Амбролитин®

• русский
• қазақша

• Скачать инструкцию медикамента

Саудалық атауы

АМБРОЛИТИН®

Халықаралық патенттелмеген атауы

Aмброксол

Дәрілік түрі

15 мг/5 мл шәрбат

Құрамы

100 мл шәрбаттың құрамында

белсенді зат: 0,3 г амброксол гидрохлориді

қосымша заттар: сорбитол, лимон қышқылы моногидраты, метилпарагидроксибензоат, пропилпарагидроксибензоат, глицерол, пропиленгликоль, натрий сахаринаты, таңқурай эссенциясы, сұйық, тазартылған су.

Сипаттамасы

Өзіне тән таңқурай иісі бар шәрбат тәрізді мөлдір сұйықтық.

Фармакотерапиялық тобы

Суық тию симптомдары және жөтелді қайтаруға арналған препараттар. Қақырық түсіретін препараттар. Муколитиктер. Амброксол.

АТХ коды R05CB06

Фармакологиялық қасиеттері

Фармакокинетикасы

Сіңуі: асқазан-ішек жолынан толық дерлік сіңеді, әрі сіңірілуі жылдам басталады және ең жоғары плазмалық концентрацияларына ішу арқылы қабылдағаннан кейін 0,5-тен 3 сағатқа дейін жетеді. Ішке қабылдағаннан кейін әсері 30 мин кейін басталады және 6-дан 12 сағатқа дейін созылады.

Таралуы: плазмалық протеиндермен 90%-ға жуық байланысады. Тіндерде жылдам таралады, осы орайдағы ең жоғары концентрациясы өкпеде анықталған.

Метаболизмі: негізінен бауырда конъюгациялану арқылы метаболизденеді.

Шығарылуы: 90%-ға дейін бүйрекпен шығарылады.

Препараттың жинақталуы бірнеше метаболит (глюказамидтер және дибромоантранил қышқылы) түзілумен байқалады. Емшек сүтімен бөлініп шығады. Жартылай шығарылу кезеңі – 7-12 сағат.

Фармакодинамикасы

Муколитикалық дәрі, өкпенің пренатальді дамуын көтермелейді (сурфактант синтезін, секрециясын жоғарылатады және оның ыдырауын бөгейді) . Секретомоторлық, секретолитикалық және қақырық түсіретін әсер иеленген; бронхтардың шырышты қабық бездері серозды жасушаларын көтермелейді, альвеолалар мен бронхтарда шырышты секрет мөлшерін және беткейлік белсенді заттың (сурфактант) бөлініп шығуын арттырады; қақырықтың сероздық және шырышты компоненттерінің бұзылған арақатынасын қалыпқа түсіреді. Гидролиздеуші ферменттерді белсенділендіріп және Клар жасушаларынан лизосомалардың босап шығуын күшейтіп, қақырық тұтқырлығын төмендетеді. Жыпылықтағыш эпителийдің қозғалыс белсенділігін арттырады, мукоцилиарлық тасымалдауды жоғарылатады.

Қолданылуы

• тұтқыр қақырықтың өте көп бөлінуімен және шырыш тасымалының

бұзылуымен қатар жүретін жоғарғы және төменгі тыныс алу жолдарының жедел және созылмалы ауруларында

Қолдану тәсілі және дозалары

Қолдану тәсілі

Амбролитин® шәрбатын тамақтану кезінде ішке қабылдайды.

Балалар

• 6-дан 12 жасқа дейін – 15 мг-ден (5 мл) күніне 2-3 рет.

• 2-ден 6 жасқа дейін – 7,5 мг-ден (2,5 мл) күніне 3 рет.

Ересектер және 12 жастан асқан балалар

Жедел аурулар кезінде емдеу немесе созылмалы аурулар кезінде бастапқы ем ретінде - алғашқы 2-3 күнде күніне 2 рет 30 мг дозадан (10 мл шәрбат) басталады, сонан соң дозаны - күніне 2 рет 30 мг (10 мл) дейін азайтуға болады. Ең жоғары тәуліктік дозасы 120 мг құрайды.

Емдеу курсы 5 күнді құрайды, егер жағдайы жақсармаса, дәрігерден кеңес алу ұсынылады.

Егде жастағы емделушілер

Егде жастағы емделушілерде дозалануы ересек емделушілердегіден ерекшеленбейді.

Бауыр және бүйрек зақымданулары бар емделушілер

Емделушілердің осы санатында ересектерге ұсынылатын 1/2 доза қолданылады.

Жағымсыз әсерлері

Жиілігі белгісіз

• анафилактоидтық реакциялар (анафилактикалық шокты қоса)

• ангионевротикалық ісіну

• қышыну және басқа да аса жоғары сезімталдық реакциялары

• тамақтың құрғауы

Жиі

• дәм сезудің өзгеруі

• ауыз қуысындағы және жұтқыншақтағы гипестезия

• жүрек айну, гиперсаливация

Жиі емес

• құсу

• диарея

• диспепсия

• іштің ауыруы

• іш қатулар

Сирек

• тері бөртпелері, есекжем

• гипертермия

• мұрын шырышты қабығы секрециясының артуы

• бас ауыруы, әлсіздік

Қолдануға болмайтын жағдайлар

- белсенді затқа немесе қосымша заттардың кез келгеніне аса жоғары сезімталдық

- шығу тегі әр түрлі құрысу синдромдары

- жүктілік және лактация кезеңі

- 2 жасқа дейінгі балаларға

- асқазан және он екі елі ішектің ойық жара ауруы

- фруктозаны, глюкоза-галактозаны тұқым қуалайтын көтере алмаушылық, мальабсорбция синдромы (өйткені препарат құрамында сахарин бар)

Дәрілермен өзара әрекеттесуі

Амброксол мен антибиотиктерді (амоксициллин, цефуроксим, эритромицин, доксициклин, рифампицин) бір мезгілде қолдану өкпе тіндеріндегі антибиотик концентрациясының көбеюіне апарады.

Амброксолды жөтелді басатын дәрілік препараттармен бір мезгілде қолдану ұсынылмайды.

Амброксолдың өзге дәрілік заттармен клиникалық мәнді өзара әрекеттесуі анықталмаған.

Айрықша нұсқаулар

Өте сирек жағдайларда амброксол қолданғаннан кейін Стивенс-Джонсон синдромы және Лайелл синдромы сияқты ауыр тері зақымдануларының пайда болуы жөнінде хабарланған.

Осы жағдайлардың көпшілігі аурудың ауыр сипатымен және/немесе қатарлас емделумен түсіндіріледі. Стивенс-Джонсон синдромының бастапқы фазасы немесе уытты эпидермалық некролиз емделушіде жоғары температура, бүкіл дененің ауыруы, тұмаурату, жөтел және тамақтың қабынуы сияқты спецификалық емес тұмау тәрізді белгілермен продромальді өтуі мүмкін. Бұл жөтелге және суық тиюге қарсы препараттармен белгісіне қарай емдеуді бастап, адастыруға апаруы мүмкін. Сондықтан терінің немесе шырыштылардың жаңа зақымданулары пайда болған жағдайда дереу медициналық жәрдемге жүгініп, сақтану шарасы ретінде амброксолмен емдеуді тоқтату керек.

Амбролитин® бауыр мен бүйректің ауыр сипатты зақымдануларында, абайлап тағайындалады, әрі емдеу кезінде барынша төмен дозасы (ересектерге ұсынылатын дозаның жартысы) қолданылады және емдеу ұзақтығы 4-5 күннен аспауы тиіс.

Егер Амбролитин® шәрбатымен 5 күн емделгеннен кейін науқастың ахуалы өзгермесе немесе нашарлап кетсе, емдеуші дәрігер жүргізілген емді қайта қарауы тиіс.

Препарат құрамында 35 г/100 мл мөлшерде сорбитол бар.

Амбролитин® шәрбатының құрамында қосымша заттар ретінде аллергиялық реакциялар (мүмкін – баяу реакциялар) туғызуы мүмкін метил- және пропилпарагидроксибензоат бар.

Дәрілік препарат құрамында жоғары дозаларда (10 г/доза) бас ауыруын, асқазанның тітіркенуін және диарея туындататын глицерол бар.

Бұл дәрілік препарат құрамында дозасына 1 ммоль-ден аз натрий (23 мг) бар, яғни шын мәнінде құрамында натрий жоқ.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Амбролитин® шәрбатының көлік құралдарын басқару және машинамен жұмыс істеу қабілетіне әсер етуі туралы мәліметтер жоқ.

Артық дозалануы

Симптомдары: қозу, диарея, саливацияның жоғарылауы, құсу, диспепсия.

Емі: симптоматикалық ем. Арнайы у қайтарғысы жоқ.

Шығарылу түрі және қаптамасы

100 мл препараттан күңгірт шыны құтыларда немесе сыйымдылығы 125 мл, «Пильферпруф» типті ALKOzell тығыздағышымен полиэтилен бұрандалы қалпақшалары бар «Пильферпруф» типті күңгірт-қоңыр ПЭТ құтыларда.

1 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен және өлшеуіш полипропилен стақанмен бірге бір жағынан пигментпен қапталған картон пәшкеге салынады.

Сақтау шарттары

Түпнұсқалық қаптамасында, 25 оС-ден аспайтын температурада.

Балалардың қолы жетпейтін жерде сақтау керек!

Сақтау мерзімі

3 жыл

Құты ашылғаннан кейін сақтау мерзімі 1 ай

Жарамдылық мерзімі өткеннен кейін қолдануға болмайды!

Дәріханалардан босатылу шарттары

Рецептісіз

Өндіруші

„Софарма” АҚ

Илиенский тас жолы к-сі 16

1220 София, Болгария

Тіркеу куәлігі иесінің атауы және елі

„Софарма” АҚ, Болгария

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы: Алматы қаласындағы «Софарма» АҚ сауда өкілдігі

Қазақстан, 050036, «Мамыр 4» ы/а, №190 үй

Телефон нөмірі: 7 (727) 380 01 03, 380 01 37, 380 01 42 (ішкі 108)

Факс нөмірі: 7 (727) 381 63 86

Электронды пошта: info@sopharma.kz

 

 

 

5