Десмопрессин-Тева (0.2 мг)

• русский
• қазақша

• Скачать инструкцию медикамента

Саудалық атауы

Десмопрессин-Тева

Халықаралық патенттелмеген атауы

Десмопрессин

Дәрілік түрі

0,1 мг және 0,2 мг таблеткалар

Құрамы

Бір таблетканың құрамында

белсенді зат – десмопрессин ацетаты 0,1 мг немесе 0,2 мг (0,089 мг немесе 0,178 мг десмопрессинге баламалы)

қосымша заттар: -

ЩЕСТВО  лактоза моногидраты, жүгері крахмалы, повидон, желатинделген крахмал, коллоидты кремнийдің қостотығы, магний стеараты.

Сипаттамасы

Сопақша пішінді, екі беті дөңес, сызығы, «D» өрнегі бар және бір жағында «0.1» деп дозасы көрсетілген (0.1 мг доза үшін) ақ түсті таблеткалар.

Дөңгелек пішінді, екі беті дөңес, сызығы, «D» өрнегі бар және бір жағында «0.2» деп дозасы көрсетілген (0.2 мг доза үшін) ақ түсті таблеткалар.

Фармакотерапиялық тобы

Жүйелі пайдалануға арналған гормональді препараттар. Гипофиздің артқы бөлігінің гормондары. Вазопрессин және оның аналогтары. Десмопрессин.

АТХ коды Н01ВА02

Фармакологиялық қасиеттері

Фармакокинетикасы

Десмопрессин қанда қабылдағаннан кейін 15-30 мин соң анықталады. Қан плазмасындағы ең жоғары концентрациясына 1,5 сағ. кейін жетеді. Десмопрессин таблеткаларының биожетімділігі шамамен 0,1-0,16 % құрайды. Бір мезгілде тамақтану десмопрессиннің сіңу жылдамдығы мен дәрежесін шамамен 40 %-ға баяулатады. Десмопрессин гематоэнцефалдық бөгет арқылы өтпейді. Десмопрессиннің қан плазмасындағы жартылай шығарылу кезеңі 2 – 3 сағ. құрайды. Десмопрессин өзгермеген түрде ішінара несеппен шығарылады, жарым-жартылай ферментативтік ыдырауға ұшырайды.

Фармакодинамикасы

Десмопрессин – аргинин-вазопрессин (антидиуретикалық гормонның) табиғи гормонынының құрылымдық аналогы, ол вазопрессин молекуласы құрылымы өзгерістері - 1-цистеинді дезаминирлеу және 8-L-аргининді 8-D-аргининге алмастыру нәтижесінде алынған. Бұл құрылымдық өзгерістер едәуір күшейтілген антидиуретикалық қабілеттілікпен үйлесімде тамырдың және ішкі ағзалардың тегіс бұлшықеттеріне айқын әсері вазопрессинмен салыстырғанда аздау болады, бұл ұнамсыз спастикалық жағымсыз әсерлердің жоқтығы мен анағұрлым ұзақ әсер етуіне негізделген.

Препарат өзекшелердің дистальді бөліктері эпителийінің су үшін өткізгіштігін арттырады және оның кері сіңірілуін жоғарылатады. Препаратты қантсыз диабетте қолдану бөлінетін несеп көлемінің азаюына, және де бір мезгілде оның осмолярлығының ұлғаюына және қан плазмасы осмолярлығының төмендеуіне әкеледі. Бұл несеп шығару жиілігінің төмендеуіне және никтурияның азаюына әкеледі.

Ішке қабылдағаннан кейін антидиуретикалық әсері 15 мин. соң-ақ басталады. 0,1-0,2 мг-ден Десмопрессин-Тева қабылдау, көптеген емделушілерде антидиуретикалық әсерін 8-12 сағат бойы сақтайды. Десмопрессиннің тератогенді немесе мутагенді әсері анықталмаған.

Қолданылуы

- шығу тегі орталықтық қантсыз диабетте

- 5 жастан асқан балалардағы бастапқы түнгі энурезде

- органикалық ауруларды жоққа шығарғаннан кейін ересектердегі түнгі полиурияда (симптоматикалық емдеуде)

Қолдану тәсілі және дозалары

Десмопрессин-Теваның дозасы әр адамға жекелей таңдалады. Препаратты тамақтану кезінде қабылдауға болмайды.

Шығу тегі орталықтық қантсыз диабетте: ересектер мен 5 жастан асқан балаларға бастапқы доза - 0,1 мг немесе 0,2 мг Десмопрессин-Тевадан тәулігіне 3 рет. Содан соң доза организмнің реакциясына байланысты таңдалады. Тәуліктік доза 0,2-ден 1,2 мг Десмопрессин-Теваға дейін өзгеріп тұрады. Көптеген емделушілер үшін ең оңтайлысы 0,1 – 0,2 мг Десмопрессин-Тевадан тәулігіне 3 рет қабылдау болып табылады. Сұйықтықтың кідіруі жағдайында (гипонатриемия), емдеуді тоқтату және дозаны түзету қажет.

Бастапқы түнгі энурез: 0,2 мг Десмопрессин-Тевадан ұйықтар алдында. Әсері жеткіліксіз болған жағдайда дозаны 0,4 мг дейін арттыруға болады. Емдеу кезінде сұйықтық қабылдауды шектеу қажет. Емдеу курсы 3 ай. Емдеуді жалғастырудың қажеттілігі жөніндегі мәселені Десмопрессин-Теваны қабылдаудағы 1 апталық үзілістен кейін шешкен жөн.

Ересектердегі түнгі полиурия: түнге қарай Десмопрессин-Тева бастапқы дозасы 0,1 мг құрайды. Егер бұл доза 1 апта ішінде жеткілікті тиімді болмаса, онда дозаны 0,2 мг дейін арттырады және одан әрі апта сайын 0,4 мг дейін ұлғайтады. Емді қартайған жастағы адамдарға (65 жастан бастап және одан асқан) тағайындау ұсынылмайды. Егер емдеу тағайындалған болса, қандағы натрий деңгейін емді бастар алдында, препаратты 3 қабылдаудан кейін және дозаны арттырғаннан кейін бақылау қажет. Сұйықтықтың іркілу симптомдары және/немесе гипонатриемия (бас ауыруы, жүрек айну/құсу, дене салмағының артуы және ауыр құрысу жағдайы) дамуы жағдайында емделуші толық сауыққанға дейін емдеуді тоқтата тұрған дұрыс. Емдеу жаңғыртылған кезде сұйықтық қабылдаудың шектелуін емделушілер барынша мұқият қадағалағандары жөн. Егер 4 апта емдеп, дозаны түзеткеннен кейін талапқа сай клиникалық әсері байқалмаса, препарат қабылдауды жалғастыру ұсынылмайды.

Жағымсыз әсерлері

Жиі (>1%, <10%)

- бас ауыруы

- жүрек айнуы, іштің ауыруы, ауыздың құрғауы

- несеп шығару кезіндегі ауыруы

- шеткергі ісінулер

- дене салмағының артуы

Сирек (≥ 0.01 %, < 0.1 %)

- терінің аллергиялық реакциялары

- эмоционалдық бұзылулар

- құрысулар

Десмопрессин-Тева қолданған кезде сұйықтықты шектеусіз қабылдау организмде гипонатриемиямен, дене салмағының артуымен, және ауыр жағдайларда құрысулармен қатар жүретін сұйықтық іркілуіне әкелуі мүмкін.

Қолдануға болмайтын жағдайлар

- десмопрессинге немесе препараттың басқа да компоненттеріне аса жоғары сезімталдық

- конституциональді немесе психогенді полидипсия

- жүрек жеткіліксіздігі, оның ішінде сыртартқыдағы немесе оған күдік болғанда, және несеп айдайтын препараттар тағайындауды қажет ететін басқа да жай-күйлер

- орташа және ауыр дәрежелі бүйрек жеткіліксіздігі (креатинин клиренсі 50 мл/мин. төмен)

- гипонатриемия немесе гипонатриемияға бейімділік

- антидиуретикалық гормонның талапқа сай емес өндірілу синдромы

- жүктілік және лактация кезеңі

- тұқым қуалайтын лактоза/галактозаны көтере алмаушылық, лактаза тапщылығы, глюкоза/галактоза мальабсорбциясы

- 5 жасқа дейінгі балалар

Дәрілермен өзара әрекеттесуі

Әсері антидиуретикалық гормон секрециясының бұзылуын көтермелей алатын үшциклді антидепрессанттар, серотониннің кері қармайтын селективті тежегіштері, хлорпромазин мен карбамазепин сияқты заттар антидиуретикалық әсері мен сұйықтықтың кідіру қаупін ұлғайтуы мүмкін. Стероидты емес қабынуға қарсы дәрілер сұйықтықтың кідіруін/гипонатриемияны туындатуы мүмкін.

Айрықша нұсқаулар

Түнгі энурез бен никтурияны емдеген жағдайда сұйықтықты қабылдау ең аз мөлшеріне дейін шектелуі тиіс – тек шөлді басу үшін: мұндай режим былайша белгіленеді - Десмопрессин-Теваны қабылдағанға дейін 1 сағат бұрын және қабылдағаннан кейін 8 сағат ішінде. Өзін бақылай алмайтын, жиі, ауыртып несеп шығаруға органикалық себептері және никтуриясы (мысалы, қатерсіз простата гиперплазиясы (ҚПГ), несеп-жыныс жүйесінің жұқпалы аурулары, қуықтағы тастар/ісіктер, полидипсия, нашар бақыланатын қант диабеті) бар емделушілердің негізгі ауруын емдеу қажет.

Бүйректің концентрациялық қабілеттілігіне тест жүргізген кезде сұйықтық көлемін 0,5 л дейін шектеу қажет, әсіресе Десмопрессин-Теваны қабылдардан 1 сағат бұрын және қолданғаннан соң 8 сағат ішінде. Сұйықтық қабылдауды бір мезгілде шектеместен емдеу организмде сұйықтықтың іркілуіне және/немесе гипонатриемияға (бас ауру, жүрек айну, құсу, дене салмағының артуы, ауыр жағдайларда құрысудың туындауы) әкелуі мүмкін. Қан плазмасындағы натрий деңгейі төмен, тәуліктік несеп көлемі көп (2,8-дан 3 л дейін) егде жастағы емделушілерде гипонатриемияның туындау қаупі жоғары болады. Су-электролиттік теңгерімнің бұзылуымен сипатталатын жедел интеркурентті аурулар жағдайында (жүйелік жұқпалар, қызба ахуалы және гастроэнтерит) Десмопрессин-Тевамен емдеу тоқтатылуы тиіс.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді, бірақ Десмопрессин-Теваның ықтимал жағымсыз әсерлерін ескере отырып, көлікті және қауіптілігі зор механизмдерді басқарғанда сақтық танытқан жөн.

Артық дозалануы

Симптомдары: гипонатриемия және организмде сұйықтықтың іркілуі

Емі: симптомсыз гипонатриемияны емдеу үшін Десмопрессин-Тевамен емдеуді үзбеген жөн, қосымша сұйықтық қабылдауды шектеу керек;

гипонатриемиямен байланысты симптомдар пайда болған жағдайда, натрий хлоридінің (изо-) немесе гипертониялық ерітіндісін көктамыр ішіне енгізуді тағайындаған дұрыс;

құрысулар және/немесе естен танумен білінетін организмде сұйықтық іркілуінің ауыр жағдайларында, кешенді (симптоматикалық) емдеуге фуросемид қосуға болады.

Шығарылу түрі және қаптамасы

0,1 мг немесе 0,2 мг таблеткадан.

10 таблеткадан алюминий фольгадан және поливинилхлоридті үлбірден жасалған пішінді ұяшықты қаптамада.

1 немесе 3 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

Түпнұсқалық қаптамасында, 30 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Teva Pharmaceutical Works Private Limited Company, Венгрия

Тіркеу куәлігінің иесі

Teva Pharmaceutical Industries Ltd, Израиль

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Тева Чеш Индастриез с.р.о.» өкілдігі

050040 Қазақстан Республикасы

Алматы қ., Әл-Фараби даңғылы 19,

Нұрлы тау бизнес орталығы 1 Б, 603 кеңсе

Телефон, факс (727) 311-09-15; 311-07-34

E-mail teva@teva.co.il