БАРАСПАЗМ

БАРАСПАЗМ

Натрий метамизолы

Дәрілік түрі, дозасы

Инъекцияға арналған ерітінді 500 мг/мл

Жүйке жүйесі. Анальгетиктер. Басқа анальгетиктер және антипиретиктер. Пиразолондар. Натрий метамизолы.

АТХ коды N02BB02

• Жарақаттан немесе хирургиялық операциядан кейінгі жедел қатты ауырсыну;

• Шаншулар;

• Онкологиялық аурулардағы ауырсыну синдромы;

• Басқа емдеу көрсетілмеген кезде әртүрлі ауыр жедел немесе созылмалы ауыру;

• Басқа препараттармен емделмейтін жоғары температура.

Парентеральді енгізу энтеральді енгізу мүмкін болмаған жағдайда ғана көрсетіледі.

Қолдану басталғанға дейін қажетті мәліметтер тізбесі

Натрий метамизолын келесі жағдайларда қолдануға болмайды:

• Белсенді затқа немесе қосымша заттардың кез келгеніне жоғары сезімталдық

• Басқа пиразолондарға (мысалы, феназон, пропифеназон) немесе пиразолидиндерге (мысалы, фенилбутазон, оксифенбутазон) жоғары сезімталдық, мысалы, осы препараттардың бірін қабылдағаннан кейін дамыған анамнездегі агранулоцитозды қоса.

• Сүйек кемігінің жеткіліксіз функциясы (мысалы, цитостатикалық емнен кейін) немесе қан түзу жүйесінің аурулары.

• Бронх түйілуінің немесе басқа анафилактоидты реакциялардың (мысалы, есекжем, ринит, ангионевроздық ісіну) белгілі дамуы бар пациенттерде салицилаттар, парацетамол, диклофенак, ибупрофен, индометацин, напроксен сияқты анальгетиктерге

• Жедел ауық-ауық бауыр порфириясы (порфирия ұстамаларының пайда болу қаупі)

• Туа біткен глюкоза-6-фосфатдегидрогеназа жеткіліксіздігі (гемолиз қаупі).

• Гипотониясы немесе тұрақсыз гемодинамикасы бар пациенттерге натрий метамизолын енгізуге болмайды.

• Жүктіліктің үшінші триместрі.

Қолдану кезінде қажетті сақтық шаралары

Агранулоцитоз

Натрий метамизолынан туындаған агранулоцитоз кем дегенде бір аптаға созылатын, шығу тегі иммуноаллергиялық реакцияны білдіреді. Бұл реакциялар өте сирек кездеседі және ауыр өтеді немесе тіпті өлімге әкелуі мүмкін. Олар дозаға тәуелді емес және емдеу кезінде кез келген уақытта пайда болуы мүмкін.

Пациентке емдеуді тоқтату туралы хабарлау және нейтропенияға сәйкес келуі мүмкін мынадай белгілер немесе симптомдар: қызба, мұрынның бітелуі, тамақтың ауыруы, ауыз қуысының ойық жаралануы пайда болған жағдайда дереу дәрігерге қаралу қажет.

Нейтропения жағдайында (<1500 нейтрофил / мм3) емдеуді дереу тоқтатып, шұғыл түрде қан талдауын жасап, оны қалыпты жағдайға дейін бақылау керек.

Пантоцитопения

Панцитопения жағдайында емдеуді дереу тоқтатып, қан талдауын қалыпты жағдайға оралғанша бақылап отыру керек.

Барлық пациенттерге, егер метамизолды қабылдау кезінде гемопоэздің бұзылуын көрсететін белгілер мен симптомдар (мысалы, жалпы дімкәстік, инфекция, тұрақты қызба, көгеру, қан кету, бозару) пайда болса, дереу медициналық көмекке жүгіну ұсынылады.

Анафилаксиялық шок

Анафилаксиялық шок әдетте сезімталдығы аса жоғары науқастарда дамиды. Сондықтан демікпесі немесе атопиясы бар пациенттерге натрий метамизолын сақтықпен тағайындау керек.

Натрий метамизолын қабылдағаннан кейін анафилактоидты реакция дамыған пациенттерде басқа есірткіліе емес ауырсынуды басатын дәрі-дәрмекті қабылдағаннан кейін ұқсас реакциялар қаупі жоғары болады.

Натрий метамизолын енгізгеннен кейін анафилаксилық немесе аллергиялық реакция (мысалы, агранулоцитоз) дамыған пациенттерде басқа пиразолондарды немесе пиразолидиндерді қабылдағаннан кейін ұқсас реакциялар қаупі жоғары болады.

Анафилаксиялық / анафилактоидты реакциялар

Енгізу жолын таңдау кезінде парентеральді енгізумен байланысты анафилаксиялық / анафилактоидты реакциялардың жоғары қаупін ескеру керек.

Келесі пациенттерде ерекше сақтық қажет, өйткені оларда натрий метамизолын қабылдағаннан кейін ауыр анафилактоидты реакциялардың даму қаупі бар:

• Бронх түйілуінің немесе анальгетиктерге (мысалы, салицилаттар, парацетамол, диклофенак, ибупрофен, индометацин, напроксен) басқа анафилактоидты реакциялардың (мысалы, есекжем, ринит, ангионевроздық ісіну) даму қаупі белгілі пациенттер.

• Бронх демікпесімен ауыратын, ол әсіресе полиптерден туындаған риносинуситпен байланысты болған пациенттер.

• Созылмалы есекжеммен ауыратын науқастар

• Алкоголь жақпаушылығы бар пациенттер, яғни кейбір сусындарға, тіпті аз мөлшеріне де реакция беруі мүмкін пациенттер. Симптомдары - беттің айқын қызаруы, түшкіру және көзден жас ағу. Алкогольге жақпаушылық диагноз қойылмаған анальгетикалық демікпе синдромын көрсетуі мүмкін.

• Бояғыштар (мысалы, тартразинге) немесе консерванттар (мысалы, бензоаттарға) жақпаушылығы бар пациенттер.

Метамизоды қабылдар алдында пациенттен жекелей сауалнама алған жөн. Анафилактоидты реакциялар қаупі анықталған пациенттерде метамизол қолдануды пайда / қауіп арақатынасы негізінде бағалау керек. Мұндай жағдайларда қолданған кезде қатаң медициналық бақылау, сондай-ақ жедел жәрдемнің қолжетімді әдістері қажет.

Оқшауланған гипотензивті реакциялар:

Натрий метамизолын қолдану жеке гипотензивті реакцияларды тудыруы мүмкін. Бұл реакциялар дозаға тәуелді болуы мүмкін. Олар негізінен парентеральді енгізгеннен кейін пайда болады.

Осындай сипаттағы ауыр гипотензиялық реакцияларды болдырмау үшін:

• вена ішіне баяу инъекция жасаңыз

• көлем тапшылығы немесе сусыздану, қан айналымының тұрақсыздығы немесе қан айналымының бастапқы бұзылуы бар бұрын болған гипотониядан зардап шегетін пациенттерде гемодинамиканы қалпына келтіру.

• Температурасы жоғары пациениттерге назар аударыңыз.

Метамизолдың мұндай пациенттерге тағайындалуын аса сақтықпен бағалау керек, ал оны қолдану қатаң медициналық қадағалаумен жүргізілуі тиіс.

Гипотензиялық реакция қаупін азайту үшін қан айналымын тұрақтандыру сияқты пофилактикалық шаралар қажет болуы мүмкін. Гипотония немесе қан айналымы тұрақсыз пациенттер үшін.

Терінің ауыр реакциялары

Метамизолды қолдану кезінде тері реакциялары, Стивенс-Джонсон синдромы (SJS) және өмірге қауіпті уытты эпидермальді некролиз (NET) туралы хабарланды. Егер SJS немесе NET симптомдары немесе белгілері пайда болса (мысалы, үдемелі бөртпе, көбінесе күлдіреуікпен немесе шырышты қабықтың зақымдануымен), емдеуді дереу тоқтатып, содан соң ешқашан қолданбау керек.

Пациенттер симптомдары мен белгілері туралы хабардар болуы керек және терінің ықтимал реакцияларына, әсіресе емдеудің алғашқы бірнеше апталарында мұқият қадағалануы тиіс.

Метамизолды гемодинамикалық жүйенің мұқият мониторингі кезінде ғана пациенттерге тағайындау керек, оларда артериялық қысымының төмендеуін болдырмау керек . Бұл жүректің ауыр ишемиялық ауруы немесе миды қанмен қамтамасыз ететін қантамыр стенозы бар пациенттер.

Бүйрек немесе бауыр жеткіліксіздігі бар пациенттерде метамизолдың шығарылу жылдамдығы төмендеуіне байланысты оның жоғары дозаларын қабылдаудан аулақ болу керек.

Вена ішіне енгізуді өте баяу, минутына 1 мл-ден аспайтын жылдамдықпен, анафилаксиялық немесе анафилактоидты шоктың алғашқы белгілерінде инъекцияны тоқтатуға болатындай етіп жасау керек.

Натрий метамизолы пациентке шалқасынан жатқан қалпында, артериялық қысымды, жүректің жиырылу жиілігі мен тыныс алу жиілігін бақылай отырып, өте баяу (1 мл / мин аспайды) енгізіледі. Инъекцияны тым тез енгізу артериялық қысымның төмендеуіне әкелуі мүмкін.

Алдын ала тест (0,1–0,2 мл енгізу және пациентті 1-2 минут бойы бақылау) жалпы дозаны енгізер алдында анафилаксиялық шок қаупін төмендетуі мүмкін.

Егер қызба натрий метамизолы сияқты пиразол туындыларын қабылдағаннан кейін сақталып қалса немесе емдеу кезінде ауызда немесе жұтқыншақта терінің немесе шырышты қабықтардың ауырсынатын зақымдануы байқалса, оны дереу тоқтатып, басқа ауырсынуды басатын немесе ыстықты төмендететін дәрілерді қолданбау керек.

Бұл әдетте 2-ден 3 аптаға дейін созылады, оның барысында әсер ету ауқымы кең антибиотиктер мен антимикотиктерді беру ұсынылады.

Кейде несептің қызыл түске боялуы байқалады: бұл зиянсыз және зиянсыз метаболит: рубазон қышқылының шығарылуымен байланысты.

Басқа дәрілік препараттармен өзара әрекеттесуі

Тамақпен өзара әрекеттесуі: нақты ақпарат жоқ.

Басқа дәрілермен өзара әрекеттесуі:

• Метамизол қандағы циклоспорин концентрациясын төмендетуі мүмкін; демек қатар жүретін емдеу кезінде циклоспорин концентрациясын бақылап отыру керек.

• Метотрексатқа натрий метамизолын қосу, әсіресе егде жастағы пациенттерде метотрексаттың гематоуыттылығын күшейтуі мүмкін. Сондықтан бұл астасудан аулақ болу керек.

• Метамизол бір мезгілде қабылдау кезінде тромбоциттер агрегациясына ацетилсалицил қышқылының (аспириннің) әсерін төмендетуі мүмкін. Сондықтан бұл біріктірілімді жүрек-қантамырлар ауруларының профилактикасы үшін ацетилсалицил қышқылының төмен дозаларын қабылдайтын пациенттерде сақтықпен пайдалану керек.

• Метамизолды күніне 3 х 500 мг дозада 4 күн ішінде 6 дені сау еріктіге пероральді енгізілген зерттеу, содан кейін 5-ші күні 150 мг бупропионның бір реттік дозасы метамизолдың жартылай шығарылу кезеңін 35% арттыратынын көрсетті. Гидроксибупропион белсенді метаболитінің жартылай шығарылу кезеңі 38%-ға азайды. Сондықтан метамизол мен бупропионды бір уақытта қолданған кезде абай болу керек.

Зертханалық зерттеулермен өзара әрекеттесуі:

• Метамизол қабылдаған пациенттерде Триндер типті / Триндер реакцияларын (мысалы, сарысу креатининін, триглицеридтерді, HDL холестеринін және несеп қышқылын өлшеуге арналған тест) қолдана отырып, зертханалық тестке кедергі келтірілгені туралы хабарланды.

Арнайы ескертулер

Жүктілік немесе лактация кезінде

Жүктілік:

Метамизолды жүкті әйелдердің қолдануы туралы шектеулі мәліметтер бар.

Бірінші триместрде метамизолға ұшыраған жүкті әйелдер туралы жарияланған мәліметтерге сүйене отырып (n = 568) тератогендік немесе эмбриоуыттылық әсері туралы ешқандай дәйектер табылған жоқ. Кейбір жағдайларда, егер емдеудің басқа нұсқасы болмаса, бірінші және екінші триместрдегі метамизолдың бір реттік дозалары қолайлы болуы мүмкін. Алайда, бірінші және екінші триместрде натрий метамизолын қолдану әдетте ұсынылмайды. Үшінші триместрде қолдану фетоуыттылықпен байланысты болғандықтан (бүйрек жеткіліксіздігі және артериялық түтіктің тарылуы), жүктіліктің үшінші триместрінде метамизолды қолдануға болмайды. Үшінші триместрде натрий метамизолын байқаусызда қолданған жағдайда шарана маңы суы пен артериялық ағымды УДЗ және эхокардиография көмегімен тексеру керек.

Натрий метамизолы плаценталық бөгет арқылы өтеді.

Жануарларда натрий метамизолы репродуктивті уыттылықты тудырады, бірақ тератогенділікті тудырмайды.

Лактация:

Натрий метамизолының ыдырау өнімдері емшек сүтімен көп мөлшерде шығарылады, сондықтан емшек сүтімен қоректенетін нәресте үшін қауіпті жоққа шығаруға болмайды. Атап айтқанда, емізу кезінде метамизолды қайта пайдаланудан аулақ болу керек. Метамизолды бір рет қабылдаған жағдайда аналарға қабылдағаннан кейін 48 сағат ішінде емшек сүтін жинап, тастау ұсынылады.

Фертильділік

Натрий метамизолының ерлер мен әйелдерде фертильділікке әсері туралы деректер жоқ немесе олар шектеулі.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ұсынылған дозаларды қабылдағаннан кейін ойды жинақтау мен реакция жасау қабілетіне жағымсыз әсері белгісіз. Басқа жағынан алғанда, жоғары дозалар үшін ойды жинақтау және реакция жасау қабілеті бұзылуы мүмкін екенін ескеру қажет, демек бұл қабілеттер маңызды болған жағдайда, мысалы, көлік басқару кезінде қауіп төндіреді. Алкоголь тұтыну бұл қауіпті одан әрі арттыруы мүмкін.

Қолдану бойынша ұсынымдар

Дозалау режимі

Доза ауырсынудың немесе қызбаның ауырлығына, сондай-ақ пациенттің натрий метамизолына реакциясының сезімталдығына байланысты анықталады. Ауырсыну мен ыстықты бақылайтын ең төменгі дозаны таңдау өте маңызды.

Дене салмағының бір килограмына 8-16 мг натрий метамизолын балалар мен14 жас және одан кіші жасөспірімдерге бір рет енгізуге болады. Қызба кезінде балаларға дене салмағының әр килограмына 10 мг натрий метамизолы дозасы жеткілікті. Ересектер мен 15 жас және одан асқан жасөспірімдер (> 53 кг) бір рет 1000 мг дейін қабылдай алады.

Ең жоғары тәуліктік дозаға байланысты бір реттік доза күніне 4 ретке дейін 6-дан 8 сағатқа дейінгі аралықпен енгізілуі мүмкін.

Айқын әсерді парентеральді енгізгеннен кейін 30 минуттан кейін күтуге болады.

Гипотензия реакциясының қаупін барынша азайту үшін вена ішіне инъекцияны өте баяу енгізу керек.

Келесі кестеде дене салмағына және жасына байланысты ұсынылатын бір реттік және ең жоғары тәуліктік дозалар көрсетілген:

* Қажет болған жағдайда бір реттік дозаны 5 мл дейін (2500 мг натрий метамизолына сәйкес келеді), ал тәуліктік дозаны 10 мл дейін (5000 мг натрий метамизолына сәйкес келеді) арттыруға болады.

Халықтың ерекше топтары

Егде жастағы пациенттер, қатар жүретін аурулары бар пациенттер және креатинин клиренсі төмендеген пациенттер

Дозаны егде жастағы пациенттерде, қатар жүретін аурулары бар пациенттерде және креатинин клиренсі төмен адамдарда азайту керек, өйткені натрий метамизолы метаболизмі өнімдерінің шығарылуы ұзақ уақыт алуы мүмкін.

Бауыр және бүйрек жеткіліксіздігі

Бүйрек жеткіліксіздігі кезінде шығару жылдамдығы төмендейтін болғандықтан, бірнеше жоғары дозаларды қолданудан аулақ болу керек. Қысқа мерзімді қолдану кезінде дозаны азайту талап етілмейді. Бүгінгі күні ауыр бауыр және бүйрек жеткіліксіздігі бар пациенттерде натрий метамизолын ұзақ уақыт қолдану тәжірибесі аз.

Вена ішіне немесе бұлшықет ішіне енгізу тез әсер ету қажет болған жағдайда немесе пероральді қабылдау көрсетілмеген жағдайда ұсынылады.

Парентеральді енгізу кезінде анафилаксиялық / анафилактоидты реакциялардың жоғары қаупін ескеру керек.

Инъекцияға арналған натрий метамизолы ерітіндісін мынадай ерітінділерде ерітуге болады: 5% глюкоза ерітіндісі, физиологиялық ерітінді (0,9% NaCl) және Рингер-лактат ерітіндісі.

Ерітінділерді дайындағаннан кейін бірден енгізу керек, өйткені ерітіндінің тұрақтылығы шектеулі.

Метамизол ерітіндісін өзара әрекеттесу қаупіне байланысты басқа препараттармен бір шприцте енгізуге болмайды.

Енгізу әдісі мен жолы

Вена ішіне, бұлшықет ішіне.

Артық дозаланған жағдайда қабылдануы қажет шаралар

Жануарларға жүргізілген тәжірибелер натрий метамизолының емдік диапазоны өте кең екенін көрсетті.

Уытты доза нақты белгісіз, бірақ ол өте жоғары мәнге ие.

Белгілері мен симптомдары:

Жедел артық дозалану жағдайында мынадай реакциялар туралы хабарланды: бүйрек функциясының төмендеуі, жедел бүйрек жеткіліксіздігі (мысалы, интерстициальді нефритке байланысты) және сирек жағдайда, орталық неврологиялық симптомдар (бас айналу, ұйқышылдық, кома, құрысулар), артериялық қысымның төмендеуі (кейде шокқа дейін үдейтін), жүрек аритмиясы (тахикардия).

Өте үлкен дозаларда зиянсыз метаболитті (рубазон қышқылы) шығару несептің қызаруын туындатуы мүмкін.

Қажетті әсерлері:

Натрий метамизолының арнайы антидоты белгісіз.

Негізгі метаболитті (4-N-метиламиноантипирин) гемодиализ, гемофильтрация, гемоперфузия немесе плазманы сүзу жолымен алып тастауға болады.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Дәрілік препаратты қабылдамас бұрын дәрігермен немесе фармацевтпен кеңесіңіз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес)

Қан және лимфа жүйесінің аурулары

Сирек:

• лейкопения

Өте сирек:

• агранулоцитоз, оның ішінде өлімге әкелетін жағдайлар

• тромбоцитопения

Белгісіз:

• апластикалық анемия

• панцитопения, оның ішінде өліммен аяқталған жағдайлар.

Бұл реакциялар табиғатта иммунологиялық болып саналады және бұрын натрий метамизолын асқынусыз бірнеше рет қабылдаған пациенттерде де пайда болуы мүмкін.

Агранулоцитоздың клиникалық симптомдары:

• ауыз қуысының, жұтқыншақтың, гениталия немесе аноректальді аймақ шырышты қабығының жаралары сияқты шырышты қабықтың қабыну зақымданулары,

• болжанбайтын тұрақты және мезгіл-мезгіл қайталанатын, сепсисті білдіретін қызба,

• қалтырау,

• стенокардия,

• әлсіз лимфаденопатиямен немесе олардың болмауымен шөгу жылдамдығының қатты жоғарылауы,

• спленомегалияның болмауы,

• қалыпты гемоглобин, эритроциттер және тромбоциттер.

Емдеу тоқтатылғаннан кейін лейкоциттер 2-3 апта ішінде өздігінен қалпына келеді.

Осы кезеңде әсер ету ауқымы кең антибиотиктер мен антимикотиктерді қабылдау қажет.

Назар аударыңыз: антибиотиктерді қабылдаған пациенттерде агранулоцитоздың әдеттегі симптомдары өте аз болуы мүмкін.

Тромбоцитопенияның клиникалық симптомдары:

Теріге және шырышты қабықтарға қан кету мен петехияға бейімділіктің жоғарылауы.

Иммундық жүйенің аурулары

Сирек:

• анафилаксиялық немесе анафилактоидты реакциялар*

Өте сирек:

• «аспирин» демікпесі

Анальгетиктер жақпаушылығы бар пациенттерде демікпе ұстамалары дамуы мүмкін

Жиілігі белгісіз:

• анафилаксиялық шок *.

* Бұл реакциялар ауыр және өмірге қауіпті болуы, кейде тіпті өлімге әкелуі мүмкін. Мұндай реакциялар бұрын натрий метамизолын бірнеше рет қабылдаған пациенттерде асқынусыз пайда болуы мүмкін.

Мұндай реакциялар натрий метамизолын енгізу кезінде немесе бірнеше сағаттан кейін пайда болуы ықтимал. Әдетте олар қабылдағаннан кейінгі бірінші сағат ішінде туындайды.

Әдетте, тері мен шырышты қабықтарда әлсіз типтегі анафилаксиялық және анафилактоидты реакциялар пайда болады: қышыну, есекжем, терінің қызаруы, ісіну, күйік, ентігу және сирек, асқазан-ішек аурулары.

Бұл жеңіл реакциялар жайылған есекжем, ауыр ангионевроздық ісіну (оның ішінде көмейде), ауыр бронх түйілуі, жүрек аритмиясы, артериялық қысымының төмендеуі (кейде алдында артериялық қысымының жоғарылауы болатын) жүрек-қантамырлық шок сияқты ауыр түрлеріне дейін дамуы мүмкін.

Анальгетиктерден туындаған демікпе синдромы бар пациенттерде жақпаушылық реакциясы әдетте демікпе ұстамалары түрінде болады.

Жүрек-қантамыр жүйесі жағынан

Кейде:

• оқшауланған гипотензиялық реакциялар: Кейде қабылдау кезінде және одан кейін анафилаксиялық / анафилактоидты реакцияның басқа белгілерімен қатар жүрмейтін өтпелі және оқшауланған гипотензиялық реакциялар туындауы мүмкін; сирек жағдайларда бұл реакция артериялық қысымның қатты төмендеуімен көрінеді. Вена ішіне жылдам енгізу бұл қауіпті арттыруы мүмкін.

Белгісіз:

• Кунис синдромы

Тері және тері асты шелінің аурулары

Жиі емес:

• бекітілген жерлердегі бөртпелер

Сирек:

• бөртпе

Өте сирек:

• Стивенс-Джонсон синдромы немесе Лайелл синдромы.

Бүйрек және несеп шығару жолдарының аурулары

Өте сирек:

• бүйрек функциясының күрт нашарлауы (жедел бүйрек жеткіліксіздігі) байқалуы мүмкін, әсіресе анамнезде бүйрек аурулары бар пациенттерде, кейбір жағдайларда олигуриямен, ануриямен немесе протеинуриямен қатар жүруі мүмкін.

Белгісіз:

• бірлі-жарым жағдайларда интерстициальды нефрит пайда болуы мүмкін.

Жиі емес:

• несептің қызыл түске боялуы байқалады, рубазон қышқылы метаболитінің төмен концентрацияда болуына байланысты ықтимал.

Жалпы бұзылулар және енгізу орнындағы жағдай:

Инъекция орнында ауырсыну, сондай-ақ жергілікті реакциялар пайда болуы мүмкін.

Өте сирек:

• флебит.

Асқазан-ішек бұзылыстары:

Белгісіз:

• асқазан-ішектен қан кету туралы хабарламалар келіп түскен.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек

Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір мл препараттың құрамында

белсенді зат - натрий метамизолы, 500.0 мг,

қосымша зат-инъекцияға арналған су.

Сыртқы түрінің, иісінің, дәмінің сипаттамасы

Сарғыш түсті, көзге көрінетін механикалық қоспаларсыз, мөлдір ерітінді.

Шығарылу түрі және қаптамасы

2 мл препараттан сындыру сызығы бар күңгірт бейтарап шыныдан (гидролитикалық 1 класс) жасалған ампулаларда.

5 ампуладан поливинилхлоридті үлбірден жасалған пішінді ұяшықты қаптамаға салынады.

1 немесе 2 пішінді ұяшықты қаптаманы медициналық қолдану жөніндегі қазақ және орыс тіліндегі нұсқаулықпен бірге картон қорапшаға салады.

3 жыл

Жарамдылық мерзімі өткеннен кейін қолдануға болмайды!

25 ºС -ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«ВЕТПРОМ» АД, Болгария,

2400, Радомир қ., Отец Паисий к-сі, 26.

Тел.: +35924519300.

E-mail: office@vpharma.bg

Тіркеу куәлігінің ұстаушысы

"ДАНСОН-БГ" ООД, Болгария,

2400, Радомир қ., Отец Паисий к-сі, 26.

Тел.: +35924519300.

E-mail: info@danson.bg

Қазақстан Республикасы аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ДАНСОН-БГ» ООД Қазақстандағы өкілдігі

Мекенжайы: Қазақстан Республикасы, Алматы қ., Әйтиев к-сі 46-18.

Тел / Факс: +7 (727) 395 91 13.

Моб. тел. 24/7: +7 (701) 718 25 92,

e-mail: layka16@mail.ru