Инокаин
Инструкция
-
русский
-
қазақша
Саудалық атауы
Инокаин
Халықаралық патенттелмеген атауы
Оксибупрокаин
Дәрілік түрі
0,4%, 5 мл көз тамшы дәрісі
Құрамы
1 мл ерітіндінің құрамында
белсенді зат: 4,0 мг беноксинат гидрохлориді (оксибупрокаин гидрохлориді),
қосымша заттар: бензалконий хлориді, динатрий эдетаты, бор қышқылы, натрий хлориді, натрий гидроксиді, инъекцияға арналған су.
Сипаттамасы
Мөлдір түссіз ерітінді
Фармакотерапиялық тобы
Көз ауруларын емдеуге арналған препараттар. Жергілікті анестетиктер. Оксибупрокаин
АТХ коды S01НА02
Фармакологиялық қасиеттері
Фармакокинетикасы
Инокаин конъюктива қуысына бір рет инстилляциялағаннан кейін мөлдір қабықтың арқауына жеңіл өтеді, тез арада беткейлік анестезия туғызады, конъюнктиваға аздап тітіркендіруші әсер көрсетеді. Одан кейінгі 15 минут ішінде препараттың арқаулық концентрациясының сандық төмендеуі байқалады, бұл бір рет инстилляциялаған кезде 12-15 минуттық анестезия береді. Препарат жүйке жасушалары аксондары арқылы жүйке импульсінің таралуы мен өткізілуінің қайтымды блокадасын туындатады.
Фармакодинамикасы
Жергілікті анестетик. Инокаин жүйке ұштарын бөгейді. Жергілікті қолданғанда тіндерге жақсы енеді. Конъюнктива мен мөлдір қабыққа болмашы тітіркендіруші әсер береді. Конъюнктива мен мөлдір қабықтың беткейлік анестезиясы 30 секундтан кейін басталады және 15 минут сақталады.
Қолданылуы
Офтальмологиядағы жергілікті анестезияда мыналарды жүргізуде:
- көз ішілік қысымды өлшегенде (тонометрияда)
- гониоскопияда
- конъюнктивадан диагностикалық қырындыны алғанда
- мөлдір қабықтан және конъюнктивадан бөтен денелер мен жіптерді алуда
- мөлдір қабық және конъюнктиваға қысқа мерзімді хирургиялық араласуларда
Қолдану тәсілі және дозалары
Инокаин жергілікті қолданылады.
Тонометрия, гониоскопия, конъюнктивадан диагностикалық қырынды алуды жүргізу үшін препараттың 1 тамшысын конъюктивалық қалтаға тамызады.
Конъюнктива мен мөлдір қабықтың беткейлік анестезиясы 30 секундтан кейін басталады және 15 минутқа дейін сақталады. Ұзақ анестезияны (1 сағатқа дейін) Инокаинді 4-5 минуттық аралықпен үш рет тамызу қамтамасыз етеді.
Жағымсыз әсерлері
- шаншу, күйдіру сезімі, конъюнктива гиперемиясы
- мөлдір қабық эпителийінің елеусіз зақымдануы, кератопатиялар (уытты, некроздық ойық жаралануы, операциядан кейінгі)
- кератиттер (уытты, мөлдір қабықтың беткейлік ойық жаралануы, асқынжұқпаның дамуы нәтижесінде диск тәріздес, кандидозды кератиттің дамуы)
- фибринозды ириттер
- жанаспалы дерматит (аллергиялық және аллергиялық емес периорбитальді дерматит)
- прекорнеальді үлбір беріктігінің төмендеуі (көзі көгілдір емделушілерде)
- мөлдір қабық қалыңдығының өзгеруі
- мөлдір қабықтың сезімталдығы мен ықтиярсыз жыпылықтау жиілігінің төмендеуі
- көз алмасының байқаусыз қозғалуы
жүйелік әсері:
- жедел синустық брадикардия
- идиосинкразиялық анафилактикалық реакция
цитоуытты әсер етуі:
- мөлдір қабыққа тікелей цитоуытты әсер етуі
- мөлдір қабық эпителийінің тікелей сіңіруін төмендететін мөлдір қабыққа цитоуытты әсер етуі
жағымсыз әсерлері
- хемоз, ангионевротикалық ісіну, аллергиялық реакциялар, жекелей көтере алмаушылық, мөлдір қабықтың ісінуі, мөлдір қабық эпителийі некрозы, конъюнктива некрозы, беткейлік зақымданулар, мөлдір қабық эндотелииі зақымдануы, жедел жолақты кератопатия, арқаулық ісіну, десцемет қабығының қатпарлары, биомикроскопиялы ұлғайтылған эндотелий, нұрлы қабықтың қарашық шетіндегі іркілдек дақтары, нұрлы қабықтың жергілікті саңылауы, артқы капсуланың бұлыңғырлануы, мөлдір қабықтың орталық бөлігінің қалыңдауы, эндотелий жасушалары тығыздығының төмендеуі, экстрацеллюлярлық меланосомалар, қалыпты цитокинез бен митотикалық белсенділіктің тоқтауы.
Қолдануға болмайтын жағдайлар
- әсер етуші затқа немесе препараттың қандай да бір қосымша компоненттеріне асқын сезімталдық
- 8 жасқа дейінгі балалар
Дәрілермен өзара әрекеттесуі
Инокаин сульфаниламидтер мен бета-блокаторлардың антибактериалдық белсенділігін төмендетуі мүмкін, күміс нитратымен, сынап тұздарымен, сілтілік ерітінділермен үйлеспейді.
Айрықша нұсқаулар
Препарат тек конъюнктивалық қалтаға тамызуға арналған.
Препарат үйде өздігінен қолдануға ұсынылмайды, өйткені ұзаққа созылған, көп рет және ұзақ мерзім қолданылуы мөлдір қабықтың тұрақты бұлыңғырлануына әкеп соқтыруы мүмкін. Инокаин көз ауруларын кешенді емдеуде ұзақ қолдануға арналмаған.
Препаратты қолдану кезінде анафилактикалық реакция және синустық брадикардия дамуы мүмкін.
Сақтықпен: жүректің айқын жеткіліксіздігі, аллергиялық реакциялар.
Ластануды болдырмау үшін құтының ұшын ешқандай беткейлерге тигізбеген жөн. Анестезия аяқталғанға дейін көзге мыналардың әсер етуінен тартынған жөн: үйкелу, бөгде денелер, тітіркендіретін химиялық заттар. Препаратты тамызар алдында жанаспалы линзаны шешу керек, және оны 15 минуттан соң ғана қайта киюге болады.
Педиатрияда қолданылуы
Балаларға қолдануда жеткілікті тәжірибе жоқ. Егер күтілетін емдік әсері жағымсыз әсерлерінің қаупінен асып түсетін болса, дәрігердің тағайындауы бойынша қолданылуы мүмкін.
Жүктілік және лактация кезеңі
Жүктілік және лактация кезеңінде қолданудың жеткілікті тәжірибесі жоқ.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Аппликациядан соң науқастарда көру айқындығы уақытша жоғалады, көлік жүргізбеген немесе күрделі техникамен, станоктармен немесе препаратты тамызған соң дереу көру айқындығын талап ететін басқа да күрделі жабдықтармен жұмыс істемегені дұрыс.
Артық дозалануы
Симптомдары: жағымсыз әсерлерінің дамуы.
Емі: симптоматикалық.
Шығарылу түрі және қаптамасы
5 мл препараттан пластик тамшылатқыш-құтыда.
Ішінде құтыны ашуға арналған құрылғысы бар бұрандалы қалпақшасымен 1 тамшылатқыш-құтыдан және медицинада қолданылуы жөніндегі мемлекеттік және орыс тіліндегі нұсқаулықпен бірге картон пәшкеге салынған.
Сақтау шарттары
25 °С-ден аспайтын температурада, жарықтан қорғалған жерде сақтау керек.
Мұздатып қатыруға болмайды.
Балалардың қолы жетпейтін жерде сақтау керек!
Сақтау мерзімі
2 жыл
Құтыны ашқаннан кейін қолдану кезеңі 1 ай.
Қаптамасында көрсетілген жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецепт арқылы
Өндіруші
СЕНТИСС ФАРМА ПВТ. ЛТД., Үндістан
212/Д-1, Грин Парк, Нью Дели, Үндістан
Зауытта: Виллидж Кхера Нихла, Техсил Налагарх, р-н Солан, Химачал Прадеш 174 101, Үндістан
Тіркеу куәлігінің иесі
СЕНТИСС ФАРМА ПВТ. ЛТД., Үндістан
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:
Қазақстан Республикасы, 050000, Алматы қ., Бөгенбай батыр к-сі 132, 309 кеңсе
Тел./факс: +7 (7272) 96-45-99
Email: sentiss_kz@land.ru