Эффералган (суппозитории ректальные, 300 мг)

• русский
• қазақша

• Скачать инструкцию медикамента

Саудалық атауы

Эффералган

Халықаралық патенттелмеген атауы

Парацетамол

Дәрілік түрі

80 мг; 150 мг; 300 мг ректальді суппозиторийлер

Құрамы

1 суппозиторийдің құрамында

белсенді зат- 80 мг, 150 мг немесе сәйкесінше 300 мг парацетамол

қосымша зат – қатты май.

Сипаттамасы

Беті тегіс және жылтыр, ақ түсті суппозиторийлер.

Фармакотерапиялық тобы

Анальгетиктер мен антипиретиктер.

АТЖ коды N02BE01

Фармакологиялық қасиеттері

Фармакокинетикасы

Ректальді енгізгенде парацетамолдың сіңуі ішу арқылы қолданғандағыға қарағанда баяу, бірақ толығырақ жүреді.

Плазмадағы ең жоғарғы концентрацияларына қабылдағаннан кейін 2-3 сағаттан соң жетеді. Парацетамол барлық тіндерге тез таралады. Қандағы, сілекейдегі және плазмадағы концентрациялары салыстырмалы болып табылады. Плазма ақуыздарымен байланысуы әлсіз.

Парацетамол көбінесе бауырда метаболизденеді және несеппен шығарылады. Қабылданған дозасының 90%-ы 24 сағат ішінде, негізінен глюкуронидтік конъюгатттар (60-80%) және сульфаттық конъюгаттар (20-30%) түрінде шығарылады. 5%-дан азы өзгеріссіз күйде шығарылады. Жартылай шығарылу кезеңі – 4-5 сағат.

Парацетамолдың азғантай бөлігі глутатионмен байланысқа түсетін Р450 цитохромының қатысуымен метаболитке айналады және несеппен шығарылады. Артық дозаланғанда бұл метаболиттің мөлшері артады.

Бүйректің ауыр жеткіліксіздігі жағдайында (креатинин клиренсі минутына 10 мл-ден төмен), парацетамол мен оның метаболиттерінің шығарылуы баяулайды.

Фармакодинамикасы

Эффералган суппозиторийлерінің ауыруды басатын және ыстық түсіретін әсері бар. Әсер ету механизмі простагландиндер синтезін тежеуімен, гипоталамустағы термореттелу орталығына көбірек ықпалына байланысты.

Қолданылуы

Жеңілден орташа дәрежеге дейінгі ауыруларды және/немесе қызбалық жағдайларды белгілеріне қарай емдеуде.

Қолдану тәсілі мен дозалары

Препаратты тек 3 айдан 10 жасқа дейінгі балаларға ректальді қолданады.

Парацетамолдың ұсынылатын тәуліктік дозасы күніне 60 мг/кг есебінен, 4 қабылдауға бөлінген, баланың дене салмағына байланысты болады. Бір реттік дозасы – әр 6 сағат сайын 15 мг/кг, қабылдаулар аралығы, соның ішінде түнде де тең болуы тиіс.

Дене салмағы 4-тен 10 кг-ге дейінгі балаларға (3 айдан 6 айға дейінгі) 1 свечадан (80 мг) енгізеді.

Дене салмағы 10-нан 14 кг-ге дейінгі балаларға (6 айдан 4 жасқа дейінгі) 1 свечадан (150 мг) енгізеді.

Дене салмағы 14-тен 24 кг-ге дейінгі балаларға (4 жастан 10 жасқа дейінгі) тәулігіне 4 реттен асырмай, әр 6 сағат сайын 1 свечадан (300 мг) енгізеді.

Диарея жағдайында суппозиторийді тағайындау ұсынылмайды.

Тәулігіне 4 свечадан артық қолданбаған жөн.

Бүйректің ауыр жеткіліксіздігі жағдайында (креатинин клиренсі минутына 10 мл-ден төмен), екі қабылдау арасындағы аралық кемінде 8 сағат болуы тиіс.

Жағымсыз әсерлері

- анафилактикалық шок, Квинке ісінуі, эритема, есекжем және тері бөртпесі, ректальді және анальді тітіркенулер.

Сирек

- тромбопения, лейкопения және нейтропения.

Жағымсыз реакциялар пайда болса, бұл дәрілік затты және туыстас препараттарды қабылдауды бірден тоқтату қажет.

Қолдануға болмайтын жағдайлар

- парацетамолға жоғары сезімталдықта

- гепатоцеллюлярлық жеткіліксіздікте

- жақында болған проктит, анусит немесе ректальді қан кетулер

- 3 жасқа дейінгі балаларға

Дәрілермен өзара әрекеттесуі

Парацетамол пероральді антикоагулянттардың әсерін күшейтеді және кемінде 4 күннен ең жоғарғы (күніне 4 г) дозаларда қабылдаған жағдайда, қан кету қаупін ұлғайтады, сондықтан протромбиндік индексті ұдайы бақылау қажет.

Қажет болған жағдайда, парацетамолды қолданған кезде және оны тоқтатқаннан кейін, антикоагулянттарды дозалау режимін түзету керек.

Айрықша нұсқаулар

Парацетамолды қабылдау қандағы несеп қышқылы мен глюкозаның құрамын анықтауда зертханалық талдау нәтижелеріне әсер етуі мүмкін.

Артық дозалану қаупін болдырмау үшін, басқа дәрілік заттардың құрамында парацетамол жоқтығын тексеру керек.

Күніне 60 мг/кг парацетамол алып жүрген балаларға басқа антипиретиктермен біріктіру тек тиімсіздік жағдайында ғана ақталады.

Диарея жағдайында суппозиторийді тағайындау ұсынылмайды.

Жүктілік және лактация кезеңі

Препаратты тек 3 айдан 10 жасқа дейінгі балаларға қолдануға арналған.

Парацетамол плацентарлық бөгет арқылы өтеді және емшек сүтімен шығарылады.

Парацетамол жүктілік және лактация кезінде қабылданған жағдайда, ана үшін күтілетін пайда мен ұрық пен сәби үшін ықтимал қауіпті мұқият саралау қажет.

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозаланғанда

Егде жастағы тұлғаларда және әсіресе, кішкентай балаларда өмірге қауіп төндіруі мүмкін улану қаупі бар.

Белгілері: жүрек айнуы, құсу, анорексия, бозару, әдетте алғашқы тәуліктерде іштің ауыруы. Ересектердегі бір қабылдағанда 10 г-ден артық парацетамолды бір рет қабылдағанда және балаларда дене салмағына 150 мг/кг бір рет қабылдау гепатоцеллюлярлық жеткіліксіздікке, метаболикалық ацидозға, энцефалопатияға және өлім жағдайына алып келетін гепатоциттер некрозын тудыруы мүмкін. Артық дозаланғаннан кейін 12-48 сағаттан соң бауыр трансаминазалары, лактатдегидрогеназа мен билирубин деңгейінің жоғарылауы, сондай-ақ протромбин деңгейінің төмендеуі білінуі мүмкін.

Емі: улану белгілері пайда болса, дереу дәрігерге хабарласыңыз. Плазмадағы парацетамол деңгейін анықтауға талдау жүргізу, асқазанды шаю, дәрілік затты қабылдағаннан кейінгі 10 сағат ішінде N-ацетилцистеин у қайтарғысын көктамыр ішіне немесе пероральді қабылдау ұсынылады, симптоматикалық ем.

Шығарылу түрі мен қаптамасы

Пішінді ұяшықты қаптамада 5 суппозиторийден.

2 пішінді ұяшықты қаптамадан мемлекеттік және орыс тілдеріндегі медицинада қолданылуы жөніндегі нұсқаулықпен бірге картон қорапқа салады.

Сақтау шарттары

30 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші ұйымның атауы мен елі

«Бристол-Майерс Сквибб»

304, авеню дю Доктор Жан Брю, 47000 Ажен, Франция

Тіркеу куәлігі иесінің атауы мен елі

«Бристол-Майерс Сквибб», Франция

Тіркеу куәлігі иесінің мекенжайы: 3, рю Жозеф Монье, а/ж 325, 92506 Рюэй-Мальмэзон Седекс, Франция.

Қаптаушы ұйымның атауы мен елі

«Бристол-Майерс Сквибб», Франция

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«ВИВА ФАРМ» ЖШС

2-нші Остроумов к-сі, 33, Алматы қ-сы, ҚР

тел.: +7 (727) 383 74 63, факс: +7 (727) 383 74 56;

e-mail: viva@vivapharm.kz, botagoz.mashkeyeva@vivapharm.kz