ВИРСО (450 мг)

ВИРСО

Софосбувир

Үлбірлі қабықпен қапталған таблеткалар, 400 мг

Бір таблетканың құрамында

белсенді зат - 400 мг софосбувир

қосымша заттар: маннитол 60 (Pearlitol 160С), микрокристалды целлюлоза (Avicel PH 102), натрий кроскармеллозасы (AC-DI-SOL), коллоидты кремнийдің қостотығы, магний стеараты,

Қабығы: Opadry II (85F505068) көгілдір, ішінара гидролизденген поливинил спирті (Е1203), титанның қостотығы (Е171), макрогол/ полиэтиленгликоль 4000 (Е1521), тальк (Е553b), FD&C көк #1/жалтыраған көк FCF алюминий лагы 3% - 5% (Е 133), FD&C көк #2/ индигокармин алюминий лагы 3% - 5% (Е 132)

Көгілдір түсті үлбірлі қабықпен қапталған, екі жақ беті дөңес, кертігі бар, бір жақ бетінде «400» саны нақыштап жазылған және басқа жақ беті тегіс, капсула пішінді таблеткалар

Жүйелі қолдануға арналған инфекцияға қарсы препараттар. Жүйелі қолдануға арналған вирусқа қарсы препараттар. Тікелей әсер ететін вирусқа қарсы препараттар. Вирусқа қарсы басқа да препараттар. Софосбувир.

АТХ коды J05AX15

Фармакокинетикасы

Софосбувир – нуклеотидтік дәрінің ізашары, ол қарқынды метаболизмге ұшырайды. Гепатоциттерде түзілетін белсенді метаболит, қан плазмасынан табылмайды. Негізгі (>90%) метаболит, GS-331007 белсенді емес. Ол белсенді метаболитті түзудің бірізді және қатарлас жолдары арқылы қалыптасады.

Сіңуі

Ішке қабылдағаннан кейін софосбувир тез сіңеді, ал оның қан плазмасындағы ең жоғары концентрациясына (Сmax), қабылданған дозаның шамасына байланыссыз, 0,5-2 сағаттан соң қол жетеді. Қан плазмасында белсенді емес метаболиттің (GS-331007) Сmax шамасына препаратты қабылдағаннан кейін 2-4 сағаттан соң жетеді. С гепатиті (СГВ) кезінде 1-6 вирусының генотиптері бар пациенттерде софосбувирдің және белсенді емес метаболитінің (GS-331007) «концентрация-уақыт» қисығы астындағы аудан (AUC0-24) мәні тепе-теңдік жағдайда, сәйкесінше, 1,010 нг*сағ./мл және 7200 нг*сағ./мл-ге тең болды. Дені сау пациенттерге қарағанда, софосбувирдің және белсенді емес метаболитінің (GS-331007) AUC0-24 мәні ССГ бар пациенттерде сәйкесінше, 57%-ға жоғары және 39%-ға төмен болды.

Софосбувирдің бір реттік дозасын құрамында май мөлшері мол стандартты тағаммен бірге қабылдау софосбувирдің сіңу жылдамдығын баяулатады. Софосбувирдің сіңу дәрежесі шамамен 1,8 есеге артады, мұндайда Сmax шамасына аздаған ықпалы байқалды. Құрамында май мөлшері мол тағаммен бірге қабылдау (GS-331007) белсенді емес метаболиттің экспозициясына ықпалын тигізбейді.

Таралуы

Софосбувир органикалық аниондарды тарататын тасымалдаушы 1В1 немесе 1ВЗ полипептидті (ОАТР) және органикалық катиондарды (ОСТ)1 таратушыны қоса, бауыр транспортерларының субстраты болып табылмайды. Бүйрек өзекшелерінің белсенді секрециясына ұшырай отырып, белсенді емес метаболит (GS-331007), 1 немесе 3 органикалық аниондарды (OAT) таратушыны, немесе 2 органикалық катиондарды (ОСТ) таратушыны, көптеген дәрілік резистенттілік (MRP2) ақуыздарын, Р гликопротеинді (P-gp), сүт безі обырының резистенттілігінің (BCRP) ақуызын немесе МАТЕ1 таратушы ақуызды қоса, бүйректегі тасымалдаушылардың ешқандай субстраты да, ешқандай тежегіші де болып табылмайды. Софосбувир және GSС-331007 дәрілік таратушылардың: P-gp, BCRР, МRР2, BSEP, ОATP1B1, ОАTP1B3 және OCT1 тежегіштері болып табылмайды. GS-331007 - OAT1, OCT2 және MATE1 тежегіші болып табылмайды.

Софосбувир адам қанының ақуыздарымен шамамен 85%-ға байланысады (ex vivo деректері), және байланысуы 1-20 мкг/мл диапазонында препарат концентрациясына байланысты емес. Белсенді емес метаболит (GS-331007) адамның қан плазмасы ақуыздарымен өте аз дәрежеде байланысады. Дені сау еріктілер 400 мг [14С]–софосбувирді бір реттік қабылдағаннан кейін қан/плазмадағы 14С радиоактивтілік арақатынасы шамамен 0,7 құрады.

Метаболизмі

Софосбувир бауырда қарқынды түрде метаболизденіп, трифосфаттың (GS-461203) фармакологиялық тұрғыдан белсенді нуклеозидтік (уридиндік) аналогын түзеді. Белсенділенудің метаболизмдік жолы А катепсинмен (CatA) немесе карбоксилэстеразамен 1 (CES1) карбоксилэстераза молекуласының бірізді гидролизін және гистидинді триадалармен (H1NT1) нуклеотид-байланысатын 1 ақуызбен, кейіннен пиримидинді нуклеотид биосинтезі жолымен фосфорлануымен фосфорамидаттың ыдырауын қамтиды. Дефосфорлану нуклеозидтік белсенді емес метаболиттің (>90%) түзілуіне әкеледі, оның толық рефосфорлануы мүмкін емес, және HCV қарсы in vitro белсенділігі болмайды. Софосубвир және белсенді емес метаболит (GS-331007) UGT1A1-дің немесе CYP3A4, CYP1А2, CYP2B6, CYP2C8, CYP2C9, CYP2C19, CYP2D6 цитохромы изоферменттерінің субстраттары да, тежегіштері де болып табылмайды.

400 мг [14С] –софосбувирді бір реттік, пероральді түрде қабылдағаннан кейін, софосбувирдің және белсенді емес метаболиттің (GS-331007) жүйелік экспозициясы препаратпен байланысты материалдың жүйелік экспозициясының, сәйкесінше, шамамен 4% және >90% құрайды (молекулалық массасы түзетілген софосбувирдің және оның метаболиттерінің AUC жиынтығы).

Шығарылуы

400 мг [14С] – софосбувирді бір реттік пероральді қабылдаудан кейін радиоактивті дозаның орташа жалпы шығарылуы 92%-дан астамды құрайды, мұндайда шамамен 80%, 14% және 2,5%-ы, сәйкесінше, бүйрек, ішек және өкпе арқылы шығарылады. Бүйрек арқылы шығарылатын софосбувир дозасының үлкен бөлігі (GS-331007) белсенді емес метаболит (GS-331007) (78%) болып табылады, ал 3,5%-ы софосбувир түрінде шығарылады. Осы деректер бүйректік клиренстің көбіне белсенді секрециямен белсенді емес метаболиттің (GS-331007) шығарылуының негізгі жолы болып табылатындығын көрсетеді. Софосбувирдің және белсенді емес метаболиттің (GS-331007) орташа жартылай шығарылу кезеңі, сәйкесінше, 0,4 сағатты және 27 сағатты құрайды.

Ашқарынға софосбувирді 200 мг-ден 400 мг-ге дейінгі дозаларда қабылдағанда софосбувирдің және белсенді емес метаболиттің (GS-331007) AUC мәні іс жүзінде дозаға пропорционалды екені анықталды.

Пациенттердің ерекше топтарындағы фармакокинетикасы

Балалар

Софосбувирдің және белсенді емес метаболиттің (GS-331007) параметрлері балаларда анықталған жоқ.

Егде жастағы пациенттер

ССГ бар пациенттерде 19-дан 75 жасқа дейінгі жас диапазонында жас софосбувирдің және белсенді емес метаболиттің (GS-331007) экспозициясына клиникалық тұрғыдан маңызды ықпалын тигізбейтіндігін көрсетті. 65 жастан бастап және одан үлкен пациенттерде және жас пациенттерде жауап деңгейлері ұқсас болды.

Жынысы және нәсілі

Софосбувирдің және белсенді емес метаболитінің фармакокинетикасы параметрлерінде пациенттердің жынысына және нәсіліне байланысты клиникалық тұрғыдан маңызды айырмашылықтар анықталған жоқ.

Бүйрек жеткіліксіздігі

СГВ инфекциясын жұқтырмаған, бүйрек функциясы қалыпты (креатинин клиренсі (КК) >80 мл/мин) пациенттермен салыстырғанда, бүйрек функциясының ауырлық дәрежесі жеңіл, орташа және ауыр жеткіліксіздігінде софосбувирдің AUC o – inf мәндері, сәйкесінше, 61%-ға, 107%-ға және 171%-ға жоғары болды, ал (GS-331007) белсенді емес метаболиттің AUC o-inf мәндері, сәйкесінше, 55%-ға, 88%-ға және 451%-ға жоғары болды. Бүйрек функциясының созылмалы жеткіліксіздігі (БСЖ) бар пациенттерде, бүйрек функциясы қалыпты пациенттермен салыстырғанда, егер софосбувир гемодиализ сеансынан 1 сағат бұрын қабылданса, софосбувирдің AUC o –inf мәні 28%-ға жоғары болды, және егер софосбувир гемодиализ сеансынан кейін 1 сағаттан соң қабылданса, 60%-ға жоғары болды. БСЖ бар пациенттерде (GS-331007) белсенді емес метаболиттің AUC o-inf сенімді түрде анықтау мүмкін емес болды. Софосбувирді гемодиализ сеансынан 1 сағат бұрын қабылдағанда немесе софосбувирді гемодиализ сеансынан кейін 1 сағаттан соң қабылдағанда БСЖ пациенттерде, бүйрек функциясы қалыпты пациенттермен салыстырғанда, белсенді емес метаболит (GS-331007) экспозициясының ең кемінде 10 есе және 20 есе артқанын анықталды.

Негізгі (GS-331007) белсенді емес метаболит гемодиализ жәрдемімен тиімді түрде жойылуы мүмкін (клиренс 53%-ға жуықты құрайды). 4 сағаттық гемодиализ сеансынан кейін препараттың қабылданған дозасынының шамамен 18%-ы шығарылады. Бүйрек функциясының ауырлығы жеңіл немесе орташа дәрежедегі жеткіліксіздігі бар пациенттерде препарат дозасын түзету қажет емес. Бүйрек функциясының ауырлығы ауыр дәрежедегі жеткіліксіздігі бар пациенттерде және бүйрек функциясы жеткіліксіздігінің терминальді сатысындағы пациенттерде софосбувирді қолданудың қауіпсіздігіне баға берілген жоқ.

Бауыр жеткіліксіздігі

Бауыр функциясы қалыпты пациенттермен салыстырғанда, AUC0-24 мәндері бауыр функциясының ауырлығы орташа және ауыр жеткіліксіздігі бар пациенттерде, сәйкесінше, 126%-ға және 143%-ға жоғары болды, ал метаболитте (GS-331007) AUC0-24 мәні, сәйкесінше, 18%-ға және 9%-ға жоғары болды. БСЖ бар пациенттерде фармакокинетикалық деректерді популяциялық талдау бауыр циррозының белсенді емес метаболиттің (GS-331007) экспозициясына клиникалық тұрғыдан маңызды ықпалын тигізбейтіндігін көрсетті. Бауыр функциясының ауырлығы орташа және ауыр дәрежедегі жеткіліксіздігі бар пациенттерде софосбувирдің дозасын өзгерту ұсынылмайды.

Фармакодинамикасы

Әсер ету механизмі

Софосбувир пан – генотиптік РНҚ тежегіші – вирус репликациясы үшін қажетті СГВ NS5B полимеразасы (құрылымды емес ақуыз) болып табылады. Софосбувир - нуклеотидті дәрінің ізашары, ол жасуша ішінде метаболизмге түсіп, фармакологиялық тұрғыдан белсенді аналог уридин трифосфатты (GS-461203) түзеді. NS5B полимераза жәрдемімен GS-461203 СГВ-нің РНҚ құрылымдағы тізбегіне орналасып, осылайша, тізбекті үзіп жіберуі мүмкін. Софосбувирдің бұл (GS-461203) белсенді метаболиті 50% ингибицияны туындатқан (IC50) 0,7-ден 2,6 мкмольге дейін диапазондағы концентрацияларда NS5B-полимеразаның lb, 2а, 3а және 4а генотиптерінің белсенділігін тежейді. Софосбувирдің (GS-461203) белсенді метаболиті адамның ДНҚ және РНҚ полимеразаларын және митохондриальді РНҚ полимеразаны тежемейді.

Вирустарға қарсы белсенділігі

СГВ репликондарын пайдаланып жүргізілген зерттеулерде la, lb, 2а, 3а и 4а  генотиптерінің толық өлшемді репликондарына қарсы софосбувирдің тиімді концентрацияларының (ЕC50) мәндері, сәйкесінше, 0,04,  0,11,  0,05,  0,05 және 0,04 мкмоль құрады, ал 2b, 5а немесе 6а генотипінің клиникалық изоляттарынан NS5B бірізділігін тарататын lb генотипінің химерлі репликондарына қарсы софосбувирдің ЕС50 мәндері 0,014 - 0,015 мкмоль құрады. Клиникалық изоляттардан NS5B бірізділігін тарататын химерлі репликондарға қатысты софосбувирдің ЕС50 ± SD орташа мәні 1а генотипі үшін 0,068 ± 0,024 мкмоль; lb генотипі үшін 0,11 ± 0,029 мкмоль; 2 генотипі үшін 0,035 ± 0,018 мкмоль және 3а генотипі үшін 0,085 ± 0,034 мкмоль құрайды. Софосбувирдің вирустарға қарсы in vitro белсенділігі азырақ жиі кездесетін 4, 5 және 6 генотиптерге қатынасы 1, 2 және 3 генотиптерге қатысты софосбувирдің белсенділігіне ұқсас болды.

Адам сарысуының 40% болғанда софосбувирдің вирустарға қарсы белсенділігінде елеулі өзгерістер байқалмаған.

Резистенттілік

Жасушалар өсіріндісінде

Жасушалар өсіріндісінде 1b, 2a, 2b, 3а, 4а, 5а және 6а қоса, бірнеше генотиптердің HCV репликондары софосбувирге сезімталдығы төмендеген.

Софосбувирге төмен сезімталдық СГВ репликондарының (lb, 2а, 2b, За, 4а, 5а және 6а) NS5B барлық зерттеулерінде алғашқы S282T алғашқы мутациясымен астасады. Сайт - бағытталған мутагенез 8 генотиптің репликондарында S282T мутацияның софосбувирге сезімталдығын 2-18 есеге төмендетуге және жабайы типті сәйкес вирустармен салыстырғанда, вирустың репликацияға қабілетін 89-99%-ға азайтуға жауапты екендігін мақұлдады. S282T алмасуын экспрессиялайтын lb, 2а, 3а және 4а генотиптерден рекомбинантты NS5B полимераза, вирустың жабайы штаммдарының полимеразаларымен салыстырғанда, софосбувирдің (GS-461203) белсенді метаболитіне сезімталдығының төмендігін көрсетті.

СГВ бастапқы полиморфизмдерінің емдеу нәтижесіне ықпалы

Бастапқы полиморфизмдердің емдеу нәтижесіне ықпалын талдағанда СГВ NS5B кез келген бастапқы нұсқасы (S282T мутация) мен емдеу тиімділігінің арасында статистикалық тұрғыдан маңызды байланыс байқалмады.

Айқаспалы резистенттілік

Софосбувирге төзімділікке жауапты S282T мутацияны экспрессиялаушы СГВ репликондары С гепатитін емдеуге арналған препараттардың басқа кластарына толық сезімтал болды. Софосбувир басқа нуклеозидтік тежегіштерге төзімділігіне байланысты NS5B полимеразасының генінде L159F және L320F мутациялары бар вирустарға қатысты белсенділігін сақтайды. Софосбувир әсер ету механизмдері бар тікелей әсер ететін NS5B полимеразасының нуклеозидтік емес тежегіштері, NS3 протеаза тежегіштері және NS5A тежегіштері сияқты вирустарға қарсы басқа препараттарға резистенттілігімен байланысты мутацияларға қатысты өзінің белсенділігін толық сақтайды.

Балалар

ВИРСО препаратын 18 жасқа дейінгі балалар мен жасөпірімдерде қолданудың тиімділігі және қауіпсіздігі анықталған жоқ. Деректер жоқ.

Ересектерде вирусқа қарсы біріктірілген ем құрамында созылмалы С вирусты гепатитін емдеуде.

Тамақтану кезінде немесе тамақтан соң тәулігіне бір рет ВИРСО 400 мг 1 таблеткасын ішке қабылдау керек. Таблетканы сумен ішіп, тұтастай жұту қажет. Таблетканы шайнауға немесе сындыруға болмайды, ащы дәмі бар.

ВИРСО препараты басқа дәрілік препараттармен біріктіріп қолданылуы тиіс.

Препаратпен монотерапия ұсынылмайды. ВИРСО препаратымен бірге қолдануға ұсынылатын дәрілік препараттар және біріктірілген емнің ұзақтығы 1 кестеде берілген.

1 кесте. ВИРСО препаратымен бірге қолдану ұсынылатын дәрілік препараттар, және біріктірілген емнің ұзақтығы

*Адам иммунотапшылығы вирусымен (АИТВ) бір мезгілде инфекцияланған пациенттерді қоса.

a.   Бұрын ем қабылдаған, 1 генотипті созылмалы С гепатиті бар пациенттер үшін  ВИРСО препаратымен, рибавиринмен және альфа пэгинтерферонмен біріктірілген ем жөнінде деректер жоқ,

b.  Емдеуді 12 аптадан көбірекке және 24 аптаға дейін ықтимал ұзартуды ескерген жөн; әсіресе интерферонмен емдеуге жауаптың өте төмен деңгейімен байланысты бір немесе көбірек факторлар бар пациенттердің қосымша топтары үшін (мысалы, айқын фиброз/ бауыр циррозы, бастапқы жоғары вирустық жүктеме, қара нәсіл, СС генотип IL28Б болмауы, бұдан бұрын альфа пэгинтерферонмен және рибавиринмен емдеуге жауап нөл болған).

c.   Төменде «Пациенттердің арнайы топтары» бөлімін, «Бауыр трансплантациясын күтіп жүрген пациенттер» қосымша тармақты қараңыз.

ВИРСО препаратымен біріктіріп қолданған кездегі рибавириннің дозасын пациенттің дене салмағынан (<75 кг = 1000 мг және >75 кг = 1200 мг) шығарып есептейді, және тамақтану кезінде ішке екі рет қабылдайды.

Дозаны түзету

ВИРСО препаратының дозасын төмендету ұсынылмайды.

Егер софосбувир альфа пэгинтерферонмен біріктіріп қолданылса, және пациентте альфа интерферонмен потенциалды байланысты күрделі жағымсыз реакция дамыса, он соңғысының дозасын азайтқан немесе оны қабылдауды тоқтатқан жөн.

Егер пациентте рибавиринмен потенциалды түрде байланысты күрделі жағымсыз реакция дамыса, онда рибавириннің дозасын азайтқан немесе, егер мүмкін болса, жағымсыз реакция жоғалғанша немесе оның ауырлығы азайғанша, оны қолдануды тоқтатқан жөн. 2 кестеде рибавириннің дозасын өзгерту және, гемоглобиннің концентрациясын және жүрек-қантамыр жүйесінің жағдайын ескеріп, оны тоқтату жөнінде нұсқаулар берілген.

2 кесте: Софосбувирмен бірге қолданғанда рибавириннің дозасын өзгерту жөніндегі нұсқаулар.

Рибавирин қабылдауды тоқтатқаннан кейін зертханалық көрсеткіштердің қалыптан ауытқулары немесе клиникалық симптомдардың даму салдарынан, рибавиринмен емдеуді тәулігіне 600 мг дозада қайта жаңғыртуды байқап көруге, ал әрі қарай дозаны тәулігіне 800 мг-ге дейін арттыруға болады. Алайда рибавириннің дозасын бастапқы дозаға дейін (тәулігіне 1000 мг - 1200 мг) арттыру ұсынылмайды.

Препарат қабылдауды тоқтату

Егер ВИРСО препаратымен біріктіріп тағайындалған басқа дәрілік препараттарды қолдану тоқтатылса, онда ВИРСО препаратымен емдеуді де тоқтатқан жөн.

Пациенттердің арнайы топтары

Егде жастағы пациенттер

Егде жастағы пациенттерде тағайындалған дозаны өзгерту қажет емес.

Бүйрек функциясының жеткіліксіздігі бар пациенттер

Бүйрек функциясының ауырлығы жеңіл және орташа дәрежедегі жеткіліксіздігі бар пациенттерде ВИРСО препаратының дозасын түзету қажет емес.

Бүйрек функциясы жеткіліксіздігінің ауыр түрі және бүйрек функциясы жеткіліксіздігінің терминальді сатысы

Бүйрек функциясы жеткіліксіздігінің ауыр түрі бар (баға берілген шумақтық сүзілу жылдамдығы (бШСЖ) <30 мл/мин/1.73м²) немесе бүйрек функциясы жеткіліксіздігінің терминальді сатысындағы (БЖТС) бар пациенттерде, софосбувирдің басым метаболиттерінің өте жоғары (20 есеге дейінгі) әсеріне байланысты, дозаға қатысты қандай да болсын нұсқаулар беру мүмкін емес.

Бауыр жеткіліксіздігі

Бауыр функциясының ауырлығы жеңіл, орташа немесе ауыр дәрежедегі (Чайлд-Туркот- Пью шкаласы бойынша А, В немесе С класы) жеткіліксіздігі бар пациенттерде ВИРСО препаратының тағайындалған дозасын түзету қажет емес.

Компенсацияланған және декомпенсацияланған бауыр циррозы бар пациенттер

Декомпенсацияланған бауыр циррозы бар пациенттерде ВИРСО препаратының қауіпсіздігі және тиімділігі анықталған жоқ.

Бауыр трансплантациясын күтіп жүрген пациенттер

Бауыр трансплантациясын күтіп жүрген пациенттерде препаратты қолдану ұзақтығын анықтағанда нақты пациент үшін пайда-қаупі арақатынасына берілген бағаны басшылыққа алу қажет.

Софосбувир мен рибавиринді, немесе софосбувир, рибавирин және альфа пэгинтерферонды қабылдаған пациенттерде өте жиі жағымсыз реакциялар қажығыштық, бас ауыру, жүректің айнуы және ұйқысыздық болды.

3 кесте. Софосбувирді рибавиринмен немесе альфа пегинтерферонмен/рибавиринмен біріктіріп қолданғанда байқалған жағымсыз реакциялар

• софосбувирге немесе препараттың кез келген басқа компонентіне жоғары сезімталдық

• емделу кезеңінде контрацепцияны сақтамау

• жүктілік және лактация кезеңі

• 18 жасқа дейінгі балалар мен жасөспірімдер (пациенттердің осы тобындағы тиімділігі мен қауіпсіздігі анықталған жоқ)

• бүйрек функциясының ауырлығы ауыр дәрежедегі жеткіліксіздігі (КК<30 мл/мин) немесе бүйрек функциясы жеткіліксіздігінің терминальді сатысы, гемодиализ жүргізу қажет болғанда (софосбувирдің негізгі метаболиті концентрациясының жоғары (20 есеге дейін) болуына байланысты, пациенттердің осы санатында қауіпсіздігі анықталған жоқ)

• С және В гепатиті вирустарымен біріккен инфекциялану (софосбувирді пациенттердің осы санатында қолдану жөнінде, сондай-ақ вирустарға қарсы тікелей әсер ететін препараттармен емдеуден кейін СВГ реактивациясы жөніндегі мәлімдемелермен байланысты жеткілікті деректер жоқ)

• декомпенсацияланған бауыр циррозы (пациенттердің осы санатында тиімділігі және қауіпсіздігі анықталған жоқ)

• Р-гликопротеиннің күшті индукторларын (рифампицин, рифабутин, шілтерлі шайқурай (Hypericum perforatum), карбамазепин, фенитоин, фенобарбитал, окскарбазепин) қабылдап жүрген пациенттерде

Сақтықпен

• амиодаронмен қатар ем қабылдау аясында софосбувир мен даклатасвирдің біріктірілімін қабылдап жүрген пациенттерде (пациенттерге брадикардия симптомдары және жүрек блокадасы жөнінде, осындай симптомдар пайда болған жағдайда шұғыл медициналық жәрдем алуға дереу кірісу жөнінде алдын ала ескертілуі тиіс)

• бұрын вирустарға қарсы ем қабылдаған, 1, 4, 5, 6 генотиптері бар пациенттерде, әсіресе интерферонмен емдеуге жауабы төмен деңгейі анықталған бір немесе бірнеше факторлар болғанда (айқын фиброз/бауыр циррозы, бастапқы жоғары вирустық жүктеме, қара нәсіл СС генотипі IL28B емес болуы)

• С гепатитін емдеу үшін вирустарға қарсы басқа да препараттар (мысалы, телапревир немесе боцепривир) бір мезгілде қабылдап жүрген пациенттерде

ВИРСО препаратын басқа дәрілік заттармен біріктіріп қолданғанда, емдеуді бастағанға дейін қолдануға болмайтын жағдайлары жөнінде қосымша ақпарат алу үшін осы дәрілік заттарды қолдану жөніндегі нұсқаулықты оқып білген жөн.

Софосбувир Р-гликопротеиннің және сүт безі обыры резистенттілігінің ақуызын (BCRP) тасымалдайтын субстрат болып табылады, ал оның (GS-331007) белсенді емес метаболиті ретінде мұндай болмайды. Дәрілік препараттар, Р-гликопротеиннің күшті индукторлары (мысалы, рифампицин, шілтерлі шайқурай, карбамазепин және фенитоин) ішекте софосбувирдің плазмалық концентрациясын төмендетіп, ВИРСО препаратының емдік әсерінің төмендеуіне әкелуі мүмкін, сондықтан оларды ВИРСО препаратымен бір мезгілде қолданбаған жөн.

ВИРСО препаратын Р-гликопротеиндерді және/немесе BCRP тежейтін дәрілік препараттармен бірге қолдану (GS-33I007) белсенді емес метаболиттің концентрациясын арттырмай, плазмадағы софосбувирдің концентрациясын арттыруы мүмкін. Сондықтан ВИРСО препаратын Р-гликопротеин және/немесе BCRP тежегіштерімен бір мезгілде қолдануға болады.

Софосбувир және (GS-331007) белсенді емес метаболиті Р-гликопротеиннің және BCRP тежегіштерін болып табылмайды, сондықтан осы таратушылардың субстраттары болып табылатын дәрілік препараттардың экспозициясы жоғарылайды деп болжам жасалмайды.

Софосбувирдің жасушаішілік метоболизмінің белсенділенуі аффинділігі төмен және белсенділігі жоғары гидролаза арқылы, сондай-ақ нуклеотидтік фосфорлану жолымен жүреді, оған басқа дәрілік препараттарды бірге қолдану іс жүзінде ықпалын тигізбейді.

Басқа да өзара әрекеттесулер

4 кестеде ВИРСО препаратының әсер етуші заттармен дәрілік өзара әрекеттесуі жөнінде ақпарат берілген (онда 90% - сенімді аралық (СА) түзетілген орташа геометриялық (GLSM) қатынастар, бұрын анықталған баламалылық шекараларымен салыстырғанда, "↔" өзгерген жоқ, "↑" артты, немесе "↓" азайды).

4 кесте: ВИРСО препаратының қатар жүруі мүмкін дәрілік заттармен дәрілік өзара әрекеттесулері

ВИРСО препаратын монотерапия түрінде қолдану ұсынылмайды, ол созылмалы С гепатитін емдеуге арналған басқа препараттармен біріктіріп тағайындалуы тиіс. ВИРСО препаратымен біріктіріп тағайындалған басқа дәрілік препараттарды қабылдауды тоқтатқан кезде ВИРСО препаратын қабылдауды да тоқтатқан жөн.

Қант диабеті бар пациенттерге қолдану.

Тікелей әсер ететін вирусқа қарсы дәрілік заттармен С гепатиті вирусының бастапқы емінен кейін қант диабеті бар пациенттер глюкоза деңгейін бақылауда жеңілдегенін сезінуі мүмкін, ол симптомдық гипогликемияға әкелуі мүмкін. Тікелей әсер ететін вирусқа қарсы препараттарды қабылдауды бастаған қант диабеті бар пациенттерде қандағы глюкоза құрамының деңгейін әсіресе алғашқы үш айда мұқият бақылып отыру, сондай-ақ қажет деп танылғанда диабетті емдеуді түзету керек.

ВИРСО препаратын қолдануды бастар алдында бірге тағайындалатын дәрілік препараттардың медициналық қолдану жөніндегі нұсқаулығын мұқият оқып шығу керек.

Бала туа алатын жастағы әйелдер/еркектер мен әйелдердегі контрацепция

Емдеу курсынан өту кезеңінде ВИРСО препаратын рибавиринмен немесе альфа пэгинтерферонмен/рибавиринмен біріктіріп қолданғанда бала туа алатын жастағы әйелдер мен еркектер контрацепцияның тиімді заттарын қолдануы қажет.

Жүктілік және лактация кезеңі

Жүктілік кезінде препаратты қолданбау керек.

Софосбувирдің және оның метаболиттерінің ана сүті арқылы бөлініп шығатындығы-шықпайтындығы белгісіз. Жаңа туған балаларда қауіптің туындауын жоққа шығару мүмкін емес. Сондықтан ВИРСО препаратын емшек емізу кезеңінде қолдану ұсынылмайды.

Балалар

18 жасқа дейінгі балалар мен жасөспірімдерге қолдану ұсынылмайды.

Фертильділік

Фертильділігіне ықпалы жөнінде деректер жоқ.

Дәрілік препараттың көлікті немесе қауіптілігі зор механизмдерді басқару қабілетіне ықпал ету ерекшеліктері

ВИРСО көлік құралдарын басқару және потенциалды қауіпті механизмдермен жұмыс жасау қабілетіне аздап ықпалын тигізеді. Альфа пегинтерферонмен және рибавиринмен біріктірілген софосбувирмен емдеу кезінде әлсіздіктің және зейін бұзылуларының туындауының, бас ауырудың және көрудің жіті болмауының сирек жағдайлары болады.

ВИРСО препараты үшін спецификалық антидоты жоқ. Артық дозаланған жағдайда уыттылық белгілерін дер кезінде анықтау үшін пациентті бақылауға алу қажет. ВИРСО артық дозаланғанда емдеу жалпы демеуші шараларды, соның ішінде организмнің өмірлік маңызды функциясы көрсеткіштеріне мониторингті және пациенттің клиникалық жағдайын қамтиды. Гемодиализ (клиренс 53%) қаннан негізгі (GS-331007) белсенді емес метаболитті тиімді түрде шығаруы мүмкін. Ұзақтығы 4 сағаттық гемодиализ сеансы препараттың қабылданған дозасының 18%-ын шығарды.

Шығарылу түрі және қаптамасы

Балалардың қол жеткізуіне жол бермейтін полиэстерден жасалған қақпақпен тығындалған, силикагель қаптамасы салынған, тығыздығы жоғары полиэтилен құтыға 28 таблеткадан салынған.

Бір құты медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Жарықтан қорғалған жерде, 30 С-ден аспайтын температурада.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды.

Рецепт арқылы

Strides Pharma Science Limited

36/7, Suragajakkanahalli, Indlavadi Cross, Anekal Taluk,

Бангалор – 562 106, ҮНДІСТАН

Тіркеу куәлігінің ұстаушысы

Strides Pharma Science Limited

«Strides House» Bilekahalli, Bannerghatta Road,

Бангалор – 560 076, ҮНДІСТАН

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Попова Татьяна Александровна» ЖК, 050057, Қазақстан Республикасы, Алматы қ., Бұқар Жырау 65, 8 пәтер,

Тел.: +7 7713009907, e-mail: popovakz@gmail.com