сахароза кіреді, 15 мл препараттың құрамында 5.5 грамм болады, бұл 0.46 нан/көмірсу бірліктеріне сәйкес келеді, сондықтан қант диабеті бар емделушілер осы дәрілік заттарды қолданған кезде сақ болғандары жөн. Препарат құрамында 5% (к.) спирт, 15 мл шәрбаттың құрамында 0.63 г спирт бар, препаратты бауыр ауруларымен, алкоголизммен, эпилепсиямен, мидың органикалық ауруларымен емделушілерге қолданбаған дұрыс. 15 мл препараттың құрамында 1.3 ммоль (30 мг) натрий бар, мұны құрамында натрий төмен болатын (тұз қолдануды шектеу) емдәмді ұстанатын адамдар ескеруі қажет.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Препарат құрамында 96% этанол бар. Препаратты қолдану кезеңінде автомобиль немесе басқа механизмдерді басқару ұсынылмайды.

Артық дозалануы

Симптомдары: бас айналу, асқазан-ішек бұзылыстары, жүрек айну, құсу, бұлшықет тонусының төмендеуі, анағұрлым жоғары дозаларды қабылдаған кезде қозу, сананың шатасуы, тыныс алудың бәсеңдеуі мүмкін. Осы препаратты ұзақ уақыт бойы жоғары дозаларда қабылдаған емделушілерде бүйректе және қуықта тас түзілу жағдайлары байқалған.

Емі: симптоматикалық.

Шығарылу түрі және қаптамасы

Алғашқы ашылуы бақыланатын бұрандалы қақпақпен және өлшеуіш қалпақшамен тығындалған қоңыр шыныдан жасалған құтыда 180 мл препараттан.

Құты медицинада қолданылуы жөніндегі мемлекеттік және орыс тіліндегі нұсқаулықпен бірге картон қорапқа салынады.

Сақтау шарттары

25 0С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Құты алғаш ашылғаннан кейін сақтау мерзімі 3 ай.

Жарамдылық мерзімі өткеннен кейін препаратты қолдануға болмайды.

Дәріханалардан босатылу шарттары

Рецептісіз

Өндіруші-ұйымның атауы және елі

Procter & Gamble Manufacturing GmbH, Gross- Gerau, Германия

Тіркеу куәлігі иесінің атауы және елі

Teva Pharmaceutical Industries LTD, Израиль

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

«ратиофарм Қазақстан» ЖШС

Алматы қ., Әл-Фараби д-лы 19,

«Нұрлы- Тау» БО 1Б блок, № 603 кеңсе

Телефон, факс: (727) 311-09-15; 311-07-34

E-mail: teva@teva.co.il