Флувоксин 100 (Fluvoxamine)

• русский
• қазақша

• Скачать инструкцию медикамента

Саудалық атауы

Флувоксин 50

Флувоксин 100

Халықаралық патенттелмеген атауы

Флувоксамин

Дәрілік түрі

Үлбірлі қабықпен қапталған 50 мг немесе 100 мг таблеткалар

Құрамы

Бір таблетканың құрамында

белсенді зат – 50 мг немесе 100 мг флувоксамин малеаты,

қосымша заттар: маннитол, желатинделген крахмал, микрокристалды целлюлоза, крахмал (құрғақ), сусыз коллоидты кремнийдің қостотығы, натрий стеарилфумараты,

қабығының құрамы: opadry YS-1-12526F сары: оның ішінде титанның қостотығы (Е171), темірдің (III) сары тотығы (E172); тазартылған су.

Сипаттамасы

Бір жағында сындыру сызығы бар және екінші жағы тегіс, сары түсті үлбірлі қабықпен қапталған сопақша пішінді таблеткалар (50 мг доза үшін).

Екі беті дөңес, бір жағында сындыру сызығы бар және екінші жағы тегіс, сары түсті үлбірлі қабықпен қапталған дөңгелек пішінді таблеткалар (100 мг үшін).

Фармакотерапиялық тобы

Антидепрессанттар. Психоаналептиктер.

Серотонинді кері қармайтын селективті тежегіштер

АТХ коды N06AВ08

Фармакологиялық қасиеттері

Фармакокинетикасы

Флувоксамин 50, 100 ішке қабылдағаннан кейін асқазан-ішек жолынан жақсы және тез сіңеді. Бір рет қабылдаудан кейін жартылай шығарылу кезеңі шамамен 15 сағатты және тұрақты қабылдаудан кейін біршама көбірек (17-22 сағат) болады, сол уақытта плазмадағы тұрақты деңгейіне 10-14 күннен кейін жетеді. Бауырда бүйрек арқылы шығарылатын фармакологиялық белсенді емес метаболиттерге метаболизденеді. Плазма ақуыздарымен флувоксамин малеатының 77% байланысады.

Егде жастағы адамдарда фармакокинетикалық көрсеткіштері негізгі топтағылардың көрсеткіштеріне ұқсас.

Фармакодинамикасы

Флувоксин 50, 100 – антидепрессант. Қазіргі уақытта бар басқа да антидепрессанттармен флувоксин 50,100 химиялық тұрғыдан ұқсас емес.

Флувоксин 50, 100 әсер ету механизмі ми нейрондарындағы серотонинді кері қармайтын таңдаулы тежегіштерге байланысты, сонымен қатар норадренергиялық және допаминергиялық үдерістерге өте аз әсер етеді. Флувоксин 50, 100 м-холинорецепторларымен, гистаминдік, допаминдік және серотониндік рецепторлармен байланысатын әлсіз қасиетке ие.

Қолданылуы

• обсессивті-компульсивті бұзылулыстарды (ОКБ) емдеу және алдын алуда

• шығу тегі әр түрлі депрессияда

Қолдану тәсілі және дозалары

Ересектер, егде жастағы адамдарды қоса алғанда

Ұсынылатын бастапқы тәуліктік доза 50 мг құрайды (кешке ұйықтар алдында бір рет). Препараттың әсері әдетте 100-200 мг дозада, ал кейбір науқастарда күніне 300 мг кезінде дамиды. Әрбір 4-7 күн сайын дозаны 50 мг-ден, 300 мг - ең жоғары тәуліктік дозаға дейін жоғарылатып отыру керек.

150 мг астам тәуліктік дозаны 2-3 рет қабылдау керек. 150 мг дейінгі дозаларды тәулігіне 1 рет, кешке қабылдаған дұрыс. Егер бөлінген дозалардың өзара айырмашылықтары болса, үлкен дозаны ұйықтар алдында береді.

Депрессия қайталануының алдын алу үшін 100 мг дозада тәулігіне 1 рет тағайындау ұсынылады.

Обсессивті-компульсивті бұзылыстарды емдеу кезінде ұсынылатын бастапқы доза 3-4 күн ішінде тәулігіне 50 мг құрайды. Дозаны жоғарылатуды, әдетте 100-300 мг құрайтын тиімді тәуліктік дозаға дейін жеткенше біртіндеп жүргізген жөн.

Балалар мен жасөспірімдер

Балаларға (8-17 жастағыларға) обсессивті-компульсивті бұзылыстар кезінде тағайындалатын бастапқы доза ұйықтар алдын тәулігіне бір рет 25 мг құрайды. Көтере алуына байланысты әрбір 4-7 күн сайын дозаны 50 мг-ге жоғарылату керек. Ең жоғары тәуліктік доза - 200 мг. 50 мг-ге дейінгі дозаны ең жоғары бір реттік доза түрінде, дұрысы кешке қарай қабылдауға болады. 50 мг астам тәуліктік дозаны 2-3 бөліп қабылдау ұсынылады. Егер бөлінген дозалардың бір-бірінен айырмашылығы болса, үлкен дозаны ұйықтар алдында береді.

Препаратты жақсы көтергенде дербес таңдалған тәуліктік дозаның көмегімен емдеуді жалғастыруға болады. Егер емдеудің 10 аптасынан кейін жақсару байқалмаса, Флувоксинді қолдануды тоқтату керек. Флувоксинмен емдеуді ұзақ уақыт бойы жүргізу туралы мәселеге жауап беретін жүйелі зерттеулер осы уақытқа дейін ұйымдастырылған жоқ, алайда обсессивті компульсивті бұзылулар созылмалы сипатта болады, сондықтан осы препаратты жақсы көтерген науқастарда Флувоксинмен емдеуді 10 аптадан аса жалғастыруды дұрыс деп санауға болады. Ең төменгі тиімді демеуші дозаны анықтау әр адамға жекелей сақтықпен жүргізілуі тиіс. Кейбір клиницистер фармакотерапияға жақсы әсер болғанда науқастарға психотерапияны қосымша жүргізуді ұсынады.

Таблеткаларды шайнамастан сумен ішу керек.

Бауыр немесе бүйрек жеткіліксіздігі кезінде емдеуді дәрігердің қатаң бақылауымен ең аз дозадан бастаған жөн.

Жағымсыз әсерлері

Жиі (1-10 %)

• анорексия, ауыздың құрғауы, жүрек айну, құсу, диспепсия

• абдоминальді ауыру

• бас ауыру, бас айналу

• жүрек қағуын сезіну, тахикардия

• астения, үрей, қорқыныш сезімі, дімкәстік, ұйқысыздық, ажитация (қозғалыс қозуы), ашушаңдық, ұйқышылдық, діріл

• экхимоздар, пурпура, асқазан-ішектен қан кету

Кейде (< 1%)

- бауыр қызметінің бұзылуы

- құрысулар, маниакальді синдром, серотонин синдромы, қатерлі нейролептикалық синдромға (ҚНС) ұқсас жай-күй

- фотосенсибилизация

- дене салмағының өзгеруі, гипонатриемия

Сирек (< 0.1%)

- атаксия, сананың шатасуы, экстрапирамидалық бұзылулар, елестеулер

- постуральді гипотензия

- артралгия, миалгия

-құрысулар, мания

- галакторея

- эякуляцияның кідіруі, аноргазмия, етеккір қызметінің бұзылыстары (аменорея, гипоменорея, метроррагия, меноррагия)

- анафилактикалық реакциялар

- парестезиялар, дәм сезудің бұрмалануы

- бөрпе, қышыну, ангионевротикалық ісіну

- антидиуретикалық гормонның жеткіліксіз сөлінісі синдромы, гиперпролактинемия

- флувоксаминмен емдеу кезінде немесе емдеуді тоқтатудың ерте кезеңіндегі суицидтік көңіл-күй және суицидтік мінез-құлық жағдайлары

- несеп шығару бұзылыстары, оның ішінде несептің кідіруі, поллакиурия, никтурия, несепті ұстай алмау

Көптеген симптомдар негізгі аурулармен байланысты және емдеуді талап етпейді.

Флувоксамин қабылдауды тоқтатқан кезде, неонатальді абстинентті есірткілік синдромын қоса, тоқтату симптомдары дамуы мүмкін.

Препаратты тоқтатқан жағдайда байқалған симптомдар: бас айналу, парестезиялар, бас ауыру, жүрек айну, үрейлену. Бұл симптомдардың көпшілігі әлсіз білінеді және өздігінен басылады. Препаратты тоқтатқан кезде дозаны біртіндеп төмендету ұсынылады.

Осы класс препараттарына тән жағымсыз әсерлер

50 жастан асқан адамдар кіретін эпидемиологиялық зерттеулер серотонинді кері қамтитын тежегіштер тобының препараттары мен үшциклді антидепрессанттар қабылдаған емделушілерде сүйектің сыну қаупі жоғарылағанын көрсеткен. Бұл қатердің арту механизмі белгісіз.

Қолдануға болмайтын жағдайлар

- флувоксаминге жоғары сезімталдық

- моноаминооксидаза (МАО) тежегіштерімен бір мезгілде қабылдау

- тизанидинмен бір мезгілде қабылдау

- рамелтеонмен бір мезгілде қабылдау

- тұрақсыз эпилепсия

- жүктілік және лактация кезеңі

- ОКБ кезінде 8 жасқа дейінгі балаларға және депрессия кезінде 18 жасқа дейінгі балалар мен жасөспірімдерге

Сыртартқысында бауыр және бүйрек жеткіліксіздігі, құрысулар болғанда, эпилепсияда, қан кетуге (тромбоцитопения) бейім емделушілерге, сондай-ақ егде жастағы емделушілерге препаратты сақтықпен тағайындаған жөн.

Дәрілермен өзара әрекеттесуі

Флувоксин бауырда тотығу арқылы метаболизденетін препараттардың шығарылуын ұзартуы мүмкін. Емдік индексі тар (мысалы, варфарин және басқадай антикоагулянттар, кумарин туындысы, карбамазепин, клозапин, фенитоин және теофиллин) дәрілік препараттарды қолданған кезде өзара әрекеттесуіне клиникалық тұрғыдан мән беруге болады. Әдетте Флувоксин мен теофиллинді бір мезгілде қабылдауға болмайды. Мұнсыз болмайтын жағдайда науқастар теофиллиннің жарты дозасын ғана қабылдауы және онымен қоса плазмадағы теофиллин деңгейін мұқият бақылап отыруы керек.

Флувоксин - CYP1А2 изоферменттерінің және ең аз дәрежеде CYP2С және CYP3А4 күшті тежегіші. Осы изоферменттермен елеулі шамада метаболизденетін препараттар баяу шығарылады және Флувоксинмен бір мезгілде қолданылған жағдайда қан плазмасында анағұрлым жоғары концентрацияда болуы мүмкін. Мұның емдік әсері тар препараттар үшін айрықша мәні бар. Емделушілер мұқият қадағалауды керек етеді, қажет болғанда бұл препараттардың дозасын түзету ұсынылады. Флувоксаминнің Р4502D6 цитохромына ең төменгі тежегіш әсері бар және тотықпайтын метаболизм және бүйрек экскрециясына әсер етпеуі мүмкін.

Дәрілердің өзара әрекеттесуін зерттеу кезінде Флувоксинді қабылдау үрдісінде тотығумен метаболизденетін (мысалы, бромазепам) пропранолол, варфарин және бензодиазепин деңгейінің жоғарылауы байқалған.

Флувоксинді бір мезгілде қолдану кезінде плазмада үшциклді антидепрессанттар (кломипрамин, имипрамин, амитриптилин) мен нейролептиктердің (клозапин, оланзапин) бұрынғы тұрақты деңгейлерінің жоғарылауы байқалған, бұл елеулі дәрежеде CYP1А2 изоферментімен метаболизденеді. Сондықтан Флувоксинді тағайындаған кезде осы препараттар дозаларын төмендету ұсынылады. Бұл препараттарды біріктіруге болмайды. Дигоксин мен атенололды қолдану кезінде ешқандай өзара әрекеттесуі байқалмаған. Флувоксинмен біріктірілген емдеу кезінде қан плазмасында терфенадин, астемизол немесе цизапридтің концентрациялары QT аралығының ұзару қаупін ұлғайта отырып, артуы мүмкін. Сондықтан Флувоксинді аталмыш препараттармен бір мезгілде тағайындамаған жөн.

Депрессияны емдеуге арналған препараттарға ауыр төзімділігі бар науқастарды емдеу кезінде флувоксамин литимен бірге пайдаланылған. Алайда, литий (және триптофан болуы мүмкін) Флувоксиннің

серотонинергиялық әсерлерін күшейтеді, сондықтан мұндай біріктірулерді сақтықпен пайдалану керек.

Препаратты литиймен немесе нейролептикалық препараттармен бірге қолданғанда сирек жағдайда қатерлі нейролептикалық белгіні еске салатын серотонинергиялық әсердің күшейгені байқалған.

Флувоксинді МАО тежегіштерімен үйлесімде қолдануға болмайды. Флувоксинмен емдеуді қайтымсыз МАО тежегіштерін қабылдауды тоқтатқаннан кейін 2 аптадан соң; қайтымды МАО тежегіштерін қабылдауды тоқтатқаннан кейін келесі күні бастауға болады; Флувоксинді қабылдауды тоқтату мен кез келген МАО тежегіштерімен емдеуді бастау арасындағы уақыт кем дегенде 1 апта болуы тиіс.

Флувоксин және CYP1А2 изоферментімен (такрин, теофиллин, метадон, мексилетин) метаболизденетін, CYP2С изоферментімен (фенитоин) метаболизденетін және CYP3А4 изоферментімен (карбамазепин, циклоспорин) метаболизмге ұшырайтын емдік индексі тар препараттарды бір мезгілде қабылдайтын емделушілер мұқият медициналық қадағалауда болулары тиіс. Қажет болғанда бұл препараттар дозасына түзету жүргізу ұсынылады.

Флувоксинді варфаринмен біріктірілімде қабылдағанда қан плазмасында варфарин концентрациясының елеулі жоғарылауы және протромбин уақытының ұзаруы байқалған. Ішу арқылы қабылданатын антикоагулянттар мен флувоксаминді бір мезгілде қабылдағанда геморрагияның даму қаупі артуы мүмкін. Мұндай емделушілер дәрігердің бақылауында болуы тиіс.

Флувоксин мен тиоридазинді бір мезгілде қабылдағанда кардиоуыттылықтың бірлі-жарым жағдайлары туралы хабарланған.

Флувоксиннің өзара әрекеттесуіне арналған зерттеулерде Флувоксинді қолданудан кейін пропранолол концентрациясының жоғарылауы байқалған. Осыған байланысты Флувоксинмен бір мезгілде қабылдаған жағдайда пропранололдың дозасын төмендетуді ұсынуға болады.

Флувоксинді қабылдаған кезде плазмада кофеин деңгейі жоғарылауы мүмкін. Осылайша, құрамында кофеин бар сусындардың көп мөлшерін қолданатын емделушілер Флувоксинді қабылдау кезеңінде, және де діріл, жүректің қағуы, жүрек айну, мазасыздық, ұйқысыздық сияқты кофеиннің жағымсыз әсерлері байқалғанда олардың қолданылуы төмендетілуі тиіс. Флувоксин мен ропиниролды бір мезгілде қабылдау кезінде плазмада ропиниролдың концентрациясы жоғарылауы мүмкін, осылайша артық дозаланудың даму қатерін ұлғайтады. Мұндай жағдайларда бақылау, немесе қажет болған жағдайда Флувоксинмен емдеген уақытта ропинирол дозасын төмендету ұсынылады.

Флувоксаминді тотығу метаболизміне ұшырайтын триазолам, мидазолам, алпразолам және диазепам сияқты бензодиазепиндер тобының анксиолитиктерімен бір мезгілде тағайындаған кезде олардың плазмадағы

концентрациясы жоғарылауы мүмкін. Бұл препараттардың дозасын Флувоксинді қабылдаған уақытта азайту керек.

Флувоксинді серотонинергиялық препараттармен (триптанс, серотониннің кері қармайтын тежегіштері), трамадолмен біріктірілімде қабылдаған жағдайда флувоксаминнің серотонинергиялық әсері күшеюі мүмкін.

Айрықша нұсқаулар

Жақсару кейде 2 немесе көптеген аптаға дейін кідіреді, науқастар осы кезеңнің бастапқы кезінде мұқият бақыланулары керек. Депрессиядан зардап шегіп, өзіне-өзі қол жұмсауға бейімделіп жүрген науқастарда едәуір жақсаруға дейінгі жетістікке жалғасуы мүмкін.

Басқадай антидепрессанттар сияқты Флувоксинді сыртартқысында эпилепсия ауруы бар науқастар сақтықпен қабылдауы керек. Құрысу туындаған кезде Флувоксин қабылдауды тоқтату керек.

Флувоксин мен электро-конвульсивті емді бір мезгілде қолдану туралы аздаған тәжірибе бар.

Бауыр мен бүйрек жеткіліксіздігі бар науқастар емді аз дозадан бастаулары және мұқият бақылауда болулары керек.

Бауыр немесе бүйрек жеткіліксіздігі бар емделушілерге емдеудің басында Флувоксинді дәрігердің қатаң қадағалауымен ең төменгі тиімді дозада тағайындаған жөн. Флувоксинмен емдеу сирек жағдайларда сәйкес клиникалық симптомдармен жиі қатар жүретін бауыр трансаминазалары деңгейінің жоғарылауына әкелуі мүмкін. Мұндай жағдайларда Флувоксин тоқтатылуы тиіс.

Қандағы глюкоза деңгейін, әсіресе Флувоксинмен емдеудің ерте сатыларында бақылаудың бұзылуы мүмкін, осыған байланысты гипогликемиялық препараттар дозасын түзету қажет болуы мүмкін.

Серотонин синдромының немесе қатерлі нейролептикалық синдромға (ҚНС) ұқсас жай-күй дамуының сирек жағдайлары сипатталған, бұл басқа серотонергиялық антидепрессанттармен және нейролептикалық дәрілермен біріктірілімде флувоксаминді қабылдаумен байланысты болуы мүмкін. Бұл синдромдардың гипертермиямен, бұлшықеттердің сіресуімен, миоклонуспен, өмірлік маңызды қызметтердің ықтимал жылдам өзгерулері бар вегетативтік жүйке жүйесінің құбылмалылығымен, жоғары ашушаңдықты, ажитацияны, сананың шатасуын, делириозды бұзылыстар мен команы қоса, психикадағы өзгерістермен байқалатын өмірге қауіп төндіретін жағдайға әкелуі мүмкін болғандықтан - Флувоксинмен емдеу тоқтатылуы тиіс. Қажет болғанда тиісті симптоматикалық ем жүргізген жөн.

Серотониннің басқа да кері қамтитын таңдамалы тежегіштерін қолданған кездегідей, Флувоксинді қабылдау аясында сирек жағдайда препаратты тоқтатқаннан кейін кері дамуға ұшырайтын гипонатриемияның пайда

болуы мүмкін. Кейбір жағдайлар АДГ жеткіліксіз секрециясы синдромынан туындаған, бұл негізінен егде емделушілерде байқалды.

Серотониннің басқа да кері қамтитын таңдамалы тежегіштерін қолданған кезде экхимоздар мен пурпураның, сондай-ақ геморрагиялық көріністердің (мысалы, асқазан-шектен қан кету) дамуы туралы хабарлар бар. Осыны ескере отырып, мұндай дәрілік заттарды, әсіресе тромбоциттер қызметіне әсер ететін препараттармен (мысалы, атипиялық антипсихотикалық дәрілермен және фенотиазиндермен, көптеген үшциклді антидепрессанттармен, ацетилсалицил қышқылын қоса, ҚҚСД-мен) бір мезгілде, сондай-ақ сыртартқысында қан кетулер болған және қан кетуге бейім (мысалы, тромбоцитопениясы бар емделушілер) науқастарға сақтықпен тағайындаған жөн.

Егде жастағы науқастарды және анағұрлым жастау емделушілерді емдеу кезінде алынған деректер әдеттегі тәуліктік дозада қолданылған препарат тиімділігінің елеулі клиникалық айырмашылықтары жоқ екендігін дәлелдейді. Алайда егде жастағы емделушілерде препарат дозасын әрқашан баяу және аса сақтықпен жоғарылатқан жөн.

Флувоксин ЖЖЖ айтарлықтай төмендеуіне (минутына 2-6 соғу) әкелуі мүмкін.

Психотроптық басқа да препараттарды қолдану кезіндегі секілді, Флувоксинмен емдеу кезінде алкоголь қабылдауға болмайды. Суицид/суицидальді көңіл-күй немесе клиникалық нашарлау

Депрессия суицидальді көңіл-күй, өзіне-өзі зиян келтіру және нақты суицид (суицидтік мінез-құлық) қаупінің жоғарылауымен сипатталады. Бұл қауіп тұрақты ремиссия басталғанға дейін сақталады. Емделушілер жай-күйі жақсарғанға дейін қатаң бақылауда болуы тиіс, жақсару емдеу басталғаннан кейін бірнеше аптадан соң басталуы мүмкін. Клиникалық тәжірибе, суицид қаупінің сауығудың ерте сатысында артатындығын көрсетіп отыр.

ОКБ сондай-ақ суицидтік әрекет пен көңіл-күй қаупінің жоғарылауымен сипатталады. Мұнымен қоса, бұл жағдайлар үлкен депрессиялық бұзылыстармен қатар жүруі мүмкін. Сондықтан ОКБ бар емделушілерге қатысты ескертулер мен сақтандырулар депрессиядағы емделушілердікіне ұқсайды. Сыртартқыда суицидтік мінез-құлқы болған және суицидтік көңіл-күйі жоғары дәрежелі емделушілерді ем тағайындау кезінде суицид бойынша жоғары қауіп тобына жатқызған жөн және бүкіл ем бойы, әсіресе басында және дозаны өзгерткен кезде, мұқият байқап-бақылаған жөн.

Емделушілер және оларға күтім жасайтын адамдарға, аурудың клиникалық нашарлауы және/немесе суицидтік ойлар мен суицидтік мінез-құлықтың (науқаста) немесе мінез-құлықтағы басқа өзгерістердің пайда болуы жағдайында дереу емдеуші дәрігермен кеңесу қажет екендігі туралы нұсқамалар берілуі тиіс. Флувоксамин алған балалардың клиникалық зерттеулерінде плацебо алғандарға қарағанда суицидтік мінез-құлық

(суицид әрекеттері мен суицидтік ойлар), сондай-ақ агрессиялық және қақтығыстық мінез-құлық пен ашу-ыза жиірек байқалған. Клиникалық қажеттілік жағдайлары кезінде жасөспірімді Флувоксинмен емдеу туралы шешім қабылданса, науқасты суицидтік мінез-құлық белгілерінің бар-жоғына жақсылап бақылаған жөн.

Бұған қоса, препараттың балалар мен жасөспірімдердің бойына, жетілуіне, когнитивті және мінез-құлық дамуына қатысты кейіннен білінетін қауіпсіздігі туралы деректер жоқ.

Педиатрияда пайдалану

Клиникалық тәжірибенің болмауына байланысты Флувоксинді балалар депрессиясын емдеуге қолдану ұсынылмайды.

Дәрілік заттың көлік құралдарын немесе қауіпті механизмдерді басқару қабілетіне әсер ету ерекшеліктері

Психикаға әсер ететін басқа да препараттар сияқты Флувоксиннің көлік жүргізу немесе техниканы басқару секілді қауіптілігі зор қызмет түрлерін орындау қабілетіне әсер етуі туралы науқастарға ескертілуі тиіс. Препаратты қолдану аясында байқалған ұйқышылдық жөнінде мәліметтер бар. Осыған байланысты емдеуге жеке реакциялары толық анықталғанға дейін сақ болған жөн.

Артық дозалануы

Симптомдары: жағымсыз әсерлерінің күшеюі. Көбіне жүрек айну, құсу, диарея, ұйқышылдық, бас айналу белгілері тән. Жүрек қызметінің бұзылулары (тахикардия, брадикардия, артериялық гипотензия), бауыр қызметінің бұзылулары, құрысулар, кома туралы хабарлар бар.

Емі: таблеткалар қабылдағаннан кейін неғұрлым тезірек асқазанды босату, сонымен қатар симптоматикалық ем жүргізу керек. Сондай-ақ белсенділендірілген көмірді қолдану және қажет болғанда осмотикалық іш жүргізетін дәрілер тағайындау ұсынылады. Арнайы у қайтарғысы жоқ. Қарқынды диурез немесе диализ тиімді емес.

Шығарылу түрі және қаптамасы

Үлбірлі қабықпен қапталған 50 мг немесе 100 мг таблеткалар.

Алюминий фольгадан жасалған пішінді ұяшықсыз қаптамаға 10 таблеткадан салынған.

5 пішінді ұяшықсыз қаптама медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

Құрғақ, жарықтан қорғалған жерде, 30°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Босатылу шарттары

Рецепт арқылы

Өндіруші

Sun Pharmaceutical Industries Ltd.,

Заңды мекенжайы:

Acme Plaza, Andheri-Kurla Road,

Andheri (E), Mumbai 400 059, Үндістан

Өндірістің орналасқан мекенжайы:

Survey №214, Government Industrial Area, Phase II,

Silvassa-396230, U.T of D&NH, Үндістан

Тіркеу куәлігі иесінің атауы мен елі

Sun Pharmaceutical Industries Ltd., Үндістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

050004, Алматы қ., Төлебаев к-сі, 38, 5 қабат

Тел. (727) 250-92-35, факс (727) 250-33-64

sunreports@intelsoft.kz, sunalmaty@intelsoft.kz