Викс Актив Синекс
Инструкция
-
русский
-
қазақша
Саудалық атауы
Викс Актив Синекс
Халықаралық патенттелмеген атауы
Оксиметазолин
Дәрілік түрі
Дозаланған мұрын спрейі 0,05%
Құрамы
1 мл ерітіндінің құрамында
белсенді зат: 0,5 мг оксиметазолин гидрохлориді,
қосымша заттар: сорбитол, натрий цитраты дигидраты, тилоксапол, хлоргексидин глюконаты 20% ерітіндісі, сусыз лимон қышқылы, Алоэ Вера, бензалконий хлориді 50% ерітіндісі, левоментол, ацесульфам К, цинеол (эвкалиптол), L- карвон, динатрий эдетаты дигидраты, натрий гидроксиді, тазартылған су.
Сипаттамасы
Өте әлсіз сарғыштау түсті, құрамында бөлшектер мен жүзінді субстанциялар жоқ, өзіне тән хош иісі бар мөлдір сұйықтық, сілкіген кезде көпіршиді
Фармакотерапиялық тобы
Мұрынға арналған препараттар. Антиконгестанттар және жергілікті қолдануға арналған мұрын препараттары. Симпатомиметиктер. Оксиметазолин.
АТХ коды R01AA05
Фармакологиялық қасиеттері
Оксиметазолин a–адреномиметиктік әсері бар жергілікті тамырды тарылтатын дәрілердің (деконгестанттардың) тобына жатады, мұрынның шырышты қабығының қантамырларының тарылуын туғызады, сол арқылы мұрынжұтқыншақтың шырышты қабығының ісінуі мен гиперемиясын басады.
Мұрынмен тыныстаудың жеңілдеуі мұрын қуысына бүріккеннен кейін бірнеше минуттан соң басталады және шамамен 12 сағатқа созылады.
Жергілікті қолданғанда оксиметазолиннің сіңірілуі байқалмайды.
Қолданылуы
- мұрынмен тыныс алудың қиындауын симптоматикалық емдеуде.
Қолдану тәсілі және дозалары
Ересектер мен 6 жастан асқан балаларға: әр мұрын жолына күніне 2-3 рет 1 бүркуден.
Егер симптомдары 3 күн ішінде азаймаса, дәрігерге қаралу керек. Препарат дәрігердің ұсынымынсыз және бақылауынсыз, қатарынан 5-7 күннен артық қолданылмауы тиіс.
Жағымсыз әсері
Жиі емес (1/100- 1/1000):
- мұрынжұтқыншақтың шырышты қабығының тітіркенуі және/немесе құрғауы, шымылдатып ашытуы, түшкіру
Сирек (˂1/1000):
- үрей сезімі, седативтік әсер, ашуланшақтық, шаршау (қажығыштық), балаларда ұйқының бұзылуы, ұйқысыздық, құрысулар (өте сирек, балаларда)
- бас ауыруы
- жүректің қағуы, тахикардия, аритмиялар, артериялық қысымның жоғарылауы
- көрудің бұзылуы
- жүрек айнуы
- препаратты ұсынылған мерзімнен артық қолданғанда шырышты қабықтың ісінуі (мұрын бітелу сезімі) қарқынды бола түсуі мүмкін (реактивті гиперемия)
- бөртпе, қышыну, ангионевроздық ісіну, аллергиялық реакциялар
Қолдануға болмайтын жағдайлар
- оксиметазолинге немесе препараттың кез-келген басқа компонентіне жоғары сезімталдық
- оксиметазолинді қабылдаудың алдында моноаминооксидаза (МАО) тежегіштерін 2 апта бойы қолдану
- жабықбұрышты глаукома
- сыртартқыдағы ми қабықтарына жүргізілген операциялық араласулар (трансфеноидальді гипофизэктомия)
- жүрек аурулары, жүрек демікпесі
- атрофиялық ринит
- мұрын терісінің немесе шырышты қабығының қабынулары (қабыршақ түзілуі)
- жүктілік және лактация кезеңі
- 6 жасқа дейінгі балаларға
Сақтықпен: қант диабеті, артериялық гипертензия, стенокардия, тахикардия, гипертиреоз, бөліп шығару функциясының бұзылуымен жүретін бүйрек аурулары, қуықасты безі гипертрофиясының салдарынан несеп шығарудың қиындауы
Дәрілермен өзара әрекеттесуі
Оксиметазолинді моноаминооксидаза (МАО) тежегіштерімен және үшциклдық антидепрессанттармен бірге қолданғанда артериялық қысымның жоғарылауы мен аритмияларға алып келетін өзара әрекеттесулердің даму қаупі бар. Оксиметазолин, β- блокаторлардың және басқа, мысалы, метилдопа, бетанидин, дебрисоквин, гуанетидин сияқты антигипертензиялық дәрілердің антогонисі бола отырып, соңғыларының әсерін азайтуы мүмкін. Оксиметазолин Паркинсон ауруы кезінде қолданылатын препараттардың (бромокриптин және т.б.) кардиоуытты әсерін күшейтеді.
Айрықша нұсқаулар
Викс Актив Синексті басқа симпатомиметиктік дәрілер сияқты, адренергиялық препараттарды қолданғанда ұйқысыздық, бас айналуы, тремор, жүрек ырғағының бұзылуы немесе артериялық қысымның жоғарылауы түрінде білінетін күшті реакциялар байқалатын емделушілерге, сондай-ақ гипертиреоз, қант диабеті және қуықаасты безінің гипертрофиясы кезінде сақтықпен тағайындау керек.
Ұсынылған дозасын арттырмау керек.
Егер симптомдары 3 күн ішінде азаймаған жағдайда, дәрігерге қаралу керек.
Препарат дәрігердің ұсынымынсыз және қадағалауынсыз, қатарынан 5-7 күннен артық қолданылмауы тиіс.
Препаратты ұзақ уақыт бойы қолдану әсерінің төмендеуіне және/немесе мұрын бітелуінің қайта пайда болуына алып келуі мүмкін.
Препарат құрамына консервант ретінде кіретін бензалконий хлориді, әсіресе ұзақ уақыт қолданғанда, мұрынның шырышты қабығының ісінуін туғызуы мүмкін. Жағымсыз реакциялар пайда болса, препаратты қабылдауды тоқтату керек.
Жүктілік және лактация кезеңі
Препаратты жүктілік және лактация кезеңінде қолдануға қатысты клиникалық мәліметтер жоқ, соған байланысты препаратты жүктілік және лактация кезеңінде қолдану ұсынылмайды.
Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Көрудің бұзылуымен жүретін болуы мүмкін жағымсыз әсерлерін ескере отырып, көлік құралын басқаруда және қауіптілігі зор механизмдермен жұмыс жасауда сақтық таныту қажет
Артық дозалануы
Симптомдары: жағымсыз әсерлердің күшеюі, мидриаз, жүрек айнуы, цианоз, ысыну, түйілулер, тахикардия, жүрек аритмиясы, жүректің тоқтап қалуы, гипертония, өкпенің ісінуі, ентігу, психикалық бұзылыстар, ұйқышылдық, дене температурасының төмендеуі, брадикардия, гипотония, шок, тыныстың тарылуы, апное, естен тану.
Емі: симптоматикалық және демеуші, тамырды тарылтатын препараттар қарсы көрсетілімді.
Шығарылу түрі және қаптамасы
15 мл препараттан дозалағыш құрылғысы бар шыны құтыда.
1 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынған.
Сақтау шарттары
25 °С -ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Препаратты жарамдылық мерзімі өткеннен кейін қолдануға болмайды
Дәріханалардан босатылу шарттары
Рецептісіз
Өндіруші ұйымның атауы мен елі
Procter & Gamble Manufacturing GmbH, Германия
Тіркеу куәлігі иесінің атауы мен елі
Teva Pharmaceutical Industries LTD, Израиль
Қаптаушы ұйымның атауы мен елі
Procter & Gamble Manufacturing GmbH, Германия
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы
«ратиофарм Қазақстан» ЖШС
050040 Қазақстан Республикасы
Алматы қ., Әл-Фараби даңғылы 19,
“Нұрлы Тау” БО 1Б блок, 603 кеңсе
Телефон, факс (727) 311-09-15; 311-07-34
E-mail teva@teva.co.il