Видроп

Видроп

Колекальциферол

Ішуге арналған тамшылар 2800 ХБ/мл, 15 мл

1 мл ерітіндінің (28 тамшы) құрамында

белсенді зат - 2800 ХБ/мл колекальциферол,

қосымша заттар: полисорбат 20, Е дәрумені, глицерин, динатрий эдетаты, β-декстрин, тазартылған су.

Өзіне тән иісі бар және дәмі тәтті, мөлдірден бозаңданатын түске дейінгі түссіз ерітінді.

Ас қорыту жолы және зат алмасу. Дәрумендер. А және Д дәрумені және олардың біріктірілімі. Д дәрумені және оның туындылары. Колекальциферол.

АТХ коды А11СС05

Фармакокинетикасы

Д3 дәруменінің сулы ерітіндісі жақсы сіңеді, бұл шала туылған нәрестелерде қолдану кезінде маңызды. Ішу арқылы қолданудан кейін колекальциферолдың сіңуі 50-ден 80% дейінгі дозаның баяу диффузиясы арқылы жіңішке ішекте жүреді.

Тез сіңіріледі (жіңішке ішектің дистальді бөлігінде), лимфа жүйесіне өтеді, бауырға және жалпы қан ағымына түседі. Қанда альфа2-глобулиндермен және ішінара альбуминдермен байланысады. Бауырда, сүйектерде, қаңқа бұлшықеттерінде, бүйректе, бүйрек үсті бездерінде, миокардта, май тінінде жиналады. Тіндерде ТСmax (ең жоғары концентрация кезеңі) 4-5 сағатты құрайды, одан кейін препарат концентрациясы біршама төмендеп, тұрақты деңгейде ұзақ уақыт қалады. Полярлы метаболиттер түрінде көбінесе жасушалар мен микросомалардың, митохондриялар мен ядролардың жарғақшаларында шоғырланады. Плацентарлық бөгет арқылы өтіп, ана сүтімен бөлінеді.

Бауырда жинақталады.

Бауырда және бүйректе метаболизденеді: бауырда белсенді емес метаболит - кальцифедиолға (25-дигидрохолекальциферол) айналады, бүйректе кальцифедиолдан белсенді метаболит - кальцитриолға (1,25-дигидроксихолекальциферол) және белсенді емес метаболит 24,25-дигидроксихолекальциферолға айналады. Ішек-бауырлық қайта айналымға ұшырайды. Қандағы жартылай шығарылу кезеңі бірнеше күн құрайды және бүйрек ауруы жағдайында ұзаруы мүмкін.

D дәрумені және оның метаболиттері өтпен, мардымсыз мөлшері -бүйрекпен шығарылады. Жинақталады.

Фармакодинамикасы

Видроп рахитке қарсы препарат болып табылады. Видроптың ең маңызды функциясы кальций және фосфат метаболизмін реттеу болып табылады, бұл қаңқаның минералдануы мен өсуіне ықпал етеді. Д3 дәрумені – адам терісінде күн сәулелерінің әсер етуімен түзілетін Д дәруменінің табиғи түрі. Кальций мен фосфаттардың ішектен сіңірілуінде, минералды тұздар тасымалдануында және сүйектердің кальцификация үдерісінде елеулі рөл атқарады, сондай-ақ кальций мен фосфаттардың бүйрекпен қайта сіңірілуін реттейді. Кальций иондары қаңқа бұлшықеттерінің тонусын, жүйке қозуының өтуін демейтін бірқатар маңызды биохимиялық үдерістерге, қан ұю үдерісіне қатысады. Видроп лимфокиндер өнімін көтермелейді.

- рахит пен остеомаляцияның профилактикасы және емдеу

- гипокальциемиялық тетания

- егде адамдар мен әйелдерде менопауза кезеңінде остеопороздың профилактикасы және емдеу

- созылмалы және операциядан кейінгі гипопаратиреодизм

Препарат дозасын жалпы кальций қолданылуын (күнделікті тамақтану рационында да, дәрілік препараттар түрінде де) ескеріп, әркімге жеке белгілеген жөн.

Препарат аздаған сұйықтық мөлшерімен ішу арқылы қабылданады.

1 тамшы құрамында 100 ХБ Д3 дәрумені бар. Препарат дозасын дәл өлшеп алу үшін тамшыны есептеу кезінде құтыны 450 бұрыштап ұстау керек.

Рахит және остеомаляция профилактикасы және емдеу:

Жаңа туған нәрестелерге: өмірінің 2-5 аптасынан 400 ХБ (4 тамшы) өмірінің алғашқы 3 жылы ішінде;

Шала туған нәрестелерге: тәулігіне 400 – 800 ХБ (4-8 тамшы) өмірінің алғашқы 3 жылы ішінде.

Балалар және ересектерге: тәулігіне 400 ХБ (4 тамшы).

Рахит және остеомаляцияны емдеу:

Препараттың күнделікті дозасы 1000-4000 ХБ (10-40 тамшы) 6-12 апта бойы. Препараттың дозасы гипервитаминозды болдырмас үшін сарысуда және рентгендік бақылау кальций деңгейін мерзімді анықтау негізінде жекелей анықталады. Олай болмаған жағдайда, препараттың күнделікті емдік дозасы 1000 ХБ аспауы тиіс. Емдеуді 3 апта бойы тәулігіне 1000 ХБ (10 тамшы) бастайды, содан соң дозаны демеуші – тәулігіне 400 ХБ (4 тамшы) дейін азайтады.

Операциядан кейінгі гипопаратиреодизм және гипокальциемиялық тетения:

Жедел фазадағы емдеуді баяу енгізілетін Д3 дәрумені препараттарының бұлшықет ішіне инъекциясын кальций препараттарының вена ішіне инъекциясымен үйлесімде бастайды. Тұрақты жай-күйге жеткеннен кейін, демеуші ем Видроп препаратының тәулігіне пероральді 400 ХБ (4 тамшы) құрайды.

Ұсынылатын дозаларда қолданылғанда білінбейді. Д3 дәруменіне сирек білінетін жекеше жоғары сезімталдық жағдайында немесе ұзаққа созылатын кезең бойына аса жоғары дозаларын қолдану нәтижесінде Д3 дәруменінің артық дозалануы, Д3 дәруменінің гипервитаминозы туындауы мүмкін.

- гиперкальциемия және гиперкальциурия

- аллергиялық реакциялар (қышыну, бөртпе, есекжем)

- асқазан-ішек жолының бұзылыстары (іш қату, метеоризм, жүрек айну, іштің ауыруы немесе диарея)

- препараттың әсер етуші затына немесе компоненттеріне жоғары сезімталдық

- Д дәрумені гипервитаминозы

- бүйрек жеткіліксіздігі

- қанда және несепте кальций мен фосфор деңгейінің жоғарылауы

- кальцийлі бүйрек тастары

- саркоидоз

- жедел өкпе туберкулезі

Эпилепсияға қарсы дәрілер (әсіресе, фенитоин және фенобарбитал), рифампицин Д3 дәруменінің қайта сіңірілуін төмендетеді.

Д3 дәруменін тиазидті диуретиктермен бір мезгілде қолдану гиперкальциемияның даму қаупін арттырады.

Д3 дәруменін жүрек гликозидтерімен бір мезгілде қолдану олардың уытты әсерін күшейтуі мүмкін (жүрек ырғағы бұзылуының көрініс беру қаупін арттырады).

Құрамында алюминий және магний бар антацидті дәрілерді Д дәрумені мен біріктіріп ұзақ уақыт қолдану қандағы алюминий концентрациясының жоғарылауына және соның салдарынан бүйрек жеткіліксіздігі бар пациенттерде алюминийдің сүйек тініне уытты әсер етуі мен гипермагниемияға ықпал етуі мүмкін.

Құрамында кальций мен фосфордың жоғары концентрациялары бар препараттар гиперфосфатемияның даму қаупін арттырады. Д дәруменін басқа аналогтарымен бір мезгілде қолдану Д дәрумені гипервитаминозының даму қаупін арттырады.

Кетоконазол 1,25(ОН)2-колекальциферол биосинтезін де, катаболизмін де бәсеңдетуі мүмкін.

Д дәрумені гиперкальциемия кезінде қолданылатын кальцитонин, этидронат, памидронат препараттарының антагонисі болып табылады.

Артық дозалаудан аулақ болу керек.

Д3 дәруменінің ұзақ уақыт қолданылатын аса жоғары дозалары немесе екпінді дозалары созылмалы Д3 гипервитаминозына себеп болуы мүмкін.

Баланың Д дәруменіне тәуліктік қажеттілігін анықтауды және оны қолдану тәсілін дәрігер әркімге жеке белгілеп, әсіресе өмірінің алғашқы айларында мезгіл-мезгіл тексеру кезінде әр жолы түзетіп отыруы тиіс. Иммобилизацияланған пациенттерде, тиазидті диуретиктер қабылдайтын пациенттерде, несеп-тас ауруы бар пациенттерде, сондай-ақ жүрек ауруына шалдыққан және жүрек гликозидтерін қабылдайтын пациенттерге сақтықпен қолдану керек.

Д3 дәруменімен бір мезгілде жоғары дозалардағы кальций препараттарын қолданбау керек.

Д дәруменін жалған гипопаратиреозда қабылдауға болмайды, өйткені осы ауру тұсында Д дәруменіне қажеттілік төмендеп, бұл ұзаққа созылатын артық дозалану қаупіне әкелуі мүмкін.

Емдеу қандағы және несептегі кальций мен фосфор деңгейін мезгіл-мезгіл бақылаумен жүргізіледі.

Д дәрумені еңбегінің көлемі кішкентай жаңа туған нәрестелерде аса абайлап тағайындалуы тиіс.

Жүктілік және лактация кезеңі

Артық дозаланған жағдайда тератогенді әсері болуы мүмкін екендіктен, жүкті әйелдерде жоғары дозаларда қолдануға болмайды (препараттың өте жоғары дозалары жүктілік кезінде балаларда ақыл-ой кемістігі мен жүректің туа біткен даму ақауларына себеп болуы мүмкін).

Д3 дәруменін лактация кезеңінде сақтықпен тағайындау керек, өйткені анасы жоғары дозаларда қабылдаған препарат балада артық дозалану симптомдарын туындатуы мүмкін.

Дәрілік препараттың көлік құралын және қауіптілігі зор механизмдерді басқару қабілетіне әсер ету ерекшеліктері

Әсер етпейді

Д3 дәруменінің артық дозалануы препараттың жоғары дозаларын қолдану нәтижесінде болуы мүмкін.

Симптомдары: гиперкальциемия, гиперкальциурия, бүйрек кальцификациясы, сүйектердің зақымдануы, жүрек-қантамыр жүйесі тарапынан бұзылулар. Гиперкальциемия Д дәруменін тәулігіне 50000-100000 ХБ дозаларда ұзақ уақыт қолданудан кейін басталады.

Препарат артық дозаланғанда: бұлшықет әлсіздігі, тәбеттің болмауы, жүрек айну, құсу, іш қату, қатты шөлдеу, ауыздың кеберсуі, полиурия, летаргия, конъюктивит, жарықтан қорқу, панкреатит, дене салмағын жоғалту, қатты терлеу, тері қышынуы, мұрыннан сулы бөліністер, гипертермия, либидо төмендеуі, депрессия, психоздық бұзылыстар, гиперхолестеринемия, трансаминазалар белсенділігінің жоғарылауы, артериялық гипертензия, жүрек ырғағының бұзылуы, уремия, бас ауыру,

бұлшықеттер мен буындардың ауыруы, дене салмағының кемуі, бүйрек функциясының бұзылуы, нефролитиаз.

Емі: препаратты тоқтату, мол сұйықтық ішу, симптоматикалық ем. Арнайы антидоты жоқ.

Шығарылу түрі және қаптамасы

15 мл-ден алюминий қақпақпен тығындалған күңгірт шыны құтыларда.

1 құтыдан пластмасса пипетка-тамшылатқышпен және медициналық қолдану жөніндегі мемлекеттік және орыс тіліндегі бекітілген нұсқаулықпен бірге картон қорапшаға салынады.

Жарықтан қорғалған жерде, 30°С-ден аспайтын температурада сақтау керек. Балалардың қолы жетпейтін жерде сақтау керек!

3 жыл

Құтыны ашқаннан кейін сақтау мерзімі 5 ай.

Жарамдылық мерзімі өткеннен кейін қолдануға болмайды.

Рецептісіз

Өндіруші ұйымның атауы және елі

«Медикал Юнион Фармасьютикалс», Мысыр

Тіркеу куәлігі ұстаушысының атауы және елі

«Медикал Юнион Фармасьютикалс», Мысыр

Қаптаушы ұйымның атауы және елі

«Медикал Юнион Фармасьютикалс», Мысыр

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):

Қазақстан Республикасы,

Алматы қ., Марков к-сі 61/1, 3 блок, 2 қабат

Тел.: 8 (727) 224 27 14, 8 (727) 224 27 19, e-mail: mupkz.al@gmail.com