Бупивакаин Гриндекс

Бупивакаин Гриндекс

Бупивакаин

Инъекцияға арналған ерітінді 5 мг/мл

1 мл ерітіндінің құрамында

белсенді зат - 5 мг бупивакаин гидрохлориді (сусыз затқа шаққанда);

қосымша заттар: натрий хлориді, 0,1 M хлорсутек қышқылының ерітіндісі/ 0,1 M натрий гидроксидінің ерітіндісі pH 4,0-6,5 дейін; инъекцияға арналған су 1 мл-ге дейін.

Мөлдір түссіз сұйықтық

Жүйке жүйесі. Анестетиктер. Жергілікті анестетиктер. Амидтер. Бупивакаин.

АТХ коды N01ВВ01

Фармакокинетикасы

Бупивакаиннің плазмадағы концентрациясы дозасына, енгізу тәсіліне және инъекция орнындағы қан жүретін тамырлардың санына тәуелді. Эпидуральді кеңістіктен жалпы және екі фазалы сіңірілуінен кейін бупивакаиннің жартылай шығарылу кезеңі сәйкесінше 7 минут және 6 сағатты құрайды. Сіңірілуінің баяу фазасы бупивакаиннің енгізілу жылдамдығын тежейтін фактор болып табылады. Сондықтан бупивакаиннің эпидуральді енгізгендегі жартылай шығарылу кезеңі, венаішілік (в/і) инъекциясынан кейінгіге қарағанда ұзағырақ.

В/і инъекциясынан кейін плазмадан жалпы клиренсі 580 мл/минутты, таралу көлемі – 73 л, T1/2 – 2,7 сағатты, бауырдағы экстракциясының көрсеткіші – 0,4 құрайды. Плазма ақуыздарымен байланысуы 96 % құрайды. Бупивакаин майларда жақсы ериді.

Бупивакаин бауырда, 4 гидрокси-бупивакаинге гидроксилдену арқылы және 2,6 пипеколоксилидинге (РРХ) N-деалкилдену жолымен метаболизденеді, екі үдерістің де медиаторы Р4503А4 цитохромы болып табылады.

Эпидуральді енгізгеннен кейін несепте 0,2 %-ға жуық өзгермеген бупивакаин, 1 % РРХ және 0,1 %-ға жуық 4 гидроксибупивакаин анықталады.

Бупивакаин плацента арқылы өтеді. Шарана организмінде плазма ақуыздарымен байланысуы анасының организміндегіге қарағанда төмен, шарана мен анасының организміндегі байланыспаған фракциясының концентрациясы бірдей. Ана сүтімен секрецияланады. Негізінен бүйрекпен шығарылады, тек 5-6 % бупивакаин өзгеріссіз күйде несеппен шығарылады.

Фармакодинамикасы

Бупивакаин ұзақ әсер ететін, амидтік типті анестетик болып табылады. Натрий өзекшелеріне әсер етуінің есебінен, импульстердің жүйке талшықтары бойымен өтуін қайтымды бөгейді, гипотензиялық әсер береді, жүректің жиырылу жиілігін баяулатады. Жергілікті жансызданудың басталуы мен ұзақтығы дәрілік заттың енгізілген орнына тәуелді.

- жүйкелерді ұзақ уақыт бөгеу үшін және эпидуральді анестезияда, егер адреналинді қосу қарсы көрсетілімді болса немесе бұлшықеттердің күшті босаңсуы қажетсіз болған жағдайда (мысалы, операциялардан кейін ауыруды басу немесе босанулар кезіндегі анестезия)

Препараттың белгілі бір дозасын тағайындағанда дәрігер пациенттің физикалық жай-күйін бағалауы тиіс. Жүйкелердің үздіксіз блокадасын қолдана отырып, препараттың плазмадағы уытты концентрациясының қаупін және жүйкенің жергілікті зақымдануы қаупін ескеру керек.

Ұсынылатын дозалары:

Ескертпелер:

Кестеде келтірілген дозалары әдетте, сәтті блокадамен қамтамасыз етеді. Жансызданудың уақыты мен ұзақтығында айырмашылықтар болуы мүмкін. Сандар қажетті орташа дозаларын көрсетеді. Әдетте, барлық ірі жүйкелер ұштарының толық блокадасы үшін, препараттың көп концентрациясы қажет. Жансыздандыру немесе ауыруды жеңілдету үшін, бупивакаин ерітіндісінің азғантай концентрациясы қажет.

Байқаусызда тамыр ішіне енгізілуін болдырмас үшін, инъекция алдында және инъекция кезінде мұқият аспирациялау ұсынылады. Жалпы дозасын баяу, минутына 25-50 мг жылдамдықпен немесе пациенттің өмірлік маңызы бар функцияларын тұрақты бақылаумен және онымен вербальді байланысты ұстай отырып, қайталанған дозалары түрінде енгізеді. Эпидуральді анестезия жүргізу кезінде құрамында адреналин ерітіндісі бар 3-5 мл бупивакаин ерітіндісінің тест-дозасын енгізу қажет. Тест-дозасын енгізу кезінде пациентпен вербальді байланысты ұстап тұру және жүректің жиырылу жиілігін жүйелі түрде анықтап отыру қажет. Байқаусызда тамыр ішіне инъекцияланғанын жүрек соғуының қысқа мерзімге жеделдеуі, ал байқаусызда интратекальді инъекцияланғанын – спинальді блокаданың симптомдары көрсетуі мүмкін. Ең төменгі уытты әсерлері пайда болған жағдайда ары қарай енгізуді тоқтатады.

Жансыздандырғыштан болатын жағымсыз әсерлерді, блокаданың жүйке ұштарына ықпал етуінің физиологиялық әсерлерінен (мысалы, артериялық қысымның төмендеуі, брадикардия) ажырату қиын.

Өте жиі ( 1/10)

• гипотензия, брадикардия, вентрикулярлық тахикардия

• жүрек айнуы, асқазанның ішіндегісінің шығарылуының баяулауы

Жиі ( 1/100;  1/10)

• парестезия, бас ауыруы, қозу, мазасыздық, тремор, діріл, құрысу қимылдары, депрессия, ұйқышылдық, қорқу сезімі, сананың шатасуы, истерия, нистагм, түсініксіз сөйлеу

• брадикардия

• гипертензия, тромбоциттер агрегациясының тежелуі

• құсу

• несептің іркілуі, несепті ұстай алмау

Сирек (≥ 1/10 000; < 1/1000)

• бұлшықеттердің солбырлығы және әлсіздігі, арқаның ауыруы, инъекция орнының ауыруы, тіндер некрозы

• құрысулар, ауыз аймағының парестезиясы, тілдің ұюы, көрудің бұзылуы, естен тану, құлақтағы шуыл, дизартрия

Өте сирек (< 1/10 000)

- аллергиялық реакциялар, анафилаксиялық реакциялар/шок

- невропатия, шеткері жүйкелердің зақымдануы, параплегия, салдану, арахноидит, ми діңі функциясының қайтымды толық жоғалтылуы, ми қанайналымының өтпелі ишемиялық бұзылуы

• орталық жүйке жүйесі (ОЖЖ) тарапынан болатын белгілер мен симптомдар (құрысулар, ауыз аймағының парестезиясы, тілдің ұюы, гиперакузия, көрудің бұзылулары, естен тану, тремор, естен тану алдындағы жағдай, құлақтағы шуыл, дизартрия, бұлшықеттердің тартылуы)

• диплопия

• жүректің тоқтап қалуы, кардиогендік шок, аритмиялар

• тыныстың тарылуы, тыныстың тоқтап қалуы

• гипогликемия

• бауыр ферменттері мөлшерінің жоғарылауы

• құлақтың шыңылдауы

- бупивакаинге және амид типті басқа жергілікті анестетиктерге немесе препараттың қандай-да бір қосымша затына жоғары сезімталдық

- венаішілік аймақтық анестезия (Бир блокадасы) (бупивакаиннің байқаусызда қантамыр арнасына енгізілуі жедел жүйелі уытты реакциялардың дамуын туғызуы мүмкін)

- құрсақішілік қысымның жоғарылауы

- ОЖЖ аурулары (мысалы, менингит, полиомиелит, бассүйекішілік қан құйылу)

• пернициозды анемия және ми мен жұлынның ісіктері салдарынан жұлынның жеделге жуық біріктірілген дегенерациясы

• омыртқа бағанының туберкулезі

• люмбальді пункция орнындағы немесе соған жақын жердегі терінің іріңді инфекциялары

- кардиогенді немесе гиповолемиялық шок

- қанның ұюының бұзылуы немесе белсенді антикоагулянттық ем

- жүктілік және лактация кезеңі

- 12 жасқа дейінгі балаларға

Келесі жағдайларда сақтықпен тағайындау керек:

- ауыр жүрек-қантамыр жеткіліксіздігі (үдеуі мүмкін), жүрек блокадалары, аритмияға қарсы дәрілік заттарды (бета-адреноблокаторларды қоса) бір мезгілде тағайындау

- инъекция орнындағы қабыну аурулары немесе инъекция орнына инфекция түсуі

- холинэстераза тапшылығы

- бүйрек жеткіліксіздігі, жас егделігі (65 жастан асқан), жалпы ауыр жағдай, бауырлық қан ағымының төмендеуі (мысалы, созылмалы жүрек жеткіліксіздігі, бауыр аурулары кезінде)

- парацервикальді анестезия жүргізу қажеттілігі

Басқа дәрілік заттар, мысалы, жергілікті жансыздандыруға арналған басқа дәрілер мен аритмияға қарсы дәрілер (лидокаин, мексилетин, амиодарон), бупивакаин ерітіндісінің әсері мен дозасының дұрыс есептелуіне әсер етуі, сондай-ақ, аддитивтік уытты әсерінің қаупін жоғарылатуы мүмкін. Барбитураттармен бір мезгілде қолданғанда бупивакаиннің қандағы концентрациясы азаюы мүмкін.

МАО тежегіштерімен (прокарбазин, селегелин) қолдану артериялық қысымның шамадан тыс төмендеуі қаупін арттырады. Жергілікті анестетиктер ОЖЖ бәсеңдететін дәрілік заттардың әсерін күшейтеді. Антикоагулянттар қан кетулердің даму қаупін арттырады. Бупивакаин инъекциясының орнын құрамында ауыр металдар бар дезинфекциялайтын ерітінділермен өңдеген кезде ауырсыну мен ісіну түріндегі жергілікті реакцияның даму қаупі артады. Жалпы ингаляциялық жансыздандырғыш галотанмен бірігуі бупивакаиннің кардиоуыттылығының даму қаупін арттырады. Бупивакаин миорелаксациялағыш дәрілік заттардың әсерін күшейтеді және ұзартады, миастенияға қарсы дәрілік заттармен қаңқа бұлшықеттеріне әсері жағынан, әсіресе, жоғары дозаларында пайдаланғанда антагонизм танытады, бұл миастенияның емін қосымша түзетуді қажет етеді. Холинэстераза тежегіштері жергілікті жансыздандырғыш дәрілік заттардың метаболизмін төмендетеді.

Бупивакаиннің ерігіштігі рН > 6,5-пен шектеледі. Мұны сілтілік ерітінділерді, мысалы карбонаттарды қосқан кезде ескеру қажет, өйткені тұнба түзілуі мүмкін.

Бупивакаин бупренорфинмен, диаморфинмен, эпинефринмен, фентанилмен, гидроморфинмен, морфинмен, суфентанилмен үйлесімді, бірақ басқа препараттармен үйлесімсіз.

Бупивакаинді эпидуральді анестезия және жүйкелердің шеткері блокадасы үшін қолданғанда кенеттен жүректің тоқтап қалуы мен өлім қаупі бар. Жекелеген жағдайларда сәйкесінше дайындық пен емдеуге қарамастан, реанимацияға қол жеткізу қиын немесе ол мүмкін емес болып табылады.

Барлық жергілікті анестетиктер сияқты, байқаусызда тамыр ішіне енгізілген жағдайда, препараттың қандағы концентрациясының жоғары болуы мүмкіндігі салдарынан, бупивакаин ОЖЖ мен жүрек-қантамыр жүйесіне уытты әсер беруі мүмкін (вентрикулярлық аритмия, вентрикулярлық фибрилляция, кенеттен болатын жүрек-қантамыр коллапсы және өлім).

Жүйкелердің блокадасы тек жабдықталған операция бөлмесінде, тәжірибелі маманның бақылауымен ғана жүргізілуі тиіс. Жүйкелердің блокадасы кезінде жергілікті жансыздандырғышты енгізер алдында вена ішіне канюляны енгізеді. Дәрігер препаратты байқаусызда қантамыр ішіне енгізіп алмау үшін сақтық танытуы, сәйкесінше анестезия жүргізу үшін үйретуден өтуі, сондай-ақ, аурудың диагнозын және жағымсыз әсерлерінің, жүйелі уыттылығы мен басқа асқынулардың емін білуі тиіс.

Шеткері жүйкелердің ауқымды блокадасы кезінде, қанмен мол қамтылған, ірі қантамырларға іргелес жатқан орынға жергілікті анестетикті көп көлемде енгізу қажет болуы мүмкін. Ондай жағдайларда тамыр ішіне енгізілуінің және/немесе жүйелі сіңірілуінің қаупі артады, бұл препараттың қандағы концентрациясының жоғарылауына алып келуі мүмкін.

Егде жастағы, сондай-ақ денсаулығы әлсіреген, мысалы бауыр мен бүйректің үдемелі дисфункциясы бар пациенттерде, анестезия ерекше сақтықпен жүргізілуі тиіс. Ондай жағдайларда пациенттер дәрігерге өзінің барлық аурулары туралы ақпарат беруі үшін, оларға анестезияның жоғары қаупі жөнінде ескертілуі тиіс.

Егде жастағы, сондай-ақ денсаулығы әлсіз пациенттерге, пациенттің физикалық жағдайын ескере отырып препарат дозасын төмендету керек.

Жүректің ішінара немесе толық блокадасы кезінде ерекше көңіл бөлу қажет, өйткені миокардтың өткізгіштігі бәсеңдеуі мүмкін. Аритмияға қарсы III класты препараттарды (мысалы, амиодаронды) қабылдап жүрген пациенттер, жүрек қызметі асқынуларының даму қаупінің мүмкіндігіне байланысты, ЭКГ бақылауымен, дәрігердің мұқият қадғалауында болуы тиіс. Гиповолемиясы бар пациенттерде бупивакаинді тек, гиповолемияны түзеткеннен кейін ғана енгізуге болады.

Жергілікті жансыздандыратын эфир типті (прокаин, тетракаин, бензокаин және т.б) дәрілерге аллергиялық реакциясы бар пациенттерде, бупивакаин сияқты амид типті затқа айқаспалы аллергиялық реакциялар байқалмады.

Эпидуральді анестезия жүргізу кезінде гипотония мен брадикардия дамуы мүмкін. Гипотония коронарлық және цереброваскулярлық аурулары бар пациенттерде көтерімділігі нашар. Гипотонияның алдын алу үшін алдын-ала вазопрессорлық дәріні енгізеді (вена ішіне 5-10 мг эфедрин, қажет болса қайталап). Балаларға эфедринді жас шамасы мен дене салмағына сәйкес дозада қолданады.

Орталық жүйкелердің, әсіресе гиповолемия жағдайындағы спинальді және эпидуральді блокадасы, жүрек-қантамыр жүйесінің бәсеңдеуін туғызуы мүмкін. Эпидуральді анестезия жүрек жеткіліксіздігі бар пациенттерде сақтықпен жүргізілуі тиіс.

Бас пен мойын аймағындағы жергілікті жансыздандыру кезінде қолданылып отырған жергілікті анестетикке байланыссыз, жағымсыз әсерлері жиірек дамуы мүмкін. Бупивакаиннің байқаусызда артерияға енгізілуі, тіпті төмен дозалары қолданылса да, ауыр жағымсыз реакциялардың дамуын туғызуы мүмкін.

Ретробульбарлы енгізу кейде бассүйектің субарахноидальді кеңістігіне жетіп, қысқа мерзімді соқырлықты, жүрек-қантамыр коллапсын, тыныстың тоқтап қалуын, құрысуларды және б.т. туғызуы мүмкін. Бұл симптомдарына кідіртпей диагностика жүргізу және емдеу қажет.

Ретро- және перибульбарлы блокада кезінде жарақаттың және/немесе уытты әсер етуінің салдарынан, көз бұлшықетінің персистентті дисфункциясы қаупі болуы мүмкін. Ондай реакциялардың күрделілігі жарақаттың ауырлығына, жергілікті жансыздандырғыштың концентрациясы мен әсерінің ұзақтығына тәуелді. Сондықтан, басқа жергілікті жансыздандырғыштар жағдайындағы сияқты, ең препараттың төменгі тиімді концентрациясы мен дозасын қолдану қажет. Вазоконстрикторлар тіндердің реакциясын күшейтуі мүмкін, сондықтан оларды тек қажет болған жағдайда ғана пайдалану керек.

Парацервикальді блокада кейде шаранада брадикардия/тахикардия туғызуы мүмкін, сондықтан шарана жүрегінің жиырылу жиілігін мұқият бақылау қажет.

Бупивакаинді буын ішіне енгізген кезде болжалды ауқымды буынішілік зақымдану жағдайында немесе хирургиялық араласудан кейінгі ауқымды беткей ашық тұрған жағдайда сақтық таныту керек, өйткені препараттың плазмадағы концентрациясының жоғарылау қаупі бар.

Эпидуральді анестезия жүргізу кезінде гиповолемиясы бар пациенттерде кез келген себептен кенеттен болатын немесе ауыр артериялық гипотензия дамуы мүмкін.

Эпидуральді анестезия қабырғааралық бұлшықеттердің салдануын туғызуы мүмкін, ал плевра жалқығы бар пациенттер тыныс алу жеткіліксіздігінен зардап шегуі мүмкін. Сепсис операциядан кейінгі кезеңдегі интраспинальді абсцестің түзілу қаупін арттыруы мүмкін.

Жүктілік және лактация кезеңі

Бупивакаинді жүкті әйелдерге қолдануға болмайды.

Бупивакаиннің лактацияға әсер ететіндігіне дәлелдер жоқ. Емшек сүтімен болар-болмас мөлшерлерде бөлініп шығады. Бупивакаинді тағайындағанда бала емізуді тоқтату ұсынылады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Жүйкелердің ұзаққа созылған блокадалары реакция мен қимыл-қозғалыс үйлесіміне аздап әсер етеді және қимыл-қозғалыс функциясын уақытша ғана бұзады.

Бупивакаинді қолданғанда көлік құралдарын немесе қауіптілігі зор механизмдерді басқаруға болмайды.

Жүйелі уытты реакциялары, негізінен, ОЖЖ мен жүрек-қантамыр жүйесінің жұмысынан көрініс береді. Ондай реакциялар препараттың қандағы жоғары концентрациясына байланысты және байқаусызда тамыр ішіне жасалған инъекциясы кезінде, немесе дәрінің қан айналымы жақсы бөліктерден аса жылдам сіңірілуінен туындайды. ОЖЖ реакциялары барлық амид типті, ұзақ әсер ететін анестетиктерде ұқсас, ал жүрек-қантамыр жүйесі тарапынан болатын реакциялар көп дәрежеде енгізілген дәрілік заттың қасиеттеріне тәуелді болып келеді.

Жергілікті анестетиктің байқаусызда тамыр ішіне инъекциялануы қас-қағымдық (бірнеше секунд немесе минут ішінде) жүйелі уытты реакцияны туғызуы мүмкін. Артық дозаланған кезде жүйелі уыттылығы жергілікті жансыздандырғыштың қандағы концентрациясының баяу артуына байланысты, кейінірек (инъекциядан кейінгі 15-60 минут) білінеді.

Орталық жүйке жүйесі

Препараттың ОЖЖ-ға уытты әсері симптомдарының біртіндеп артуымен білінеді. Алашқы симптомдары – ауыз айналасындағы парестезия және тілдің ұюы, кереңдік, естудің өршуі, құлақтағы шуыл және көрудің нашарлауы. Күрделірек бұзылулар құрысулардың алдында пайда болатын дизартрия, бұлшықеттердің треморы түрінде көрініс береді. Бұл жағымсыз әсерлерін невроздық мінез-құлықпен шатастыруға болмайды. Ары қарай естен тану және ауқымды эпилепсия ұстамасы басталуы мүмкін, ол бірнеше секундтан бірнеше минутқа дейін созылуы мүмкін. Бұлшықеттер жұмысының күшеюіне байланысты, құрысулардан кейін гипоксия мен гиперкапния жылдам басталады, соның нәтижесінде тыныс алу қиындайды және тыныс жолдарының бітелуі туындайды. Ауыр жағдайларда тыныс алу тоқтауы мүмкін. Ацидоз, гипокалиемия және гипоксия уытты реакцияны одан сайын арттыра түседі.

Уытты реакцияның азаюы дәрілік заттың ОЖЖ-дан қайта таралу жылдамдығына, сондай-ақ оның метаболизміне тәуелді.

Жүрек-қантамыр жүйесі

Жүрек-қантамыр жүйесі тарапынан болатын уытты реакцияларды дәрілік заттың артық дозалануының ауыр жағдайларында ғана байқауға болады және әдетте, олардың алдында ОЖЖ тарапынан бұзылулар байқалады. Егер пациент тыныштандыратын дәрілік заттардың әсерінен ауыр салдануға ұшыраса немесе жалпы наркозда болса, продромальді тұрғыдан ОЖЖ симптомдары елеусіз күйі қалуы мүмкін. Уытты реакциялары гипотензия, брадикардия, аритмия түрінде білінеді, және тіпті, жүрек тоқтап қалуы мүмкін.

Емі. Жедел жүйелі уыттылығының белгілері пайда болса, жергілікті анестетиктің инъекциясын тез арада тоқтату керек.

Құрысулар жағдайында оттегі жетімділігі қамтамасыз ету, құрысуларды басу және қанайналымды демеп тұру қажет. Егер құрысулар 15-20 секунд ішінде өздігінен басылмаса, в/і 100-150 мг тиопентал немесе 5 10 мг диазепамды енгізеді.

Егер, жүрек-қантамыр жүйесінің қауіпті бәсеңдеуі (гипотензия, брадикардия) байқалса, в/і 5-10 мг эфедринді енгізеді және, қажет болған жағдайда, эфедринді енгізуді 2-3 минуттан соң қайталайды. Қанайналым тоқтап қалған жағдайда, тез арада кардиопульмонарлы реанимацияны бастайды. Ацидозды емдеу қажет.

Бупивакаиннің артық дозалануы кезінде гемодиализ тиімсіз.

Шығарылу түрі және қаптамасы

Инъекцияға арналған 5 мг/мл ерітінді.

10 мл препараттан түссіз шыныдан жасалған, сындыру сызығы немесе нүктесі бар және көк түсті екі таңбалағыш сақинасы бар ампулаға құйылған.

5 ампуладан жабыны жоқ поливинилхлоридті үлбірден жасалған, ампулаларға арналған пішінді ұяшықты қаптамаға салынған (тұғыр).

1 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салады.

25 °С-ден аспайтын температурада сақтау керек. Мұздатып қатыруға болмайды!

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші

ХБМ Фарма с.р.о. Склабинск к-сі, 30, Мартин, 036 80, Словакия

«Гриндекс» АҚ. Крустпилс к-сі, 53, Рига, LV-1057, Латвия

Қазақстан Республикасы аумағында тұтынушылардан өнім сапасына қатысты шағымдарды қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Гриндекс» АҚ өкілдігі

050010, Алматы қ., Достық даңғ., Бөгенбай батыр к-нің қиылысы, 34а/87а үй, №1 кеңсе

т./ф. 291-88-77, 291-13-84

эл. пошта: grindeks.asia.kz@mail.ru