Блемарен (Таблетки)

Жоқ

Көпіршитін таблеткалар

Көпіршитін бір таблетканың құрамында

белсенді заттар: 1197,0 мг сусыз лимон қышқылы, 835,5 мг сусыз натрий цитраты, 967,5 мг калий гидрокарбонаты

қосымша заттар: лактоза моногидраты, маннитол, натрий сахаринаты, адипин қышқылы, макрогол 6000, лимон хош иістендіргіші.

Дөңгелек пішінді, жалпақ цилиндрлі ақ немесе ақ дерлік түсті таблеткалар.

АТХ коды G04BC

Фармакокинетикасы

Сіңуі: Препараттың биожетімділігі – шамамен 100%.

Метаболизмі: реабсорбцияланған цитрат іс жүзінде толық метаболизденеді.

Шығарылуы: калий мен натрийдің тәуліктік дозасы бүйрек арқылы 24-48 сағат ішінде шығарылады. Ұзақ уақыт ем қабылдағанда калий мен натрийдің тәуліктік шығарылуы препараттың тәуліктік дозасындағы олардың мөлшеріне сәйкес келеді.

Фармакокинетикалық зерттеулер тас түзуге бейім дені сау адамдарға 22 ммоль және 44 ммоль негіздегі бір реттік дозамен жүргізілді. Қан плазмасындағы цитраттың мөлшері 45 минут ішінде елеулі жоғарылады (тиісінше, 32%-ға және 65%-ға).

Бүйрек функциясы қалыпты болған кезде калий мен натрийдің жасуша ішінде және жасушадан тыс жинақталуы жүрмейді.

Несептің рН мәнін 6,6-6,8 дейін сілтілендіру арқылы, несеп қышқылды тастарды ерітеді және түзілуіне жол бермейді (несептің рН 6,6-6,8 шамасында несеп қышқылы тұздарының еруі едәуір жоғарылайды және кальцийдің шығарылуы артады). Бұдан басқа, Блемарен кальцийдің шығарылуын төмендетеді, несепте кальций оксалатының ерігіштігін жақсартады, кристалдардың түзілуін тежейді және, демек, кальций-оксалатты тастардың түзілуіне кедергі жасайды.

• кальцийленген тастары қатар болатын немесе онсыз несеп қышқылды тастарынан зардап шегіп жүрген пациенттерде несепті сілтілендіру үшін

• кальций тастарының метафилактикасында (қайталанудың профилактикасы және/немесе қалдық фрагменттердің өсуінің профилактикасы).

Несеп қышқылды тастарынан зардап шегіп жүрген пациенттерде несепті сілтілендіру үшін

Дозаны әр адамға жекелей белгілейді. Демеуші ем үшін несептің рН 6.2-6.8 шегі шамасында болуы тиіс.

Орташа тәуліктік доза жекелей ерекшеліктеріне байланысты өзгеріп отырады және көпіршитін 3 таблетканы құрауы мүмкін. Тәуліктік дозаны күні бойы 3 қабылдауға тең етіп (мысалы, 8, 14 және 20 сағат) бөледі және тамақтан кейін қабылдайды. Егер несептің pH шамасы 6,2-ден төмен болса, препараттың дозасын арттырады. Бұл кешкі дозамен (2 таблетка), төтенше жағдайларда 3 таблеткамен түзетілуі тиіс. Егер несептің рН шамасы 6.8-ден жоғары болса, онда препарат дозасын азайтады.

Уратты тастардың хемолитолизі үшін несептің рН-ы 7.0-7.2 құрауы тиіс.

Кальций тастарымен қатар, несеп қышқылының тастарынан зардап шегіп жүрген пациенттерде кальций тұздарының метафилактикасы және несепті сілтілендіруде несептің pH 6,8-7,4 шегінде болуы тиіс.

Дозаны осы рН диапазонына жеткізу үшін әр адамға жекелей белгілейді: бұл, әдетте көпіршитін 3 таблетка. Егер қажет болса, доза арттырылуы мүмкін, бірақ көп жағдайда, жоғарыда аталған рН диапазоны шегіндегі нәтижеге қол жеткізу үшін 5 таблетка жеткілікті.

3 таблетка тәуліктік дозасын бір рет кешке қабылдануы немесе күні бойы қабылданатын бірдей 3 дозаға бөлінуі мүмкін. Препарат дозасын арттырған кезде таңертең бір таблетка, біреуін түсте, 2-3 таблетканы кешке қабылдау керек.

Блемарен таблеткасының дозасы, несептің рН оңтайлы диапазон шегінде болуы үшін, әр адамға жекелей белгіленуі тиіс.

Емдеу ұзақтығы 4 аптадан 6 айға дейін өзгеріп отырады. Препаратты қолдану тиімділігін бақылауды, әрбір бір реттік дозаны қабылдар алдында несептің рН-ын индикатор қағаздың жәрдемімен анықтау арқылы күніне 3 рет жүргізеді. Қағазда алынған түсті 2 минут ішінде шкаламен салыстырады және алынған шаманы бақылау күнтізбесіне енгізеді.

12 жастан асқан балаларға препаратты ересектерге арналған дозада тағайындайды.

Препаратты дайындау және енгізу тәртібі

Көпіршитін таблеткаларды 200 мл суда еріткеннен кейін ішке бірден қабылдаған жөн. Ұзақ араластырмаған жөн, сұйықтық аздап лайланып, бетінде ерімеген бөлшектер болуы мүмкін.

Сирек

• жүректің айнуы

• құсу

• аллергиялық реакциялар

• ісінулер (натрийдің іркілуі)

• метаболизмдік алкалоз

• метеоризм

• іштің ауыруы

• диарея

• диспепсия

Өте сирек

• кекіру

• қыжыл

• препарат компоненттеріне аса жоғары сезімталдық

• бүйрек функциясының жедел немесе созылмалы жеткіліксіздігі

• қышқыл-сілтілік тепе-теңдіктің бұзылуы (метаболизмдік алкалоз)

• мочевинаны ыдырататын микроорганизмдерден туындаған несеп шығару жолдарының инфекциялық аурулары

• несептің рН 7,0-ден жоғары

• тұзсыз диетаны қатаң сақтау (мысалы, артериялық гипертензияның ауыр түрлерінде)

• тұқым қуалайтын эпизодтық адинамия

• қан айналымының жеткіліксіздігі

• 12 жасқа дейінгі балалар

Блемаренді және құрамында цитраттар және алюминий бар препараттарды бір мезгілде қолданғанда алюминийдің сіңуі артуы мүмкін, сондықтан мұндай препараттарды Блемаренді қабылдағанға дейін және қабылдағаннан кейін кем дегенде 2 сағат аралықпен қабылдаған жөн.

Жасушадан тыс калий концентрациясын кез келген шамада арттыру жүрек гликозидтерінің әсерін бәсеңдетуі, ал керісінше сол кезде кез келген төмендету – жүрек гикозидтерінің аритмогендік әсерін күшейтуі мүмкін.

Гипертензияға қарсы кейбір дәрілік заттар (мысалы, альдостерон антагонистері, калий жинақтаушы диуретиктер, ангиотензин өзгертуші фермент (АӨФ) тежегіштері), сартандар, қабынуға қарсы стероидты емес дәрілер және анальгетиктер-антипиретиктер калийдің организмнен шығарылуын төмендетуі мүмкін.

Қолданар алдында қан плазмасындағы электролиттер деңгейін анықтау және бүйрек функциясын тексеру қажет.

Бүйрек өзекшелерінің ацидозына күдіктенген жағдайда қышқыл-негізді жағдайды (ҚНЖ) тексерген жөн.

Несеп қышқылды тастарын еріткенде емдік дозаны арттырмаған жөн, өйткені несептің сілтілік реакциясында (pH 7,0-ден жоғары) несеп қышқылды тастарындағы фосфатты тұздар шөгеді, бұл олардың әрі қарай еруіне кедергі жасайды.

Жүрек функциясының жеткіліксіздігі бар науқастарға тағайындаған кезде Блемареннің бір таблеткасында 9,7 ммоль-ге жуық (380 мг) калий бар екендігін ескеру қажет. Блемаренді ас тұзы шектелген диетадағы пациенттерге, мысалы, артериялық гипертензияда, жүрек пен бүйрек ауруларында препараттың бір таблеткасында 9,7 ммольге жуық (220 мг) натрий бар екендігін ескеру қажет.

Блемаренді бауыр функциясының ауыр бұзылулары бар науқастарға қолданғанда сақ болу қажет.

Организмде калийдің іркілуімен қатарласа жүрмейтін, бүйрек функциясының компенсацияланған түрдегі жеткіліксіздігі бар науқастарда дозалау режимін түзетудің қажеті жоқ.

Блемареннің құрамында көмірсулардың жоқ болуына байланысты, оны қант диабеті бар науқастарға тағайындауға болады (көпіршитін 1 таблеткада 0,02 НБ бар).

Блемаренмен емдеу кезінде құрамы ақуыздарға және пуринді негіздерге бай өнімдерді шектеген жөн, сондай-ақ пайдаланылатын сұйықтықтың мол мөлшерін (жүрек пен бүйрек функциясының жағдайын ескере отырып, кем дегенде 2-3 л) қамтамасыз ету керек.

Лактоза

Препараттың құрамына лактоза моногидраты кіреді. Осыған байланысты тұқым қуалайтын галактоза жақпаушылығы, Лапп лактаза тапшылығы, глюкоза галактоза мальабсорбциясы бар науқастарға тағайындауға болмайды.

Жүктілік және лактация кезеңі

Жүктілік және лактация кезеңінде Блемаренді қолданудың қауіпсіздігі жөнінде деректер жоқ, осыған байланысты препаратты осы кезеңде қолдануға болмайды.

Дәрілік заттың көлікті немесе қауіптілігі зор механизмдерді басқару қабілетіне ықпал ету ерекшеліктері

Ықпалын тигізбейді.

Симптомдары: бүйрек функциясы қалыпты болғанда метаболизмдік параметрлерге жағымсыз әсері ұсынылған дозадан тіпті көп артық дозаларда қабылдағаннан кейін де болмайды (негіздердің бүйректер арқылы шығарылуы салдарынан организмде ҚНЖ демеуші табиғи реттеуші механизм іске қосылады).

Несептегі рН ұсынылған диапазоннан астамға жоғарылауы бірнеше күннен аспауы тиіс, өйткені рН жоғары деңгейде болғанда фосфаттардың кристалдану қаупі жоғарылайды және метаболизмдік алкалоз жағдайы пайда болуы мүмкін, ол кез келген жағдайда жағымды емес.

Емі: артық дозалануды дозаны төмендету арқылы басады; қажет болғанда метаболизмдік алкалозды түзетеді.

Шығарылу түрі және қаптамасы

Полипропилен түбекте 20 таблеткадан. Жиынтығында бақылайтын күнтізбесі, индикатор қағазы бар 4 түбек медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Түбекті нығыздап жабу керек.

4 жыл

Жарамдылық мерзімі өткеннен кейін қолдануға болмайды.

Дәріханадан босатылу шарттары

Дәрігердің рецептісінсіз босатылады

Өндіруші

Эспарма ГмбХ, Билефельдер Штрассе 1, 39171 Зюльцеталь, Остерведдинген, Германия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Registrarius» ЖШС

Қазақстан, Алматы қ., А10А3Х9, 2-23А-21 шағын ауданы

Тел: +7771-888-77-11; e-mail: info@registrarius.org