Памидронат медак (30мг/10мл)

• русский
• қазақша

• Скачать инструкцию медикамента

Саудалық атауы

Памидронат медак

Халықаралық патенттелмеген атауы

Памидрон қышқылы

Дәрілік түрі

Инфузия үшін ерітінді дайындауға арналған 30 мг/10 мл, 90 мг/30 мл концентрат

Құрамы:

1 мл концентрат құрамында

белсенді зат – 3 мг динатрий памидронаты (2,527 мг памидрон қышқылына баламалы) бар.

қосымша заттар: натрий гидроксиді, хлорсутек қышқылы, инъекцияға арналған су.

Сипаттамасы

Құрамында көзге көрінетін бөлшектері жоқ дерлік мөлдір түссіз ерітінді.

Фармакотерапиялық тобы:

Сүйек ауруларын емдеуге арналған препараттар. Сүйектердің құрылымына және минералдануына ықпал ететін препараттар. Бисфосфонаттар. Памидрон қышқылы.

ATХ коды M05 BA 03

Фармакологиялық қасиеттері

Фармакокинетикасы

Көктамыр ішіне 60 мг препаратты 1 сағаттан астам уақыт бойы инфузия жасаған кезде динатрий памидронатының қан плазмасындағы ең жоғары концентрациясы 10 нмоль/мл-ге жуықты құрайды. Плазмадан жартылай шығарылу кезеңі 48 минутқа жуықты құрайды. Сондықтан динатрий памидронаты тепе-теңдік концентрациясына 2-3 сағаттан астам - ұзақ инфузияда жетеді.

Айналымдағы памидронаттың қан плазмасы ақуыздарымен байланысуы салыстырмалы түрде мардымсыз (50-дан аз) және қандағы кальцийдің мөлшері патологиялық тұрғыдан артқан жағдайда жоғарылайды.

Динатрий памидронаты биотрансформацияға ұшырамайды және бүйрек арқылы шығарылады. Көктамырішілік инфузиядан кейін динатрий памидронаты енгізілген дозасының шамамен 20-55-ы өзгермеген күйінде 72 сағат ішінде несептен табылады. Элиминациялануы екі фазалы сипатта болады: бірінші фазаның жартылай шығарылу кезеңі 1,6 сағатты және екіншісі - 27 сағатты құрайды. Жалпы плазмалық клиренсі минутына 180 мл-ге жуықты, бүйректік клиренсі – минутына 54 мл құрайды. Бауыр қызметінің бұзылуы динатрий памидронатының фармакокинетикасына ықпалын тигізбейді. Памидронат кальций бар тіндерге өте жақын тектес болып келеді. Памидронаттың сүйек тініне жиналуының шегі жоқ және ол емделушіге енгізілген препараттың жинақталған қосынды дозасына ғана байланысты болады.

Фармакодинамикасы

Памидронат медак – сүйек тінінің остеокластармен жүзеге асатын резорбциясына күшті әсер ететін тежегіші, аминге алмастырылған бисфосфонат. Сүйек тіні гидроксиапатитінің кристалдарымен өзара әрекеттеседі, олардың пайда болуын және еруін тежейді. Остеокластар ізашарының сүйек тініне түсуіне кедергі жасайды және олардың ірі остеокластарға айналуын тежейді.

Қатерлі ісіктермен индукцияланатын остеолизге қарсы әсер етеді, онкологиялық науқастарда және олардың клиникалық біліністерінде гиперкальциемияның айқындылығын төмендетеді.

Қатерлі ісіктердің сүйек метастазы (көбінесе остеолитикалық сипаттағы) және миелома ауруы бар науқастарда Памидронат медакты қолдану сүйек қаңқасының өзгеріске ұшырауының және олардың зардаптарының өршуін болдырмайды немесе баяулатады, сүйектердің зақымдануынан болған ауырудың айқындылығын төмендетеді. Ісікке қарсы стандартты еммен үйлестіргенде Памидронат медак сүйек метастаздарының өршуін баяулатады, бұрыннан бар өзгерісті тұрақтандырады, осы аймақтарда остеосклероздың дамуына мүмкіндік береді.

Қолданылуы

Остеокластар белсенділігінің жоғарылығына байланысты болатын жағдайларды емдеуге:

• қатерлі ісіктерден болған гиперкальциемия

• сүт безінің обыры кезінде сүйек метастаздары түзілуі салдарынан остеолитикалық зақымданулар

• III сатысындағы көптеген миелома кезінде остеолитикалық зақымданулар

Қолдану тәсілі және дозалары

Памидронат медак инфузия үшін ерітінді дайындауға арналған концентрат болып табылады, сондықтан оны енгізер алдында құрамында кальций жоқ инфузиялық ерітіндіде (0,9 натрий хлоридінің ерітіндісінде немесе 5 глюкоза ерітіндісінде) сұйылту қажет.

Жаңа дайындалған және мөлдір ерітінділерді ғана қолдану қажет!

Памидронат медактың дайындалған ерітіндісі көктамыр ішіне тамшылатып, баяу енгізілу тиіс. Инфузиялық енгізу жылдамдығы сағатына 60 мг-нан (минутына 1 мг) аспауға тиіс, ал динатрий памидронатының инфузиялық ерітіндідегі концентрациясы 90 мг/250 мл-ден аспауға тиіс. Инфузияға арналған 250 мл ерітіндідегі 90 мг Памидронат медакты енгізу әдетте 2 сағат бойы жүргізілуге тиіс. Қатерлі ісіктерден болған гиперкальциемиясы және көптеген миеломасы бар емделушілерге Памидронат медакты 500 мл ерітіндіде 90 мг-нан аспайтын жылдамдықпен 4 сағат бойы енгізуі керек. Канюля енгізген жердегі реакцияны барынша азайту үшін үлкен көктамырға қатысты абайлап енгізілуге тиіс.

Памидронат медак емнің клиникалық және биохимиялық тиімділігіне мониторинг жүргізуге мүмкіндік беретін жағдайларда дәрігердің бақылауымен енгізілуі қажет.

Ересек және егде емделушілер

Қатерлі ісіктерден болған гиперкальциемия:

Емдеу барысында енгізілетін Памидронат натрийдің жалпы дозасы науқастың сарысуындағы кальцийдің бастапқы деңгейіне байланысты болады. Төмендегі ұсыныстар қан сарысуындағы кальцийдің жалпы құрамының түзетілмеген мәні пайдаланылған клиникалық деректер негізінде жасалған. Дозалардың берілген диапазоны регидратацияны өткен емделушілерде қан сарысуындағы сарысулық протеиннің немесе альбуминнің мөлшері бойынша түзетілген кальцийдің жалпы құрамының көрсеткіштерін пайдаланғанда да қолдануға болады.

1 кесте

Памиронат медактың жалпы курстық дозасы бір инфузиямен немесе 2-4 күн ішінде бір ізбен бірнеше реттік инфузиялармен енгізілуге тиіс. Емдеудің бір курсының өте жоғары дозасы емнің бастапқы, сонымен қатар қайталау курстары үшін де 90 мг құрайды. Памидронат медактың жоғарылау курстық дозалары жүргізіліп отырған емнің тиімділігін жоғарылатпайды.

Сарысудағы кальцийдің едәуір төмендеуі Памидронат медакты енгізгеннен кейін әдетте 24-48 сағаттан соң байқалады, ал кальций деңгейі 3-7 күн ішінде қалыпқа келеді. Егер емдеу курсының нәтижесінде кальцийдің қалпына келуіне қол жетпесе, келесі курсты жүргізу қажет. Кальцийдің қалпына келу ұзақтығы емделушінің жағдайына байланысты ауытқып отыруы мүмкін, гиперкальциемияның қайталануы емдеуді қайта жаңартуға себеп болады. Клиникалық тәжірибе емдеудің келесі курстарында Памидронат медактың тиімділігі төмендеуі мүмкіндігін көрсетті.

Көптеген миелома кезіндегі остеолитикалық зақымданулар

Ұсынылатын дозасы әрбір 4 аптада 90 мг құрайды.

Сүт безінің қатерлі ісігінде сүйек метастаздарының пайда болуы салдарынан болатын остеолитикалық зақымданулар

Ұсынылатын дозасы әрбір 4 аптада 90 мг құрайды. Бұл доза химиялық терапия тәртібіне сәйкес келетін 3 апталық аралықпен қолданылуы мүмкін. Емдеу емделушінің жалпы жағдайының едәуір жақсаруына дейін жалғастырылуға тиіс.

Бүйрек жеткіліксіздігі

Памидронат медакты емнің пайдасы потенциалды қаупінен артық болатын қатерлі жаңа түзілімдермен шартталған, өмірге қауіпті гиперкальцемия жағдайы болмаса, ауыр бүйрек жеткіліксіздігі (креатинин клиренсі < 30 мл/мин) бар емделушілерге енгізуге болмайды.

Басқа да көктамырішілік бисфосфонаттар қолданғандағы сияқты, Памидронат медакты әрбір енгізу алдында бүйрек функциясын бақылау, мысалы сарысулық креатининді өлшеу ұсынылады. Сүт безі обырында сүйек метастаздары түзілуі салдарынан болатын остеолитикалық асқынуларды емдеу үшін Памидронат медак қабылдаушы емделушілерде бүйрек функциясының нашарлауы зертханалық түрде анықталған жағдайда бүйрек функциясының көрсеткіштері бастапқы мәніне қайтып келгенше (плюс/минус 10%) Памидронат медак тоқтатылуы тиіс. Бүйрек функциясының жеңіл (креатинин клиренсі минутына 61-ден 90 мл дейін) және орташа бұзылу (креатинин клиренсі минутына 30-дан 60 мл дейін) жағдайларында препарат дозасына бейімделу талап етілмейді. Бұндай емделушілерде енгізу жылдамдығы 4 сағат бойына (шамамен сағатына 20-дан 22 мг дейін) 90 мг-дан аспауы тиіс.

Бауыр функциясы бұзылуында:

Памидронат медакты пайдалану бойынша жарияланған деректер болмауына байланысты бауыр функциясы бұзылуы бар емделушілерде берілген дәрілік препаратты қолдану бойынша ұсыныстар жоқ.

Жағымсыз әсерлері

Өте жиі (≥ 1/10)

Жиі (≥1/100 – 1/10)

Жиі емес (≥1/1000  1/100)

Сирек (≥1/10000 -  1/1000)

Өте сирек (1/10000)

Жиілігі белгісіз (қолда бар мәліметтер бойынша бағалануы мүмкін емес)

Өте жиі

- гипокальциемия, гипофосфатемия

- қызба және кейде дімкәстікпен, қалтыраумен, қажумен және қан тебулермен қатар жүретін тұмауға ұқсас симптомдар

Жиі

- анемия, тромбоцитопения, лимфоцитопения

- гипомагниемия, гипокалиемия

- симптоматикалық гипокальциемия (парестезиялар, тетания), бас ауыруы, ұйқысыздық, ұйқышылдық

- коньюнктивит

- артериялық гипертензия

- жүрек айнуы, құсу, анорексия, абдоминальді ауырулар, диарея, іш қатуы, гастрит

- тері бөртпесі

- сүйектердегі транзиторлық ауырулар, артралгия, миалгия

- препаратты енгізу орнындағы ауыру, қызару, домбығу, тығыздану түріндегі реакциялар, флебиттер, тромбофлебиттер, жайылған ауыру синдромы

- қан сарысуындағы креатининнің артуы

Жиі емес

- анафилактикалық реакцияларды, бронх түйілуін, диспноэ, ангиневротикалық ісінуді қоса өте жоғары сезімталдық

- құрысу ұстамалары, ажитация, бас айналуы, летаргия

- увеиттер (ирит, иридоциклит)

- артериялық гипотензия

- диспепсия

- тері қышынуы

- бұлшықет құрысулары, остеонекроз (бастапқыда жақ сүйегін қамтиды)

- жедел бүйрек жеткіліксіздігі

- бауыр функциясы көрсеткіштерінің ауытқулары, сарысудағы мочевина

деңгейінің ұлғаюы

Сирек

- ортан жіліктің патологиялық ұршық асты және диафизарлық сынуы

- коллаптоидты нұсқасын, нефроздық синдромын қоса, фокальді-

сегментарлық гломерулосклероз

Өте сирек

- Herpes simplex, Herpes zoster өршуі

- лейкопения

- анафилактикалық шок

- гиперкалиемия, гипернатриемия

- сананың шатасуы, көру арқылы елестеулер

- склерит, эписклерит, ксантопсия

- жүректің сол жақ қарынша жеткіліксіздігі (диспноэ, өкпе ісінуі),

сұйықтықтың артық жүктемесінен жүрек жеткіліксіздігі

- жедел респираторлық дистресс-синдромы, өкпенің интерстициальді ауруы

- бұрыннан бар бүйрек ауруының өршуі, гематурия, бүйректік-тубулярлық бұзылу, тубулоинтерстициальді нефрит, гломерулонефропатия

Жиілігі белгісіз

- көзшарасының қабынуы

- жүрекше фибрилляциясы

Жоғарыда аталған жағымсыз әсерлердің көпшілігі негізгі аурудың салдары болуы мүмкін.

Қолдануға болмайтын жағдайлар

• бисфосфонаттарға, памидронат натрийге және препараттың басқа да компоненттеріне жоғары сезімталдық

• жүктілік және лактация кезеңі

• 18 жасқа дейінгі балалар және жасөспірімдер

Дәрілермен өзара әрекеттесуі

Динатрий памидронаты ісікке қарсы жалпы қолданыстағы басқа препараттармен қандай да бір елеулі дәрілік өзара әрекеттесусіз бір мезгілде тағайындалуы мүмкін.

Памидронат медакты басқа бисфосфонаттармен бір мезгілде тағайындамаған жөн.

Гиперкальциемияны емдеуге арналған басқа препараттармен, басқа бисфосфонаттармен және кальцитонинмен бір мезгілде тағайындау гипокальциемияға әкеп соқтырып, тиісті клиникалық симптомдарды (парестезиялар, құрысу синдромы, гипотензиялар) дамытуы мүмкін.

Динатрий памидронаты ауыр гиперкальциемиясы бар емделушілерде қан сарысуындағы кальций концентрациясын тезірек төмендету үшін кальцитонинмен біріктірілімде пайдаланылуы мүмкін.

Динатрий памидронаты басқа потенциалды нефроуытты дәрілік препараттармен бірге абайлап пайдалану қажет.

Памидронат медак екі валентті катиондармен кешен түзеді, сондықтан оны көктамыр ішіне енгізуге арналған, құрамында кальций болатын ерітінділермен араластырмаған жөн.

Көптеген миеломасы бар емделушілерде динатрий памидронатын талидамидпен біріктіріле пайдаланылғанда бүйрек қызметінің бұзылуы қаупі артады.

Памидронат медак ерітінділері майда еритін қоректік ерітінділерде, мысалы, соя майында ерімейді.

Айрықша нұсқаулар

Жалпы

Памидронат медакты көктамыр ішіне сорғалатып енгізуге болмайды, алдын ала сұйылтылуы тиіс, және содан соң ғана көктамыр ішіне баяу инфузия түрінде енгізеді.

Емделушілер Памидронат медак енгізер алдында тиісінше гидратациялануы тиіс. Бұл әсіресе диуретиктік дәрілер қабылдаушылар үшін өте маңызды.

Стандарттық, гиперкальциемияға байланысты метаболизмдік параметрлер, сарысудағы кальций және фосфаттар деңгейін қоса, Памидронат медакпен емді бастағаннан кейін дереу бақылауға алынуы тиіс.

Қалқанша безіне операция жүргізілген емделушілерде салыстырмалы түрдегі гипопаратиреоидизмге байланысты әсіресе гипокальциемия даму ықтималдығы бар.

Жүрек патологиясы бар, әсіресе егде жастағы емделушілерде, қосымша тұз жүктемесі жүрек функциясының бұзылуына алып келуі мүмкін (сол жақ қарынша жеткіліксіздігі, сұйықтықтың артық жүктемесі салдарынан болатын жүрек жеткіліксіздігі).

Анемия, лейкопения, тромбоцитопения белгілері бар емделушілер қанды талдауын ұдайы тапсыруы тиіс.

Бүйрек функциясының бұзылуы

Бисфосфонаттар, динатрий памидронатын қоса, бүйрек жеткіліксіздігі дамуына дейін жеткізетін нефроуыттылық әсерге ие. Диализді қажет ететін бүйрек жеткіліксіздігі жағдайы памиронат динатрийдің бастапқы және жалғыз дозасын енгізуден кейін анықталған. Көптеген миеломасы бар емделушілерде бүйрек функциясы бұзылуы және бүйрек жеткіліксіздігі динатрий памидронатымен ұзақ емдеуден кейін анықталды.

Памидронат медак бүйрек арқылы өзгермеген түрде шығарылады, сондықтан бүйрек патологиясы бар адамдарда жағымсыз әсерлер айқынырақ болуы мүмкін.

Бүйрек функциясының бүйрек жеткіліксіздігі дамуына дейін жететін клиникалық елеулі нашарлау қаупіне байланысты Памидронат медактың бір реттік дозасы 90 мг аспауы тиіс және енгізудің ұсынылған ұзақтығы сақталуы тиіс.

Басқа да бисфосфонаттарды енгізудегі сияқты, Памидронат медакты әрбір енгізу алдында бүйрек функциясын зертханалық тексеру, мысалы сарысулық креатинин деңгейін бақылау ұсынылады.

Памидронат медакты белгілі бір уақыт бойына жиі қабылдаған, әсіресе қандай да бір бүйрек патологиясы немесе соған бейімділігі бар емделушілер (мысалы, қатерлі ісікке байланысты көптеген миеломасы немесе гиперкальциемиясы бар науқастар) Памидронат медакты әрбір енгізу алдында бүйрек патологиясына стандартты клиникалық және зертханалық тесттерді пайдалана отырып, мұқият тексерілуі тиіс.

Сүйек метастаздарында немесе көптеген миеломада Памидронат медакпен ем қабылдаушы емделушілер бүйрек функциясы бұзылуы жағдайында емді тоқтатуға тиісті.

Памидронат медакты басқа бисфосфонаттармен қатар тағайындауға болмайды.

Бауыр функциясының бұзылуы

Аталған категориядағы емделушілерде препаратты қолдану бойынша спецификалық ұсыныстар жоқ.

Кальций препараттарын және D витаминін қолдану

Лизистік бұзылуы басым және сүйек метастаздары бар науқастарда гиперкальциемия белгілері болмағанда, сондай-ақ кальций және D витамині тапшылығы даму қаупі бар топтағы көптеген миеломасы бар науқастарда, гипокальциемия дамудан аулақ болу үшін кальций препараттарын және D витаминін тағайындау ұсынылады.

Жақ сүйегінің остеонекрозы

Жақ сүйегінің остеонекрозы жағдайлары, негізінен, бисфосфонаттармен, памидронатты қоса, ем қабылдаған онкологиялық аурулары бар емделушілерде сипатталған. Сондай-ақ бұл емделушілердің көбі химиялық ем және кортикостероидтар қабылдаған. Көпшілігінде остеомиелитті қоса, жұқпалық зақымдану симптомдары анықталған. Жақ сүйегінің остеонекрозы даму жағдайының жиілігі ісіктің типіне (кеуде обырының кешеуілдеген сатысы, көптеген миелома) және тістердің жай-күйіне (тістерді жұлу, периодонт ауруы, нашар үйлескен протезді қоса, оқшауланған жарақат) байланыстылығы анықталды.

Онкологиялық емделушілер тиісінше ауыз қуысы гигиенасын сақтауы тиіс және бисфосфонаттармен ем бастағанға дейін міндетті түрде стоматологта тексеруден өтіп және емделуі керек.

Бисфосфонаттармен емделу уақытында емделушілер стоматологиялық араласым жасатпауға тырысуы тиіс. Бисфосфонаттармен ем уақытында остеонекроз дамыған емделушілерде стоматологиялық араласым жасау остеонекроз ауырлауына әкеп соқтыруы мүмкін.

Қалайда стоматологиялық көмек жасау қажет емделушілер үшін бисфосфонаттармен емді тоқтатудың остеонекроз дамуын төмендеткені туралы деректер жоқ. Бұл жағдайда шешімді емдеуші дәрігер емделуші үшін пайдасы мен қаупінің арақатынасына байланысты әр адамға жеке қабылдау тиіс.

Ортан жіліктің патологиялық сынуы

Бисфосфонаттармен ем аясында ортан жіліктің патологиялық ұршық асты және диафизарлық сынықтары негізінен остеопороз бойынша ұзақ уақыт ем қабылдаушы емделушілерде сипатталады. Көлденең немесе қисық сынықтар ортан жіліктің кіші ұршық басы мен айдаршық үсті томпағы (соңғысынан сәл жоғары) арасындағы бөлігінде анықталуы мүмкін. Бұл сынықтар шамалы жарақатта немесе ондай болмағанда да болады; кейбір емделушілер сынық дамуы нақты аяқталғанға дейін көбіне кәдімгі сынықтардағыға ұқсайтын шаптың немесе санның ауыруынан бірнеше апта немесе айлар бойы зардап шегеді. Сынық көбіне екі жақты болады, бисфосфонаттармен ем қабылдаушы, бір ортан жіліктің сынғаны диагностикаланған емделушілерде екінші ортан жіліктің де сынбағанын анықтау керек. Бұл сынықтардың нашар бітуі туралы көрсеткіштер бар. Ортан жіліктің патологиялық сынуы бар емделушілерде бисфосфонаттармен емді тоқтату туралы шешімді емдеуші дәрігер емнің болжамды қаупі мен пайдасын ескере отырып, жекелей қабылдайды. Бисфосфонаттармен ем барысында емделушілер ортан жіліктің, ұршық буындары немесе шаптың аумағындағы пайда болған кез келген ауырулар туралы хабарлауы тиіс. Осыған ұқсас шағымдары бар кез келген емделуші ортан жіліктің бітпеген сынығы болуы мүмкіндігіне байланысты тексерілуі тиіс.

Қаңқа-бұлшықет ауырулары

Бисфосфонаттармен, оның ішінде Памидронат медакпен ем аясында сүйектерде, буындарда және/немесе бұлшықеттерде қатты ауыру, тіпті кейде мүгедектікке жеткізуі мүмкін ауыру жағдайлары анықталды. Аталған жағымсыз әсерлер жиі болмайтын категорияға жатады. Симптомдардың пайда болу уақыты ем басталғанға дейін бір күннен бірнеше айға дейін ауытқиды. Емделушілердің көбінде емді тоқтатқаннан кейін симптомдар бәсеңдейді. Сол және басқа бисфосфонаттармен емді қайта жаңғыртқанда симптомдар қайта пайда болуы мүмкін.

Жүктілік және лактация кезеңінде қолданылуы

Памидронат медакты, өмірге қауіп төндіретін гиперкальциемия жағдайын қоспағанда, жүктілік кезінде қолданбаған жөн.

Памидронат медакпен емделу кезінде бала емізуге болмайды

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Памидронат медак инфузиясынан кейін ұйқышылдық және/немесе бас айналуы болуы ықтималдығы туралы емделушілер хабардар етілуі тиіс, мұндай жай-күйде автомобильді немесе басқа да қауіптілігі зор механизмдерді басқаруға, сондай-ақ жалпы реактивтілік төмендеуіне байланысты қандай да бір белсенді іс-әрекеттерге баруға болмайды.

Артық дозалануы

Динатрий памидронатымен артық дозалануға қатысты деректер жоқ.

Ұсынылғаннан асатын доза енгізілген емделушілер мұқит бақылауда болуы тиіс. Парестезия, тетания және гипотензия симптомдары бар клиникалық елеулі гипокальциемия дамыған жағдайда симптоматикаларын кальций глюконатын инфузиялық енгізу арқылы азайтуға болады. Памидронат медакпен емдеуде егер препарат енгізуден кейін бірнеше күн бойы плазмадағы кальций деңгейі үдемелі төмендеген болса жедел гипокальциемия дамуын күтпеу керек.

Шығарылу түрі және қаптамасы

10 немесе 30 мл препараттан бромбутил тығынмен тығындалып және «flip - off» (ЕФ*) қақпақшасы бар алюминий қалпақшамен бұралған I типті түссіз шыны құтыға салынады.

1 құтыдан медицинада қолданылуы жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

250С-ден аспайтын температурада сақтау керек. Дайындалған инфузиялық ерітіндіні 2 0С - 8 0С температурада 24 сағаттан асырмай сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

ИДТ Биологика ГмбХ, Германия

тіркеу куәлігінің иесі

медак ГмбХ, Германия

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:

«Сhemothera» (Хемотера) ЖШС, Алматы, 050060, Гагарин даңғылы 258 В, «Азия» бизнес-орталығы, 318 кеңсе, телефон, факс: +7 7273962037, эл. поштасы: a.tushakova@medac.de