Инлайта® (5 мг)

• русский
• қазақша

• Скачать инструкцию медикамента

Саудалық атауы

Инлайта®

Халықаралық патенттелмеген атауы

Акситиниб

Дәрілік түрі

Үлбірлі қабықпен қапталған 1 мг, 5 мг таблеткалар

Құрамы

белсенді зат – акситиниб 1 мг немесе 5 мг;

қосымша заттар: микрокристалды целлюлоза, лактоза моногидраты, натрий кроскармеллозасы, магний стеараты;

қабығының құрамы: опадрай II қызыл 32 К 15441, HPMC 2910 гипромеллоза 15 cP, титанның қостотығы (Е 171), лактоза моногидраты, триацетин (глицерол триацетаты), темірдің қызыл тотығы (Е172).

Сипаттамасы

Сопақша, үлбірлі қабықпен қапталған, бір жағында «Pfizer» , екінші жағында «1» және «XNB» бедерленген, қызыл түсті таблеткалар (1 мг доза үшін).

Үшбұрышты, үлбірлі қабықпен қапталған, бір жағында «Pfizer», екінші жағында «5» және «XNB» бедерленген, қызыл түсті таблеткалар (5 мг доза үшін).

Фармакотерапиялық тобы

Ісікке қарсы басқа препараттар. Протеинкиназа тежегіштері.

Акситиниб.

ATХ коды L01XE17

Фармакологиялық қасиеттері

Фармакокинетикасы

Акситиниб таблеткаларын пероральді қабылдағаннан кейін абсолютті биожетімділігі 58 % құрайды. Акситинибтың плазмадан жартылай шығарылу кезеңі 2,5 –тен 6,1 сағатқа дейінгі диапазонда болады. Акситинибты тәулігіне екі рет 5 мг дозада қабылдау бір реттік дозаны қабылдаумен салыстырғанда екі есе аз жинақталуына алып келді. Акситинибтың плазмадан жартылай шығарылу кезеңінің қысқалығын ескере отырып, тепе теңдік күйге жетуі бастапқы дозаны қабылдағаннан кейін 2 күннен 3 күнге дейінгі аралықта күтіледі.

Сіңірілуі және таралуы

Акситинибтың қан плазмасындағы шыңдық концентрациясы пероральді қабылдағаннан кейін әдетте Tmax  орташа мәнінде 2,5 –тен 4,1 сағатқа дейінгі диапазонда 4 сағат ішінде қол жеткізіледі. Акситинибты орташа майлы тамақпен қабылдау таңертең ашқарынға қабылдаумен салыстырғанда 10 % төмен әсер етуге алып келеді. Май құрамы жоғары, жоғары калориялы тамақпен қабылдау таңертең ашқарынға қабылдаумен салыстырғанда 19 %-ға жоғары әсер етуге алып келеді.

Cmax және AUC орташа мәні 5-тен 10 мг дейінгі диапазонда акситиниб дозасына пропорционалды артады. Акситинибтың адам плазмасы ақуыздарымен байланысуы, дұрысы альбуминмен байланысқанда және α1-қышқыл гликопротеинмен орташа байланысуында > 99 % құрайды. Таралған БЖО бар пациенттерде тәулігіне екі рет тамақтанудан кейін 5 мг дозада қабылдағанда 24 сағаттан кейін плазмадағы ең жоғары концентрациясының орташа мәні және AUC тиісінше 27,8 нг/мл және 265 нг*сағ/мл құрады. Препаратты пероральді қабылдағанда клиренсінің орташа геометриялық мәні және болжамды таралу көлемі тиісінше 38 л/сағ және 160 л құрады.

Метаболизмі және шығарылуы

Акситиниб негізінен бауырда CYP3A4/5 изоферменттерімен және аз дәрежеде CYP1A2, CYP2C19 изоферменттерімен және UGT1A1 генімен метаболизденеді.

Радиоактивті акситинибтің 5 мг пероральді қабылдағаннан кейін, акситинибтың 30–60 % нәжісте және 23 % несепте табылды. Қабылданған дозаның 12 % мөлшеріндегі өзгермеген акситиниб нәжісте анықталған негізгі компонент болды. Өзгермеген акситиниб несепте анықталған жоқ; несептегі радиоактивтілігіне көбінесе карбон қышқылының метаболиті және сульфоксидті метаболиті түрткі болады. Плазмада негізгі компонент N-глюкуронды метаболит (50 %) болды, ал өзгермеген акситиниб және сульфоксидті метаболит әрқайсысы жеке-дара 20 %-ды құрады.

Сульфоксидті және N-глюкуронды метаболиттердің VEGFR2 қатысты акситинибпен салыстырғанда, тиісінше шамамен 400 және 8000 есе төмен in vitro  белсенділікке ие екені көрсетілген

Пациенттердің ерекше тобы

Егде пациенттер, жынысы және нәсілі

Таралған обыры бар (таралған БЖО қоса) пациенттердегі және дені сау еріктілердегі популяциялық фармакокинетикалық талдау жас шамасының, жынысы, дене салмағы, нәсілінің, бүйрек функциясы, UGT1A1 генотипі немесе CYP2C19 генотипінің акситинибтің фармакокинетикалық қасиеттеріне клиникалық маңызды әсерінің жоқтығын көрсетеді. Таралған обыры бар (таралған БЖО қоса) пациенттердегі және дені сау еріктілердегі популяциялық фармакокинетикалық талдау жас шамасының, жынысы, дене салмағы, нәсілінің, бүйрек функциясы, UGT1A1 генотипі немесе CYP2C19 генотипінің акситинибтің фармакокинетикалық қасиеттеріне клиникалық маңызды әсерінің жоқтығын көрсетеді.Балалар жасындағы пациенттер

Акситиниб < 18 жас шамасындағы пациенттерде зерттелмеген.

Бауыр функциясының бұзылуы

In vitro және  in vivo деректері акситинибтың негізінен бауырда метаболизденетінін көрсетеді.

Бауырдың жеңіл дәрежедегі жеткіліксіздігі бар (Чайлд-Пью жіктемесі бойынша А класы) пациенттерде бауыр функциясы қалыпты пациенттермен салыстырғанда акситинибтың бір реттік дозасын қабылдағаннан кейінгі жүйелік әсері бауыр функциясы қалыпты пациенттердегі әсерімен салыстырарлық болды, ал бауыр жеткіліксіздігі орташа дәрежедегі пациенттердегі әсері (Чайлд-Пью жіктемесі бойынша В класы) жоғары (шамамен екі есе) болды. Акситиниб ауыр дәрежедегі бауыр жеткіліксіздігі (Чайлд-Пью жіктемесі бойынша С класы) бар пациенттерде зерттелмеген. Препаратты бұндай пациенттерде қолдануға болмайды.

Бүйрек функциясының бұзылуы

Өзгермеген акситиниб несепте анықталмады.

Бүйрек функциясының бұзылуы бар пациенттерде акситиниб зерттелмеген. БЖО бар пациенттерді емдеуге арналған акситинибтің клиникалық зерттеулеріне сарысуында креатинин деңгейі жоғарғы қалып шегінен (ЖҚШ) > 1,5 есе жоғары немесе креатинин клиренсі < 60 мл/мин есептелген пациенттер қатыстырылмады. Популяциялық фармакокинетикалық талдаулар акситиниб клиренсінің бүйрек функциясының бұзылуы бар пациенттерде өзгермегенін көрсетті, және бұндай жағдайларда акситиниб дозасын түзету талап етілмейді.

Фармакодинамикасы

Әсер ету механизмі

Акситиниб - (VEGFR)-1, VEGFR-2 және VEGFR-3 тамырлар эндотелий өсу факторы (ТЭӨФ)-рецепторларының қуатты және таңдаулы тирозинкиназды тежегіші болып табылады. Бұл рецепторлардың патологиялық ангиогенезге, ісіктің өсуіне және обырдың метастаздық үдеуіне қатысы бар. Акситинибтың эндотелий жасушасының ТЭӨФ арқылы болатын пролиферациясын және өміршеңдігін жоғары белсенділікпен тежейтіні көрсетілген. Акситиниб in vivo нысананы экспрессиялаған ксенотрансплантаттардың тамырларындағы VEGFR-2 ісіктердің фосфорлануын тежеген және ісік өсуінің іркілуін, регрессиясын және обырдың көптеген экспериментальді моделінде метастаздың тежелуін туындатты.

QTc аралығына әсері

35 дені сау ерікті рандомизацияланған 2 жақты айқаспалы зерттеуде акситинибтің бір пероральді дозасын (5 мг) 400 мг кетоконазол бар кезде және жоқ кезде 7 күн бойы қабылдады. Бұл зерттеудің нәтижелері, акситинибтің плазмадағы 5 мг дозасын қабылдағаннан кейін күтілетін емдік деңгейлерінен екі есеге дейінгі концентрациялары QT аралығының клиникалық маңызды ұзаруын туғызбағанын көрсетті.Клиникалық тиімділігі

Акситинибтің қауіпсіздігі мен тиімділігі ашық рандомизацияланған көпорталықтық III фазалы зерттеу барысында бағаланды. Құрамында сунитиниб, бевацизумаб, темсиролимус немесе цитокин бар режимдерін қоса, алдыңғы жүйелі емдеудің құрамында курсы кезінде немесе одан кейін үдеген таралған БЖО бар пациенттер (N = 723), акситиниб (N = 361) немесе сорафениб (N = 362) қабылдау үшін (1 : 1) рандомизацияланды. Біріншілік соңғы нүктені, үдемесіз тірі қалу (ҮТҚ), салыстырмалы жасырын тәуелсіз орталықтық сараптаманы пайдалана отырып бағаланды. Екінші соңғы нүктелеріне объективті жауаптар жиілігі (ОЖЖ) мен жалпы тірі қалу (ЖТҚ) кірді. Аталған зерттеуге кірістірілген пациенттердің ішінен, 389 пациент (53,8 %) сунитиниб негізінде бір емдеу курсын, 251 пациент (34,7 %) – цитокин негізінде (интерлейкин-2 немесе интерферон альфа), 59 пациент (8,2 %) – бевацизумаб негізінде және 24 пациент (3,3 %) темсиролимус негізінде емдеудің бір курсын қабылдады. Бастапқы демографиялық сипаттамалары мен аурудың сипаттамалары (жас шамасы, жынысы, нәсілі, Шығыстың біріккен онкологиялық тобы (ECOG) жіктемесі бойынша функционалдық статусы, тұрғылықты географиялық аймағы мен алдыңғы ем) акситиниб және сорафениб топтарында ұқсас болды.

Пациенттердің жалпы популяциясында және негізгі екі қосалқы тобында (сунитинибпен және цитокинмен емдеу курсын қабылдаған) акситиниб ҮТҚ біріншілік соңғы нүктесіне қатысты сорафенибтен статистикалық маңызды артықшылығын көрсетті (1 кесте мен 1, 2 және 3 суреттерді қараңыз). ҮТҚ медианасына әсер ету шамасы алдыңғы емдеудің қосалқы топтарында әр түрлі болды. Қосалқы топтардың ішінен екеуі нақты нәтижелер алу үшін өте кішкентай болды, (темсиролимуспен және бевацизумабпен емдеудің алдыңғы курстары). Жалпы популяциядағы немесе алдыңғы ем бойынша қосалқы топтарда ЖТҚ көрсеткішіне қатысты емдеу режимдері арасында статистикалық маңызды айырмашылықтар байқалған жоқ.

1 кесте. Тиімділігін бағалау нәтижелері

СА – сенімді аралық, ҚА – қауіптер арақатынасы (акситиниб/сорафениб); ITT – «Ем тағайындалмаған пациенттер» іріктелімі; БМЕ – бағалау мүмкін емес; МЖ –статистикалық маңыздылығы жоқ; ОЖЖ – объективті жауап жиілігі; ЖТ – жалпы тірі қалу; ҮТҚ – үдемесіз тірі қалу. ª Кез келген себептердің нәтижесіндегі, қай оқиғаның бірінші басталатындығына байланысты, рандомизациядан үдегенге немесе өлімге дейінгі уақыт.

2011 ж. 03 маусымдағы жағдай бойынша

б Ауқымды ісіктер кезінде (RECIST) емдеуге жауап Критерийлеріне сәйкес тәуелсіз радиологиялық сараптама бағалауы бойынша.

в Логарифмдік рангылық критерийіндегі, ECOG функционалдық статусы мен алдыңғы ем бойынша стратификацияланған біржақты p-мәні.

г 2011 ж. 01 қарашадағы жағдай бойынша

д 2010 ж. 31 тамыздағы жағдай бойынша

е ОЖЖ қауіптерінің арақатынасына қарай бағаланады. Қауіптердің > 1 арақатынасы акситиниб тобында емдеуге жауап ықтималдылығының жоғарырақ екенін көрсетеді; қауіптердің < 1 арақатынасы сорафениб тобындағы жауап ықтималдылығының жоғарырақ екенін көрсетеді.ж Кохран – Мантель – Гензель критерийіндегі, ECOG функционалдық статусы және алдыңғы ем бойынша стратификацияланған біржақты p-мәні.з Емдеудің логарифмдік рангылық критерийіндегі, ECOG функционалдық статусы бойынша стратификацияланған біржақты p-мәні.

и Кохран – Мантель – Гензель критерийіндегі, ECOG функционалдық статусы бойынша стратификацияланған біржақты p-мәні.

 

Инлайта (N = 361)

Медиана 6,8 ай

Сорафениб (N = 362)

Медиана 4,7 ай

Қауіп арақатынасы = 0,67

СА 95% (0,56, 0,81)

p-мәні < 0,0001

Уақыт (айлар)

1 сурет. Жалпы популяцияға арналған тәуелсіз бағалау нәтижелері бойынша Каплан – Мейер әдісі бойынша үдемесіз тірі қалу қисығы

 

2 сурет. Алдында сунитинибпен емдеу курсын қабылдаған қосалқы топқа арналған тәуелсіз бағалау нәтижелері бойынша Каплан – Мейер әдісі бойынша үдемесіз тірі қалу қисығы

 

Инлайта (N = 194)

Медиана 4,8 ай

 

Сорафениб (N = 195)

 

Медиана 3,4 ай

 

Қауіп арақатынасы = 0,74

 

СА 95% (0,58, 0,94)

 

p-мәні = 0,0063

 

Уақыт (айлар)

 

 

3 сурет. Алдында цитокинмен емдеу курсын қабылдаған қосалқы топқа арналған тәуелсіз бағалау нәтижелері бойынша Каплан – Мейер әдісі бойынша үдемесіз тірі қалу қисығы

 

Уақыт (айлар)

 

Инлайта (N = 126)

 

Медиана 12,0 ай

 

Сорафениб (N = 125)

 

Медиана 3,4 ай

 

Қауіп арақатынасы = 0,52

 

СА 95% (0,38, 0,72)

 

p-мәні < 0,0001

 

 

Балалар жасындағы пациенттер популяциясы

Дәрілік заттар жөніндегі Еуропалық агенттік балалық жас шамасындағы пациенттер популяциясының барлық қосалқы топтарында бүйрек және бүйрек тостағаншасының обырын (нефробластоманы, нефробластоматозды, ақшылжасушалы саркоманы, бүйректің аралас ісігін, бүйректің медуллярлық обырын және бүйректің рабдоидтық обырын қоспағанда) емдеуге арналған акситинибті зерттеу нәтижелерін ұсыну жөніндегі талаптарды тоқтатты.

Қолданылуы

- ересек пациенттерде сунитинибпен немесе цитокинмен алдыңғы емдеу тиімсіз болған кезде таралған бүйрек-жасушалық обыры (екінші желілі ем ретінде)

Қолдану тәсілі және дозалары

Инлайта® препаратымен емдеуді обырға қарсы емнің түрлерін қолдануда тәжірибесі бар дәрігер жүргізуі тиіс.

Дозалау режимі

Инлайта® препаратының ұсынылатын бастапқы дозасы тәулігіне екі рет 5 мг болып табылады.

Ем клиникалық пайдасы байқалып тұрған кезде немесе қатарлас дәрілік препараттармен немесе доза түзетумен тоқтату мүмкін болмаған, қолдануға болмайтындай уыттылық білінгенше жалғастырылуы тиіс.

Егер пациент доза қабылдағаннан кейін құсса немесе егер пациент қабылдайтын дозасын жіберіп алса, препараттың қосымша дозасын қабылдауына болмайды. Келесі тағайындалған доза әдеттегі уақытында қабылдануы тиіс.

Қолдану тәсілі

Инлайта® препараты тамақпен, сондай-ақ ашқарынға шамамен 12 сағаттық үзіліспен тәулігіне екі рет пероральді қабылданады. Инлайта® таблеткаларын тұтас жұтып, оларды стақан сумен ішу керек.

Доза түзету

Дозаны жоғарылатқанда немесе төмендеткенде жеке дара қауіпсіздігі мен көтерімділігі ұғымдарын басшылыққа алу ұсынылады.

Инлайта® препараты жағымды пациенттерге, пациенттің артериялық қысымы 150/90 мм сын. бағ. асатын немесе пациент гипертензияға қарсы препарат қабылдайтын жағдайларды қоспағанда, тәулігіне екі рет 5 мг дозадан бастап > 2-ші дәрежелі қолайсыз реакциялар пайда болмағанда (яғни қолайсыз құбылыстардың терминологиясының жалпы критерийлеріне сәйкес (CTCAE) ауыр дәрежелі қолайсыз реакцияларсыз) кейінгі екі апта бойына дозасы тәулігіне екі рет 7 мг дейін арттырылуы мүмкін. Содан кейін осындай критерийлерді қолдана отырып, Инлайта® препаратының тәулігіне екі рет 7 мг дозасы жағымды пациенттерге доза тәулігіне екі рет - 10 мг ең жоғарысына дейін ұлғайтылуы мүмкін.

Кейбір қолайсыз реакцияларды емдеу дәрілік препаратты уақытша немесе тұрақты түрде тоқтатуды және/немесе Инлайта® препаратының дозасын төмендетуді талап етуі мүмкін. Дозаны азайту керек болғанда, Инлайта® препаратының дозасы тәулігіне екі рет 3 мг дейін, ал одан әрі қарай - тәулігіне екі рет 2 мг дейін азайтылуы мүмкін.

Пациенттің жасына, нәсіліне, жынысына немесе дене салмағына байланысты доза түзету талап етілмейді.

CYP3A4 және CYP3A5 күшті тежегіштерімен бір уақытта қабылдау (CYP3A4/5)

Инлайта® препаратын және CYP3A4/5 изоферментінің күшті тежегіштерін бірге қолдану плазмадағы акситиниб концентрациясын арттыруы мүмкін. Кешенді дәрілік ем үшін CYP3A4/5 тежеуін туындатпайтын немесе олардың елеусіз ғана тежелуін туындататын, баламалы препараттарды таңдау ұсынылады.

Инлайта® препаратының дозасын түзету CYP3A4/5 күшті тежегіштерін қабылдаушы пациенттерде зерттелмегеніне қарамастан, егер CYP3A4/5 күшті тежегіштерін бірге қолдану қажет болса, Инлайта® препаратының дозасын шамамен жартысына дейін төмендету (мысалы, бастапқы доза тәулігіне екі рет 5 мг-ден тәулігіне екі рет 2 мг дейін төмендетілуі тиіс) ұсынылады.

Кейбір қолайсыз реакцияларды емдеу Инлайта® препаратымен емдеуді уақытша немесе тұрақты түрде тоқтатуды талап етуі мүмкін. Егер күшті тежегішті бірге қабылдау тоқтатылса, CYP3A4/5 күшті тежегіштерін қабылдауды бастағанға дейінгі Инлайта® препаратының дозасына оралуды қарастыру керек.

CYP3A4/5 күшті индукторларымен бір уақытта қабылдау

Инлайта® препаратын және CYP3A4/5 изоферментінің күшті индукторларын бірге қолдану плазмадағы акситиниб концентрациясын төмендетуі мүмкін.

Кешенді дәрілік ем үшін CYP3A4/5 индукциясын туындатпайтын немесе олардың елеусіз ғана индукциясын туындататын, баламалы препараттар таңдау ұсынылады.

Инлайта® препаратының дозасын түзету CYP3A4/5 күшті индукторларын қабылдаушы пациенттерде зерттелмегеніне қарамастан, егер CYP3A4/5 күшті индукторларын бірге қолдану қажет болса, Инлайта® препаратының дозасын біртіндеп жоғарылату ұсынылады. CYP3A4/5 күшті индукторларының жоғары дозаларын қолданғанда ең жоғары индукция индуктормен емнің бір аптасы бойына жүретіні анықталған. Егер Инлайта® препаратының дозасы жоғарыласа, пациентте уыттылық белгілері білінуіне мұқият бақылау жүргізілуі тиіс. Кейбір қолайсыз реакцияларды емдеу дәрілік препарат қабылдауды уақытша немесе тұрақты түрде тоқтатуды және/немесе Инлайта® препаратының дозасын азайтуды талап етуі мүмкін. Егер күшті индукторларды бірге қабылдау тоқтатылса, CYP3A4/5 күшті индукторын қабылдауды бастағанға дейінгі қолданылған акситиниб дозасына дереу оралу керек.

Пациенттердің ерекше тобы

Егде пациенттер (≥ 65 жас)

Дозасын түзету талап етілмейді.

Бүйрек функциясының бұзылуы

Дозасын түзету талап етілмейді.

Креатинин клиренсі < 15 мл/мин. болатын пациенттерде Инлайта® препаратымен емдеудің деректері мүлде жоқ.

Бауыр функциясының бұзылуы

Инлайта® препаратын жеңіл дәрежелі (Чайлд-Пью жіктемесі бойынша А класы) бауыр функциясының бұзылуы бар пациенттер қабылдағанда доза түзету талап етілмейді. Инлайта® препаратын орташа дәрежелі (Чайлд-Пью жіктемесі бойынша В класы) бауыр функциясының бұзылуы бар пациенттер қабылдағанда дозасын төмендету ұсынылады (мысалы, бастапқы доза тәулігіне екі рет 5 мг-ден тәулігіне екі рет 2 мг дейін төмендетілуі тиіс).

Инлайта® препараты ауыр дәрежелі (Чайлд-Пью жіктемесі бойынша С класы) бауыр функциясының бұзылуы бар пациенттерде зерттелмеген. Препаратты бұндай пациенттерде қолдануға болмайды.

Балалар жасындағы пациенттер

Инлайта® препаратының балалар жасындағы пациенттердегі қауіпсіздігі мен тиімділігі (< 18 жас) анықталмаған. Деректер жоқ.

Жағымсыз әсерлері

Инлайта® препаратын қабылдау нәтижесінде байқалған көбірек таралған қолайсыз реакциялар (≥ 20 %) диарея, гипертензия, қажу, тәбет төмендеуі, жүрек айнуы, дене салмағының төмендеуі, дисфония, сондай-ақ алақан-табан эритродизестезиясы синдромы (қол басы-табан синдромы), қан кету, гипотиреоз, құсу, протеинурия, жөтел және іш қату болды.

Инлайта® препаратын қабылдағанда тіркелген жағымсыз әсерлер пайда болу жиілігіне қарай былайша жіктелген: өте жиі (≥ 1/10), жиі ( ≥ 1/100-ден < 1/10 дейін), жиі емес (≥ 1/1000-нан < 1/100 дейін).

Өте жиі

• гипотиреозв

• тәбет төмендеуі

• бас ауыруы

• дисгевзия

• артериялық гипертензияж

• қан кету в,г,з

• дисфония

• ентігу

• жөтел

• диарея,

• жүрек айнуы

• құсу

• стоматит

• іш қатуы

• іштің ауыруы

• диспепсия

• алақан-табан эритродизестезия синдромы (қол басы-табан синдромы)

• бөртпе

• терінің құрғауы

• протеинуриям

• қажу

• астения г

• шырышты қабықтың қабынуы

• дене салмағының төмендеуі

- артралгия

- аяқ-қол ауыруы

Жиі

- глоссодиния

- жүрек жеткіліксіздігі құбылысы в,г,е

- полицитемия в

- гипертиреоз в

- гиперкалиемия

- гиперкальциемия

- гипербилирубинемия

- қандағы креатинин деңгейінің жоғарылауы

- анемия

- тромбоцитопения

- сусыздану

- бас айналу

- құлақтағы шуыл

- көктамырлық эмболиялық және тромбоздық құбылыстар в,г,и

- артериялық эмболиялық және тромбоздық құбылыстар в,г,к

- ауыз жұтқыншақ аумағындағы ауыру

- іштің жоғары бөлігіндегі ауыруы

- метеоризм

- геморрой

- асқазан-ішек жолы ағзаларының перфорациясы және жыланкөз түзілуі

- қышыну

- эритема

- алопеция

- миалгиялар

- бүйрек жеткіліксіздігі н

- тиреотроптық гормон деңгейінің жоғарылауы

- липаза деңгейінің жоғарылауы

- аланинаминотрансфераза деңгейінің жоғарылауы

- аспартатаминотрансфераза деңгейінің жоғарылауы

- сілтілік фосфатаза деңгейінің жоғарылауы

- амилаза деңгейінің жоғарылауы

Жиі емес

- нейтропения

- лейкопения

- артқы қайтымды энцефалопатия синдромы

а Жағымсыз реакциялар емдеу кезінде кез-келген себептердің нәтижесінде туындау жиілігі бойынша келтіріледі.

б Ұлттық онкология институтының (АҚШ) жағымсыз құбылыстарға арналған жалпы терминологиялық критерийлері

в «Жекелеген жағымсыз реакцияларының сипаттамалары» бөлімін қараңыз.г Өліммен аяқталған жағдайлар туралы хабарламалар тіркелді (5-ші дәрежесі).д Лейкоэнцефалопатияны қоса.

е Жүрек жеткіліксіздігін, іркілісті жүрек жеткіліксіздігін, жүрек-өкпе жеткіліксіздігін, лықсыту фракциясының төмендеуін, сол жақ қарынша дисфункциясын және оң жақ қарынша жеткіліксіздігін қоса.

ж Қатерлі гипертензияны, артериялық қысымның жоғарылауын, артериялық гипертензия және гипертониялық кризді қосаз Ішінара белсенділенген тромбопластиндік уақыттың ұзаруын, анустық қан кетуді, артериялық қан кетуді, несепте қанның пайда болуын, орталық жүйке жүйесі ағзаларындағы қан кетуді, миға қан құйылуын, қанның ұю уақытының ұзаруын, конъюнктиваға қан құйылуын, қанталауды, геморрагиялық диареяны, дисфункционалды жатырлық қан кетуді, мұрыннан қан кетуді, асқазаннан қан кетуді, асқазан-ішектен қан кетуді, қызыл иектердің қанағыштығын, қан аралас құсуды, нәжіс массаларында қан араласуын, гематокрит төмендеуін, гематоманы, гематурияны, гемоглобин деңгейінің төмендеуін, қан түкіруді, қан кетуді, коронарлық артериядан қан кетуді, несеп шығару жолдарынан қан кетуді, геморроидальді қан кетуді, гемостаз, көгерген жерлердің түзілуіне бейімділіктің жоғарылауын, халықаралық қалыптасқан қатынастың жоғарылауын, асқазан-ішек жолының төменгі бөлігінен қан кетуді, меленаны, петехиялар, фарингеальді қан кетуді, протромбиндік уақыттың ұзаруын, өкпеден қан кетуді, пурпураны, ректальді қан кетуді, эритроциттер санының төмендеуін, бүйректен қан кетуді, аққабыққа қан құйылуды, ұма гематоцелесін, көкбауырдан қан кетуді, нүктелік қанталауларды, субарахноидальді қан құйылуды, тілден қан кетуді, асқазан-ішек жолының жоғарғы бөлігінен қан кетуді және қынаптан қан кетуді қоса.

и Бадд – Киари синдромын, терең көктамырлар тромбозын, жармалық көктамыр тромбозын, жамбас көктамырлары тромбозын, өкпе эмболиясын, торқабық көктамырының окклюзиясын, торқабық көктамырларының тромбозын, бұғанаасты көктамыр тромбозы, көктамырлар тромбозы мен аяқ-қолдар көктамырының тромбозын қоса.

к Жедел миокард инфарктісін, эмболияны, миокард инфарктісін, торқабық артерияларының окклюзиясын және транзиторлық ишемиялық шабуылды қоса.

л Асқазан-ішек перфорациясы және жыланкөздердің түзілуінде келесі терминдерді қолданған дұрыс: құрсақ қуысының абсцесі, анус абсцесі, анус жыланкөзі, жыланкөз, асқазан-ішек анастомозы жағдайының нашарлығы, асқазан-ішек жолының перфорациясы, тоқ ішек перфорациясы, өңеш-бронх жыланкөзі және перитонит.

м Протеинурия жағдайында келесі терминдерді қолданған дұрыс: несептегі ақуыз, несепте ақуыздың болуы және протеинурия.н Жедел бүйрек жеткіліксіздігін қоса.

Жекелеген жағымсыз реакцияларының сипаттамасы

Жүрек жеткіліксіздігі құбылыстары

БЖО бар пациенттерді емдеу үшін акситинибті қолданып (N = 359) жүргізілген бақыланатын клиникалық зерттеуде жүрек жеткіліксіздігі құбылыстары, жүрек жеткіліксіздігін (0,6 %), жүрек-өкпе жеткіліксіздігін (0,6 %), сол жақ қарынша дисфункциясын (0,3 %) және оң жақ қарынша жеткіліксіздігін (0,3 %) қоса, акситинибті қабылдаған пациенттердің 1,7 %-ында байқалған. 4-ші дәрежелі жүрек жеткіліксіздігінің жағымсыз реакциялары акситинибті қабылдаған пациенттердің 0,6 %-ында байқалды. Өліммен аяқталған жүрек жеткіліксіздігі акситинибті қабылдаған пациенттердің 0,6 %-ында байқалған.

БЖО бар пациенттерді емдеу үшін акситинибпен монотерапияны клиникалық зерттеулерде (N = 672) жүрек жеткіліксіздігі құбылыстары (жүрек жеткіліксіздігін, жүректің іркілісті жеткіліксіздігін, жүрек-өкпе жеткіліксіздігін, лықсыту фракциясының төмендеуін, сол жақ қарынша дисфункциясын және оң жақ қарынша жеткіліксіздігін қоса) акситинибті қабылдаған пациенттердің 1,8 %-ында байқалды. 3-ші және 4-ші дәрежелі жүрек жеткіліксіздігі құбылыстары пациенттердің 1 %-ында, ал өліммен аяқталған жүрек жеткіліксіздігі құбылыстары акситинибті қабылдаған пациенттердің 0,3 %-ында байқалған.

Қалқанша бездің дисфункциясы

БЖО бар пациенттерді емдеу үшін акситинибті қолданып жүргізілген бақыланатын клиникалық зерттеуде пациенттердің 20,9 %-ында гипотиреоз, ал пациенттердің 1,1 %-ында гипертиреоз байқалды. Тиреотропты гормон (ТТГ) деңгейінің жоғарылауы түріндегі жағымсыз реакция акситинибті қабылдаған пациенттердің 5,3 %-ында байқалды. Емдеуге дейінгі ТТГ деңгейі < 5 мкЕ/мл құраған пациенттердегі дағдылы зертханалық талдаулар көрсеткендей, акситинибті қабылдаған пациенттердің 32,2 %-ында ТТГ деңгейінің ≥ 10 мкЕ/мл дейін артқаны байқалған. БЖО бар пациенттерді емдеу үшін акситинибті қолданумен бірге жүргізілген (N = 672) барлық клиникалық зерттеулерде гипотиреоз акситинибті қабылдаған пациенттердің 24,6 %-ында байқалды. Гипертиреоз акситинибті қабылдаған пациенттердің 1,6 %-ында байқалды.Көктамырлық эмболиялық және тромбоздық құбылыстар

БЖО бар пациенттерді емдеу үшін акситинибті қолданумен жүргізілген бақыланатын клиникалық зерттеуде көктамырлық эмболиялық және тромбоздық жағымсыз реакциялар, өкпе эмболиясын (2,2 %), торқабық көктамырларының окклюзиясын/тромбозын(0,6 %) және терең көктамырлар тромбозын (0,6 %) қоса, акситинибті қабылдаған пациенттердің 3,9 %-ында байқалды. 3-ші және 4-ші дәрежелі көктамырлық эмболиялық және тромбоздық жағымсыз құбылыстар акситинибті қабылдаған пациенттердің 3,1 %-ында байқалған. Өліммен аяқталған өкпе эмболиясы акситинибті қабылдаған бір пациентте (0,3 %) байқалды. БЖО бар пациенттерді емдеу үшін акситинибті қолданумен бірге жүргізілген (N = 672) барлық клиникалық зерттеулерде көктамырлық эмболиялық және тромбоздық құбылыстар акситинибті қабылдаған пациенттердің 2,8 %-ында байқалды. 3-ші дәрежелі көктамырлық эмболиялық және тромбоздық құбылыстар пациенттердің 0,9 %-ында байқалды. 4-ші көктамырлық эмболиялық және тромбоздық құбылыстар пациенттердің 1,2%-ында байқалды. Өліммен аяқталған көктамырлық эмболиялық және тромбоздық құбылыстар акситинибті қабылдаған пациенттердің 0,1 %-ында байқалды.

Артериялық эмболиялық және тромбоздық құбылыстар

БЖО бар пациенттерді емдеу үшін акситинибті қолданумен жүргізілген бақыланатын клиникалық зерттеуде артериялық эмболиялық және тромбоздық жағымсыз реакциялар, миокард инфарктісін (1,4 %), транзиторлық ишемиялық шабуылды (0,8 %) және ми қан айналымының жедел бұзылуын (0,6 %) қоса, акситинибті қабылдаған пациенттердің 4,7 %-ында байқалды. 3-ші және 4-ші дәрежелі артериялық эмболиялық және тромбоздық жағымсыз реакциялар акситинибті қабылдаған пациенттердің 3,3 %-ында байқалды. Жедел миокард инфарктісі мен ми қан айналымының жедел бұзылуының өліммен аяқталған бір-бір жағдайдан (0,3 %) тіркелді. Акситинибпен монотерапияны зерттеулерде (N = 850) жағымсыз артериялық эмболиялық және тромбоздық құбылыстар (транзиторлық ишемиялық шабуылды, миокард инфарктісін және ми қан айналымының жедел бұзылуын қоса) акситинибті қабылдаған пациенттердің 5,3 %-ында байқалды.

БЖО бар пациенттерді емдеу үшін акситинибті қолданумен бірге жүргізілген (N = 672) барлық клиникалық зерттеулерде артериялық эмболиялық және тромбоздық құбылыстар акситинибті қабылдаған пациенттердің 2,8 %-ында байқалған. 3-ші дәрежелі артериялық эмболиялық және тромбоздық құбылыстар пациенттердің 1,2 %-ында байқалған. 4-ші дәрежелі артериялық эмболиялық және тромбоздық құбылыстар пациенттердің 1,3 %-ында байқалған. Өліммен аяқталған артериялық эмболиялық және тромбоздық құбылыстар акситинибті қабылдаған пациенттердің 0,3 %-ында байқалған.

ПолицитемияБЖО бар пациенттерді емдеу үшін акситинибті қолданумен жүргізілген бақыланатын клиникалық зерттеуде полицитемия акситинибті қабылдаған пациенттердің 1,4 %-ында байқалды. Дағдылы зертханалық талдаулардың нәтижелері бойынша гемоглобиннің ЖҚШ-нен жоғары деңгейі акситинибті қабылдаған пациенттердің 9,7 %-ында байқалды. БЖО бар пациенттерді емдеу үшін акситинибті қолданумен жүргізілген төрт клиникалық зерттеуде (N = 537) гемоглобиннің ЖҚШ-нен жоғары деңгейі акситинибті қабылдаған пациенттердің 13,6 %-ында байқалды. БЖО бар пациенттерді емдеу үшін акситинибті қолданумен бірге жүргізілген (N = 672) барлық клиникалық зерттеулерде полицитемия акситинибті қабылдаған пациенттердің 1,5 %-ында байқалды.

Қан кетулер

БЖО бар пациенттерді емдеу үшін акситинибті қолданумен жүргізілген, емделмеген ми метастаздары бар пациенттер қатыспаған бақыланатын клиникалық зерттеуде қан кетулер түріндегі жағымсыз құбылыстар акситинибті қабылдаған пациенттердің 21,4 %-ында байқалды. Акситинибті қабылдаған пациенттердегі қан кетулер түріндегі жағымсыз құбылыстарға мұрыннан қан кету (7,8 %), гематурия (3,6 %), қан түкіру (2,5 %), ректальді қан кету (2,2 %), қызыл иектен қан кету (1,1 %), асқазаннан қан кету (0,6 %), миға қан құйылу (0,3 %) және асқазан-ішек жолының төменгі бөліктерінен қан кету (0,3 %) кіреді. ≥ 3 дәрежелі қан кету түріндегі жағымсыз құбылыстар акситинибті қабылдаған пациенттердің 3,1 %-ында байқалды (миға қан құйылуды, асқазаннан қан кетуді, асқазан-ішек жолының төменгі бөлігінен қан кетуді және қан түкіруді қоса). Өліммен аяқталған қан кету акситинибті қабылдаған (асқазаннан қан кету) бір пациентте (0,3 %) байқалды. Акситинибпен монотерапия зерттеулерінде (N = 850) қан түкіру пациенттердің 3,9 %-ында байқалды; ≥ 3 дәрежелі қан түкіру пациенттердің 0,5 %-ында байқалды. БЖО бар пациенттерді емдеу үшін акситинибті қолданумен бірге жүргізілген (N = 672) барлық клиникалық зерттеулерде қан кетулер акситинибті қабылдаған пациенттердің 25,7 %-ында байқалды. 3-ші дәрежелі қан кетулер түріндегі жағымсыз реакциялар пациенттердің 3 %-ында байқалған. 4-ші дәрежелі қан кетулер түріндегі жағымсыз реакциялар пациенттердің 1 %-ында, ал өліммен аяқталған қан кету акситинибті қабылдаған пациенттердің 0,4 %-ында байқалған. Асқазан-ішек перфорациясы және жыланкөздердің түзілуі

БЖО бар пациенттерді емдеу үшін акситинибті қолданумен жүргізілген бақыланатын клиникалық зерттеуде асқазан-ішек перфорациясы құбылыстары, анус жыланкөзін (0,6 %), жыланкөз (0,3 %) және асқазан-ішек жолының перфорациясын (0,3 %) қоса, акситинибті қабылдаған пациенттердің 1,7 %-ында байқалған. Акситинибпен монотерапияны зерттеулерде (N = 850) асқазан-ішек перфорациясы құбылыстары пациенттердің 1,9 %-ында байқалды, ал өліммен аяқталған асқазан-ішек перфорациясы бір пациентте (0,1 %) байқалды.

БЖО бар пациенттерді емдеу үшін акситинибті қолданумен бірге жүретін (N = 672) барлық клиникалық зерттеулерде асқазан-ішек перфорациясы мен жыланкөздердің түзілуі акситинибті қабылдаған пациенттердің 1,9 %-ында байқалған.

Жағымсыз әсерлер туралы мәлімдеулер

Дәрілік препарат тіркелгеннен кейінгі жағымсыз әсерлері туралы мәліметтерді хабарлау аса маңызды. Бұл дәрілік препаратты қолданудың пайдасы және қаупінің арақатынасы мониторингін жалғастыруға мүмкіндік береді. Медицина қызметкерлері мен пациенттерді медициналық қолдану туралы осы нұсқаулықтың соңында көрсетілген мекенжай бойынша кез келген жағымсыз әсерлер туралы мәліметтерді хабарлауын өтінеді.

Қолдануға болмайтын жағдайлар

- Инлайта® препаратына немесе препараттың басқа компоненттеріне жоғары сезімталдық

- бауыр функциясының ауыр бұзылуы (Чайлд-Пью жіктемесі бойынша С класы)

- алдыңғы 12 ай ішіндегі артериялық тромбоэмболиялар

- алдыңғы 6 ай ішіндегі көктамырлық тромбоэмболиялар

- тиісті ем жүргізілмеген мидың метастаздық зақымдануы

- жуырда өткерген немесе қазірде бар асқазан-ішек қан кетулері

- жүктілік және лактация кезеңі

- 18 жасқа дейінгі балалар (қауіпсіздігі және тиімділігі зерттелмеген)

Дәрілермен өзара әрекеттесуі

Акситиниб негізінен CYP3A4/5 изоферменттерімен, сондай-ақ аз дәрежеде CYP1A2, CYP2C19 және 1A1 уридиндифосфат-глюкуронилтрансфераза (UGT) изоформасымен метаболизденеді.

CYP3A4/5 тежегіштері

Кетоконазолды – CYP3A4/5 күшті тежегіштерін 7 күн бойына тәулігіне бір рет 400 мг дозада қолданғанда бір ретке арналған акситинибтың 5 мг пероральді дозасының қисық астындағы орташа ауданы (AUC) 2 есе, ал Cmax мәні - 1,5 есеге өсті. Акситиниб пен CYP3A4/5 күшті тежегіштерін (мысалы, кетоконазол, итраконазол, кларитромицин, эритромицин, атазанавир, индинавир, нефазодон, нелфинавир, ритонавир, саквинавир және телитромицин) бірге қолдану плазмадағы акситиниб концентрациясын жоғарылатуы мүмкін.

Сондай-ақ грейпфруттар плазмадағы акситиниб концентрациясын жоғарылатуы мүмкін. Дәрілік кешенді ем үшін CYP3A4/5 тежелуін туындатпайтын немесе олардың елеусіз тежелуін туындататын дәрілік препараттарды таңдау ұсынылады. Егер CYP3A4/5 күшті тежегішін бірге қолдану қажет болса, акситинибтың дозасын түзету ұсынылады.

CYP1A2 және CYP2C19 тежегіштері

CYP1A2 және CYP2C19 изоферменттері акситинибтың метаболизм жолдарына елеусіз дәрежеде араласқан (< 10 %). Бұл изоферменттердің күшті тежегіштерінің акситиниб фармакокинетикасына әсері зерттелмеген. Бұл изоферменттердің күшті тежегіштерін қабылдайтын пациенттерді емдегенде плазмадағы акситиниб концентрациясының жоғарылауы себепті сақтық жасау керек.

CYP3A4/5 индукторлары

Рифампицинді – CYP3A4/5 күшті индукторларын 9 күн бойына тәулігіне бір рет 600 мг дозада қолданғанда акситинибтың 5 мг бір реттік пероральді дозасының «концентрация-уақыт» (AUC) қисығы астындағы орташа ауданы 79 %-ға, ал Cmax мәні — 71 %-ға азайды.

Акситинибты және CYP3A4/5 күшті индукторларын (мысалы, рифампицин, дексаметазон, фенитоин, карбамзепин, рифабутин, рифапентин, фенобарбитал және шайқурай (Hypericum perforatum)) бірге қолдану плазмадағы акситиниб концентрациясын төмендетуі мүмкін. Кешенді дәрілік ем үшін CYP3A4/5 индукциясын туындатпайтын немесе олардың елеусіз индукциясын туындататын дәрілік препараттарды таңдау ұсынылады. Егер CYP3A4/5 күшті индукторларын бірге қолдану қажет болса, акситинибтың дозасын түзету ұсынылады.

CYP цитохромының және UGT генінің тежелуі мен индукциясын in vitro  зерттеу

In vitro  зерттеулері акситиниб плазмадағы емдік концентрацияларында CYP2A6, CYP2C9, CYP2C19, CYP2D6, CYP2E1, CYP3A4/5 изоферменттерін және UGT1A1 генін тежемейтінін көрсетеді.

In vitro  зерттеулері акситинибтың CYP1A2 изоферменттерін тежеу мүмкіндігіне ие екенін көрсетті. Осылайша акситиниб пен CYP1A2 субстраттарын бірге қабылдау плазмадағы CYP1A2 субстраттарының (мысалы, теофиллин) концентрациясының өсуіне алып келуі мүмкін.

Сондай-ақ in vitro  зерттеулері акситинибтың CYP2С8 изоферментін тежеу мүмкіндігіне ие екенін көрсетті. Дегенмен, акситиниб пен паклитакселді —CYP2C8 белгілі субстратын бірге қолдану — таралған обыр ауруы бар пациенттердегі плазмадағы паклитаксел концентрациясы жоғарылауына ұшыратпаған, бұл CYP2C8 клиникалық тежеудің болмайтынын көрсетеді.

Сондай-ақ адам гепатоциттеріндегі in vitro  зерттеулері акситинибтың CYP1A1, CYP1A2 немесе CYP3A4/5 изоферменттерін индукцияламайтынын көрсетеді. Осылайша in vivo акситинибты бірге қолдану плазмадағы CYP1A1, CYP1A2 немесе CYP3A4/5 концентрациясын жоғарылатады.

P-гликопротеинмен өзара әрекеттесуін in vitro  зерттеу

In vitro  зерттеулері акситинибтың Р-гликопротеинді тежейтінін көрсетті. Дегенмен акситинибтың плазмадағы емдік концентрацияларында Р-гликопротеинді тежеуі күтілмейді. Осылайша акситинибты бірге қолдану in vivo дигоксиннің немесе Р-гликопротеиннің басқа субстраттарының плазмадағы концентрациясын жоғарылатпайды деп болжанады.

Айрықша нұсқаулар

Қауіпсіздігіне қатысты нақты құбылыстар Инлайта® препаратымен ем бастағанға дейін анықталуы тиіс, сондай-ақ мезгіл-мезгіл ем уақытында анықталуы тиіс.

Жүрек жеткіліксіздігі құбылыстары

БЖК бар пациенттерде емдеу үшін Инлайта® препаратын қолданудың бақыланатын клиникалық зерттеулерінде жүрек жеткіліксіздігі құбылысы анықталды (жүрек жеткіліксіздігін, іркілісті жүрек жеткіліксіздігін, жүрек-өкпе жеткіліксіздігін, сол жақ қарынша дисфункциясын, лықсытудың төмендеген фракциясын және оң жақ қарынша жеткіліксіздігін қоса).

Инлайта® препаратымен ем барысында жүрек жеткіліксіздігінің белгілері мен симптомдарының мезгіл-мезгіл мониторингін жүргізу керек. Жүрек жеткіліксіздігі құбылысын емдеу Инлайта® препаратын қабылдауды уақытша немесе тұрақты тоқтатуды және/немесе оның дозасын төмендетуді талап етуі мүмкін.

Артериялық гипертензия

БЖО бар пациенттерді Инлайта® препаратымен емдеуде артериялық гипертензия төтенше жиі тіркелген. Артериялық гипертензияның симптомдары (систолалық артериялық қысым > 150 мм сын бағ немесе диастолалық артериялық қысым > 100 мм сын бағ) басталғанға дейінгі орташа уақыт Инлайта® препаратымен емдеу басталғаннан кейін бірінші айдың шегінде болды, ал артериялық қысым жоғарылағаны Инлайта® препаратын қабылдауды бастағаннан кейін тіпті 4 күннен кейін байқалған.

Инлайта® препаратымен емдеуді бастағанға дейін артериялық қысым жақсы бақылануы тиіс. Пациенттер артериялық гипертензиясы барына және стандартты гипертензияға қарсы ем қабылдауы керек болғанда бақылауда болуы тиіс. Гипертензияға қарсы дәрілік препараттарды қолдануларына қарамастан тұрақты артериялық гипертензия болған жағдайда, Инлайта® препаратының дозасы азайтылуы тиіс. Ауыр дәрежедегі гипертензия дамуы бар пациенттерде Инлайта® препаратын қолдану уақытша тоқтатылады және пациентде қалыпты артериялық қысым тұрақтанған кезде төменірек дозада жаңғыртылады. Егер Инлайта® препаратын қабылдау үзілсе, онда антигипертензиялық дәрілік препараттарды қабылдаушы пациенттерді артериялық гипертензиясы барына бақылау керек. Ауыр немесе тұрақты артериялық гипертензия және артқы қайтымды энцефалопатия синдромы барын көрсететін симптомдар болған жағдайда мидың диагностикалық магнитті-резонанстық томографиясын (МРТ) жүргізуді қарастыру керек.

Қалқанша без функциясы бұзылуы

БЖО бар пациенттерді Инлайта® препаратымен емдеуде гипотиреоз және, аз дәрежеде гипертиреоз құбылыстары туралы хабарланған.

Қалқанша без функциясы Инлайта® препаратымен емдеуді бастағанға дейін, сондай-ақ ем уақытында мезгіл-мезгіл тексерілуі тиіс. Гипотиреозды немесе гипертиреозды емдеу қалқанша бездің қалыпты функциясын ұстап тұруға арналған стандартты медициналық практикаға сәйкес жүргізілуі тиіс.

Артериялық эмболиялық және тромбоздық құбылыстар

Артериялық эмболиялық және тромбоздық құбылыстар туралы (оның ішінде транзиторлық ишемиялық шабуыл, миокард инфарктісі, ми қан айналымының бұзылуы және торқабық артериясының окклюзиясы туралы) хабарланған.

Инлайта® препаратын осындай құбылыстар қаупі бар немесе сыртартқысында осындай құбылыстар қаупі бар пациенттерде сақтықпен қолдану керек. Инлайта® препараты артериялық эмболиялық немесе тромбоздық құбылыстары соңғы 12 ай ішінде болған пациенттерде зерттелмеген.

Көктамырлық эмболиялық және тромбоздық құбылыстар

Клиникалық зерттеулерде көктамырлық эмболиялық және тромбоздық құбылыстар туралы хабарланған (оның ішінде өкпе эмболиясы, терең көктамырлар тромбозы және торқабық көктамырларының окклюзиясы /тромбоздары).

Инлайта® препаратын осындай құбылыстар қаупі бар немесе сыртартқысында осындай құбылыстар қаупі бар пациенттерде сақтықпен қолдану керек. Инлайта® препараты көктамырлық эмболиялық немесе тромбоздық құбылыстары соңғы 6 ай ішінде болған пациенттерде зерттелмеген.

Гемоглобин және гематокрит деңгейінің жоғарылауы

Инлайта® препаратымен ем уақытында гемоглобиннің немесе эритроциттер массасының артуын көрсететін гематокрит деңгейінің жоғарылауы болуы мүмкін. Эритроциттер массасының артуы эмболиялық және тромбоздық құбылыстар қаупін арттыруы мүмкін.

Гемоглобиннің немесе гематокриттің деңгейі Инлайта® препаратымен ем басталғанға дейін, сондай-ақ мезгіл-мезгіл ем уақытында тексерілуі тиіс. Егер гемоглобиннің немесе гематокриттің деңгейі қалыптан жоғары болса, пациенттер гемоглобиннің немесе гематокриттің қажетті деңгейге дейін төмендеуіне арналған стандартты медициналық практикаға сәйкес ем қабылдауы тиіс.

Қан кетулер

Клиникалық зерттеулерде қан кету жағдайлары туралы хабарланған.

Инлайта® препараты ем қабылдамаған, нақтыланған мидағы метастаздалған ісігі бар пациенттерде, немесе жуырда асқазан-ішек қан кетулері болған пациенттерде зерттелмеген, және бұндай пациенттерде қолданылмауы тиіс. Егер кез келген қан кету медициналық араласуды талап етсе, Инлайта® препаратымен емдеу уақытша тоқтатылады.

Асқазан-ішек перфорациясы және жыланкөз түзілуі

Клиникалық зерттеулерде асқазан-ішек перфорациясы және жыланкөз түзілуі жағдайлары туралы хабарланған.

Инлайта® препаратымен ем уақытында асқазан-ішек перфорациясы немесе жыланкөз симптомдары пайда болуын бақылау керек.

Жараның жазылуындағы асқынулар

Жараның жазылуына Инлайта® препаратының әсеріне ешбір зерттеу жүргізілмеген.

Инлайта® препаратымен ем жоспарланған хирургиялық операцияға дейін кемінде 24 сағат қалғанда тоқтатылуы тиіс. Операциядан кейін Инлайта® препаратымен емді жаңғырту туралы шешім жараның талапқа сай жазылуын клиникалық бағалауға негізделуі тиіс.

Қайтымды артқы энцефалопатия синдромы (ҚАЭ)

Клиникалық зерттеулерде қайтымды артқы энцефалопатия синдромы жағдайлары туралы хабарланған.

ҚАЭ синдромы бас ауыруымен, құрысу ұстамаларымен, ұйқышылдықпен, сананың шатасуымен, соқырлықпен, сондай-ақ басқа да неврологиялық бұзылу немесе көрудің бұзылуымен қатарласуы мүмкін неврологиялық бұзылыс болып табылады. Әлсізден ауыр дәрежеге дейінгі гипертензия анықталуы мүмкін. ҚАЭ синдромының диагнозын нақтылау үшін магнитті-резонансты томография жүргізу керек. ҚАЭ синдромының белгілері немесе симптомдары бар пациенттерде Инлайта® препаратымен емдеуді уақытша тоқтату немесе біржола тоқтату керек. Бұрын ҚАЭ синдромын өткерген пациенттерде Инлайта® препаратымен емдеуді жаңғыртудың қауіпсіздігі белгісіз.

Протеинурия

Инлайта® препаратының зерттеулерінде протеинурия, оның ішінде 3-ші дәрежелі ауырлығы туралы хабарланған.

Протеинурияны Инлайта® препаратымен ем бастағанға дейін және мезгіл-мезгіл ем уақытында бақылау ұсынылады. Орташа немесе ауыр дәрежелі протеинурия дамуы бар пациенттер үшін Инлайта® препаратының дозасы төмендетілуі тиіс немесе Инлайта® препаратымен ем уақытша тоқтатылуы тиіс.

Бауыр функциясына байланысты жағымсыз құбылыстар

Инлайта® препаратымен БЖО бар пациенттерді емдеуде бауыр функциясына байланысты құбылыстар туралы хабарланған. Бауыр функциясына байланысты болатын көбірек таралған қолайсыз реакцияларға қандағы аланинаминотрансфераза (АЛТ), аспартатаминотрансфераза (АСТ) және билирубин деңгейінің жоғарылауы да жатады. Бір мезгілде АЛТ (жоғарғы қалып шегіне (ЖҚШ) қатысты > 3 есе) және билирубинннің (ЖҚШ қатысты > 2 есе) деңгейі жоғарылауы байқалмады.

Инлайта® препаратын 20 мг бастапқы дозада тәулігіне екі рет (ұсынылатын бастапқы дозадан 4 есе жоғары) қабылдаған 1 пациентте доза таңдау бойынша зерттеулерде бір мезгілде АЛТ (ЖҚШ 12 есе жоғары) және билирубиннің (ЖҚШ 2,3 есе жоғары) деңгейі жоғарылауы байқалды, бұл дәрілік препаратқа байланысты гепатоуыттылық деп саналды.

Бауыр функциясының биохимиялық көрсеткіштерін Инлайта® препаратымен емдеуді бастағанға дейін, сондай-ақ ем уақытында мезгіл-мезгіл анықтау керек.

Бауыр функциясының бұзылуы

Инлайта® препаратының жүйелік әсері бауыр функциясы қалыпты пациенттермен салыстырғанда бауыр функциясының орташа дәрежелі жеткіліксіздігі (Чайлд-Пью жіктемесі бойынша В класы) бар пациенттерде шамамен екі есе жоғары болды. Бауыр функциясының орташа дәрежелі жеткіліксіздігі (Чайлд-Пью жіктемесі бойынша В класы) бар пациенттерде Инлайта® препаратын қолданғанда доза төмендету ұсынылады.

Инлайта® препараты бауыр функциясының ауыр дәрежелі жеткіліксіздігі (Чайлд-Пью жіктемесі бойынша С класы) бар пациенттерде зерттелмеген. Бұндай пациенттерде препаратты қолдануға болмайды.

Егде пациенттер (≥ 65 жас) және нәсілі

БЖО бар пациенттерді емдеу үшін акситиниб қолданылған бақыланатын клиникалық зерттеуде акситинибті қабылдаған пациенттердің 34 %-ының жас шамалары ≥ 65 жасты құраған. Пациенттердің көпшілігінің шығу тегі еуропалық (77 %) немесе азиялық болды (21 %). Кейбір егде пациенттерде және шығу тегі азиялық пациенттерде қолайсыз реакциялар дамуына жоғары сезімталдықты жоқ деуге болмаса да, негізінен алғанда пациенттердің жасы ≥ 65 жас және жасырақ пациенттер арасында, сондай-ақ еуропалық нәсіл өкілдері мен басқа нәсілге жататын пациенттер арасында акситинибтің қауіпсіздігі мен тиімділігінде негізгі айырмашылықтар байқалмаған.

Пациенттің жас шамасына және нәсіліне байланысты препараттың дозасын түзету талап етілмейді.

Лактоза

Бұл дәрілік препараттың құрамында лактоза бар. Галактоза жақпаушылығы, Лапп лактаза жеткіліксіздігі немесе глюкоза-галактоза мальабсорбциясы сияқты сирек кездесетін тұқым қуалайтын аурулары бар пациенттерге бұл дәрілік препараттарды қолдануға болмайды.

Ұрпақ өрбіту функциясына әсері, жүктілік және лактация

Жүктілік

Инлайта® препаратын жүкті әйелдерде қолдану бойынша деректер жоқ. Инлайта® препаратының фармакологиялық қасиеттері негізінде, препарат жүкті әйелдерде қолданғанда ұрыққа зиянды әсер етуі мүмкін. Әйелдің клиникалық жай-күйі осы дәрілік препаратпен емдеуді талап еткен жағдайды қоспағанда, Инлайта® препаратын жүктілік кезінде қолдануға болмайды.

Бала тууға қабілетті әйелдер емдеу уақытында, сондай-ақ емдеу аяқталғаннан кейін ең кемі 1 апта контрацепцияның тиімді әдісін қолдануы тиіс.

Лактация кезеңі

Инлайта® препаратының адамның емшек сүтіне бөлінетіні белгісіз. Емшектегі сәби үшін қаупін жоққа шығаруға болмайды. Инлайта® препаратын лактация кезеңінде қолдануға болмайды.

Ұрпақ өрбіту функциясы

Клиникаға дейінгі зерттеулер деректері бойынша, Инлайта® препараты адамның ұрпақ өрбіту функциясы мен фертильділігін әлсірету мүмкіндігіне ие.

Автокөлік құралын немесе қауіптілігі зор механизмдерді басқару қабілетіне әсер ету ерекшеліктері

Инлайта® препараты автокөлік құралдарын басқару және механизмдермен жұмыс істеу қабілетіне елеусіз әсер етеді. Пациенттер Инлайта® препаратымен емдеу кезінде олардың бас айналуы және/немесе шаршағыштық сияқты құбылыстарды бастан өткеруі мүмкіндігі туралы хабардар болуы тиіс.

Артық дозалануы

Инлайта® препаратымен артық дозаланғанда спецификалық емі жоқ. БЖО бар пациенттерді емдеу үшін акситиниб қолданылған бақыланатын клиникалық зерттеуде бір пациент байқаусызда 20 мг дозасын 4 күн бойы тәулігіне екі рет қабылдаған және бас айналуын бастан өткерген (1-ші дәрежелі).Акситинибті қолданып жүргізілген дозасын таңдауға қатысты клиникалық зерттеуде бастапқы 10 мг дозасын тәулігіне екі рет қабылдаған сыналушыларда артериялық гипертензияны, артериялық гипертензиямен байланысты құрысу ұстамаларын, және өліммен аяқталатын қан түкіруді қоса алғандағы жағымсыз реакциялар байқалған.

Артық дозалануға күдік болған жағдайда Инлайта® препаратын қабылдауды тоқтатып және демеуші емді жүргізу керек.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамада 14 таблеткадан.

4 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

300С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші және қаптаушы

Пфайзер Мануфактуринг Дойчланд ГмбХ, Германия

Бетриебштатте Фрайбург,

Мусвалдалле 1

79090 Фрайбург, Германия

Тіркеу куәлігінің иесі

Пфайзер Эйч Си Пи Корпорэйшн, АҚШ

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Пфайзер Эйч Си Пи Корпорэйшн» компаниясының өкілдігі (АҚШ)

Алматы қ., Абылай хан даңғылы, 141

тел. (727) 272-27-01, 250-09-16

факс (727) 272-04-06