Доксициклин-ТК

• русский
• қазақша

• Скачать инструкцию медикамента

Саудалық атауы

Доксициклин – СВС

Халықаралық патенттелмеген атауы

Доксициклин

Дәрілік түрі

0.1 г капсулалар

Құрамы

Бір капсуланың құрамында

белсенді зат – 0,1 г доксициклин (доксициклин хиклаты түрінде)

қосымша заттар: лактоза моногидраты, магний стеараты

Капсуланың құрамы: қақпағы – ашық қызыл (Е 124), титанның қостотығы (Е 171), желатин; корпусы - ашық қызыл (Е 124), титанның қостотығы (Е 171), желатин.

Сипаттамасы

Цилиндр пішінді, №3 өлшемді, корпусы және қақпағы қызғылт түсті қатты желатинді капсулалар. Капсуланың ішіндегісі – сары түсті ұнтақ.

Фармакотерапиялық тобы

Бактерияларға қарсы жүйелік пайдалануға арналған препараттар. Тетрациклиндер. Доксициклин.

АТХ коды J01АА02

Фармакологиялық қасиеттері

Фармакокинетикасы

Доксициклин ас қорыту жолынан қабылданған дозаға пропорционалды түрде тез сіңеді. Бұл үдеріс тағамдық заттармен, әсіресе сүт өнімдерімен және құрамында металл иондары бар препараттармен бәсеңдеуі мүмкін. Ішке 200 мг препаратты қабылдағаннан кейін 2 сағаттан соң доксициклин плазмада 2,6 мкг/мл құрайтын ең жоғары концентрацияға жетеді.

Доксициклиннің шамамен 50-ы бауырда метаболизденеді. Доксициклин сарысу ақуыздарымен 80-90-ға байланысады.

Препараттың биологиялық жартылай шығарылу кезеңі 18-ден 22 сағатқа дейінді құрайды және бүйрек қызметінің жеткіліксіздігіне шалдыққан науқастарда 25 сағатқа дейін созылады. Жартылай шығарылу кезеңінің ұзақтығының арқасында препаратты тәулігіне бір рет қабылдауға болады.

Доксициклин майларда жақсы ериді. Организмнің көптеген биологиялық сұйықтықтарына және тіндеріне жеңіл енеді. Препарат көздің сулы ылғалында, қуықасты безінде, анабезде, жатырда, қуықта, өтте, бауырда, бұлшық еттерде, тіс пен сүйек бастамасында, бронх тармақтарының бөлінділерінде, өкпеде, лимфа түйіндерінде, мұрын маңы қуыстарында, таңдай бадамша безінде жоғары концентрацияға жетеді. Плацента арқылы өтеді. Ана сүтіне енеді.

Бүйрек қызметі қалыпты емделушілерде препараттың шамамен 40-ы өзгермеген күйінде несеппен бірге, ал препараттың қалған бөлігі нәжіспен бірге, көбінесе метаболиттер түрінде шығарылады.

Доксициклин бүйрек қызметінің жеткіліксіздігі бар емделушілерде айтарлықтай жиналмайды. Доксициклиннің жартылай шығарылуының биологиялық кезеңі және АUС мәні өзгермейді. Бүйрек қызметінің жеткіліксіздігі бар емделушілерде, мұндай емделушілерде доксициклиннің өттегі концентарциясының жоғарылауына байланысты, дозаны түзету қажет емес, соның нәтижесінде оның нәжіспен бірге шығарылуы ұлғаяды.

Гемодиализ препараттың сарысудан жартылай шығарылуының биологиялық кезеңіне ықпал етпейді.

Фармакодинамикасы

Доксициклин-СВС тетрациклиндер тобына жататын антибиотик болып табылады. Грамтеріс және грамоң бактерияларға, сондай-ақ қарапайымдыларға әсер ету ауқымы кең. Препараттың әсер етуінің бактериостатикалық механизмі ақуыз синтезінің рибосомалық деңгейде тежелуі болып табылады.

Бактерияларға қарсы белсенділігі

Доксициклиннің in vitro мыналарға антибактериялық әсері бар:

• грамтеріс бактериялар

Neisseria gonorrhoeae, Campylobacter granulomatis, Haemophilus ducreyi, Haemophilis influenzae, Pasteurella pestis, Pasteurella tularensis, Vibrio cholerae, Bartonella bacilliformis, Brucella spp.; өзгеретін сезімталдығы өзгеретіндер: Escherichia coli, Klebsiella spp., Enterobacter aerogenes, Shigella spp., Mima spp., Herella spp., Bacteroides spp.

• грамоң бактериялар

Streptococcus pyogenes, Streptococcus pneumoniae, Streptococcus faecalis, Streptococcus faecium, Staphylococcus aureus; viridans тобының -гемолитикалық стрептококктары

• Басқа да микроорганизмдер

Rickettsia, Chlamydia psittaci, Chlamydia trachomatis, Mycoplasma pneumoniae, Ureaplasma urealyticum, Borrelia recurrentis, Treponema pallidum, Clostradium spp., Fusobacterium fusoforme, Actinomyces spp., Bacillus anthracis, Propinibacterium acnes, Entamoeba spp., Balantidium coli, Plasmodium falciparum. Доксициклинге төзімділік көптеген штаммдар арасында, әсіресе грамоң бактериялар арасында байқалады. Бұл құбылыс біркелкі еместігімен сипатталады, өйткені әлемнің әр түрлі аумағындағы бактериялардың төзімділігінде көптеген айырмашылықтар байқалады. Доксициклиннің төзімділік механизмі препараттың бактериялық жасуша ішінде пенетрациялау қабілетінің төмендеуімен байланысты. Бұл төзімділік жасушада тасымалданатын R-плазмидтермен жүзеге асады.

Доксициклинге төзімді Streptococcus pneumoniae штаммдары басқа тетрациклиндерге, ал жиі – пенициллиндерге және макролидтерге (айқаспалы төзімділік) төзімділік білдіреді. Доксициклин мен макролидтер арасында синергизм байқалады.

Қолданылуы

- жоғарғы және төменгі тыныс жолдарының Mycoplasma pneumoniae Chlamydia pneumoniae әсерінен болған жұқпаларында (тонзиллит, фарингит, ортаңғы отит, синусит, бронхит, пневмония)

- тыныс жолдарының Haemophilis influenzae, Klebsiella spp., Streptococcus pneumoniae әсерінен болған жұқпаларында пенициллинге асқын сезімталдығы бар емделушілерге альтернативті препарат ретінде

- несеп жолдарының жедел және созылмалы жұқпаларында (Chlamydia trachomatis, Ureaplasma urealyticum әсерінен болған пиелонефрит, цистит, уретрит)

- жұмсақ тіндердің препаратқа сезімтал микроорганизмдерден, мысалы Clostridium spp., Propinibacterium acnes әсерінен болған жұқпаларында

- асқорыту жолдарының Escherichia coli, Entamoeba histolytica, Shigella spp., Vibrio cholerae, Clostridium spp. әсерінен болған жұқпаларында

- асқорыту жолдарының Escherichia coli, Entamoeba histolytica, Shigella spp., Vibrio cholerae, Clostridium spp. штамдарынан болған жұқпаларында

- несепжыныс жүйесінің Chlamydia trachomatis әсерінен туындаған жұқпаларында

- соз бен мерезді емдеуге

- Chlamydia trachomatis әсерінен туындаған конъюнктивитте

- препаратқа сезімтал микроорганизмдерден болған басқа жұқпаларда: шап гранулемасы (Calymmatobacterium granulomatis), жұмсақ шанкр (Haemophilus ducreyi), трахома (Chlamydia trachomatis), пситтакоз (Chlamydia psittaci), бруцеллёз (Brucella spp), бортонеллез (Bartonella bacilliformis), оба (Yersibia pestis), туляремия (Francisella tularensis); Campylobacter fetus әсерінен туындаған жұқпаларда

- хлорохинге төзімді малярия штаммдары таралған аумақтарда ұзақ емес (4 айдан аз уақыт) саяхатта болған кісілерде Plasmodium falciparum әсерінен болған малярияның алдын алуға.

Назарда аударыңыз! Емдеуді бастар алдында бөлініп шыққан қоздырғыштың доксициклинге сезімталдығын анықтау қажет. Емдеу сезімталдық нәтижесі алынғанға дейін басталуы мүмкін. Антибиотикограммасы алынғаннан кейін препаратты талапқа сай алмастыру қажет болуы мүмкін.

Қолдану тәсілі және дозалары

Асқынуға жол бермеу үшін қатаң түрде дәрігердің тағайындауы бойынша қолдану керек.

Доксициклин тек абсолютті көрсетілімдер болғанда ғана тағайындалады.

Ересектер: Емдеудің алғашқы күні әдетте 200 мг доксициклинді 1 қабылдауға тағайындайды немесе 2 қабылдауға бөледі – 100 мг әрбір 12 сағат сайын, ал содан кейін демеуші дозаға – тәулігіне 100 мг-ға көшеді.

Ауыр жұқпаларда емдеудің барлық кезеңі бойы тәулігіне 200 мг доксициклин тағайындайды.

Емделу курсы: препаратты ішке қабылдаған кезде, ағымының ерекшелігіне және аурудың ауырлығына байланысты, емдеу курсы 7-10 күнге тең болады.

Жағымсыз әсерлері

Жиі

- тәбеттің жоғалуы, жүректің айнуы, құсу, іш өту, глоссит, жұтынудың қиындауы, энтероколит, артқы өтіс аймағында (анус) қабынудан болатын өзгерулер

- фотосенсибилизация, жарықтан қорқу

- бөртпе, дерматиттер, есекжем түріндегі аллергиялық реакциялар

Сирек

- гемолитикалық анемия, тромбоцитопения, нейтропения, эозинофилия

- гепатоуыттылық, қан сарысуында бауыр трансаминазасының, билирубиннің жоғарылауы

- бассүйекішілік қысымның жоғарылауы, бас ауыру, бас айналу, құлақтың шыңылдауы

Өте сирек

- қандағы мочевина концентрациясының жоғарылауы

- жүйелік қызыл жегі, Лайелл синдромы, көп пішінді эритема, Стивенс-Джонсон синдромы, эпидермистің уытты некрозы, анафилаксия

- перикардит, тахикардия

Айқын жағымсыз симптомдар пайда болған жағдайда препаратты қолдануды дереу тоқтату қажет.

Қолдануға болмайтын жағдайлар

- доксициклинге, басқа тетрациклиндерге немесе препараттың құрамына енетін қандай да бір затқа жоғары сезімталдық

- бүйрек және бауыр қызметінің ауыр жеткіліксіздігі

- 18 жасқа дейінгі балалар

- жүктілік және лактация кезеңі

- тұқым қуалаған лактоза, галактоза жақпаушылығы, лактаза жеткіліксіздігі

Дәрілермен өзара әрекеттесуі

Доксициклин ұюға қарсы препараттардың, кумарин және сульфонилмочевина туындыларының әсерін күшейтеді; доксициклинді қолдану кезінде осы препараттардың дозасын азайту қажет болуы мүмкін.

Метоксифлуранның және басқа потенциальді нефроуытты препараттардың нефроуыттық әсерін күшейтеді.

Метотрексат пен А циклоспориннің уыттық әсерін күшейтеді.

Пенициллиндердің және бактерицидтік әсер ететін басқа да антибиотиктердің бактерияға қарсы әсерін әлсіретеді.

Пероральді түрдегі контрацептивтердің тиімділігін төмендетеді. Доксициклинмен емдеу кезінде контрацепцияның қосымша тиімді әдістерін қолдану керек.

Микросомалық ферменттерді индукциялайтын, мысалы, барбитураттар, карбамазепин, дифенилгидантоин сияқты препараттар, сондай-ақ алкоголь доксициклиннің метаболизмін шапшаңдатады, соның нәтижесінде оның жартылай шығарылуының биологиялық кезеңі қысқаруы және емдік әсері төмендеуі мүмкін. Жоғарыда көрсетілген препараттарды қабылдап жүрген емделушілерде доксициклиннің тәуліктік дозасын арттыру мүмкіндігін қарастыру қажет.

Доксициклинді және теофиллинді бір мезгілде қолданған кезде асқорыту жүйесі тарапынан жағымсыз құбылыстар жиі білінеді.

Доксициклин несептегі глюкозаны, уробилиногенді, ақуызды және катехоламиндерді анықтау нәтижесіне ықпал етеді.

Доксициклинді кальций, алюминий, магний және темір қосылыстарымен, сондай-ақ белсенділендірілген көмірмен немесе холестираминмен бір мезгілде қолданбаған жөн, өйткені асқорыту жолында оның сіңуін азайтады.

Тетрациклин қабылдап жүрген науқастарда ингаляциялық наркоз үшін метоксифлуранды қолдану бүйректің ауыр зақымына әкелуі мүмкін.

Доксициклин қан сарысуында циклоспорин деңгейін, бұл препараттарды бір мезгілде қабылдаған жағдайда, жоғарылатуы мүмкін.

Тетрациклиндерді және ретиноидтарды (ацетретин, изотретиноин, третиноин) бір мезгілде қолдану бассүйекішілік қысымның жоғарылауына мүмкіндік береді.

Доксициклин қан сарысуындағы дигоксин және литий қосылыстарының деңгейін арттырады.

Доксициклинді және диуретиктерді бір мезгілде қолдану олардың нефроуытты әсерін күшейтуі мүмкін.

Айрықша нұсқаулар

Доксициклин, басқа тетрациклиндерге қарағанда, аз дәрежеде барлық сүйек тіндерінде кальциймен берік кешенді қосылыс түзеді. Алайда оны тістің даму кезеңінде (жүктіліктің соңғы триместрінде, перинатальді кезеңде, сәби шақта) қолдану тістердің боялуына және зақымдануына немесе қаңқаның шала дамуына әкелуі мүмкін.

Доксициклинмен емдеу кезінде төзімді микроорганизмдердің, мысалы Candida-ның шамадан тыс өсуі орын алуы мүмкін. Егер төзімді микроорганизмдерді жұқтырса, доксициклинді тоқтату және тиісті емді бастау қажет. Доксициклин, әсер ету ауқымы кең басқа антибиотиктер сияқты, Clostridium difficile таяқшасының дамуымен жүзеге асатын жалған жарғақшалы колитті туындатуы мүмкін. Сондықтан доксициклинмен емделіп жүрген кезде немесе оны тоқтату бойына емделушілер ішінің өткеніне шағымданатын болса, осы ауруды анықтау мақсатында тексеру және диагноз расталғаннан кейін тиісті ем жүргізу керек (препаратты тоқтату, ванкомицин). Ішектің жиырылуын тежейтін препараттарды немесе әсерді бекітетін басқа заттарды қабылдауға болмайды.

Емдеу кезінде фотодерматоздардың даму қаупіне байланысты, күн көзінде болмау немесе жасанды УК-сәуленің әсеріне (мысалы, солярий) жол бермеу қажет.

Доксициклин бүйрек қызметінің жеткіліксіздігіне шалдыққан емделушілерде көп жинала қоймайды, осыған байланысты дозаны түзету қажет емес.

Бауыр қызметінің жеткіліксіздігіне және басқа гепатоуыттық препараттарды қабылдап жүрген емделушілерге сақтықпен қолдану керек.

Доксициклинді ұзақ уақыт қабылдап жүрген емделушілерде бауыр, бүйрек қызметіне және қан көрінісіне бақылау жүргізілуі тиіс.

Жүктілік және лактация

Доксициклин плацента арқылы өтеді. Тістің түсін ұзақ уақыт өзгертуі, эмаль гипоплазиясын тудыруы, ұрықтың қаңқа сүйектерінің өсуін басуы мүмкін.

Дәрілік заттың көлік құралын немесе қауіпті механизмдерді басқару қабілетіне ықпал ету ерекшеліктері

Көлік құралын басқару қабілетіне ықпал етпейді.

Артық дозалануы

Досициклиннің артық дозалану симптомдары қызба, беттің қызаруы, бас айналу болып табылады, кейде коллапс дамуы мүмкін.

Емі: препаратты тоқтату, асқазанды шаю, өмірлік маңызы бар негізгі қызметтерді (тамырдың соғуын, тыныс алуды) бақылау және қажет болған кезде – симптоматикалық ем.

Препаратты қаннан кетіру үшін гемодиализді қолдану тиімсіз.

Шығарылу түрі және қаптамасы

Поливинилхлоридті марка үлбірінен және/немесе баспалы лакталған алюминий фольгадан жасалған пішінді ұяшықты қаптамада 10 капсуладан.

Пішінді ұяшықты 1 қаптама қолданылуы жөнінде мемлекеттік және орыс тілдеріндегі нұсқаулықпен бірге тұтынушылар ыдысына арналған картон пәшкеге салынған.

Сақтау шарттары

Құрғақ, жарықтан қорғалған жерде, 25оС-ден аспайтын температурада сақтау керек.

Балалардың қолы жетпейтін жерде сақтау керек!

Жарамдылық мерзімі

3 жыл

Қаптамасында көрсетілген жарамдылық мерзімі өткеннен кейін препаратты қолдануға болмайды.

Дәріханадан босатылу шарттары

Рецепт арқылы

Өндіруші

«СВС – Фармация» ЖШС,

Заңды мекенжайы: 030012 Қазақстан Республикасы, Ақтөбе қ-сы, Сәңкібай батыр д-лы 171, Б

Орналасқан мекенжайы: 030030 Қазақстан Республикасы, Ақтөбе қ-сы, Авиақалашық, 14,

Тел/факс (7132) 22 77 55

Эл.поштасы: svs-pharmacy@mail.ru

Тіркеу куәлігінің иесі

«СВС – Фармация» ЖШС, 030012 Қазақстан Республикасы, Ақтөбе қ-сы, Сәңкібай батыр д-лы, 171,Б. Эл. поштасы: svs-pharmacy@mail.ru

Тұтынушылардан өнім сапасы жөнінде шағымдарды Қазақстан Республикасы аумағында қабылдайтын ұйымның мекенжайы:

«СВС – Фармация» ЖШС, Қазақстан Республикасы, Ақтөбе қ-сы, Авиақалашық, 14, Тел/факс (7132) 22 77 55

Эл.поштасы: svs-pharmacy@mail.ru