Индалонг (Indapamide)

Индалонг

Индапамид

Босап шығуы ұзартылған қабықпен қапталған таблеткалар, 1.5 мг

Бір таблетканың құрамында

белсенді зат – 1.5 мг индапамид,

қосымша заттар: гидроксипропилметилцеллюлоза, натрий стеарил фумараты, сусыз коллоидты кремнийдің қостотығы (Аэросил), тальк, лактоза моногидраты,

қабық құрамы опадрай II жасыл (85F240029): поливинил спирті, титанның қостотығы (Е171), полиэтиленгликоль, тальк, FD&C Көгілдір №2 /Инди-гокармин алюминий лагы (индигокармин (E132), алюминий гидроксиді), хинолинді сары алюминий лагы (хинолинді сары (Е104), алюминий гидроксиді).

Екі беті дөңес пішінді, ашық-жасыл түсті қабықпен қапталған дөңгелек таблеткалар.

Диуретиктер. Генле ілмегінің кортикальді сегментіне әсер ететін тиазидті емес диуретиктер. Сульфонамидтер. Индапамид.

АТХ коды СО3ВА11

Фармакокинетикасы

Индалонг таблеткаларында белсенді зат асқазан-ішек жолында индапамидтің біртіндеп босап шығуын бақылануын қамтамасыз ететін арнайы матрикс-тасымалдағышта болады.

Сіңуі

Босатылған индапамид асқазан-ішек жолында тез және толық сіңеді. Ас ішу препараттың сіңу уақытын мардымсыз баяулатады, бұл орайда сіңірілу толықтығына әсері жоқ. Қан плазмасында ең жоғары концентрациясына бір реттік дозасын ішу арқылы қабылдаудан кейін 12 сағаттан соң жетеді. Көп рет қабылдау сарысудағы дәрілік препарат концентрациясының қабылдау арасындағы үзілістерде айырмашылығының төмендеуіне ықпал етеді. Препараттың сіңу көрсеткіштерінің жекеше ауытқуы болады.

Таралуы

Қан плазмасы ақуыздарымен препараттың 79% жуығы байланысады. Препараттың жартылай шығарылу кезеңі 14-24 сағат (орта есеппен, 18 сағат) құрайды.

Тепе-тең концентрациясына препаратты 7 күн қабылдаудан кейін жетеді.

Препаратты қайталап қабылдау индапамидтің организмде жинақталуына әкелмейді.

Шығарылуы

Индапамид белсенді емес метаболиттер түрінде, негізінен, несеппен (70%) және нәжіспен (22%) шығарылады.

Бүйрек жеткіліксіздігі бар науқастарда индапамидтің фармакокинетикалық қасиеттері өзгермейді.

Фармакодинамикасы

Индапамид тиазидті емес сульфонамид туындылары тобына жатады және фармакологиялық қасиеттері жағынан тиазидті диуретиктерге жақын. Индапамид натрий, хлор иондарының және аз дәрежеде калий мен магний иондарының несеппен бөлінуін арттырады, бұл диурездің күшеюімен қатар жүреді. Индапамид айқын диурездік әсер етпейтін дозаларда гипертензияға қарсы әсерін көрсетеді.

Индапамидтің әсер ету механизмі, басқа да диурездік препараттар сияқты:

- тамырлардың тегіс бұлшықет жасушаларының босаңсуына әкелетін иондардың (бірінші кезекте – кальцийдің) жарғақша аралық ағынын өзгертуді;

- PGE2 простагландин мен PGI2 простациклин (вазодилататор және тромбоциттер агрегациясының тежегіші) синтезін күшейтуді қамтиды.

Индапамид, басқа да тиазидті диуретиктер сияқты, сол жақ қарынша гипертрофиясын азайтады. Оның үстіне, индапамидпен қысқа мерзімді, ұзақтығы орташа және ұзақ мерзімді емдеу курсының аясында:

- липидтік алмасу көрсеткіштері, соның ішінде триглицеридтер, холестерин, тығыздығы төмен липопротеидтер және тығыздығы жоғары липопротеидтер деңгейі өзгермейді;

- көмірсу алмасу көрсеткіштері, соның ішінде қант диабетімен және артериялық гипертензиямен науқастарда өзгермейді.

- эссенциальді артериялық гипертензияда

Тәулігіне 1 таблеткадан, дұрысы, таңертең ішке қабылданады.

Препаратты ас ішуге байланыссыз қабылдауға болады. Таблеткаларды ұсақтамай және шайнамай, бір стақан су ішумен бүтіндей жұту керек.

Препарат дозасын арттыру гипертензияға қарсы әсерінің артуына әкелмейді, бірақ диурездік әсерін күшейтеді.

Бүйрек жеткіліксіздігі бар пациенттер:

Ауыр бүйрек жеткіліксіздігінде (креатинин клиренсі 30 мл/мин төмен) Индалонг дәрілік затымен емдеу қарсы көрсетілімді. Егер бүйрек функциясы қалыпты болса немесе мардымсыз дәрежеде бұзылса, тиазидті диуретиктер тиімді болады.

Бауыр функциясының бұзылуы бар пациенттер:

Ауыр сипатты бауыр жеткіліксіздігінде Индалонг дәрілік затымен емдеу қарсы көрсетілімді.

Егде жастағы пациенттер:

Егде жастағы пациенттерде плазмадағы креатинин мөлшерінің көрсеткіштері жасы, салмағы және жынысын ескерумен бағалануы тиіс. Егде жастағы пациенттерді, егер бүйрек функциясы қалыпты болса немесе мардымсыз дәрежеде бұзылса, Индалонг дәрілік затымен емдеуге болады.

Ең жиі хабарланатын жағымсыз реакция аллергиялық және демікпелік реакцияларға бейімділігі бар пациенттердегі аса жоғары сезімталдық реакциясы, көбінесе дерматологиялық реакция және папулезді бөртпе болып табылады.

Клиникалық деректер 4-6 апта емделуден кейін гипокалиемияның пациенттердің 10%-да (қан плазмасындағы калий < 3.4 ммоль/л) байқалатынын және пациенттердің 4%-да 3.2 ммоль/л екенін көрсетеді. Қан плазмасындағы калий деңгейі 12 апта емделуден кейін 0.23 ммоль/л құрады.

Жағымсыз реакциялардың көпшілігі (зертханалық және клиникалық көрсеткіштер) дозаға тәуелді сипатта болады, жағымсыз реакциялар жиілігі препараттың ең төмен тиімді дозасын пайдаланғанда азаяды.

Жағымсыз реакциялар олардың туындау жиілігіне сай бағаланады. Индапамид қабылданғанда жағымсыз әсерлері келесі жиілікте тіркелген: өте жиі – 1/10 және одан көп; жиі – 1/100-ден 1/10 дейін; жиі емес – 1/1000-нан 1/100 дейін; сирек – 1/10 000-нан 1/1000 дейін; өте сирек – 1/10000-нан аз, жиілігі белгісіз – қолда бар деректер негізінде анықтау мүмкін емес.

Қан және лимфа жүйесінің аурулары:

өте сирек – агранулоцитоз, гипопластикалық анемия, гемолиздік анемия, лейкопения, тромбоцитопения.

Метаболизм және тамақтану бұзылыстары:

өте сирек – гиперкальциемия; жиілігі белгісіз – гипокалиемия, әсіресе, жоғары қауіп тобында, гипонатриемия.

Жүйке жүйесінің аурулары:

сирек – бас айналу, шаршау сезімі, бас ауыру, парестезия; жиілігі белгісіз – естен тану.

Көру мүшесінің аурулары:

жиілігі белгісіз – миопия, көрудің бұлыңғырлануы, көрудің нашарлауы.

Жүрек аурулары:

өте сирек – аритмия; жиілігі белгісіз – «пируэт» типті пароксизмалық қарыншалық тахикардия (өліммен аяқталуы мүмкін).

Тамыр аурулары:

өте сирек – артериялық гипотензия.

Асқазан-ішек жолының аурулары:

жиі емес – құсу; сирек – жүрек айну, іш қату, ауыздың кеберсуі;

өте сирек – панкреатит.

Бауыр аурулары:

өте сирек – бауыр функциясының бұзылуы; жиілігі белгісіз – бауыр жеткіліксіздігі жағдайында бауыр энцефалопатиясының дамуы, гепатит.

Тері және тері асты тіндерінің аурулары:

жиі – аллергиялық реакциялар, папулезді бөртпе; жиі емес – пурпура; өте сирек – ангионевроздық ісіну, есекжем, уытты эпидермалық некролиз, Стивенс-Джонсон синдромы; жиілігі белгісіз – бұрыннан бар жүйелі қызыл жегінің нашарлау мүмкіндігі, фотосенсибилизация реакциясы.

Бүйрек және несеп шығару жолдарының аурулары:

өте сирек – бүйрек жеткіліксіздігі.

Зертханалық зерттеулер нәтижелері:

жиілігі белгісіз – электрокардиограммада QT аралығының ұзаруы, қанда глюкоза деңгейінің артуы, қанда несеп қышқылы деңгейінің ұлғаюы, бауыр ферменттері деңгейінің жоғарылауы.

- индапамидке, басқа сульфонамид туындыларына немесе қосымша заттардың кез келгеніне жоғары сезімталдық

- бүйрек жеткіліксіздігінің ауыр түрі

- бауыр энцефалопатиясы және бауыр функциясының ауыр бұзылулары

- гипокалиемия;

- жүктілік және лактация кезеңі

- балаларға және 18 жасқа дейінгі балаларға

- лактоза жақпаушылығымен, лактаза тапшылығымен немесе глюкоза-галактоза сіңуінің бұзылуымен байланысты тұқым қуалайтын аурулар

Дәрілік заттардың жағымсыз біріктірілімі

Литий препараттары: тиазидті диуретиктер мен литий препараттарын бір мезгілде қолданғанда қан плазмасында артық дозалану белгілерінің білінуімен қатар жүретін литий концентрациясының жоғарылауын байқауға болады. Қажет болса, диурездік препараттарды литий препараттарымен біріктірілімде пайдалануға болады, бұл орайда қан плазмасындағы литий мөлшерін тұрақты бақылап, препараттар дозасын мұқият таңдау керек.

Ерекше назар аударуды талап ететін препараттар біріктірілімі

Қабынуға қарсы стероидты емес препараттар (жүйелі тағайындағанда): сұйықтықты едәуір жоғалтқанда жедел бүйрек жеткіліксіздігі (шумақтық сүзілістің төмендеуі салдарынан) дамуы мүмкін. Науқастарға жоғалтқан сұйықтық орнын толтыру және емнің басында бүйрек функциясын мұқият бақылап отыру қажет.

Гипокалиемияны туындатуға қабілетті басқа препараттар: B амфотерицин, глюко- және минералокортикостероидтар (жүйелі тағайындағанда), тетракозактид, ішек моторикасын көтермелейтін дәрілер: гипокалиемияның даму қаупінің жоғарылауы (аддитивті әсер). Қан плазмасында калий деңгейін тұрақты бақылау керек, қажет болса, науқастарға тиісті ем тағайындалады. Бір мезгілде жүрек гликозидтерін алатын науқастарға ерекше көңіл бөлу керек.

Баклофен: гипотензиялық әсерінің күшеюі білінеді. Науқастарға жоғалтқан сұйықтық орнын толтыру және емнің басында бүйрек функциясын мұқият бақылап отыру қажет.

Оймақгүл препараттары: гипокалиемия жүрек гликозидтерінің уытты әсерін күшейтеді. Бір мезгілде тиазидті диуретиктер мен жүрек гликозидтерін қолданғанда қан плазмасында калий деңгейін және ЭКГ көрсеткіштерін мұқият бақылау керек.

Ангиотензин өзгертуші фермент тежегіштері (AӨФ): АӨФ тежегіштерін алатын науқастарда қан плазмасында төмендеген натрий концентрациясы кенеттен артериялық гипотензияның және/немесе жедел бүйрек жеткіліксіздігінің (әсіресе, бүйрек артериясы стенозында) даму қаупін арттырады.

Эссенциальді артериялық гипертензияға шалдыққан және диуретиктер қабылдау салдарынан қан плазмасында натрий иондарының мөлшері азайған науқастарға:

- АӨФ тежегіштерімен емделуді бастаудан үш күн бұрын диуретиктер қабылдауды тоқтату керек. Әріқарай, қажет болса, диуретиктер қабылдауды жаңғыртуға болады.

- бастапқыда АӨФ тежегіштерінің төмен, біртіндеп арттырылатын дозаларын тағайындау қажет.

Созылмалы жүрек жеткіліксіздігінде емдеуді диуретиктер дозасын алдын ала азайтып, АӨФ тежегіштерінің төмен дозаларынан бастау керек.

Барлық жағдайларда АӨФ тежегіштерін қабылдаған бірінші аптада науқастарда бүйрек функциясын (қан плазмасындағы креатинин мөлшерін) бақылап отыру қажет.

«Пируэт» типті пароксизмалық қарыншалық тахикардияны туындатуға қабілетті аритмияға қарсы препараттар: Ia класты аритмияға қарсы препараттар (хинидин, гидрохинидин, дизопирамид), III класты аритмияға қарсы препараттар (амиодарон, брителиум, соталол), кейбір нейролептиктер (фенотиазиндер: аминазин, левомепромазин, тиоридазин, трифтороперазин; бензамидтер (сульпирид, сультоприд, тиаприд; бутирофенондар: дроперидол, галоперидол; басқалары: бепридил, цизаприд, эритромицин, винкамин: «пируэт» типті аритмия (қауіп факторлары – гипокалиемия, брадикардия және бастапқы ұзарған QT аралығы). Қажет болса, емдеу курсын модификациялап, қан плазмасында калий деңгейін және QT аралығын мұқият бақылау керек.

Назар аударуды талап ететін келесі препараттар біріктірілімі:

Метформин: метформин қабылдау аясында туындайтын сүт қышқылды ацидоз ара-тұра диуретиктер және әсіресе ілмекті диуретиктер әсері себеп болатын функционалдық бүйрек жеткіліксіздігінің салдары болып табылады. Егер креатинин деңгейі ерлерде 15 мг/л (135 мкмоль/л) және әйелдерде 12 мг/л (110 мкмоль/л) асып кетсе, метформинді пайдалануға болмайды.

Құрамында йод бар контрастылы заттар: диуретиктік препараттар қабылдау аясында организмнің сусыздануы жедел бүйрек жеткіліксіздігінің даму қаупін арттырады. Бұл қауіп құрамында йод бар контрастылы заттардың жоғары дозаларын пайдалану кезінде ерекше жоғары. Құрамында йод бар контрастылы заттардың жоғары дозаларын қолданар алдында жоғалтқан сұйықтық орнын толтыру қажет.

Калий жинақтаушы диуретиктер (амилорид, спиронолактон, триамтерен): препараттардың осындай біріктірілімі науқастардың кейбір санатында тиімді, алайда бұл орайда, әсіресе, қант диабетімен науқастарда және бүйрек жеткіліксіздігі бар пациенттерде гипокалиемия немесе гиперкалиемияның даму мүмкіндігі жоққа шығарылмайды. Қан плазмасында калий деңгейін, ЭКГ параметрлерін бақылап отыру, ал қажет болса, емдеу курсын модификациялау қажет.

Үш циклды антидепрессанттар, психозға қарсы дәрілер: осы класс препараттары тиазидті диуретиктердің гипертензияға қарсы әсерін күшейтіп, ортостатикалық гипотензия қаупін арттырады (аддитивті әсер).

Кальций тұздары: бір мезгілде тағайындағанда олардың несеппен экскрециясының төмендеуі салдарынан қан плазмасында кальций иондарының концентрациясы жоғарылауы мүмкін.

Циклоспорин, такролимус: айналымдағы циклоспориннің тұрақты концентрациясында қан плазмасында креатинин мөлшері артуы мүмкін. Тіпті судың және натрий иондарының мөлшері қалыпты кезде де әсері байқалады.

Кортикостероидты препараттар, тетракозактид (жүйелі тағайындағанда): гипотензиялық әсердің төмендеуі (кортикостероидты препараттар әсерінің нәтижесінде сұйықтықтың және натрий иондарының іркілуі).

Бауыр функциясының бұзылулары:

Бауыр функциясының бұзылулары бар науқастарға тиазидті диуретиктер тағайындалғанда бауыр энцефалопатиясы дамуы мүмкін. Бұл жағдайда препараттар қабылдауды дереу тоқтату керек.

Фотосезімталдық:

Фотосезімталдық жағдайлары тиазидті диуретиктер қабылдаудан кейін тіркелген. Егер фотосезімталдық емделу кезінде көрініс берсе, емдеуді тоқтату керек. Егер диуретик қабылдау қажет болса, терінің ашық жерлерін күннің немесе жасанды УК сәулесінен қорғауға кеңес беріледі.

Айрықша сақтық шаралары

Су-электролитті теңгерім:

● Қан плазмасындағы натрий иондарының мөлшері: емдеу басталғанша қан плазмасында натрий иондарының мөлшерін анықтау қажет. Препаратты қабылдау аясында осы өлшеуді жүйелі жүргізген жөн. Диуретиктік препараттардың бәрі кейде аса ауыр зардаптарға әкелетін гипонатриемияны туындатуы мүмкін. Натрий иондарының мөлшерін тұрақты бақылау қажет, өйткені қан плазмасында натрий концентрациясының бастапқы төмендеуі патологиялық симптомдардың білінуімен қатар жүрмеуі де мүмкін. Бауыр циррозы бар науқастарға және егде жастағы тұлғаларға натрий иондарының мөлшерін аса мұқият бақылау көрсетілген.

● Қан плазмасындағы калий иондарының мөлшері: тиазидтік диуретиктермен ем кезінде негізгі қауіп қан плазмасында калий деңгейінің күрт төмендеуімен білінеді. Гипокалиемияның даму қаупінен (<3,4 ммоль/л), әсіресе, келесі санаттарда: егде жастағы, әлсіреген немесе біріктірілген дәр-дәрмектік ем алатын науқастарда, бауыр циррозы, шеткері ісінулері және асциті, ишемиялық жүрек ауруы, жүрек жеткіліксіздігі бар науқастарда сақтану қажет. Гипокалиемия осы науқастарда жүрек гликозидтерінің уытты әсерін күшейтеді және жүрек аритмияларының даму қаупін арттырады. Бұдан бөлек, жоғары қауіп тобына ЭКГ-да QT аралығы ұзарған науқастар жатады, бұл орайда оның туа біткен себептерден немесе патологиялық үдерістің болуынан туындағаны маңызды емес. Гипокалиемия, брадикардия сияқты, жүректің әсіресе «пируэт» типті, өліммен аяқталуға жиі әкелетін ауыр аритмияларының дамуына ықпал ететін жағдай болып табылады. Жоғарыда сипатталған жағдайлардың бәрінде қан плазмасында калий мөлшерін жүйелі бақылап отыру қажет. Қандағы калий иондарының концентрациясына алғашқы өлшеуді ем басталған соң бірінші аптаның ішінде жүргізу қажет. Гипокалиемия білінгенде тиісті ем тағайындалуы тиіс.

● Қан плазмасындағы кальций мөлшері: тиазидті диуретиктердің қан плазмасындағы кальций концентрациясының мардымсыз және уақытша жоғарылауына әкеліп, кальций иондарының несеппен шығарылуын азайтатынын ескеру қажет. Айқын гиперкальциемия бұрын диагностикаланбаған гиперпаратиреоз салдарынан болуы мүмкін.

Қалқанша маңы безін зерттеу алдында диурездік препараттар қабылдауды тоқтату керек.

Қан плазмасындағы глюкоза мөлшері:

Қант диабетімен науқастарда препаратпен емдеу аясында, әсіресе, гипокалиемия болғанда қандағы глюкоза деңгейі өзгеруі мүмкін.

Несеп қышқылы:

Қан плазмасында несеп қышқылының деңгейі жоғары науқастарда препаратпен емдеу аясында подагра ұстамаларының туындау жиілігі артуы мүмкін.

Диурездік препараттар және бүйрек функциясы:

Tиазидті диуретиктер бүйрек функциясы қалыпты немесе болымсыз бұзылған науқастарда (ересек адамдарда қан плазмасында креатинин мөлшері 25 мг/л немесе 220 мкмоль/л төмен) ғана толық шамада тиімді. Егде жастағы тұлғаларда қан плазмасындағы қалыпты креатинин деңгейі пациенттің жасын, дене салмағын және жынысын ескере есептеледі.

Емдеудің басында науқастарда диурездік препараттар қабылдау аясында, өз кезегінде, су және натрий иондарын жоғалтудан туындайтын гиповолемия себебінен болатын шумақтық сүзілістің төмендеуін байқауға болатынын ескеру қажет. Соның салдарынан, қан плазмасында мочевина және креатинин концентрациясы жоғарылауы мүмкін. Егер бүйрек функциясы бұзылмаған болса, осындай уақытша бүйрек жеткіліксіздігі, әдетте, зардапсыз өтеді, алайда, бұрыннан бар бүйрек жеткіліксіздігінде науқастың жағдайы нашарлауы мүмкін.

Гипертензияға қарсы басқа препараттармен біріктіру:

Бір мезгілде гипертензияға қарсы басқа препараттармен біріктіргенде Индалонг дозасын, ең болмаса, емдеудің басында азайту керек.

Спортшылар:

Индалонг препаратының құрамына кіретін белсенді зат спортшыларда допинг-тексеру өткізілгенде оң нәтиже беруі мүмкін.

Жүктілік және лактация кезеңі

Жүктілік кезеңінде ісінулер мен артериялық гипертензияны емдеу үшін препаратты диурездік дәрі ретінде тағайындау ақталмаған, өйткені бұл шарана өсуінің кідіру қаупімен фетоплацентарлық ишемияға әкелуі мүмкін.

Препаратты лактация кезінде қабылдау қажет болса, индапамид емшек сүтіне өтетіндіктен, бала емізуді тоқтату керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Индалонг препаратының құрамына кіретін заттардың әсері психомоторлық реакциялардың бұзылуына әкелмейді. Алайда, кейбір адамдарда артериялық қысымның төмендеуіне жауап ретінде әркімде әртүрлі реакциялар дамуы мүмкін, әсіресе, бұл емдеу курсының басталу кезіне немесе бірнеше гипотензиялық препараттар біріктіріліміне тән. Бұл жағдайда адамдардың автокөлік немесе басқа механизмдерді басқару қабілеті төмендеуі мүмкін.

Индапамид тіпті өте жоғары (40 мг дейінгі, яғни емдік дозадан 27 есе жоғары) концентрацияларында да уытты әсерін көрсетпейді.

Препаратпен жедел улану белгілері, бірінші кезекте, су-электролит теңгерімінің бұзылуына (гипонатриемия, гипокалиемия) байланысты. Симптомдары: жүрек айну, құсу, АҚ айқын төмендеуі, құрысулар, бас айналу, ұйқышылдық, сананың шатасуы, ануриямен аяқталатын полиурия немесе олигурия (гиповолемия салдарынан).

Емі: препаратты организмнен шығару - асқазанды шаю және/немесе белсендірілген көмір тағайындау, кейіннен ауруханаға жатқызу жағдайларында су-электролит теңгерімін қалпына келтіру.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамада 10 таблеткадан.

Пішінді ұяшықты 3 қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Ылғалдан және жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек.

2 жыл.

Жарамдылық мерзімі өткеннен кейін қолдануға болмайды.

Рецепт арқылы

Өндіруші

«Лекфарм» ЖШБҚ, Беларусь Республикасы, 223141, Логойск қ.,

Минская к-сі, 2а үй

Тел./факс: (01774)-53801, e-mail: office@lekpharm.by

«Лекфарм» ЖШБҚ, Беларусь Республикасы, 223141, Логойск қ.,

Минская к-сі, 2а үй

Тел./факс: (01774)-53801, e-mail: office@lekpharm.by

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы

Қазақстан Республикасындағы «ROMPHARM COMPANY» С.Р.Л. өкілдігі («РОМФАРМ КОМПАНИ» СРЛ),

050013, Алматы қ., Бұхар жырау бульвары, 33 үй, «Жеңіс» БО, 41 кеңсе,

телефон: 8 (727) 247-07-85, факс: 8 (727) 376-35-88

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

Қазақстан Республикасындағы «ROMPHARM COMPANY» С.Р.Л. өкілдігі («РОМФАРМ КОМПАНИ» СРЛ),

050013, Алматы қ., Бұхар жырау бульвары, 33 үй, «Жеңіс» БО, 41 кеңсе,

телефон: 8 (727) 247-07-85, факс: 8 (727) 376-35-88

электронды пошта: amangul-62@mail.ru