БРИНЭРА

БРИНЭРА

Жоқ

Көзге тамызатын дәрі, суспензия, 5 мл

1 мл құрамында

белсенді заттар: 10 мг бринзоламид,

6,83 мг тимолол малеаты

(5,0 мг тимололға баламалы),

қосымша заттар: бензалконий хлориді, динатрий эдетаты, натрий хлориді, тилоксапол, маннитол, карбомер 974Р (В типті карбомер гомополимер), хлорлы сутек қышқылы (рН 7.3±0.3 дейін), натрий гидроксиді (рН 7.3±0.3 дейін), инъекцияға арналған су - 1,00 мл дейін.

Сипаттамас

Ақ немесе ақ дерлік түсті суспензия.

Сезім мүшелері. Офтальмологиялық препараттар. Глаукомаға қарсы препараттар және миотиктер. Бета-блокаторлар. Басқа препараттармен біріктірілген тимолол.

АТХ коды S01ED51

Фармакокинетикасы

Жергілікті қолданғанда бринзоламид және тимолол мөлдір қабыққа сіңеді және жүйелік қан ағысына өтеді. Көзге тамызатын БРИНЭРА дәрісін қолданудан кейін тимолол орташа Cmax мәніне 0,79 ± 0,45 сағаттан соң жетті. Бринзоламидтің плазма ақуыздарымен байланысуы орташа (60%-ға жуық). Бринзоламид CA-II-ге жоғары дәрежеде және CA-I-ге аз дәрежеде ұқсастығының арқасында эритроциттерде жиналады. Оның белсенді метаболиті N-дезэтил де эритроциттерде жиналады, бірақ көбіне CA-I-мен байланысуы есебінен. Эритроциттерге және СА тіндеріне ұқсастығының арқасында бринзоламидтің және метаболитінің плазмадағы концентрациясы төмен болып табылады. Тепе-тең жағдайда тимолол көзге тамызатын БРИНЭРА дәрілерін қолданудан кейін 12 сағат ішінде адамның қан плазмасынан табылады.

Бринзоламидтің метаболизмі N-деалкилдену, О-деалкилдену және N-пропилді бүйір тізбегінің тотығуы жолымен жүреді. Адамда түзілетін негізгі метаболит N-дезэтилбринзоламид бринзоламидтің қатысуымен сондай-ақ CA-I-мен де байланысады және эритроциттерде де жиналады. Тимололдың метаболизмі негізінен CYP2D6 изоферментімен жүзеге асырылады.

Бринзоламид, негізінен, бүйрек арқылы шығарылады (60%-ға жуығы). Дозаның 20%-ға жуығы несеппен метаболиттер түрінде шығарылады. Тимолол және оның метаболиттері негізінен бүйрек арқылы шығарылады. Тимололдың 20%-ға жуығы несеппен бірге өзгермеген күйінде, ал қалған бөлігі метаболиттер түрінде шығарылады. Тимололдың плазмадан жартылай шығарылу кезеңі көзге тамызатын БРИНЭРА дәрісін қолданудан кейін 4,8 сағатты құрайды.

Фармакодинамикасы

Көзге тамызатын БРИНЭРА дәрісінің суспензиясында белсенді екі компонент бар: бринзоламид және тимолол малеаты. Осы екі компонент көзішілік сұйықтық секрециясын төмендету жолымен жоғары көзішілік қысымды төмендетеді, бірақ әртүрлі екі механизммен әсер етеді. Осы әсер етуші екі заттың біріктірілген әсері, әрбір заттың жекелей әрқайсысымен салыстырғанда, көзішілік қысымның қосымша төмендеуіне әкеледі.

Бринзоламид көздің негізгі изоферменті карбоангидраза II-нің (CA-II) күшті тежегіші болып табылады. Көздің цилиарлы өсінділерінде карбоангидразаның тежелуі, шамамен бикарбонат иондарынның түзілуін баяулата отырып, кейінен натрий мен сұйықтықтың тасымалдануы деңгейінің төмендеуімен көзішілік сұйықтық секрециясының деңгейін төмендетеді.

Тимолол – симпатомиметикалық белсенділіксіз бета-адренорецепторлардың селективті емес блокаторы, миокардқа тікелей депрессиялық ықпалын тигізбейді, жарғақшаны тұрақтандыратын белсенділігі жоқ. Тонографиялық және флюорофотометриялық зерттеулер оның негізгі әсері көзішілік сұйықтықтың түзілуін азайту және оның ағынын аздап арттыру болып табылатындығын көрсетті.

Глаукоманың ашық бұрышты түрі бар пациенттерде көзішілік қысым жоғарылағанда немесе КІҚ төмедету үшін монотерапия жеткіліксіз болып шыққан ересек пациенттерде көзішілік гипертензияда

Құтыны пайдаланар алдында сілкілеу керек!

Көзге тамызатын БРИНЭРА дәрісін зақымданған көз(дер)дің конъюнтивальді қалтасына белгілі бір уақытта күніне 2 рет 1 тамшыдан тамызады.

Тамызғаннан кейін мұрын-жас өзегін 2 минутқа қысу немесе қабақты жабыңқырау ұсынылады. Бұл дәрілік препараттың жүйелік сіңуін төмендетеді және жағымсыз жүйелік реакциялардың дамуында профилактика қызметін атқарады.

Егер дозаны өткізіп алса, онда емдеу кестесі бойынша келесі дозамен жалғастырылуы тиіс. Доза зақымданған көз(дер)ге күніне 2 тамшыдан аспауы тиіс.

Тамшуырдың ұшын, құтының ішіндегі заттың ластануына жол бермеу үшін, көзге немесе кез келген нәрсеге тигізіп алмау керек.

Глаукомаға қарсы басқа препаратты көзге тамызатын БРИНЭРА дәрісіне алмастырған кезде орнын алмастыратын препаратты қабылдауды тоқтату және келесі күні көзге тамызатын БРИНЭРА дәрісін қабылдауды бастау қажет.

Жергілікті қолданылатын бірнеше офтальмологиялық препараттарды пайдаланғанда тамызулар арасында ең кемінде 5 минуттық аралықты сақтау қажет.

Емдеу ұзақтығын емдеуші дәрігер белгілейді.

Бауыр және бүйрек функциясының жеткіліксіздігі

Бауырдың немесе бүйректің бұзылулары бар пациенттерде БРИНЭРА препаратымен немесе көзге тамызатын Тимолол 5 мг / мл дәрілерімен ешқандай да зерттеулер жүргізілген жоқ. Дозаны түзету бауыр функциясының жеткіліксіздігі бар пациенттерде немесе бүйрек функциясының ауырлығы жеңіл және орташа дәрежедегі жеткіліксіздігі бар пациенттерде қажет болмайды.

БРИНЭРА бүйрек функциясының ауыр жеткіліксіздігі бар (креатинин клиренсі <30 мл / мин) пациенттерде немесе гиперхлоремиялық ацидозы бар пациенттерде зерттелген жоқ. Бринзоламид және оның негізгі метаболиті көбіне бүйрек арқылы шығарылатын болғандықтан, БРИНЭРА препаратын бүйрек функциясының ауыр жеткіліксіздігі бар пациенттерге қолдануға болмайды.

Бауыр функциясының ауыр жеткіліксіздігі бар пациенттерде сақтықпен пайдалану керек.

Әртүрлі жағымсыз реакциялардың кездесу жиілігіне баға бергенде келесі градациялар пайдаланылды: өт жиі (≥1 / 10), жиі (≥1 / 100-ден <1/10 дейін), жиі емес ( ≥1 / 1000-нан <1/100 дейін), сирек (≥1 / 10000-нан <1/1000 дейін), өте сирек (<1/10000) немесе белгісіз (қолда бар деректер бойынша баға беру мүмкін емес).  

Жиі емес:

- кератит, көздің құрғауы, көзден бөліндінің бөлініп шығуы, көздің қышуы, көзде бөгде заттарды сезіну, конъюнктива гиперемиясы  

- артериялық қсымың төмендеуі  

- қанда калий деңгейінің жоғарылауы, қанда лактатдегидрогеназаның жоғарылауы

- жөтел

Сирек:

- мөлдір қабықтың эрозиясы, фотофобия, көзден жас ағу, қабақтың эритемасы, қабақ жиегінің қабыршақтануы  

- ринорея, ауыз-жұтқыншақтың ауыруы

- ұйқысыздық

Белгісіз:

- назофарингит, фарингит, гайморит, ринит, мұрынның бітелуі, мұрынның құрғауы, мұрыннан қан кету, жоғарғы тыныс алу жолдарының бітелуі, постназальді тамшылы синдромы, түшкіру

- анафилаксия, анафилаксиялық шок, ангионевроздық ісінуді, жергілікті және жайылған бөртпені, есекжемді, эритеманы, қышынуды, гипоэстезияны қоса, жүйелік аллергиялық реакциялар

- депрессия, жадының жоғалуы немесе нашарлауы, апатия, депрессиялық көңіл-күй, күйгелектің, церебральді ишемия, парестезия, тремор, цереброваскулярлық бұзылулар, естен тану, ұйқышылдық, амнезия, бас айналу, бас ауыру, құлақтың шуылдауы

- жүрек функциясының жеткіліксіздігі, атриовентрикулярлық блокада, жүректің жүйесіз ырғағы, аритмия, жүректің қағуы, тамыр соғуының жиілеуі, кеуденің ауыруы

- тыныс алу функциясының жеткіліксіздігі, бронхтың түйілуі (көбінесе бұрын бронхтың түйілу ауруы болған пациенттерде), ентігу, демікпе, бронхтың аса жоғары белсенділігі, тамақтың тітіркенуі

- құсу, жүректің айнуы, іштің ауыруы, диарея, ауыздың құрғауы, эзофагит, диспепсия, іштің жайсздығы, асқазан-ішектік бұзылыстар, метеоризм, бауыр функциясының бұзылуы

- арқаның, аяқ-қолдың ауыруы, қимыл-қозғалыс дисфункциясы, миастения белгілерінің және симптомдарының артуы

- либидоның төмендеуі, эректильді дисфункция

- гипогликемия

• белсенді немесе қосымша заттарға жоғары сезімталдық

• басқа бета-блокаторларға жоғары сезімталдық

• сульфаниламидтерге жоғары сезімталдық

• бронх демікпесі

• өкпенің созылмалы обструкциялық ауруының ауыр дәрежесі

• синустық брадикардия

• синустық түйін әлсіздігі синдромы

• синоатриальді блокада

• атриовентрикулярлық блокаданың II және III дәрежесі

• жүрек функциясының айқын жеткіліксіздігі

• кардиогендік шок

• ауыр дәрежедегі аллергиялық ринит

• бүйрек функциясыың ауыр дәрежедегі жеткіліксіздігі

• гиперхлоремиялық ацидоз

• жүктілік және лактация кезеңі

• 18 жасқа дейінгі балалар және жасөспірімдер кезеңі

БРИНЭРА препаратының басқа препараттармен өзара әрекеттесуіне арнайы зрттеулер жүргізілген жоқ.

БРИНЭРА препаратының құрамында бринзоламид, карбоангидраза тежегіші бар, және де жергілікті қолданылғанына қарамастан, жүйелік абсорцияланады. Карбоангидраза тежегіштерін пероральді түрде қолданған кезде қышқыл-сілтілік тепе-теңдіктің бұзылу жағдайлары болғаны белгілі. БРИНЭРА препаратын тағайындағанда өзара әрекеттесу болуы мүмкін екендігін ескеру қажет.

Карбоангидраза тежегіштерін және көзге тамызатын дәрі түріндегі бринзоламидті бір мезгілде қабылдап жүрген пациенттерде карбоангидраза тежелуінің белгілі жүйелік әсерлеріне аддитивті әсер етуі мүмкін. Құрамында бринзоламид бар көзге тамызатын дәрілерді, және карбоангидразаның пероральді тежегіштерін бір мезгілде қолдану ұсынылмайды.

Бринзоламидтің метаболизміне Р450 цитохромының изоферменттері: CYP3A4 (негізінен), CYP2A6, CYP2B6, CYP2C8 және CYP2C9 жауап береді. CYP3A4 изоферментін тежейтін, мысалы, кетоконазол, итраконазол, клотримазол, ритонавир және тролеандомицин сияқты препараттар, ингибируют метаболизм бринзоламидтің метаболизмін тежейді деп болжам жасалады. CYP3A4 изоферментінің тежегіштерін бірге тағайындағанда сақтық танытқан жөн. Алайда бринзоламидтің жиналып қалуы екіталай, өйткені ол бүйрек арқылы шығарылады. Бринзоламид Р450 цитохромы изоферменттерінің тежегіші болып табылмайды.

Аддитивтік әсер ықтималдылығы бар, ол кальций өзектерінің блокаторларын, бета-блокаторларды, аритмияға қарсы дәрілерді (амиодаронды қоса), жүрек гликозидтерін, парасимпатомиметиктерді немесе гуанетидинді пероральді түрде қолданумен бірге бета-блокаторды офтальмологиялық қолданғанда гипотензияға және/немесе айқын брадикардияға әкелуі мүмкін.

Бета-адреноблокаторлр анафилаксиялық реакцияларды басу үшін қолданылатын адреналинге жауапты бәсеңдетуі мүмкін. Атопиясы немесе анафилаксиялық ракциялары анамнезінде бар пациенттерде аса сақтық таныту қажет.

Клонидинді күрт тоқтатқаннан кейін гипертензияның дамуы бета-адреноблокаторларды бір мезгілде қабылдағанда күшеюі мүмкін. Осы препаратты клонидинмен бір мезгілде қолданғанда сақтық таныту ұсынылады.

CYP2D6 тежегіштерін (хинидинді, флуоксетинді, пароксетинді) және тимололды бір мезгілде қолданғанда бета-адреноблокаторлардың жүйелік әсерінің күшею жағдайлары (жүректің жиырылу жиілігінің төмендеуі, депрессия) жағдайлары туралы мәлімделді. Препаратты сақтықпен тағайындау ұсынылады.

Бета-адреноблокаторлар диабетке қарсы дәрілердің гипогликемиялық әсерін күшейтуі мүмкін. Бета-адреноблокаторлар гипогликемия симптомдарын бүркемелеуі мүмкін.

Офтальмологиялық бета-адреноблокаторларды адреналинмен (эпинефринмен) бір мезгілде қолданғанда кейде мидриаз жағдайлары білінеді.

Көзішілік қысымға ықпалы немесе жүйелік бета-блокаданың белгілі зардаптары жүйелік бета-блокаторларды қабылдап жүрген пациенттерге көзге тамызатын БРИНЭРА дәрісін қолданған кезде күшеюі мүмкін. Осы пациенттердің реакцияларын тиянақты бақылау ұсынылады. Жергілікті екі бета-блокаторды немесе карбоангидразаның жергілікті екі тежегішін пайдалану ұсынылмайды.

Жүйелік әсерлері

Бринзоламид және тимолол жүйелік абсорбцияға түседі. Тимололдың құрамында бета-блокаторлар бар болғандықтан, тыныс алу және жүрек-қантамыр жүйелері тарапынан, жүйелік бета-блокаторларға тән болатын, жағымсыз реакциялардың туындау ықтималдылығы бар. Жүйелік жағымсыз құбылстардың даму жиілігі жергілікті офтальмологиялық қолданудан кейін, жүйелік енгізуге қарағанда, төмен.

Бринзоламид сульфаниламид болып табылады, сульфаниламидтерге тән аса жоғары сезімталдық реакциялары туындауы мүмкін.Күрделі реакциялар немесе аса жоғары сезімталдық белгілері көрініс берген кезде препаратты пайдалануды тоқтату қажет.

Жүрек аурулары

Жүрек-қантамыр ауруларына (жүректің коронарлы ауруы, Принцметал стенокардиясы және жүрек функциясының жеткіліксіздігі сияқты) шалдыққан және гипотензиясы бар пациенттерді бета-блокаторлармен емдеуде сақ болу керек. Емдеуді басқа да әсер беретін заттар негізінде пайдалану туралы мәселені қарастыру мақсатқа сай келеді. Жүрек-қантамыр аурулары бар пациенттерде жағдайының нашарлау және жағымсыз реакциялардың даму белгілерін анықтау үшін бақылау жүргізу қажет.

Қозудың жүру уақытына теріс ықпалын тигізуіне байланысты, бірінші дәрежедегі жүрек блокдасы бар пациенттерде бета-блокаторларды пайдалану сақтықты қажет етеді.

Қантамырлық аурулар

Ауыр бұзылулары/шеткері қан айналу аурулары (яғни Рейно ауруының ауыр түрлері немесе Рейно ауруы) бар пациенттерге препаратты сақтықпен тағайындайды.

Гипертиреоз

Бета-блокаторлар гипертиреоздың белгілерін бүркемелеуі мүмкін.

Бұлшықет әлсіздігі

Белгілі болғандай, бета-адренергиялық препараттар миастения симптомдарына (мысалы, диплопия, птоз және жалпы әлсіздік) ұқсас бұлшықет әлсіздігінің белгілерін күшейтеді.

Тыныс алу мүшелерінің аурулары

Тимолол малеатын қолданған кезде тыныс алу және жүрек-қантамыр жүйелері тарапынан, демікпесі бар пациенттерде бронхтың түйілуі салдарынан, және сирек жүрек функциясының жеткіліксіздігі салдарынан өлімге дейін апаратын, ауыр реакция байқалуы мүмкін. Өкпенің созымалы обструкциялық ауруының (ӨОСА) жеңіл немесе орташа дәрежесі бар пациенттерге сақтықпен және, егер потенциалды пайдасы потенциалды қаупінен басым болса ғана, тағайындайды.

Қант диабеті

Бета-адреноблокаторларды кездейсоқ гипогликемияның дамуына ұшыраған пациенттерде немесе тұрақсыз диабеті бар пациенттерде сақтықпен қолдану керек, өйткені бета-адреноблокаторлар жедел гипогликемияның белгілерін және симптомдары бүркемелеуі мүмкін. Қант диабеті жағдайында мөлдір қабықтың зақымдану қаупі бар пациенттерге тұрақты бақылау ұсынылады.

Қышқыл-сілті теңгерімінің бұзылулары

Карбоангидраза тежегіштерін пероральді түрде қолданғанда қышқыл-сілтілік теңгерімнің бұзылу жағдайлары белгілі. Препаратты бүйрек функциясының жеткіліксіздігі қаупі бар пациенттерге, метаболизмдік ацидоздың даму қаупінің мүмкін болуына байланысты, сақтық таныту керек. Күрделі реакциялардың немесе жоғары сезімталдық белгілері пайда болғанда препарат қабылдауды тоқтату керек.

Анафилаксиялық реакциялар

Анамнезінде атопиясы және ауыр анафилаксиялық реакциясы бар пациенттерде бета-адреноблокаторларды қолданған кезде анафилаксиялық реакцияларда тағайындалатын адреналиннің әдеттегі дозаларына төзімділік байқалуы мүмкін.

Хирургиялық анестезия

Бета-адреноблокаторлардың офтальмологиялық түрлері жүйелік бета-агонистердің, мысалы, адреналиннің әсері блокадалауы мүмкін. Операциялық араласым жүргізер алдында пациент тимололды қолданып жүргенін анестезиологқа алдын ала ескертуі керек.

Қатар жүргізілетін ем

Көзішілік қысымға әсер етуі немесе бета-адреноблокаторлардың жүйелік әсерлері басқа бета-адреноблокаторды қабылдап жүрген пациенттерге тимололды тағайындағанда күшеюі мүмкін. Мұндай пациенттердегі реакцияларды мұқият бақылау қажет. Екі бета-адреноблокаторды немесе жергілікті қолдануға арналған карбоангидразаның екі тежегішін бір мезгілде қолдану ұсынылмайды.

Карбоангидраза тежегіштерін және БРИНЭРА препаратын бір мезгілде қабылдап жүрген пациенттерде карбоангидраза тежелуінің белгілі жүйелік әсерлеріне аддитивті әсерін тигізуі мүмкін.

Офтальмологиялық әсер

Жалған эксфолиативтік глаукомасы немесе пигменттік глаукомасы бар пациенттерде қолдану жөнінде деректер шектеулі. Мұндай пациенттерде көзішілік қысымға мұқият мониторинг жүргізу ұсынылады. Жабықбұрышты глаукомасы бар пациенттерде қолдану зерттелген жоқ және ұсынылмайды. Құрамында бета-адреноблокаторлар бар офтальмологиялық препараттар көздің құрғауын туындатуы мүмкін. Мөлдір қабығы әлсізденген пациенттерге, мысалы, қант диабетінде немесе мөлдір қабықтың дистрофиясында сақтықпен тағайындау қажет. Құрамында нүктелік кератопатияны және/немесе уытты ойық жара кератопатиясын туындатуы мүмкін бензалконий хлориді бар болғандықтан, жиі немесе ұзақ қолданғанда мұқият мониторинг қажет.

Жүктілік, лактация кезеңі

Жүктілік және лактация кезінде көзге тамызатын БРИНЭРА дәрілерін қолдану табанды түрде ұсынылмайды.

Педиатрияда қолданылуы

БРИНЭРА препаратының қауіпсіздігі және тиімділігі 0-ден 18 жасқа дейінгі балалар мен жасөспірімдерде анықталған жоқ. Қолжетімді деректер жоқ.

Жанаспалы линзалар

Линзаны пайдаланып жүрген пациенттер бринзоламидті сақтықпен қолдануы қажет, өйткені карбоангидраза тежегіштері мөлдір қабықтың ылғалдылығына ықпалын тигізуі мүмкін, және мұндай жағдайда линзаларды қолдану мөлдір қабықтың зақымдану қаупін арттырады.

БРИНЭРА препаратының құрамында бензалконий хлориді бар болғандықтан, жұмсақ (гидрофильді) жанаспалы линзаларды киюді тоқтата тұруы және тамызу кезінде оларды алып тастауы керек. Линзаны препараттарды қолдану арасында киюіне және тамызып болғаннан кейін кем дегенде 15 минуттан соң қайта киюіне болады. БРИНЭРА препаратын жанаспалы линзалардың сыртына қолдануға болмайды.

Осы препаратпен артық дозалану жағдайлары белгісіз. Препараттың артық мөлшері көзге түскен жағдайда көзді жылы судың мол мөлшерімен шаю керек. БРИНЭРА препараты артық дозаланғанда емдеу симптоматикалық болуы тиіс.

Артық дозаланған жағдайда электролиттік теңгерімнің бұзылуы, ацидоздық жағдайдың дамуы, сондай-ақ жүйке жүйесі тарапынан бұзылулар туындауы мүмкін.

Емі: Сарысулық электролиттер (әсіресе калий) деңгейін қадағалау, сондай-ақ қанның рН шамасын бақылау қажет. Тимолол диализденбейді.

Ішке байқамай қабылдап қойған жағдайда бета-блокададан артық дозалану симптомдары брадикардияны, гипотонияны, жүрек функциясының жеткіліксіздігін және бронхың түйілуін қамтуы мүмкін.

Тамызғы-тығынмен тығындалған және алғаш ашылғаны бақыланатын ақ түсті бұралатын қақпағы бар, мөлдір емес пластик құтыда препарат 5 мл-ден. 1 құты медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

4°C-ден 30°C-ге дейінгі температурада сақтау керек.

Құтыны тік тұрған күйінде сақтау керек.

Балалардың қолы жетпейтін жерде сақтау керек!

2 жыл

Құтыны ашқаннан кейінгі қолдану кезеңі – 4 апта.

Рецепт арқылы

СЕНТИСС ФАРМА Пвт. Лтд., 212/Д-1, Грин Парк, Нью Дели, Үндістан

Зауыты: Виллидж Кхера Нихла, Техсил Налагарх, Солан ауданы, Химачал Прадеш 174 101, Үндістан

Тіркеу куәлігінің ұстаушысы

СЕНТИСС ФАРМА Пвт. Лтд., Үндістан

Тұтынушылардан дәрілік заттың сапасы жөніндегі шағымдарды (ұсыныстарды) Қазақстан Республикасы аумағында қабылдайтын және тіркеуден кейін дәрілік заттың қауіпсіздігін бақылауға жауапты ұйымның атауы, мекенжайы және байланыс жасау деректері (телефон, факс, электронды пошта):

«Sentiss Kazakhstan» (Сентисс Казахстан) ЖШС, Қазақста Республикасы, 050062, Алматы қ., Әуезов ауданы, Қабдолов к-сі 16, корпус №1, «NGDEM» бизнес орталығы, 5-ші қабат, ғимарат №505/3,

Тел./факс: +7 (7272) 76-83-57

Email: sentiss_kz@sentisspharma.com