Линкомицина гидрохлорид (300 мг/мл) (Lincomycin)

• русский
• қазақша

• Скачать инструкцию медикамента

Саудалық атауы

Линкомицин гидрохлориді

Халықаралық патенттелмеген атауы

Линкомицин

Дәрілік түрі

Инъекцияға арналған 300мг/мл ерітінді

Құрамы

Бір ампуланың ішінде

белсенді зат – линкомицинге шаққанда линкомицин гидрохлориді - 300 мг,

қосымша заттар - динатрий эдетаты, 1 М натрий гидроксиді ерітіндісі, инъекцияға арналған су.

Сипаттамасы

Мөлдір, түссіз немесе әлсіз сары түсті, өзіне тән жеңіл иісі бар сұйықтық.

Фармакотерапиялық тобы

Бактерияларға қарсы жүйелі пайдалануға арналған препараттар. Макролидтер, линкозамидтер мен стрептограминдер. Линкозамидтер. Линкомицин.

АТХ коды J01FF02

Фармакологиялық қасиеттері

Фармакокинетикасы

600 мг дозада бұлшықет ішіне енгізгеннен кейін плазмадағы ең жоғары концентрациясы 12-20 мкг/мл құрайды және оған 0,5-1 сағаттан кейін жетеді. Сол дозада көктамырішілік инфузияда 2 сағаттың ішінде линкомициннің қан плазмасындағы ең жоғары концентрациясы 20 мкг/мл құрайды.

Гистогематикалық бөгеттер арқылы тіндерге жеңіл өтеді. Ұрық қанында, перитонеальді және плевральді сұйықтықта линкомициннің концентрациясы оның қандағы деңгейінің 25 – 50% құрайды, ана сүтінде линкомициннің деңгейі 50 - 100% құрайды, сүйек тініндегі концентрациясы – 40% жуық.

Гематоэнцефалдық бөгет арқылы нашар өтеді (линкомициннің ликвордағы деңгейі қандағы деңгейінен 1-18% құрайды), бірақ менингитте линкомицин үшін бөгеттің өткізгіштігі жоғарылайды (қандағы деңгейінен 40% дейін). Линкомициннің таралу көлемі 0,5 л/кг құрайды. Бауырда ішінара метаболизденеді. T1/2 5 сағатқа жуықты құрайды. Өзгермеген күйінде метаболиттер түрінде несеппен, өтпен және нәжіспен шығарылады.

Линкомицинді бұлшықет ішіне енгізгенде оның қандағы емдік концентрациясы 17-20 сағат ішінде; көктамыр ішіне енгізгенде – 14 сағат ішінде демеліп тұрады.

Фармакодинамикасы

Линкозамидтер тобының антибиотигі. Емдік дозада бактериостатикалық әсер етеді. Жоғары концентрациясында бактерицидті әсер етеді. Микроб жасушасында ақуыз синтезін басады.

Аэробты грамоң бактерияларға: Staphylococcus spp. (оның ішінде пенициллиназа өндіруші штаммдар ), Streptococcus spp. (оның ішінде Streptococcus pneumoniae (Enterococcus faecalis қоспағанда), Corynebacterium diphtheriae; анаэробты бактерияларға: Clostridium spp., Bacteroides spp қатысты белсенді.

Линкомицин сондай-ақ Mycoplasma spp. қатысты белсенді.

Линкомицинге грамтеріс бактериялардың көпшілігі, зеңдер, вирустар, қарапайымдылар төзімді. Төзімділігі баяу қалыптасады.

Линкомицин мен клиндамицин арасында айқаспалы төзімділік бар.

Қолданылуы

Линкомицинге сезімтал микроорганизмдерден туындаған, ағымы ауыр инфекциялық-қабыну ауруларында:

- сепсис, остеомиелит, сепсистік эндокардит

- пневмония, өкпе абсцессі, плевра эмпиемасы

- жарақаттық инфекция

- пенициллин және басқа да антибиотиктерге төзімді стафилококк штаммдары мен басқа да грамоң микроорганизмдерден туындаған инфекцияларда резервтегі антибиотик ретінде

Қолдану тәсілі және дозалары

Парентеральді: бұлшықет ішіне (б/і), көктамыр ішіне (к/і). Ересектерге бұлшықет ішіне - 600 мг-ден тәулігіне 1-2 рет енгізгенде. Көктамыр ішіне тамшылатып 250 мл глюкозаның немесе натрий хлоридінің изотониялық ерітіндісінде 600 мг-ден тәулігіне 2 - 3 рет енгізеді.

1 айлық және одан үлкен балаларда ауыр инфекцияларда бұлшықет ішіне тәулігіне 10 мг/кг дозада әрбір 12 сағат сайын немесе жиірек тағайындайды, тәулігіне 10-20 мг/кг дозада көктамыр ішіне тамшылатып бір немесе бірнеше рет енгізуге болады.

Емдеу ұзақтығы аурудың түрі мен ауырлығына қарай 7-14 күнді құрайды (остеомиелитте – 3 апта және одан көп).

Ұзақ немесе қайталау курстарында емді бауыр мен бүйрек функциясын бақылай отырып жүргізу керек.

Бүйрек-бауыр жеткіліксіздігінде енгізу аралығы кем дегенде 12 сағат, 1,8 г аспайтын тәуліктік дозада парентеральді қабылдау керек.

Жағымсыз әсерлері

Жиі

- глоссит, стоматит, жүрек айнуы, құсу, эпигастриядағы ауырулар, диарея

Кейде

қан плазмасында бауыр трансаминазалары мен билирубин деңгейінің транзиторлы жоғарылауы

Сирек

қайтымды лейкопения, нейтропения, агранулоцитоз, тромбоцитопения

Өте сирек

- жоғары дозаларда ұзақ қабылдағанда асқазан-ішек жолы кандидозы, жалғанжарғақшалы колит дамуы мүмкін,

- тромбоцитопениялық пурпура, апластикалық анемия, панцитопения

- бауыр функциясының бұзылуы, сарғаю

- аллергиялық реакциялар: есекжем, эксфолиативті дерматит, ангионевроздық ісіну, анафилактикалық шок, көпформалы эритема (кейбір жағдайда Стивенс-Джонсон синдромымен ұқсас)

- бүйрек функциясының бұзылуы (азотемия, олигурия, протеинурия)

- құлақтағы шуыл, вертиго

- несеп-жыныс жолының зеңдік инфекциялары, вагинит

- жергілікті реакциялар: бұлшықет ішіне енгізгенде жергілікті тітіркену, ауыруы, тығыздану және стерильді абцесс болуы мүмкін; көктамыр ішіне енгізгенде - флебит

- көктамыр ішіне жылдам енгізгенде: артериялық қысымның төмендеуі, бас айналуы, жалпы әлсіздік, қаңқа бұлшықеттерінің босауы, тыныс алудың және жүректің тоқтап қалуы

Қолдануға болмайтын жағдайлар

- линкомицинге және клиндамицинге жоғары сезімталдық

- бауыр және / немесе бүйрек функциясының айқын бұзылуы

- жүктілік, лактация

- ерте кезеңдегі емшектегі нәрестелерге (1 айға дейін)

Сақтықпен:

- терінің, ауыз қуысы шырышты қабығының, қынаптың зеңдік ауруларында

- миастения

Дәрілермен өзара әрекеттесуі

Пенициллиндермен, цефалоспориндермен, хлорамфениколмен немесе эритромицинмен бір мезгілде қолданғанда микробқа қарсы әсерінің антогонизмі мүмкін.

Аминогликозидтермен бір мезгілде қолданғанда әсерінің синергизмі мүмкін.

Линкомицинмен, Р450 цитохромы тежегіштерімен бір мезгілде қолданғанда, теофиллиннің әсер ету күші артуы және оның дозасын төмендетуді қажет етуі мүмкін.

Ингаляциялық наркозға арналған дәрілермен немесе шеткері әсер етуші миорелаксанттармен бір мезгілде қолданғанда жүйке-бұлшықет блокадасы апноэ дамуға дейін күшеюі мүмкін.

Диареяға қарсы препараттарды қабылдау линкомициннің әсерін төмендетеді.

Фармацевтикалық өзара әрекеттесуі

Ампициллинмен, барбитураттармен, теофиллинмен, кальций глюконатымен, гепарин және магний сульфатымен фармацевтикалық үйлесімсіз.

Линкомицин канамицинмен бірге бір еккіште немесе тамшылатқышта үйлеспейді.

Айрықша нұсқаулар

Асептикалық некроздың дамуын болдырмау үшін бұлшықет ішіне терең енгізу керек. Көктамыр ішіне алдын – ала сұйылтпай енгізуге болмайды. Бауыр және/немесе бүйрек функциясы бұзылған кезде линкомициннің бір реттік дозасын 1/3 - 1/2 -ке азайту керек және енгізу аралығын ұлғайту керек. Ұзақ уақыт қабылдағанда бауыр және бүйрек функциясын жүйелі бақылау қажет.

Жалғанжарғақшалы колит дамыған жағдайда (диарея, лейкоцитоз, қызба, іштің ауыруы, нәжіспен бірге қан мен шырыштың бөлінуі) линкомицинді тоқтату керек және ионалмастыратын шайырларды тағайындау қажет, ауыр жағдайда жоғалған сұйықтықтың, электролиттер мен ақуыздың орнын толтыру, ванкомицин немесе бацитрацин көрсетілімде.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Дәрілік заттың жағымсыз әсерлерін ескеріп, көлік құралын немесе әлеуетті қауіпті механизмдерді басқарғанда сақтық шараларын сақтау керек.

Артық дозалануы

Симптомдары: асқазан - ішек жолы тарапынан жағымсыз әсерлердің, оның ішінде іштің ауыруы, жүрек айнуы, құсу, диарея пайда болуы мүмкін. Препараттың жоғары дозаларын сұйылтпай көктамыр ішіне жылдам енгізгенде жүректің тоқтап қалу жағдайлары сипатталған.

Емі: көрсетілімі болғанда құстыру немесе асқазанды шаю керек. Арнайы андидоты белгісіз. Гемо- және перитонеальді диализде нашар шығарылады.

Шығарылу түрі және қаптамасы

Шыныдан жасалған ампулада 1 мл-ден.

Әрбір ампулаға баспаға арналған қағаздан немесе офсетті қағаздан жасалған заттаңба немесе өздігінен жапсырылатын заттаңба жапсырылады немесе мәтіні тез кебетін бояумен терең баспа әдісімен ампулаға жазылады.

Ампуланы ашуға арналған пышақпен немесе скарификатормен бірге гофрлауға арналған қағаздан жасалған гофрланған астары бар картон қорапқа 10 ампуладан салады.

Қорапты офсетті қағаздан немесе баспаға арналған қағаздан жасалған заттаңба-бандерольмен айналдыра жапсырады.

Қораптарды медициналық қолдану жөніндегі мемлекеттік және орыс тіліндегі нұсқаулықтармен бірге топтық қаптамаға салады.

Медициналық қолдану жөніндегі мемлекеттік және орыс тіліндегі нұсқаулықтардың саны қаптама санына сәйкес келуі керек.

Немесе 10 ампуладан поливинилхлоридті үлбірден жасалған пішінді ұяшықты қаптамаға салынады. Ампулалары бар 1 пішінді ұяшықты қаптамадан ампуланы ашуға арналған пышағымен немесе скарификаторымен және медициналық қолдану жөніндегі мемлекеттік және орыс тіліндегі нұсқаулықпен бірге хром-эрзац немесе импорттық картоннан жасалған қорапшаға салады.

Немесе 10 ампуладан ампуланы ашуға арналған пышағымен немесе скарификаторымен және медициналық қолдану жөніндегі мемлекеттік және орыс тіліндегі нұсқаулықпен бірге ампуланы бекітумен арналған картон астарымен картоннан жасалған қорапшаға салынған.

Қорапшалар топтық қаптамаға салынған.

Сындыру сақинасы немесе сындыру кертігі мен нүктесі бар ампуланы пайдаланған жағдайда ампуланы ашуға араналған пышақ немесе скарификатор салу қарастырылмайды.

Топтық қаптама мен тасымалдайтын ыдыс МЕМСТ 17768-90 сәйкес келеді.

Сақтау шарттары

Жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек.

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Борисов медициналық препараттар зауыты» ашық акционерлік қоғамы, Беларусь Республикасы. Минск облысы., Борисов қ-сы, Чапаев к-сі, 64,

тел/факс +375(177)734043

Тіркеу куәлігінің иесі

«Борисов медициналық препараттар зауыты» ашық акционерлік қоғамы, Беларусь Республикасы

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық поштасы)

Қазақстан Республикасы, 050004, Алматы қ-сы, Абылай хан даңғылы, 30, «МедФармИнтерСервис» ЖШС, тел. 87013066011, 87714140258.