Велкозомиб

Велкозомиб

Бортезомиб

Вена ішіне және тері астына енгізу үшін ерітінді дайындауға арналған лиофилизат, 3.5 мг

Антинеопластикалық және иммуномодуляциялайтын препараттар. Антинеопластикалық препараттар. Басқа антинеопластикалық препараттар.

Бортезомиб.

АТХ коды L01XX32

- Велкозомиб монотерапия ретінде немесе пегилденген липосомалық доксорубицинмен немесе дексаметазонмен біріктіріліп, үдемелі көптеген миеломасы бар, кемінде 1 емдеу курсын қабылдаған және қан түзетін дің жасушаларының трансплантациясы жүргізілген немесе оның жүргізуге жарамсыз ересек пациенттерді емдеу үшін қолданылады.

- Велкозомиб мелфаланмен және преднизонмен бірге, көптеген миеломасы бар, бұрын ем қабылдамаған, қан түзетін дің жасушалары трансплантацияланған, жоғары дозада химиотерапия жүргізуге жарамайтын ересек пациенттерді емдеу үшін қолданылады.

- Велкозомиб дексаметазонмен біріктіріліп, көптеген миеломасы бар, бұрын ем қабылдамаған, қан түзетін дің жасушалары трансплантацияланған, жоғары дозада химиотерапия жүргізуге жарамды ересек пациенттерге индукциялық ем жүргізу үшін қолданылады.

- Велкозомиб ритуксимабпен, циклофосфамидпен, доксорубицинмен және преднизонмен біріктіріліп, мантийжасушалық лимфомасы (МЖЛ) бар, бұрын ем қабылдамаған және қан түзетін дің жасушаларын трансплантациялауға жарамсыз ересек пациенттерді емдеу үшін қолданылады.

Қолдануды бастағанға дейін қажетті мәліметтер тізбесі

• бортезомибке, борға немесе препараттың қосымша компоненттерінің кез келгеніне жоғары сезімталдық

• жүктілік және емшек емізу кезеңі

• балалар мен 18 жасқа дейінгі жасөспірімдер

• өкпенің жедел диффуздық инфильтрациялық аурулары және перикард зақымданулары.

Велкозомиб препаратын басқа дәрілік заттармен біріктіріп қолданғанда, емдеуді бастағанға дейін, қарсы көрсетілімдері туралы қосымша ақпарат алу үшін, ол дәрілік заттарды қолдану жөніндегі нұсқаулықтарды оқып шығу керек.

Қолдану кезінде қажетті сақтық шаралары

Оны дайындаған және енгізген кезде сақтық таныту керек. Препараттың терімен жанасуын болдырмау үшін, қолғап және басқа да қорғаныс құралдарын кию ұсынылады.

Велкозомиб препаратын басқа дәрілік заттармен біріктіріп қолданғанда, бірге қолданылатын дәрілік заттардың медициналық қолдану жөніндегі нұсқаулықтарын да оқып шығу қажет.

Басқа дәрілік препараттармен өзара әрекеттесуі

CYP2D6 изоферменттерінің бортезомиб метаболизміне қатысымы елеусіз (7%), және осы изоферменттің белсенділігі төмен адамдарда препараттың жалпы таралуының өзгеруі күтілмейді.

Бортезомибті және CYP3A4 изоферментінің белсенді тежегішін (кетоконазол, ритонавир) бір мезгіде қабылдап жүрген науқастарды мұқият қадағалау керек. CYP2C19 изоферментінің белсенді тежегіші омепразолдың бортезомиб фармакинетикасына (вена ішіне енгізгенде) өзара дәрілік әрекеттестігін зерттеуде, бортезомиб фармакокинетикасының елеулі өзгерістері анықталған жоқ.

Велкозомиб препаратын CYP3A4 күшті индукторларымен қолдану ұсынылмайды, өйткені емнің тиімділігі төмендеуі мүмкін. CYP3A4 индукторларына рифампицин, карбамазепин, фенитоин, фенобарбитал және шайқурай жатады.

Дексаметазон, CYP3A4 әлсіздеу индукторы бола отырып, бортезомиб фармакокинетикасына (вена ішіне енгізгенде) азырақ әсер етеді.

Диабеттен зардап шегіп жүрген, пероральді гипогликемиялық препараттарды қабылдаған пациенттерде гипогликемия және гипергликемия жағдайлары тіркелді. Пероральді гипогликемиялық препараттарды бір мезгілде қабылдап жүрген науқастарда Велкозомиб препаратын қолданғанда, қандағы глюкоза деңгейін мұқият бақылау және қажет болған жағдайда, гипогликемиялық препараттардың дозасына түзету жүргізу керек.

Арнайы ескертулер

Велкозомиб препаратымен емдеуді тек, ісікке қарсы химиотерапияны қолдануда тәжірибесі бар дәрігердің қадағалауымен жүргізу керек.

Велкозомиб препаратын басқа дәрілік препараттармен біріктіріп қолданғанда, Велкозомиб препаратымен емдеуді бастағанға дейін осы препараттарды медициналық қолдану жөніндегі нұсқаулықтарды оқып шығу керек.

Интратекальді енгізу

ВЕЛКОЗОМИБ ПРЕПАРАТЫ БАЙҚАУСЫЗДА ИНТРАТЕКАЛЬДІ ЕНГІЗІЛГЕНДЕ ӨЛІМ ЖАҒДАЙЛАРЫ АНЫҚТАЛҒАН. Велкозомиб препараты интратекальді енгізілмеуі тиіс. Велкозомиб, инъекция үшін ерітінді дайындауға арналған лиофилизат, 1 мг препараты тек вена ішіне енгізуге арналған. Велкозомиб, инъекция үшін ерітінді дайындауға арналған лиофилизат, 3.5 мг препараты вена ішіне және тері астына енгізуге арналған.

Үдемелі мультифокальді лейкоэнцефалопатия (ҮМЛ)

Пациенттерде жаңа неврологиялық симптомдар немесе бұрыннан барларының нашарлаулары немесе ОЖЖ тарапынан қиындықтардың дифференциалды диагностикасы аясында ҮМЛ білдіруі мүмкін белгілер жүйелі түрде қадағалануы тиіс. Егер ҮМЛ диагнозына күдік болса, пациенттерді ҮМЛ саласындағы маманға жолдау және ҮMЛ бойынша тиісінше диагностикалау шаралары бастау керек. ҮМЛ диагнозы расталған жағдайда, Велкозомиб препаратын қолдануды тоқтату керек.

Шеткері нейропатия

Велкозомиб препаратын қолдану көбінесе шеткері нейропатияны туғызады, ол көбінесе сенсорлық болады. Дегенмен, сенсорлық шеткері нейропатияның болуымен немесе онсыз ауыр моторлық нейропатия жағдайлары сипатталған. Пациенттерде ашыту, гиперестезия, гипестезия, парестезия, жайсыздық, нейропатиялық ауыру немесе әлсіздік сияқты нейропатия симптомдарының бар-жоқтығын бақылау қажет.

Шеткері нейропатия жаңадан дамыған немесе бұрыннан бары нашарлаған пациенттерде препараттың дозасын немесе енгізу кестесін өзгерту немесе препаратты тері астына енгізуге көшуге болады. Нейропатия демеуші ем немесе емдеудің басқа түрлері арқылы басылған.

Велкозомиб препаратын нейропатияға соқтыратын (мысалы, талидомид) дәрілік заттармен біріктіріп қабылдаған пациенттерде бастапқыда және жүйелі түрде, нейропатияны емдеуден туындаған симптомдардың бар-жоқтығын неврологиялық бағалау жүргізумен бақылау жүргізу, және сондай-ақ, дозасын тиісінше төмендетуді немесе емдеуді тоқтатуды қарастыру қажет.

Постуральді гипотония және бітелумен жүретін ауыр дәрежелі іш қату сияқты, қосымша шеткері нейропатиямен кейбір жағымсыз реакциялар дамыған жағдайда, вегетативтік нейропатияның қатысы болуы мүмкін. Вегетативтік нейропатияға және оның аталған жағымсыз әсерлер дамуындағы маңыздылығына қатысты деректер шектеулі.

Құрысулар

Осының алдында құрысулар мен эпилепсия болмаған пациенттерде құрысулар дамығаны туралы хабарлар алынды. Құрысулардың дамуы қаупінің кез келген факторлары бар пациенттерді емдегенде ерекше сақтық таныту қажет.

Гипотензия

Велкозомиб препаратымен емдеу, әдетте, ортостатикалық/постуральді гипотензиямен астасады. Жағымсыз реакциялардың көпшілігінің ауырлық дәрежелері жеңілден орташаға дейін болды және барлық емдеу кезеңі бойына байқалды. Велкозомиб препаратымен емдеу аясында (вена ішіне енгізгенде) дамыған ортостатикалық гипотензиясы бар пациенттерде Велкозомиб препаратымен емделгенге дейін ортостатикалық гипотензия симптомдары байқалмаған. Пациенттердің көпшілігіне ортостатикалық гипотензияның емі қажет болған. Ортостатикалық гипотензиясы бар пациенттердің аздаған бөлігі естен тану жағдайларын бастан өткерген. Ортостатикалық/постуральді гипотензия мен Велкозомиб препаратының болюстік инфузиясы арасында нақты байланыс жоқ. Бұл симптомның механизмі белгісіз, әйтсе де, вегетативтік нейропатиямен өзара байланыстылығы жоққа шығарылмайды. Вегетативтік нейропатия бортезомибті қолданумен байланысты болуы мүмкін немесе бортезомиб диабеттік немесе амилоидтық нейропатия сияқты бастапқы жағдайларды ушықтыруы мүмкін. Анамнезінде естен танулар болған немесе гипотониямен астасатын дәрілік заттарды қабылдап жүрген пациенттерді емдегенде; немесе қайталанатын диареямен немесе құсумен байланысты сусыздануы бар пациенттерді емдегенде сақтық таныту керек. Ортостатикалық/постуральді гипотонияны емдеу гипертензияға қарсы дәрілік заттарды түзетуді, регидратацияны немесе минералокортикостероидтарды және/немесе симпатомиметиктерді енгізуді қамтуы мүмкін. Пациенттерге бас айналуы, еліру немесе естен танулар пайда болған жағдайда медициналық көмекке жүгіну қажеттілігі туралы ескерту керек.

Жүрек қызметінің бұзылуы

Бортезомибпен емдегенде жүректің іркілісті жеткіліксіздігінің жедел дамығаны және/немесе сол жақ қарыншаның лықсыту фракциясы төмендеуінің алғаш дамығаны немесе өршігені білінген. Сұйықтық іркілуі жүрек жеткіліксіздігінің белгілері мен симптомдары дамуына бейімдейтін фактор болуы мүмкін. Жүрек ауруларының қауіп факторлары бар немесе жүрек аурулары бұрыннан бар пациенттерді мұқият қадағалау қажет.

Электрокардиограмма зерттеулері

Клиникалық зерттеулерде QT аралығы ұзарған бірен-саран жағдайдар білінген; олардың себептік байланыстары анықталмаған.

Бүйрек функциясының бұзылулары

Көптеген миеломасы бар пациенттерде бүйрек функциясының асқынулары жиі байқалады. Бүйрек функциясының бұзылулары бар пациенттерді мұқият қадағалау керек.

Бауыр функциясының бұзылулары

Бортезомиб бауыр ферменттері арқылы метаболизденеді. Бауырдың орташа немесе ауыр жеткіліксіздігі бар пациенттерде бортезомибтің экспозициясы жоғарылай түседі; ондай пациенттерге Велкозомиб препаратының төмен дозасымен ем жүргізу, және оларды уыттылығының туындауына қатысты мұқият қадағалау қажет.

Бауыр тарапынан реакциялар

Велкозомиб препаратын басқа дәрілік препараттармен бірге қабылдаған, және бастапқы клиникалық жағдайлары ауыр болған пациенттерде бауыр жеткіліксіздігінің сирек жағдайлары байқалған. Бауыр тарапынан білінген басқа да құбылыстар бауыр ферменттері белсенділігінің жоғарылауын, гипербилирубинемия мен гепатитті қамтыды. Ондай өзгерістер Велкозомиб препаратын тоқтатқан кезде қайтымды болуы мүмкін.

Пульмонологиялық аурулар

Сирек жағдайларда, Велкозомиб препаратын қолданғанда, пневмонит, интерстициальді пневмония, өкпе инфильтрациясы және жедел респираторлық дистресс-синдром (ЖРДС) сияқты, өкпенің шығу тегі белгісіз жедел диффуздық инфильтрациялық аурулары байқалған. Ол жағдайлардың кейбіреулері өлімге соқтырған. Емдеуді бастағанға дейін Велкозомиб препаратымен емдеуден кейін пайда болуы мүмкін өкпенің ықтимал өзгерістерін емдеуде негіз ретінде пайдалану үшін, кеуде қуысының рентгенограммасын түсіру ұсынылады.

Өкпе симптомдары (мысалы, жөтел, ентігу) жаңадан пайда болған немесе бұрыннан барлары нашарлаған жағдайда, дереу диагностикалық тексеру жүргізу және тиісінше ем тағайындау қажет. Велкозомиб препаратымен емдеуді жалғастырмас бұрын пайдасы/қаупінің арақатынасын мұқият бағалау қажет.

24 сағат бойғы үздіксіз инфузия түріндегі, цитарабиннің жоғары (тәулігіне 2 г/м2) дозаларын қабылдаумен емдеудің спецификалық біріктірілген режимі ұсынылмайды.

Гематологиялық уыттылық

Велкозомиб препаратымен емдеу гематологиялық уыттылық (тромбоцитопения, нейтропения және анемия) реакцияларымен өте жиі байланысты.

Қайталанатын көптеген миеломасы бар, Велкозомиб препаратын қабылдаған пациенттер, және арасында жүргізілген зерттеулерде, және бұрын емделмеген МЖЛ бар, ритуксимабпен, циклофосфамидпен, доксорубицинмен және преднизонмен (VсR-CAP) біріктірілген Велкозомиб препаратымен ем қабылдаған пациенттерде гематологиялық уыттылықтың анағұрлым жиі көрінісі транзиторлық тромбоцитопения болды.

МЖЛ бар пациенттерде Велкозомиб препаратынсыз ем (ритуксимаб, циклофосфамид, доксорубицин, винкристин, преднизон [R-СНОР]) қабылдаған топпен салыстырғанда, Велкозомиб (VсR-CAP) препаратымен ем қабылдаған топта >3 дәрежелі тромбоцитопенияның туындау жиілігі жоғарырақ (5.8%-ға қарсы 56.7%) болғаны байқалды.

Велкозомиб препаратымен емдеумен байланысты асқазан-ішектік және басүйекішілік қан құйылулар жағдайлары туралы хабарланды. Осыған орай, Велкозомиб препаратының әрбір дозасын енгізер алдында тромбоциттер санын бақылау керек. Егер тромбоциттер саны <25000/мкл құраса, немесе мелфаланмен және преднизонмен біріктіріп емдеу жағдайында тромбоциттер саны ≤30000/мкл құраса, Велкозомиб препаратымен емдеуді тоқтата тұру қажет. Әсіресе, орташа және ауыр тромбоцитопения және қан кету дамуының қауіп факторлары болған жағдайда, емдеудің болуы мүмкін қауіптеріне қарсы ықтимал пайдасын мұқият бағалау қажет.

Велкозомиб препаратымен емдеу кезінде қанның дифференциалды толық талдауын жүргізу және тромбоциттер деңгейін бақылау қажет. Клиникалық көрсетілімдері бойынша тромбоциттерді құю қажеттілігін қарастыру керек.

МЖЛ бар пациенттерде циклдар арасында транзиторлық нейтропения байқалған, ол қайтымды болды және нейтропенияның жинақталған белгілері болмады. Нейтрофилдердің ең аз деңгейі Велкозомиб препаратымен емдеудің әрбір циклының 11-ші күні білінген және әдетте, келесі цикл басталғанда бастапқы деңгейіне дейін қалпына келген. LYM-3002 зерттеуінде, колониестимуляциялайтын фактор VсR-CAP тобындағы 78% пациентке және R-CHOP тобындағы 61% пациентке енгізілді. Нейтропениясы бар пациенттер инфекциялар дамуының қаупі жоғары топқа жататындықтан, ондай пациенттерде қажет инфекциялардың белгілері мен симптомдарының бар-жоқтығын мұқият бақылау жүргізу және тиісінше емін қолдану қажет. Қолданыстағы стандартты тәжірибеге сәйкес, гранулоциттік колониестимуляциялайтын факторларды гематологиялық уыттылықты емдеу үшін енгізуге жол беріледі. Цикл жүргізілуінде бірнеше рет кідіріс болған жағдайда, профилактикалық мақсатта гранулоциттік колониестимуляциялайтын факторларды қолдану қажеттілігін қарастыру керек.

Асқазан-ішек жолы тарапынан уытты реакциялар

Велкозомиб препаратын қолданғанда асқазан-ішек жолы тарапынан уытты реакциялар, соның ішінде құсу, диарея, іш қату мен құсу өте жиі байқалады. Ішек бітелісі туралы хабарламалар алынған. Соған байланысты, іш қатулардан зардап шегіп жүрген пациенттерді мұқият қадағалау керек.

Herpes zoster вирусының реактивациясы

Велкозомиб препаратымен ем қабылдап жүрген пациенттерде вирусқа қарсы профилактика жүргізу ұсынылады. Мелфаланмен және преднизонмен ем қабылдап жүрген пациенттермен салыстырғанда, Велкозомиб препараты мелфаланмен және преднизонмен біріктірілген емді қабылдап жүрген пациенттерде, Herpes zoster вирусы реактивациясының жиілігі жоғары болды (сәйкесінше 4% және 14%).

B гепатиті вирусының (HBV) реактивациясы және жұқтырылуы

Велкозомиб препаратын ритуксимабпен біріктіріп қолданғанда, HBV инфекциясын жұқтыру қаупі бар пациенттерде емдеуді бастағанға дейін HBV бар-жоқтығына скрининг жүргізу қажет. В гепатитін тасымалдаушылар мен анамнезінде В гепатиті болған пациенттер Велкозомиб препаратын ритуксимабпен біріктіріп емдеу кезінде және емдеуден кейін белсенді HBV инфекциясының клиникалық және зертханалық белгілерінің анықталуына қатысты мұқият қадағалануы тиіс. Вирусқа қарсы профилактика жүргізу қажеттілігін қарастыру қажет. Қосымша ақпарат алу үшін ритуксимабты медициналық қолдану жөніндегі нұсқаулықты қараңыз.

Ісік лизисі синдромы

Велкозомиб препараты қатерлі жасушалар мен МЖЛ жасушаларының жылдам қырылуын туғызуға қабілетті цитоуытты препарат болып табылатындықтан, ісік лизисі синдромының асқынулары дамуы мүмкін. Ісігінің бастапқы салмағы жоғары пациенттерде ісік лизисі синдромының даму қаупі жоғары. Ондай пациенттерді емдегенде мұқият бақылануын және тиісінше сақтық шараларының қолданылуын сақтау қажет.

Қатарлас дәрілік заттар

Бортезомибті CYP3A4 күшті тежегіштерімен бірге қабылдап жүрген пациенттерді мұқият қадағалау қажет. Бортезомибті CYP3A4 немесе CYP2C19 субстраттарымен біріктірген кезде сақтық таныту керек.

Бауыр функциясының қалыпқа түскендігіне көз жеткізу және пероральді гипогликемиялық дәрілерді қабылдап жүрген пациенттерді емдегенде сақтық таныту қажет.

Иммундық кешен түрткі болуы ықтимал реакциялар

Иммундық кешен түрткі болуы ықтимал, сарысу құю ауруы типтес реакция, бөртпемен жүретін полиартрит және пролиферациялық гломерулонефрит сияқты реакциялар жағдайлары білінген. Ауыр реакциялар туындаған жағдайда, бортезомибті қолдануды тоқтату қажет.

Қайтымды артқы энцефалопатия синдромы (Posterior Reversible Encephalopathy Syndrome (PRES)

Велкозомибті қабылдап жүрген пациенттерде PRES дамығаны туралы хабарламалар бар. PRЕS сирек кездесетін, қайтымды неврологиялық бұзылыс болып табылады, ол құрысулармен, гипертониямен, бас ауыруымен, летаргиямен, сананың шатасуымен, соқырлықпен және көрудегі басқа да және неврологиялық бұзылулармен көрініс беруі мүмкін. Диагнозды растау үшін, миды көріністеу әдістері – дұрысы МРТ (магнитті-резонанстық томография) пайдаланылады. Егер науқаста PRES дамыса, Велкозомиб препаратымен емдеуді тоқтату керек.

Жүктілік және лактация кезеңі

Ерлер мен әйелдердегі контрацепция

Ер және әйел жынысты, балалы болуға қабілетті пациенттер емделу кезінде және емдеу аяқталғаннан кейін 3 ай бойы контрацепцияның тиімді әдістерін пайдалануы тиіс.

Жүктілік

Бортезомибтің жүктілік ағымына әсері туралы клиникалық деректер жоқ. Бортезомибтің тератогенділік ықтималдылығы түбегейлі зерттелмеген.

Әйелдің клиникалық жай-күйі Велкозомиб препаратымен емдеуді қажет еткен жағдадайларда болмаса, Велкозомиб препараты жүктілік кезінде қолданылмауы тиіс. Егер Велкозомиб препараты жүктілік кезінде қолданылса немесе препаратты қолдану аясында пациент әйелде жүктілік басталса, пациент әйелге шарана үшін қауіпті болуы ықтималдығы ескертілуі тиіс.

Лактация

Бортезомибтің адамда сүтпен бөлініп шығатын-шықпайтындығы белгісіз. Емшектегі балада ауыр жағымсыз реакциялардың туындауы мүмкіндігіне байланысты, Велкозомиб препаратымен емдеу кезінде емшек емізу тоқтатылуы тиіс.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Пациенттерге Велкозомиб препаратымен емдеу кезінде қажу, бас айналуы, естен тану, ортостатикалық/постуральді гипотензия, көру бұзылыстары және көлік құралы мен қауіптілігі зор механизмдерді басқару қабілетіне әсер етуі мүмкін басқа жағымсыз құбылыстар пайда болуы мүмкіндігі туралы ескерту қажет. Аталған симптомдар туындаған жағдайда, пациенттерге автомобиль басқарудан және зейін қоюды және психомоторлық реакциялардың жылдамдығын қажет ететін, қауіптілігі зор басқа қызмет түрлермен шұғылданудан бас тарту ұсынылады.

Қолдану жөніндегі нұсқаулар

Дозалау режимі

Емдеу химиотерапиялық дәрілерді пайдалануда біліктілігі мен тәжірибесі бар дәрігердің қадағалауымен басталуы және жүргізілуі тиіс. Велкозомиб препаратын сұйылту мен енгізуді үйретілген медицина қызметкері жүзеге асыруы тиіс.

Велкозомиб, инъекция үшін ерітінді дайындауға арналған лиофилизат, 1.0 мг, тек вена ішіне енгізуге арналған.

Велкозомиб, инъекция үшін ерітінді дайындауға арналған лиофилизат, 3.5 мг, вена ішіне және тері астына енгізуге арналған.

Велкозомиб басқа тәсілдермен енгізілмеуі тиіс.

ИНТРАТЕКАЛЬДІ ЕНГІЗГЕНДЕ ӨЛІМ ЖАҒДАЙЛАРЫ ТІРКЕЛГЕН.

Велкозомиб препаратының вена ішіне енгізу үшін дайындалған ерітіндісінің концентрациясы 1 мг/мл бортезомибті құрайды.

Велкозомиб препаратының тері астына енгізу үшін дайындалған ерітіндісінің концентрациясы 2.5 мг/мл бортезомибті құрайды.

Бортезомиб ісікке қарсы дәрі болып табылады

Енгізу әдісі және жолы

Ерітіндіні дайындау және препаратты енгізу

Вена ішіне енгізу

Велкозомиб, инъекция үшін ерітінді дайындауға арналған лиофилизат, 3.5 мг препаратының көлемі 10 мл әрбір құтысы 3.5 мл натрий хлоридінің инъекцияға арналған 9 мг/мл (0.9%) ерітіндісінде ерітілуі тиіс. Лиофилизацияланған ұнтақтың еруі 2 минуттан аз уақыт алады. Ерітілгеннен кейін, әр мл ерітіндінің құрамында 1 мг бортезомиб болады.

Дайындалған ерітінді мөлдір және түссіз, ақырғы рН 4-тен 7-ге дейін болуы тиіс. Дайындалған ерітіндіні енгізгенге дейін, ішінде қатты бөлшектердің бар-жоқтығы және түссізденбегені көзбен қарап тексерілуі тиіс. Егер түсінің кез келген өзгеруі немесе ішінде қатты бөлшектердің бар екендігі байқалса, дайындалған ерітінді пайдаланылмауы және утилизациялануы тиіс.

Велкозомиб, 3.5 мг препаратының дайындалған ерітіндісі, шеткері немесе орталықтық вена катетері арқылы венаішілік болюстік инъекция жолымен 3-5 секунд ішінде енгізіліп, артынан натрий хлоридінің инъекцияға арналған 9 мг/мл (0.9%) ерітіндісімен шайылады. Велкозомиб препаратының кезекті енгізулерінің аралығы кемінде 72 сағатты құрауы тиіс.

Тері астына енгізу

Велкозомиб, инъекция үшін ерітінді дайындауға арналған лиофилизат, 3.5 мг препаратының әрбір құтысы 1.4 мл натрий хлоридінің инъекцияға арналған 9 мг/мл (0.9%) ерітіндісінде сұйылтылуы тиіс. Лиофилизацияланған ұнтақтың еруі 2 минуттан аз уақыт ішінде орын алады. Ерігеннен кейін, ерітіндінің әрбір миллилитрінің құрамында 2.5 мг бортезомиб болады. Дайындалған ерітінді мөлдір және түссіз, ақырғы рН 4-тен 7-ге дейін болуы тиіс. Дайындалған ерітінді енгізілгенге дейін оның ішінде қатты бөлшектердің бар-жоқтығы мен түссізденбегені көзбен қарап тексерілуі тиіс. Егер түсінің кез келген өзгеруі немесе қатты бөлшектердің бар-жоқтығы байқалса, дайындалған ерітінді пайдаланылмауы тиіс және жойылуы тиіс.

Тері астына енгізгенде, Велкозомиб, 3.5 мг препаратының дайындалған ерітіндісі санға (оң жақ немесе сол жақ) немесе алдыңғы құрсақ қуысына (оң жақ немесе сол жақ), 45-90° бұрыштан тері астына енгізіледі. Келесі инъекциялары кезінде инъекция аумағын кезектестіріп отыру керек. Велкозомиб препаратын тері астына енгізгеннен кейін жергілікті реакция дамыған жағдайда, не Велкозомиб препаратының концентрациясы аз ерітіндісін тері астына енгізуге (Велкозомиб 3.5 мг препараты 2.5 мг/мл орнына 1 мг/мл дейін сұйылтылуы тиіс) көшу не болмаса, Велкозомиб препаратын вена ішіне енгізуге көшу ұсынылады.

Үдемелі көптеген миелома кезінде дозалау режимі (осының алдында кемінде 1 рет ем қабылдаған пациенттер)

Монотерапия

Велкозомиб, инъекция үшін ерітінді дайындауға арналған лиофилизат, 3.5 мг препаратының ұсынылатын дозасы дене беткейінің ауданына 1.3 мг/м2 құрайды, ол 2 апта бойы аптасына екі рет, 21 күндік емдеу циклының 1, 4, 8 және 11 күндері венаішілік немесе теріастылық инъекциялары жолымен енгізіледі. Бұл 3 апталық мерзім емдеу циклы болып саналады. Толық клиникалық жауапқа қол жеткізгеннен кейін, Велкозомиб препаратымен емдеудің 2 циклын жүргізу ұсынылады. Клиникалық жауапқа қол жеткізген, бірақ толық ремиссиясына жетпеген пациенттерге Велкозомиб препаратымен емдеудің жалпы саны 8-ге дейінгі циклын жүргізу ұсынылады. Велкозомиб препаратының кезекті дозаларын енгізулер арасында кемінде 72 сағат өтуі тиіс.

Велкозомиб препаратымен монотерапия жағдайында емдеу кезінде және емдеу қайтадан басталған кезде дозасын түзету жөніндегі нұсқаулар.

4-ші дәрежелі гематологиялық уыттылық немесе нейропатиядан басқа 3-ші дәрежелі кез келген гематологиялық емес уытты әсері дамыған жағдайда, Велкозомиб препаратымен емдеуді тоқтата тұру керек. Уыттылық симптомдары жоғалғаннан кейін Велкозомиб препаратымен емдеуді 25%-ға төмендетілген дозасымен қайта бастауға болады (1.3 мг/м2 дозасын 1.0 мг/м2 дейін төмендетеді; 1.0 мг/м2 дозасын 0.7 мг/м2 дейін төмендетеді). Егер уыттылық симптомдары басылмаса немесе олар төмендетілген дозоасында қайта пайда болса, Велкозомиб препаратымен емдеуді тоқтату қажеттілігін қарастыру керек, емдеуді тек, егер емдеудің артқшылықтары ықтимал қаупінен асып түсетін болса ғана жалғастыруға болады.

Нейропатиялық ауыру және/немесе шеткері нейропатия

Велкозомиб препаратын қолданумен байланысты нейропатиялық ауыру және/немесе шеткері сенсорлық нейропатия пайда болған жағдайда, препараттың дозасын 1 кестеге сәйкес өзгертеді. Анамнезінде ауыр нейропатиясы бар науқастарда Велкозомибті қаупі/пайдасы арақатынасын мұқият бағалағаннан кейін ғана қолдануға болады.

1 кесте. Бортезомибтен туындайтын нейропатиялық ауыру және/немесе шеткері сенсорлық немесе қимыл-қозғалыс нейропатиясы дамыған кезде ұсынылатын дозасының өзгертілуі

* - Жіктелуі NCI (Ұлттық обыр институтының) СТСАЕ v.4 уыттылықтың жалпы критерийлеріне негізделген (Жағымсыз құбылыстарды белгілеу терминологиясының жалпы критерийлері).

** Күнделікті өмірдегі қимыл-қозғалыс белсенділігі: тамақ дайындауға, азық-түлік пен киім сатып алуға, телефонды пайдалануға, ақшаны пайдалануға және т.б. қабілеттілік;

*** Өз-өзіне күнделікті қызмет көрсетудегі белсенділік: өз бетінше шомылуға, киімін киіп-шешуге, ас ішуге, дәретхананы пайдалануға, дәрілік препараттарды қабылдауға және төсекке таңылмауға қабілеттілік.

Пегилденген липосомалық доксорубицинмен біріктіріп емдеу

Велкозомиб, инъекция үшін ерітінді дайындауға арналған лиофилизат, 3.5 мг препаратының ұсынылатын дозасы дене беткейінің ауданына 1.3 мг/м2 құрайды, ол 2 апта бойы аптасына екі рет, 21 күндік емдеу циклы кезінде 1, 4, 8 және 11 күндері венаішілік немесе теріастылық инъекциялары жолымен енгізіледі. Бұл 3 апталық мерзім емдеу циклы болып саналады. Велкозомиб препаратын бірінен соң бірін енгізулердің аралығы кемінде 72 сағатты құрауы тиіс.

Пегилденген липосомалық доксорубициннің дозасы 30 мг/м2 құрайды, ол Велкозомиб препаратымен 21 күндік емдеу циклының 4 күні, Велкозомиб препаратының инъекциясынан кейін енгізілетін 1 сағаттық венаішілік инфузия жолымен енгізіледі

Бұл біріктірілген емнің 8 циклына дейін, ауру үдегенше, және ем пациенттерге жағымды болған кез бойына қолдануға болады. Толық емдік жауапқа қол жеткізген пациенттер емделуді жалғастыруына және толық жауап алғаш расталғаннан кейін, тіпті бұл емдеудің 8 циклынан артықты қажет ететін болса да, тағы кемінде 2 емдеу циклын қабылдауына болады. 8 циклдан кейін парапротеин деңгейлері төмендей берген пациенттер де емделуді, ем пациентке жағымды болған және клиникалық жауап байқалатын кезең бойына жалғастыруына болады.

Пегилденген липосомалық доксорубицинге қатысты қосымша ақпарат алу үшін, осы препаратты медициналық қолдану жөніндегі нұсқаулықты қарау керек.

Дексаметазонмен біріктіріп емдеу

Велкозомиб, инъекция үшін ерітінді дайындауға арналған лиофилизат, 3.5 мг препаратының ұсынылатын дозасы дене беткейінің ауданына 1.3 мг/м2 құрайды, ол 2 апта ішінде аптасына екі рет, 21 күндік емдеу циклының 1, 4, 8 және 11 күндері венаішілік немесе теріастылық инъекциялары жолымен енгізіледі. Бұл 3 апталық мерзім емдеу циклы болып саналады. Велкозомиб препаратын бірінен соң бірін енгізулердің аралығы кемінде 72 сағатты құрауы тиіс.

Дексаметазонның дозасы Велкозомиб препаратымен 21 күндік емдеу циклы кезінде 1, 2, 4, 5, 8, 9, 11 және 12 күндері ішу арқылы қабылданатын 20 мг құрайды.

Осы біріктірілген емнің 4 циклынан кейін жауапқа немесе тұрақтылыққа қол жеткізген пациенттер, дәл осы біріктірілімді қабылдауды ең көбі 4 қосымша цикл бойына жалғастыруына болады.

Дексаметазонды қолдануға қатысты қосымша ақпарат алу үшін, осы препаратты медициналық қолдану жөніндегі нұсқаулықты қарау керек.

Үдемелі көптеген миеломасы бар пациенттерде біріктіріп емдеу кезінде дозасын түзету

Біріктіріп емдеген кезде дозаларын түзету үшін, жоғарыда монотерапия үшін сипатталған, дозаларын түзету жөніндегі нұсқауларды басшылыққа алу қажет.

Көптеген миеломасы бар, бұрын ем қабылдамаған және қан түзетін дің жасушаларының трансплантациясы үшін жарамсыз пациенттер үшін дозалау режимі

Мелфаланмен және преднизонмен біріктіріліп ұсынылған доза

Велкозомиб® инъекция үшін ерітінді дайындауға арналған лиофилизат, 3.5 мг препараты 2 кестеде сипатталған нұсқауларға сәйкес, пероральді мелфаланмен және пероральді преднизонмен біріктіріп, вена ішіне немесе тері астына енгізіледі. Бұл 6 апталық мерзім емдеу циклы болып саналады. 1-4 циклдарда Велкозомиб препараты 1, 4, 8, 11, 22, 25, 29 және 32 күндері аптасына 2 рет қолданылады. 5-9 циклдарда Велкозомиб препараты 1, 8, 22 және 29 күндері аптасына 1 рет қолданылады. Велкозомиб препаратын бірінен соң бірін енгізулердің аралығы кемінде 72 сағатты құрауы тиіс.

Мелфалан мен преднизон Велкозомиб препаратымен әр емдеу циклының 1, 2, 3 және 4 күндері ішу арқылы қабылдануы тиіс.

Бұл біріктірілген емде емдеудің тоғыз циклы қолданылады.

2 кесте. Мелфаланмен және преднизонмен біркітіріп қолданылатын Велкозомиб препаратын дозалаудың ұсынылатын кестесі

Мелфаланмен және преднизонмен біріктіріп емдеуді қайта бастар алдында дозасын түзету жөніндегі нұсқаулар

Емдеудің жаңа циклын бастар алдында:

• Тромбоциттер саны >70000/мкл болуы тиіс

• Нейтрофилдердің абсолюттік саны (НАС) >1000/мкл

• Гематологиялық емес уыттылық 1 дәрежеге немесе бастапқы деңгейіне дейін төмендетілуі тиіс

3 кесте. Мелфаланмен және преднизонмен біріктірілген Велкозомиб препаратымен емдеудің келесі циклдары кезінде дозасын түзету

Мелфалан және преднизон туралы қосымша ақпарат осы препараттарды медициналық қолдану жөніндегі нұсқаулықтарда келтіріледі.

Велкозомиб препаратын дозалаудың бұрын емделмеген көптеген миеломасы бар, дің жасушаларын трансплантациялау мүмкіндігі бар (индукциялық ем) пациенттер үшін ұсынылатын кестесі

Дексаметазонмен біріктіріп емдеу

Велкозомиб, инъекция үшін ерітінді дайындауға арналған лиофилизат, 3.5 мг препаратының ұсынылатын дозасы дене беткейінің ауданына 1.3 мг/м2 құрайды, ол аптасына екі рет, 21 күндік емдеу циклының 1, 4, 8 және 11 күндері венаішілік немесе теріастылық инъекциялар жолымен енгізіледі. Бұл 3 апталық мерзім емдеу циклы болып саналады. Велкозомиб препаратын бірінен кейін бірін енгізулердің аралығы кемінде 72 сағатты құрауы тиіс.

Дексаметазонның дозасы Велкозомиб препаратымен емдеу циклының 1, 2, 3, 4, 8, 9, 10 және 11 күндері ішу арқылы қабылданатын 40 мг құрайды.

Бұл біріктірілген емнің 4 циклы жүргізіледі.

Трансплантацияға мүмкіндігі бар пациенттер үшін дозасын түзету

Велкозомиб препаратының дозасын түзетуді монотерапия үшін сипатталған, дозасын модификациялау жөніндегі ережелерге сәйкес жүргізу қажет.

Велкозомиб препаратын басқа химиотерапиялық дәрілік препараттармен біріктіріп емдеу кезінде уытты реакциялар дамыған жағдайда, ол препараттар үшін медициналық қолдану жөніндегі нұсқаулықтағы нұсқауларға сәйкес, дозасын тиісінше төмендетуді қарастыру керек.

Бұрын емделмеген мантийжасушалы лимфомасы (МЖЛ) бар пациенттер үшін Велкозомиб препаратын дозалаудың ұсынылатын кестесі

Ритуксимабпен, циклофосфамидпен, доксорубицинмен және преднизонмен (VсR-CAP) біріктіріп емдеу

Велкозомиб, инъекция үшін ерітінді дайындауға арналған лиофилизат, 3.5 мг препаратының ұсынылатын дозасы дене беткейінің ауданына 1.3 мг/м2 құрайды, ол 2 апта бойы 1-ші, 4-ші, 8-ші және 11-ші күні венаішілік инъекциялар жолымен аптасын екі рет енгізіліп, ары қарай 12-ші күннен 21-ші күнге дейін 10 күндік демалыс кезеңі жүреді. Бұл 3 апталық мерзім емдеу циклы болып саналады. Велкозомиб препаратымен емдеудің алты циклын жүргізу ұсынылады, сонымен қатар, клиникалық жауап алғаш рет 6 циклда алынған пациенттер үшін Велкозомиб препаратымен емдеудің екі қосымша циклын тағайындауға болады. Велкозомиб препаратын бірінен соң бірін енгізулердің аралықтары кемінде 72 сағатты құрауы тиіс.

Келесі дәрілік заттар Велкозомиб препаратымен әрбір 3 апталық емдеу циклының 1-ші күні венаішілік инфузиялар жолымен енгізіледі: 375 мг/м2 ритуксимаб, 750 мг/м2 циклофосфамид және 50 мг/м2 дозадағы доксорубицин.

Преднизонды Велкозомиб препаратымен емдеудің әрбір циклының 1-ші, 2-ші, 3-ші, 4-ші және 5-ші күндері 100 мг/м2 дозада пероральді тағайындайды.

Бұрын емделмеген мантийжасушалы лимфомасы бар пациенттерді емдеу кезінде дозасын түзету

Емнің жаңа циклы басталғанға дейін:

• Тромбоциттер саны ≥100000 жасуша/мкл құрауы тиіс және нейтрофилдердің абсолюттік саны (НАС) ≥1500 жасуша/мкл құрауы тиіс

• Сүйек кемігінің инфильтрациясы немесе көкбауыр секвестрациясы бар пациенттерде тромбоциттер саны ≥75000 жасуша/мкл құрауы тиіс

• Гемоглобин ≥8 г/дл

• Гематологиялық емес уыттылық 1-ші дәрежеге немесе бастапқы деңгейіне дейін қалыпқа түсуі тиіс.

Велкозомиб препаратын қолданумен байланысты ≥3 дәрежелі гематологиялық емес уыттылық (нейропатиядан басқа) немесе ≥3 дәрежелі гематологиялық уыттылық туындаған жағдайда, Велкозомиб препаратымен емдеуді тоқтата тұру керек. Дозасын түзету жөніндегі деректерді төменнен 5 кестеден қараңыз.

Гематологиялық уыттылықты емдеу үшін, қолданыстағы стандартты тәжірибеге сәйкес, гранулоциттік колониестимуляциялайтын факторды енгізуге болады. Емдеу циклдарын жүргізу бірнеше рет кідіртілген жағдайларда, гранулоциттік колониестимуляциялайтын факторларды профилактикалық мақсатта енгізуді қарастыру керек. Тромбоцитопенияны емдеу үшін, клиникалық көрсетілімдеріне сәйкес, тромбоциттерді құю қажеттілігін қарастыру керек.

5 кесте. Бұрын емделмеген мантийжасушалы лимфомасы бар пациенттерді емдеу кезінде дозасын түзету.

Бұдан өзге, егер Велкозомиб препараты басқа химиотерапиялық дәрілік заттармен біріктіріп қолданылса, уыттылығы пайда болған жағдайда, аталған дәрілік заттардың дозасын, дәрілік затты медициналық қолдану жөніндегі нұсқаулықтағы нұсқауларға сәйкес, тиісінше төмендетуді қарастыру керек.

Пациенттердің ерекше топтары

Егде жастағы пациенттерде қолданылуы

Көптеген миеломасы немесе мантийжасушалы лимфомасы бар, 65 жастан асқан пациенттер үшін дозасын түзету қажеттілігі туралы болжам жасауға негіз жоқ.

Велкозомиб препаратының егде жастағы, бұрын көптеген миеломаның емін қабылдамаған және қан түзетін дің жасушалары трансплантациялаған, жоғары дозалы химиотерапия жүргізуге жарамды пациенттерде пайдаланылуы зерттелмеген. Соған орай, пациенттердің аталған тобындағы дозасы жөнінде нұсқаулар жоқ.

Бүйрек функциясының бұзылуы бар пациенттер

Бүйрек функциясының орташа және бірқалыпты бұзылуы бар пациенттерде бортезомибтің фармакокинетикасы өзгермейді (креатинин клиренсі >20 мл/мин/1.73 м2); соған байланысты, пациенттердің аталған тобында дозасын түзету қажет емес. Бүйрек функциясының ауыр бұзылуы бар, диализ жүргізілмейтін (креатинин клиренсі <20 мл/мин/1.73 м2) пациенттерде бортезомиб фармакокинетикасының өзгерістеріне қатысты нақты деректер жоқ. Диализ бортезомиб концентрациясының төмендеуіне алып келуі мүмкін болғандықтан, Велкозомиб препаратын диализ емшарасынан кейін енгізу керек.

Бауыр функциясының бұзылуы бар пациенттер

Бауыр жеткіліксіздігінің жеңіл дәрежесі бар науқастарда дозасын түзету қажет емес; оларға Велкозомиб препаратын ұсынылған дозаларында тағайындау керек. Бауыр функциясының орташа немесе ауыр бұзылуы бар пациенттер үшін, емдеуді Велкозомиб препаратының, емдеудің алғашқы циклы кезінде 0.7 мг/м2 бір инъекцияға сәйкес келетін төмен дозасынан бастау ұсынылады, келесіде препараттың пациентке жағымдылығына байланысты, дозасын 1.0 мг/м2 дейін арттыру немесе дозасын 0.5 мг/м2 дейін төмендету мүмкіндігін ескеру керек.

6 кесте. Бауыр функциясының бұзылуы бар пациенттерде Велкозомиб препаратының бастапқы дозасының ұсынылған түзетілуі

СГОТД = сарысудағы глутамат-оксалоацетат-трансаминаза деңгейі;

АСТ = аспартатаминотрансфераза;

ҚЖШ = қалыпты мәндердің жоғарғы шегі

* Ағзалар дисфункциясы жөніндегі жұмыс тобының NCI бауыр бұзылуларын санаттарға бөлу жіктемесіне сәйкес (жеңіл, орташа, ауыр)

Балалар

18 жасқа толмаған пациенттерде Велкозомиб препаратын қолданудың тиімділігі мен қауіпсіздігі анықталмаған. Қазіргі кезде қолда бар деректер «Фармакодинамикасы» бөлімінде сипатталған, дегенмен, қолдану тәсілі және дозалары бойынша нұсқау беру мүмкін емес.

Артық дозаланған жағдайда қолдану қажет шаралар

Симптомдары: ұсынылған дозасынан 2 еседен жоғары артық дозалануы, артериялық қысымның жедел төмендеуі және тромбоцитопениясы бар науқастарда өліммен қатар жүрген.

Емі: Велкозомиб препаратына арнайы антидот белгісіз. Артық дозаланған жағдайда, науқастың өмірлік маңызы бар функцияларының көрсеткіштерін бақылау және артериялық қысым (инфузиялық ем, тамырды тарылтатын және/немесе инотроптық препараттар) мен дене температурасын демеп отыру үшін тиісінше ем жүргізу керек.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Велкозомиб препаратымен емдеу кезінде «жиі емес» санатындағы келесі ауыр жағымсыз реакциялар білінді, олар: жүрек жеткіліксіздігін, ісік лизисі синдромын, өкпе гипертензиясын, қайтымды артқы энцефалопатия синдромын, өкпенің жедел диффуздық инфильтрациялық ауруларын; және «сирек» санатындағы жағымсыз реакциялар – вегетативтік нейропатияны қамтыды. Велкозомиб препаратымен емдеу кезінде байқалған, анағұрлым жиі кездескен жағымсыз реакциялар: жүрек айнуы, диарея, іш қату, құсу, шаршау, қызба, тромбоцитопения, анемия, нейтропения, шеткері нейропатия (сенсорлық түрін қоса), бас ауыруы, парестезиялар, тәбеттің төмендеуі, ентігу, бөртпе, белдемелік теміреткі және миалгия болды.

Көптеген миелома

7 кестеде атап келтірілген жағымсыз реакцияларды зерттеушілер Велкозомиб препаратын қолданумен кемінде себеп-салдарлық байланыстылығы болуы мүмкін немесе ықтимал реакциялар ретінде қарастырды. Бұл жағымсыз реакциялар 5 476 пациенттен алынған кешенді деректерге негізделген, олардың 3 996-сы 1.3 мг/м2 дозадағы Велкозомиб препаратымен ем қабылдаған. Велкозомиб препараты көптеген миеломаны емдеу үшін 3 974 пациентте қолданылған.

Жағымсыз реакциялар ағзалар жүйесінің класына және туындау жиіліктеріне атап көрсетіледі. Жиілік санаттары келесі ретпен анықталған: өте жиі (>1/10), жиі (>1/100 - <1/10 дейін), жиі емес (>1/1000 - <1/100 дейін), сирек (>1/10 000 - <1/1000 дейін), өте сирек (<1/10 000) және белгісіз (жіиілігі анықтау мүмкін емес). Әрбір санатта жағымсыз реакциялар ауырлық дәрежесінің азаю ретімен келтірілген.

Көптеген миеломасы бар, Велкозомиб препаратымен монотерапияда немесе басқа дәрілік препараттармен біріктіріп ем қабылдаған пациенттердегі жағымсыз әсерлер

Инфекциялық және паразиттік аурулар

Жиі

- герпес zoster (жайылған және офтальмологиялық түрін қоса)

- пневмония*

- қарапайым герпес*

- зең аурулары

Жиі емес

- инфекциялар*

- бактериялық инфекциялар, вирустық инфекциялар*

- сепсис (сепсистік шокты қоса)*

- бронхопневмония

- герпес вирусы инфекциясы*

- герпестік менингоэнцефалит#

- бактериемия (стафилококтық түрін қоса)

- теріскен

- тұмау

- целлюлит

- инфекциялар

- өніммен байланыстылары

- тері инфекциялары*

- құлақ инфекциялары*

- стафилококк инфекциялары

- тістердің инфекциялары*

Сирек

- менингит (бактериялық түрін қоса)

- Epstein-Barr вирустық инфекциясы

- гениталий герпесі

- тонзиллит

- мастоидит, вирустан кейінгі шаршау синдромы

Қатерсіз, қатерлі және нақты анықталмаған жаңа түзілімдер(соның ішінде кисталар мен полиптер)

Сирек

- қатерлі жаңа түзілім

- плазма жасушалық лейкемия

- бүйрек- жасушалы карцинома

- жаңа түзілім

- микоз

- қатерсіз жаңа түзілім

Қан және лимфа жүйесі тарапынан бұзылулар

Өте жиі

- тромбоцитопения*

- нейтропения*

- анемия*

Жиі

- лейкопения*

- лимфопения*

Жиі емес

- панцитопения*

- фебрильді нейтропения

- коагулопатия*

- лейкоцитоз*

- лимфаденопатия

- гемолиздік анемия#

Сирек

- диссеминацияланған тамырішілік ұю

- тромбоцитоз*

- тұтқырлықтың артуы синдромы

- тромбоциттер тарапынан бұзылулар (ҚНЗ)

- тромбоцитопениялық пурпура

- қан ауруы (ҚНЗ)

- геморрагиялық диатез

- лимфоциттер инфильтрациясы

Иммундық жүйе тарапынан бұзылулар

Жиі емес

- ангионевроздық ісіну # (Квинке ісінуі)

- аса жоғары сезімталдық*

Сирек

- анафилаксиялық шок

- амилоидоз,

- иммундық кешен түрткі болған III типті реакция

Эндокриндік жүйе тарапынан бұзылулар

Жиі емес

- Кушинг синдромы*

- гипертиреоидизм*

- антидиуретиктік гормонның талапқа сай өндірілмеуі

Сирек

- гипотиреоидизм

Зат алмасу және тамақтану тарапынан бұзылулар

Өте жиі

- тәбеттің төмендеуі

Жиі

- сусыздану

- гипокалиемия*

- гипонатриемия*

- қандағы глюкоза концентрациясының бұзылуы*

- гипокальциемия*

- ферменттер аномалиялары

Жиі емес

- ісік лизисі синдромы

- физикалық дамудың тежелуі*

- гипомагниемия*

- гипофосфатемия*

- гиперкалиемия*

- гиперкальциемия*

- гипернатриемия*

- несеп қышқылы концентрациясының бұзылуы*

- қант диабеті*

- сұйықтық іркілуі

Сирек

- гипермагниемия*

- ацидоз

- электролиттер теңгерімсіздігі*

- гиперволемия

- гипохлоремия*

- гиповолемия

- гиперхлоремия*

- гиперфосфатемия*

- зат алмасудың бұзылуы

- В тобы дәрумендерінің тапшылығы

- B12 дәруменінің тапшылығы

- подагра

- тәбеттің жоғарылауы

- алкоголь жақпаушылығы

Психиатриялық бұзылыстар

Жиі

- көңіл-күйдің бұзылыстары және бұзылулары*

- үрейлі бұзылыстар

- ұйқы бұзылыстары және бұзылулары*

Жиі емес

- ментальді бұзылыстар*

- елестеулер*

- психикалық бұзылыс* - абыржу*

- мазасыздық

Сирек

- суицидтік ойлар *

- бейімделудің бұзылуы

- сандырақтау

- либидо төмендеуі

Жүйке жүйесі тарапынан бұзылулар

Өте жиі

- нейропатия*

- шеткері сенсорлық нейропатия

- дизестезия

- невралгия*

Жиі

- қимыл-қозғалыс нейропатиясы*

- естен тану (талып құлауды қоса)

- бас айналуы*

- дәм сезудің бұзылуы*

- летаргия

- бас ауыруы

Жиі емес

- тремор

- шеткері сенсомоторлық нейропатия

- дискинезия*

- церебеллярлық қимыл-қозғалыс пен тепе-теңдіктің бұзылуы*

- есін жоғалту (деменцияны қоспағанда)

- энцефалопатия*

- қайтымды артқы энцефалопатия синдромы #

- нейроуыттылық

- эпилепсия*

- герпестен кейінгі невралгия, сөйлеу бұзылыстары*

- шаршаған аяқтар синдромы, бас сақинасы

- ишиас

- зейін қоюдың бұзылуы

- аномальді рефлекстер*

- паросмия

Сирек

- миға қан құйылу*

- бассүйекішілік қан кету (субарахноидальді түрін қоса)*

- мидың ісінуі

- транзиторлық ишемиялық шабуыл

- кома

- вегетативтік жүйке жүйесінің теңгерімсіздігі

- вегетативтік нейропатия

- бассүйек жүйкелерінің салдануы*

- салдану*

- парез*

- естен тану алдындағы жағдай

- ми діңінің зақымдану синдромы

- ми қанайналымының бұзылуы

- жүйке түбіршектерінің зақымдануы

- психомоторлық аса жоғары белсенділік

- жұлынның компрессиясы

- когнитивтік бұзылыс (ҚНЗ)

- қимыл-қозғалыс дисфункциясы

- жүйке жүйесінің бұзылудары (ҚНЗ)

- радикулит

- сілекей ағу

- гипотония

Көру мүшесі тарапынан бұзылулар

Жиі

- көздің ісінуі*

- көрудің бұзылуы*

- конъюнктивит*

Жиі емес

- көзге қан құйылулар*

- қабақтардың инфекциялары*

- көздің қабынуы*

- диплопия

- көздің құрғауы*

- көздің тітіркенуі*

- көз ауыруы

- көзден жас парлаудың күшеюі

- көзден бөліністер

Сирек

- мөлдір қабықтың зақымдануы*

- экзофтальм

- ретинит

- скотома

- көз функциясының бұзылуы (қабақтардың бұзылуын қоса) (ҚНЗ)

- көз жас безінің жүре пайда болған қабынуы

- жарықтан қорқу

- фотопсия

- оптикалық нейропатия#

- көрудің түрлі дәрежелердегі (соқырлыққа дейінгі) бұзылулары*

Есту мүшесі мен лабиринт тарапынан бұзылулар

Жиі

- вертиго*

Жиі емес

- дизакузия (құлақтағы шуылды қоса)*

- естудің бұзылуы (кереңдікті қоса)

- құлақтағы жайсыздық*

Сирек

- құлақтан қан кетулер

- вестибулярлық нейронит

- есту мүшесі тарапынан бұзылулар (ҚНЗ)

Жүрек тарапынан бұзылулар

Жиі емес

- жүрек тампонадасы#

- тыныс алу мен жүрек қызметінің тоқтап қалуы*

- жыпылықтағыш аритмия (жүрекшелердің аритмиясын қоса)

- жүрек жеткіліксіздігі (сол жақ және оң жақ қарыншаларды қоса)*

- аритмиялар*

- тахикардия*

- жүрек қағуын сезіну

- стенокардия

- перикардит (перикард экссудатын қоса)*

- кардиомиопатия*

- қарынша дисфункциясы*

- брадикардия

Сирек

- жүрекшелердің дірілдеуі

- миокард инфарктісі *

- атриовентрикулярлық блокада*

- жүрек-қантамыр бұзылулары (кардиогендік шокты қоса)

- Torsade de pointes типті аритмиялар

- тұрақсыз стенокардия

- жүрек клапандарының зақымданулары*

- коронарлық жеткіліксіздік

- синустық түйіннің жұмыс істемеуі

Қантамыр жүйесі тарапынан бұзылулар

Жиі

- гипотензия*

- ортостатикалық гипотензия

- гипертензия*

Жиі емес

- ми қанайналымының жедел бұзылуы#

- терең веналар тромбозы*

- қан құйылу*

- тромбофлебит (беткейлік түрін қоса)

- қантамыр коллапсы (гиповолемиялық шокты қоса)

- флебит

- терінің қызарулары*

- гематома (периренальді түрін қоса)

- шеткері қанайналым жеткіліксіздігі*

- васкулит,

- гиперемия (көздегі түрін қоса)*

Сирек

- шеткері эмболия

- лимфа ісінуі

- бозару

- эритромелалагия

- тамырлардың кеңеюі

- веналар түсінің өзгеруі

- вена жеткіліксіздігі

Тыныс алу жүйесі, кеуде қуысы ағзалары және көкірекорта тарапынан бұзылулар

Жиі

- ентігу*

- мұрыннан қан кету

- жоғарғы/төменгі тыныс жолдарының инфекциясы *

- жөтел*

Жиі емес

- өкпе артериясының эмболиясы

- плевра жалқығы

- өкпенің ісінуі (жедел түрін қоса)

- өкпеден альвеолярлық қан құйылу#

- бронх түйілуі

- өкпенің созылмалы обструкциялық ауруы*

- гипоксемия*

- тыныс жолдарының бітелуі*

- гипоксия

- плеврит*

- ықылық

- ринорея

- дисфония

- бронх-өкпе обструкциясы

Сирек

- тыныс алу жеткіліксіздігі

- жедел респираторлық дистресс-синдром

- апноэ

- пневмоторакс

- өкпе ателектазы

- өкпе гипертензиясы

- қан түкіру

- гипервентиляция

- ортопноэ

- пневмонит

- респираторлық алкалоз

- тахипноэ

- өкпе фиброзы

- бронх бұзылулары*

- гипокапния*

- өкпенің интерстициальді ауруы

- өкпе инфильтрациясы

- тамақтың қысылу сезімі

- тамақтың құрғауы

- жоғарғы тыныс жолдарынан секрецияның жоғарылауы

- тамақтың тітіркенуі

- жоғарғы тыныс жолдарынан жөтелу синдромы

Асқазан-ішек жолы тарапынан бұзылулар

Өте жиі

- жүрек айнуы және құсу*

- іш өтуі*

- іш қатуы

Жиі

- асқазан-ішектен қан кетулер (шырышты қабықтан қан кетулерді қоса)*

- диспепсия

- стоматит*

- іштің кебуі

- орофарингеальді ауыру*

- іштің ауыруы (асқазан-ішек ауыруын және көкбауыр тұсының ауыруын қоса)*

- ауыз қуысындағы бұзылулар*

- метеоризм

Жиі емес

- панкреатит (созылмалы түрін қоса)*

- қан аралас құсу

- еріннің ісінуі*

- асқазан-ішек обструкциясы (ішек бітелуін қоса)*

- іштегі жайсыздық

- ауыз қуысының ойық жаралары*

- энтерит*

- гастрит*

- қызыл иектен қан кету

-гастроэзофагеальді рефлюкс ауруы*

- колит (Сlostridium difficile туғызған түрін қоса)*

- ишемиялық колит

- асқазан-ішек жолының қабынуы

- дисфагия

- тоқ ішектің тітіркену синдромы

- асқазан-ішек бұзылыстары (ҚНЗ)

- тілдің өңезденуі синдромы

- асқазан-ішек жолы моторикасының бұзылуы *

- сілекей бездері функциясының бұзылуы

Сирек

- жедел панкреатит

- перитонит*

- тілдің ісінуі*

- асцит

- эзофагит

- хейлит

- үлкен дәретті ұстай алмау

- анус сфинктерінің атониясы

- фекалома*

- асқазан-ішек жолының ойық жаралануы және перфорациясы *

- қызыл иектердің гипертрофиясы

- мегаколон

- тік ішектен бөліністер

- ауызжұтқыншақ аймағында күлбіреуіктердің түзілуі *

- еріннің ауыруы

- периодонтит

- артқы өтістің сызаты

- дефекация ырғағының өзгеруі

- прокталгия

- аномальді үлкен дәрет

Бауыр және өт шығару жолдары тарапынан бұзылулар

Жиі

- бауыр ферменттері тарапынан бұзылулар*

Жиі емес

- гепатоуыттылық (бауыр функциясының бұзылуларын қоса)

- гепатит*

- холестаз

Сирек

- бауыр жеткіліксіздігі

- гепатомегалия

- Бадд-Киари синдромы

- цитомегаловирустық гепатит

- бауырдан қан кету

- өттас ауруы

Тері және теріасты тіндері тарапынан бұзылулар

Жиі

- бөртпе*

- қышыну*

- эритема

- терінің құрғауы

Жиі емес

- көп формалы эритема

- есекжем

- жедел фебрильді нейтрофильді дерматоз

-терінің уытты бөртпесі

- уытты эпидермалық некролиз#

- Стивенс-Джонсон синдромы

- дерматит*

- шаш тарапынан бұзылулар*

- петехиялар

- экхимоз

- тері зақымдануы

- геморрагиялық бөртпе

- терінің жаңа түзілімдері*

- псориаз

- гипергидроз

- түнде терлеу

- тесілулер#

- акне*

- күлбіреуіктердің түзілуі*

- пигментацияның бұзылуы

Сирек

- тері реакциясы

- Джесснердің лимфоциттік инфильтрациясы

- алақан-табан эритродизестезиясы

- тері астына қан құйылулар

- торлы мәрмәр тері

-терінің тығыздануы

- папулалар

- жарыққа сезімталдық реакциялары

- себорея

- суық тер

- тері зақымданулары (ҚНЗ) эритродермия

- терінің ойық жаралануы

- тырнақтардың зақымдануы

Қаңқа-бұлшықет және дәнекер тіндер тарапынан бұзылулар

Өте жиі

- қаңқа-бұлшықет ауыруы*

Жиі

- бұлшықет түйілуі*

- аяқ-қолдардың ауыруы

- бұлшықет әлсіздігі

Жиі емес

- бұлшықеттердің құрысулары

- буынның ісінуі

- артрит*

- буындардың сіресуі

- миопатиялар*

- ауырлық сезімі

Сирек

- рабдомиолиз

- самай/шеке-астыңғы жақсүйек буыны синдромы

- жыланкөздер

- буын жалқығы

- жақсүйектің ауыруы

- сүйек бұзылулары

- қаңқа-бұлшықет жүйесі мен дәнекер тіндердің инфекциялары және қабынулары*, синовиальді киста

Бүйрек және несеп шығару жолдары тарапынан бұзылулар

Жиі

- бүйрек тарапынан бұзылулар*

Жиі емес

- бүйректің жедел жеткіліксіздігі

- бүйректің созылмалы жеткіліксіздігі*

- несеп шығару жолдарының инфекциялары*

- несеп шығару жолдары тарапынан белгілер мен симптомдар*

- гематурия*

- несептің іркілуі

- несеп шығару бұзылысы*

- протеинурия

- азотемия

- олигурия*

- поллакиурия

Сирек

- қуықтың тітіркенуі

Жыныс мүшелері мен сүт безі тарапынан бұзылулар

Жиі емес

- қынаптан қан кетулер, гениталийдегі ауыру*

- эректильді дисфункция

Сирек

- тестикулярлық бұзылулар*

- простатит

- әйелдерде сүт бездері тарапынан бұзылулар

- аталық без қосалқысының ауыруы

- аталық без қосалқысының қабынуы

- жамбас ауыруы

- вульваның ойық жаралануы

Туа біткен, отбасылық және генетикалық аурулар

Сирек

- аплазия

- асқазан-ішек жолы дамуының ақауы

- ихтиоз

Жалпы сипаттағы асынулар және енгізген жердегі реакциялар

Өте жиі

- гипертермия*

- шаршау

- астения

Жиі

- ісінулер (шеткері түрлерін қоса)

- қалтырау

- ауыру*

- дімкәстану

Жиі емес

- физикалық саулықтың жалпы нашарлауы*

- беттің ісінуі*

- инъекция орнындағы реакция *

- шырышты қабық тарапынан бұзылулар*

- кеуденің ауыруы

- жүріс-тұрыстың бұзылуы

- мұздау сезімі

- экстравазация*

- асқыну

- катетермен байланысты*

- шөлдеу*

- кеуде қуысындағы жайсыздық

- дене температурасының өзгергенін сезіну*

- инъекция орнының ауыруы

Сирек

- өлім (кенеттен өлуді қоса)

- көп ағзалық жеткіліксіздік

- инъекция орнынан қан кету*

- жарық (өңеш тесігінің жарығын қоса)

- жазылудың бұзылуы*

- қабыну

- инъекция орнындағы флебит *

- ауырсыну

- ойық жара

- тітіркену

- кеудедегі кардиологиялық емес ауыру

- катетерді енгізген орынның ауыруы

- бөгде дене тұрғандай сезіну

Зертханалық зерттеулер

Жиі

- салмақ төмендеуі

Жиі емес

- гипербилирубинемия*

- нормаға сәйкес келмейтін ақуыз талдауы*

- салмақ жоғарылауы

- нормаға сәйкес келмейтін қан талдауы *

- С-реактивтік ақуыздың көбеюі

Сирек

- нормаға сәйкес келмейтін қан газдары*

- электрокардиограммадағы ауытқулар (QT аралығының ұзаруын қоса)*

- халықаралық қалыптастырылған қатынастың ауытқулары*

- асқазандағы рН төмендеуі

- тромбоциттер агрегациясының жоғарылауы

- тропонин I жоғарылауы

- вирус идентификациясы және серологиясы*

- несеп талдауындағы ауытқулар

Енгізу емшарасымен байланысты жарақаттар, уланулар және асқынулар

Жиі емес

- құлап қалу

- контузия

Сирек

- құюға реакциялар

- сынулар*

- сіресу*

- бет жарақаттары

- буын зақымданулары*

- күюлер

- ашық жаралар

- ауыру

- енгізу емшарасымен байланыстылар

- радиациялық зақымдану

Хирургиялық және медициналық емшаралар

Сирек

- макрофагтардың белсенуі (хирургиялық және медициналық емшараларды жүргізумен байланысты)

ҚНЗ = қосымша нақтылауларсыз

* MedDRA бір қолайлы терминінен артық топтастырылуы

# маркетингтен кейінгі деректерден алынған жағымсыз реакция

Мантийжасушалы лимфома (МЖЛ)

Біріктірілген емді (VсR-CAP) қолданумен байланысты қосымша анықталған жағымсыз реакциялар В гепатиті инфекциясы (<1%) мен миокард ишемиясын (1.3%) қамтыды. Екі емдеу тобындағы аталған реакциялардың туындау жиіліктерінің ұқсастығы, бұл жағымсыз дәрілік реакциялардың тек Велкозомиб препаратын қолданумен ғана байланысты болмағандығын көрсетіп отыр. Көптеген миелома зерттеулеріндегі пациенттермен салыстырғанда, МЖЛ бар пациенттер тобындағы белгілі айырмашылықтарда гематологиялық жағымсыз реакциялардың (нейтропения, тромбоцитопения, лейкопения, анемия, лимфопения), шеткері сенсорлық нейропатияның, гипертонияның, гипертермияның, пневмонияның, стоматиттің және шаш ауруларының туындау жиілігі ≥5%-ға көп болды.

≥1% туындау жиілігімен анықталған, VсR-CAP тобындағы туындау жиілігіне ұқсас немесе жиілігінің жоғарырақ және, VсR-CAP емі кезіндегі дәрілік заттармен тым болмаса себеп-салдарлық байланысы болуы мүмкін немесе ықтимал жағымсыз дәрілік реакциялар 8 кестеде атап келтірілген. Сонымен қатар, VсR-CAP тобында анықталған, зерттеушілер қарастырған және, көптеген миелома зерттеулеріндегі тарихи деректердің негізінде Велкозомиб препаратымен емдеумен тым болмаса себеп-салдарлық байланысы болуы мүмкін немесе ықтимал жағымсыз дәрілік реакциялар кірістірілген.Жағымсыз дәрілік реакциялар төменде ағзалар жүйесінің класы бойынша атап келтірілген және туындау жиіліктеріне қарай атап келтірілген. Туындау жиілігі келесі ретпен анықталған: өте жиі (≥1/10); жиі (≥1/100 - <1/10 дейін); жиі емес (≥1/1000 - <1/100 дейін); сирек (≥1/10000 <1/1000); өте сирек (<1/10000), белгісіз (қолда бар деректер бойынша бағалау мүмкін емес). Әрбір туындау жиілігі тобында жағымсыз әсерлер ауырлығының азаюы тәртібімен берілген. 8 кесте MedDRA16 нұсқасын пайдаланып құрастырылған.

Мантийжасушалы лимфомасы бар, VcR-CAP емін қабылдаған пациенттердегі жағымсыз реакциялар

Инфекциялар және инфестациялар

Өте жиі

- пневмония

жиі

- сепсис (сепсистік шокты қоса)

- Herpes zoster (диссеминацияланған және офтальмологиялық түрлерін қоса)

- герпес вирусының инфекциясы

- бактериялық инфекциялар

- жоғарғы/ төменгі тыныс жолдарының инфекциялары

- зең инфекциясы

- Herpes simplex

жиі емес

- В гепатиті инфекциясы*

- бронхопневмония

Қан және лимфа жүйесі тарапынан бұзылулар

өте жиі

- тромбоцитопения*

- фебрильді нейтропения

- нейтропения*

- лейкопения

- анемия, лимфопения*

жиі емес

- панцитопения

Иммундық жүйе тарапынан бұзылулар

жиі

- жоғары сезімталдық*

жиі емес

- анафилаксиялық реакциялар

Зат алмасу және тамақтану бұзылулары

өте жиі

- тәбеттің төмендеуі

жиі

- гипокалиемия*

- глюкоза деңгейінің бұзылуы*

- гипонатриемия*

- қант диабеті*

- сұйықтық іркілуі

жиі емес

- ісік лизисі синдромы

Психика бұзылулары

жиі

- ұйқы бұзылыстары және бұзылулары*

Жүйке жүйесінің бұзылулары

өте жиі

- шеткері сенсорлық нейропатия

- дизестезия*

- невралгия*

жиі

- нейропатиялар*

- қимыл-қозғалыс нейропатиясы*

- естен тану (талып құлауды қоса)

- энцефалопатия*

- шеткері сенсорлық қимыл-қозғалыс нейропатиясы

- бас айналуы*, дәм сезудің бұрмалануы*, автономды нейропатия

жиі емес

- вегетативтік жүйке жүйесінің теңгерімсіздігі

Көру мүшесі тарапынан бұзылулар

жиі

- көрудің бұзылулары*

Есту мүшесі мен тепе теңдік тарапынан бұзылулар

жиі

- дизакузия (құлақтағы шуылды қоса)*

жиі емес

- вертиго*

- естудің бұзылуы (кереңдікке дейін)

Жүрек тарапынан бұзылулар

жиі

- жүрек фибрилляциясы (жүрекшенің фибрилляциясын қоса)

- аритмия*

- жүрек жеткіліксіздігі (сол және оң жақ қарыншаның жеткіліксіздігін қоса)*

- миокард ишемиясы, қарынша дисфункциясы*

жиі емес

- жүрек-қантамыр бұзылулары (кардиогендік шокты қоса)

Қантамырлар тарапынан бұзылулар

жиі

- гипертония*

- гипотония*

- ортостатикалық гипотензия

Тыныс алу жүйесі, кеуде қуысы ағзалары және көкірекорта тарапынан бұзылулар

жиі

- ентігу*

- жөтел*

- ықылық

жиі емес

- жедел респираторлық дистресс-синдром

- өкпе артериясының эмболиясы

- пневмония

- өкпе артериясының гипертензиясы

- өкпенің ісінуі (жедел ісінуді қоса)

Асқазан-ішек жолы тарапынан бұзылулар

өте жиі

- жүрек айнуы және құсу симптомдары*

- диарея*

- стоматит*

- іш қатуы

жиі

- асқазан-ішектен қан кетулер (шырышты қабықтан қан кетулерді қоса)*

- іштің кебуі, диспепсия

- ларингофарингеальді ауыру*

- гастрит*

- ауыз қуысындағы ойық жаралар*

- іштегі жайсыздық

- дисфагия

- асқазан-ішек жолының қабынуы*

- іш ауыруы (соның ішінде, асқазан-ішек пен көкбауырдың ауыруы)*

- ауыз қуысындағы бұзылыстар*

жиі емес

- колит (clostridium difficile қоса)*

Бауыр және өт шығару жолдары тарапынан бұзылулар

жиі

- гепатоуыттылық (бауыр тарапынан бұзылуларды қоса)

жиі емес

- бауыр жеткіліксіздігі

Тері және теріасты тіндері тарапынан бұзылулар

өте жиі

- шаш аурулары*

жиі

- қышыну*

- дерматит *

- бөртпе*

Қаңқа-бұлшықет және дәнекер тіндер тарапынан бұзылулар

жиі

- бұлшықет түйілулері*

- қаңқа-бұлшықет ауырулары*

- аяқ-қолдардың ауыруы

Бүйрек және несеп шығару жолдары тарапынан бұзылулар

жиі

- несеп шығару жолдарының инфекциясы*

Жалпы сипаттағы асқынулар және енгізген жердегі реакциялар

өте жиі

- гипертермия*

- шаршау

- астения

жиі

- ісінулер (шеткері түрін қоса)

- қалтырау

- препаратты енгізген жердегі реакция*

- дімкәстану*

Зертханалық және аспаптық зерттеу деректері

жиі

- гипербилирубинемия*

- ақуыздар талдауының әдеттен тыс нәтижесі*

- салмақ төмендеуі

- салмақ жоғарылауы

* MedDRA біреуден артық қолайлы терминінің топтастырылуы

Жекелеген жағымсыз реакциялардың сипаттамасы

Белдемелік герпестің реактивациясы

Көптеген миелома

Вирусқа қарсы профилактика Велкозомиб препараты + мелфалан + преднизон тобындағы 26% пациентте қолданылды. Велкозомиб + мелфалан + преднизон тобындағы пациенттерде белдемелік герпес көрініс берген жағдайлардың жиілігі вирусқа қарсы профилактиканы қабылдаған пациенттердегі 3%-бен салыстырғанда вирусқа қарсы профилактиканы қабылдамаған пациенттерде 17% құрады.

Мантийжасушалы лимфома

Вирусқа қарсы профилактика VсR-CAP тобындағы 240 пациенттің 137-сінде (57%) жүргізілді. VсR-CAP тобындағы пациенттерде Herpes zoster туындау жиілігі вирусқа қарсы профилактиканы қабылдаған пациенттер үшін 3.6%-бен салыстырғанда, вирусқа қарсы профилактиканы қабылдамаған пациенттер үшін 10.7% құрады.

Мантийжасушалы лимфома

және В гепатиті вирусы (HBV) инфекциясын жұқтыру

Өлімге соқтыратын HBV инфекциясын жұқтыру Велкозомиб препаратынсыз емдеу тобында (ритуксимаб, циклофосфамид, доксорубицин, винкристин, преднизолон; R-CHOP) 0.8% пациентте (n = 2) және ритуксимабпен, циклофосфамидпен, доксорубицинмен және преднизонмен біріктіріп Велкозомиб препаратымен ем қабылдаған (VсR-CAP) 0.4% (n = 1) пациентте білінді. В гепатиті инфекциясын жұқтырудың жалпы жиілігі VсR-CAP немесе R-CHOP тобындағы пациенттерде салыстырымды болды (сәйкесінше 1.2%-ға қарсы 0.8%).

Біріктіріп емдеу режимдеріндегі шеткері нейропатия

Көптеген миелома

Велкозомиб препаратының дексаметазонмен (IFM-2005-01 зерттеуі) және дексаметазон-талидомидпен (MMY-3010 зерттеуі) біріктірілген индукциялық ем ретінде қолданылуын зерттеулер нәтижелері бойынша, біріктіріп емдеу режимдерінде шеткері нейропатия көрініс берген жағдайлардың жиілігі төмендегі кестеде келтірілген мәндерге сәйкес келген:

9 кесте. Индукциялық ем кезінде шеткері нейропатияның уыттылық дәрежелеріне және шеткері нейропатияның себебінен емнің тоқтатылуына байланысты туындау жиілігі

VDDx = винкристин, доксорубицин, дексаметазон; VcDx = Велкозомиб, дексаметазон; TDx = талидомид, дексаметазон; VcTDx = Велкозомиб, талидомид, дексаметазон; ШН = шеткері нейропатия.

Ескертпе: шеткері нейропатия мыналарды: шеткері нейропатияны, шеткері моторлық нейропатияны, шеткері сенсорлық нейропатияны және полинейропатияны қамтиды.

Мантийжасушалы лимфома

Велкозомиб ритуксимабпен, циклофосфамидпен, доксорубицинмен және преднизонмен бірге (R-CAP) енгізілген LYM-3002 зерттеуінде, біріктіріп емдеу кезінде шеткері нейропатияның туындау жиілігі төмендегі кестеде келтірілген:

10 кесте. LYM-3002 зерттеуінде шеткері нейропатияның уыттылық дәрежелеріне және шеткері нейропатияның себебінен емнің тоқтатылуына байланысты туындау жиілігі

VсR-CAP = Велкозомиб, ритуксимаб, циклофосфамид, доксорубицин және преднизон; R-СНОР = ритуксимаб, циклофосфамид, доксорубицин, винкристин және преднизон; ШН = шеткері нейропатия

Шеткері нейропатия мына қолайлы терминдерді қамтиды: шеткері нейропатия, шеткері қимыл-қозғалыс нейропатиясы және шеткері сенсорлық қимыл-қозғалыс нейропатиясы.

Егде жастағы, МЖЛ бар пациенттер

≥75 жас шамасындағы пациенттерде VсR-CAP және R-CHOP емінің жағымдылығы нашар болғанымен, R-СНОР тобындағы 42%-бен салыстырғанда, VсR-CAP тобындағы ауыр жағымсыз реакциялар көрсеткіші 68% құрады.

Велкозомиб препаратын монотерапия режимінде вена ішіне енгізумен салыстырғанда, тері астына енгізген кездегі қауіпсіздік бейініндегі елеулі айырмашылықтар Диарея, асқазан-ішектің және абдоминальді ауыруы, астениялық жағдайлар, жоғарғы тыныс жолдарының инфекциялары және шеткері нейропатия жағдайларының жалпы жиілігі вена ішіне енгізілген топпен салыстырғанда, тері астына енгізген топта 12%-15%-ға төмен. Бұдан өзге, вена ішіне енгізу тобымен салыстырғанда, тері астына енгізілген топта, 3 дәрежелі немесе одан жоғары шеткері нейропатия жағдайларының жиілігі 10%-ға төмен және емнің шеткері нейропатияға байланысты тоқтатылу деңгейі 8%-ға төмен.

Шамамен 6% пациентте тері астына енгізуге, негізінен қызару түріндегі жергілікті жағымсыз реакция көрініс берді.

Қайталанатын көптеген миеломасы бар пациенттерді қайтадан емдеу

Анағұрлым кең таралған, барлық ауыр дәрежелеріндегі жағымсыз реакциялар: тромбоцитопения, нейропатия, анемия, диарея, іш қату, шеткері нейропатияның барлық ауыр дәрежелері және 3 дәрежелі шеткері нейропатия болды.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

«Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті Дәрілік заттарды және медициналық бұйымдарды сараптау Ұлттық Орталығы» РМК ШЖҚ

http://www.ndda.kz

Қосымша мәліметтер

Дәрілік препараттың құрамы

Бір құтының ішінде

белсенді зат –3.5 мг бортезомиб

қосымша заттар: маннитол, трет - бутанол

Сыртқы түрінің, иісінің, дәмінің сипаттамасы

Ақ немесе ақ дерлік түсті лиофилизацияланған масса немесе ұнтақ

Шығарылу түрі және қаптамасы

Ақшыл шыныдан жасалған, резеңке тығынмен тығындалып, алюминий қалпақшамен қаусырылған, пластик қақпағы бар құтыға 3,5 мг препараттан салынған.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапшаға салынады

3 жыл

Жарамдылық мерзімі өткеннен кейін қолдануға болмайды.

Түпнұсқалық қаптамасында, жарықтан қорғалған жерде 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы.

Өндіруші туралы мәлімет

«Элеас» ПФК» ЖШС

040707, Қазақстан Республикасы, Алматы облысы, Іле ауданы,

Боралдай кенті, Өнеркәсіп аймағы, 71 разъезд, 60А ғимарат

тел. 8(727)3980430, факс. 8(727)3711900,

e-mail: pfkeleas@gmail.com

Тіркеу куәлігінің ұстаушысы

«Элеас» ПФК» ЖШС

040707, Қазақстан Республикасы, Алматы облысы, Іле ауданы,

Боралдай кенті, Өнеркәсіп аймағы, 71 разъезд, 60А ғимарат

тел. 8(727)3980430, факс. 8(727)3711900,

e-mail: pfkeleas@gmail.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Элеас» ПФК» ЖШС

040707, Қазақстан Республикасы, Алматы облысы, Іле ауданы,

Боралдай кенті, Өнеркәсіп аймағы, 71 разъезд, 60А ғимарат

тел. 8(727)3980430, факс. 8(727)3711900,

e-mail: pfkeleas@gmail.com