Халиксол® (таблетки, 30 мг) (Ambroxol)
Инструкция
-
русский
-
қазақша
Саудалық атауы
Халиксол®
Халықаралық патенттелмеген атауы
Амброксол
Дәрілік түрі
30 мг таблеткалар
Құрамы
Бір таблетканың құрамында
белсенді зат – 30 мг амброксол гидрохлориді,
қосымша заттар: лактоза моногидраты, микрокристалды целлюлоза, натрий крахмал гликоляты (А типі), повидон К-30, магний стеараты.
Сипаттамасы
Ақ немесе ақ дерлік, бір жағында ойығы бар 231 саны мен Е әрпі бедерленіп жазылған және екінші жағында сызығы бар иіссіз немесе иіссіз дерлік, дөңгелек жайпақ таблеткалар,
Фармакотерапиялық тобы
Суық тию мен жөтелдің симптомдарын тойтаруға арналған препараттар. Қақырық түсіретін препараттар. Муколитиктер. Амброксол.
АТХ коды R05C B06
Фармакологиялық қасиеттері
Фармакокинетикасы
Амброксол асқазан-ішек жолдарынан толығымен сіңеді. Амброксол бауырда “алғашқы өтуінің” белсенді метаболизміне ұшырайды. Амброксолды ішке қабылдағаннан кейінгі абсолютті биожетімділігі шамамен 60% құрайды. Қабылданған дозаның шамамен 80% қан плазмасы ақуыздарымен байланысады. Амброксол плацентарлық бөгет арқылы өтеді. Препараттың ұрық организміндегі концентрациясы анасына қарағанда 2-4 есе жоғары. Сондай-ақ емшек сүтінде және жұлын сұйықтығында анықталады. Бауырда глюкуронидтер түзе отырып биотрансформацияға ұшырайды. Қабылданған дозаның шамамен 90% амброксолдың глюкуронидтік конъюгаты немесе оның метаболизмінің қышқылданған өнімдері түрінде несеппен шығарылады. Препарат элиминациясы екі фазада болады – жартылай шығарылуының биологиялық кезеңі 1,3 - 8,8 сағат құрайды. Ауыр бүйрек жеткіліксіздігінде жартылай шығарылу кезеңі ұзарады, сондықтан төмен дозаны тағайындау немесе препаратты қабылдау аралығын арттыру керек. Амброксол ең жоғарғы плазмалық концентрациясына орта есеппен 3 сағатта жетеді. Препараттың әсері қабылдағаннан кейін 1-2 сағаттан соң пайда болады және 6-12 сағатқа дейін жалғасады.
Фармакодинамикасы
Амброксол – бромгексиннің белсенді метаболиті, муколитикалық заттардың бензиламиндік тобына жатады. Амброксол лизосомалардың түзілуін күшейтеді және шырыштарды бөліп шығатын жасушалардағы гидролитикалық ферменттердің белсенділігін жоғарылатады. Бұл бронхтық сөліністегі қышқылды мукополисахаридтерден тұратын талшықтардың бұзылуына ықпал етеді. Препарат қақырықтың тұтқырлығын азайтып және қақырықтың шырыштық және сероздық компоненттері арақатынасын қалпына келтіріп, бронхтардың шырышты қабатындағы бездердің сероздық жасушаларын көтермелейді. Амброксол өкпедегі сурфактанттың құрамын арттырады. Жыпылықтағыш эпителийдің қозғалтқыш белсенділігін жоғарылатады және мукоцилиарлық тасымалдауды арттырады.
Қолданылуы
- тұтқыр қақырықты бөліп шығарумен жүретін тыныс алу жолдарының жедел және созылмалы ауруларында: бронхит, бронхтық демікпе және бронхоэктатикалық ауру, өкпенің созылмалы обструктивті аурулары, пневмония (кешенді емдеу)
Қолдану тәсілі және дозалары
Таблеткаларды тамақтан кейін, мол көлемдегі сұйықтықпен ішіп қабылдау керек. Сұйықты мол қабылдау амброксолмен емдеу барысында шырышты сұйылтуға ықпал етеді.
Ересектер және 12 жастан асқан балалар: емдеудің бастапқы 2-3 күнінде, ұсынылатын доза – тәулігіне 3 рет 1 таблеткадан, содан кейінгі күндері – тәулігіне 2 рет 1 таблеткадан немесе тәулігіне 3 рет 1/2 таблеткадан.
5-12 жастағы балалар: тәулігіне 2-3 рет 1/2 таблеткадан.
Ауыр бүйрек жеткіліксіздігінде төмен дозаны тағайындау немесе препаратты қабылдау аралығын арттыру керек.
Емдеу ұзақтығы емделушінің клиникалық жағдайына қарай дәрігермен жекелей анықталады және орташа 4-5 күнді құрайды.
Егер халиксолды 5 күннен артық қабылдағанда жағдайы жақсармаса, дәрігермен кеңесу ұсынылады.
Жағымсыз әсерлері
Сирек
- әлсіздік, бас ауыруы,
- жүрек айнуы, құсу, эпигастрия аймағындағы ауырулар, диарея,
- тері бөртпелері, есекжем, қышыну, анафилактикалық шокты қоса, аллергиялық реакциялар.
Қолдануға болмайтын жағдайлар
- препарат компоненттеріне жоғары сезімталдық
- асқазанның және он екі елі ішектің ойық жара аурулары
-сирек кездесетін галактозаны көтерілімділігінің тұқым қуалаған бұзылуымен, туа біткен лактозаның жетіспеушілігі немесе глюкоза мен галактоза мальабсорбциясы
- жүктіліктің және лактация кезеңі
- 5 жасқа дейінгі балалар.
Дәрілермен өзара әрекеттесуі
Халиксол препаратын кейбір антибиотиктермен (амоксициллинмен, цефуроксиммен, эритромицинмен, доксициллинмен) бір уақытта қабылдағанда олардың бронхиалдық сөлініске өтуі күшейеді.
Халиксол препаратын жөтелге қарсы дәрілермен (мысалы, кодеинмен) бір уақытта қабылдағанда – амброксолмен сұйылтылған қақырықтың бөлініп шығуы қиындайды.
Айрықша нұсқаулар
Халиксол препаратын қабылдау алдында асқын сезімталдық реакцияларының болу мүмкіндігін ескеру керек. Халиксол препаратын бронхтың моторлық қызметі бұзылған немесе қақырығы молынан бөлінетін ауруларда қолдану бронхиальдік сөліністің іркіліп қалуы қаупі болғандықтан айрықша сақтықты талап етеді.
Халиксол препаратын ауыр бүйрек жеткіліксіздігі бар науқастарда қолдануда ерекше сақтық талап етіледі.
Әбір таблетканың құрамында 84 мг лактоза бар болғандықтан оны лактозаны көтере алмаушылықта ескеру керек.
Дәрілік заттың көлік құралдарын басқару немесе аса қауіпті механизмдермен жұмыс істеу қабілетіне әсер ету ерекшеліктері
Көлік құралдарын басқару және аса қауіпті механизмдермен жұмыс істеу кезінде сақ болу керек.
Артық дозалануы
Симптомдары: жүрек айнуы, құсу, диарея, диспепсия
Емі: құсқызуды, асқазанды шаюды препаратты қабылдағаннан кейінгі 1-2 сағат аралығында жүргізу керек. Симптоматикалық емдеу.
Шығарылу түрі және қаптамасы
10 таблеткадан ПВХ/ПВДХ //алюминий фольгадан жасалған пішінді ұяшықты қаптамаға салынған. 2 пішінді ұяшықты қаптамадан медицинада қолданылуы жөніндегі мемлекеттік және орыс тіліндегі нұсқаулықпен бірге картон қорапшаға салынған.
Сақтау шарттары
Жарықтан қорғалған жерде, 30С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецептісіз.
Өндіруші
«ЭГИС ФАРМАЦЕВТИКАЛЫҚ ЗАУЫТЫ» ЖАҚ
1106 БУДАПЕШТ, Керестури көшесі, 30-38 ВЕНГРИЯ
Тел.: (36-1) 803-5555, Факс: (36-1) 803-5529
Тіркеу куәлігінің иесі
«эгис Фармацевтикалық зауыты» ЖАҚ, Венгрия
Қазақстан Республикасы аймағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
ҚР-дағы «ЭГИС Фармацевтикалық зауыты» ЖАҚ өкілдігі
050060, Алматы қ-сы, Жароков к-сі 286 Г
тел: + 7 (727) 247 63 34, + 7 (727) 247 63 33, факс: + 7 (727) 247 61 41,
e-mail: egis@egis.kz